آخر 10 مشاركات
أهمية الوقت في حياة المسلم (الكاتـب : - )           »          حال السلف في رمضان (الكاتـب : - )           »          عبدالله بن مسعود (رضي الله عنه) (الكاتـب : - )           »          Tmark اناقة ومظهرادم تحكي فخامتك (الكاتـب : - )           »          Tmark لاتضع حدود لنفسك تعيقك (الكاتـب : - )           »          ◄ ... سجـــل حضــورك بأســم ولـد ... ◄ (الكاتـب : - )           »          1 (40) 13رمضان (الكاتـب : - )           »          وأشرقت الأرض بنور ربها (الكاتـب : - )           »          محاسن الصيام (الكاتـب : - )           »          الاعتصام بالله في زمن غربة الإسلام (الكاتـب : - )


العودة   منتديات كلك غلا > ۩ المنتدى الأدبي ۩ > ๑۩۞۩๑ لـلأقـلأم الحـصريه ๑۩۞۩๑

๑۩۞۩๑ لـلأقـلأم الحـصريه ๑۩۞۩๑ ۞ قسم بختص بالاقلام الحصريه الخاصه لكلك غلا يمنع المنقول ۞

إضافة رد
 
أدوات الموضوع انواع عرض الموضوع
قديم 04-25-2011, 10:28 PM   #11


الصورة الرمزية بقايا حب
بقايا حب غير متواجد حالياً

بيانات اضافيه [ + ]
 رقم العضوية : 2145
 تاريخ التسجيل :  Dec 2010
 أخر زيارة : 03-09-2021 (11:19 PM)
 المشاركات : 828 [ + ]
 التقييم :  113
 الدولهـ
Saudi Arabia
 الجنس ~
Male
لوني المفضل : Gold
افتراضي رد: كلك غلا قصة لا تنتهي ...



الجزء السابـــع





بعد المغرب وقفت سيارة حنتوش عند بيت فهد ..


حنتوش نفخ الدخان بقوة وهو يضحك : ههههههاي والله انك خطيييير .


فهد وهو يضحك : قايلك ماراح يمسكونا .


حنتوش : كفو يا الذيب ضيعت ثلاث دوريات والله ماحد يقدر يسويها .


فهد : يا رجال لوهم ثلاثين دورية دام فهد يسوق السيارة غني لهم يحلمووون ( حنتوش يغني معاه ) يحلمووون اللي فيك يفكرووون هههههاي .


يضحك حنتوش ويقول : ماقلت لي وش رايك بالحبة اللي عطاك اياها غازي ؟


ينزل فهد من السيارة وه يقول : هههه هذي الحبة جوووو ثاني .


حنتوش : طيب يا ابو الجو .. المهم أول ماتصحى كلمني .


فهد يضحك : أكيد بكلمك .




حرك حنتوش سيارته وراح بعيد وفي هاللحظات كان فهد يمشي وداخل بجو ثاني وقف على الرصيف وبدا يغني :



وعدك متى الصيف ولى و الشتاء


وأنا على الوعد القديم


على رصيف الوقت ولهاااان ويتيم



طاح مفتاح البيت من يد فهد نزل ياخذه طبعا ماكان مركز كل ما يمسكه يفلت من يده وهو للحين يغني ويعيد نفس الكلمات ..

وفجأأأة شي ضرب في فهد من الجنب طاح فهد وقام بسرعة معصب و ناظر الجهه الثانية
لقى بنت طايحة على الارض كانت ماسكه رجلها تتألم



فهد بعصبية : انتي وش فيك ماتشوفين عميا !!!



البنت كانت تبكي من الألم ولا ناظرت في فهد .. كانت تمد يدها تحاول تجمع الأغراض اللي طاحت منها .



فهد كانت أعصابة بتنفجر : جالسة تبكين ؟؟ انتي ماتفهمين ؟؟ عمري ماشفت أحد يمشي بالشارع وهو مغمض عيونه !! اقسم بالله لو ما كنتي بنت كان .....



وفجأة حس فهد بضرب على فخذه التفت شاف ولد صغير عمرة مايتجاوز خمس سنوات كان يضربه بكل قوته يضرب ويضرب بدون توقف



وهو يصرخ : ابعد عنها .. ابعد عنها ..



البنت اشهقت بقوة وبنبرة خوف وصوت بالكاد ينسمع مدت يدها له


وقالت : نـ ننواا ف .. نوااف .



التفت لها الولد وراح والتصق فيها وهو يبكي قال : سارة سارة وش فيك ؟


هزت سارة راسها : ممماافي شي .


نواف : قلت لك انتظريني .



سارة مدت يدها تتحس وجه نواف وتمسح دموعه و قالت بنبرة أقرب للرجاء : نواف خلنا نروح البيت .


مسح نواف دموع اخته سارة : طيب .



ولما وقفت سارة كان نواف ماسك يدها بقوة.


بسرعة نواف التفت لفهد ناظر فيه ترك يد سارة وراح لفهد .



فهد كان ساكت طول هذي الفترة ولما اقترب منه نواف نزل راسه وصار وجهه قريب من نواف
وقاله : وش بعد تبغى تضربني مرة ثانية أنا اليوم صاير ملطشه لكم ؟؟



نواف رفع يده بسرعة وضرب وجه فهد !!



بعدها نزل نواف للارض واخذ عصا كانت مرمية بجنب فهد .


اخذها وراح لسارة واعطاها اياها التفت سارة جهة فهد ..



كانت أول مرة يحط فهد عينه بعين سارة .. انبهر فهد بملامحها رغم عمرها اللي كان تقريبا 19 سنة


كانت ملامحها طفولية ورائعة و خصلات شعرها الشقراء اللي تتدلت على خديها كأنها تقسم وجه القمر


لنصفين صعب توصف جمالها لكن بكل ثقة اقدر اقولكم ما في بنت عندها نص جمال سارة ..



وفي لحظات انبهار فهد ابتسمت سارة ابتسامة رغم كل آلامها ورغم الدمعة المعلقة بين جفنيها

وقالت : أنا آسفة .



سارة اخذت عصاها وأغراضها بيد وصارت تضرب الارض بعصاها ضربات خفيفة وبيدها الثانية مسكت نواف وبدت تمشي وهي تعرج .. راحت تبعد اشوي اشوي عن نظر فهد الى ان اختفت .



زادت علامات التعجب والاستغراب على وجه فهد


وكان يسأل نفسه : ليه ماحطت عينها بعيني !! والعصا !!؟ يا الله البنت من جد عميا !!! أنا وش سويت ؟؟؟



تنهد فهد ومسح قطرات العرق اللي تجمعت على جبهته .



وبنفسية تغيرت تماما عن ماكانت علية من فرح الى ندم وحزن وتأثر تابع فهد طريقة ودخل البيت ..



