تدريب الاطفال على تحمل المسئولية

المسئولية , الاطفال , تحمل , تدريب , على

تدريب الاطفال على تحمل المسئولية

ليه بندرب اولادنا علي تحمل المسؤولية، وتنفيذ المهام المناسبة لاعمارهم بأنفسهم؟
- لأننا مش هنقدر نحل كل المشاكل اللي هتقابلهم في الحياة بعد كده، دورنا اننا ندربهم ازاي يتخطوها.
امتي يكون العمر مناسب ليتحمل ابني المسؤولية؟؟
- الأطفال بيحبوا الشعور بالاستقلالية، واحنا دورنا اننا نهيئ لهم الفرص، نكلفهم بالمهام المناسبة لعمرهم، ونوجههم بشكل مناسب.
نتيجة تحمل الطفل للمسؤولية:
- ثقة بالنفس
- اكتساب مهارات حل المشكلات
- شعور بالانجاز والسعادة
طيب ازاي تحمل المسؤولية يزيد من سعادة الأبناء؟
- ده لأن الإحساس بالانجاز حتي ولو كان صغير بيبسطهم، كمان تحمل المسؤولية له أهمية تانية؛ انه بيتيح فرص كتير للتعلم واكتساب مهارات حياتية جديدة تساعد علي النجاح في المستقبل.
نيجي لبداية عمر ثلاث سنوات، الأطفال بيحبوا تحمل المسؤولية!!!
سامعه حد بيقول عمر 3 سنوات صغير
احب اقولكم انهم بيحاولوا يعتمدوا علي نفسهم وبيسعوا دايما للاستقلالية... تلاحظوها من أول ما يتم الطفل 3 سنين، بتبدأ الرغبة في انه يبهدل الدنيا من وجهة نظرنا؛ لكنه بيحاول يلبس نفسه ويأكل نفسه، لكن احنا الكبار بنمنعه...
وهم صغيرين ممكن يكتسبوا عادات إيجابية كتير بسهولة وتبقى عادة بالنسبالهم، لكن اذا انتظرتي لغاية ما يبقوا في مرحلة المراهقة هيبقى في مقاومة في تنفيذ المهام 💪💪 وكل عمر وله المهام بتاعته.
طيب، ايه المطلوب في عمر 3 سنوات؟؟
أخدم طفلك بكل الحب 💗...
ولكن عندما يستطيع ان يخدم نفسه؛ نقدم له التوجيه المناسب ونسيبه يتعلم تنفيذ المهام بنفسه.
في مهارات لكل فئة عمرية، أكيد مش هنكلفهم فوق طاقتهم.
الطفل في عمر 3 سنوات يستطيع القيام ببعض المهام، لكن مننساش اننا نوجه الطفل ونساعده بطريقة مسلية ونخلي الموضوع كأننا بنلعب:
- تجميع اللعب في مكانها
- ترتيب الكتب علي الرف
45ققف6- تطبيق الفوط الصغيرة
- لبس ملابسة
- تفريش الأسنان وغسل اليدين
- وضع الملابس في السلة
بعد ما يتم عمل كل مهمه علينا دور مهم جدا
التشجيع علشان يستمر؛ احلي تشجيع وبيحبوه بالاحضان 💞
لسه في حد مش مقتنع وبيقول لكن ده هيأخد وقت من ابني وانا ماعنديش الوقت، أفضل ان اعمل الحاجة بنفسي، وحاسه أنه مش هيعرف يعملوا الحاجه زي ما انا عاوزة...
طيب عايزين نتعلم حاجة مهمة جدا جدا ونعلمها لأبنائنا، ان الاخطاء فرصة للتعلم وقليل من عدم الكمال ليس سئ، في سبيل العائد الكبير علي شخصيتهم من انهم يتحملوا المسؤولية.

الموضوع الأصلي: تدريب الاطفال على تحمل المسئولية || الكاتب: ذابحني غلاك || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

موضوع رائع وراح يستفاد منه ان شااءلله


يعافيك ربي