الجزء التاسع عشر
عبد الرحمن رد" مصدع شوي وجلست بسيارتي"
أحلام"وش بال الصداع معك هالأيام عبود قلي انا حاسه انك موطبيعي فيك شي تعبان"
عبد الرحمن رد وقال"هههههه لا لاتشغلين بالك مافيني الا العافيه"
أحلام"زين ولو عرفت انك تكذب علي وش اسويلك"
عبد الرحمن"سوي فيني إلي تبين"
أحلام"تراني شرسه بلطشك كفوف هع"
عبد الرحمن"هههههههههه فداك ياقلبي"
أحلام"هههههههههههه يلا بيصير عندك توحد الغدا جاهز قول بعد ما بتغدا"
عبد الرحمن"لالا الا الأكل باكلك لو ما اكلت"
أحلام"يمه بسم الله علي"
عبد الرحمن"هههههههههههههههههههههه"
نزل من سيارته وهو يحس انو التوتر راح عنه وقال بخاطرة:عرفت علاج توتري مو الحبوب المنومه فديتك يا حلوم يا جعل يومي قبل يومك
جلسو الغدا وتغدو عبد الرحمن كان طوال الوقت يتذكر أحلام ويبتسم ويحس انه فرحاااان واااايد
بعد ما تغدو قام وصار يتمشى هو وبندر صار يعرف يمشي ع قدام بس ع ورا وما يعرف يلف وهو واقف يعني التوازن عنده مشكله وبس بندر ماسك يد عبد الرحمن للإحتياط عشان ما يطيح ويسولفون
بندر:هاه كيفك الحين
عبد الرحمن:تمام والله أحسن من أول
بندر: إن شاء الله يوم الخميس الجاي نروح البحر وتنقز لنا نقزتك الفريده
عبد الرحمن:ههههههههه إن شاء الله
بندر:عبود أبي اقول لك شي
عبد الرحمن:قول
بندر:أبي أخطب أسماء بنت عمي بعد ما نرجع بس أحس إنو بدري مو
عبد الرحمن:ليش بدري بالعكس مو بدري أنا لو إني أقدر أمشي كان قد أعرست من زمان
بندر:لا مو عشان كذا بس هي باقي ما خلصت دراسه
عبد الرحمن:أها طيب عادي انت اخطبها وشوف رغبتها يمكن تخليك تنتظر ويمكن تكمل معك دراستها
بندر:يعني تشجعني أخطبها بعد ما نرجع
عبد الرحمن:إيه اخطبها
بندر:إن شاء الله يصير خير
عبد الرحمن:أبي عزوز يتزوج بسرعه من زمان ع الزواجات
بندر:هههههههههههههه أي والله من جد
عبد الرحمن:بيكون فلله وبعد زواج عزوز زواجك
بندر:ههههه وبعدنا انت
عبد الرحمن:هههههههه إن شاء الله
بندر: تدري نفسي أشوف شكل خالد بالبشت وهو رزه عريس
عبد الرحمن:هههههههههههه من جد والله
بندر:ومين بتكون عروسته مهبوله زيه ولالا
عبد الرحمن:هههههههههههههههه شن وافق طبقه
بندر:ههههههههههههههههه أي والله انك صادق
عبد الرحمن تنهد وقال:الله يفرجها
بندر:وشفيك
عبد الرحمن:هاه هههه مافيني شي
بندر:إشفيك تقول الله يفرجها
عبد الحمن وهو يتنهد:آآآآآآآآآآآه الله يفرجها قول آمين
بندر:آمين بس وشي
عبد الرحمن:أبوي احسه متغير علي وايد هالايام
بندر:من أي ناحيه
عبد الرحمن:مادري احسه يخبي عني شي
بندربذهول:لالا ما اتوقع
عبد الرحمن:الا هالايام صار بس مكالمات مع خالي ودعاوي ومشاكل مع خوالي وأغلب الكلمات إلي اسمعها منهم وهم يتخاصمون ولدي وما لكم دخل فيه وخوالي يقولون لا زم تقول له
بندر:طيب اسأله
عبد الرحمن:سألته وصرفني تصريفه واضحه الله يعين وبس
بندر:الله يعين
خالد رجع من مشوارة وهو إلي جايب معه بطاقه شحن لأحلام بميه ريال دخل خيمه الشباب وجلس وهو مو شايف محمد وعبد الرحمن وفيصل وقال:شباب وين الشباب