لما اقترب فهد من المطبخ سمع خالد وامه يتكلمون



ام فهد : بس انا للحين مافهمت شي من كلامك ابغى أعرف فهد وش فيه ؟


خالد تنهد : با اختصار يما العيال اللي يمشي معهم سيئين لدرجة ماتتصورينها .


وفي هالحظة دخل عليهم فهد والغضب كله طالع من عيونة



التفت لجهة خالد و صرخ : وانت وش تبغى مني ؟؟ ماعندك غير فهد وكل اشوي جاي وقايل لأمك ؟؟


خالد وقف و قاطعة هو معصب : وبتقول انا أكبر منك و أفهم منك ؟ انت ما تحس ما تسمع الناس وش بدت تحكي علينا ؟؟


فهد : اسمعني زين كلامك كله ما همني .


خالد : أبوي الليله راح يوصل و هالمرة راح أقوله يشوف لك حل .


فهد ضحك : هههه إيه روووح قول لأبوك هذا ابوك انت ما هو أبوي .


أم فهد رفعت يدها وضربت فهد على جهه وقالت بغضب : اسكت ولا كلمة انت ماتستحي .



فهد حط يده على خده وقال بألم : أنا فهد ناصر و هذا خالد بدر ..


أبوه راح يرجع الليله أما أنا أبوي ناصر توفى قبل ما أشوفه لا أعرف شكله ولا شفت له صورة وحده حتى قبره ما أدري وين ؟ أنا يتيم .



فهد طلع من المطبخ وراح لغرفته وامه كانت تناديه وفهد ما رد عليها , دخل غرفته وقفل الباب .


أم فهد كانت تدق الباب بكل قوتها وتنادي : فهد فهد رد علي فهد افتح الباب افتح الباب .



كان خالد واقف يناظر من بعيد لكنه اقترب من امه مسكها
وقال : يما خلاص اتركيه الحين هو عنيد و ماراح يفتح الباب .



ام فهد : ما هو بكيفه لازم اتكلم معه ..


رجعت تدق الباب اكثر واكثر و فهد ما رد ولا بحرف واحد .



اخيرا وبعد عدة ساعات قدر خالد ياخذ ويهديها امه وجلس معها ..



لكن الأم انهارت وقالت : ايه فهد ابوه مات ماااات وانا قلت لفهد لأنه لازم يعرف ..
وبدر ما قصر معه كان يعامله مثلكم عمره مافرق بينكم حتى بدر كان يطلب مني أنادية أبو فهد ...
واليوم لما كبر وصار عمرة عشرين سنة يجي يقول ما هو ابوي ؟ ليه يقول مثل هالكلام ؟؟؟ ليه ؟؟ ..




خالد : خلاص يما اهدي اليوم راح يوصل ابوي وبعدها انتي معاه تكلموا مع فهد ..


أم فهد مسحت دموعها وسألت : الساعة كم اللحين ؟؟


خالد ناظر الساعة وقال : الساعة صارت 10 يلا يادووب نلحق نوصل المطار .


أم فهد : يلا خذني معك ..



في المطار كانت الأم و خالد و غزل ينتظرون وصول بدر ( ابو خالد ) لكن طالت المدة وطال الانتظار ..


ام فهد وقفت و ناظرت ساعتها وقالت : 11.30 خلونا نروح نسأل ونشوف ايش الموضوع ؟



راحوا لمسؤول المطار



سأله خالد : لو سمحت رحلة رقم ........ للحين ماوصلت ؟؟


الموظف : لحظة أتأكد .



بدا الموظف يشتغل على الكمبيوتر وبعد لحظات التفت عليهم



وقال بتعجب : هذي الرحلة من شرق آسيا !!


خالد : ايه عارفين .


الموظف : يعني انتوا عارف انها راح تتأخر ؟



خالد استغرب : لا ما حنا عارفين وبعدين كم بتتأخر ساعة ساعتين ؟؟


الموظف : ما أعرف بالضبط .


خالد : كيف ماتعرف ؟؟ اجل من اللي يعرف ؟



الموظف : البلد هذي اليوم الصبح صار فيها مظهرات وانقلاب على الحكومة و الجماعات اللي سوت انقلاب سيطروا على المطار ووقفوه .



خالد باستغراب وخوف : يعني ايش ؟؟


الموظف : يعني مافي أي طيارة تقدر تهبط عندهم أو تطلع من عندهم .


وانهااااارت ام فهد وطاحت على الأرض



.............................................



 
 توقيع : بقايا حب


التعديل الأخير تم بواسطة بقايا حب ; 04-25-2011 الساعة 10:48 PM

رد مع اقتباس
قديم 05-05-2011, 11:37 PM   #12


الصورة الرمزية بقايا حب
بقايا حب غير متواجد حالياً

بيانات اضافيه [ + ]
 رقم العضوية : 2145
 تاريخ التسجيل :  Dec 2010
 أخر زيارة : 03-09-2021 (11:19 PM)
 المشاركات : 828 [ + ]
 التقييم :  113
 الدولهـ
Saudi Arabia
 الجنس ~
Male
لوني المفضل : Gold
افتراضي رد: كلك غلا قصة لا تنتهي ...






الجـــــزء الثامـــــن





شرق اسيا





( بإحدى دول شرق )






في منتصف الليل وفي المطار الرئيسي للدولة كان الوضع غير مستقر الإضاءة شبه معدومة و الجنود يملون المكان بأسلحتهم و المسافرين أطفال ونساء ورجال جالسين على الأرض بخوف .



قطع هذا السكون همسات شخصين :



بدر : ابومشعل .


ابو مشعل : خير يا بدر .


بدر : وبعدين وش الدبره ؟؟


ابو مشعل : اه مدري وانا اخوك بس ربك بيفرجها .


بدر : يالله .. بس صار لنا ست ساعات على هالحال ؟؟ أم فهد والعيال ينتظروني انا قلت لهم اني راح اوصل اليوم !!


لا يكون ناوين يقتلونا هنا ؟؟؟


ابو مشعل : لا تقول كذا يابدر ... بس انا افكر بولدي مشعل مدري وينه الحين مدري وش صار فية ؟؟ غلطتي اني تركته يبقى في الفندق لحاله ؟؟ يالله سترك ورحمتك .


بدر : اذكر الله ان شاء الله ما يصير الى كل خير .





في هالحظات حس فيهم واحد من الجنود اشر على بدر وصرخ بقوة وبصوت عالي هز المطار : انت تعال هناا ( بلغتهم طبعا ) ..



بدر خاف اشر على نفسه وقال بخوف : انا !!


صرخ الجندي مرة ثانية : ايه انت تعال .



