سجل حضورك ببيت شعر ......

وشّ كثر أغليگ

مآعرف !

بسّ ..كثير........!!

گثر القلوب الطآهرة بالمسآجد ..

ومثل :

البراءة ،

" في عيون الطفولة " !

ليت الفكر مع النظر يشترك فيك ,!

حتى ليآمني ذكرتك اشوووفك ..

ولع رماد الشوق يا معذبي نار..
من كان يحلم بـ إشتعال الرمادي..
ما كنت أحسب إنه يكون اللقا حار..
لين إلتقينا و إشبكتنا الأيادي..
و قامت لنا الذكري تغني على الطار..
تنساب بـ أسماعي نغم حب هادي..
حسيت شي لفني مثل الإعصار..
و استيقظت نشوة غلاك بـ فؤادي..
أخذت لي سجة وأنا شبه منهار..
بين الخيال و بين علم وكادي..
و فزيت يوم إني تنبهت وش صار..
مثل الذي توه صحا من رقادي..
تغير الموقف بلا سابق إنذار..
و غير المشاعر جت مشاعر جدادي..
رديت لك عقب التجافي و الإنكار..
و طويت صفحات الزعل و العنادي..
و تبددت ذيك المبادي و الأفكار..
أية جنون أفكار و أية مبادي..
تراي أنا مليتها لعبة النار..
ما أحد لعبها قبلنا و إستفادي..
من رد لـ الجنة عقب صالي النار..
حتى السموم يصير عنده برادي..

مآكل [ هـمْ ] تفرجه طولة آلبآل!
ولآ كل " ضيقـهْ " . . ينفع آلنوم فيهآ / !

ماكل من ( يضحك ) بهالدنيا مبسوط .
يا كثر من يضحك و نفسه { حزينة } !

اهديتني صفحك وأبا أهديك بيتيـن
من حر فكري ماهـواه المشـارك

أنت الحلا والطيب والنون والعيـن
وأنت الجمال وموطنه في وقـارك

وأنت الحسن والنور والمطلع الزين
وأنت السنا المجهر بقدحة شرارك

معدنك غالي ما توصفـه الاثنيـن
لولو سكن َصدفة بداخـل محـارك

يفز قلبي لاجابو الناس طاريـك
حبك قدر عمري ونورك طريقـه

أهديك كلي وانا وكلـي لمعاليـك
وأهديك كل الورد واحلى رحيقـه

من قال ماحبك ولاأبيـك وأبيـك
هذي خرابيط شاعر بحكم السليقه

ولا الحقيقه تراني مبتلـي فيـك
مثل ظامي يحتري من يبل ريقـه

واخرها تذكرني ليا هلت لياليـك
انت حبيب القلب وانت صديقـه..

هاك كل المشاعر و العواطف حلالك
انت تامر ولا غيرك على القلب يامر
غايه اللي يودك في حياته وصالك
ارحم اللي لشوفك في حياته يغامر

لا والذي سواك ما ريد سـواك ////// ما خبر نفس قد تمنـت قدرهـا
اغلى حياتي من ثواني بها القاك ////// لولاك ما تسوى حياتي كدرهـا
ودنيا خلت من صافي الود وياك ////// يا عل يكسف شمسها مع قمرها

مشكلتي إني ماعرفت أحسب لصدتهم حساب ** قلطتهم صدري علـى ذكـري قصيـد وحنجـره
صوت ٍ يصول بمنبره واخطاب مامثله خطاب ** والطيبه اللي زعزعت صوت الخطيب ومنبـره
مافيه دمع ٍ صوبوه أحبابي بوجهي وخـاب ** ولازرق حزنـي علـى غالـي ولافـج انحـره
كل الزهاب اللي معي ذكرى من أصحاب الزهاب ** واللي بقالي من عذاب اشرس طريقي وأخطره
لأني تجنبت الغرق.. عديت من فوق السحاب ** لأن أكثر أصحابي ورق..ماشفت للطيـب إثمـره
والله ماحطيت بين الحقد والخوه حجاب ** حتى غدوا ربعـي يحدونـي علـى الضيـق أشكـره
أثر المصايب ماتجيك إلا من الناس القراب ** وبهالزمن حتى الخـوي اللـي تثـق فيـه أحـذره
لابارك الله في رفيـق ٍ تزعلـه كلمـة عتـاب ** ولاجمـع الله الرجـال اللـي تفرقهـم مـره
الصاحب اللي مايجي من صحبته غير العذاب ** نذر ٍ علي إن ماهجرني وإلا أنا اللـي بأهجـره
من يفتح لفرقـاي بـاب أفـك لـه عشريـن بـاب ** وأذا خويـي مايقـدر خوتـي ماأقـدره