آخر 10 مشاركات
أهمية الوقت في حياة المسلم (الكاتـب : - )           »          حال السلف في رمضان (الكاتـب : - )           »          عبدالله بن مسعود (رضي الله عنه) (الكاتـب : - )           »          Tmark اناقة ومظهرادم تحكي فخامتك (الكاتـب : - )           »          Tmark لاتضع حدود لنفسك تعيقك (الكاتـب : - )           »          ◄ ... سجـــل حضــورك بأســم ولـد ... ◄ (الكاتـب : - )           »          1 (40) 13رمضان (الكاتـب : - )           »          وأشرقت الأرض بنور ربها (الكاتـب : - )           »          محاسن الصيام (الكاتـب : - )           »          الاعتصام بالله في زمن غربة الإسلام (الكاتـب : - )


العودة   منتديات كلك غلا > ۩ المنتدى الأدبي ۩ > ๑۩۞۩๑ القصص والروايات ๑۩۞۩๑

๑۩۞۩๑ القصص والروايات ๑۩۞۩๑ ۞ قصص وروايات لتمتعو بها قلوبكم وعقولكم ۞

إضافة رد
 
أدوات الموضوع انواع عرض الموضوع
#1  
قديم 04-15-2018, 06:29 PM
دلوعة القمر
همسه غلا غير متواجد حالياً
    Female
لوني المفضل Violet
 رقم العضوية : 2387
 تاريخ التسجيل : Mar 2011
 فترة الأقامة : 4746 يوم
 أخر زيارة : 07-08-2022 (05:52 AM)
 الإقامة : السعوديهــــ
 المشاركات : 1,867 [ + ]
 التقييم : 10
 معدل التقييم : همسه غلا is on a distinguished road
بيانات اضافيه [ + ]
افتراضي رواية #مشاعر_مطرطشة الموسم التانى الحلقة 33




#مشاعر_مطرطشة


الموسم الثاني


الحلقة 33


معاوية : عارفة اسمه الكوافيرة اللي كانت تخدم فيه امّك
وفي أي منطقة كانت تخدم
مايا : عارفة عليش
معاوية : مرات حتكوون سبب
نعرفوو اختك وين
مايا : نجم النجووم امتاع الكيش
كانت تخدم عند وحدة اسماها مريم
معاوية : تمام ,, شن جو المعهد
مايا : اكويس بس واجد كل يوم
خليها يوم بعد يوم مانبش انمل بسرعة
ويرقالي
معاوية : خلاص تو نمشي للمعهد وانخليك تقعدي نفس الباقي
أصلا في دورة مكثفة وفي دورة عادية
مايا : لا خليني عادية خير
لاني مزلت ابيض ياوردي مش فاهمة شي
اقل شي هكي انحصل وقت
انراجع اللي يعطوو ليّا
,,,,
الساعة 5:00 عصرا
كانُ العقرب واحمد ومروان وفارس في مكانهم السرّي في بوعطني