وقف بدر وهو خايف لدرجة صارفيها يرجف , مسك ابو مشعل يد بدر وهز راسه يشجع بدر وكأنه يقوله تطمن انا معك .


مشى بدر للجندي وهو مو قادر يشيل نفسه و كان يعرج من شدة الخوف و أول ماوصل مسكه الجندي من رقبته وقال بغضب : أنا ماقلت ما ابغى اسمع أي نفس ؟


بدر مارد عليه اساسا ما كانت عنده القوة و لا الجرأة الكافية اللي تخليه يتكلم كان الخوف وحده هو اللي مسيطر عليه .




الجندي حط يده على ظهر بدر وبدا يدفعه وهو يصرخ : يلا امش قدامي .


مشى بدر بين الجنود والرعب والخوف يزيد اكثر واكثر يتلفت يمين يلقى جنود مسلحين و أشكالهم تخوف .. التفت يسار شاف جنود وجنود وجنود و دم في كل مكان على الارض وعلى الجدران .



وصلوا لغرفة فيها اربع جنود واقفين والخامس كان جالس على الكرسي ويراقب الشاشات الكثيرة اللي قدامه هذي كانت غرفة المراقبه بالمطار .



الجندي رمى بدر على الأرض وخلاه يجلس على ركبتيه


بعدها الجندي وقال : سيدي القائد جبت لك هذا .



لف الكرسي ببطء وكان هذا زعيمهم و قائد الانقلاب و هو السبب في كل اللي صاير بالبلد .


كانت الاضاءة منخفضة بدر ماقدر يشوف وجهه .



القائد اشر للجندي بيده كأنه يسأله وش فيه هذا ؟؟


الجندي : هذا خالف التعليمات و جلس يتكلم ولا هو مهتم بتحذيرنا لهم .



ضحك القائد بقووة والجنود كلهم ضحكوا معه ...



القائد : ههه ماهو مهتم هههههها بس أكيد راح يهتم بهذا ..



بدر رفع راسه وهو يناظر جهة القائد اللي رفع يده وكان يشاور على بدر بأصبعه وبدأ يضم أصابعه الباقيه ليده .. وصارت يد القائد على شكل مسدس مصوب على راس بدر !!! .



ضحك الجندي اللي خلف بدر وبكل حقد وكره وبشكل مخيف جدا قاله : احلى رصاصة عندي راح تاخذها براسك وتروووح انت وروحك فوووق فوووق فووق ههههههههههااااااي ههها .



ضحك الجنود وتعالت أصواتهم و ضحكاتهم ويرددون : باي باي باي باي ههههااا .



أما بدر كان يبلع ريقه ويتشهد ويتشهد ويتشهد ,,


وفجأة كل شي صار أظلم وما عاد فيه نور ولا صوت نهائيا !!




بدر بفزع وخوف وبصووت متقطع : ممااا أشوووف شي !! مما أسمع شي !!


ما أحس بشي !! وووويييينهم !!!؟؟ وينييييي ؟؟؟!!!


لا


لااا


أأأأأأأأنااا مت !! أنا ميت !!؟






فجأة بدا النور يشتغل ويطفي بسرعة صرخ القائد : كل واحد يروح موقعه بسرررعة .



بدر حط يده على قلبه وهو مومستوعب ويردد والعرق غطى وجهه الحمد لله الحمد لله .



الجندي اللي خلف بدر اتركه ورجع لمكانه عند المسافرين أو الرهائن .



أما القائد كان يراقب الشاشات و يوجه الجنود باللاسلكي وهو يصرخ بكل غضب


: جون .. جون روح لبوابة 9 بسرررعة بسرعة .


ويتابع القائد توجيهاته : انت خذ معك سبعة وروحوا للسطح و أقتلوا أي واحد يحاول يقرب من المطار أو يخرج منه .



انتبه بدر للشاشة اللي كان مركز فيها القائد كانت القوات الحكومية وصلت وبدت تحاصر المطار بشكل كامل تقريبا .


 
التعديل الأخير تم بواسطة بقايا حب ; 05-06-2011 الساعة 02:56 AM

رد مع اقتباس
قديم 05-05-2011, 11:46 PM   #13


الصورة الرمزية بقايا حب
بقايا حب غير متواجد حالياً

بيانات اضافيه [ + ]
 رقم العضوية : 2145
 تاريخ التسجيل :  Dec 2010
 أخر زيارة : 03-09-2021 (11:19 PM)
 المشاركات : 828 [ + ]
 التقييم :  113
 الدولهـ
Saudi Arabia
 الجنس ~
Male
لوني المفضل : Gold
افتراضي رد: كلك غلا قصة لا تنتهي ...



تابع الجزء الثامن2







تسحب بدر بخفه وحاول يوصل للباب ولما وصل للباب ..!!



انتبه له القائد وقالة بحقد : انت مستعجل !!؟؟؟ اوكي أنا راح أطلعك من المطار .. اوووه اقصد راح أخليك تطلع من الدنيااااا ههههاهه .



وبسرعة صوب مسدسه جهة بدر , اللي استجمع شجاعتة وقفز خارج الغرفه بسرعة خلته يسبق الرصاصة اللي اطلقها عليه القائد .



جرى بدر بسرعة مع صوت طلقات القائد وصرخاته وتوجيهاته للجنود اقتلوا الرهااااااائن اقتلوا الرهاااااائن .



تفاجأ بدر بالفوضى اللي كانت بوسط المطار , ماكان يعرف ان الرهائن استغلوا لحظات انقطاع الاضاءة وضعفها وحاولوا الهرب .



بدا بدر يجري بين الناس وينادي على ابو مشعل وكان يدخل غرفة ويتخبى لحظات ويكمل محاولته للهروب او يلتقي بأبو مشعل ..



كان صوت الرصاص يعلا ويزيد ولا ينقطع كانت الطلقات تخترق النوافذ والأبواب وتمر من فوق بدر ومن جنبه وكانت تصيب هذا وتصيب ذاك وعدد الضحايا والقتلى يتزايد والدم يتناثر على ساحات المطار ..



اتجه بدر للبوابة رقم 7 اللي كان عليها أقل عدد من الجنود حاول يتخبى عندها , لكن فجأة وهو يجري امتدت يد من داخل احدى الغرف ومسكت ذراع بدر وسحبته لداخل الغرفة بسرعة ..



التفت له بدر : ابومشعل ابومشعل الحمدلله يارب لك الحمد والشكر .


ابومشعل : الحمدلله الحمدلله والله يا اخوي كنت خايف عليك والحمدلله اني شفتك الحمدلله الحمدلله .



حضنوا بعض واختلطت الدموع وما أعرف كيف أوصفها هل هي دموع خوف من المصير المجهول او دموع فرح لقاء الصديقين اللي عاشوا مع بعضهم من صغرهم على الحلوة والمرة تقاسموا لحظات الفرح و لحظات الحزن و كانوا لبعض اكثر من الاخوان .



