ورود وبارود

وبارود , ورود

ورود وبارود

₪ بالبدايــــهـ ₪

يسعد صباحي دام صوتكـ صباحي
أحلى صباح اللي يجي فيه صوتك
لبـا نعـومة بحتك وانت صاحي
لبـا صبـاح الخير مابين تـوتك
قـل للعذوبهـ فيكـ تطلق سـراحي
وانت اللي خابرني اضيع بسكوتكـ ..!


::


على كيفهـ !! .. يروح .. و يعند .. و يزعل .. و يتغلَّى
و من كيفهـ .. يروق و يرجع .. و يسأل / و أهلِّي بـه


::

نـادوا سميّـك وارتبكـت وتغيّـرت
كذا !! ولا ادري وقتها ويـش جانـي

سكّت//حتى اتصدّق اني تباشـرت
كنت احسب انك جيت يمّي .. عشاني

وانا من الموقف ضحكـت وتكـدّرت
وبشايـري مـرت مـرور الثوانـي

مع السوالف يوم طـروّك سافـرت
سافرت لك وانـا مكانـي//مكانـي

::

ياللـي حبـكـ مـرتكز فيـني و سـاكن
لا تحـاتي قـلب غطـاه ’ الـدفـا ‘
هـو صحيـح البـرد ذابحـني ولكـن ..
كيـف احـس البـرد و طيـفك لـي دفـا .. ؟!

::

لهـا موطـن عظيـم ٍ فـي كيانـي
ولها تأثير ابـد ماشفـت زيـهـ !!
إذا مــرت تسابقـهـا الثـوانـي
وتتبعهـا اللحـون السامـريـهـ !!
عجـزت ألقالهـا بيـن المحـانـي
شبيهـ مـن العصـور الجاهليـهـ !!
غلاها يـم وعيونـي موانـي
تساااافر بس مـن عينـي إليـهـ !!


::

نسيت انكـ تنسّيني الزعل كلهـ الا من جـــــــــــيت
مجـــــــرد ضحكة عيونكـ بنظره تجمع شتااااااتـي
نسيت ؟ شكثر تغليني ؟ وكم لكـ ؟ وانت ماملـــيـت
نسيـــــــــــــــت ان الوفا منّك يذكّرني خــــيانااتي ؟
احبك ؟ ايه احبك ايه احبك آآهـ لوعــــديت
من الآحاد لـ الآلاف تمـــــــلا كــــــل خاانااتي
حبيبي لاتحاسبني وانا ياااما عليـــك اخطيت
ترى لو مت بـــ يديني غفرلي صدق غـــــاياتـي !!!


::

تحيـرني ؟
! متـاهـــات الإجــابة كل ما اسـأل !
ولكني اجــي ملهـوف
.. أسبـق ســاقـي بـ سـاقـي ..
تسيــرني عـذابـــاتي
وأمشـي لكـ ولا أوصـل
وأهــرب منكـ
لين القــاكـ من اعمــاقي لأعمـاقي
أســافر في عيــون الجــرح.. وعيــون السهر تذبـل ..
ولا باقــي ....من الليــل الطويــل
إلا .. انت .... وأشــواقـي ..




₪ هـ ـمـ ـسـ ــهـ لـ ـهُـ ₪

صار بعض الشوق فيني منطوي خلف الجفاف
وهذا بعضهـ في خفوقي يحتري باقي الوعود
من فقدتك ياحبيبي / والمشاعر ماتخاف ..
وشـ بعد خوفي من انك من غيابك ماتعود ؟؟
تكفـى / تعال / ألحق / على اللي بقالـــــي ..
ماتنفع / دمـــوعك / إليـــا / غــــاب / صــوتي !!


::


من كثر ما أجيلكـ وأنا كلي إحساس ..
اشوف كل الناس قدامكـ دما ..!
ما أقول اشوفكـ وآتعيما عن الناس ..
أقول اشوف الناس واجيلكـ عما



::

عيبهـ ملول و عيبي اعشق عيوبهـ !
طبعهـ ثقـيل و طبعــي أهوى التغــلي
دربهـ صعـــيب و متعتي فهالصعوبه
مجبوره احبكـ رغم طبعك يـ خلي


::

أشوف الأرض من حولي دمار وما بها سكان ..
أشوف الهـم فـي صـدري يلملمني وينثـرنـي ..
شتات بـ داخلي يشبهـ ضيـاع الأرض والأفغـان ..
أحاول من هنا / ينبت هنـاكـ إحسـاس يقهرنـي ..
وأنا فـي قوقعـهـ عايـش غريـب وداخلي أوطـان ..
غريـب وداخلـي دولــهـ ح ــزن والواقـع أنكـرنـي

