آخر 10 مشاركات
أهمية الوقت في حياة المسلم (الكاتـب : - )           »          حال السلف في رمضان (الكاتـب : - )           »          عبدالله بن مسعود (رضي الله عنه) (الكاتـب : - )           »          Tmark اناقة ومظهرادم تحكي فخامتك (الكاتـب : - )           »          Tmark لاتضع حدود لنفسك تعيقك (الكاتـب : - )           »          ◄ ... سجـــل حضــورك بأســم ولـد ... ◄ (الكاتـب : - )           »          1 (40) 13رمضان (الكاتـب : - )           »          وأشرقت الأرض بنور ربها (الكاتـب : - )           »          محاسن الصيام (الكاتـب : - )           »          الاعتصام بالله في زمن غربة الإسلام (الكاتـب : - )


العودة   منتديات كلك غلا > ۩ المنتدى الأدبي ۩ > ๑۩۞۩๑ القصص والروايات ๑۩۞۩๑

๑۩۞۩๑ القصص والروايات ๑۩۞۩๑ ۞ قصص وروايات لتمتعو بها قلوبكم وعقولكم ۞

إضافة رد
 
أدوات الموضوع انواع عرض الموضوع
#1  
قديم 04-15-2018, 06:26 PM
دلوعة القمر
همسه غلا غير متواجد حالياً
    Female
لوني المفضل Violet
 رقم العضوية : 2387
 تاريخ التسجيل : Mar 2011
 فترة الأقامة : 4746 يوم
 أخر زيارة : 07-08-2022 (05:52 AM)
 الإقامة : السعوديهــــ
 المشاركات : 1,867 [ + ]
 التقييم : 10
 معدل التقييم : همسه غلا is on a distinguished road
بيانات اضافيه [ + ]
افتراضي رواية #مشاعر_مطرطشة الموسم التانى الحلقة 31




#مشاعر_مطرطشة

الموسم الثاني

الحلقة 31

معاوية : سكّر سكّر ضروي معاذ
واحد من جماعة معاوية : مايا تبي تهرب من الشقّة نلحقووها ولا انخلوها علي راحتها
معاوية : تبّي تهرب ؟؟؟؟؟؟
واحد من جماعة معاوية : شفاها اتلم في دبشها اللي امس شراته
وتبي تنزل من الشقة
معاوية : راقبووها شفوووها وين حتمشي
متخلّهش تفطلكم
,,,,,,
جماعة 505 : راهو امنزلين علينا قرار
انّ مافش حد يتعامل امعانا يالرائد فوزي
الرائد فوزي : خليهم اللي اديرو اديروو
أصلا نحنا مش امدورين حد
اهم شي أي حاجة اتصير في البلاد
عطوني بيها عمل اول بأول
جندي 505 : حاضر
الرائد فوزي : ولا انقولك ,,

جندي 505 : نعم
الرائد فوزي : قول لجماعتنا اديرو
مشكلة في السلماني الغربي
جندي 505 : نفس قبل قصدك
الرائد فوزي : اها ..
.. خلووها تولع ,, خليها اتخش بعضعها في السلماني الغربي
جندي 509 : حاضر
,,,,,,
كانت حنين من الصبّح بدري اضم في الحووش وتبرم عليه
وتذكر في الله
وبدت البسمة بشوية بشوية اترد علي وجها
والروح الفكاهية اترد عندها
اتساعد في ام مازن والبنات
,,,,,,
وفاء ناضت ماتبي ادير شي
اتفكر في بنتها وخلاص
حطّت علي رقم العقرب
ومش عارفة اترن ولالا
وكل ما تبي اترن اتردد
واتغيّر رايّها
,,,
جماعة معاوية قعدوو يراقبو في مايا
ركبت تكسي ومشت
قعدو يلحقوو فيها
,,,,,,,
معاوية قاعد في المقر امتاعه
معاوية : كنك يامايا شن قصرت امعاك انا
عليش تبي تهربي
حاولت نكسبك
حسيت بالشي اللي ناقصني امعاك
,,,,,,
العقرب قاعد في العياة وقابل نفس اول دكتور

