اعلانات منتديات كلك غلا

اسعد الله مسائكم بكل خير .. تجار وتاجرات ومستثمرين كلك غلا الكرام .. الرجاء وضع مواضيعكم الاعلانيه في قسمها المناسب .. اختكم فجر العمر كلمة الإدارة

الموقع بحاجه الى اداريين و مراقبين عوام ومشرفين من اراد الانضمام لطاقم الاداره والاشرف عليه التواصل مع الاداره كلمة الإدارة

آخر 10 مشاركات
مطلوب لشركة بالرياض موظفات برواتب مجزيه (الكاتـب : - )           »          ماسك لتفتيح البشرة من مطبخك (الكاتـب : - )           »          اضافة VBulletin WYSIWYG لمتصفح جوجل كروم لحل مشكلة عملية النسخ واللصق بالمنتديات (الكاتـب : - )           »          طريقة اضافة ايموشن "ردود الفعل" اسفل مشاركات المنتدى (الكاتـب : - )           »          أطلقت هواوي نظام تشغيل موزّع جديد، HarmonyOS (الكاتـب : - )           »          إندومي صحي (الكاتـب : - )           »          كن انت (الكاتـب : - )           »          بالخطوات.. كيف تعالج تلك الثغرة الخطيرة في هواتف آيفون (الكاتـب : - )           »          جوجل تتخلى عن الحلوى.. وتجهز مفاجأة مدوية بعد أيام (الكاتـب : - )           »          الكشمير في جمال ديكور منزلك (الكاتـب : - )


     
 
العودة   منتديات كلك غلا > ۩ المنتدى الأدبي ۩ > ๑۩۞۩๑ القصص والروايات ๑۩۞۩๑ > كلك غـــلآ_ للروايات الطويلة
 
     

إضافة رد
 
أدوات الموضوع انواع عرض الموضوع
قديم 03-14-2012, 09:30 PM   #11


ضجة مشاعر ~ غير متواجد حالياً

بيانات اضافيه [ + ]
 رقم العضوية : 2695
 تاريخ التسجيل :  Jul 2011
 أخر زيارة : 10-08-2013 (02:47 PM)
 المشاركات : 3,111 [ + ]
 التقييم :  201
 الدولهـ
Saudi Arabia
 الجنس ~
Female
لوني المفضل : Black
افتراضي رد: لا تخليني على الدنيا وحيد~||من تأليفي||~



