آخر 10 مشاركات
أهمية الوقت في حياة المسلم (الكاتـب : - )           »          حال السلف في رمضان (الكاتـب : - )           »          عبدالله بن مسعود (رضي الله عنه) (الكاتـب : - )           »          Tmark اناقة ومظهرادم تحكي فخامتك (الكاتـب : - )           »          Tmark لاتضع حدود لنفسك تعيقك (الكاتـب : - )           »          ◄ ... سجـــل حضــورك بأســم ولـد ... ◄ (الكاتـب : - )           »          1 (40) 13رمضان (الكاتـب : - )           »          وأشرقت الأرض بنور ربها (الكاتـب : - )           »          محاسن الصيام (الكاتـب : - )           »          الاعتصام بالله في زمن غربة الإسلام (الكاتـب : - )


العودة   منتديات كلك غلا > ۩ المنتدى الأدبي ۩ > ๑۩۞۩๑ القصص والروايات ๑۩۞۩๑

๑۩۞۩๑ القصص والروايات ๑۩۞۩๑ ۞ قصص وروايات لتمتعو بها قلوبكم وعقولكم ۞

إضافة رد
 
أدوات الموضوع انواع عرض الموضوع
#1  
قديم 04-15-2018, 06:28 PM
دلوعة القمر
همسه غلا غير متواجد حالياً
    Female
لوني المفضل Violet
 رقم العضوية : 2387
 تاريخ التسجيل : Mar 2011
 فترة الأقامة : 4746 يوم
 أخر زيارة : 07-08-2022 (05:52 AM)
 الإقامة : السعوديهــــ
 المشاركات : 1,867 [ + ]
 التقييم : 10
 معدل التقييم : همسه غلا is on a distinguished road
بيانات اضافيه [ + ]
افتراضي رواية #مشاعر_مطرطشة الموسم التانى الحلقة 32 -2




#مشاعر_مطرطشة


الموسم الثاني


الحلقة 32 - بارت 2


حنين : كل طفل كان عنده طموووح وحلم
شن كان حلم حياتك
مازن : قعد اهم شي عندي امي وخواتي وما انخليهمش
يستحقوو العبد من عبيد الله
مدام انا حي في هالدنيا
حنين : شكلها طفولتك مؤلمة كانت ,,, اسفة ياروحي
مازن : الماضي مافش منّا هرووب ياحنووو
حنين : انديرلك حاجة تاكلها يا اعيوني ولالا
مازن : خليك جنبي نبي نتفرج عليك بس
انتي عشاي وغداي ودنيتي كلّها
انتي اللي امصبرتني عالدنيّا
حنين : سمعت اختك هذكي اليوم قالت كنتُ تسكنو في اجار في العمارة اللي جنبكم صح
مازن : فعلا سبحان الله توا عندي حوش ملك باسمي