حمود:ههههههههه محشش ولا كيف هههههههه
خالد:إشبك ما قلت شي غلط وين محمد وعبود وفيصل
بندر:عبود كان معي وبعدين راح مع فيصل ومحمد
خالد:وين راحو
أحمد:يتمشون برا
خالد:مستر محمد باقي زعلان
باسل:ههههههههه ما ادري والله
أحمد:مارحنا له
خالد:أفا يزعل اخوي ولا تراضونه
بندر:قومو قومو ياشباب خلينا نشوف وش عنده
باسل وهو يقوم:يلا مشينا
قامو الشباب وراحو لمحمد وعبود وفيصل إلي كانو جالسين ع سيارت عبود
حمود:سلام
فيصل+محمد+عبد الرحمن:وعليكم السلام
حمود وهو ماسك كتف محمد:خوينا ع قول خالد مستر محمد ممكن ون كوسشن<سؤال واحد
محمدوهو يطالع فيه بملامح جامده:تفضل
حمود:إشفيك قالب علينا لك يومين
محمد:بالله انا إلي قالب عليكم ليش ما تدرون وش سويتو ولا باقي مومستوعبين
خالد:أم سوري ماي براذر أدركنا غلطنا نطلب من مستر محمد العفو عنا
حمود:هههههههههه يلا خلاص ما صار شي
محمد:هذا كله وما صار شي بالله مجانين انتو
بندر:أوكي حبيبي حنا الغلطانين وحنا السبب بإصابت أحلام لكن المسامح كريم
محمد:لا انابخيل
أحمد:يلا حمّود خلاص
محمد:لا مو خلاص خلاص عندك انت
باسل:طيب وإذا قلت عشاني خلاص حنا أسفين وإن شاء الله أحلام تقوم بالسلامه
محمد:.................
عبد العزيز:منت مقتنع أوكي كيف تسامحنا
صالح:لك ذبيحه مني محاشي اليوم بعد عشاكم علي هاه رضيت
محمد:................
خالد:خلاص خلاص أدري محروج منا شباب انا أعرف شقيقي رضي المثل يقول السكوت علامه الرضا
محمد:هههههههههههههه
خالد:دوم هالضحكه يارب
الشباب:ههههههههههههههههههههههه
حمود:يلا ندفنه!!!!
محمد:لاااااااااااااا لاااااااااااااااا
الشباب كلهم حملوه وهو يحاول ينزل ومشو فيه ورموه جوا الخيمه وجلسو يضحكون عليه وع شكله المرعوب
عبد الرحمن دخل هو وفيصل الخيمه وجلس جنب أبوه بالعاني عشان يسمع كلامه لأنو أبوه كان يكلم بالجوال سمع أبوه يقول:لالا أبد سلامتك حبيبي هههههههه يلا تامر شي فمان الله
عبد الرحمن:مين ذا يبه
أبو صالح:شريكي بالشركه
عبد الرحمن:أها
أبو صالح يتصنع العصبيه:إشفيك تحقق معاي
عبد الرحمن:ما حققت بس سألتك
أبو صالح:طيب ليش تسأل ما لك دخل فيني
عبد الرحمن مل من أبوه وهو طوال هالرحله بس يهزئ فيه قدام الشباب وقال:سلامات يبه أشفيك علي بس سؤال
أبو صالح:أنطم انا أبوك ما تكلمني كذا فاهم ولالا
عبد الرحمن ثارت اعصابه وخاصه ان ابوه بدا يرفع صوته والشباب صارو يطالعون فيه وقال بإنفعال: أنا ما قلت شي غلط عشان تخاصم الحين بس سؤال مو حرام
أبوصالح طاااااااااااااااااخ كف ع وجه عبد الرحمن وقال:أعرف مع مين تتكلم يالحيوان
عبد الرحمن مسك ع خده وهو ما يبي يرفع عيونه لأبوه من شده القهر قام وصار يمشي وهو يستند في الخيمه لين ما خرج وجلس بسيارته دقايق والدموع تتناثر من عيونه ويقول:لو ان عبد العزيز ولا صالح إلي سألو ماكان سوا فيهم إلي سوا فيني نفسي اعرف وش الفرق بيني وبينهم أنا قايلك يافيصل ماني منكم ولا مو هذا تعامل أب مع ولده