تفضلو حبايبي ذا الجزء الثاني من روايتي
اتمنى لكم قراءة ممتعه
الجزء الثاني
ماجد ما قدر يمنع نفسه وع طول تقدم لهم وحملها من بينهم وهو يبعد يد خالها عنها ويقول:ما بتجبرونها ع شي ما تبيه وخرو من قدامي بسرعه
دفهم ومشى للباب وخرجو وركبو السياره واتجهو للفندق
خالها كان يبيها عشان يقول ما يصير تجلس ببيت وحدها وما معاها غير ولد مراهق يمكن يغلط ويتهور
اما هي ما تبيهم عشانها تخاف من مراد
ريهام كانت طول الطريق وهي بحضن ماجد وتبكي وتقول:ماعاد ابي اروح عندهم ما ابيهم
وماجد يهديها ويقول:بس رهوم ما راح ياخذونك غصب عنك ما حد يقدر يجبرك ع شي ما تبينه
ريهام مع البكى دخلت بنومها وهي بحضنه وهو ضل حاضنها لين وصلو الفندق ونزلو وماجد حامل ريهام بين يدينه وهي ناايمه دخلو الجناح وحطها ع سريره عشان إذا قامت ما تكون قريبه من الشباك وتخاف من السيارات وهو راح وانسدح ع سريرها اما امه وابوه راحو ونامو بغرفتهم وهو صار لاف وجهه جهة ريهام الي ناايمه ببرائه وخصل شعرها متناثره ع وجهها
قام لا عندها وجلس جنبها ومسح ع راسها بحنان وصار يقرى عليها اذكار النوم وهي مو حااسه فيه
بعد ما قرى عليها رجع لسريره وانسدح وناااااااااام
قامت ريهام في الصباح وشافت عمتها وهي ترتب الاغراض وعرفت انهم بيمشون جلست وشالت اللحاف من فوقها ولفت تبي تشوف ماجد ولقيته باقي نااايم قامت ودخلت الحمام وغسلت وجهها وخرجت جلست جنب عمها الي كان يفطر وصارت تاكل معاه وهو يقرب لها ويأكلها بحنان
ريهام لفت وقالت:عمو بنسافر
عمها وهو مبتسم لها بحنان:إيه حبيبتي
ريهام:لااا ما تمشينا كثير
عمها:تبينا نجلس
ريهام بفرح:إيه
عمها:أوكي نجلس لين ما تقولين يلا نسافر
ريهام ابتسمت برضى وكملت اكلها
قام ماجد وراح للحمام غسل وجهه وخرج وهو يقول لأمه:وين ريهام؟
امه:تفطر مع ابوك
ماجد خرج وشافها جالسه وتفطر وجلس يفطر معاهم بعدها قال:يبه متى بنمشي
ابوه:متى ما تقول ريهام
ماجد ابتسم لريهام وقال:زين لا تقولين إلا اذا لفينا ينبع كلها
ريهام:هههههههههههه طيب
*******
مرت الايام والسنوات وريهام عايشه ببيت عمها مع ماجد
الحين صار عمرها 16 سنه يعني اول ثانوي
وماجد صار عمره21 سنه ومتوضف بشركة ابووه
هي باقي ع نفس حالها ما تستغني عن ماجد ابد ماجد يوديها المدرسه وماجد يرجعها وماجد يفهمها إذا ما فهمت وكل شي ماجد
كانت جالسه بغرفتها ع النت وتفرفر شوي جا ع بالها سؤال وقالت:يا ربيي كم عمر ماجد
شوي قفلت الاب وقامت وهو كان جالس بالصاله وع طول نادت:مااااااااااااااجد
ماجد:هلاااااا
ريهام وهي تنزل بسرعه وتوقف قدامه:كم عمرك
ماجد:21 سنه ليش
ريهام:واو هههههههه
ماجد:شفيك
ريهام:ههههههه ما فيني شي خلاص
اعطته ضهرها وهي تقول بخاطرها:واو والله ماجد كبر مرره آخ يعني لازم يصير بيني وبينه حدود لأنه مو اخوي اوف
جلست بغرفتها ع سريرها وحضنت مخدتها وصارت تفكر وتقول:طيب هو حنون وطيب معاي واكيد يعتبرني مثل اخته وانا اعتبره مثل اخوي
شوي قطع تفكيرها صوت ماجد وهو يناديها ويقول:رهووووووووووووووووووووووووووووم
ريهام:همممممممممممممممممممم
ماجد:تعالي بسرعه
جات عنده وقالت:همممم
ماجد:طفشاان
ريهام:اممم طيب؟
ماجد وهو يسحب يدها:قومي البسي ونروح نتمشى
هذا الي يسويه ماجد كل ما طفش ياخذها ويروحون يلفون جده كلها ويفلونها بالضحك والخبال والسوالف
بس هالمره ريهام ما تدري ليش مو متحمسه زي كل مرة تحس انها كبرت وهو بعد كبر لازم يكون بينهم حدود لأنو هي مو اخته
ماجد حس فيها وقال:شفيك ماتبين
ريهام:لاماجد بس
ماجد تضايق وقال بخاطره:لاتقولين لازم يكون بيننا حدود لا انا وحدي بالهبيت مع امي وابوي وانتي معاي والله مو مسوي شي غلط بس طفشان
ريهام ما حبت تبين له انها متضايقه وقالت:أوكي يلا
فرح ماجد وقام وهو يقول بروح البس وانتي بعد روحي بسرعه
راحت ريهام ودخلت غرفتها وقفلت عليها واستنده ع الباب وهي تقول بخاطرها:أوف وش هالإحساس الي احس فيه ياربيي هو مثل اخوي ليش اتضايق
فتحت دولابها وخرجت لها لبس ولبسته واخذت عبايتها وخرجت من الغرفه وهي تلبسها وشوي يخرج ماجد من غرفته المقابله لغرفتها وهو يزبط البلوزه ويقول:يلا
ريهام:يلا
راح لأمه الي كانت بالصاله وقال لها:يمه بنروح نتمشى تبين شي
امه:لا حبيبي انتبهو ع نفوسكم
ماجد:طيب يمه
خرجو وهو فرحااان حيل ركبو السياره وانطلقو يلفلفون
ماجد سرح وهو يفكر بريهام وخوفها من السيارات الكبيره وطول ماهم بالتمشيه يحاول يتحاشى الوقوف جنب أي شاحنه
شوي لف وطالع فيها وهي مسرحه وقال:رهوم
ريهام لفت وقالت:هممم
ماجد:شفيك مسرحه
ريهام ابتسمت وقالت:ماجد ابي اسألك سؤال
ماجد بإهتمام:اسئلي
ريهام سكتت شوي وقالت:ليش تعاملني كذا مع اني مو اختك
ماجد انصدم من سؤالها وهو يعرف انه ما يقدر ابدا يقول لها لأنها لو عرفت بتسير تتحاشاه ولا يبي يكذب وتفهمه غلط
شوي قال بتردد:شلون يعني مافهمت
ريهام:يعني وش تعتبرني بالضبط
ماجد تلعثم وهو يدور لإجابه واخيرا قال:طيب خليني اوجه لك هالسؤال
ريهام ردت وهي تضحك:ما ادري احيانا اعتبرك مثل اخوي واحيانا لا اكثر من اخوي
ماجد فرح بهالجواب وحس انو في امل يتغير من اخوها لحبيبها وقال:زين تصدقين نفس شعورك عجزت احدد
ريهام سكتت وما ردت وكملت سرحانها وهو صار يطالع فيها من المرايه ما طول الصمت الا وصلو لمقهى دايما يروحون له نزلو ومسكو بيدين بعض ودخلو المقهى اختارو لهم طاوله وجلسو وطلبو الي يبون وريهام ضايعه عيونها بالفراغ ما تدري ليش صارت تستحي من ماجد مو زي اول كانت تموووون وبقوه
شوي ماجد ضربها ع ذراعها بخفه وقال بمرح:بعد ما نشرب وين نروح
ريهام:أي مكان يعجبك
ماجد عقد حواجبه بإستغراب وقال:سلامات شفيك صايره رسميه
ريهام:ههههه
ماجد:هههههه لا يكثر بس يلا وين تبينا نروح
ريهام:البحر
ماجد:اوكي من عيوني بس اسمعي
ريهام:هممممم
ماجد:بكره بنسافر ينبع
ريهام تأففت وقالت:ليش خلاص ما عاد بيننا وبين خالي شي ما عاد ابي اروح عندهم
ماجد:مو عشان خالك عشان عمي
ريهام:ياربي اكيد بنمر خالي
ماجد:وانتي الصادقه بنتجمع كلنا بإستراحه وخالك بيجي
ريهام تضايقة حيييييل وقالت بقهر:مابي اسافر
ماجد:وانا بعد بس والله وحشني وليد
ريهام تذكره جيهان صديقة طفولتها وابتسمت وقالت:يالله كم لنا سنه ما شفناهم
ماجد:سنتين
ريهام:كله من خالي النشبه
ماجد:خلاص رهوم ما يصير هذا خالك
ريهام سكتت ونزلت راسها ودموعها تجمعت بعيونها وهي الي تذكرت امها وقالت:خلاص ماجد قفل الموضوع
ماجد:أوكي براحتك
بعد ما شربو خرجو من المقهى واتجهو للبحر وصارو ماسكين بيدين بعضهم ويلفلفون ويسولفون شوي قالت ريهام:ماجد
ماجد:هلا
ريهام:خلنا نروح مكان ثاني من البحر طفشت من ذا المكان كل مره نروح له
ماجد طالع فيها وابتسم وقال:ببالك شي صح
ريهام:هههههههههههههه ايه
ماجد:وانا اقوول حافظك ترى
ريهام:ههههههههههه
ماجد:هاه وين تبينا نروح
ريهام:نركب القارب
ماجد تحمس وقال:يلا
ريهام:هيا
اتجهو للمرسى وحجزو لهم قارب ساعه كامله وركبو وبدو يلفلفون ماجد يقول:رهوم وش رايك نزيد السرعه
ريهام بحماس:إيه
ماجد ضحك وقال لسواق يزيد السرعه وزادها السواق وريهام مسكت بذراع ماجد بقوه وهي تضحك وتقول:خلاااااص ماجد
ماجد ضحك ومسك يدها وهو يقول:دقيقه خلينا نفلها
صارو يمشون في البحر بسررررعه ويلفلفون والموج من جنبهم شوي ريهام غمضت عيونها بقوه وهي تشد يد ماجد وتقول:مااااجد خلاص بنطيييح
ماجد عرف إنها خايفه بجد وقال للسواق يهدي السرعه ورفع راسها وقال:شفيك
ريهام:خفت نطيح ونموت
ماجد بحنان:خلي الموت عنك رهوم عيشي حياتك
ريهام ابتسمت غصب عنها ونزلت راسها وهي تقول بخاطرها:شلون انسى الموت وانا فارقت اعز اثنين بحياتي
ماجد مسكها من كتفها وقال:رهوم
ريهام رفعت راسها وقالت:هممم
ماجد:خلاص لا تتضايقين
ريهام وهي تبتسم:مو مضايقه
ماجد ابتسم لها بحنان وهو يقول بخاطره:أنتي حياتي لا تتضايقين لو تضايقتي تضيق حياتي رهوم مابي اشوف نظره الألم والوحده بعيونك
ريهام شدت يده بقوه وهي تقول:ماجد دايخه احس بغثيان< دوخة البحر
ماجد:زين نرجع للمرسى