بعد حضن الدموع مسح ابو مشعل دموعة وقال : بدر .. اسمعني زين راح نبقى هنا بهذي الغرفة الى ان تدخل القوات الحكومية وبعدها نخرج من المطار باذن الله ..


التفت بدر حواليه ويناظر بداخل الغرفة الصغيرة كان الاطفال يتخبون بأحضان امهاتهم والزوجات بأحضان أزواجهم واشخاص يبكون من الخوف و البعض ينزف وكبار السن والمرضى ممددين على الارض .. زاد الخوف على وجه بدر ..


ابو مشعل مد يدينه ومسك كتفين بدر وهزه وقال له : لا تخاف يا بدر أنا معك .



جلس بدر و ابو مشعل بجانب باب الغرفة كان صوت الرصاص بدا يقل نوعا ما , لكن أصوات الجنود وضرباتهم على الباب تزداد كانوا يحاولون فتحه أو كسره حتى و يضربون الباب بكل شي وبأي شي .



وفجأة وبدون مقدمات قنبلة من القوات الحكومية تخطيء هدفها وتصيب الغرفة من الخارج !!!..



قوة الانفجار ارعبت الجنود وهربوا وابتعدوا عن باب الغرفة ..


بدأ الاشتعال و النيران تلتهم كل شي والدخان يتصاعد وصراخ وصيحات الرهائن تتصاعد .



وقف ابو مشعل وفتح الباب بسرعة ما لقى أي جندي صرخ بأعلى صوته


: يلا بسرعة اطلعوا من الغرفة بسررررعة .



ومد يده لبدر : بسرعة بدر خلنا نطلع من هنا .



مسك بدر يد ابو مشعل وخرجوا مع زحمة الناس من الغرفة .. انصدموا كلهم لما شافوا البوابة رقم 7 غطتها النيران كان أملهم بالخروج من هالبوابة .



وبدأ الجري في كل اتجاه وفي الممرات مرة يمين ومرة يسار , واخيرا اقتربوا من الوصول لأحدى البوابات بدر كان متقدم على ابو مشعل وماسك يده حتى ما يفترقون مرة ثانية .


بدر : يلا يا اخوي قربنا نوصل اسرع اكثر .




طااااااااااااااااااااااااااااااااااااااااااخ !!!





صوت رصاصة !!






تفرقت يدين بدر و ابو مشعل






وقف بدر والتفت لأبو مشعل اللي كان يناظر فيه بنظرات غريبة ..!!





بدر : بو مشعل !! يلا يا أخوي وصلنا .







ماتكلم ابو مشعل لكنه اكتفى بإبتسامه صغيرة و بالنظر لبدر .







بدر باستغراب وقلق : ابو مشعل !!








مال راس أبو مشعل وبدا جسمه يميل وفجأة طاح على الأرض و صار ابو مشعل ينزف ودمه يسيل على الارض ..!!





بدر تجمد مكانه ويناظر صديقة بدون ما يرمش وبدون أي نفس..!!





بدر بصوت متقطع اختلط بالدموع وبدم قلبه بالكاد نطق : اااابببوو مششش ععل ... قووم يا اخوي .. خلاص احناااا وصلنا .. ابو مشعل !! ابو مشعل !!




ظل ينادي عليه ويصرخ ابو مشعل ابو مشعل تكفى يا اخوي رد علي !! تكفى قووم





لكن ما رد عليه !!




بدأ بدر يبكي بحرقة بألم لكن ابومشعل ما يسمعه ..


بدت تنزل دموع بدر ولكن ابو مشعل ما يشوفها ..






كانت تلك الابتسامة .. هي ابتسامة ابو مشعل الأخيرة ..


كانت هي آخر هداياه لرفيق دربة ولمن كان أعز الناس له





نعم ودع ابو مشعل الدنيا وصديقة بإبتسامه







وبينما بدأ بدر يغرق بدموعه وبدماء صديقة وضع أحد الجنود المسدس على رأس بدر ..






.................................................. ...........


 
التعديل الأخير تم بواسطة بقايا حب ; 05-06-2011 الساعة 02:55 AM

رد مع اقتباس
قديم 05-06-2011, 07:18 PM   #14


الصورة الرمزية آسطوره
آسطوره غير متواجد حالياً

بيانات اضافيه [ + ]
 رقم العضوية : 347
 تاريخ التسجيل :  Nov 2009
 أخر زيارة : 10-14-2022 (03:41 PM)
 المشاركات : 12,905 [ + ]
 التقييم :  157
 الدولهـ
Saudi Arabia
 الجنس ~
Female
لوني المفضل : Yellow
افتراضي رد: كلك غلا قصة لا تنتهي ...



الجزء التاااسع



انهارت ام فهد ع الأرض ...وبدأت غزل تصرخ بصووووت عالي

خالد احتاار واعصاب متوتره من الخبر وعلى طول اتصل على فهد وبلغه الي صاااار .

فهد : لبس ثوبه وكاان جداا متلخبط لان امه زعلانه منه ووصله خبر امه منهاره اعصاابههاا بدأ يحااسب نفسه واهوو نازل ومعه مفتااح السياره تذكر ان السياره عطلانه ..وبدأ يدور ارقاام اصحاابه ..حنتوووووش ..وغازي ...وجلس يكرر الاتصاااااال كدا مراا لكن مرااا ولااحد رد .

انقهر وعصب وقال الحين وقت اللزوم مالاقي احد ......!!
وبدأ فهد والصدااع بصراااع واحياناا من قوة الصداع يجلس ع الكنبه الي عند باب الشقه ..قرر بعدهااا انه لازم ياخذ لموزين ويروح المطار

وقف سياره وطلبه ع المطار فوراا ...دق جوال فهد ..الوووو هلا خالد خلااااص انا بالطريق حاول تملك نفسك وبجيكم دحيييين

بدأ فهد التوتر عليه والصداع يزيد شوي شوي

ويقول لساائق بالله استعجل شوي ...طريق المطار كله اشااراات وعلى حظ فهد كلها لون احمر ..ازداد توتو فهد من خلالها


السواق لاحظ توتر فهد وقرر انه يسرع بالخط ....قال السائق لاتقلق يااخوي باذن الله توصل هدي اعصابك ...!!


واثناااء سرعة السائق بالخط السرررريع وكاان الخط شبه مزحووم وبدأت التجاوزااات بالخط مراا يسرع ومرا يهدئ .

وصل فهد المطار ونزل
السائق نزل مع فهد وقرر يكون معه لان شافه بحاله مو طبيعيه .