حطّووو واحد من المنطقة يقعد عالسوبر ماركت
مؤقت مكان مروان وفارس
أحمد : عدّت علي خير عليك شهداريين كلّا ليبيين علي سبلة
قااااااااااااعدين
مازن : عرفتك حتعرف كيف تبلط منها مش غريب انت عالجو هذا
فارس : جِبْتُونا ’’ هَنَا ,, معناها في موضوع
احمد : اكيدة ,, بعد بكرة حيهرّبو الباشق
حتراقبو أي سيارة اسعاف تطلع من الحبس
وحنخلي امعاكم سيارات عسكرية
حنخلو ايعيش اللحظة ع أساس هرب
ولكن حنمسكو برة
مُتلبس في سيارة الإسعاف
مروان : تمام
مازن : شن قصته هذا الباشق
احمد : قاتل مجرم سفّاح مصاص للدماء
الأفضل انّ مايطلعش خير
مازن : حتى لو هرب حنجيفو لو لعب بالنار
احمد : هذا صعب علينا ,, مجرم محترف
وعنده معارف واجد
الأفضل مانخلووش يهرب
مازن : ان شاء الله
احمد: شن اخبار لؤي
مروان : بكرة يطلع
احمد : تمام بكل .. قولوله حرّك روحك مزلنا نستحقووولك
مروان : حاضر
,,,,,
نجاح قاعدة عالتلفزيون سمعت رسالة واتس
مسكت النقال طلع رمضان
رمضان : تحسابي روحك اتخوفي فيّا
دزتيلي ولد عمّك ياعاهرة
والله ماني خايف من واحد
ومانش واخذك ولا شي
انتي اكبر عاهرة في بنغازي
تحلمي لو حاطّة في بالك
انّي حنزوجك "
قرت الرسالة ومابتش اترد عليه
ومشت تجري اتوري فيها الامها
’’’’’
لامار : اه اه اه اه اه بطني
يابابا بطني بطني باماما
طلع بات لامار من الدار
شاف لامار اتعيط من الألم وماسكه بطنها
ولّع السيارة وشالها شور عيادة الولادة
,,,,,,
كان معاوية في السيارة يرجى في مايا
كانت مايا قاعدة في محل عطور ومواد زينة
تشري في حجات شورها
معاوية : كنها طوّلت هذي
معقولة نص ساعة
نزل من السيارة وماشي
شور المحل
,,,,,
حنين ونرمين وفاطمة امكسدات في الصالة
حنين : كنك فرحانة يافاطمة
فاطمة : بكرة طالع لؤي
حنين : الحمد الله
نرمين : الحمد الله ,, احسن خبر سمعته لكّي
ربي يهنيكم ويجمعكم بالحلال
فاطمة : آجمعين نيروو العسل
حتى انتي امتى نفرحووو بيك مع فارس
نرمين : ان شاء الله خير
فاطمة باستغرب : ان شاء الله خير كيف
نرمين : شي شي
فاطمة : مش امس قتلكن علي رواية مشاعر مطرطشة
صاحب الرواية امعطل ايميله
طلع داير صفحة جديد خاصة بي
اسماها ديندار الوحيشي
ينشر فيها في الموسم الثاني
حلوة بكل ,,,
نرمين : ماعندش جو انا وحنّو نقرو روايات
حنين : موسع بالك يا افطووومة
,,,,,
معاوية خش للمحل اللي فيه مايا
شاف مايا اتعيط
مايا : حوّل ياحيوان ياكلب ياوقح ياتافه
كان صاحب المحل يبّي يحاول يتحرش بيها
خش يجري معاوية شووره
مسك راسه معاوية وقعد يخّبط فيه في كل مكان في المحل
مايا : معاوية راك تقتله مش هكي
معاوية : يافاسد مالقيت الا اتنابش مايا
وقعد يخبط في راسه كل مرة مكان
وجه قعد دم كلّه
مايا : خلاص خلاص معاوية
معاوية وهو يفنص : امشي شور السيارة
صاحب المحل : خليني نشرحلك بس
معاوية : تشرحلي لا نشرحلك
آخر ضربة ضربها علي راسه
اغمى عليه صاحب المحل
وطاح وجه كلّه دم وينزف
,,,,,
مازن : خلاص بعد بكرة حنديرو راينا
وما انخلووش يهرب
احمد : تم تم ربي يوفقنا ,,
طلعو ويبّوو يمشوو
مازن : فارس خليك نبيك
حنروحوو مع بعضنا
فارس : حاضر
احمد : بيناتنا الووو
مروان : حتلقووني عند السوبر ماركت
فارس : نعم يالعقرب
مازن : فيه حاجة بينك وبين نرمين
في مشكلة في موضوع
فارس : لا مافي شي جو تمام عليش شن صار
مازن : اكيدة
فارس : اكيدة بس عليش في حد حكيلك حاجة
مازن : العصفورة حكتلي مش شورك انت
فارس :ههههههه قعدت براني انا وفي عصافير بيناتنا
بس انا عرفت من اللي حكالك
مازن : من
فارس : مش حنقووولك
مازن : المهم اكيد مافش شي
فارس :اكيد
فارس في عقله قال
" معقولة يامروان نحسابك راجل
ماتحكش للعقرب وتحكيله "
,,,,,,
معاوية في السيارة مع مايا
مايا : دبشك كلّه دم
معاوية : كنتي من الأول تطلعي لما شفتي هكي
عليش طولتي جوّا
مايا : نبي نطلع ماخلنش نطلع
ونفس الوقت مانبش انجيب الشهدرة ليا
واصلا مالمسنش
قعدت انعيط علي خشّتك انت
معاوية : اوكي اوكي سّكريلي فمك ترا
مش مبرر هذا
مايا : كنك انقلبت عليا انا
معاوية : ترا سكّري فمك راه حنزل امّك هنا
مايا : ونزلني شن عادي , ما اتخوفنش
متعودة علي تربية الشوارع انا
معاوية : اوكي اسكتي ,, ماتقدرش تقعدي ساكته بكل
معاوية كانت راقيله بكل من اللقطة
مزال مافشش غلّه بالكامل في الراجل
,,,,,,
حنين : وين عمتي
فاطمة : اكيدة في الدار قاعدة
صبّت حنين ماشية للدار
لقت ام مازن ماسكة البوم صور
واتفرج
جت تلاها حنين وقعمزت جنبها
وعطّت عمتها بوسه علي راسها
ام مازن : حنو ابنيتي العسل
حنين : من هذا راك اتقولي مازن
ام مازن : اها مازن في فرح ولد عمّه
كان اصغير بكّل
حنين : حلوة البدلة عليه