مشى بالسياره ونفسه يهرب ولا عاد يرجع لهم بس وييين يهرب هو مو صابر ومتحمل الا عشان أحلام وبس يبي يتعافا وترد له طبيعته ويخطبها ويبعد عنهم للأبد هذي خطه الحين والله أعلم بتتغير ولالا
فيصل قام وخرج من الخيمه وهو يدور لعبد الرحمن لاحظ ان سيارته مو موجوده ودق عليه عبد الرحمن ما رد دق مره ثانيه وعبد الرحمن منسدح ع التله الصغيره ودموعه تنزل والجوال قدامه ينور وهو يطالع فيه وقلبه يحترق إلا شوي يحس بحراره في اصبع يده اليسار طنش شوي الا تزيد طنش شوي الا يحس انو ما صار يحس بإصبعه لف وطالع لقى عقرب اسود متعلق بشوكته في اصبعه ما خاف مسك العقرب ونزعه من اصبعه وقال:عارف تبي تساعدني وتخلصني من حياتي بس معليش باقي في امل وامل كبييييير بعد
رمى العقرب وقام وهو يحجز اصبعه عشان السم ما ينتشر دخل السياره وطلع عده الاسعاف طلع منها شاش وربط فيه اصبعه لين ما حس انو الدم متجمع فيه مسك موس حاد كان بعده الاسعاف عشان يقص فيه الشاش بس عبد الرحمن جرح اصبعه المسموم وبدا الدم المتجمع ينزف لين ما حس انو رجعت حراره اصبعه الطبيعيه فك الشاش عن اصبعه وطهر الجرح وضمده وركمب سيارته ومشى وهو متجه للخيام وصل وشاف فيصل جالس يدق دق عليه وقال له:أشفيك قلق
فيصل:إلا انت القلق وين رحت
عبد الرحمن:رحت اشم هوا بس ما ربحت
فيصل:هههههههههههههه ليش خربت عليك
عبد الرحمن وهو يأشر ع اصبعه المجروح:لا العقرب خرب علي
فيصل:كيف!!!!؟ عقرب؟
عبد الرحمن:إيه قرصني بس بسيطه تصرفت معاه هع
فيصل:مجنون انت
عبد الرحمن:لا مو مجنون تصرفت
فيصل:شلون تصرفت
عبد الرحمن:ما تذكر الاستاذ جبر إلي كنا نتريق فيه ايام المتوسط حق الدين ما تتذكر يوم علمنا وش نسوي إذا قرصنا عقرب
فيصل:إلا اتذكر بس قال نروح المستشفى
عبد الرحمن:بكرة بروح الحين أبي انام ودخل الخيمه وانسد ع فراشه ونااااام فيصل لحقه ونامو والكل نايم لأنو الساعه 12:30 الليل
نواف جالس بالبيت ويدق ع حمود يبي يعزمه هو وأولاد عمه ع خطبته إلي بتكون يوم الأحد بيكون اليوم الثاني من رجوعهم من البر ما طول وجاه الرد:هلا نواف
نواف:هلا فيك أدري داق متأخر بس ماني مطول تعال يوم الأحد خطبتي انت وعيال عمك الله يحييكم
حمود:أحلاااااااااااااا خطبت
نواف:إيه
حمود:مبروووووووووك مين
نواف:أمل بنت خالي
حمود:طلع كلامي صدق؟
نواف:ههههه إيه صدق في البدايه رفضت تقول تعتبرني مثل أخوها بس طال عمرك منسوبك عنده مهارات في الإقناع وكشف الحقايق
حمود:ههههههههههههههههههه والله انك داهيه
نواف:أفا كيف
حمود:هههههههههههه يلا مبروك وعقبال الزواج
نواف:وعقبالك انت وفتون بعد
حمود:هههههه تسلم حبيبي إن شاء الله
نواف:يلا مع السلامه
حمود:مع السلامه
نواف:إسمع لازم تجوووون
حمود:أفا أكييييد بنجي لا تشيل هم
نواف:يلا فمان الله
حمود:فمان الله
قفل منه ولف وحط الجوال جنبه باسل:حمود مين ذا
حمود:نواف
باسل:واو خطب
حمود:إيه وربي فرحان له حييييل
باسل:عزمك؟
حمود:يب يقول تعال انت وعيال عمك
باسل:متى؟
حمود:يوم الاحد هذا وربي متحمس
باسل:الله يبارك له