ريهام:إيه
رجعو للمرسى ونزلو وحست انها ارتاحت شوي وكملو لفلفتهم ع البحر وهم بالسياره صار يسولفون عن سفرتهم لا ينبع ماجد يقول:ريهام لا تبينين لأهل خالك انك متضايقه منهم
ريهام:أوكي
ماجد:ولا حتى لسمر عامليها عادي وخليك مع جيهان
ريهام عقدت حواجبها وقالت:شفيك توصي
ماجد:هههههههه رهوم ياخبله عشان ما تصير مشاكل
ريهام بدون اهتمام:هم يبدون المشاكل
ماجد:حاولي تتحاشينهم
ريهام:بحاول
ماجد:اخ وحشني وليد الدوب
ريهام:هههههه من جد والله اهل عمي لهم وحشه
ماجد:الله بس من الفله كل الشباب هناك وبنتجمع لا خلاص تحمست
ريهام تضايقت من هالطاري بس ما حبت تبين لأنو إذا سافرو ينبع يصير ماجد اغلب وقته مع الشباب طلعات وروحات وجيات وهي تكون مع جيهان والبنات بس ما تقدر تستغني عنه وهو الي عوضها كل شي فقدته لفت وجهها جهت الشباك ودموعها تجمعت بعيونها وهي تحس انها وحييييده وفاقده شي وانها مو زي الناس تحس انها ناقصه
ماجد انتبه انها لفت وجهها وقال:رهووم
ريهام من دون ما تلف:هممم
ماجد:شفيك لافه
ريهام مسحت دموعها وعدلت جلستها
ماجد:شفيك رهوم قولي الي بخاطرك انا اسمعك
ريهام بكت وقالت:ماجد لاتخليني وحدي
ماجد:شدعوه اخليك وحدك مو مخليك
ريهام وهي تبكي:انا اكره انو نروح ينبع عشان انت تصير مع الشباب وانا اصير وحدي
ماجد بحنان:رهووم انتي مو وحدك مع البنات
ريهام وهي تبكي:ايه مع البنات ماجد بس انت غير انت مو زي البنات
ماجد قال بحنان:أوكي رهوم تبيني طول الوقت أجلس معاك؟
ريهام ودها تقول إيه لا تفارقني ولا ثانيه بس تعرف انها صعبه وقالت:لا ماجد بس
ماجد كمل بحنان: رهوم لاتشيلين هم ولا تتضايقين ودموعك لا تنزل الي تبينه بيصير
ريهام سكتت وهي شاده ع يده وما تبيه يبعد عنها ابد وهي الي تحسه عوضها كل شي من بعد موت امها وابوها وهو الي يعاملها مثل ما كانو يعاملونها ويدلعها والي تبيه يصير
ماجد حس بمكانته عندها وانه مو مثل اخوها زي ماهي تقول وإنها ما تقدر تستغني عنه ابد وهو نفس الشي ما يقدر يستغني عنها لأنها من صغرها وهي تعيش بقلبه وساكنته
ابتسم برضى وشد ع يدها وهو يقول:أنا وانتي راح نكون مع بعض وما يفرقنا الا الموت
ريهام ما تدري ليش لفت وطالعت بوجه ماجد الي كان مبتسم وابتسمت ونقلت عيونها وصارت تطالع بالطريق وهي تحس انها فرحانه حييل
كملو لفلفتهم وخبالهم لين صارت الساعه 10:00 الليل
شوي الا جوال ريهام يدق طالعت لقيتها جيهان وع طول ردت:هلا والله جيجي وحشتيني يالدوبا
جيهان:هههه وانتي اكثر رهوم بتجين بكرا
ريهام:هههههه طيب وعليكم السلام ع الاقل وشلونك مافي من ذي الاشياء
جيهان:ههههه لا تدققي هاه بقفل وادق مره ثانيه عشان تكون حلوه
ريهام:هههههههههههههه خبله من جد هاه وش تبين
جيهان:اول شي شلونك
ريهام بضحك:تمام
جيهان:دوم بتجين بكرا انتي ومجود
ريهام:هاااااااااااااه
جيهان:هههههههههه نسيت بتجين ولالا
ريهام:ايه بنجي
جيهان:والله وحشتيني رهوم
ريهام تنهدت وقالت:لا تقلبي المواجع
جيهان:يالباك والله البنات كلهم يسلمون عليك
ريهام:وهم بعد وحشووني
جيهان:ههههههه وينك الحين مبين بسياره
ريهام:إيه نتمشى
جيهان:احلا انتي وميييين
ريهام:انا وماجد
جيهان:ع بالي انتي وحبيبك
ريهام بضحك:ع تراااااااااااااب
جيهان:هههههههه امزح حبيبتي
ريهام:لا يكثر يلا باي
جيهان:هههههههه بايات
قفلت منها وهي مبتسمه وحطت الجوال بشنطتها وشوي يدق جوال ماجد أخذه وشاف مين لقى امه تدق رد:الو
امه:هلا ماجد وينكم
ماجد:ع البحر
امه:بتتعشون معنا
ماجد:إيه
امه:زين العشى قرب يجهز تعالو
ماجد:أوكي يمه جايين
امه:مع السلامه
ماجد:فمان الله
قفل وحط الجوال بجيبه ولف وطالع في ريهام وقال:يلا نرجع البيت العشى جاهز
ريهام:يلا
اتجهو للبيت وصلو لقيو العشى جهز دخلو وجلسو وبدو ياكلون ويسولفون مع بعض شوي قال ابو ماجد:يلا جاهزين للسفر بكره
ريهام نغزها قلبها ما تدري ليش ما تبي تسافر وقالت لا شعوريا وبسرعه:لا
ماجد وامه استغربو منها اما ابو ماجد قال:ليش رهوم مو جاهزه
ريهام سكتت ونزلت راسها من دون رد
ابو ماجد:شفيك حبيبتي قولي
ريهام:لا خلاص عمو ولاشي
عمها:لا قولي بخاطرك شي
ريهام حطت الملعقه وقامت ودموعها بعيونها وقال:عمو انتو سافرو براحتكم بس انا مابي اسافر
لفت وطلعت الدرج ودخلت غرفتها وقفلت الباب وجلست ع سريرها وصارت تبكي وهي تتذكر اهلها وتحضن المخده وتقول:ماما بابا وحشتوني حييل الله يجمعني فيكم بأقرب وقت انا وحدي بهالدنيا من دونكم ما اقدر امنع اهل عمو من السفر لأنهم يبغون يسافرون وماجد يبي يشوف وليد بس انا مابي اسافر آه لو انكم هنا كان اقدر اجلس معاكم
كتمت راسها بالوساده وصارت تبكي
اما عمها من اول ما طلعت لف وطالع بماجد وقال:شفيها ليه ما تبي تسافر
ماجد:ما ادري يبه من يوم ما قلت لها وهي متنكدة
ابو ماجد:الله يهديها
ام ماجد قامت وقالت:بروح اشوفها
قامت وطلعت غرفت ريهام ودقت الباب وهي تقول:رهوم افتحي حبيبتي
ريهام ما ترد وتبكي بكل الم وهي تتذكر امها وابوها اما عمتها ما انتظرتها تفتح ودخلت وقفلت الباب وجلست جنبها وهي تقول:رهوم حبيبتي شفيك تبكي وليش ما تبي تسافري في احد مضايقك
ريهام مسحت دموعها وقالت:لا عمه مافيني شي بس مابي اسافر
عمتها:طيب قوليلي ليش
ريهام سكتت وما ردت ودموعها تنزل
وعمتها تقول:خايفه من مراد
ريهام:لا
عمتها:طيب شفيك
ريهام صارت تبكي زياده وتقول بخاطرها:مين بدل ماما يفهمني من دون ما اتكلم
عمتها مسكتها من كتوفها وقالت:حبيبتي قولي كل الي بخاطرك انا اسمعك
ريهام بكت وقالت:لو سافرت هناك بجلس وحدي وماحد معاي ماجد بيكون مع الشباب وانا بكون وحدي
عمتها:مو وحدك اجلسي مع جيهان وسمر والبنات
ريهام سكتت وما ردت وصارت تبكي
شوي همست ريهام:خلاص عمه مابي اعطلكم سافرو
عمتها:وانتي ما بتجين معانا
ريهام:إلا إذا ماجيت مع مين بجلس
عمتها قامت وهي تربت ع كتفها وتقول:هوني ع نفسك حياتي
خرجت من الغرفه وهاللحظه كان يستناها ماجد ودخل ع طول ورى امه وشافها وهي تبكي وجلس ع ركبتينه قدامها وهي كانت مغطيه وجهها بيدينها وتبكي وهو سحب يدينها من ع وجهها وقال:رهووم
رهام طالعت فيه وشافته مبتسم وقالت تشهق بصوت خفيف:هممم
ماجد بحنان:أنا ما قلت لك كل الي تبينه بيصير حتى لو ما تبين تسافرين بجلس معاك مو مسافر
ريهام تعرف انه يبي يسافر عشان وليد وقالت وهي تحاول تبتسم:لا ماجد خلاص نسافر
ماجد:أكييييييييد
ريهام:اكيييد
ماجد وهو يمسح دموعها ويبتسم:زين لايجي ببالك اني بخليك وحدك مستحيييل
ريهام ابتسمت وماردت وهو قال وهو يخرج من الغرفه:تعالي تعشي ما اكلتي شي
ريهام:مالي نفس
ماجد:اقول موب بكيفك
ورجع وسحبها من يدها وخرجها برا الغرفه وصار يمشيها قدامه ويدفها من ضهرها لين ما وصلها للمطبخ وحط صحنين ع الطاوله صحن لها وصحن له وقال:يلا بسرعه كلي وانا بعد ما اكلت باكل معاك
ريهام ضحكت ع حركته وصارت تاكل وهو ياكل لين خلصو العشى وقامو وكل واحد راح غرفته ماجد نام ع طوول
اما هي لا انسدحت ع سريرها زي كل ليله قبل لا تنام تتمنى انو يكون بكرا احسن من اليوم وتبكي وتدعي لأمها وأبوها وتتذكرهم
حضنت المخده وغمضت عيونها ويجي ع بالها صوت امها تقول:رهوم تعالي شوفي البسه
نزلت دموعها وهي تبتسم وتقول:ماما ابيييك انتي مابي البسه
شوي تتذكر ابوها وهو يقول:مين حبيبت بابا .. مين عيون بابا .. مين قلب بابا..
همست بخفه ودموعها تنزل بكل شوق:أنا
صارت تبكي وهي حاضنه المخده وتقول:ياااارب ارحمهم يااارب اغفر لهم يااارب لا تعذبهم يااارب اجمعني بهم في جنتك
صارت تدعي وتنعس لين ما غلبها النوم ونااااامت
ماجد قام من كابوس خوفه حييل وجلس وصار يتعوذ من الشيطان ويسمي لين ما هدي وصار يتذكره حلم ان ريهام تموت قدامه وهو يحاول يساعدها بس ما يقدر وهي تقول:باااي ماجد ماما وبابا يستنوني لا تنساني
نزلت دموعه وقام ع طول وراح لغرفتها وفتح الباب من دون ما يدقه وشافها وهي حاضنه المخده ونااايمه قرب إصباعه من انفها وحس بنفسها وتنهد وهو يعدل نومتها ويزبط لها المخده
