‘‘ 15 ’’ حَقِيٌقَهَـﮧ ، !

احبتي
نظرا لتاخر اخوي القناص عن الحضور لمدة يومين
وطرح حقائقه سيتم استضافة مرة اخرى

سيكون ضيفي الجديد
..../ هو تعبت الظلم واجحافك
يسعدني ويشرفني استضافته ومعرفة حقائقه فاهلا وسهلا بك

اهلآ وسهلآ بالجميع
شاكر لك أخوي بحار على الموضوع الرائع وتشريفي بأن أكون احد ضيوفك
لي عودة بالحقائق

بصراحة الموضوع شوي يلحس المخ ماعاد أقدر أفكر ههههههههههههههههاااي
لكن بحاول أفضح اسراري علشانك هههههههههههههههاااي
جاري التفكير ولي عودة

..../ تعبت الظلم
حياك اخوي الله يسعدك
بعطيك لمحه موجزه عن الموضوع وهو ان تطرح 15 نقطه تحبها في حياتك او تكرها او بالاصح الاشياء الي تفضلها وتقوم بها
وبرضو احزانك وافراحك وغيرها اي كانت تضعها على شكل نقاط
وهذا الموضوع بصراحه بيخلنا نعرف شخصية كل عضو ونظام حياته
يعني لاتخاف عارفين طبعك وشخصيتك عارفينها
ههههههههههههههههههههههههه
بنتظارك ولك يومين في طرح حقائقك

..../ نقطه اضيفها على الموضوع
باني ساقوم بالتعليق على الحقائق التي طرحها العضو وله الحق في الرد وتوكيل محامي للدفاع
هههههههههههههههههههه
بكل امانه ساعلق بكل جديه على االحقائق وان شاء الله ان تجد تعليقاتي على اي حقائق عضو الصدر الرحب

1 / بصراحة أحس إني صاير شوي الفترة اللي راحت أهوجس كثير وأسرح كثير لظروف شوي شاغلتني وإن شاء الله ربنا يسهلها
2 / أول مرة أكمل 5 شهور وزيادة بدون ماخذ إجازة من العمل وأحس بضغط شوي وأحتاج لو اسبوع راحة
3 / فيه ثلاثة من زملائي بكل صراحة هم اللي ارتحت كثير بعملي معهم يمكن لتوافقهم مع جنوني لأنهم بالمختصر ملاحيس ومسوين جو وكان فيه واحد راح الله يذكره بالخير ويوفقه والله العالم لولا الله ثم هالملاحيس كان الدوام صار نكد
4 / فيني عادة ماحب اذا كثر النقاش في موضوع وكثروا اللي يتكلمون أسكت لأني بالحالة هذي يجيني صداع
5 / أعترف إني أحب شي اسمه طلعات وتمشيات بس لازم احد يحركني ويكون مثلي وده يطلع
6 / أعترف لكم إن لي فترة طويلة أحس إني ماكتفيت من النوم مدري وش جايني خمول رهيب أحس ودي أنام يوم كامل
7 / احب كثير المقالب بس في ناس خاصة جدآ وأثق إنهم مايزعلون ومقالبي ترى خفيفة
8 / جتني فترة طقت نفسي من شي اسمه الرياض والدوام فيها علشان زحمتها بس الايام الاخيرة أحس إني ارتحت كثير
9 / أكثر شي اشتاق له على طول الاسبوع رنا بنت أختي
10 / أحب كثير أكون أنا اللي اسوق إذا كنت بطريق ومعي شباب مدري ليش هالطبع عجزت اغيره
11 / صرت ماحب اسمع اغاني بشكل مستمر عكس أول كنت أول ماركب السيارة على طول الاغاني شغالة بس الحين ولا سيدي بالسيارة صحيح اسمع بس مو زي أول وإن شاء الله اتركها نهائيا
12 / أحب كثير التجمعات وفاقدها حيل علشان الدوام اللي ماخذ أكثر وقتي ولأني أنا والشباب اللي معي قليل نجتمع علشان الدوامات اللي هذا يطلع وهذا يدوام واصير اعوضها بالخميس لأني أنا الوحيد من الشباب في الشقة اللي دوامه ثابت
13 / أكثر شاعر احس إنه يكتب للناس بدر عبدالمحسن هالشاعر بصراحة كلماته كثير ارددها ..
14 / أحب اقرأ كثير قصص الحروب القديمة
15 / وأخيرآ أنا انسان عادي جدآ والحقيقة الكامنة في نفسي انني سعيد جدآ لتواجدي بينكم في منتداكم

