معاناة مع الالم والشوق واليأس والجرح لشاعر الغالي فهد العتيبي ،*
الشاعر / فهد الروقي العتيبي
الحب دربه صعب والصعب في يوم = اخر مساه تفارق اللي تمناه
هذا هو اللي يجعل الحر مضيوم = نادا القدر حبك ترانا دفناه
حب بدا ثم انتهى كنه حلوم = ليت الولي طول منام صحيناه
خمسه بعد تم الشهر شالت علوم = مافيه طاري للهوى ماذكرناه
حبيتها حب موثق ومختوم = على الصراحه والأمانه بنيناه
حبيتها مالي على حبي خصوم = مافيه درب للسعد مامشيناه
حبيتها حب العرب حب محشوم = صافي نظيف وليتنا ماكتبناه
كنت أحسب اني للأبد تارك هموم = لكن رجعت أبكي وبابي قفلناه
أبكي ودمعي فوق خدي له وسوم = أبكي على حب رضيت وطويناه
يالغاليه مافيه غير الله يدوم = حنا حفظنا الحب حتى ختمناه
صدفة لقى جابت لها ورد وسهوم = واحلى الصدف يوم الهوى مارخصناه
نصحى جميع ولا لفت لحظة النوم = نمنا جميع وكل هم نسيناه
كتبت فيك أبيات ماكنت ملزوم = القلب يكتبها بشوق بديناه
ترضين واقول البشر كلها كوم = وانتي بقلبي حاكم ماخسرناه
تبكين وعيوني بها الدمع مزحوم = نعرف متى نبكي بليل سهرناه
لو بيننا حالت مسافات ورجوم = أنتي بقلبي ما لغيرك فتحناه
لكن حسافه أصبح الليل مشؤوم = هم طلبوا واللي خذينا دفعناه
يالغاليه ما امسيت أسامر لي نجوم = الا بعد فرقا ودمع نثرناه
كل شي صار بواقع تم محسوم = واللي حصل مايوم حنا حسبناه
لكن عزاي انك بعد كل مقسوم = ما اطريتي النسيان والحب صناه
عشنا على وضح النقى شوقنا دوم = لين افترقنا والهوى ماشكيناه
مير الوعد من عاشق عاش مكتوم = ما انساك لين يقال قبره حفرناه
إذا انتشر طاري مماتي مع القوم = انسي فهد وانسي بعد ماعملناه
اقولها من قلب ماعاش مخدوم = فيه الوفا والعز والجاه جبناه
وصيته من بعد ماصار مرحوم = هذا وداعه مع بداية معاناه
واختامها يالغاليه صعبه اليوم = أنسى من عيوني وقلبي تمناه
للشاعر /فهد العتيبي ،*
اتمنى ان تنال اعجابكم ،
ؤدي ،*
luhkhm lu hghgl ,hga,r ,hgdHs ,hg[vp gahuv hgyhgd ti] hgujdfd K* lu luhkhm ,hg[vp ,hgdHs ,hga,r hghgl hgujdfd hgyhgd
اللهم اشفي ؤالدي شفاء ليس بعده سقما ابدا..اللهم خذ بيده اللهم احرسه بعينيك التى لا تنام .
و اكفه بركنك الذى لا يرام و احفظه بعزك الذى لا يضام .و اكلأه فى الليل و فى النهار .
و ارحمه بقدرتك عليه ّ،اللهم البسه ثوب الصحة والعافية عاجلا غير اجلا ياأرحم الراحمين..
آآآميين ،،
|