في الماضي


صاحب الشقة : اليووم تطلعوو منها لو ما دفعتوش الاجار
ام مازن : حرام عليك راجلي ماعمره قصّر امعاكم
قتلك عطيني يومين بس
يالله قاعدة انوكل في اولادي
كان مازن وقتها يلعب في كورة في الشارع
وكان وقتها يقرا الإعدادية
ركب عند ادروج العمارة مازن
سمع امّه اتعيط واتوسل لصاحب الشقة
مازن من يوم مات باته قعد تربية شوارع
وديما يسقط في المدرسة
وقعد معش امدورها
يووم يمشي يوم يهرب وهكذا
وكان معروف من طفوولته مايخافش من حد
قعد ماشي فيه اسم العقرب من صغره
مازن طربق موووسه
مازن : اووي انت عندك كلام تحكي امعايا انا
مش مع امي
لو كان باتي عايش راه شرّطك وقّطعك وحكّك علي وجك
صاحب الشقة : هيا العب بعيد انت نحكي مع امّك انا
مازن جا يبّي يضربه بالموس
مسكاته امّه
ام مازن : لالا يااعيوني الراجل يبّي حقّه ماقالش حاجة غلط
مازن : كم تبّي باهي
صاحب الشقّة : 150
مازن : خلاص بكرة اتجي تلقاهن
صاحب الشقة وهو هازي : من وين تبي اتجيبهن اذا كان امّك ماعندهش
مازن : حنِدّيَنهن عادي
صاحب الشقة : خلاص لو ماحصلتش اطلعو ابروحكم من الشقة
وطلع صاحب الشقّة
ام مازن : من وين تبي اتجيبهن يامازن
مازن : اشوية بس ياماما
وطلع يجري من الشقة ونزل من العمارة
ام مازن شافت قدّامها راجلها
نفس حركاتها نفس كلامه
نفس تصرفاته
كان في واحد معروف في منطقة الوحيشي
امتاع مخدّرات اسمه كيشمي
كيشيمي : شن تبي يابابا انت جي هنا
مازن : نبي نخدم امعاك
كيشيمي : امشي راه انكلم باتك امشي غادي
مازن : باتي ميّت
كيشيمي : امشي قتلك راه نضربك
وجا يبي يضربه كف ويلّزه وخّر مازن
وطربق موووسه وقالّه بصوووت عالي
مازن : نبي نخدم مستحق الفلووس
كيشيمي تفاجئ بشجاعة مازن
كيشيمي : خلاص تعال من بكرة وانعلمك
مازن : بس انا مستحق الفلووس ضروري
كيشمي : كم تبّي
مازن : 150 ..
كيشمي " حنعطيك 100 بس بشرط
من بكرة الصبح تقعد جنبي وامعايا
وتسمع كلامي وحنقعد نعطي فيك حقّاتك
مازن : بس نبي 150 انا
كيشمي : هاك هذينا 100 ’’ هيا امشي خلاص تعالي بكرة من الصبح
مازن خذا 100 وزعلان مزال في 50 نقصات
ركب للشقة
قال الامة حصّلت 100 بس
ام مازن : من وين جبتهن هذينا
مازن : اشوية 100 مزال 50
ام مازن : قتلك من وين جبتهن
وقعد يتهرب من السؤال
مازن : كيف حنجيبو 50 بس
ام مازن : لا عندي 50 انا توا
مازن : واو واو واو
يعني حنقعدو في الشقة
وقعد يرقص
مش حنطلعو مش حنطلعو مش حنطلعوو
طلعت نرمين وفاطمة كان يتفرجن عالرسومات
نرمين : مش حنطلعووو
فاطمة اتصفق ومش عارفة عليش
ام مازن : بس توعندي حتقولي من وين جبت الفلووس
مازن : باه باه المهم حصلنا الفلوووس
وقعد يرقص مع امّه وخواته
,,,,,,,


في الوقت الحاضر


حنين : شن قصتك انت اليووم
مازن : كني
حنين : كل مانسألك حاجة تسرح وعقلك يمشي في وادي آخر
مازن : يخطرن عليا ذكرياتي
وقعد حضنها مازن ويهدرز امعاها
,,,,,
نرمين ماسكة نقالها وسرحانة
ماكنتش متوقعه تووصل بها هكي
علاقتها مع فارس
,,,,
فارس سرحان ويفكر ويعاتب في نفسه
" غير شن درت في روحك يافارس
معقولة مش عارف تأخذ قرار في حياتك "
,,,,,
نجاح كانت في سابع نومه في حضن امّها
وكانت أمها تمسح علي شعرها
وتحكي مع روحها
"حندير المستحيل عشانك يانجووحتي
مهما درتي حتقعدي بنتي
مش حنقدر نستغنى عنك
او انخلي الناس يعرفو قصتك
صح انتي اذنبتي واكيدة نادمة علي ذنبك
لكن انتي اكبيدتي لازم نقعد امعاك
عشان تطلعي من المحنه امتاعك "
’’’