في الماضي


مازن : ماما فكيني منها البدلة مش ليا البدالي انا
ام مازن : في عينك لازم تلبس لبسة سمحة
تبيهم يقوولوو شووفو ولدها شن لابس
مازن : باهي فكيني من القرواطة مانبهش
ام مازن : مازن فكّنا عاد
نرمين : ماما لبسيني كندرتي
فاطمة : امشطيلي شعري
مشوو للفرح
كانت الخيمة في الشارع
ودايريين عشاء في نفس الشارع للصبايا
مازن لقى نرمين تبكي
مازن : شن فيه من اضربك تو نضربه
نرمين : لا مافش حد ضربني نبي نمشي ناكل
قالو انتي اصغيرة هذا عشاء اكبار بس
مازن مسك يدّها وخش بيها شور الخيمة
شفتهم فاطمة جت تجري شورهم
فاطمة :شن بالديرو
نرمين : نبو نتعشو نفس الاكبار
خش مازن شاف وليّة
ستّة في الستّة فانص
اتخووف شكلها
نفس الولية امتاع توم وجيري
مازن بحّت فيها
مازن : نبي ناكلو ياعمتي عادي
الفانص : اطلع برة هذا مكان امتاع الاكبار بس
امشي جنب امك وتعشى امعاها
طلعو مازن ونرمين وفاطمة
مازن : حنتعشو حنتعشو غصبن عنهم
اشوية بس
نرمين : حي عليك ماما حتهزبك ماتحولهش
"مازن حوّل القرواطة اللي كانت"
مازن : خنقتني واجد
علي جيّة سيارات اهل العروس
مازن هيا هيا يخشو مع اهل العروس
حنخشو مع العيال هذيما
خشو هل العروس مع اعيالهم
مازن دف نرمين وفاطمة امعاهم
وخش امعاهم
وخشووو كانوو دايريين مكان خاص باهل العروس
وقعمز معزز مكرم نفس اعيال هل العروس
وقعد يتعشى
ويبحّت في الولية الفانص ويحرّك في حواجبه
ويمسك مرة في اللحمة
ويطلّع في السانة للفانص من بعيد
مرة يمسك في البوريك
مرة في الامبطنة
ويقهر فيها
خلاص معش تقدر اتصبيهم الفانص
معش تقدر ادير حاجة قدام اهل العروس
ام مازن شافت من بعيد اعيالها مع هل العروس ياكلو
قعدت تضحك
ام مازن : كلّا انت مش ساهل يامازن
مش عارف شن حالدّير لما تكبر بس