اليوم الثاني في الصباح الشباب قامو بدري وجلسو كل واحد يفحط بسيارته ويستعرض بها والبنات جالسين يتفرحون فيهم عبد الرححمن ما قام مع الشباب جلس يتفرج فيهم وباله مو معاهم قاعد يجمع الرمل بيدينه وينثره مرا ثانيه ويقول بخاطره:آآآآآآه ليتك يا أحلام خليتيني اجلس بالبيت كان أرحم لي من التهزيء إلي كل يوم من ابوي
شوي الا وقف فيصل عنده وقال:دلوووخ رحت المستشفى
عبد الرحمن وهو يبتسم:لا باقي
فيصل:يا فرجت أمك فيك قوم أركب خلنا نروح
عبد الرحمن:ههههههههههه أوكي
قام وركب معاه وأحلام تطالع فيه وهي تحسب انو بيلفلفون بالسيار هو وعبد الرحمن شوي الا فيصل يبعد عن الشباب باسل انتبه ودق بوري وقف فيصل بس وين قريب من البنات نزل باسل وقال لفيصل:بتروحون مكان
فيصل:إيه بروح أودي عبود المستشفى
باسل:ليش عسى ماشر
عبد الرحمن:ههههأبد والله الشر ما يجيك بس قرصتني عقرب بأصبعي وفيصل مصر نروح المستشفى
باسل:يلا بسيطه ان شاء الله
فيصل وهو مشي:فمان الله
باسل:مع السلامه
أحلام يوم شافتهم يبتعدو عرفت انهم رايحين أخذت جوالها وارسلت لعبد الرحمن"عبود على وين بتروحون"
عبد الرحمن لفيصل:أحلام ارسلت تقول وين رايحين وش أقول لها
فيصل:المستشقى
عبد الرحمن:لا ما ابيها تقلق علي
فيصل:أوكي قول رايحين البقاله نشتري شويت أغراض
عبد الرحمن أوكي
أرسل لأحلام"رايحين البقاله نبي نشتري أغراض ونجي"
أحلام قرت الرساله وحضنت الجوال وقالت بخاطرها:ليش يكذب علي ليش ما يقول لي بالصدق انهم رايحين المستشفى آآآآه عبود صاير كذاب هالايام
أرسلت له"اوكي طيب ليش بتروحون المستشفى انت تعبان ولا كيف"
عبد الرحمن بصوت عالي:يلعن تعرف انو رايحين المستشفى
فيصل:هههههههههههه يلا كيف بترقعها الحين
عبد الرحمن:ههههههههههههه وربي حبيت داهيه
فيصل:ههههههههههههه تستاهل انا قايل لك قول لها بالمستشفى ههههه زين يلا رقعها
عبد الرحمن"حلوم حبيبتي شلون عرفتي"
أحلام قامت من عند البنات وجلست وحدها وارسلت له"مو شغلك انت ليش تكذب على"
عبد الرحمن"إشفيك عصبتي حياتي ما أبي اقلقك"
أحلام"أوكي ليش رايحين المستشفى"
عبد الرحمن"تعبان شوي"
أحلام بخاطرها:مو ناوي يقول لي بالصدق أرسلت له"آها بالعافيه حبيبي" وقفلت جوالها أما عبد الرحمن ضحك من ردها وعرف انها زعلت وارسل لها"الحين ليش تعصبين"
جلس يستنى ردها وما ردت أصلا ما فكرت تقرى الرساله
أرسل"حبي لا تزعلين شوفيني قلت لك"
برضو ما ردت
عبد الرحمن ضحك وقال لفيصل:أحلام طرطعت
فيصل:ههههههههههههه حرام عليك
عبد الرحمن:ما ترد بس انا اعرف وشلون اراضيها
نزلو المستشفى وما طولو بس سوو تحليل وصرف لهم الدكتور مرهم ومطهر للجرح وهزىء عبد الرحمن وخرجو من المستشفى واتجهو وهم راجعين للبر
أما أحلام فلسعت من العصبيه ودخلت الخيمه وجلست مع البنات
الشباب خلصو تفحيط وجلسو ع سيارت خالد ويسولفون
خالد بملل:أنت يا عزوز متى بتملك
عبد العزيز: لا رجعنا ان شاء الله
خالد وهو يطالع في الشباب:إن شاء الله وانتم منتو ناوين تخطبون وربي ملل أبي أحظر زواج
حمود:ع طاري الزواج يوم الاحد ان شاء الله كلكم معزومين ع خطبت نواف
الشباب:إن شاء الله
خالد:أوكي يوم الاحد خطبت نواف ويوم الاثنين ملكت عزوز صح
