اتدحاكم اذا ماتعلمتو الانقليزي بطريقه سهله جدا

ماتعلمتو , الانقليزي , اذا , اتدحاكم , بطريقه , جدا , سهله

اتدحاكم اذا ماتعلمتو الانقليزي بطريقه سهله جدا

زعجونا في اللغه وهي سهله بس المشكله في المعلمين, فقع روسنا بالقواعد والفاعل والمنصوب والناصب والحرامي والله حرام خصوصا استاذه رومااا خخخخخ



لكن انا جيتكم وبعلمكم بدون وجع راس يالله نبدأ:



افرض واحد ضربك على اصبعك بقوه وش بتقول : اي اي اي ,,,,, لاتسوي نفسك ذكي وتقول اح ,,لأن الضربه قويه لازم اي اي اي ,,,,
i = معنها = انا



هل تحب جبنة بوك= لاحظ بوك بس نوع فاخر +بوك= book = كتاب
هل تحب الكت كات= لاحظ كات بس نوع بناتي فاخر+كات=cat =قط >>> جعله يمشخكم
هل تحب شاي= لاحظ شاي = shy = خجول <<<<<< يعني تقدار تقول : i'm shy <<<<<<<<< انا خجول



وانت واقف تطالع المرايه ,,,, فار مر ,,, تحت رجولك ماذا يحدث,,,, بتصير مشاكل كبيره ,,, ليش كذا ؟
الجواب: فار مر
فار مر ,,,, معنها مزارع ,,,,, ككك; farmer <<<< مزارع




من مايعرف الرئيس الأرهابي ( بوش ) بوش -بوش = push = يدفع _يعني = يدف = وتلاحضونها على الأبواب



يعني تقدار تقول= ادفع الباب او دف الباب = push the door = بوش ذا دور



كلمه ثانيه:واحد يقولك: كيل تفاح تصير قوي_ كيل برتقال _كيل موز



لاحظ ( كيل ) كيل -كيل = تعني = يقتل او اقتل = kill مثال = اقتلني = كيل مي = kill meاو= اقتله = كيل هيم= kill him



كلمه ثانيه:



واحد يطق الباب وش تقوله: اكيد تقول ( مين) مين مين مين
mean = مين = تعني = معنى = او قصد = كأنك تسئل وش معنى كلامك او وش قصدك
مثال: تسئل واحد وش قصدك ؟ what do you mean = وات دو يو مين
كلمه ثانيه:




وعلى فكره كلمة = com الي تشفونها في الرابط = تعني = شركه = وهي اختصار كلمة = company



تسمعون البزر يقول الى امه : ماما يالله قوه البيت = قوه قوه = ياقليب قليبوه
المهم واضح معنها لكم :
go = كوه = قوه
يالله نروح= let us go = ليتس قوه





كف = فيه احد ما جاه كف على وجه ؟ انا بصراحه تصفقت لين دخت



كف= معنها = كحه . كف = cough تقدار تقول= i have cough = اي هاف كف = انا عندي كحه او سعال



مذر كير = من مافيه من البنات مايعرف مذر كير = طبعا نوضحها للشباب = هذي ماركه تهتم بملابس الأطفال او اسم



محلات تهتم بملابس الأطفال تشفونها دائما بلأسواق ( دعايه مجانيه ) يالله بسيطه ,المهم



مذر كير= عباره عن كلمتين دائما النساء ينطقونها ومايدرون انهم يتحدثون الأنجليزيه بطلاقه , نقسم الكلمتين



مذر = ام +ماما +امي= الي تبون تسمونها= مثال / هذه امي = this is my mother = ذس از ماي مذر



كير= عنايه= او اهتمام او يهتم او يحرص= care = كير = مثال/ انا اهتم فيك = i care about you = اي كير اباوت يو



انا اهتم = i care = اي كير



باوار هورس = مشروب الطاقه المعروف موجود في السوبرماركت = لو تلاحظون عليه رسمة حصان



هورس = حصان = horse باوار= قوه =power



ركزوا معي في تركيب الجمله = انا عندي حصان = i have horse =





لاحظوا = i have = متكرره , i have = انا عندي
يعني حطها في بداية الجمله وحط اي شي عندك = مثال / سياره + كتاب + اي شي = i have a car = انا عندي سياره



