الاطفال والتحرش الجنسي

والتحرش , الاطفال , الجنسي

الاطفال والتحرش الجنسي

[

بسم الله الرحمن الرحيم
[/إلى كل مسؤول كان اب او ام او حتى اخ واخت
سبب تسجيلي بالمنتدى عشان أنبهكم واحذركم
رجاءً لا تهملون الموضوع
احسها رساله لازم أأديها
آول شي
ما ابي اعتذر على جرائه موضوعي لانها ظاهره متفشيه من زمان
ان اذا تبون الاعتذار بعتذر عن ألمــــه ووقعه على نفس طفل طاهر
موضوعي : التحرش بـ الاطفـال
صحيح المجتمع يفرض علينا كلمه عيب او ممنوع او لا ( تفتح عيونه ) ..
لاني كل ما فاتحت اخواني الصغار بهذا الموضوع وعن اساليب ممكن ان يسويها
ردعتني أمي وقالت بصريح العباره لا تفتحين عيونهم !!
اي واحد عنده اطفال وما فاتحهم بالموضوع للحين هو اعتبره شخصياً
مذنب
ليـه ما افاتح طفلي بالموضوع وأنبهه وانا قادر اني بعد اذن الله احمي طفلي
ليه تخلي ندبه سوداء تنغص عليه حياته لا قدر الله
اذا ماتعرف او ماعندك خلفيه ممكن تسألون اخصائيين بالموضوع
او تبحث فيه بالانترنت وان شاء الله يساعدكم
ممكن نقاط بسردها الحين تكون وحده من النقاط المهمه اللي لازم تتبعها


• فاتحه بالموضوع على قد تفكيره
• كيف يتعامل في مثل هالمواقف
• كيف يحمي نفسه
• كيف يثق فيك ويصارحك باللي يصير له
• ويستأمن من العقاب
• تأبعوهم بدون ما ينتبهون عشان اي شخص تسول له نفسه يعرف ان وراه من يسأل عنه
حطو حدود من الصغر ان عورته ما احد يشوفها غيره واللي يسويها على طول يقولك

اتذكر الوالد قال لي عن موقف شخص يعلم طفله كيف يدافع عن نفسه من نعومه اظافره
صحيح ما اشوف انه اسلوب صح كـ اب وابنه وش الممكن يترتب عليها في المستقبل من عقوق وعنف

المهم قال ان الاب و طفله اغلب الوقت في ضرب وعنف
اضربك . انت رجال اضربني
والطفل يضرب , والاب يقول لا مو رجال هذي ضربه بنات
فـ يزيد الطفل شحنه من الغضب لانه شبهه بالبنت !
ويزيد قوه الضرب ويدخلون في عراك
فـ وجه ابوه من الضرب يصير احمر
و الطفل كذلك يتألم
بعد فتره صار مشاده بين الطفل وطفل اكبر منه بالعمر بالمدرسه
طبعاً الولد متعود على الدفاع عن نفسه فكان الغالب
والطفل اللي اكبر منه أكلها مسكين

الخلاصه : ما أأيده كـ اسلوب لكن كـ فكره

ما اقول علموه العنف لا علموه الدفاع عن نفسه

يعني دخله نادي كراتيه مثلاً بـ اشرافك

و خله يعرف يفكر ولا يكون اتكالي عليك
كان بنت او ولد

الولد بينخاف عليه من المحيط الخارجي اكثر
اما البنت بما ان تحركاتها محدوده بتكون اقل خوف عليها ولكن من المحيط الداخلي


بعد كذا

بقولكم موقفين صارت ( تخصني )
ومو عيب ولا حرام وانا مالي اي ذنب فيها
يعني كثير صارت لهم وينكرون لنفسهم وللمجتمع
والطامه الكبرى انها من شخصين قريبين فما بالك بـ الاغراب !
يعني ما اقول لا تثقون فيهم لكن الحرص واجب
بـ آي كان حتى لو كان اقرب قريب
طبعا ماننسى أن الشيطان يجري من بني آدم مجرى الدم
كنت بسن صغير اقل من 6 سنين توي مادخلت الابتدائي

والى الان بعد مرور السنوات وقعها في نفسي كأنها بالامس !

ولكم تتخيلون كم سنه مرررت
المره الاولى , حدث ماحدث تحت التهديد و لو احد يدري بـ اقتلك واصلا لو احد يدري ياويلك يضربونك .. ألخ
المره الثانيه , شخص أبعد ماتتخيل انه ممكن يأذي طفلك اللي يتسمى ( عم ) بسألكم مو كأنه المفروض يكون في مقام ابوي !
المهم قااومت وصرخت ,
مسكني وبالعقال ضربني ضربني ضربني ضـرب الحميـ .. ـر والمعذره على الكلمه
عشان يخفي فعلته و جوابه كانت قليله أدب ! وطفل شلون تبونه يعبر عن اللي صار !
بعيد عن الالم الجسدي وقتها , الالم النفسي آشد وأمر من اني اتكلم فيه

والى الان اعاني
فقدت الثقه في كل آدم
ليه تحط طفلك بهالمواقف وانت تقدر تداركها
مو قصه اشكي او ابي احد يتعاطف معاي بالعكس
احس انها قوه لما فتحت الموضوع وبديت اتكلم فيه
,
و هذي مشكله ممكن تحصل في اي بيت
وما اتفائل شر بالعكس الله يحفظ اطفالنا من كل شر
بقولكم شغله مهمه

دائما نسمع عن شباب وبنات مخالفين الفطره
واتوقع نسبه مو قليله فيهم تعرضو لـ التحرش
وهذا بنظري سبب قوي انهم ينحرفون

لا تتهاونون في عقاب المذنب وليس الطفل
وابلاغ الجهات المختصه لـ اي شبهه تمر عليكم
حتى يحطون حد لهـ المجرمين


واهم شي
لا تنسون تقرون الاذكار اليوميه على اطفالكم
وتحفظونهم شوي شوي
فـ سبحانه القادر على كل شي


والمعذره على الاسلوب لاني مو حابه اسويها رسميه

الموضوع الأصلي: الاطفال والتحرش الجنسي || الكاتب: ذات الشهد || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

سلمتي غااليتي
ربي احمي اطفالناا
وابعد عنهم كل مكرووه
جزيت خيرا

تحيتي

سما الريااض

أختي قمر الكوووون ..
أولآ أشكرك على موضوعك الجميل والجريء ..
وأشكرك على جرأتك في الطرح ..
كلامك عين العقل ..
لازم الصغير يتوجه من نعومة أظفاره ..
يعني لو مالقى التوجيه والنصح في مثل هالمواضيع من أهله ..
راح يعرف كل شي من الشارع وهو الخطر الدامغ ..
أختي قد بدو لي من طرحك المرارة من ماجرى لك في صغرك ..
الموضوع خطير جدآ وفي إنتشار رهيب ..
التحرش الجنسي بالأطفال للأسف في تزايد مخيف ..
أختي الغالية :
أسأل الله ان يجعل ماكتبتي شاهدآ لك يوم تلقين ربك ..
أشكرك جزيلآ على ماطرحتي ولك مني كل تحية وتقدير ..

[color="

white"][i]مشكووره سما الرياض على مرورك.. منوووره[/

i][/color]

تعبت منور يالغالي... وكلامك مليون بالميه صح..يدل ع عقليتك المنتوره

مشكوور على مرورك..اشكرك من كل قلبي

تسلم الانامل ع الطرح الرائع
ما ننحرم من جديدك وابداعك
تقبلووو مروري المتواضع