::


أحسكـ داخلي عالـمـ بـلا شاطـئ بـلا ربـان
وأعوم بـ موجـك العاتـي ولا أدري ويـن ودانـي ؟؟
خذاني لـ آخر الدنيا ويرسـم فـي سمـاي ألـوان
تلّون لي بـ لون الطيـف ونسيـت بـ جـوهـ ألوانـي
عليك اللهـ // وأمـان اللهـ // وجـاهـ اللهـ // عزيـز الشـأن
تراك أقرب من أنفاسي وساكـن وسـط وجدانـي
أشوفكـ جنـة الدنيـا // أشوفـكـ روضـة التحنـان
أشوفكـ حلمـي الضايـع وطيـف البعـد يحدانـي
هدير الموج يأخذني وأنا الضامـي وأنـا الغرقـان
علـى شاطـي غـلاك اللـي تمنيـت وتمنانـي

::

البـارحهـ ..
والكـلامـ العـذب في بـالي ..
لو هــان سمـعي ..
حشى ما هـان مـرسـولي ..
صـدقيني لـو ما الحيــا ..
والله ما ابــــالي ..
نـادر تجيـني .. وقـلت اجيـكـ
برجـــولي ..
امـا نعـيش العـمر من عـالي
لعـالي ..
ولا بــلاش انتواجــهـ ..
يا بعــد زولي ..


::


انا ما عاد بـي يــا صاحبي جسم .. وعروق .. ودم
ولا حــتى ظلال ٍ يارث أشباهي .. من الـليـــلهـ ..
أنا .. وإن قلت " أنا " يعني / حزن .. يعني / جراح ..وهم
ولا أدري وشـ أسوي .. ما بقى بـ اليد من حيلــــهـ ؟؟
على كثر البكى .. صرت أحسب إنــي ســاكن بـ مــيــتم !
وعلى كثر الرجى .. صرت أحسد الباكي بـ منديلهـ ..




₪ لحظـ ـ ـ ـ ـهـ مهلكهـ ₪


بربكـ .. لا تعلقنـي معـاك وتنسحـب بـ سـكـات "
" بربكـ .. كـل مـا يطـري عليـك البعـد علمنّـي
وبربكـ .. لا تعيشني علـى رجـوى زمـان ٍ فـات "
" إذا هان الذي بيني وبينـك / حّـن / وأرحمنـي
وبربكـ.. لا توقفني علـى بـاب الأمـل لحظـات "
" ترى كل شـي يهـون / إلا تـروح ولا تكلمنّـي


::

ايه أحبكـ وأدري إني في بحر غدركـ غريـق
وليه أتصفّح حياتـك؟ دام عذّبنـي الغـلاف
إن عشقتكـ صدقيني كني عاشق لـي حريـق
الحَطب عمري .. ونارك بس تاكل ما تخـاف !!!!


::


" أحـبــكـ "
كثر ما كان السهر فن من فنوني ..
وكثر ما أضحي بـ حبكـ وأقول :
" أمــوووت مديوونكـ "
عرفت .. الطهر .. من .. طهرك / يا أطهر .. أطهر .. سجوني ..
أبي .. حريتي .. بك .. فيكـ / وأبقى .. دوم .. مسجونكـ





₪ خــ ـــ ـــ ــاصهـ جداً ₪



الف مرّهـ قلت لكـ .!
خل العذر ../.. خل العذر
لا تعتذر لو بسإلكـ
ليه الغياب المستمر
من ثلاث أعوام
و
الدنيا سواد
و
المشاعر
صابها ضعف الجماد
و
الليالي تمر بسهولة
وإنت .!
اكذب عليك إن قلت لك
إنت ./. إنت

::

تروح شلون عَنْ عيني .. وتبدِّل قوِّتي بـــ ضعفي !!
ولا بـــ/هـ/ شي يستاهل عشانـ/هـ/ .. تبـدا إيذائـي ..
غيابك ما رحَـم حالـي وحرفـي آهـ .. يـا حرفـي
تلعثمت ,, وعجزت آخذ في وقـت البُعـد إجرائـي
أحبك يا [ وَطَنْ ] غالي عَليْ وحَضْرتِي " منفي " ..!
كفايـ/هـ/ لا تِشتِّتْنِـي تعـال .. وجَمِّـعْ أشيائـي !!
( ثلاثْ سنين) ما نامَت عيوني وما قِدَرتْ أغفـي !!
لي الله كِلْ ما حُولـي غريـبْ وعَالَمِـي .. نائـي
تِصَدِّق حتَّـى بسماتـي .. أهَلِّـي فِيهـا وتِقفِّـي !
تعال ولَمْلِـمْ جُروحـي ورَتِّـبْ فُوضَـة " أحزانـي " ..