ثاني يوم الساعة 10:00 صباحا


قاعدين فارس ومازن في السوبر ماركت
مازن : شن جو الشغل الأيام هذينا
فارس : امكسدة عارف انت سيولة مافش ,, الحكاية امكسد اشوية
مازن : الحمد الله على كل حال
نصبروو وخلاص
سمع نقاله يرن
طلع احمد
مازن : صباح الخير ياغالي
احمد : أي صباح تريحت شن قتلك انا
مازن : كنك تحكي هكي عالصبح شن صار
احمد : صورتي انا وياك
حرقت كرتي الله ياسامحك وخلاص علي تسكيرة راسك
مازن : غير اشوية وسّع بالك
احمد : غير افتح الفيس شوف امنزلين صورتي وصورتك
لكن إسماعيل كان مش باين
لو كان باين راهُ انحرق وقتلوو الجماعة
مازن : غير وسّع بالك كنك درت موضوع
احمد : انت مش فاهم حاجة
عيني عينك قاعد انتعامل امعاك
مازن : مرات عبارة عن صورة وخلاص
مش حدير ضجة إعلامية
احمد : انقانك الا مسكين شكلك انت لانك
ماعندكش عالفيس لاشي
مش عارف الضرر اللي ايجيبة الفيس
مازن : تي خلاص وانت اتعيط عليّا عالصبح
راك نفختهن مش هكي خلاص
يمشوو ينحرقوو يقوولوو اللي يقولوو
واللي في عقله حاجة انجيّف امّه
احمد : المهم حيسألوك دير روحك عبيط وماتحكش أي حاجة
مازن : من يقدر يسأل العقرب علي حاجة
مافش راجل يقدر يستفسر منّي
أحمد : خلاص توا خليني كيف انلم الموضوع
" واحد امصور العقرب واحمد بدون مايفطن
لكن إسماعيل مش باين
والصورة انتشرت في علي مواقع التواصل الاجتماعي
الصورة انتشرت في لمح البصر
" رئيس مكافحة المخدرات مع اكبر تاجر قديم للمخدرات "
" الافندي أحمد والعقرب "
" انكشف السر الذي كان يخفيه رئيس مكافحة المخدرات عن الطريقة التي
كان يقبض عليها باللصووص "
" هل هناك غرفية عمليات بين الافندي احمد والعقرب "
" العقرب كان تاجر حشيش فهل الآن يعمل لصالح الشرطة "
وخبر وراء خبر علي جميع صفحات الفيس بوك
,,,,,
معاوية قاعد في مقر الحزب
فرحان قريب اطير
شاف الخبر امتاع احمد والعقرب
معاوية : الحمد الله يارب
هكي اريحوونا اشوية
كنت شاك في العقرب من الأول
غير يطلع الباشق حنشعفكم عاليووم اللي تحالفتوو في مع بعضكم
وبيناتنا الأيام حنوريكم من يطلع معاوية
" نقاله معاوية رن
قال في باله اكيدة معاذ يبي يحكيله
علي الخبر اللي منتشر
طلعت مايا
معاوية : نعم
مايا : الناس يقوولوو صباح الخير مش نعم
لما نقعد صاحبك ولازميلك في العمل قولي نعم
معاوية : صباح الخير
مايا :صباح النور
معاوية : نعم شن جو المعهد الجديد
مايا : توا عطانا الأستاذ ابكير
معاوية : ابكير اسماها
مايا : هههههههه شن باهي أستاذ قالها عالسريع
معاوية : اسماها ابريك
مايا : اوكي يانجليزي انت
معاوية : مايا قاعد في الحزب توا حنكلمك بعدين
مايا : خلاص امتى مانبي انروح حنرن عليك
معاوية : غير انتي اطلعي حتلقي وحدين يرجو فيك
تو يروّحو بيك للحووش
مايا : خلاص خلاص ابكير كمل .. خشو الطلبة للقاعة
ابكير ولا ابريك كلا واحد
معاوية : ديري بالك ع روحك
مايا : حاضر
,,,,,
فاطمة امكسدة عالفيس
شافت صفحة اسماها ديندار الوحيشي
فاطمة : قصدك هذي صفحة شوورة
خشت للصفحة قعدت تقرى في المناشير
فاطمة : حي عليا ضلمتك نحسابك سكّرت وفتت الروايات
انقاني ضلمتك في هذي
طلعوو همّا امهكرين ايميلك وممنوع من النشر في القروبات
واي ايميل اديرة جديد يسكّرووو فيه لكّي
اووو امنزل الحلقة 30 و31 من مشاعر مطرطشة
مزلت ماقريهنش حنبدا نقراهن انمشي بيهن كساد الصبح
نرمين : فاطمة فاطمة خشي علي صفحة عاجل بنغازينا بسرعة
فاطمة : كنك
نرمين : خشي صورة خونا مع خو حنين
فاطمة : حي شن هذا تعالي ياحنين تعالي ياماما شووفن
,,,,
مروان كان عند لؤي اطمن عليه وبعدها مشى شور
سوبر ماركت
مروان :شفت يالعقرب شن جايين عالفيس
مازن :شفت اها
فارس : خلاص عليك شعب ماصدّق ’’
اللي في عقله حاجة ايجينا لعندنا
حنطربقووووه
العقرب : خلّك منهم ياقوبعة ,,
مروان : لا المشكلة مش في العقرب
المشكلة في الافندي احمد حيققو امعا
مازن : الافندي احمد يعجبك حيعرف كيف يطلع منّ الموضوع هذا
نستأذنكم , تو انجيكم عندي مشوار ضروري
رد بالكم عالسوبر ماركت
فارس : اسلاحك تحتك يالعقرب
مازن وهو مبستم : كنك خايف عليا
مروان : هههههههههههه
فارس : كيف صار كم عقرب عندنا
مازن : هيّا انستو بعضكم
وطلع مازن ماشي شور المساكن
وصفّتله نجاح وين يقعد اغلب وقته رمضان
,,,,
احمد قاعد في المكتب
جا تليفون من الوزارة الداخلية
وقالّه اتبرر موقف
واتقول هالكلام صح ولا غلط
مانبّووش المندسين والخونة يستغلو الموضوع
ويحرضووو الشارع علينا ’’
,,,,,