عبد العزيز:صح
خالد:ويوم الثلاثاء شو مانبي نكون فاضين يلا واحد فيكم يخطب
بندر ابتسم وقال بخاطره:هههه أنا خطبتي ان شاء الله
خالد طالع فيه وقال:انت حاسك تفكر بشي اذا ناوي تخطب ما أبي احرجك خلها يوم الثلاثاء أوكي
بندر:هههههههههههههههه اوكي
باسل:وانت متى بتخطب
خالد:أممممممم بلا احراج انا باقي صغير لا تفتحون عيوني ع خرابيطكم
حمود:ههههههههههههههههههههاااااااي أيش وربي انك تعرف اكثر من ابوك بعد
خالد والشباب:ههههههههههههههههههههههههههههههههههه
خالد:لالا ابوي خبييييييييييير
حمود:زين تعلم من خبرته
خالد:هههههاي وربي لو سالته سؤال واحد لدوروني بالمستشفى قسم العظام
حمود:هههههههه حاول عادي سنه الحياه
عبد الرحمن:خلاص شباب والله بجد متى بتخطبون وربي طفش خاصه هالايام
صالح:يلا مين ناوي يخطب يقول انا وربي مو مشكله تستحون انا بخطب لكم
فجأة الا الشباب كلهم قالو:أنا
صالح:أوف لالا زباين كثيير
الشباب طالعوفي بعض وجلسو يضحكون
عبد الرحمن:شكله من بعد ما نرجع ما راح يكون فيه طفش وبعد خلاص كل واحد بيتزوج وما بنصير فله زي أول كلكم بتقلبون رومنسيين وخالد ذا النكيت وربي ما عاد تسمعون منه نكته يصير ولدي تعبان وإذا رجعنا من سهرة ما جبت لولدي حلاوه ومن ذا الكلام
الشباب:ههههههههههههههههههههه
خالد:أفا خويلد وانأ خوك ما تتغير عوايده تحسب ام العيال بتغيرني
عبد الرحمن:لا خلي ام العيال العيال نفسهم هم إلي بيغيرونك
خالد:ماني متغير وحتى لو صرت شايب عايب ما بتغير معكم خويلد النكييييييت هع
باسل:الله يعين زوجتك من المقالب حقتك
خالد:ههههههههههههههه
حمود:ههههاي هذا اذا ما جينا انها مدفونه زي محمد ذيك اليوم ويسأله عمه ليش ويقول:أمزح يا عمو
خالد:هههههههههههههههههههه حرام عليكم مني شرس لهالدرجه
محمد:أي والله منت شرس بس بنفقدك هالشهريييين حيييييييل بنكتك
خالد كتم محمد وقال:أسكت يالخبل
محمد:أوه نسيت سوري
عبد الرحمن:ليش بتفقده مو هو قدامك طول الوقت
محمد نزل راسه ومارد
حمود:خالد فيه شي ما نعرفه
خالد ضرب محمد ع قفاه وقال:ورطتني ما اعرف اصرف
باسل بقلق:تكلم
خالد:أبد يوم الخميس الجاي مسافر كندا وبجلس هناك شهرين عشان الشركه
عبد العزيز:لا ياشيخ وهو وقته الحين يوم صرنا بنتزوج
خالد:عشان كذا اقلكم خلو خطبتكم ورا بعض عشان الحق احضر
عبد الرحمن:ولو الملكه
خالد:والله بحاول اجي أي إجازه ع قلوبكم
عبد الرحمن سند راسه وصار يفكر ويقول بخاطره:آه ما راح يحظر خطبتي انا واحلام وربي مشكله
خالد:عبود ببالك شي
عبد الرحمن:هاه لالا بس بطول قبل اول اجازه لك
خالد:ما ادري لسع ما استلمت جدول الاجازات بس ان شاء الله لا
عبد الرحمن:طيب بتخطب قبل ما تسافر
خالد:إيه وإذا قدرت أملك وان شاء الله لا رجعت بعد شهرين اتزوج
حمود:هههههههههههاي مييييين اعترف مو دوبك تقول ما تعرف هالحركات
خالد أنحرج واااااااايد وقال:ياخي خلاص تكفى وربي احرجتني لا خطبتها راح تعرفون
حمود:هههههههههههه انت تنحرج لالا ماني مصدق بس اسمعني من عايلتنا ولا كيف
خالد:لا كيف اكيد من العايله انا عايلي بطبعي