في الوقت الحاضر


حنين : شكله اكيووت بكل وهو اصغير
ام مازن : مشاغب كان بكل
كانت نرمين ديما دلوعة وتبكي
كان هو اللي ديما سند لها
شووفي الصورة هذي وهو لابس
قرنبولي المدرسة
حنين : الله محلاها الصوورة
ام مازن : هذي كانت في سنة سادسة ابتدائي
حنين سمعت نقالها يرن
طلع باتها
حنين : نعم بابا
بات حنين : لامار جابت بيبي وطلع عيل
حنين : والله لولولوولولوولولي
طيب فيها
الحمد الله يارب فرحتني واجد يابابا
نرمين وفاطمة جن للدار لما سمعن
حنين اتزغرت
نرمين : شن فيه
حنين : لامار جابت عيل
فاطمة : ماشاء الله لاقوة الا بالله
ام مازن : الحمد الله ربي عوضها علي راجلها
" علي جيّت مازن للحووش "
خش للصالة مش قاعدات
متعود 24 ساعة قاعدات في الصالة ويقرمن
مازن : وين قاعدات هذينا
لقاهن كلّهن في دار امّه قاعدات
مازن : ههههههه ضاقت الواسعة
معش القيتوو الا الدار اتهدرزن فيها
حنين : انست ياعمري
لامار جابت عيل
مازن : ماشاء الله يتربى في عزّها
مازن : خيرات يا هلنا
نرمين : ههههههه مرحب مرحب
فاطمة : مازن مزوني
حنين : جوك رايق اليوم
مازن قعمز امعاهم في الدار
,,,,
خش فارس للسوبرماركت
مشى شور مروان وكان ناوي الشر
مروان : كنك طوّلت انت والعقرب
فارس : نحسابك راجل طلعت أي كلام
مروان : فكنا من ابصارتك
فارس : ما انبصرش نحكي بجديات
مروان : سلّم وجك شن تحساب روحك انت
شن هالكلام
فارس :نحكيلك كلام تمشي اتعاودة للعقرب
مروان : ماعمرك قتلي حاجة وقلتها للعقرب
ولو قلتها انقولك قتله شن خايف منّك انا
فارس : باهي اوكي
مران : يافارس نحكي من جدي انا ماحكيتش شي
كنّك انت رايح هكي متعصب وراقيلك
ومعش عندك ثقة فينا بكل
مرات هيا داويتله ومايبش يقوولك
فارس : باهي اوكي كنك انت درت موضوع
مروان : انا اللي درت موضوع ولا انت
من اللي خاش وقال نحسابك راجل
الناس يقوولوو السلام عليكم
اهلا
مرحبا
مش كنت نحسابك راجل
فارس : يعني مش انت حكيتله
مروان : ياربي شن هالراجل والله ما انا
فارس مسك مروان
فارس : خلاص حصل خير هدّي اعصابك ضلمتك انا
بس استغربت فتح امعايا الموضوع
نحسابك انت حكيتله حاجة
مروان : وسّع بالك ومعش تحكم ابسرعة
اسمع من الطرفين قبل ديما
فارس : اوبه
مروان : بكرة ماشي انكسد في المعهد العشية
تمشي امعايا نبّي انغير جوّي اشوية
وبالمرة انمتعوو نظرنا اشوية
فارس : بما انّ حصلّنا من يقعد مكانّا في السوبر ماركت عادي
,,,,
مازن : مزلتي ادمان عالصور يا امي
ام مازن : في شخص مايحبّش ذكرياته
مازن : ترا ترا ترا الصورة هذي
حنين : شكله مجرم شن هالصورة
نرمين : هههههه تذكريها ياماما هذي
ام مازن : طلعت نجري من الشقة للشارع
فاطمة : مسكين قعدتي اتحزي عليه
حنين : شن هالالغاز احكوولي شن صاير من قبل


في الماضي


كان مازن امكسد فوق الاسطاح ولابس كت وشورت
وادير في بونِيّة الحمام امتاعه " مكان خاص بالحمام "
كانت نرمين وفاطمة امروحات من المدرسة
ويقرن في الاعدادي
كان في شاب يلحق في فاطمة وينابش فيها
ومشى امعاهن لعند العمارة
بالصدفة شافه العقرب من فووق
وزرق عليه
مسك طبّاق ونزل بيه لووووطة
طبّاق " نفس السيف بس صغير الحجم "
نرمين : مبردة لحقنا لعند هنا
ويخطّم عليهن مازن يجري
فاطمة : عليش تجري
نرمين : حي اكيدة شاف الشاب اللي يمشي ورانا
ابسرعة كلّمي امي ابسرعة
راه يقطّعه
مازن : اووي اووي انت تعال هنا
الراجل اللي كان يمشي وراء فاطمة
بحّت وراه
شاف شاب منظره يخووف وماسك طبّاق
الغريب : تدويلي انا
العقرب : لا ندوي الجاري اها ندويلك انت
الغريب خاف وانكمش في مكانه
الغريب من الخوف كرعيه جمّدن في مكانهن مش قادر يجري
وصل فيه العقرب
العقرب : شفتك اتنابش في بنتنا جيتك
الغريب : تتتتت تتتتت تتتتت
العقرب : كنك قعدت اتلكلك
الغريب يبحت يمين ويسار يبي واحد يساعدة مالقش
العقرب لما شافه خاف اشفق عليه اشوية
علي طلعة امّه بملاية الصلايا تجري شور الغريب
العقرب : كنك يا امي
ام مازن : عشان خاطري خليه يمشي خلاص
العقرب باستغراب : باه
رد هو وامه شوور الشقّة


