عاوزة توصلي
لسلام داخلي حقيقي ...
لازم توازني بين مبدأ """ الأخذ والعطاء """ في حياتك ...
ما ينفعش تعيشي وانتي بتاخدي من غير ما تدي ...
ولا ينفع تعيشي وانتي بتدي بس من غير ما تاخدي ...
كل نفس بشرية وليها احتياجات لازم تلبيتها ...
ولو مقدرتيش توازني بين مبدأ """" الأخذ والعطاء """"" هتعيشي في ضغوط نفسية مالهاش حصر ...
لازم تبقي متقبلة نفسك ككيان زي ما عليها واجبات فهي ليها حقوق ...
فكرة إنك تبقي قايمة بدور المضحية طول الوقت دي بتاخد من حقوق نفسك واحتياجاتها كتير و بتبقي ظلمتي نفسك ظلم كبير ....
وبرده فكرة إنك تبقي مش شايفة غير نفسك واحتياجاتها وبس بتخليكي دايماً برده في ضغط نفسي لأنك بتبقي عايزة دايماً تكوني رقم واحد في حياة اللي حواليكي وده منطقياً مش طبيعي ده غير انك بتئذي اللي حواليكي بأنانيتك المفرطة ...
التوازن بين """ الأخذ والعطاء """ بيصنع منك انسانة سوية قادرة على تلبية احتياجاتها النفسية ومتصالحة مع كل اللي حواليها ..
عايشة في سلام داخلي وسلام خارجي ومستمتعة بكل لحظة في حياتك ...
انتي في الأول والآخر بشر زي ما عليكي واجبات ليكي حقوق والعكس صحيح ..