حمود:تكفى قول لي مين تعيسه الحظ
خالد:ليش حرام عليك وربي ياحظها فيني
حمود:راح تتمقلب طول عمرها
خالد:ههههههههههه اما في هذي ما فيها كلام المقالب لا بد منها
باسل:يالييييييييل الله يعينها تكفى قول لي مين وربي لأروح اعزيها
خالد:لالا حسستوني معمر القذافي مرا وحده والله لو مجرم مو لها الدرجه
بندر:اسكت باقي ما تدري يمكن ما توافق عليك ويا حسره بتضيييع احلامك وتذهب ادراج الرياح هههههههه
خالد:لا انا مو قبيح لهالدرجه وربي اني موووووزة ما شا الله علي اذكرو الله لا تحسدوني
عبد الرحمن:ههههههاي موزة ما فيها كلام بس يمكن ما تكون مهتمه باشكل يمكن تبي واحد عاقل مومرجوج زيك
خالد:ههههههههههههاي كيف تبي عاقل وهي مرجوجه شوف حبيبي عبود ترى انا وهيفاء شن وافق طبقه
الشباب كلهم ماتومن الضحك وخالد مستغرب شوي قعد يراجع كلامه وتذكر انو قال انا وهيفاء صك بيده ع جبهته وقال:الله يفضحكم
وقام من عندهم وهو محروووووج حييييل خاصه انو وجه هالكلام لعبد الرحمن وهو أخوها ركب سيارته وهو مو قادر يرفع نضره من الفشله والاحراج <<ما اشوف انو محرج بس خالد خجول وما يحب احد يعرف عنو شي لما يصير هالشي <<زيي ههههاي
أحلام جالسه مع البنات وهي إلي عصبت من عبد الرحمن عشانو كذب عليها وودها يدق ولا يرسل لأنها ميته من الشوق عليه بس هو ما أرسل ولا دق هي خافت وحسبت انو هو إلي زعل منها وهو مو كذا بس انو هو كان مشغول مع الشباب ونسي يكلمها
هي جالسه وبيدها الجوال وتستنى منه أي اعتذار
في الجهه الثانيه فيصل يكلم عبد الرحمن ويقول له:عبد كلمت احلام
عبد الرحمن:أوووووه لا والله نسيت
فيصل:ههههههه ياويلك تلقاها الحين مطرطعه الله يعينك
عبد الرحمن:هههههههههههه والله من جد
وأخذ جواله ودق عليها هي ما صدقت يدق وتنهدت وقامت من عند البنات وردت عليه:ألو
عبد الرحمن:هلا كيفك حبيبتي
أحلام: تمام
عبد الرحمن:ههههه باقي زعلانه
أحلام:...............
عبد الرحمن:حلوم وربي ما حبيت اقلقك
أحلام:شلون ما حبيت تقلقني انت متى بتفهم علمني باسل يكلمكم قدامي وانأ اسمعه وتقوم تصرفني وش يعني هذا أصلا الشرهه مو عليك ع إلي حارقه قلبها عشانك وتبي تطمن عليك وانت تسفط ابوها
عبد الرحمن:شفيك عصبتي أحلام لا تزعلين والله مو تصريفه
أحلام:عارفه عذرك لا ترقعها
عبد الرحمن:أحلام وربي ما قصدت اصرف ما كذبت عليك الا عشان ما تقلقين
أحلام:أوكي ليش رحتو المستشفى
عبد الرحمن:ما سمعتيه من باسل
أحلام انقهرت منه وصارت كاتمه بكوتها وقالت:لا بس سمعت انك بتروح المستشفى
عبد الرحمن سمع نبرة البكاء بوتها وقال:أبد حياتي لا تقلقين بس قرصني عقرب
أحلام:فين قرصك؟
عبد الرحمن:بإصبع يدي الكبير
أحلام مقهوره منه وما تبي تطول كلام معاه وقالت:أها سلامتك ما تشوف شر
عبد الرحمن حس ببرودها وانقهر وقال:الشر ما يجيك حبيبتي
أحلام:بغيت شي ثاني؟
عبد الرحمن:لا بس احسك باقي زعلانه تكلميني ومأنك مو طايقتني
أحلام نزلت دموعها وما قدرت ترد
عبد الرحمن:كأنك باقي زعلانه حبي وربي ما قصدت ازعلك
أحلام:.......................