وجلس يمشي ورااه الين فهد وصل خالد .وغزل وامها كانه بحاله صعبه

فهد : جلس يبكي وغارق بالدمووع واهو يشوف امه مرميه منهاره اعصابها على الارض .

وغزل كانت بحاله ماتدري عن نفسها ..غزل كانت بنت ناعمه خجوله ذات الشعر الحرير تحولت وجنتيها للون الاحمر والعيون العسليه بدأت بالذبول

وقف السائق يتأمل حالتهم من بعيد وفجأه يشااهد خالد بينهم ويتجه اليه .

السائق : خالد اشفيك متوتر وملخبط وليش جالس بالمطار ومن معك .

خالد : انا وأهلي هنا يافيصل كنا نتظر عودة ابوي على رحلة الساعه 11 وصار توقف بالرحلات من شرق اسيا بسبب الوضع السياسي بالدوله .
لكن انت علمنى ليش جيت هنا .

فيصل : كنت اتكس حولين بيتكم ولقيت واحد جالس بأول الخط وقال ابي المطار وشفته بحاله مو طبيعيه وقررت انزل معه قلت احتمال اساعده . واتجه نحوكم ولقيتكم .

ايه هذا اخوي فهد الكبير .

فيصل يسير اخو يوسف الكبير ويعرف خالد وبدأ يعرض عليهم المساعده .

فهد حضن امه بين احضانه فهد طويل القامه عريض المنكبين قوى البنيه وحملها على ذرااعيه مسرع وفيصل معهم ويفتح باب السياره لادخال ام فهد السياره .

وخالد مع غزل يهدي من حالتها .
فيصل ولااول مرا يشاهد عيلة خالد بحكم علاقته البسيطه مع خالد .

الا انه لفت انتباه ملامح غزل واعجب بجمالها .وكان يحاول ارخاء نظره لكن جمال غزل يجبره على توجيه نظره اليها .

طلعت غزل السياره وخالد معها في الخلف واتجه نحو المستشفى .



وادخلوها من باب الطواري والاسعافات الاوليه .

فهد بدأ يصرخ اسعفونا بسرعه اريد عربيه ان امي بحاله خطيره تاتي ممرضتين ويتجهون نحو السياره وياخذونها وبدأ بالاسعافات الاوليه

ووضع كمامات الاكسجين وقياس الضغط .

وخالد مع غزل يحاول يهدي فيها لانها مستمره بالبكاء وتردد وتقول اريد بابا لازم بابا يرجع ماابي اعيش من دونه

خالد تكفى قولهم نبي بابا .

خالد : اهدي ياغزل ابوي بيرجع باذن الله ادعي انه يرجع واهو بخير .

فيصل : ظل معهم طول الوقت حتى اتطمن على ام فهد وبدأت حالتها تستقر ونقلوها على غرفه خاصه .للمتابعه .


فهد قرر اهو يكون مرافق مع امه لكن الصداع كان يراوده بين فتره وفتره ومازال يقاوم .

فيصل تعال يافهد انا معك نروح لطبيب يعطيك مسكن لصداع لان بدأ يزيد شوى شوي .

فهد : لالا مشكور يافهد شوي ويروح الصداع بجلس مع امي انا وخالد وغزل لازم يرجعو البيت

فيصل : يالله ياخالد تاخر الوقت والفجر على وشك يأذن برجعكم للبيت اطلع السياره .
غزل بدأت تصرخ مابي ارجع البيت بابا وماما كلهم مو معايه ارجع لمين وبدأت تبكي وخالد يمسكها ويهديها وطلعو السياره .

فيصل : خالد ماراح اوديكم البيت واختك كذا حالتها خلاص بوديكم بيتنا وامي هناك انسانه طيبه وراح تفرح بشووفتكم وغزل مايسير تجلس لوحدها وكذا حالتها ...!!
خالد : بتصل على اخوي واستاذنه لان انا فعلا متوتو وموعارف اشلون اتصرف معاها .

واتصل خالد على فهد وبلغه وبحكم معرفة خالد بفيصل واخوه وافق انهم يروحو بيت فيصل ..


استمروو بالطريق الا ان وصل فيصل بيتهم وقال

حيااكم الله في بيتكم الثاااني


..........................................


 
 توقيع : آسطوره



رد مع اقتباس
قديم 05-07-2011, 10:44 PM   #15


الصورة الرمزية بقايا حب
بقايا حب غير متواجد حالياً

بيانات اضافيه [ + ]
 رقم العضوية : 2145
 تاريخ التسجيل :  Dec 2010
 أخر زيارة : 03-09-2021 (11:19 PM)
 المشاركات : 828 [ + ]
 التقييم :  113
 الدولهـ
Saudi Arabia
 الجنس ~
Male
لوني المفضل : Gold
افتراضي رد: كلك غلا قصة لا تنتهي ...



الجــــــزء العـــــــاشــــر








اقتلنـي











اقتلنــــــــييييييييي









صرخ بدر بيأس وهو يحتضن رأس صديقة .. هذه كانت أصعب لحظات حياته , لحظات تمنى فيها الموت تمنى يفارق الدنيا ..



كان الجندي يضغط على رأس بدر بمسدسه ..



فجأة ...!!









لا ااااااااااا















التفت الجندي وراه مستغرب !! كانت هذي صرخت القائد


استغرب الجندي ولكن ما تكلم ..




القائد : اخذوه معنا نحتاج للرهائن عشان نطلع من هنا ..




التفت القائد لباقي الجنود : كم رهينه بقى عندنا ؟؟


رد واحد من الجنود : باقي سبعة .


القائد : اوكي خذوهم كلهم وابقوا عند مخرج الطوارئ مفهوووم .



سحب الجنود بدر معهم بالقوة وكان يرفض ويمسك يد ابو مشعل بكل قوته ولكنهم ضربوه وابعدوا يده بالقوه .. ولكن ساعة بدر فارقت يده و اختارت البقاء بجنب ابو مشعل .



بعد تهديد القائد بقتل الرهائن سمحت لهم القوات الحكومية بالخروج من المطار وركوب خمس سيارات .. على اساس ان يتبعونهم من بعيد ويعرفون وين مكانهم ويخلصوا الرهائن ..



أول ما ابتعدت السيارات الخمس عن المطار بمسافه قصيرة دخل عدد كبير من القوات الحكومية يشوفون الوضع داخل وينقذون الرهائن اذا كان بقى منهم أحد ويسعفونهم ...




في هالحظات كان بدر بالسيارة مغمى علية يمكن من شدة الضرب أو من شدة الصدمة .. القائد يضحك ويقول : هههههههها قوات حكومية !!! هههه مجموعة أغبياء ههههههاي .



ضحك الجنود اللي كانوا معه بالسيارة


رفع القائد جهاز اللاسلكي وقال : جون .. نبي نشوف نهاية الحفلة ههههه .