كل الشكر لك أخوي الغالي وأتمنى أن اكون وفقت في التواجد

تعبت الظلم واجافك
اهلا بك اخوي الكريم وسعيد جدار بحضورك ووضع 15 حقيقه عن شخصيتك
سعيد جدا اني استضفة شخصيه رياديه ولها وقعها وصدها بهذا الصرح الشامخ
حقائق رائع من شخص رائع بمعنى الكلمه
هنا اخي الكريم اسم لي ان اعلق على حقائقك واتمنى ان تعليقي ينال رضاك وينفعك ان شاء الله ولك الحق في التعليق على ما اعلق به

/ بصراحة أحس إني صاير شوي الفترة اللي راحت أهوجس كثير وأسرح كثير لظروف شوي شاغلتني وإن شاء الله ربنا يسهلها
اسئل الله ان يسهل امرك ويحققها لك واتوقع انها وحده من ثنتين .../ زواج او سياره
2 / أول مرة أكمل 5 شهور وزيادة بدون ماخذ إجازة من العمل وأحس بضغط شوي وأحتاج لو اسبوع راحة
ماشاء الله تبارك الله طيب وشرايك في كلم سنه كامله ما اخذ اجازه عرضيه والسبب موقعي الي امارسه حساس وضغط عمل
ولاكن انصحك بحاجه انا استخدمها فعلا وهي اجعل ذهابك للعمل كانك تذهب في نزه صح صعب تطبيقها لاكن مع الوقت بتتعود
3 / فيه ثلاثة من زملائي بكل صراحة هم اللي ارتحت كثير بعملي معهم يمكن لتوافقهم مع جنوني لأنهم بالمختصر ملاحيس ومسوين جو وكان فيه واحد راح الله يذكره بالخير ويوفقه والله العالم لولا الله ثم هالملاحيس كان الدوام صار نكد
هنا جانب كشفته لنا عن شخصيتك وهو انك شخص يميل الى حب الفكاهه والضحك
واسئل الله ان يديم صحبتك انت وزملائك في مايرضي الله
4 / فيني عادة ماحب اذا كثر النقاش في موضوع وكثروا اللي يتكلمون أسكت لأني بالحالة هذي يجيني صداع
الحل بسيط جدا وانا استخدمه دعهم يتكلمون جميعا واحرص على ان تضع الحل النهائي حيث يكون جذري مااحد يطلع فيه اي ثغره تلزمك بالحديث مره اخرى
5 / أعترف إني أحب شي اسمه طلعات وتمشيات بس لازم احد يحركني ويكون مثلي وده يطلع
طيب وليش ماتبدى انت بالفكره وتخطط لها وترتب لها لنفرض انهم هم نفس حالتك ينتظرون من يحركم للطلعه
6 / أعترف لكم إن لي فترة طويلة أحس إني ماكتفيت من النوم مدري وش جايني خمول رهيب أحس ودي أنام يوم كامل
مع دخول فصل الصيف يكون اليل قصير وغير مشبع واذا كنت تنام بعد العصر فهذا هو سبب الخمول ../ شخص مجرب
7 / احب كثير المقالب بس في ناس خاصة جدآ وأثق إنهم مايزعلون ومقالبي ترى خفيفة
رائعه منك ان تختار ناس تثق انهم لايزعلون لان بيني وبينك هذي الايام صارت نفس الواحد براس خشمه
8 / جتني فترة طقت نفسي من شي اسمه الرياض والدوام فيها علشان زحمتها بس الايام الاخيرة أحس إني ارتحت كثير
بكل امانه صدقة في هذه الحقيقه الرياض اصبح لايطاق من زحمة شوارع ولاكن نقول الله يسرها ومع خطة المرور الجديده احس الشوارع صارت احسن