العقرب : انا اللي مرة جيتك مع المدام
وقتلي عندها الفصام
ممكن تعطيني شن العلاج امتاع
كيف نتعامل امعا
وهل في امل التعافى منّا
وقعد الدكتور يشرح ويحكيله في كل حاجة
....,

لامار : ماما تعالي شوفي شن صاير في السلماني
فاطمة : تعالن ياحنين ونرمين شووفن
سهام :لاحول ولاقوة الا بالله ,, عليش هذا كلّه
قنوات الاخبار وصفحات مواقع التواصل الاجتماعي
" اشتباكات بين مليشيات مسلحة في منطقة السلماني الغربي
وعدد من القتلى والجرحى من المدنيين "
مازن وهو طالع من الدكتوور
كان في تلفزيون في صالة الانتضار
شاف الخبر
العقرب : كيف صار شن صاير في السلماني
,,,,
وزارة الداخلية : ياريت ماتدخلش يالافندي احمد
مليشيات في بعضهم
مش عارفين من اللي مع الحق ومن اللي مع الباطل
سيوورها حتوقف
الافندي أحمد : لكن في مدنيين ماتووو
وزارة الداخلية : حنخشو نحنا حنزيدو الطين بلّه
وانت عارف السلماني الغربي شوارع ضيقات
خشّتنا فيها ضرر اكثر للمدنيين
الافندي أحمد : لو ماوقش الدم شن ايصير
وزارة الداخلية : هذّكي الوقت حنخشوو عليهم
الافندي احمد ضرب المكتب امتاعه
ياااااااااااارب

,,,,,,,
كان امكسد لؤي مع صاحبه في السلماني
وقت الاشتباكات
لؤي : شن هذا
صاحب لؤي : اكيدة نفس الجماعة كل بعد فترة ايصيرن اشتباكات
ماتطلعش خليك هنا توّا
لؤي : لا لازم نطلع نبي انشيل الامي العيادة عندها موعد
صاحب لؤي : ياراجل ماتطلعش قتلك كنّك هبل انت
لؤي فاته وطلع من الحووش وكان ماشي للسيارة
خلاص قريب يووصل فيها
يبّي يفتح السيّارة
جت طلقة علي اكراعه
طاح لؤي
لؤي : اه اه اه
صاحبة طلع وقعد يسحب فيه جوّا الحوووش
صاحب لؤي : قتلك ماتطلعش من الأول عليش تسكير الراس
لؤي : اه اكراعي لازم نمشي للمستشفى حتخمج
آآآآآآآآآآآآآآآآه
صاحب لؤي : اصبر بس لين يهدا الجو
لؤي مش قادر يتحمل الألم
لؤي : مش انا اللي نصبر
خش علي قائمة الأسماء وحتلقى اسم العقرب
اتصل بيه آآآآآآآآآآه اكراعي
,,,,,
مايا نزلت في حي فقير في بنغازي
وخشت لحوش نفس المهجوور
.......
كان امروح للحوش مازن
بعد ماطمّنى الدكتور ورّاه الطريقة المعينة
الي يمشي بيها مع حنين في هالفترة
جا تليفوون
من رقم لؤي
مازن : نعم يالغالي
لؤي :اه اه اه تعال للسلماني يالعقرب
مش قادر نتحمل تعال
مازن : شن صار كنّك
صاحب لؤي خذا النقال
صاحب لؤي : الاشتباكات في السلماني طلع جت طلقة في اكراعة
ولازم يمشي للسمتشفى
ومش قادرين نطلعووو
مازن : قصدك هذي اللي توا عالتلفزيووون
صاحب لؤي : هنّا نفس الاشتباكات
لؤي : آآآآآآآآه تي اكراعي مش قادر نتحمل انحس فيها تبي تطربق
مازن : نقال لؤي في نت دزلي موقعه بالجي بي اس
صاحب لؤي : شن حالدير قصدك حتجيني
راهُ يستعملو في الأسلحة الثقيلة
مازن : مش شورك انت دزلي بس موقع جي بي اس امتاع النقال
صاحب لؤي : تم تم
مازن : طلّع نقالة ورن علي احمد ومروان وفارس
مازن : الو تعال ضروري عند المسجد الفتح الإسلامي في السلماني وارجاني برّة ماتخشش جوّا
احمد :شن صار ,, لؤي حاصل في الاشتباكات
مازن : ياقوبعة كلمت مروان جايك توّا
وتّي امعاك اللثّامات امتاعات الوجه وجيب اسلاح امعاك
فارس : مع انّي مش فاهم عليش
لكن امعاك في أي حاجة
مازن : جيب امعاك اربع دروع واقية ضد الرصاص
تلقاهن في المخزن
فارس : حاضر
مازن : خلاص حتلقوووني عند المسجد الفتح الإسلامي
,,,,
معاوية يحكي مع أعضاء الأحزاب
وشافو الاخبار عالقنوات ومواقع التواصل الاجتماعي
" مشكلة المليشيات هذيما
لازم من يد تضرب من حديد في نفس هالمواضيع "
حتّى معاوية مش عارف شن صار
,,,,,,
الرائد فوزي : هيّا وتّو الرّتل حنخشوو عالسلماني
عشان انوقفوو الحرب اللي صايرة
جندي 505 : هيا واتيين نرجو وفي الامر بس
الرائد فوزي : على جميع الكتائب التوجه لمنطقة السلماني الغربي
,,,,,
احمد طلع من المقر امتاعه ومشى للمكان اللي يبوو يتلاقوو فيه
مروان وصل في فراس ومشوو شور المسجد الفتح الإسلامي

بعد مرور ربع ساعة

مازن : هيا هيا البسو اللثامات عالوجه
فارس : هاكو الدرع المضاد
مروان : شن فيه مش فاهم شي انا
مازن : البس بس ,, لؤي حاصل جوّا
ومضروب في اكراعه
درسّو سيارتين جنب المسجد
وركبوو سيارة احمد وكانت
بئم دبليو فيّا سابعة
مازن : انت حتسووق يامروان
وحتمشي للموقع هذا اللي باين عليك عالنقال
أحمد انت خليك في الكرسي اللي قدام
وانا وفارس حنقعدو في الكراسي
للي لاورة
أحمد : انت سوّاق صح يامروان ورّينا شطارتك
مروان : يانعليا بئم اخرة ,, نتعب انا
مازن : هاكو اسلاحكم يا احمد ويافارس
مهما صار ماتوقفش بكل يامروان
حتّى لو انضرب واحد فينا
مروان وهو خايف اشوية : حاضر
أحمد : هيا نتوكلوو على الله
فارس : يالله
مازن : نفس مكنّا انديرو زمان
الضرّب بالرصاص حيكون في الكرعين فقط
مانبووش نقتلوو
فارس : تم تم
مازن بصووت عالي
مازن : هيا هيا هيا اطلع
وخش مروان يجري في شوراع السلماني
ويجري مايوقفش
فارس : افتحلها افتحلها ماتخاااااااافش وريّنا سواقتك
احمد : اهوو اهووو يالعقرب قاعد في الشوووكة
طاف طاف طاف
مازن : قاعد نصيّد فيهم بالواحد
طاف طاف طاف
احمد : يافارس افطن راك تقتل في الكرعين بس
فارس : اهو اهو هو عند المحل
احمد : طربقته في اكراعة
مازن : افحتلها ما اتوقفش يامروان
طاف طاف طاف
قزازة السيّارة تكسّر
وجت اكثر من طلقة علي السيارة
احمد : راحت فيها السيّارة
هيّا اجري اجري اجري يامروان
مروان : حسستوني تلعبوو انتووو
مازن : غير سوق سوق بس
,,,,
كانت كتيبة 505 كيف خشّت للسلماني
فارس : يالعقرب كنهم انسحبو اللي كانوو في الشوارع
بدن يفضن الشوارع وين الجماعة
" المليشيات لما شافن كتيبة 505 خشت للسلماني انسحبووو "
احمد : بالك خافوووو ههههههههههه
مروان : تضحكوو تحضكو ونحنا قريب انموتو
مروان وهو مصدوم : حي علي امّها سيارات عسكرية
احمد : جماعة 505 شن جابهم هذا
فوووتهم فووتهم ماتوقفش بس
خش للشارع الجي
,,,
مازن اتصل برقم لؤي
مازن : هيّا اطلعوو قدّام الحووووش بسرعة
خشوو للشارع لقوو لؤي قاعد في الشارع
نزل فارس يبّي يركبه للسيارة
كان لؤي مغمى عليه
مروان وهويعيط : بسرعة بسرعة بسرعة
احمد : هيا هيا يافارس سيارات عسكرية واجد
""
كتيبة 505 حصرووهم في الشارع من جميع الاتجاهات
الرائد فوزي : انزلوو من السيّارة وسلموو اسلاحكم
احمد : عليك قصة ماكنّتش نحاسبهم جيين هذيما 505
انقاني ودّرت روحي ابروحي يالعقرب
نزل مازن وكان املثم وجه وماسك اسلاح
ونزلوو فارس واحمد
وقعدوو امصبيين قدام السيارة
وقاعد مروان في السيارة
مازن وفي النص احمد وبعدها فارس
مازن سحب اسلاحه
احمد بحّت في مازن
احمد : رد بالك اتهور
فارس سحب اسلاحه
احمد بحّت في فارس
احمد : خلطتكم ما اتربّحش
احمد سحب اسلاحه حتّى هو
ومروان قعد يمتع في السيارة في مكانها
في مكانه وقعدت اتغبر عليهم

اشوية هكي قعدو يسمعوو
في اصوت بووووم
بوووووم
بووووووم
بوووووم
بووووم
احمد : شن هذا
فارس : شكلها في اشتباكات في الجهة الاخرة
العقرب : عمرة العقرب جابكم المكان وندمتو عليه

قبل نص ساعة

مازن وهو ماشي للسلماني رن علي إسماعيل
عندي مهمة نبّي انديرها في السلّماني
كلّمة جماعتي كلهم ووتوو اسلاحكم
والسيارات العسكرية
لو رنيت عليك معناها تعال راني حاصل
معاذ : حاضر
لما العقرب شاف السيارات العسكرية
امتاعات 505
دغري دار رنّة لي إسماعيل

في الوقت الحاضر

مروان طلّع راسه من قزاز السيارة
مروان : شن هذوما امعانا ولّا ضدّنا
مازن حرّك يدّة ودار علامة صح
مروان قعد يمتّع السيّارة وهي في مكانها " تفحيط"
وكأن اسد يبي يزقب علي فريسة
الرائد : شن اللي صاير
شرطي 505 : مليشيات مسلحة جيّات بالسيارات العسكرية
الرائد : انسحبو انسحبو مانبّوش يمسكو علينا هزيمة
بدت كتيبة 505 بالانسحاب
مازن : هيا هيا هيا اركبوو بسرعة في السيارة
فارس : افتحلها
طلع مروان من بين السيارات العسكرية
الرائد فوزي جت عينة علي عين احمد
كان احمد املثّم وجه اعيونه بس بينات
احمد : الرائد فوزي صورني شكرا
وهما طالعين فارس طلّع اسلاحه وقعد يفرّغ فوووق
مازن طلّع اسلاحه وقعد يفرغ
واحمد طلع اسلاحة وقعد يفرغ
من بين السيارات العسكرية
ومافش حد جا شوورهم
كانن المليشيات يرجن في العقرب وجماعته من وراء كتيبة 505
نزلو من السيّارة
مروان ركّب لؤي في سيّارته
ومشى بيه شور العيادة
احمد ركب سيّارته ومشى للمقر امتاعه
قعدوو فارس ومازن بس
وقعدو امصبيين مايبوش يطلعو من السلماني
مازن مزال املثم وجه وامصبي وماسك اسلاح امتاعه
الناس اللي يسكنو في السلماني الغربي كلهم
قعدوو يقولووو
كتيبة صورني شكرا
ياخوافين
صورني شكرا
وقعدوو يضحكوو ويشفّطو عليهم " لقحوو عليهم "
فارس جا شوور مازن
ودفّة علي كتفه
مازن : كنّك شن صارلك
فارس : مزلت العقرب كيف ماعهدناك
كانوو صيّاع المنطقة قاعدين يتفرجوو عليهم من بعيد
لكن مابووش يخشوو في الموضوع
اسمعوو اسم العقرب
" قصدك هذا العقرب امتاع الوحيشي "
كلهم طلعوو اسلاحهم صياع السلماني وقعدوو يفرغووو فوووق
الرائد فوزي : صوت الرصاص قعد اقوى ومعش وقّف
زعمك من يطلع هذا اللي املثم وجه
جووو كلهم يساعدوو فيه
صايع من صياع السلماني : كان قتِّلْنا العقرب راهو صبّينا امعاك
العقرب : عارفكم ما اتقصرووش
ننصحكم معش اتخلووهم يلعبوو بيكم
مالكّم الا بعضكم
شن ذنبهم الناس اللي ماتو علي سوء تفاهم
همّا يبوونا هكي يبّوونا انكملوو بعضنا
عشان يقوولوو احسن كمّلوو بعضهم
خلووكم يد وحدة في السلماني
نفس بوهديمة والوحيشي والسرتي
نعتذر منكم علي جماعتكم اللي طاحوو بسببنا
لكن الحمد الله مافش حد مات
هيّا نستاذنوكم توّا
ركب قوبعة مع مازن ومشوو شور العيادة
اللي ساعفيين بيها لؤي
,,,,,
عاجل قنوات الاخبار
" توقف الاشتباكات بعد تدخل كتيبة 505 لمنطقة السلماني "
" كالعادة كتيبة 505 عملت هدنة بين المليشيات المسلحة في السلماني بالتراضي "
تصريح تلفزيوون للرائد فوزي على اشتباكات السلماني
الرائد فوزي : اول حاجة نترحمو علي الناس الأبرياء اللي ماتوو
وربي يشفي الجرحى والحمد الله جينا في الوقت المناسب
وهدّينا الأطراف المتنازعة في منطقة السلماني
وانحب انقول للبنغازية خاصة وليبيا عامة
راهُ كتيبة 505 امعاكم قلبا وقالبا
وعندها غيريّة عالوطن والمواطن "
,,,,,
والتصريح انتشر علي مواقع التواصل الاجتماعي كلهن
,,,,,
معاوية : فوزي صوّرني ديما راكب الموجة
المهم انتهن الاشتباكات
,,,,,

سهام : الحمد الله انتهن الاشتباكات
حنين : ربي يصلح الحال
وفاء : ربي يهدّي النفووس ان شاء الله
,,,,,
مايا طلعت من الحووش اللي كانت فيه
وركبت تكسي وردّت للشقة امتاع معاوية
,,,,
مازن : شن جو لؤي
مروان : دروله عملية عالسريع وطلعو الطلقة اللي ع اكراعه
لكن عارف انت عيادة خاصة هذي
معناها حيذبحوونا في الفلووس
مازن : مدّور شي ,, اللي يبو ياخذوو . اهم شي طمنتنا عليه
,, اكيدة اشوية اخرة
حيجوو هل لؤي عطيتهم علم انا
أي حاجة رن عليا
مروان : تمام
,,,,
الساعة 2:00 ضهرا

مازن حكى الاهلة على قصة لؤي علي أساس
جاته طلقة وكانت عركة في الشارع
لكن ماحكش علي صار بينه وبين جماعته

فاطمة وهي تبكي :يانعليا يالؤي ان شاء الله اتكون بخير
نرمين : خلاص ماطمّنا مازن وقال داروله
عميلة كنك انتي
ام مازن : خليها خليها ع راحتها
,,,
مازن قاعد مع حنين في الدار
مازن عزق المسدس علي حنين
بلا مخزن كان
ومسكاته حنين
حنين باستغراب : لاباس كنك
مازن : اقتليني
حنين : بدينا في السمّاطة
مازن : تذكري يوم مشيّة شحات
حنين : اوووو ومن يقدر ينسى

في الماضي وقبل كم شهر

كانوو زاردين حنين ومازن
مع بعضهم عايشيين احلى جوو
مازن طلّع مسدس
حنين : شن تبي تقتلني
مازن : اها نبي نفتك منّك
حنين : اقتلني هيّا
مازن قرّب منها وعطاها المسدس
وحط شيشة قازوزة بعيدة
حنين : باهي وبعدها
مازن : جرّبي اضربيها
حنين : هههه جايا انغير جوي ولا ادّرب فيّا
مازن : هيّا قلت جرّبي
طاف
لكن ماطبّتش في الشيشة
مازن : مش هكي يمسكو في السلاح
يمسكو فيه هكّي
طاااااااااف
شفتي كيف طاحت
هيا دورك
حنين : هكي ولا هكّي
جا مازن جنبها وقعد لاصق فيها
ومسك يّدها ورّاها كيف تسمكه
مازن : ترا جرّبي توا
طااااف
مازن : اوووووو ماشاء الله
جربّي الاخرة
طاف طاف طاف طاف
حنين : يصير منّي
مازن : تي ايصير بس
قعدتي تضربي احسن حتّى من قوبعة
حنين : لا هكي مجاملات ههههههههه
مازن : لازم مرات العقرب
تقعد تلسع حتّى هيا
حنين : علي أساس اعدائي واجد
مازن : حيجي اليووم اللي تمسكي اسلاح
وبيناتنا الأيام
حنين : غير فكنّا خلينا عالرومنسية خير
صقّع الجو بس هنا
سلح الجاكة امتاع مازن وغطّة بيها وحضنها

في الوقت الحاضر
حنين : وجعتني فاطمة اكيدة مفجووع
مازن : قتلها حالته اكويسة وداروله عملية وجوّا تمام
لو كانت في حاجة مش تمام راهُ قتلها
حنين : خطيبها عاد حقاتها ادير هكي
مازن : بعد خطرها نبي نطلب منك طلب
حنين : شن
مازن : نبيك مهما ايصير ديما اتوسعي بالك
ومعش اتعصبي واتريحي اعصابك
واي حاجة اضايقك تعالي احكيلي بس
حنين : ههههههههههه عليك اللي غيّر الموضوع
مازن : المهم نبيك اديري نفس ماقتلك
حنين : حاضير
,,,,,
خش معاوية وكان جايب مع غداء من المطعم
وكانت مايا قاعدة في الشقّة
وكان معاوية عنده علم بكل حاجة
معاوية : هاكي تفضلي
مايا : شكرا ,, كسدت بكل بس في الشقة
معاوية : من بكرة معش حتقعدي في الشقة
مايا : كيف
معاوية : انا مستحق وكيلة لاعمالي
مايا : بس انا ابيض ياوردي مانعرفش شي
معاوية : حنخشك لمعهد انجليزي وتقري من الصفر
مايا : انجليزي مرة وحدة
معاوية : اها من بكرة حنقعد انشيل فيك للمعهد
بس لازم تاخذيها بجديّه
مايا : حاضر
حش معاوية يغير في دبشها
وهووو ماشي
مايا : معاوية
معاوية : نعم
مايا : اليوم اطلعت راه لكن ماطولتش
معاوية : انا قتلك لو مش متريحة تقدري تطلعي
وكان يحكي معاها بضهرها
مايا : مشيت لوحدين كنت ديما انبات عندهم
شلتلهم الدبش اللي شريته امس
عطيتهم منّا عشان يسترن بعضهن
معاوية : لا عادي ,, لكن بعد تطلعلي لازم تعطيني علم
طبعا لو مافهش ازعاج
عشان ماننشغلش عليك
مايا : حاضر
,,,,,
وفاء : كنّك طوّلت يامروان
مروان : لؤي جت في اكراعة طلقة طايشة
كنت امعاه في المستشفى دارولة عملية عالسريع طلعووها
وفاء : انحطلك الغداء ,,
مروان : لا تغديت ’’ نبي انمد طولي تعبان بس
,,,,,
نرمين اترن علي فارس من الصبح
مايردش ليها
ممكن مش فاضي
او ماعنش جو يهدز امعاها
,,,,,
الرائد فوزي : باهي الحمد الله باين علي أساس
انا اللي حليت المشكلة
لكن من يطلعوو هذيما
اللي كانو راكبين في البئم واملثمين وجوههم
ماخافووش مني
شرطي 505 : قالو العقرب وجماعته
بس انا ما اصدقتش
العقرب معروف ماعمره لثّم وجه
ممكن واحد واخذ شخصيته
مش العقرب امتاع الوحيشي
الرائد فوزي : ممكن عادي المهم
الاخبار وصفحات الفيس يحكن عليّا
,,,,,,
كانُو هل لؤي قاعدين امعاه في العيادة
ومزال تحت تاثير التخذير
,,,,,
قاعد معاوية في الدار امتاعه
سكّر الباب علي روحه
وطلّع شنطة فيها جميع أنواع الأسلحة الخفيفة
مسدسات ورشاشات
مسكهن وابستم

" معاوية خاش اكثر من مرة في دروات عسكرية
عنده خلفية علي طريقة استعمال الأسلحة "
,,,,

الساعة 5:00 عصرا
مازن : هيا يافاطمة وين امي مش تبو تمشو لي لؤي للعيادة
فاطمة : هيا هيا طالعات
ام مازن : اشوية اندور في الوشاح ,,
وين الوشاح يابنات
,,,,,,,
سهام : سيارتك مش قاعدة برة يا احمد
احمد : اها سيارة عسكرية جابتني
سيارتي قاعدة في ورشة السمكرة
كانت امدرسة عند المقر خش فيّا واحد
من لاورة
سهام : باهي باهي الحمد الله جت ساهلة
المهم انت مش فيها
احمد : الحمد الله
سهام : يعني هكي نضمنوو انّك قاعد اليوم العشية
احمد : اها امكسدلها هنا ماعندي وين نبرم
نبي انرن بس عالعقرب نبي نسالة
شن صار في لؤي قالو جت
في اكراعه طلقة طائشة
,,,,,
معاوية : مرحبتين
معاذ : وين يالزعيم قعدنا معش انحصلو فيك
معاوية : توا خلينا في المهم
معاذ : نعم
معاوية : اليوميين اللي جيّات
حيصير اضراب في سجن الكويفية
معاذ : تمام
معاوية : والباشق علي أساس مضروب وجسمه دم
ويبوو يسعفوو برة الحبس لاي عيادة
حترجى سيارة ويركب امعاهم
معاذ : عليش الاضراب باهي ,, قولّه مثّل انك مريض وخلاص
معاوية : الاضراب حيقعد داير ضجة إعلامية اشوية علي قنوات الاعلام
ومحد يفطن في البداية
معاذ : تمام
معاوية : امشيلة بكرة واحكيلة كل حاجة
معاذ : حاضر
,,,,,,
فارس يهدرز فون مع نرمين
نرمين : وين وين وين انت
فارس : نعم
نرمين : هذا كلّة واتقولي نعم
فارس : عارف روحي امقصر تحمليني
بس صايرلي اشوية أجواء
نرمين : باهي صايرلك أجواء
احكيلي عاي عليش ادّس عليّا
مش حبيبتك وخطيبتك انا
فارس : ان شاء الله تو نحكيلك توا نستاذنك
مشغول اشوية حبيت انطمنك عليا بس
نرمين وهي زعلانة : براحتك
,,,,
وصل مازن وامّه وفاطمة للعيادة
شاف مروان قاعد برّة
مازن :شن جوّا توا لؤي
مروان : تمام بدا يفطن وقاعدين اهله جوّا امعاه
مازن : هيا خشّن اشوية واطلعن ما اطوّلنش عليا
ام مازن : حاضر
مازن حط يدّه علي قلب مروان
مروان : هههههه فيش ادير انت
مازن : انشوفيك مزلت خايف عالجو اللي امبدري ولالا
مروان : نكذبش عليك كنت انسوق وخايف
لكن عشان امعايا ثلاث اسود
مخفتش وتشجعت بيكم
مازن : لالا ماتغلطش ,, قصدك عقرب واسدين
مروان : ههههههههههههه
مازن سمع نقّاله يرن
شاف الرقم طلعت ام مروان
مازن : مش هذا رقم عمتي وفاء
مروان باستغراب : اها رقم امّي
مازن : اهلين عمّتي وفاء