لاحظ ع وجهها آثار البكاء والدموع لبسها باللحاف وفتح باب غرفتها عشان يحس فيها إذا قامت وراح لغرفته وانسدح ع سريره والنوم طاير من عينه ورجعت صورتها بباله وهي تموت وقال:يارب أحفظها من كل مكروه واسعد قلبها وحقق لها كل الي تتمناه وابعد عنها الشيطان والاحزان والهموم
غمض عيونه بتعب وهو يتذكر إنهم بيمشون في الفجر ونااااااااااااااااااااااااااااااام
*******
قامت جيهان من النوم وهي متحمسه اليوم بيجون اهل عمها عندهم وحشوها حييل وراح يتجمعون في إستراحه وبتشوف حبيبها إياد اكيد بيكون اليوم بالنسبه لها حمااااس
ريهام قامت مكسله ومشتاقه ومكتئبه وطفشانه كوكتيل من المشاعر بس بين كل هالمشاعر كان فيه شعور غريب عجزت تحدد وشهو كان هالشعور يجيها كل ما ضاقت الدنيا بها ويفرحها ويزول همها بسببه ما اول ما تتضايق وتتقفل بوجهها الدنيا تحس باهالشعور بقلبها وتبدا الحياه عندها من جديد
قامت وهي طفشانه ومكتئبه وودها تصرخ بأعلى صوتها وتبكي لين ما ترتااااح وبأعلى صوت وبحضن دافي بس وين ياترى
قامت ودخلت الحمام وشافت وجهها بالمرايه وبكت ع طول وزاد بكاها غسلت وجهها وخرجت من الحمام وشافت عمها قدامها يقول:يلا حبيبتي نفطر ونمشي
ريهام واقفه قدامه ولا استوعبت ولا كلمه وللحظه حست انها بتنهار مكانها وصار يتردد صوت ابوها بإذنها وهو يقول:مين حبيبت بابا .. مين قلب بابا
صرخت بأعلى صوتها وهي ترمي نفسها بحضن عمها:باااااااااااااااااااااااابااااااااااااااااااا اا
عمها حضنها بقوه
وهي صارت تبكي بصوتها وتشاهق وهي تحس كأن ابوها توه مات تحس بمعنى المعاناه والالم وصارت تبكي وتتالم وتشد ثوب عمها من صدره بقوه الالم الي بداخلها وصورت ابوها ما فارقت خيالها عمها يحضنها بقوه وما قدر يمنع دموعه الي نزلت غصب عنه وهو حاس بالحرمان الي عاشته من صغرها وما تكلم ولا بكلمه خلاها تاخذ راحتها عشان ترتاح نفسيتها<<يالباها
ماجد وامه بعد تأثرو وهم يعرفون ان مهما حاولو انهم ينسونها حزنها ما راح تنساه وخاصه انها شافتهم وهم يموتون بعيونها
عمها بعد ما حس انها هديت بعدها عن صدره ومسكها من كتوفها وقال:رهوم متضايقه من السفره قولي والله لأكنسلها وما نسافر
ريهام وهي تشهق بخفه:لا عمو عادي
عمها مسح دموعها وقال:رهوم طالعي فيني
ريهام رفعت عيونها وطالعت فيه وهو قال لها بحنان ابوي وهو يبتسم:يلا حبيبتي نفطر ونسافر
ريهام ابتسمت وقالت:يلا
راحو وجلسو ع الطاوله وبدو يفطرون وماجد كان جالس جنب ريهام ويسولف معاها
ماجد:ما كلمتك سمر ولا قالت لك انهم بيجون
ريهام:لا
ماجد بصوت واطي:يارب ما يجو
ريهام ما قدرت تكتم ضحكتها وانفجرت:ههههههههههههههههههههه
ماجد:هههههههههههههههههههههه
ريهام وهي تضرب ماجد ع ظهره:كل كل والله انك مفهي امس تقول لي انهم بيجون واليوم تسأل بيجون ولالا هههههههه
ماجد:أتأكد يمكن صار لهم ظرف
ريهام:وبتقول لي مثلا ههههههاي من متى
ماجد:ههههههههههه
قام عمها من ع الطاوله وقال:بروح اغير زيت السياره واجي تجهزو
ماجد:يبه ابي آخذ سيارتي
ابوه:ليش ياولدي مو مطولين بس اسبوع لا احتجت شي خذ سيارتي
ماجد:أوكي
خرج ابوه من البيت وريهام قامت تساعد عمتها عشان يسافرون
وهي تلم معاها ملابسها طاح من دولاب عمتها البوم اسود ما تلقفت ولا أخذته لاكن الي لفتها عمتها الي ع طول نزلت واخذته بسرعه وكأنها ما تبغى ريهام تشوفه وريهام طنشت وما جا ع بالها
كملت الملابس معاها وجا عمها وخرجو وركبو السياره وانطلقو لينبع وهم بالطريق ريهام تنعس سندت راسها ع الشباك ونااامت
وماجد مو منتبه لها يفرفر جواله شوي اخذ ابوه مطب قوي وارتطم راسها بقوه في الشباك وقامت ماجد لف ع طول وطالع فيها وقال:رهوم شفيك
ريهام مسكت راسها وقالت:آآآآآه عمو بشويش لا تسرع
عمها:طيب حبيبتي
رجعت لنفس وضعيتها وغمضت عيونها شوي تحس بماجد مسكها من كتوفها وحط راسها ع فخذه فتحت عيونها وطالعت فيه وهو قال:نامي ع فخذي عشان ما تتعوري
ابتسمت وغمضت عيونها وكملت نومها
اما ماجد عيونه متعلقه فيها وبشكلها الجناااان
يدينها تحت خدها ولامه رجولها لبطنها وناايمه
حط يده ع كتفها وكمل فرفره بجواله
شوي ويدق جوالها وهي نااايمه ما حست فيه اخذه ماجد وشاف لقيها سمر تدق رد:الو
سمر يوم سمعت صوت ولد عرفت انو ماجد وقالت:هلا ماجد شلونك
ماجد وبخاطره يقول بشري ما بتجون وقال لها ببروود:هلابك تمام
سمر:وين ريهام
ماجد:ريهام نايمه
سمر:شدعوه يعني مو مسافرين
ماجد:إلا حنا بالطريق بس هي نامت
سمر:أها ما يصير تصحيها
ماجد بحزم:لا مابي هي تعبانه ما نامت امس بدري ومابي ازعجها
سمر انقهرت من اسلوبه وقالت:اها زين إذا صحيت خلها تدق علي
ماجد بتواكل:لازم
سمر انقهرت وقالت:شتبي انت بالزبط
ماجد:مابي شي بس لازم تدق وتكلمك
سمر:بكيفها
ماجد:اشوى بعد قلت يمكن يكون هالشي بقاموسكم واجب عليها
سمر:لا يكثر احنا ما اجبرناها ع شي وشفها ماخذه راحتها
ماجد:مابي اتمشكل مع اشكالك خليك انتي مع امثالك يلا فمان الله
وقفل الخط من دون ما ينتظر ردها وهو يتأفف حط الجوال ع الكنب
شوي سمع ابوه يقول له:مين ذي الي تكلمها
ماجد تنهد وقال:سمرووه
امه:وش تبي
ماجد:تبي ريهام
ابوه:طيب ليش تتخاصمون
ماجد:ما اطيقهم احسهم يحبون فعل الامر وااايد وانا ماحب هالشي ابد
ابوه:حاول تتحاشاهم ما نبي نجرح ريهام بعد هم يقربون لأمها
ماجد:الله يعين بعد هي اصلا ما تطيقهم
امه:ولو ياولدي في النهايه عرقهم من عرق امها
ماجد:إن شاء الله يمه
سند راسه ع الشباك وصار يطالع بالسيارات
**********
جيهان وامها قاعدين يفرشون الغرف اكيد اهل عمهم اول ما بيوصلون بيكونون تعباني ويبون ينامو
وليد كان يستهبل ويقول:هاه يمه سرير ماجد انا بفرشه له عشان ارحب فيه بطريقتي هالقاطع
امه:ههههه لا تكفى نبي نتجمل من ضيوفنا
وليد:أفا وانا بعد بكمل الجميل
امه وهي ترمي له اللحاف والغطا وكيس المخده:زين خذهم وافرشه بسرعه الحين ما بقى شي ويوصلون
وليد دقيقه هو بينام معاي بالغرفه ولا شلون
جيهان:هههههههاي احلم ما راح يخلي ريهام وحدها
وليد:يووه صح الحين وش سالفته معاها
جيهان:ما اعرف والله بس هم الاثنين مع بعض ولا يفترقون
وليد وهو يبتسم:دوم إن شاء الله
امه:لا يروح بالك بعيد ترى مثل اخته
وليد:هه اتحداك بس الله لا يفرقهم مبين انهم فرحانين مع بعض
امه:ايه صدق بس هي باقي ما نسيت الي صار لأمها وابوها
جيهان:لا والله ما نسيت لا تذكرتهم ولا شافت نفس السياره الي صدمتهم ع طول تنهار
وليد:واو اجل يحق له ما يبعد عنها شبر دام السالفه كذا
امه:الله يعينهم
جيهان:اخ بس والله وحشتني حيييل امووت فيها ذي البنت
وليد:زين خذيها بغرفتك وخلي ماجد بغرفتي
جيهان:ولييد صعبه خلها تجي منهم
وليد:ههههه ما تلاحظو اني مستخف
جيهان:مره هههههههه
شوي دق الجرس
امه:وليييييييد روح افرش السرير حسبي الله عليك
وليد:هههههه طيب طيب وراح ع طول وصار يفرشه
اما جيهان راحت تفتح الباب
فتحت الباب وع طول ريهام حضنتها وهي تقول:وحشتيني
جيهان:ههههههههه وانتي بعد هههههههههه
سلمت ع عمتها وماجد سلم ع جيهان وع عمته وعمه وشوي يجيك وليد طاير من داخل البيت:يالقاطع والله ما اسلم عليك لين تعتذر
ماجد:هههههاي طيب شوي شوي لا تطيح
وليد:ههههههه مو مسلم عليك لا تتفشل بس
ماجد بتهديد:والله
وليد:والله
ماجد:طيب لا تسلم ولف ورمى عليه جاكيته ودخل البيت شوي يجي وليد ويمسك ماجد من شعره ويقول:يالدلوخ بتدخل من دون ما تسلم
ماجد:آآآآآي انت ما تبي تسلم
ريهام وجيهان يضحكون عليهم شوي قال وليد:طيب لف سلم
ماجد لف وفتح ذراعينه وهو يقول:حبـيـبـيـيـيـيـي ولييييييييييييد
وليد فتح ذراعينه وتعانقو وفجأه ماجد يضرب وليد بقوه في ضهره ووليد نفس الشي ويضحكون
البنات جلسو يضحكون عليهم ودخلو البيت
دخل ماجد ووليد وكملو مضاربتهم اما ريهام مع جيهان
كانت الساعه 9:00 الصباح دخلت ريهام وجيهان غرفة جيهان وصارت تفتش في أغراضها وتشوف ملابسها ومكياجها وتجرب الارواج والكحل ويستهبلون
اما ماجد مع وليد في غرفته يلعبون بليشتيشن
شوي ماجد حس بالتعب وقفلو البليستيشن وناااااام
وريهام بعد نامت
****
انتضرووني يوم الاربعاء القاادم
تحيااتي