بعد ثلاث ثواني بس ...



انفجار قووووي هز البلد كلها ...!!!






كانت قنابل القائد موضوعة بكل اجزاء المطار ..



انفجار ورا انفجار ورا انفجار الى ان انهار المطار


واختفى القائد وجنوده عن الأنظار ..




...........................................















في المستشفى






فهد كان سهران طول الليل وماسك يد امه لكن غفت عينه عند الفجر .




لو سمحت




لو سمحت يا أخ ..!!





فتح فهد عينه وقام مفزوع وناظر للممرضة اللي واقفه عنده وكانت تقول له : لو سمحت موعد الابرة .


فهد : وش فيها أمي ؟؟


الممرضة : للدكتور راح يشرح لك .


فهد بعصبية : والدكتور وينه فيه ؟؟؟


الممرضة : ثالث غرفة على اليمين ..



طلع فهد من الغرفة وراح للطبيب بسرعة وأول مادخل علية سأله على طول : دكتور وش صار فيها امي ؟؟


الطبيب : امك بغرفة 13؟


فهد : ايه .


الطبيب : تفضل استرح .



جلس فهد وهو على اعصابه : خير دكتور تكلم ..!!


الطبيب : اعتقد امك تعرضت لصدمة قوية وما قدرت تستحملها .


فهد : صدمة !! وش صدمته ؟؟


الطبيب : يمكن شي ضايقها ؟؟ أو خبر أزعجها أو أشياء مثل كذا .. طبعا أنا كنت أنتظر منك انت تقول لي وش اللي صار معها قبل ما يغمى عليها ؟؟



فهد وضع يده على فمه بندم ماقدر يتكلم , كانت صدمة بالنسبة له حس انه هو السبب في حالة أمه .


وقف فهد وبدا الصداع يشتد .


وقف الطبيب وقال له : خير تحس بشي ؟؟


فهد مارد عليه واتجه للباب وقبل خروجه التفت على الطبيب


وسأله : متى راح تصحى ؟


الطبيب تاثر من وضع فهد وقال : العلم عند الله .



اآآآآآآآآآه


كانت تنهيده خرجت من قلب فهد ..


خرج من الغرفة وما شالته رجلية جلس على الأرض نزل راسه ونزلت معه دموعه ويردد : يارب يارب مابقى لي غير امي يارب مالي غيرها يارب يارب ..



جلس يبكي ويبكي بحرقة



اذكر الله


بإذن الله مريضكم يقوم مشافى معافى يارب ..



رفع فهد راسه يناظر الشخص اللي يتكلم ويدعي له ولوالدته


تفاجأ أن اللي يتكلم



كان




كان






سارة



البنت الضريرة اللي صرخ عليها بالأمس .


كانت سارة تراجع المستشفى بإستمرار للكشف على بصرها


وهي واقفه الان قدام فهد تحتضن ذارع امها ويدها ملفوفه بشاش من أثر الجروح وسقوطها بالأمس مع فهد أو بسبب فهد .


اليوم واقفه وتناظر باتجاه فهد بإبتسامة نفس الابتسامة اللي كانت بالأمس ولكن هذه المره ابتسامه مشجعة .


واقفه وبعينها نفس الدمعة لكن الفرق ان الاولى كانت دمعة ألم , أما هذه كانت دمعة قلب .


قلب تأثر بحزن الآخرين وتناسى أحزانه .




.................................................. ......


 
التعديل الأخير تم بواسطة بقايا حب ; 05-07-2011 الساعة 10:57 PM

رد مع اقتباس
قديم 05-09-2011, 09:46 PM   #16


الصورة الرمزية بقايا حب
بقايا حب غير متواجد حالياً

بيانات اضافيه [ + ]
 رقم العضوية : 2145
 تاريخ التسجيل :  Dec 2010
 أخر زيارة : 03-09-2021 (11:19 PM)
 المشاركات : 828 [ + ]
 التقييم :  113
 الدولهـ
Saudi Arabia
 الجنس ~
Male
لوني المفضل : Gold
افتراضي رد: كلك غلا قصة لا تنتهي ...








الجزء الحـــــادي عشـــــــــر





ابتعدت سارة وظلت تبتعد وتبتعد حتى اختفت عن نظر فهد ..!!


للمرة الثانية يلتقي فهد بسارة وللمرة الثانية تختفي عنه ..!!



قام فهد بدون شعور اختلطت عليه الامور يبغى يصلح كل شي مرة وحده مشى ورا سارة يحاول يلحقها يحاول يقول لها :



أنا آسف


أعتذر عن الكلام اللي قلته لك أمس .



بدت خطوات فهد تتسارع اكثر واكثر ولما اقترب من سارة



فهــــــــــــد !!!



التفت فهد تفاجأ بخالد واقف يناظر فيه وكان الاستغراب والتعجب باين على وجه خالد .



وقف فهد ابعدت عنه سارة واقترب منه خالد


سأله خالد بتعجب : فهد وش تسوي ؟؟


فهد : وش قصدك ؟


خالد : تارك امي لحالها وجالس تدور بالمستشفى !!


فهد : كنت عند الدكتور .


خالد بقلق : وش قال لك ؟؟


حاول فهد يحبس دموعة ولكن بان الألم بصوته


وهو يقول : اااااه يقول الدكتور .... انها تعرضت لصدمة .


خالد بألم : يارب لطفك ..


فهد وبصوت اقرب للبكاء : سألني وش صار معها أمس ... بس انا مااا ما عرفت وش أقول له .


خالد : انا راح اقول له .


فهد : بتقول له اني أنا السبب أنا اللي ضايقتها وزعلتها ؟؟


خالد : لا يا فهد الموضوع مو كذا !!!


فهد ناظر خالد بإستغراب !!


خالد : فهد أمس كنا بالمطار و ...


قاطعه فهد : ابوي .. ايه من جد انا للحين ماشفته وينه وش السالفة !!!



خالد حكى القصة كلها لفهد .. وفهد كان مصدوم ماهو مصدق !!


فهد : خالد انت من جدك تتكلم ؟


خالد : ايه من جد ولما امي سمعت الخبر ... اغمى عليها .



فجأة



لالالالالالالا




صرخة هزت المستشفى



كانت هذه صرخة غزل








.................................................










بعد الاغماءة الطويلة بدا بدر يفتح عيونه .


كان مرمي على الأرض وسط الرهائن السبعة


مكان سيء بمعنى الكلمة بإختصار مكان لا يمكن ان تعيش فيه حتى الحيوانات ..!!


قام بدر يتلفت ويناظر حوالية كل الرهائن بحالة تعب وارهاق والكل مصدومين ولا قادرين يستوعبون الوضع الى الان ..!!



اتجه بدر للباب وبدا يناظر من الفتحه الصغيرة بأعلى الباب


لم يرى سوى غابة جملية يشوهها الجنود


كان الجنود منتشرين بكل مكان يتدربون و يتقاتلون يشربون ويسكرون .



أما القائد كان يجلس على احد الكراسي البسيطة يضحك ويتابع تدريب الجنود .



الخوف والرعب نشف ريق بدر وهو من الأمس ماشرب أي شي .


ضرب بدر الباب بقوة .



كان كل الرهائن من جنسيات مختلفة ومع كذا كان بدر يفهم معظم اللغات لكثرة سفره ..



صرخ واحد من الرهائن : وش تسوي انت مجنون ؟؟



رد عليه بدر بدون مايلتفت : انا عطشان .


ورجع يضرب الباب .



وقف الشخص نفسه ومسك يد بدر وصرخ : بيقتلونك يامجنون !!


بدر بابتسامة يأس : وإذا ما شربت بموت !! ماعاد تفرق .



ضرب الباب هالمرة بيديه ورجلية وهو يصرخ : افتحوا البااااب


افتحوااا البااااااااااب .



بدأ القائد يتلفت يمين ويسار ورفع يده .. ووقف الجنود بدون أي حركة .


وأشر بيده على الباب .



ثلاث جنود يقتربون من الباب أكثر وأكثر


كل الرهائن خافوا وارجعوا لآخر الغرفة ما عدى بدر كان واقف وينتظرهم .. !!



أول ما انفتح الباب مسكوا بدر وخذوه معهم .


رموه عند القائد وأول ما شافه ضحك بقووووة وبصوت عالي وقال : دااايما مستعجل هههههههههااااا .


بدر يناظر القائد بجمود وقال : انا عطشان .



القائد : آآآمر وش تبي تشرب ؟ هههههههاااا


بدر بقى يناظر بالقائد كانت نظرات كره وحقد ولو قتله مليون مرة مايكفيه .



وقف القائد بعصبية : ليه تناظرني كذا ؟؟؟!!!


بدر بقى يناظر بدون ما يتكلم .


أشر القائد على الأرض وبغضب : نزل عيونك بالأرض وانت تكلمني .


بدر ما اهتم بكلامه وبقت عيونه بعيون القائد ..



ضربة قوية على بطن بدر خلته يطيح على الأرض ..!!


وقف بدر مرة ثانية بصعوبة ولكن بدت الضربات طاح على الارض وصار الكل يضرب .


سحبوا بدر الى الغرفة ولكن عدد الغرف او السجون الصغيرة كان اكثر من خمسة وكل غرفة فيها عدد من الرهائن ..



رموا بدر بغرفة ثانيه غير اللي كان فيها هذي الغرفة كانت مظلمة كثير..


نزف الدم من وجه بدر .. جلس يحاول يمسح الدم ولما وقف ..



تكلم واحد من الرهائن بالغرفة : أخيراً يا بدر .!!!!





.................................................. ...






 

رد مع اقتباس
قديم 05-14-2011, 10:51 PM   #17


الصورة الرمزية بقايا حب
بقايا حب غير متواجد حالياً

بيانات اضافيه [ + ]
 رقم العضوية : 2145
 تاريخ التسجيل :  Dec 2010
 أخر زيارة : 03-09-2021 (11:19 PM)
 المشاركات : 828 [ + ]
 التقييم :  113
 الدولهـ
Saudi Arabia
 الجنس ~
Male
لوني المفضل : Gold
افتراضي رد: كلك غلا قصة لا تنتهي ...






الجــــزء الثــاني عشــــــــر 1





يارب


يارب


يارب




هكذا أنهت غزل دعواتها ورجائها وتوسلها للشافي للمعافي لله سبحانه بأن يشفي أمها .


توقفت الدعوات وسالت الدمعات لتكمل ما كنت أظنها انها توقفت ..!! لازالت دعوات قلب غزل الصغير مستمرة ودموعها التي سالت بلا توقف دموعها أغرقت يد والدتها بل كادت تخترقها لا لقد اخترقته فعلا ووصلت لقلبها .




تحركت قليلاً



لم يشعر بها أحد حتى الجهاز المتصل بجسد ام فهد لم يشعربها سوى غزل .






رفعت غزل عيونها وناظرت وجه أمها بإستغراب..!!



أمي ..!!



حركت أم فهد يدها مرة ثانية ..!!



كانت دعوة غزل من قلبها كانت دعوة مستجابة



وقفت غزل اختلطت مشاعرها توقف تفكيرها ما عرفت كيف تتصرف لكنها صرخت ..!!



صرخة وحدة سمعها كل من كان بالمستشفى في لحظة تجمع الكل فيصل اللي كان واقف عند الباب والأطباء والممرضين وفهد و خالد .



خالد اتجه لغزل ومسكها وسألها بخوف : غزل وش صار؟؟


لكن غزل ما قدرت ترد وماقدرت تشيل عينها من على وجه أمها .



فهد بخوف وتوتر أبعد الطبيب واقترب لأمه


أمي ..


أمي..



حركت أم فهد راسها باتجاه فهد ولكن ماقدرت تفتح عينها



فهد تجمد مكانه وانخفض صوته : أمي !!


التفت للطبيب وهو مذهول : دكتور !! أمي تحركت !! دكتور أمي تسمعني !!


بدت ملامح الفرح تنرسم على وجه فهد وهو يردد : الحمدلله .



الطبيب كان مذهول ومستغرب من الحالة كان يتوقع ان غيبوبتها تطول فجأة نادى الطبيب على الممرضين : وين أجهزة القياس والعلاجات وو ...



التفت الطبيب لفهد : خذ اخوانك وانتظروا برا لو سمحتوا .



خرجوا كلهم من الغرفة و الفرح أيضا رافقهم خارج الغرفة يمكن ليعوضهم عن ليلة الأمس أو عن ليلة الأحزان .



احتضن فهد اخته غزل اللي ماوقفت دموعها لكنها كانت دموع مختلفة كانت دموع فرح .







 

رد مع اقتباس
قديم 05-14-2011, 10:54 PM   #18


الصورة الرمزية بقايا حب
بقايا حب غير متواجد حالياً

بيانات اضافيه [ + ]
 رقم العضوية : 2145
 تاريخ التسجيل :  Dec 2010
 أخر زيارة : 03-09-2021 (11:19 PM)
 المشاركات : 828 [ + ]
 التقييم :  113
 الدولهـ
Saudi Arabia
 الجنس ~
Male
لوني المفضل : Gold
افتراضي رد: كلك غلا قصة لا تنتهي ...






يتبع



الجــــزء الثــاني عشــــــــر 2







خرج الطبيب واستدعاهم لمكتبه ولما جلسوا بالمكتب


الطبيب : الحمدلله أبشركم والدتكم استعادت وعيها تقريبا .