في الوقت الحاضر


حنين : صار من زمان شرير
مازن : لاطيب ’’ الصور هذينا تضليل اعلامي لتاريخي
فاطمة : ههههههههه لا صدقاتك الحق
مازن سمع نقاله يرن
طلعت عمته
مازن : نستاذنكم تو انجي
صبّة من مكانه
وطلع برة الحوش
مازن : نعم ياعمتي
وفاء : رمضان دز رسالة واتس يهدد
مازن : لازم انسايْسُو مانبش نخسره انا
وفاء : كيف
مازن : نقدر نقتله نقدر نخطفة نقدر انتعبله نفسيته
لكن انفكر في مصلحة بنتك انا
نبوو نمشو امعاه بشواش وعلي مهلنا
انا خايف علي بنتك مانبش تنتشر قصتها
نبي انحاول كيف انلايمها بالسر
وفاء : باهي شن ادير توا
مازن : قوليلها فوتي بس ومااتردش عليه
انا نبي نعطي كم يوم يعاود احسباته
مانبش نتسعجل امعاه
وفاء : حاضر , وانا أي جديد حنقوولك
مازن : تم عمتي
وخش مازن للحوش
لقى حنين ترجى فيه وراء الباب
مازن انفجع
مازن : بسم الله الكريم
حنين : كنك اتقول حقيت جن
مازن : لا بس تفاجئت بيك قاعدة ورا الباب
راك تقعدي اتراقبي فيا ولا تسمعي فيا شن نحكي بالنقال
كان هذا راه قعدت امعاكن


منذ دقائق


مازن سمع نقاله يرن
صبّى وطلع
حنين في بالها : زعمك ليش صبّيت
مع من تحكي
حنين صبّت وراه
فاطمة : وين امصبية
حنين : نبي انرن علي هلي نسالهم علي حال لامار
فاطمة : باه


في الوقت الحاضر


حنين : لا شفت الباب مفتوح كنت نبّي انردّة بس
مازن : ديرينّا قهوة وتعالي للدار
حنين : حاضر
" حنين كانت ورا الباب وسمعت طراطيش كلام "
,,,,


الساعة 8:00 مساءا


معاوية كان في الدار سمع الباب يخبّط
طلعت مايا
معاوية : نعم
مايا : قصدي تبي تقعد قالب وجك عليا
مادرت شي انا والله هو اللي نابشني
وانا معدلتش عليه غير مانبش انديرلك مشكلة افهمني
معاوية : جو تمام حصل خير
غير نبي نتريح اشوية
مايا : باهي ماتبّش اتعشّى
معاوية : لا ماعندش نيّا
مايا : متاكد
معاوية : اها
مايا : براحتك
معاوية سكّر باب الدار وانعزق عالسرير
ولّع التفلزيون امتاع الدار يبرّم في القنوات
اشوية هكي سمع باب الدار يخبّط اخرة
معاوية : عليك قصة قلنالك مش زعلان لاشي
صبّى معاوية فتح الباب مالقش حد
جا يبّي يسكر الباب
شاف سفرة لووطة
كانت فيها تن ودحي وجبنة
وخبزة وعصير
ابتسم وطبّس خذا السفرة وخش للدار وسكّر الباب
كانت وقتها مايا جنب الدار
مايا : هكي تمام توا نقعد متريحة انّ حيتعشّى
,,,,,,
نرمين ماسكة النقال امكسدة عالفيس
جتها رسالة واتس
طلعت من فارس
فارس : اهلين شن جوّك
شفتها مابتش اترد عليه
تبي اتردله المعاملة اللي كان ادير فيها لها
لما ايطول في الرد
بانت عليه فارس تمت الرؤية
,,,,,
فاطمة اتهدرز مع لؤي عالواتس
,,,
وحنين قاعدة في الدار مع مازن
مازن : سمعت في مطعم جديد امتاع فطور صباحي فاتح
تو نمشي انا وياك بعدها انشيلك لاختك زيارة
حنين : اطمنت عليها امبدري,, اكيدة بكرة لازم نمشي
باهي بعدكّ لنّا فترة معش كلينا في مطعم
مازن : خلاص بكرة نفطرو ونمشو بعدها
حنين : انا طفولتي كانت كلها مطاعم ,, بابا ديما ايجبلنا من المطاعم
مازن : انا طفولتي كلها في الشارع
حنين : انمووت فيه انا اللي طفولته في الشارع
يا احلى عقرب في حياتي
مازن : يا احلى حنووو في العالم
مازن حاضن حنين
حنين : عقرب
مازن : نعم
حنين : احكيلي اشوية علي طفولتك
مازن : طفولة مافهش أي نوع من الترفيه
حنين : احكي عادي


في الماضي


كيشيمي : شن الجو الخدمة امعاك يالعقرب
العقرب : تمام ,, لكن عارف راني انبيع بسعر آخر
ناخذ في افاريّاتي
كيشمي : مدخنش بيك بيع كيف ماتبي المهم نبي حقّاتي
العقرب : اكيدة هذي
جا واحد من جماعة كيشيمي
" راهُ الدعم جي توا اهربو اهربو اهربو اهربوو "
كانوو في شوكة الشارع والشارع كان معروف
امتاع بيع حشيش واحبووب
كلّها اهربت
الا العقرب قعد في مكانه ومسك طرف حديدة
كيشمي : فيش ادير انت هيا
العقرب : لا مش حنهربو منهم عليش خايفيين انتم راكم قاعدين في منطقتكم
كيشيمي : مش حنقدرو عليهم
العقرب : لا نقدرو بس جماعتنا خايفيين
لو يحولوو الخوف من قلبهم
مافش حد يقدر علينا
كيشمي شاف نظرت العقرب
عرف ان الشخص هذا
بعد مايكبر اكثر
حيقعد من اكبر الروس في بنغازي
كيشيمي : شن حالدير
العقرب : كلّم جماعتنا بس
كلمهم كيشمي وكلهم جووو
العقرب :شارعنا ضيق صح
وكلّنا عندنا اسطووح
خلاص كل 5 انفار يرقوو اسطاح حووش
وخووذوو امعاكم اطروف حديد وابلووك واي حاجة تقدر تعزقها
كيشمي : راهم جيين بسلاح هذيما
العقرب : نفس قبل عارفينا حنهربو اكيدة جايا
سيارة وحدة فيها اربع انفال
كيشمي مستغرب من كلام العقرب
مزال وقتها كيف بادي يتمكن ويقعد الذراع اليمنى لكيشمي
ومزال شاب في سن المراهقة
كيشمي : هيا هيا هيا اركبوو
كلهم توززعوو فوق الحواشين
قعد كيشمي ابرووحه في الشارع
وفعلا طلعت سيارة وحدة
خشت للشارع اول ماطقت عند نص الشارع
العقرب : ابدووو اعزقووو
قعدوو كلهم يعزقووو
جعب " طرف حديدة "
ابلوووك
معش وقفووو
كلها تعزق من جميع الاتجاهات
السيارة انسحبت من الشارع
وكلّها قعدت اتصفق وفرحانة
كان العقرب وقتها قاعد فوق واحد من الحواشين
العقرب : هذي اسماها منطقة الوحيشي ياطير
معش تلعبوو مع اللي اكبر منّكم
كيشمي يبحت فيه من لووطة ويضحك


في الوقت الحاضر
حنين : قصدك ماجوش بعدها سيارات اخرة خشو عليكم
مازن : لا اصلن الكلام صار عالمغرب
وبعدها ظلّمت
صعب الوحيشي اتخشلّة في الظلام
حنين : تاريتك مش ساهل ياحبيبي
مازن : حاجة وحدة فشلت فيها في حياتي
حنين : شن
مازن : ماعرفتش ننساك يوم حبيتك
قعدت متقيد في حياتي
وانحاول انغير نفسي للاحسن
لكن مجتمع فاسد
تقعد طيب يكلووك
لازم تقعد شرير مش تأخذ حقّك
حنين : قصدك قبل تبي اتحاول تنساني انت
مازن : انسيت انسيت انتي امل ام النكد
حتقلبي الكلام واديري منّا موضوع
حنين : هههههه انبصر اعيوني
,,,,,,,
ثاني يوم الساعة 11:00 صباحا
اطلعوو حنين ومازن من المطعم اللي افطرو بيه وماشيين
شور العيادة اللي قاعدة فيها لامار
,,,,
وطلع احمد من المكتب ماشي شور سهام
عشان ايشيلها زيارة لي لامار
,,,,
كان وقتها كيف بادي
العصيان والاضراب في حبس الكويفية
وبدن قنوات الاعلام ومواقع التواصل الاجتماعي ينقلن في الخبر
,,,,,
معاوية شاف الخبر عالتلفزيون
" هذا وقتك يالباشق ياليوم يابكرة تطلع "


مازن سمع الخبر علي راديو الوسط
" مسكين حنلعبووها لكّي يالباشق ونمسوك متلبس "


أحمد شاف الخبر عالفيس
" تهرب من الحبس لكن صعب تهرب من الافندي احمد "


الرائد فوزي شاف الخبر علي قناة ليبيا الحدث
" اوو لازم انطفي هالعصيان والاضراب
عشان اتزيد شعبيتي اكثر واكثر في بنغازي"




كلمات البحث

العاب ، برامج ، سيارات ، هاكات ، استايلات





v,hdm #lahuv_l'v'am hgl,sl hgjhkn hgpgrm 33 hgl,sl hgjhkn hgpgrm




 توقيع : همسه غلا

تستطيع أن ترى الصورة بحجمها الطبيعي بعد الضغط عليها

رد مع اقتباس

أخر 5 مشاركات همسه غلا
المواضيع المنتدى المشارك الاخير الردود المشاهدة آخر مشاركة
وصفة شوربة تورتيلا الدجاج بالفلفل الحار السهل ๑۩۞۩๑ فنون الطبخ ๑۩۞۩๑ 1 3024 04-12-2022 04:32 PM
أفضل مقبلات 30 وصفه حصريه ๑۩۞۩๑ فنون الطبخ ๑۩۞۩๑ 0 1746 08-24-2021 04:19 AM
طريقة عمل الكيك الأسمر ๑۩۞۩๑ فنون الطبخ ๑۩۞۩๑ 0 1144 02-07-2019 10:34 PM
الدجاج بدبس الرمان ๑۩۞۩๑ فنون الطبخ ๑۩۞۩๑ 0 1027 02-07-2019 10:32 PM
عمل البرجر في المنزل من اللف للياء ๑۩۞۩๑ فنون الطبخ ๑۩۞۩๑ 0 1065 02-07-2019 10:29 PM

قديم 04-15-2018, 10:39 PM   #2


الصورة الرمزية مزاجـيه
مزاجـيه غير متواجد حالياً

بيانات اضافيه [ + ]
 رقم العضوية : 43
 تاريخ التسجيل :  Dec 2008
 أخر زيارة : 09-30-2023 (09:04 AM)
 المشاركات : 3,325 [ + ]
 التقييم :  25
لوني المفضل : Cadetblue
افتراضي رد: رواية #مشاعر_مطرطشة الموسم التانى الحلقة 33



الله يعطيك العافية
ولا تحرمنا من مواضيعك


 
 توقيع : مزاجـيه



رد مع اقتباس
إضافة رد

مواقع النشر (المفضلة)

الكلمات الدلالية (Tags)
#مشاعر_مطرطشة, الموسم, التانى, الحلقة, رواية


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
رواية #مشاعر_مطرطشة الموسم التانى الحلقة 25 همسه غلا ๑۩۞۩๑ القصص والروايات ๑۩۞۩๑ 1 04-15-2018 11:40 PM
رواية #مشاعر_مطرطشة الموسم التانى الحلقة 27 همسه غلا ๑۩۞۩๑ القصص والروايات ๑۩۞۩๑ 1 04-15-2018 11:32 PM
رواية #مشاعر_مطرطشة الموسم التانى الحلقة 28 همسه غلا ๑۩۞۩๑ القصص والروايات ๑۩۞۩๑ 1 04-15-2018 11:31 PM
رواية #مشاعر_مطرطشة الموسم التانى الحلقة 29 همسه غلا ๑۩۞۩๑ القصص والروايات ๑۩۞۩๑ 2 04-15-2018 10:43 PM
رواية #مشاعر_مطرطشة الموسم التانى الحلقة 32 -2 همسه غلا ๑۩۞۩๑ القصص والروايات ๑۩۞۩๑ 1 04-15-2018 10:40 PM


All times are GMT +3. The time now is 02:07 AM.


Powered by vBulletin® Version 3.8.9
Copyright ©2000 - 2024, vBulletin Solutions, Inc.
adv helm by : llssll
new notificatio by 9adq_ala7sas
دعم وتطوير نواف ا
This Forum used Arshfny Mod by islam servant