نصايح لطيفة لتظبيط عملية نوم الأطفال

لتظبيط , لطيفة , نوم , نصايح , الأطفال , عملية

نصايح لطيفة لتظبيط عملية نوم الأطفال

أحيانا كتير بنشتكي إن ولادنا مش عارفين يظبطوا مواعيد نومهم بعد إجازة الصيف وإن برغم محاولات تنيمهم بدري إلا إن الأرق بيصيبهم وبيفضلوا صاحيين كتير وده طبعا بيأثر علي مزاجهم في الإيستقاظ الصبح وبيكونوا مش شبعانين نوم.
في أطفال كتير بيكون يومهم مجهد وطويل وده بيخللي عملية الإستغراق في النوم أصعب لأن الجسم بيفرز هرمونات زي الأدرينالين اللي بتقاوم التعب والتوتر ودي بيفضل تثيرها في الدم لساعات طويلة حتي لما بيجي معاد النوم.
في المقال الملحق الدكتورة "لورا مارخام" بتعطي شوية نصايح لطيفة لتظبيط عملية نوم الأطفال بدري :-
1- تنظيم الروتين اليومي وخصوصا من بعد المدرسة:
* المجهود البدني : الأطفال بيحتاجوا يلعبوا ويعملوا مجهود بدني علي الأقل ساعة في اليوم.
* المرح والضحك : بيقللوا هرمونات التوتر والقلق في الجسم بس نحاول نتجنبهم قبل معاد النوم مباشرة عشان ميصحصحوش زيادة
* وقت الشاشات الإلكترونية: الجسم بيكون محتاج يفرز هرمون الإسترخاء "الميلاتونين" ولكن مشاهدة التلفاز أو الموبايل أو ال ipads بيمنع إفراز الهرمون مما يؤثر مباشرة علي الهدوء والنوم.
* المنبهات : سواء الكافيين أو السكر ، بيفضل تأثيرهم في الدم لفترات طويلة وايضا بيأثروا علي القدرة علي الإسترخاء ليلا.
2- نحاول نبدر معاد النوم شوية. يعني بدل ما يكون هدفنا إنهم يناموا 9 نخليها 8:30 لأنهم بيحتاجوا في سن المدرسة علي الأقل 10 ساعات نوم عشان يصحوا فايقين.
3- لو بدرنا ميعاد الإستيقاظ بالتدريج .. هنقدر نبدر ميعاد النوم.
4- نبدأ روتين ما قبل النوم بدري شوية. يعني لو هدفنا إن الولاد يناموا الساعة 8 يبقي نبدأ الروتين الساعة 7 والنور يطفي الساعة 7:30 لحد ما يستغرقوا في النوم.
5- أهمية روتين ما قبل النوم: الروتين المنتظم بيعود الجسم علي النظام وخصوصا الأطفال؛ بيرتاحوا جدا لما بيكون في روتين ثابت للمهام المطلوبة لأنهم بيبقوا عارفين يتوقعوا إيه وإمتي وبيساعد جدا علي التعاون من ناحيتهم لأنه بيكون بمثابة نظام أو اتفاق بينفز.
الروتين ممكن يشمل: العشا ثم دش دافئ ولبس البيجاما ، غسل الأسنان ، قصة في السرير علي نور هادئ ثم نطفئ النور ونقرأبعض الأذكار او القرآن بصوت هادي ثم النوم zzzzzz.
6- لو لسة الطفل مش عارف يروح في النوم ممكن تفضلي جنبه لحد ما يستغرق لأنهم بيطمنوا بوجود حد كبير جنبهم.
دي بعض النصائح العملية لتظبيط مواعيد نوم أولادنا ونتمني لهم نوما عميقا وأحلاما سعيدة

الموضوع الأصلي: نصايح لطيفة لتظبيط عملية نوم الأطفال || الكاتب: BAYALA || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات