علامات الأضطراب النفسي و التوتر و القلق الشديد عند الأطفال

الأضطراب , الأطفال , النفسي , التوتر , الشديد , القلق , علامات , عند

علامات الأضطراب النفسي و التوتر و القلق الشديد عند الأطفال

من أشهر علامات الأضطراب النفسي و التوتر و القلق الشديد عند الأطفال #مص_الإصبع و #قرقضة_الضوافر دايماً الطفل بيلجأ لحاجة من دول لما بيتعرض لأي موقف يتسببله في ضغط نفسي سواء احساسه بالغيرة او احساسه بالحرمان العاطفي اللي هو عدم إشباع احتياجاته النفسية و افتقاد احساس الحب و الحنان من الأم و الأب .
و ممكن كمان يكون بسبب عدم إشباع احتياجاته الحركية او كبت رغباته .
و الأهم من ده كله طريقة تعاملنا مع الطفل في المواقف المختلفة في حياتنا اليومية .....
( بنزعق ، بنضرب ، بنهين ، بنبص بقرف ، بنتجاهل ، بنهتم ب بيبي جديد .... و حاجات تانية كتير بنعملها من غير ما ناخد بالنا و بنعتقد انها بسيطة بس في الحقيقة هي تأثيرها السلبي كبير .
مهم ناخد بالنا من نفسنا و نقيم طريقتنا في كل حاجة بنعملها مع اولادنا و نفكر في تأثير كل تصرف قبل ما نقوم بيه .
*احتياج اولادنا للأمان النفسي بنفس قيمة احتياجهم للأكل و الشرب و النوم*
ايه اللي ممكن نعمله علشان نوقف حاجة زي كدة لو بتحصل !
- لازم نوفر لأولادنا الأمان النفسي و نحسسهم طول الوقت بالحب و الحنان و العطف و نشبع جميع احتياجاتهم .
- نحاول علي قد ما نقدر نعدل اسلوب معاملتنا معاهم و نوقف اي اسلوب سلبي بيسببلهم إيذاء نفسي .
- نتجاهل الموضوع و منبالغش في التعليق عليه و نحاول نوجه الطفل بكل هدوء او نشتت انتباهه و نكلفه بمهمة مفيدة تشغله .
- نشغل الطفل معظم الوقت بأنشطة مفيدة و خصوصاً اللي بيستخدم فيها أيديه زي اللعب بالصلصال و القص و اللزق و ألعاب الفك و التركيب و الليجو و البازل .
- كل ما نزود احساس الطفل بالأمان ، كل ما هنقلل رغبته في انه يعمل كدة ...
لو بصينا للموضوع هنلاقي ان مفيش طفل بيعمل كدة إلا و هو قاعد فاضي أو زهقان او متضايق او حاسس بأي احساس سلبي فساعتها بيدور علي حاجة تشغله او علي الأقل تحسسه بأرتياح !
( أشبعوا جميع احتياجات اولادكم النفسية و المعنوية علشان ميتحولوش لمتسولين حب و حنان و عطف من برة ، كل ما نٌشبعهم في البيت كل ما ثقتهم في نفسهم هتزيد )

الموضوع الأصلي: علامات الأضطراب النفسي و التوتر و القلق الشديد عند الأطفال || الكاتب: ذابحني غلاك || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

أبدعـت ...
سلمت يمينكـ ..
ودي لكـ ..‏‎‎
دمت بحفظ الرحمن