قصة شايب قلبه خضر

خضر , شايب , قلبه , قصة

قصة شايب قلبه خضر

بدايه القصه عن شايب اسمه حمدان وهواوي ( قلبه خضر ) ما يشوف بنت الا ينفتن , و فيه بنت ملكعه وصاحبة مقالب
قالت في نفسها انا ليه ما اروح للشايب وامزح معه واضحك شوي راحت له وردت عليه السلام كيف حالك يا شايب
رد السلام والله بخير الله يعافيك
وفجأه عطته ظهرها ومشت , ولع الشايب من حركتهاقال فيها كم بيت يستعطفها فيها ويقول انها ذكرته الماضي
و اذا ما عطيتيني وجه لحقت باخوي حمود اللي في قبرهويذكر التاريخ واليوم اللي قابلها فيه
يقول الشايب
يا بنت خوذي خاطري وارحميني ... لا تجرحين العود بعيونك السـود
غضي نظرك وغطي الوجنتينـي ... لعل يومٍ جدد الجرح مـا يعـود
يوم انتهى مع مرمسات السنينـي ... جتني صواديفه على غير مقصود
باول شهر عشره نهـار الثنينـي ... حمدان مروا به على جنازة حمود
البنت كانت تقصد من استفزازه تجاريه في الشعر وترد عليه , والمسكين ما كان يدري انها شاعره
ردت عليه تقول
يا شايب الرحمن وينـك ووينـي ... عزي لحالك قدامك الباب مسـدود
قلبك عطوف وجاه قلـبٍ متينـي ... والبنت ما تشفق على مغازل العود
حبل الرجا مقطوع بينـك وبينـي ... مثل الغليث اللي رعا قلبه الـدود
اقفى شبابـك والعـرب مقبلينـي ... يا عود ما يرجع من العمر مفقود
حطمته يوم قالت له انك عود وان الشباب ما يرجع وان ما فيه امل تعطيه وجه حس العود انه تورط وقال كم بيت
يقول لها صدي عني انه ما يبي الغزل بعد ما وصل عمره ثمانين سنه
يقول حمدان
يا بنت صـدي بالعيـون الظليلـه ... لا صد عنـك الله نهـار القيامـه
مالي ومالك يالفـروع الطويلـه ... لو فيك من رسم البـداوه علامـه
يابنت مـا لـي بالثمانيـن حيلـه ... اهدف كما تهدف على البير قامـه
اقفى شبابي والدهر شفـت ميلـه ... يالله حسـن الخاتمـه والسلامـه
اعطيك موجز والبضاعـه قليلـه ... واخذت لك من صافي الماء سنامه
بعد فتره مرته مره ثانيه وردت عليه السلام واستفزته وراحت وخلته ولع الشايب وقال ليه ما ابين لها في كم بيت
انها بتشيب مثلي واني رجال طيب وان الناس تنصاني ومعروفبالكرم واني ما ابي منها غير التحيه والترحيب

يقول حمدان
يا بنت ما جاك الكبر والخشونه ... وعادت شباب اليوم يجفل من الشيب
ياسرع ما وبلك تمزع مزونه ... يالفاتنه يا ام الثمان الرعابيب
يا بنت ما بيني وبينك مهونه ... كلمة شرف نبي تحيه وترحيب
الله من عودٍ ثقيله طنونه ... ينصاه راع المشكله والمواجيب
على الكرم والدين نفسه حنونه ... تلقاه بالاجواد شرق وتغاريب
جهز الأبيات وأرسلها مع عجوز ووعد العجوز بهديه اذا وصلت الرساله لهاراحت العجوز وعطت البنت الابيات
شافتها البنت , وقالت مثل ما جيتي بابياته ترجعي بابياتي ردت البنت ابيات اقوى من الاولى
تقول البنت

العود عود وطايحـاتٍ سنونـه ... من كثر ما يرقد على جرة الذيب
عودٍ مهرقل والعرب ما يبونـه ...ياعود ما لك في طويل المراقيب
اقفى شباب العود راحت حتونه ... مثل اليتيم اللي بكا ما له مجيب
جداه ينثر دمعـة ٍ مـن عيونـه ... غريق موجٍ ما لقا له مقاضيـب

الموضوع الأصلي: قصة شايب قلبه خضر || الكاتب: كلي حلا || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات