قصيدة / جتني رسالة....لكنها رسالة من نوع آخر ..

آخر , من , نوع , جتني , رسالة , رسالةلكنها , or , قصيدة

قصيدة / جتني رسالة....لكنها رسالة من نوع آخر ..

––––•(-•جتني رسالتها •-)•––––
السلام عليكم ورحمة الله وبركاته
القصه هذي حقيقيه وحبيت يا اخواني ويا اعضاء كلك غلا اني احطها هنا بالمنتدى .
قصة حمود الشمري جته رساله من اخته الي ما شافها من عشرين سنه ورد عليها بقصيده ..
(الرساله )
(وهي على فراش الموت)
هي عبارات ..
" لا "
" ياخوي "
بيفرحك خبر موتي وانت ماشفتني من سنين ؟
قاطعتني عشان كلام الناس أو بسبب كلام الناس أو بسبب أرض ودنيا دنيئة
أو لأي سبب !!
ونسيت أيام طفولتنا مع بعض !
يوم كنت أنام في حضنك .. وتشوف سعادة دنياك في سعادتي
يوم كنت تقدمني في طلباتي على نفسك وعيالك .. وحتى زوجتك !
يوم كنا نتقاسم " حلاوة " أبوي اللي يجيبها لنا وهو جاي من الدوام !
نسيت يوم كنت تمرض واجلس جنبك افرك بيدي مدري وش اسوي عشانك ..
ويوم كنت أمرض وتسرع بي للمستشفى
تخاف علي من إحساسي بالألم ..
" واليوم أنت كل الألم .
آآآآآهـ يا " أخوي .
كيف قلبك وسع كل هالكون والناس اللي فيه من عدو وصديق
و" ضاق " على أختك وزوجها وعيالها !!
وش أقول لعيالي وهم يسألوني عنك !
أقول " خالكم " مايبيكم ولا يبي شوفكم !
كيف أقولها وانا حضنت عيالك في حجري وياكثر ما ناموا على يدي
واليوم " تطرد " عيالي من دنياك وهم يدورون عليك !
ياخوي
وش حال قلب أبوي وأمي وهم يشوفون تقاطعنا كذا !
وش حال قلبك لو شفت عيالك متقاطعين قدام عيونك
وأنت تضرب بيد على يد من قلة الحيلة وكلك أسف ..
ياخوي
عجز الكلام

(فكتب القصيده رد عليها )

جتني وقريتها بإحساس قلبـي وروحـي

قريتها وانهدّت قصـور وصـروح ××× وأنا من أول عالياتـن صروحـي

تشكي تقول القلب يا حمود مجروح ××× ما تدري اني غايراتـن جروحـي

تهلّ دمع وترفع الصـوت بالنـوح ××× واللـي فقـد غاليـه لازم ينوحـي

ما كلّمتني يمكن الصـوت مبحـوح ××× من النوح وإلا ما استطاعت تبوحي

جتني رسالتها بها دموع وجـروح ××× وانهَد باسباب الرسالـة طموحـي

تقول ياحمود الزمن صار مفضـوح ××× والشيب فيني لو تشوفـه يلوحـي

يا بو علي مالي بالأغراب مصلوح ××× مادام قلب اللـي نحبـه شحوحـي

ودّي بشوفك دام الأعمار بفسـوح ××× قبل الرحم يا خوي منـا يروحـي

زلّ الزمان اللي به أفراح ومـزوح ××× أنخـاك تكفـى لا تظنّـه مزوحـي

وبعد الرسالة صار بالقلب ذابـوح ××× طار المنام وصار فكـري يشوحـي

أختي رسالتها لها القلـب مفتـوح ××× كلّي لها والقلب ينصـت ويوحـي

أقولها ودموع عينـي لهـا فـوح ××× وسط المحاجر دمع عيني يفوحـي

أجاوب الورقا على عالـي الـدّوح ××× وأنوح من فرقا الرفيق السموحـي

والله لو إني وسط الأطباق مذبـوح ××× لأظهر كما خطو الحصان الجموحي

وأقول يا عين المها ما بها شروح ××× لو تطلبين عفوا ,,, تفـداك روحـي

القصيدة اولاً بصوت الشاعر / حمود
وايضاً بصوت المنشد / أبو يزيد

الموضوع الأصلي: قصيدة / جتني رسالة....لكنها رسالة من نوع آخر .. || الكاتب: يوسفية الملامح || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

قصه وقصيده مؤثر جداا
تسلم ايدك ويعطيك الف عافيه ياارب
ماننحرم من طرحك المميز
لكي ودي

قصة وقصيدة مؤثره جداً..
الله لايجيب قطيعة الرحم ..
احلى ما في الدنياء صلاة الرحم..
وشلون لو كان الرحم اختك او اخوك..
يعطيك العافية والله لايحرمنا من جديدك...

كلمات رااائعه
واحرف جميله
وهذا هو حال الزمان ,,
.
يوسفيه
لك كل الشكر على روعه طرحك
لاحرمنا الخالق منك
.
تقبلي مروري

يوم كنا نتقاسم " حلاوة " أبوي اللي يجيبها لنا وهو جاي من الدوام !
الله من الذكريااات



قصيده راائعه

عندي بالجوال بس صووت
مرة حلوه
ومؤثرة

تحياتي

قصيده رائعه ومؤثره
وفيها من الشجن
والاسى الشئ الكثير
الله يعطيكي العافيه
على النقل
تقبلي منى اجمل تحيه
واجمل تقدير ..

نسيت يوم كنت تمرض واجلس جنبك افرك بيدي مدري وش اسوي عشانك ..


يـــوســفــيـة الــمــلامـــح..

لك مني تحيه محملة بباقات من الزهور

تفوح بروائح العطور تصلك مع نسمات

الليل الهادئة عبر أثير القلوب الدافئة النابضة

بالمحبة الصافية

مع جز يل الشكر والتقدير

النزف الراقي والمميز

دمتي بحفظ الرحمن

تقبلي مروري البسيط ،،