حب الشباب بيعتبر واحده من اصعب المشاكل اللى بتقابل البنات فى اى سن ، ولانه من المشكلات الصعبة اللى بتتعرض ليها تقريبا كل انوا ع البشرة ومفيش هروب منها، وعلاجه بياخد وقت و مجهود و بيحتاج التزام كبير جدا، بيبقى الحل الوحيد السريع قدامنا هو اننا نحاول ندارى آثاره او العلامات اللى بيسببها بالمكياج، علشان كده فى المقال ده اعرفى ازاى تدارى حب الشباب بالـ makeup خطوة بخطوة ..
بالخطوات.. نصايح واسرار ازاى تدارى حب الشباب بالـ makeup
الخطوة الاولى :
جهزى بشرتك للمكياج، فى الاول مهم جدا انك تغسلى وشك وتنضفى بشرتك كويس اوى قبل الفاونديشن، والمنتجات اللى لازم تستخميها لتنضيف وتنقية بشرتك هى: المنظف، التونر، المرطب ، وخلى المرطب هو آخر حاجة علشان تستخدميه كأساس للفاونديشن.
الخطوة الثانية :
أبدأى بمكياج العيون ، اختارى لون نيود او اقرب لون للون بشرتك الطبيعى.
الخطوة الثالثة :
الخطوة الثالثة فى ازاى تدارى حب الشباب بالـ makeup هى انك لو كان عندك مشكلة فى منطقة الجلد حوالين العين ، استخدمى corrector او concealer مع فاونديشن بتغطية متوسطة. وزي مااتكلمنا قبل كده عن اختاري الكونسيلر باللون الاخضر اللي بيخفي المناطق الحمرا على الوش، مش بنستعمله على الأجزاء الغامقة في الوش زي الهالات السودا مثلا .
الخطوة الرابعة :
كملى روتين مكياجك على باقى وشك عادى، واستخمى makeup base علشان تدارى اى خطوط او مسام واسعة فى بشرتك.
الخطوة الخامسة :
بعد ما تكونى طبقتى الـ makeup base على بشرتك كلها ، استخدمى الفاونديشن بتركيز اكبر على المناطق اللى فيها حب الشباب واضحه او لو الحبوب محمرة و ملتهبة، علشان تعملى لوك matte متساوى وطبيعى اكتر.
الخطوة السادسة :
بعد كده ساوى الفاونديشن على كله وخليه ناعم باستخدام الفرشة الخاصة بالفاوندينشن او الـ beauty blender .
الخطوة السابعة :
آخر خطوة فى روتين ازاى تدارى حب الشباب بالـ makeup هى الـ powder ،باستخدام طريقة الطبطبة، ابدأى افردى البودر على وشك وحاولى تكون الباودر افتح بدرجتين من الفاونديشن بتاعك علشان تدارى اى بثور او مسامات.
بكده تكونى عرفتى معانا ازاى تدارى حب الشباب بالـ makeup فى خذوات سريعة و سهلة تقدرى تعمليها مع روتين مكياجك كل يوم، اعرفى معانا كمان 10 غلطات في العناية بالبشرة بتزود مشكلة حب الشباب وبتخليه اسوأ .. وازاي تتجنبيها
10-19-2017, 05:28 PM
طرق التعامل مع حب الشباب
أخر 5 مشاركات BAYALA
العرض العادي