 
 توقيع : ضجة مشاعر ~

سامحوني وحللوني كنتم اخوان واخوات لي والله يجمعني بكم في جنته



لقراءة الروايه اضغط هنا


رد مع اقتباس
قديم 03-14-2012, 10:07 PM   #12


الصورة الرمزية تعلمت ارسم الفرحه
تعلمت ارسم الفرحه غير متواجد حالياً

بيانات اضافيه [ + ]
 رقم العضوية : 2131
 تاريخ التسجيل :  Dec 2010
 أخر زيارة : 12-05-2016 (03:57 AM)
 المشاركات : 8,428 [ + ]
 التقييم :  1510
 الدولهـ
Saudi Arabia
 الجنس ~
Male
لوني المفضل : Black
افتراضي رد: لا تخليني على الدنيا وحيد~||من تأليفي||~



دلوعه كلك غلا
مازال مداد قلمك ينزف لنا بقطرات
من بحر ابداعك وتميزك
دمتي لنا ودام حرفك الشامخ
الذي يأخذنا دائماً إلى عالم ملئ بالروعة والجمال
بانتظار الجزء الثالث

كل الود والتقدير لسموك



 
 توقيع : تعلمت ارسم الفرحه

[flash=http://im31.gulfup.com/8va7s.swf]WIDTH=600 HEIGHT=300[/flash]


رد مع اقتباس
قديم 03-14-2012, 10:15 PM   #13


ضجة مشاعر ~ غير متواجد حالياً

بيانات اضافيه [ + ]
 رقم العضوية : 2695
 تاريخ التسجيل :  Jul 2011
 أخر زيارة : 10-08-2013 (02:47 PM)
 المشاركات : 3,111 [ + ]
 التقييم :  201
 الدولهـ
Saudi Arabia
 الجنس ~
Female
لوني المفضل : Black
افتراضي رد: لا تخليني على الدنيا وحيد~||من تأليفي||~



يسسلمووو تعلمت ع المرووور



لك كل الشكر


 

رد مع اقتباس
قديم 03-15-2012, 03:41 AM   #14


الصورة الرمزية اتقهوى عذابك
اتقهوى عذابك غير متواجد حالياً

بيانات اضافيه [ + ]
 رقم العضوية : 3058
 تاريخ التسجيل :  Dec 2011
 أخر زيارة : 01-18-2016 (05:03 AM)
 المشاركات : 1,152 [ + ]
 التقييم :  70
 الدولهـ
Saudi Arabia
 الجنس ~
Female
لوني المفضل : Darkred
افتراضي رد: لا تخليني على الدنيا وحيد~||من تأليفي||~



دؤبااااا

حيييل اخنقتني العبرررره

ياقلبهاا انتي يا رهؤؤؤؤم

رائعه جداً دلؤعتي

<<على جمرر بنتظار البارت الثالث


 
 توقيع : اتقهوى عذابك


اللهم اشفي ؤالدي شفاء ليس بعده سقما ابدا..اللهم خذ بيده اللهم احرسه بعينيك التى لا تنام .
و اكفه بركنك الذى لا يرام و احفظه بعزك الذى لا يضام .و اكلأه فى الليل و فى النهار .
و ارحمه بقدرتك عليه ّ،اللهم البسه ثوب الصحة والعافية عاجلا غير اجلا ياأرحم الراحمين..

آآآميين ،،


رد مع اقتباس
قديم 03-15-2012, 11:33 AM   #15


ضجة مشاعر ~ غير متواجد حالياً

بيانات اضافيه [ + ]
 رقم العضوية : 2695
 تاريخ التسجيل :  Jul 2011
 أخر زيارة : 10-08-2013 (02:47 PM)
 المشاركات : 3,111 [ + ]
 التقييم :  201
 الدولهـ
Saudi Arabia
 الجنس ~
Female
لوني المفضل : Black
افتراضي رد: لا تخليني على الدنيا وحيد~||من تأليفي||~



يالببى قللبك

البارت الثالث يوم الأربعااء


منوورة

تحيااتي


 

رد مع اقتباس
قديم 03-21-2012, 09:45 PM   #16


ضجة مشاعر ~ غير متواجد حالياً

بيانات اضافيه [ + ]
 رقم العضوية : 2695
 تاريخ التسجيل :  Jul 2011
 أخر زيارة : 10-08-2013 (02:47 PM)
 المشاركات : 3,111 [ + ]
 التقييم :  201
 الدولهـ
Saudi Arabia
 الجنس ~
Female
لوني المفضل : Black
افتراضي رد: لا تخليني على الدنيا وحيد~||من تأليفي||~



اعتذر عن تنزيل البارت الثالث

لأنو انا حافضتها بــusb
ومادري شفيه ما يفتح

ان شاء الله انزلها باقرب فررصه

تحياتي
واكرر اعتذاري




 

رد مع اقتباس
قديم 03-31-2012, 03:30 PM   #17


ضجة مشاعر ~ غير متواجد حالياً

بيانات اضافيه [ + ]
 رقم العضوية : 2695
 تاريخ التسجيل :  Jul 2011
 أخر زيارة : 10-08-2013 (02:47 PM)
 المشاركات : 3,111 [ + ]
 التقييم :  201
 الدولهـ
Saudi Arabia
 الجنس ~
Female
لوني المفضل : Black
افتراضي رد: لا تخليني على الدنيا وحيد~||من تأليفي||~