عبد الرحمن:حلووووووووووووم معاي
أحلام:إيه معاك
عبد الرحمن:فينك؟بجيك
أحلام:شلون تجيني لالا تجي
عبد الرحمن:طيب ردي علي
أحلام:أوكي وشتبي
عبد الرحمن:أمممممممم في خيارات قلم ازرق
أحلام:ههههههههههههههه
عبد الرحمن:هههههههه أخيرا من زمان ع هالضحكه
أحلام: عبود كيف يدك الحين
عب الرحمن حن عليها وقال:تمام يا قلبي
أحلام:وش قال الدكتور
عبد الرحمن:هههههههه انا دكتور اسعفت نفسب بنفسي بس فيصل أصر نروح المستشفى ورحت بس شافها وعطاني مرهم عشان يروح الورم بس
أحلام:هههههههههه كيف قرصتك
عبد الرحمن:كنت منسدح ع الرمل امس بالليل وعورني اصبعي ويم شفته لقيت العقرب متعلق فيه
أحلام:أوووو كيف شلتها من يدك
عبد الرحمن:سحبتها ورميتها
أحلام:سلامتك الحين تعورك
عبد الرحمن:مو مرة
أحلام تنهدت وقالت:اسمع عبود
عبد الرحمن:هلا
أحلام:شوي وادق عليك الحين مشغوله بسوي العشاء مع امي
عبد الرحمن:أوكي ياقلبي مع السلامه
أحلام:باي
خالد خرج من سيارته بالقوه بعد ما خرجه باسل وقال:هههههههههههههههه وربي فضحت نفسك
خالد:أسكت ترى حدي حيل متفشل من عبد الرحمن
باسل:عادي ليش متفشل
خالد:هو قال شي يوم قمت
باسل:لا قعد يضحك
خالد صك بيده ع جبهته وقال:يلعن ابو الفشله انا طول عمري فشلات
باسل:هههههههههههههههه
دخلو الخيمه مجلسو عبد الرحمن كان دوبه داخل الخيمه لأنو كان يكلم احلام طالع في خالد وابتسم وقال بخاطره:أنت الحين تفشلت مني وانأ شلون بتفشل منك وانأ دوبني مقفل من اختك هههههههه الدنيا دواره
جلس جنب حمود وقال له:اليوم الاحد مو؟
حمود:إيه
عبد الرحمن:يعني بكرة بنرجع
حمود:إيه بكره الصباح
عبد الرحمن:كويس بنلحق خطبه نواف
حمود:إيه ان شاء الله
عبد الرحمن لف ع صوت ابوه وهو يناديه وقال:هلا يبه بغيت شي
أبو صالح:تعال جيب الغاز من السياره
عبد الرحمن قام واستند ع الخيمه وراح يجيبالغاز من السياره وهو بطريقه يمشي شوي شوي ولف وشاف فتون جالسه وحدها ورا الخيمه ومعاها جوالها وباين عليها ورتبكه
راح جاب الغاز وأعطاه ابوه وراح لفتون وهي يوم شافته جاي قفلت الجوال وحطته بجيبها عبد الرحمن تنرفز من حركتها ولما وصل عندها جلس جنبها وقال لها بعصبيه:أعطيني جوالك
فتون ارتبكت وقالت:ليه؟
عبد الرحمن قال بعصبيه:قلت هات الجوال ولا بعيد
فتون طالعت فيه ونزلت دموعها واعطته الجوال
عبد الرحمن أخذ الجوال منها وفتح المكالمات ما لقى شي غريب وفتح الرسايل لقى احدث الرسايل بصندوق الوارد من خاله زاد شكه وفتح الرساله قرى أول الكلام مكتوب"فتون انتي اخته لازم تقوليله مو لا زم موافقه.......