بعد مرور ساعة


كان امكسد رمضان عند محل ملابس شبابية امتاع صاحبة
نزل عليه مازن
لانّ يعرف شكله
كانت نجاح عندها جميع المعلومات بالصور
مازن : السلام عليكم
رمضان : وعليكم السلام
مازن : ممكن دقيقة من وقتك
رمضان : تفضل
مازن : لا مايصيرش شي هنا
نبو مكان احسن من هنا
رمضان : انت من قبل
,,,


في الماضي " منذ يوم "


مازن : باهي تعرفي أسماء أصحابه
نجاح : اها
مازن : نبيك اتقوليلي اسم واحد يقعد رفيقة واجد واجد
نجاح : وليد
مازن : تمام بكل


في الوقت الحاضر


مازن : مش انت رمضان ,, انا عم وليد
ونبي نستفسر منك علي حاجة
رمضان : اووو وليد طيري ورفيقي مايهمك شي
وركب رمضان مع مازن ومشى بي شور بوعطني جوّا عند المزارع
رمضان : شغلتني شن فيه كنّا وليد
مازن : انا ولد عمّة نجاح
رمضان جا يبي ينزل من السيارة ويجري
مسك يدّه مازن
وحرّك راسه مازن وهو مبستم
مازن : خلينا نحكو بالتفاهم والأسلوب احسن
لانك لو ماتبش تحكش بأسلوب حنتسعمل امعاك
الطريقة الثانية
وانا ما انحبّش نستعملها
مزلت نبيك ونبي نكسبك
رمضان : كيف
مازن : قصدي نقدر انجيفك بطلقة في راسك ونعزقك هنا
وكان الله ويبقى الله
لانك مش راجل وفاسد خرّبت بنت الناس
واتهدد فيها وكل مرة تستغل فيها
لذالك خلينا نحكو بهدووء وتفاهم
رمضان : حاضر ,, شن تبّي من الآخر بما انّك
من طرف نجاح
مازن : انت البنت مزلت تبيها ولا لا
يعني اتحبها صح
ولا نفس أي ذئب بشري جعان
يهتك في ستر بنات الناس
ويفووتها
رمضان : لا مانبيهش خلاص
مازن : خلاص هههههه
نلعبوو نحنا
رمضان : كنك تضحك
مازن : انت حتزوّجها سواء تبي او ماتبّش
يعني غصبن عنّك حتاخذها
رمضان : مانش واخذها ولو صار اللي صار
مازن طلّع اسلاحه وحطّة علي راسه
مازن : مش ابجوك هيا اتخرب بنات الناس
واتقول مانش واخذها
حتاخذها وتستر عليها
وبعدها طلّقها عادي
نفس أي اثنين ازوجو وتفارقووو
رمضان : شن طلّقها يعني نصرف مصاريف فرح واندير
وبعدها حنطلّقها
مازن : من ناحية الفرح والمصاريف متخافش
حنديرو سكّوتي انا نبيك تستر البنت بس
مش حنديرو أي ضجة إعلامية
عالبنت وكأنك حبيبها وتبيّها
وانا حنساعدك نبوو نستر علي بنت الناس بس
رمضان : انقانك فووتني انا معش نبيّها بالجو
مازن : باهي البنت اللي فسدتها انت
شن وضعها توا
تنحرق خلاص
ترضي بالواقع
ترضى لكلام الناس
وانت تطلع كيف السلام عليكم
للعلم فقط لو الموضوع يوصل لمروان
احتمال يخطفك ويقتلك
رمضان :بس انا مابنّهش بجديات
مازن : حنخليك اتفكر علي راحتك
انّك ماتبّهش ,, هذي فكنّي منها وطلّعها من راسك
لكن راجي نبي انسمّعك حاجة
ولّع النقّال وكان داير تسجيل
مازن : يعني انتي تبيه ولا ماتبش
نجاح : اها نبيه
مازن : لو قالك نبي نزوجك عادي
نجاج : اكيدة عادي
رمضان : من هذي
مازن : معقولة ماعرفتش صوتها كنت تحكي امعاها يوميّا
من غيرها نجاح هذي
رمضان : بس انا مش حنقبل بيها وسامحني واجد
مازن : خليك فكّر علي راحتك
ومتخافش مش حنرجى منّك تليفون
انا نقدر انجيبك
عندي كل معلومة عليك بالتفصيل
عقلك في راسك وشووف جوّك
وجنتله منّي حنشيلك لعند وين ماخذيتك
رمضان : المهم خليها في بالك
راني مش خايف حتى لو كان عندك مسدس
مازن وهو مبتسم : انت اللي خليها في بالك
راك مزال ماشفتش وجه العقرب الحقيقي
وربّي يفكك من شرّي
وشاله العقرب لعن وين ماخذا
,,,,
الصفحة الرسمية لمكافحة المخدرات في بنغازي عالفيس بوك
نزّلت منشور انّ صورة كانت حقيقية
والعقرب حاليا مبتعد علي أجواء القديمة
ويعتبر قريب الافندي أحمد " نسيبه "
واللقاء في الكافيه عبارة عن لقاء ودي عائلي
ولايوجد أي تعامل بين مكافحة المخدرات و الشخص الملقب بالعقرب
,,,,
صاحب رمضان : عرفت من هذا اللي نزّلك من السيارة
رمضان : من
صاحب رمضان : تستعبط انت ,, غير توا رايح طالق اللحية بس واجد
رمضان : باهي من
صاحب رمضان : هذا كان معروف باسم العقرب في الوحيشي
وكانت كلها اتخاف منّا لكن توا قالوو قعد في حاله
وفايت الجو كلّه
رمضان : اها ,,
صاحب رمضان : كنّا شن يبّي
رمضان : لا استفسر منّي في حاجة بس
,,,,,
مروان : سالني عليك لؤي اليوم في العيادة
فارس : تو نزرق عليه بعد العصر
مروان : حتّى هذا راي
,,,,,,