آسفه جدا ع التأخيير
وهذا هو الجزء الثاالث
اتمنى لكم قراءة ممتعه
تفضلو
الجزء الثالث
ريهام دوبها صاحيه من نومها ومنسدحه على سريرها لفت وجهها جهة ماجد وصارت تتذكر قالت بخاطرها:انا نمت مع جيهان بغرفتها وماجد نام مع وليد بغرفه يعني وش جابنا هنا؟؟!
قامت ودخلت الحمام وشوي وخرجت وشافت ماجد دوبه صاحي راحت لجوالها تبي تشوف الساعه كم ولقيتها 5:00 العصر طالعت بماجد وقالت:وش جابك هنا؟؟
ماجد:شلون وش جابني؟؟
ريهام وهي تجلس على سريرها:كنت نايمه بغرفة جيهان وانت بغرفة وليد وش جابنا هنا
ماجد: لا ياشيخه مو انتي الي جيتي تبكين يو كنت نايم بغرفة وليد
ريهام:انا!!متى؟؟
ماجد بذهول:اما ما تتذكرين!! جيتي عندي وانا نايم وقومتيني وكنتي تبكين وخايفه وجبتك هنا بالجناح ونمتي واستحيت اروح لغرفة وليد مرة ثانيه ونمت هنا
ريهام:ههههههه توحفه
ماجد:هههههههه
قامو وخرجو يتغدون بعد ما نادتهم الشغاله وتغدو مع اهلهم وصارو جالسين كلهم ويسولفون ويتفقون وين يتجمعون اليوم
اتفقو انهم يتجمعون بالبحر مع اهل عمهم واهل خال ريهام
بعد ما اتفقو وليد كان جالس جنب ماجد وقال له:ماجد
ماجد:نعم
وليد:ابروح البقاله
ماجد:دقيقه بجي معاك
وليد:بسرعه
قام ماجد ولبس وراح لريهام الي كانت جالسه مع جيهان بالصاله وقال لها:رهووم بروح البقاله تبين شي
ريهام:لا تسلم
ماجد:اكيد ولا ببسي ولا مالتيزرز
ريهام:هههههه انت وكرمك
وليد يطالع فيهم ويقول بخاطره:ههههآآي قال قال مثل اخته
ماجد لف وخرجو هو ووليد وهم بالسيارة قال وليد:تغيرنا
ماجد:هاه
وليد:صرنا رومنسيين
ماجد:هههههه لا تدقق
وليد:حركات ياماجد صرنا نحب
ماجد:من زمان نحب ياسمر
وليد:ههههههه الحين وش دخل سمر
ماجد:حبيبة القلب
وليد:ههههههه فديتها ههههههه
ماجد:يلا حرّك بس
مشو وراحو للبقاله ونزلو وصارو يشترون وليد شاف ماجد كأنه كثر شوي وقال:خلاص ما بقيت شي
ماجد:شدخلك
وليد:بيزيد وزنها
ماجد:على ترااااب ياملقووف ههههههههه
وليد:ههههههه
شوي وهم يحاسبون وليد شاف علب الدخان وقال:ماجد شرايك نشتري
ماجد:لا يا شيخ
وليد:هههههه
ماجد:والله لذبحك تفهم
وليد:ههههه امزح يا خبل
ماجد:احسب!!
خرجو من البقاله ورجعو البيت ماجد دخل وما شاف ريهام بالصاله نادى:ريهاااااااااااااااام
ريهام الي كانت بالمطبخ قالت:نعـــــــــــــــــــــــــــــــــــــــــــ ــــــــــــــــــم
ماجد:وينك
ريهام:بالمطبخ
راح لها ومد لها بالكيس وهي اخذته وصارت تقول:لبى قللبك فديييتك تسسلم ماجد
ماجد:ههههههه الله يسلمك
جيهان يوم شافتها قال:دووباااا اعطيني والله لأعطيك عين جامده
ريهام وهي تخبي الكيس وراها:هههههههه لالا لاتاخذينها
جيهان:هيا اقوول اعطيييني
ريهام اعطتها وصارو يتفرجون بالتلفزيون وياكلون ويسولفون
**************
بعد المغرب
كلهم يتجهزون للطلعه للبحر تجهزو ومشو طبعا ماجد ما اخذ سيارته بس استأجر سيارة لما وصل ينبع
الكل كان هناك طبعا هناك كان فيه خيام ثنتين وحده للحريم ووحده للرجال نزلو ودخلو الخيام وماجد دخل وكان اهل خال ريهام موجودين شاف مراد الي كان جالس ومندمج مع الشباب بالهرج وهو كان رايح يسلم على الشباب بعد ما سلم على الرجال مر وقال:السلام عليكم
الشباب انتبهو وقامو يسلمون عليه وعلى وليد ومراد قام وصار يطالع فيه ويقول بخاطره:دامه جا اكيد رهوم جات
سلم عليه وجلسو وكملو سولفهم
اما البنات جالسين وينكتون ويستهبلون الا سمر كانت جالسه ومشغوله بجوالها شوي جات عندها جيهان وقالت :وشعندك بجوالك
سمر:قاعده ع المسن
جيهان:مرة مو وقتك
سمر:هههههههه شويتين واخلص
سمر كانت تكلم خالد ع المسن ومندمجه معاه وهو كان يبي ياخذ رقمها عشان يصير يكلمها بس لسا ما اقنعها
خالد:هيا سمور اعطيني رقمك
سمر:والله ما اقدر خالد
خالد:مو داق عليك لين ما ترسلين هيا تكفين
سمر:ما اضمنك
خالد:شلون!! تستهبلين
سمر:ههههه لا بس
خالد:هيا اقول ترى ما صارت شحته هي
سمر:خالد سلامات
خالد:تتغلين على رقم هيا سمورتي
سمر سكتت وما ردت وهو كمل:سمووور لا تطنشيين والله اززعل
سمر:خالد مالك داعي
خالد:هيا ادري بس وش اسوي احبك
سمر:ههههههه وانا بعد احبك
خالد:الله وش حلاتها لو سمعتها من صوتك
سمر:هههههههه
خالد:هههههههه يالبى قلبك
سمر:لباااك
خالد:هيا طيب اعطيني الرقم
سمر:صجيتني ترى
خالد:مو انتي تحبيني
سمر:ايه
خالد:طيب ليش ما تثقين فيني
سمر:مو كذا بس صعبه
خالد:هيا لا تصرفي
سمر:اووف خالد
خالد:مع نفسك سمر مو اترجاك على رقم
سمر:شفيك زعلت الحين
خالد:حلوه شفيك زعلت كم لي اترجاك تعطيني رقمك ما تبين ازعل
سمر:خلاص يكفي ع المسن
خالد:متى تتذكريني وتدخلين انتي
سمر:مو بكيفي لو علي ما طلعت
خالد:خلاص طيب اعطيني رقمك وقلت لك مو داق عليك حتى ترسلين
سمر:ياربيي اوكي خلاص
انتهت محادثتهم برقم سمر وقامت سمر وجلست مع البنات
ريهام تلبس عبايتها بتخرج مع ماجد يجيبون باسكن مثل ما طلبو منهم البنات
خرجت وركبت معاه وهم بالطريق
ماجد:هاه كيفك مع سمروه
ريهام:ايزي
ماجد:ايه احسن لا تحتكين فيها
ريهام ضحكت ومسكت يده وقالت:هههههه تعجبني لا صرت توصي
ماجد:ههههههه
سكت شوي وقال وهو يوقف عند المحل:هيا اجلسي انا بنزل بسرعه اجيبه واجي
ريهام:هاه شلوون تخليني وحدي
ماجد:مو متأخر
ريهام:ولو ما جد وكملت وهي تمسك يده:لا تخليني وحدي
ماجد ابتسم وقال لها:زين يلا انزلي
نزلو ودخلو المحل وطلبو الباسكن وجلسو يستنون الطلب
شوي سرحت ريهام بالرجال وهو يحط الايس كريم وماجد انتبه لها وشد على يدها وهو يقول:نحن هنا
ريهام انتبهت وقالت بضحك:اطالع بالايس كريم
ماجد:ههههههه
ريهام صارت تضحك عليه وهو انحرج وقال:بس لا تضحكين فشلتيني
ريهام سكتت وصارت تطالع فيه وهي مبتسمه
شوي اخذو الي طلبوه وطلعو من المحل وهم بالطريق راجعين قال ماجد:وش رايك نسحب عليهم ونروح نتمشى انا وانتي
ريهام:هههههههههههه ما بيخلونا بيطلعونا من تحت الارض
ماجد:ههههههههههه
شوي سكتو وبعدين وصلو للخيام وماجد شاف مراد واقف ويكلم بالجوال عند خيمة البنات قدام المدخل وقال لريهام:دقيقه لا تنزلين
ريهام ما انتبهت لمراد وقالت وهي تفتح الباب:ليش؟
ماجد وهو يمسك يدها بقوه:قلت لا تنزلين
ريهام قفلت الباب وقالت بضيق:طيب اعصابك
ماجد وهو يطالع بمراد:هالحقير مو ناوي يروح؟!
ريهام:مين؟؟!
طالعتريهام وشافت مراد وقالت بدون اهتمام:ههههآآي ذاب الايس كريم ما راح يروح خليه مع نفسه
ماجد عصب وقال:ريهام اجلسي ولا تنزلين
ريهام بضيق:ياربيييي
شوي ماجد قرب بالسيارة ووقف قدام مدخل الخيمه ونزل ونزل ريهام معه ووصلها لين المدخل ودخلتووقف قدام مراد وقال له:ليه واقف هنا؟؟؟!
مراد:استنى امي
ماجد وهو يروح:اهااا
راح للشباب وجلس معاهم
********************
ريهام جالسه مع البنات وتكلم افنان بنت عمها بالجوال افنان:رهووم ابيكم وحشتوني
ريهام:وربي نفسي بجد مرة وناسه هنا مع اني ما كنت مرتاحه للسفرة
افنان:مراد جا
ريهام:يب
افنان:كيفه ؟!!
ريهام حزنت لها وقالت:ما نسيتيه
افنان:خلاص رهوم بس سألتك جاوبيني
ريهام:وانا بعد بس سألتك لمتى بتضلين محروقه عليه وهو مطنش خلاص اسفليه مع نفسه وربي ما يستاهل الي تسويه انتي له
افنان بغصه:كيفه الحين
ريهام بعصبيه:بخييير يزقح ما درى عنك
افنان:ما يضايقك؟
ريهام تبي تطمنها:لا اببد مستانس مع الشباب ومريح باله خلاص فنو في غيرة كثير
افنان تنهدت وسكتت
وريهام حبت تلطف الجو وقالت لها:فنو احبببك
افنان:هههههههه وانا اكثر
ريهام:اععععععشششششققققك
جيهان سمعت ريهام وهي تقولها وصرخت بأعلى صوتها:مااااااااااااااااجد
ريهام فزت وبعدت الجوال عن اذنها وقالت:شفيييه؟؟!
ماجد كان برى وسمعها وهي تصرخ ورد وقال:نعـــــــــــــــــــم
ريهام صارت ساكته وتسمعهم وجيهان كملت:تعال شووووووووووووف رهووووم مادري تقول لمين اعععشقك هههههه
ريهام تفشلت وصارت تتلفت كلهم يطالعون فيها بس نضرات سمر لها كانت غير كانت تسمجها وتستحقرها وهي حبت تقهرها وقالت بضحك لماجد:كذااابه لا تصدقها قاعده اكلم افنان
ماجد ضحك وقال:جييي جيي خلييك بحااالك يا مرجوجه
جيهان:انقلب السحر ع الساحر هههههههه اقول والله ما اقدر عليكم
ماجد:ههههههههههههه
ريهام:بس خلوني اكلم البنت
كملت مكالمتها مع افنان وراحت جلست مع البنات شوي ماجد دق عليها وردت ع طول وقال:الو
ريهام:هلا والله
ماجد:هلابك رهوم امي عندك
ريهام ايه ليش؟
ماجد:ابوي يبيها
ريهام :طيب دقيقه
شالت الجوال من ع اذنها وقالت لعمتها:عمه
عمتها:هلا
ريهام:عمي يبيك
عمتها:طيب
وريهام رجعت تكلم ماجد وقالت:ماجد
ماجد:هلا
ريهام:شرايك تحجزون لنا قارب
ماجد:ههههه طيب من عيوني
ريهام:يالبى تسسلم لي عيونك
ماجد:هههههه يلا اروح احجز وادق عليك اذا خلصت
ريهام:اووكي
ماجد:يلا باي
ريهام:باي
قفلت وصارت ساكته ما تبي يسمعوها البنات ويعرفون
اما ماجد راح لوليد وقال له وراحو يحجزون القارب
وصلو للمرسى وحجزو وماجد را يجيب البنات ووليد جلس بالمرسى
وصل ماجد عند الخيام ودق ع ريهام ما طول وردت:هلا
ماجد:يلا انا برا
ريهام:يلا خارجين
قفلت منه وقالت للبنات وهي تلبس عبايتها:تجون معاي
البنات:وين
ريهام:نلفلف بالقارب
البنات:ايواا
ريهام بضحك:لا بس انا وماجد
جيهان:والله لأرووح مالي دخل مو كل شي انتي وذا الماجد
ريهام:ههههههههه روحي مع وليد
جيهان:لا وليد مو زي ماجد ما شاء الله مدلعك ومعوضك عن كل شي ما تحتاجين شي معاه