وع طول فتون سحبت الجوال منه وقفلته وقامت
عبد الرحمن عصب وصار يناديها بصوت عالي ويقول:فتون هات الجوال
فتون لفت و الدموع بعيونها وقالت:مو لازم تقرى الباقي
دخلت خيمه البنات وجلست جنب هيفاء وقالت لها:هيفاء لازم عبود يعرف وربي صار يحزني
هيفاء:حتى انا والله بس وش نسوي ابوي رافض
فتون:خالي يقول لي قوليله من دون ما يدري ابوك
هيفاء:لا وربي ليقتلك ابوي لا تتحمسي إذا كنتي خايفه ع حياتك
فتون:بعد حيات عبد الرحمن شلون يروح نص عمرة وهو ما يعرف الحقيقه
هيفاء:المفروض كان علمه ابوي من يوم وهو صغير مو الحين شوفي بسبب أبوي عبد العزيز خطب وبيملك وهو أصغر من عبد الرحمن وعبد الرحمن باقي
فتون:حرام ابوي ليش ما يحس فيه
هيفاء:مو كذا احنا ما نعرف وش بتكون ردة فعل عبد الرحمن لو عرف ابوي خايف انو ينجن او يصير له بلا بعقله
فتون وهي تبكي:لالا تبررين غلط ابوي مستحيل يصير شي من هذا انا اعرف عبد الرحمن اكثر منك
وقامت وهي تبكي وخرجت لقيت عبد الرحمن جالس بنفس مكانه ما تحرك راحت وجلست جنبه وقالت له:عبود أشفيك قوم عند الشباب
عبد الرحمن لف وطالع فيها وقال:هات جوالك
فتون:أعطته الجوال
عبد الرحمن فتح الجوال وصار يدور في الرسايل وما لقى الرساله إلي كان يقراها عصب وعرف انها مسحتها ورمى الجوال ولف وقال لها:تستهبلين ليش تمسحينها
ولا شعوريا ظربها كف ع وجهها
هي مسكت ع خدها وصارت تطالع فيه وتبكي وهو تصنم مكانه ومو مستوعب انو ضربها آخر شي لف ومشى من عندها لما وصل عند سيارته ركب فيها ومشى بأسرع شي يبي يطلع كل الضيق اللي فيه بدواسه البنزين في النها يه حس انه بعد عنهم وقف باسياره وجلس فيها وسند راسه ع الدركسون وصار يقول بخاطرة: انا ليش ضربتها من جد مت عندي رحمه بس هي إلي خلتني امد يدي عليها وش يخبون عني وليش ما يقولولي إذا كلهم يعرفون مسك جواله ودق ع أحلام يبي يفظفظ بس لقا الجوال مقفل لآنو بمكان مافي إرسال شغل السياره ورجع ولقى فتون باقي بمكانها وأحلام عندها تقول لها:فتون أشفيك
فتون تبكي بدون رد مو من الكف تبكي خوف ع عبد الرحمن عبد الرحمن حقد عليها وع أبوه وراح عندها وقال لها بهدوء:فتون وين جوالك
فتون جوالها بيدها وماسكته بقوه وقالت له:ماني معطيت وخر عني
أحلام عرفت انو عبد الرحمن له يد بالمشكله
عبد الرحمن عصب وشاف الجوال بيدها وجلس وصار يسحبه منها بقوه وفتون تبكي وتشد الجوال أحلام تدخلت وهي إلي حاسه انو عبد الرحمن مو طبيعي ودفت عبد الرحمن من كتوفه وقال له:وخر عنها ماتبي تعطيك مو غصب
عبد الرحمن ما رد عليها ورجع يسحب الجوال لما أخذه منها وقام وركب سيارته أبوه سمع الصجه وقام يشوف وش فيه ولقى عبد الرحمن راكب سيارته وأحلام وفتون جالسين ع الأرض وفتون تبكي قلبه نغزه انو في شي عبد الرحمن يوم شاف ابوه شغل السياره ومشى فيها بأسرع سرعه أبوه خلاه وراح عند فتون وقال لها:إشفيك
فتون وهي تبكي: يبه الحق عبد الرحمن
أبو صالح بقلق:ليش وشفيه
فتون:أخذ جوالي وخالي يرسلي بيقول له
أبو صالح:راح وركب سيارته ومشى الشباب مو مطمنين ع الوضع قامو وركبو كلهم بسيارت فيصل وراحو يلحقونه
أما أبو بندر وأبو أحمد جلسو عند الحريم
عبد الرحمن جلس يمشي لين ما وصل للخط العام ومسك الخط يبي يهرب من أبوه لأنو يعرف مصيره وقد أكتفى منه ومن تهزئاته كان يبي يمشي لين ما يخلص بنزين السياره ما يبي يوقف ابد
أبوه والشباب ضيعوه وصارو يدورن له بالبر وما لقيوه فيصل مسك الجوال وصار يدق وللأسف عبد الرحمن ما يرد
رجعو الشباب ولمو أغراضهم وسلمو الخيام واتجهو للبيت
عبد الرحمن آه وين عبد الرحمن وين راح وبأي مكان ولأي مكان أتجه ووين هو من الارض هذي الأسله تدور ببال أهله من خوفهم عليه فتون ركبت مع صالح وبس تبكي تبيه يرجع وخواته الباقين ميتين من الخوف والقلق وأحلام دورها ما راح تلقاها قلبها راح مع عبد الرحمن وهي بس جسد مرمي في المقعد الاول جنب محمد
وصلو للبيت ونزلو تقريبا كانت الساعه 3:00 الليل وعبد الرحمن ماله حس ولا خبر