يتبع ,,,,


كلمات البحث

العاب ، برامج ، سيارات ، هاكات ، استايلات





v,hdm #lahuv_l'v'am hgl,sl hgjhkn hgpgrm 31 hgl,sl hgjhkn hgpgrm




 توقيع : همسه غلا

تستطيع أن ترى الصورة بحجمها الطبيعي بعد الضغط عليها

رد مع اقتباس

أخر 5 مشاركات همسه غلا
المواضيع المنتدى المشارك الاخير الردود المشاهدة آخر مشاركة
وصفة شوربة تورتيلا الدجاج بالفلفل الحار السهل ๑۩۞۩๑ فنون الطبخ ๑۩۞۩๑ 1 3024 04-12-2022 04:32 PM
أفضل مقبلات 30 وصفه حصريه ๑۩۞۩๑ فنون الطبخ ๑۩۞۩๑ 0 1744 08-24-2021 04:19 AM
طريقة عمل الكيك الأسمر ๑۩۞۩๑ فنون الطبخ ๑۩۞۩๑ 0 1142 02-07-2019 10:34 PM
الدجاج بدبس الرمان ๑۩۞۩๑ فنون الطبخ ๑۩۞۩๑ 0 1025 02-07-2019 10:32 PM
عمل البرجر في المنزل من اللف للياء ๑۩۞۩๑ فنون الطبخ ๑۩۞۩๑ 0 1065 02-07-2019 10:29 PM

قديم 04-15-2018, 10:42 PM   #2


الصورة الرمزية مزاجـيه
مزاجـيه غير متواجد حالياً

بيانات اضافيه [ + ]
 رقم العضوية : 43
 تاريخ التسجيل :  Dec 2008
 أخر زيارة : 09-30-2023 (09:04 AM)
 المشاركات : 3,325 [ + ]
 التقييم :  25
لوني المفضل : Cadetblue
افتراضي رد: رواية #مشاعر_مطرطشة الموسم التانى الحلقة 31



موضوع
غاية فى الروعة


 
 توقيع : مزاجـيه



رد مع اقتباس
إضافة رد

مواقع النشر (المفضلة)

الكلمات الدلالية (Tags)
#مشاعر_مطرطشة, الموسم, التانى, الحلقة, رواية


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
رواية #مشاعر_مطرطشة الموسم التانى الحلقة 25 همسه غلا ๑۩۞۩๑ القصص والروايات ๑۩۞۩๑ 1 04-15-2018 11:40 PM
رواية #مشاعر_مطرطشة الموسم التانى الحلقة 27 همسه غلا ๑۩۞۩๑ القصص والروايات ๑۩۞۩๑ 1 04-15-2018 11:32 PM
رواية #مشاعر_مطرطشة الموسم التانى الحلقة 28 همسه غلا ๑۩۞۩๑ القصص والروايات ๑۩۞۩๑ 1 04-15-2018 11:31 PM
رواية #مشاعر_مطرطشة الموسم التانى الحلقة 29 همسه غلا ๑۩۞۩๑ القصص والروايات ๑۩۞۩๑ 2 04-15-2018 10:43 PM
رواية #مشاعر_مطرطشة الموسم التانى الحلقة 30 همسه غلا ๑۩۞۩๑ القصص والروايات ๑۩۞۩๑ 1 04-15-2018 10:42 PM


All times are GMT +3. The time now is 10:27 PM.


Powered by vBulletin® Version 3.8.9
Copyright ©2000 - 2024, vBulletin Solutions, Inc.
adv helm by : llssll
new notificatio by 9adq_ala7sas
دعم وتطوير نواف ا
This Forum used Arshfny Mod by islam servant