ريهام بصراخ:قولي ما شاء الله لو فقدته بذبحك
جيهان:ههههههه ما شاء الله الله يحفظه
خرجو وركبو وراحو للمرسى ولحقوهم الشباب
ركبو كلهم بالقارب الا ريهام وجيهان خايفين لأنو القارب يتحرك ومو ثابت
وليد:الله من الدلع يلا بسرعه اركبو
جيهان:يتحرك يا خببل
وليد:اقول اركبي يا مرجوجه مو فايق لدلعك الحين وانتي يارهوم ما تبي تركبين
ريهام:شلون اركب يتحرك
وليد:هيا خلصونا
ريهام وهي تحاول تركب:والله لو طحت لأخذ منك 500 ريال ولو مت خذها منه يا ماجد
ماجد:ههههههههههه لا الله يحفضضك
وليد:والله ما تشمين ريال ههههه
شوي رجعت ريهام وقالت:مو راكبه خلاص يترحك ما اقدر
وليد ركب وسحب جيهان بقوه وريهام بقيت وماجد قال:هيا رهوم اركبي
ريهام:شلون اركب تستهبلون بطيح
ماجد:زين امسكي يدي واركبك انا
ريهام استحت منه وقالت لا ماجد
ماجد حس فيها وقال:ولا اقول لحضه
ركب في القارب ومد لها يده وقال:امسكيها
ريهام:شلون بطيح
ماجد:رهووم هيا ما بطيحك
ريهام صارت تطالع فيه وتقول بخاطرها :يلا خلااص انا اثق فيك
مدت يدها له ومسكها وسحبها بقوه وركبت للقارب
وعورتها يدها وقالت:او عورتني بيدي
ماجد:هههههه لازم العوار
وليد وهو يضحك:الا لازم الدلع
ريهام وهي تطالع بوليد:انت وش حرقك الحين
وليد:ابد مو محروق عادي
ريهام سكتت ولفت وراحت جلست مع البنات
ماجد صار جالس مع الشباب وعيونه تراقب ريهام يعرفها شقيه وما بتهجد وخايف يصير لها شي ونفس الشي مراد
ماجد اندمج بالسوالف مع الشباب وريهام اخذت جيهان وراحو وجلسو ع مقدمه القارب ويسولفون ومندمجين
ماجد مو منتبه بس مراد منتبه لهم وخايف يصير لريهام شي ووده يتكلم بس خايف لو تكلم ينتبه ماجد ويقوم وهو ينقهر بزياده فصار يحاول يطنش
شوي مال القارب جهة ريهام بقوه وريهام ارتطم ضهرها بالسور مراد شافها وجا بيتكلم بس سكت وهي صرخت بقوه وصارت ماسكه ضهرها والقارب مسرع ومايل ع جهتها وهي ما تدري تمسك في السور ولا تمسك ضهرها الي يعورها حييل
مال القارب بقوه وكانت بتطيح بس صرخت ومراد ما قدر يتحمل وصرخ وهو يناديها:ريهااااااااااااااااااااام
مراد جا بيقوم بس ماجد انتبه له يوم صرخ ولف يدور لريهام وشافها وهي تصرخ ومو عارفه تتصرف وجيهان تمسكها
ركض بسرعه عندها وسحبها بقوه من يدها ونزلها من مقدمه القارب وصار يخاصمها وهو بيموت من الخوف عليها وما قدر يتحمل وهي تبكي وتمسك ضهرها جلس قبالها وصار يقول لها بصراخ:تستهبلين مين يجلس هنا بالله هيا لو صار لك شي الحين ريهام بطلي رجة خلاص محد فاضي لك الحين تطلعين بعلة جديده خلاص اعقلي
وهي تبكي من الم ضهرها
في النهايه صقعها ع راسها بقوه من خوفه عليها وقال:لا عاد تعوديها
ريهام مسكت ع راسها وقالت وهي مقهورة منه:كيفي وخر عني
ماجد بإنفعال:لا تعاندين لمصلحتك يا خبله
ريهام:مالك دخل فيني
وكملت وهي تقوم من عنده وتروح للبنات:وخر عني
ماجد مسكها من يدها بقوه وقال وهو معصب:تعالي
ريهام سحبت يدها منه وقالت:مابي
ماجد سحبها بقوه وقال:مو بكيفك تعالي قلت
جلسها ع الكرسي وجلس جنبها وصار ماسك يدينها بقوه عشان ما تقوم
وهي صار تبي تفك يدينه وتقوم
وكانت معصبه منه حييل وتبكي
وليد كان جالس جنبه وقال:فكها خلي البزرنه
ماجد وهو معصب:لا تتدخل
وليد:اعصاابك طيب
ماجد:ابلع لسانك احسن لك
ريهام صارت لافه وجهها عنه وتحاول تفك يده من يدينها وهو ماسكها بقوه ويبي يفهمها وهي مو راضيه تسمعه
في النهايه عصب وفك يدينها وهو يقوول:زين روحي بس لا تردين عندي مرة ثانيه
ريهام طالعت فيه وقالت:احسن مع نففسك
قامت وراحت جلست مع البنات وهي تبكي وتمسك ضهرها حيل يعورها
جيهان مسكتها وقالت لها:خلاص رهووم اهجدي ترى عصبتيه
ريهام بأنفعال:ضهري يعورني وهو يخاصمني كاني قتلته
جيهان بنفس النبرة:خلاص وانتي بعد لا تعاندين اهجدي
جلست جنبها وهي تتألم
وماجد ما انتبه ان ضهرها يعورها وكان معصصب حييل منها ومتضااايق
*****
وقفو ونزلو من القارب وبقي ريهام وماجد ومراد
نزل ماجد ومراد نازل وريهام وراه تستناه ينزل
وماجد واقف يستنى ريهام عشان ما تقدر تنزل وحدها
نزل مراد ومشى من جنب ماجد ودق بكتفه بقوه
ماجد عورة كتفه وقال وهو حده معصب:وجع ما تشوف
مراد وقف وطالع فيه وقال:على تراب
ماجد بإنفعال:يسد حلقك يا حقيير
مراد ببرود وهو يروح:انطم بس يا زلابه
ماجد عصب منه وقال بإنفعال وبصوت عالي:انت الزلابه وامثالك يا قليل التربيه
وليد مسك ماجد وصار يقول:خلاص اهجد مو ناقصين جايين نتونس مو نتضارب
ريهام صارت واقفه في القارب تستنى ماجد
وماجد لف وطالع فيها ومد يده لها وهو يقول:انزلي
ريهام كانت خايفه من ملامحه كان معععصصب حييل ويطالع فيها وهو عاقد حواجبه بضييق
طالعت فيه وعيونها مليانه دموع وقالت بخوف:مابي وخر
ماجد بإنفعال:ريهام مو فايق لك خلصيني
ريهام نزلت دموعها وصارت تتذكرة وهو يقول:محد فاضيلك تطلعين لنا بعله جديده و تذكرته يوم قال اوكي روحي ولا عاد تردين عندي مرة ثانيه وقالت بقهر ودموعها تنزل:مابي انا بنزل وحدي وخر عني
ماجد وخر بضيق من قدامها وهي صارت تمسك بالقارب بقوه ونقلت رجلها بخووف وبسرعه ماجد سحبها وهي ما تدري
وضل ماسك يدها ويمشي هو وياها عشان يرجعون للخيام
هو كان متضايق منها ومن عنادها
وهي كانت زعلانه منه عشانه خاصمها ورفع صوته عليها وصقعها وجرحها بكلامه
صارت تطالع فيه وهو يمشي وماسك يدها مقهووورة منه حيل ودموعها تنزل
ركبو السياره ورجعو للخيام وضهرها تحسه بينفك
*****
ريهام دخلت الخيمه وع طول جلست عند عمتها وهي باين بوجهها الضييق وتمسك ع ضهرها
عمتها يوم شافتها كذا قالت لها:شفيك حبيبتي
ريهام بضيق والدموع بعيونها:ضهري
عمتها:شفيه
ريهام:صقعت بقوه في سور القارب ويعورني حيل
عمتها:ووين ماجد عنك؟
ريهام نزلت دموعها ونزلت راسها من دون ما ترد وعمتها قالت وهي تحط يدها من ورى ضهرها:خلاص رهوووم لا تبكي يصير خير ان شاء الله
وبعدها بدقايق تعشو ودق عم ريهام عليهم وخرجو هم واهل عمهم عشان بيرجعون للبيت
وهم بالسيارة
ماجد يسوق وابوه جنبه وريهام وراه وامه جنبها
ريهام كانت تعبانه وميلت راسها ع كتف عمتها ونامت
وعمتها حاطه يدها ع كتف ريهام
شوي قالت لماجد:ماجد
ماجد:همم
امه:شفيها رهوم
ماجد ما يدري انو ظهرها يعورها وقال:ابد بس جلست هي وجيهان ع مقدمة القارب وميل القارب وكانت بتطيح ونزلتها وخاصمتها وشكلها زعلت
امه:لا تقول ظهرها يعورها
ماجد استغرب وقال:يمكن تعورت يوم ميل القارب
امه:انتبه لها زين ياولدي ما يصير
ماجد سكت وما رد وهو يتذكر شلون زعلت يوم خاصمها
ابوه يطالع فيه من اول ما قال خاصمتها وشكلها زعلت بالنهايه قال:خاصمتها يا ماجد؟؟
ماجد التفت وطالع في ابوه وهو يحاول يبرر وقال:يبه كانت بتطيح خفت عليها
ابوه:شلون خاصمتها؟؟
ماجد سكت وما رد وابوه قال:قدام بنات عمك؟؟
ماجد عيونه بالطريق وما يرد
وابوه كمل:رفعت صوتك عليها ولا مديت يدك؟؟
وماجد ما يرد والقهر باين بوجهه
في النهايه ابوه قال:وانا خليتها معاك واستأمنتك عليها يا ماجد عشاني اعرف انها قريبه منك حيل من يوم ما انت صغير وما راح تجرحها او تضايقها وبالنهايه تسوي كذا
ماجد طالع في ابوه وقال بضيق:بس يبه ما قصدت كانت بتطيح وكانت تعاندني
ابوه:ولو يا ولدي المفروض مو قدامهم ولا ترفع صوتك انت حنوون عليها حيل عشان كذا انا مخليها معاك وهي برضو مرتاحه معاك
ماجد سكت وما رد وتضااايق حييل من كلام ابوه
وابوه كمل:لا تخليها زعلانه كذا وانا اعرف رهوم ما راح تزعل لو خاصمتها على شي لمصلحتها بس اكيد انك جرحتها وانا الحين مو قاعد اخاصمك لا يا ماجد بس ريهام ترتاح لك اكثر مني ومن امك ومن أي احد ثاني لو فقدتك ما راح تكون مرتاحه وكفايه الي فقدتهم يا ماجد حاول ما تجرحها وما تعايرها بشي خلاص ياولدي؟
ماجد وهو يلف وجهه:طيب يبه
وصلو للبيت ونزلو ام ماجد صحت ريهام ونزلت وع طول ع سريرها وكملت نومها اما ماجد الي كان متضايق حيل راح لوليد بغرفته ووليد كان منسدح ع سريره ومندمج بجواله ماجد جلس ع طرف السرير وقال:ولييدووه
وليد:نعم
ماجد بضيق:طالع فيني انا اتكلم
وليد وعيونه بالجوال:طيب دقيقه
ماجد تنرفز منه وقال بإنفعال:وليد بتطالع ولا اضف وجهي
وليد:ياخي دقيقه مو فاضي لك الحين
ماجد قام من عنده وقال وهو خارج:مو فاضيلي طيب من عيوني
وليد رفع راسه وقال:هااااه وشتبي
ماجد وهو يخرج:سلامت راسك مابي شي
خرج وراح لغرفته وانسدح ع سريره وريهام كانت نايمه ع سريرها ومعطيته ضهرها
ماجد صار يطالع فيها وهو متضاايق حييل
شوي طالع بالسقف وسررح مافي راسه نووم ابد
لف وطالع بريهام بعد ما حس انها قامت
ولقيها جالسه وحاطه يدها ع ضهرها وتتألم
قام بسرعه وراح لها وحطيده ع كتفها وقال بهمس:شفيك رهوم
ريهام يوم حست انه ماجد بعدت يده من ع كتفها ولفت وجهها عنه وصارت تمسك ع ضهرها
ماجد جلس ع طرف السرير وقال:رهوم ضهرك يعورك
ريهام ما ردت عليه وكتمت راسها بالوساده وصارت تبكي وتقول بألم:ضهري آآآه
ماجد قام وراح يبي يصحي امه بس خاف يزعجها وريهام مو راضيه تكلمه
جلس ع طرف سريرها وهو مقهوور وقال:رهوم ردي علي انا اكلمك
ريهام وهي تتالم:وخر عني
ماجد انقهر منها حييل وقام وقال لها بضيق وقهر:اووكي الي تبيينه يصير
وراح وانسدح ع سريره وصار يطالع فيها شوي وانسدحت ونامت
ماجد بعد جهههد عضيييم قدر ينام اخيرا
ترقبووني بالجزء الرااابع
تحياااتي لكم