الرئيس الأمريكي السابق ( بيل كلينتون )



بيل + bill = فاتورة = يعني وانت في المطعم تبي الفاتوره تقول= عطني الفاتوره = give me the bill = قيف مي ذا بيل
او تقول = بيل بليز = فاتوره لو سمحت = اهم شي تدبر عمرك



بلوتوث = واواواواو
bluetooth = معروفه مايبي لها طقة عصاة , بس اللي كثيرين مايعرفونه انه وش معنها ؟
بلوتوث تعني = الناب الأزرق = او لو حبيتوا نقول الضرس الأزرق ماشي,
بلو= blue = ازرق
توث= tooth =الناب او الضرس






هذا الحرف وشلون تنطقونه ( T ) = تي صح = تي ,تي , تي= معنها = شاهي = t ea = تي



سيف = سيف معروف اذا بغيت ترقص في العرضه مع الشيوخ لازم تجيب معك سيف وتنتبه لاتخبط الي جمبك



سيف= save = يحفظ او يحمي او ينقذ = يعني تقدار تقول: احمني او انقذني = save me او احفظ المعلومات = save it او احفظ الصوره =save the picture = سيف ذا بيكتشر



فار = مخلوق نذل يصعب مسكه الى اذا جبت له قطو لأن القطو رجال ومايخاف اما نحن الرجال الله يخلف علينا والله ننحاش وتوصل انه ننقل من الحي كله ونترك له البيت ملعون الوالدين



فار= far = معنها = بعيد = تقدار تقول = انت بعيد مره = u are so far = يو ار سو ( فار) = so = تعني جدا ,مثل very
يعني تقدار تقول= u are very far =يو ار فيري فار = على كيفكم



ني = اللحم ني او الدجاج مو مستوي ني
ني= knee = معنها = ركبه



بس ماعليكم من حرف الكاف في بداية الكلمه ماينطق =k nee = تنطق = ني



كان = ( كان) ياما( كان) في قديم الزمان تركي وا م كشه , بس ( كان ) فيه ام القنازع وخربت عليهم



كان = CAN = يستطيع او يقدر = انا استطيع = I CAN



ممكن يكون معنها اسم بمعنى = علبه او صفيحه = يعني علبة البيبسي تسمى كان لأن فيه فرق بين العلبه والقزازه





طيب وش رايكم كسبت التحدي ولا لا؟






موضوع اعجبني ونقلته لكم





فيه نوع من الطراااااافه
وحبيت تشاركوني

الموضوع الأصلي: اتدحاكم اذا ماتعلمتو الانقليزي بطريقه سهله جدا || الكاتب: نبض حايل || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

شكرآ لك على هذه الطريقة الفكاااهية وينقل لقسم تعليم اللغة الانجليزية

يسلموو على مررورك وتواصلك الدائم

يعطيك الف عافيه طرحك رااائع وممتع ماقصرت........ لكن اللي جالس يعلم واضح انه مدبول تسبده .........هل تحب الكت كات= لاحظ كات بس نوع بناتي فاخر+كات=cat =قط >>> (جعله يمشخكم)........زفار = مخلوق نذل يصعب مسكه الى اذا جبت له قطو لأن القطو رجال ومايخاف اما نحن الرجال الله يخلف علينا والله ننحاش وتوصل انه ننقل من الحي كله(( ونترك له البيت ملعون الوالدين))>>وصلت معه ههههههه...................... احترامي وتقديري لك استاذي ..... تقبل مروري ... شـيــخــة آلـ غـيـد

يسلموو على مرورك الرائع
وتواصلك الدائم

ههههههههههههههههههههههههههه

وربي طريقه مرررره حلوووه وتمووت ضحك


يسلمووو على طرحك

نحياتي

All thanks to yooooooooooooooooooooooooou

يسلمووووووووووووو
هذي طريقتي لما اذاكر انقلش خخخخخخخخ
خخخخخخخخخخخخخخخخخخ
يسلمووو عا الطرح الرئع

يعطيك الف الف عافيهـ ...

تم لطش بعض الكلمات ...المشكله ف كتابتها ^_^

مانحرم جديدك ...

ههههههههههههههه


يسلمووو