9 / أكثر شي اشتاق له على طول الاسبوع رنا بنت أختي
الله يحفظها لامها يارب ../ والبنات خاصه الصغار لهم شوق فضيع بحكم برائتهم
10 / أحب كثير أكون أنا اللي اسوق إذا كنت بطريق ومعي شباب مدري ليش هالطبع عجزت اغيره
مثلي تمام انا اعاني من نفس الشي بس برضو احس اني مرتاح واشوف ان السبب في ذلك عدم ثقه بالي يركبون معي من حيث القياده اما لتهور او عدم مبالاه وهذا اكثر شي احرص عليه اثناء القياده
11 / صرت ماحب اسمع اغاني بشكل مستمر عكس أول كنت أول ماركب السيارة على طول الاغاني شغالة بس الحين ولا سيدي بالسيارة صحيح اسمع بس مو زي أول وإن شاء الله اتركها نهائيا
الله يعصمني ويعصمك عنها يارب وانصحك ان تنزل من اليوتب شيلات وقصائد مشيوله باصوات جميله او اناشيد اسلاميه انت تحب الاستماع لها رائعه جدا راح تفيدك صح بيجيك وقت تحب تسمع اغنيه معينه ولاكن بعد ان تستمع الى ماذكرته صدقني راح تكره الاغاني
12 / أحب كثير التجمعات وفاقدها حيل علشان الدوام اللي ماخذ أكثر وقتي ولأني أنا والشباب اللي معي قليل نجتمع علشان الدوامات اللي هذا يطلع وهذا يدوام واصير اعوضها بالخميس لأني أنا الوحيد من الشباب في الشقة اللي دوامه ثابت
هذا حال الدنيا والسعي الى الرزق انا يكون دوامي يوم بيومين واجد فراغ كبير في وقتي بسبب هذا اليومين لاكن الحمد لله اشغله اما بالحضور الى المنتدى او باي مراجعه لي في اي دائره حكوميه
13 / أكثر شاعر احس إنه يكتب للناس بدر عبدالمحسن هالشاعر بصراحة كلماته كثير ارددها ..
14 / أحب اقرأ كثير قصص الحروب القديمة
الله عليك رائع في اختيارك فعلا هذا الشاعر يحرك مكنون القلب وماتخفيه الصدور
15 / وأخيرآ أنا انسان عادي جدآ والحقيقة الكامنة في نفسي انني سعيد جدآ لتواجدي بينكم في منتداكم
اخي الكريم اسعدتني جدا بساطتك في الحديث وعدم التكلف وراقت لي حقائقك الله يسعدك
الجميل ان يكون بيننا شخص مثلك رائع
اسئل الله لك التوفيق وتحقيق مبتغاك يارب

كل الشكر لك أخوي الغالي وأتمنى أن اكون وفقت في التواجد
الشكر لله عز وجل ثم لك على تلبية دعوتي
وبقي عليك شي اخير
وهو اختيار لنا عضو او عضوه لنستضيفه
ودي وتقديري وخالص احترامي لك

اشكرك على تعليقاتك التي اسعدتني
وشرف كبير لي أن اكون ضيف في موضوعك

أختار بعدي الملحووسة غلاي غير ودي نشوف حقائقها ههههههههههههههههاي

فيه احد نكه غلاي غير ..؟؟

ولا ملحووسه ؟؟

اللي اعرف القمر غلاي غير ..العقل كله هههههههههههههههههااااااااااي


يعيطك الف عافيه بحااار على موضوعك الرائع

ولي باااك بـ احلى حقائق