الساعة 2:00 ظهرا


مايا : غريبة جوّك رايق اليووم
معاوية : فر فر فر فر حااااااااااان
في حاجة خاطري فيها وصار منها
مايا : شن فرّحنا امعاك عشان انقولك حتى انا شن اللي فرّحني اليوم
معاوية : حاجة شور الحزب مش شورك
" هو كان فرحان عشان احمد انكشف قدام الناس
والكلام اللي قالو عالفيس ماخشش راسه "
مايا : حنقولك اناعليش فرحانة ,, اليوم تعرفت علي طير جديد في المعهد
معاوية : طير جديد كيف ؟؟؟؟؟
مايا : يعني معجب
معاوية باستهزاء : شن شن
مايا : واو طلعت اتغيير عليا
يانعليا وخلاص
ولد الهاي يغار عليا
معاوية : مجنووونة ,, من بكرة تبدي اطيّبي في الغداء
مايا : والله شن رايك بالمرة انضفلك الشقة وخلاص
معاوية : ههههههههههههههههه
,,,,,,,
حنين : شن قصتك انت وأحمد
جميع صفحات الفيس يحكو عليكم
مازن : كبّارين اشورّخ بس
حنين : انشغلت عليكم بس
مازن حط يدّه علي بطن حنين
مازن : شن مافش حاجة هكي ولا هكي
حنين : قاعدين نرجو الفرج من ربّي
مازن : مهناك الا كل خير
حنين : نسالك شن جو فارس
مازن : اكويس قاعد ماسك السوبر ماركت هو ومروان
معش قعدنا كيف قبل انهدرزو واجد
اللي هذا غاطس في شغله
بس عليش تسألي
حنين : حنقولك بس ماتطلعش منّك
مازن : شن
حنين : رايح هو ونرمين علاقتهم مش نفس قبل
ورايحيين مش تمام
مازن : الله اعلم توا كيف علمتها منّك
لكن مافش حاجة باينه عليّا انا
,,,,,,
فاطمة اتهدرز مع لؤي عالواتس
فاطمة : شن جو اكراعك اليوم
لؤي : الحمد الله اكويس بكرة دايريلي خروج
فاطمة : باهي تمام ربي يدووم عليك الصحة
لؤي : الحق مروان ديما جنبي وفارس مرة مرة ايجي
لكن العقرب كل اشوية يرن يقولي نقصتك حاجة
فاطمة : تستاهل كل خير يا اعيوووني ,, تغذيت ولا مزال
لؤي : اشوية اخرة نتغدي تامي
,,,,,,
سهام : كنك صايرة فيك حالة تغدى
احمد : عليك يووم امزاط ماحوتك كيف مشى
كل مرة ران عليّا واحد يسال
مرة صحافة مرة قناة مرة راديوو
عليك يوووووم
الحمد الله عدّى علي خير
سهام : الحمد الله ,, هيا تغدى تغدى
روان : كول يابابا هيّا
,,,,,,
معاوية : نسألك بعد خطرها
مايا : نعم
معاوية : عارفة اسمه الكوافيرة اللي كانت تخدم فيه امّك
وفي أي منطقة كانت تخدم
مايا : عارفة عليش
معاوية : مرات حتكوون سبب
نعرفوو اختك وين