كلهم ردو الحمدلله الحمدلله .


فهد سأل الطبيب وهو مستغرب : كيف يعني تقريبا .


الطبيب : حالة والدتكم كان ممكن تطول أكثر من كذا لكن سبحان الله أول مرة تصادفني مثل هالحالة وتستعيد وعيها بأقل من 24 ساعة .


أكمل الطبيب كلامة : ولكن راح تبقى عندنا تحت الملاحظة ضروري نتأكد أن مايكون حصل لها مضاعفات أو تحصل لها انتكاسة وتسوء حالتها .


خالد : بس انت ما جاوبتنا كيف رجع لها وعيها تقريبا ؟؟!!


غزل : يعني نقدر نتكلم معها مثل أول ؟



الطبيب : هي حاليا تحس بالموجودين حواليها لكن ماتقدر تتجاوب معهم بالكلام أو حتى بالنظر فقط التجاوب بالحركة .



خالد : ليه وش فيها ؟؟



الطبيب : أعتقد يمكن يكون بسبب الصدمة النفسية اللي تعرضت لها . يمكن يكون ماتبغى تتكلم أو ما تبغى تشوف أحد عموما يبقى السبب نفسي وراح نستشير الطبيب النفسي وبإذن الله ماراح تطول الفتره .



فهد : يعني وضعها يطمن ؟؟


الطبيب : الحمدلله أكيد يطمن حالتها الحين أفضل من قبل بكثير .



خرجوا من مكتب الطبيب وجلسوا بغرفة أمهم يكلمونها ويحاولون يشجعونها .



فجأة رن جوال فهد ..!!



كان رقم غريب



خرج من الغرفة



فهد : نعم ؟


: هلا فهد أنا غازي .



فهد : غازي ؟؟ خير في شي ؟؟


غازي : ايه في شي ضروري انت وينك ؟؟



فهد : أنا بمستشفى .......


غازي : أوك دقايق وبجيك انتظرني عند الباب .


فهد : خير وش الموضوع ؟



غازي انهى المكالمة .



استأذن فهد من اخوانه وخرج برا المستشفى .




كان ينتظر بين الزحمة .




سارة انتظرني هنا راح اشوف لنا تكسي لا تتحركي ..



كانت أم سارة توصيها بعد ما طال انتظارهم لكن ولا تكسي عبرهم ولا وقف عندهم .




سارة بإبتسامتها المشرقة : إن شاء الله يما ماراح اتحرك لا تشغلين بالك .




كل هذا صار وفهد واقف يناظرهم ... لا ...



كان يناظر سارة .




كان فهد يفكر ويكلم نفسه الحين لازم أروح وأعتذر لها .



اقترب منها بخطوات مترددة




اقترب أكثر و أكثر






وصل







انشد نظره لخصلات شعرها


كان الهواء يتلاعب بها


لحظات غريبة


لحظات جميلة


لحظات ارتبك فيها فهد وهو اللي ماكان يتأثر بأي شي


لحظات جمدت فهد










سارة










أخيرا نطق أخيرا ناداها ..











سارة












أشعر و كأن حروفها خرجت من قلبك يا فهد





...............................................


 
التعديل الأخير تم بواسطة بقايا حب ; 05-14-2011 الساعة 11:03 PM

رد مع اقتباس
قديم 09-09-2011, 06:07 AM   #19


الصورة الرمزية آسطوره
آسطوره غير متواجد حالياً

بيانات اضافيه [ + ]
 رقم العضوية : 347
 تاريخ التسجيل :  Nov 2009
 أخر زيارة : 10-14-2022 (03:41 PM)
 المشاركات : 12,905 [ + ]
 التقييم :  157
 الدولهـ
Saudi Arabia
 الجنس ~
Female
لوني المفضل : Yellow
افتراضي رد: كلك غلا قصة لا تنتهي ...



الجزء الثالث عشر

هاله : بنت جيران غزل ..

هاله: يمه كم يوم عدى غزل ماكلمتني مهي بالعاده ماتسال عني وتتصل

ام هاله: لاتشيلي هم ياهاله الناس لهم ضروفهم واحتمال مشغولين وعلى حسب علمي من امها ابوها مسافر وعلى وصول
تلاقيها فرحانه برجعت ابوها ..

هاله: مهما كان يمه انا اعرف غزل لازم تكلمني كل يوم حاسه ان فيها شي ..لازم نسأل عنهم يمه ولا وشرايك ...!!

ام هاله : ولايهمك راح اتصل واشوف ...

ترن ...ترن ..ترن

محد يرد على الهاتف كذا مرا كررت اتصالي لكن مافي احد يرد


هاله: ماقلتلك يمه اكيد غزل فيها شي


..........

تركض مع الدرج هاله وتلبس عبايتها بسرعه وتطلع سور البيت وتنادي
احمد ..احمد ..ياربي وين دا الولد دايم يختفي وقت احتاجه

خرجت برا ولقيت احمد حولين البيت يلعب بالكوره مع اولاد الحي .
تنادي احمد وتقوله تعال ابيك تروح معي بيت غزل ..

أحمد : انا الحين العب جننتيني بغزل دي
هاله : اقول اسكت بس وتعال معي

وراحو يمشوو الين وصلو بيت غزل وتدق الباب وتدق وتدق

ياااربي وينك ياغزل ماتفتحو الباب..

أحمد : اكيد راحو يتمشوو ..

هاله : اسكت بس مو رايقتلك ولد عمره 7 سنين وجالس يخمن مسوي ذكي عليا

وفجأه توقف السياره عند بيت ابو فهد
..وتتراجع هاله..


 
التعديل الأخير تم بواسطة آسطوره ; 09-09-2011 الساعة 06:14 AM

رد مع اقتباس
إضافة رد

مواقع النشر (المفضلة)

الكلمات الدلالية (Tags)
..., لا, تنتهي, كلك, غلا, قصة


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
مشاعر مصوره لربما تنتهي مع الزمـــن عطــــ الحب ــــر ๑۩۞۩๑ عـام .. مساحه حره ๑۩۞۩๑ 7 07-18-2011 10:35 PM
لأول مرة في تاريخ لقاءات الفريقين (ديربي إيطاليا) تنتهي 4-2 ،،،!!! ‏ هتلر ๑۩۞۩๑ عالم الرياضه ๑۩۞۩๑ 0 12-17-2008 06:44 PM


All times are GMT +3. The time now is 02:05 AM.


Powered by vBulletin® Version 3.8.9
Copyright ©2000 - 2024, vBulletin Solutions, Inc.
adv helm by : llssll
new notificatio by 9adq_ala7sas
دعم وتطوير نواف ا
This Forum used Arshfny Mod by islam servant