::



توادعنا وودعنا المكان وحارت الاقدام
ولا ملت شفاه افواهنا ترديد اسامينا
ايلين الدمع طاح وطاح معه الشال والبسام
ياليتك تدرى بذيك الدقايق وش حصل فينا!!!



::


عــتب ..
ولا ســوالف خـاثرهـ ..
أو همـس .. أو مــوال ..
حـروفكـ لبجديـــهـ دغدغت سمعي بمظنونكـ ..
شعــر ..
ولا نثــر .. ولا خـواطر ليـتها تنقــال ..
تبعثـر فالمســا حبـكـ وتعـلن خـافي افنـونكـ ..
حديثــكـ ..
مطلعــهـ شهـر لفـى تـوهـ علي بهـــلال ..
حـلاتهـ .. لكتمــل و ارخــت ..
ليـــالي بـــدرهـ جفـــــونكـ ..



::



لاصار عقلكـ ثقيل.. وصار قلبك خفيف
عزالله إبتبتلـش ...وإتضيع فالمعمعـهـ
ولاصار صاحبكْـ.. دلوع.. وجميل.. وعفيف
خل العقل يسكت وقلبكـ .. تفاهـم معـهـ!


::



صبحيّة البرد ..شينـهـ .. وأنت بلحالك
....كــنّـك على كثر ناسك عايـش بمنفى

بالذات لا جـف دمــع .. وســال في بالــك
....والله لـ تبطي تبي تدفـــا ولا تدفــا


::


بعض الفرح يا صاحبي باطنه هم..
وبعض الهموم افراح لو هي حزينة...


₪ والنهايــــهـ ₪


::



الله عـطـاك ( الـمـوهـبـة ) ..والله عـطـاك الانـفـصـام
الأولـه والثـانـيـة // ماجـتـك مـن غـيــرك .." هـبـه "
وانـا اتـنـهـد كــل ماشـفـتـك..واردد : [ ياحـرام ] ..
مسكيـن " كـائن حي " عـايش ، بإنفصام..ومـوهـبه !!

::

الموضوع الأصلي: ورود وبارود || الكاتب: تعبت الظلم واجحافك || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

الله عـطـاك ( الـمـوهـبـة ) ..والله عـطـاك الانـفـصـام
الأولـه والثـانـيـة // ماجـتـك مـن غـيــرك .." هـبـه "
وانـا اتـنـهـد كــل ماشـفـتـك..واردد : [ ياحـرام ] ..
مسكيـن " كـائن حي " عـايش ، بإنفصام..ومـوهـبه !!

يعطيك العافيه تقبل مروري

كلمة رائعة قليلة والله ،،


دمت مبدع يالــغـــالــي ،،


لاهنت ع الطرح ..


دمت بوود

توادعنا وودعنا المكان وحارت الاقدام
ولا ملت شفاه افواهنا ترديد اسامينا
ايلين الدمع طاح وطاح معه الشال والبسام
ياليتك تدرى بذيك الدقايق وش حصل فينا!!!


بصراحه كلمات في قمة التميز والابداع
راقت لي كثيرا
والى مزيد من الابداع تقبل مروري

بعض الفرح يا صاحبي باطنه هم..
وبعض الهموم افراح لو هي حزينة...


خلجات في منتهى الروعه

سلمت اقلامك ع هذا النثر الرائع

تقبل مروري المتواضع


كل الاحترام والود

تعبت الظلم واجحافك

قلم رائع يصعب مجاراته
كلمات لها معنى وجداني قبل معنى حبرُ اقلام .
معجزه يصعب وجدان مثلها .

*سيدي *

عبارات اجفلت قلبي وابلمته حروف نقشت رقي
بوح رائع سطر لنا وترانيم احاسيس اروتنا حتى الثمل
لؤلؤ ثمينه قد نثرتها هنا
انثنت النجوم لحضرة حرفك وتكالبت الغيوم للنظر في ماخطت اناملك
ياسيدي دمت للابداع نبراسا

لا تحرمنا جديدك الراقي

تقبلني هنا

عزيزي .. اعجابي بحرفكـ يهدي نفسه اليك ..

وكلمات تتنافس في الابداع ..

وحس جذاب تتميز به ..


% محبتي %