 

رد مع اقتباس
قديم 03-31-2012, 03:42 PM   #18
شارون وساركوزي تحت الشرقي


الصورة الرمزية مسريها
مسريها غير متواجد حالياً

بيانات اضافيه [ + ]
 رقم العضوية : 1927
 تاريخ التسجيل :  Jan 2010
 أخر زيارة : 01-04-2017 (09:58 PM)
 المشاركات : 10,973 [ + ]
 التقييم :  434
لوني المفضل : Lightslategray
افتراضي رد: لا تخليني على الدنيا وحيد~||من تأليفي||~



دلوعه كلك غلا
تَتَّسِع كُل الْأَرْض لمِدَادِك
فالْجمآل لَا تَكْتَمِل رَوْعَتِه الَا بِطَرحكَ الْطَّاهِر
وَلَكُي نقـآءَ ولطَرَحِك الْسَّخِي كَلِ تقَديرَ
دُمْت بِرُقِيِّك الرائع

ودام نبضك ونبض بوحك الراقي
بدايه روايه جميله بحق

يعطيك الف عافيه يارب على مجهودك المميز
لا خلا ولا عدم من تواجدك بهذا القسم

شرف لي وجود بوح قلمك هنا
بأنتظار الجزء الثاني
دمتي كما تحبين

>>عجبني ردـة ؤانتي تستاهلينه


 
مواضيع : مسريها



رد مع اقتباس
قديم 03-31-2012, 03:43 PM   #19
شارون وساركوزي تحت الشرقي


الصورة الرمزية مسريها
مسريها غير متواجد حالياً

بيانات اضافيه [ + ]
 رقم العضوية : 1927
 تاريخ التسجيل :  Jan 2010
 أخر زيارة : 01-04-2017 (09:58 PM)
 المشاركات : 10,973 [ + ]
 التقييم :  434
لوني المفضل : Lightslategray
افتراضي رد: لا تخليني على الدنيا وحيد~||من تأليفي||~



دلؤعه ؤش معنا بارت

>>يقؤل شكلك تقصدين بارتي يعني كم فرحه ثلآث الله هم زد ؤباركـ


 
مواضيع : مسريها



رد مع اقتباس
قديم 04-01-2012, 09:43 PM   #20


ضجة مشاعر ~ غير متواجد حالياً

بيانات اضافيه [ + ]
 رقم العضوية : 2695
 تاريخ التسجيل :  Jul 2011
 أخر زيارة : 10-08-2013 (02:47 PM)
 المشاركات : 3,111 [ + ]
 التقييم :  201
 الدولهـ
Saudi Arabia
 الجنس ~
Female
لوني المفضل : Black
افتراضي رد: لا تخليني على الدنيا وحيد~||من تأليفي||~



منووور خيو

يعني جزء

ههههههههه مو منك اصلا
من هالنك الحلووووووووو
هههههههههههه

تحياااتي لك


 
التعديل الأخير تم بواسطة ضجة مشاعر ~ ; 04-09-2012 الساعة 10:51 PM

رد مع اقتباس
إضافة رد

مواقع النشر (المفضلة)

الكلمات الدلالية (Tags)
لا, وحيد||من, الدنيا, تأليفي||, تخليني, على


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
قصه من تأليفي α7saS ๑۩۞۩๑ القصص والروايات ๑۩۞۩๑ 7 06-25-2011 10:22 AM
آآهـ لو تدري بعذآبي مآ تخليني .. يوسفية الملامح ๑۩۞۩๑ عالم الماسنجر والتوبيكآت ,وملحقات السكايب واليآهو ๑ 10 06-09-2011 06:42 AM
مت بغيابك ::::: وحيد :::: وشمعتي ذابت أمير بطبعي ๑۩۞۩๑ للقصائد مـذاق ๑۩۞۩๑ 5 10-25-2010 03:33 PM
أطلبك ياأبوي تكفى لا تخليني .....................!!! إْح.ـسآس ๑۩۞۩๑ للقصائد مـذاق ๑۩۞۩๑ 7 08-18-2010 04:49 PM
لو كنت وحيد وش بتسوي ..خلاص ابرحل.. ๑۩۞۩๑ الألعاب والمسابقات ๑۩۞۩๑ 0 01-03-2010 06:09 PM

RSS RSS 2.0 XML MAP HTML

All times are GMT +3. The time now is 02:28 PM.


Powered by vBulletin® Version 3.8.9
Copyright ©2000 - 2019, vBulletin Solutions, Inc.
adv helm by : llssll
new notificatio by 9adq_ala7sas
HêĽм √ 3.1 BY: ! ωαнαм ! © 2010
دعم وتطوير نواف ا
This Forum used Arshfny Mod by islam servant