يتبع ,,,,


كلمات البحث

العاب ، برامج ، سيارات ، هاكات ، استايلات





v,hdm #lahuv_l'v'am hgl,sl hgjhkn hgpgrm 32 -2 hgl,sl hgjhkn hgpgrm




 توقيع : همسه غلا

تستطيع أن ترى الصورة بحجمها الطبيعي بعد الضغط عليها

رد مع اقتباس

أخر 5 مشاركات همسه غلا
المواضيع المنتدى المشارك الاخير الردود المشاهدة آخر مشاركة
وصفة شوربة تورتيلا الدجاج بالفلفل الحار السهل ๑۩۞۩๑ فنون الطبخ ๑۩۞۩๑ 1 3024 04-12-2022 04:32 PM
أفضل مقبلات 30 وصفه حصريه ๑۩۞۩๑ فنون الطبخ ๑۩۞۩๑ 0 1745 08-24-2021 04:19 AM
طريقة عمل الكيك الأسمر ๑۩۞۩๑ فنون الطبخ ๑۩۞۩๑ 0 1144 02-07-2019 10:34 PM
الدجاج بدبس الرمان ๑۩۞۩๑ فنون الطبخ ๑۩۞۩๑ 0 1027 02-07-2019 10:32 PM
عمل البرجر في المنزل من اللف للياء ๑۩۞۩๑ فنون الطبخ ๑۩۞۩๑ 0 1065 02-07-2019 10:29 PM

قديم 04-15-2018, 10:40 PM   #2


الصورة الرمزية مزاجـيه
مزاجـيه غير متواجد حالياً

بيانات اضافيه [ + ]
 رقم العضوية : 43
 تاريخ التسجيل :  Dec 2008
 أخر زيارة : 09-30-2023 (09:04 AM)
 المشاركات : 3,325 [ + ]
 التقييم :  25
لوني المفضل : Cadetblue
افتراضي رد: رواية #مشاعر_مطرطشة الموسم التانى الحلقة 32 -2



الله يعطيك العافية
ولا تحرمنا من مواضيعك


 
 توقيع : مزاجـيه



رد مع اقتباس
إضافة رد

مواقع النشر (المفضلة)

الكلمات الدلالية (Tags)
#مشاعر_مطرطشة, الموسم, التانى, الحلقة, رواية


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
رواية #مشاعر_مطرطشة الموسم التانى الحلقة 25 همسه غلا ๑۩۞۩๑ القصص والروايات ๑۩۞۩๑ 1 04-15-2018 11:40 PM
رواية #مشاعر_مطرطشة الموسم التانى الحلقة 26 همسه غلا ๑۩۞۩๑ القصص والروايات ๑۩۞۩๑ 1 04-15-2018 11:32 PM
رواية #مشاعر_مطرطشة الموسم التانى الحلقة 27 همسه غلا ๑۩۞۩๑ القصص والروايات ๑۩۞۩๑ 1 04-15-2018 11:32 PM
رواية #مشاعر_مطرطشة الموسم التانى الحلقة 28 همسه غلا ๑۩۞۩๑ القصص والروايات ๑۩۞۩๑ 1 04-15-2018 11:31 PM
رواية #مشاعر_مطرطشة الموسم التانى الحلقة 29 همسه غلا ๑۩۞۩๑ القصص والروايات ๑۩۞۩๑ 2 04-15-2018 10:43 PM


All times are GMT +3. The time now is 12:51 AM.


Powered by vBulletin® Version 3.8.9
Copyright ©2000 - 2024, vBulletin Solutions, Inc.
adv helm by : llssll
new notificatio by 9adq_ala7sas
دعم وتطوير نواف ا
This Forum used Arshfny Mod by islam servant