الجزء الحادي والثلاثون
اليوم زواج الرباعي حقين ابو بندر كل البنات راحو الصوالين عشان يتجهزون طبعا محمد ازعجته احلام من الصباح:قوم وديني المشغل
قام وقال لها تروح مع أي احد من اخوانه بس هي رافضه والسبب ما قالت له وهو انه عشان ما يقول لها انتي متغيره علي المهم قام ولبس وقال لها بروح اودي فطفط الصالون
احلام وهي مسويه تبكي:وانا
محمد وهو يحك راسه:حلوم خلاص انا عقدت فاا مما اممممم طيب يلا تعالي معنا
احلام:ههههههههههه لالا حبيبي انا عبود بيوديني بس حبيت اناكفك
محمد:لا والله جد تعالي
احلام بمكر:أمممم اخاف عبود ما يرضى لا خلاص حبيبي بروح مع عبود
محمد:يعل ابليسك سيفووون علي هاه
احلام:ههههههه خلاص محمد عبود عقد علي وانت عقدت ع فطفط ما يصير تزعل
محمد:لا خلاص مافي زعل مدام
احلام:ههههههههههه
شوي ويدق جوالها وطالعت لقت عبد الرحمن يدق وع طول ردت:الو
عبد الرحمن:هلا حياتي انا برا
احلام:زين الحين خارجه باي
عبد الرحمن:باي
قفلت الجوال وخرجت لقيته جالس بالسيارة ويرقص ع الاغنيه إلي مشغلها
ضحكت عليه وركبت وع طول قفلت المسجل وهي تقول:إزعااااااااااج
عبد الرحمن:ههههههه سوري
مشى بالسياره وهو متجه للمشغل إلي هي تحببه وهل يخفى القمر وصلها ونزلت وقفل الباب ولفت بدخل شوي الا انفتح الشباك إلي جهتها وناداها عبد الرحمن:حلوووم
لفت وهي تقول:نعم
مشت وقربت من القزاز وهو مد لها بمبلغ وقال:خذي ولا نسيتيه
احلام بحرج:لا عبود معاي
عبود وهو يحاول يبعد الحرج عنها:مو بكيفك انا زوجك وبكيفي أبي اعطيك
احلام مدت يدها واخذت الفلوس ودخلت المشغل طبعا لقيت فطفط جالسه ع طول قالت:وانتي متى جيتي
فاديه:هههههه دوبني داخله
احلام:زين وين الباقين
فاديه:جوى يستشورون
دخلت وبدت تتجهز مع اختها بسمه اما اسماء راحت مشغل ثاني مع امها
الشباب طبعا مشغولين الجواء حماااااس وخالد بدا تريقه وتعليق وهو إلي اصر يروح مع باسل للصالون باسل جالس ويسوي صنفره للبشره وخالد جالس جنبه وكل شوي يمسح نص من إلي بوجهه ويلطخ فيه ملابسه وباسل مطرطع ويتحلف فيه وخالد يضحك عليه ويقول:ياحبيلك ياباسل تصدق ودي اشوفك انت وعزوز شلون تتغزل فيها ههههههههههههههههههههه تخيل شكلك ههههههههههه
باسل:طيب مو بس انا إلي بعرس زواجك في الطريييق
خالد:آآه لا تذكرني ودي اروح واتزوجها الحين
باسل:وه بيذوب ذا عندي لا تكفى روح لها ارحم نفسك
خالد:لا ياشيخ وش قالو لك باسل انا ثقيل حبيبي
باسل:هههههههه طيب تمنها علي طيب
خالد:ههههه امزح حبيبي والله حتى انا نفس الحاله
باسل:أطلع برا
خالد:مو طالع عندك مانع
باسل:طيب والله لفشلك يوم زواجك ولا ما اكون باسل
خالد:يعل ابليسك لا تكفى الا فشلاتك
باسل:مع نفسك
خالد:ادري
باسل:ضف وجهك احسن لك
خالد:طيب بس لا اشوفك تناديني قبل الزفه تلتمس من خبراتي الرومانسيه
باسل:روووووح ولا بلقى الا انت سريييي
خالد:افعالي تثبت وجودي وبتشوف
باسل:ضف وجهك
خالد:مابي كيفي أبي اقص شعري
باسل:روح أي صالون بهالدنيا لا ترفع ضغطي
خالد:كيفي وع قلبك يالحوطي ماني قاص شعري الاهنا وجنبك بعد
باسل:ع ترااااااااااب
خالد:بخشمك
خالد لف وجهه ومشى وباسل تنرفز منه حييل اما خالد خرج من الصالون وهو مومهتم وراح لصالون ثاني وباسل يبي يخلص بسرعه عشان ينتفه تنتيييف
خلص وع طووول خرج من الصالون وهو يفووور من العصبيه ودق ع محمد وما طول وجاه الرد:الو
باسل بعصبيه:محمد وينك
محمد:وعليكم السلام
باسل تنهد بضيق وقال:سلام
محمد:وعليكم السلام شفيك معصب
باسل:وينك
محمد:بالبيت
باسل:خالد وينه
محمد:بالصالون ما رجع
باسل:ما تعرف أي صالون
محمد:لا والله ليش
باسل:بس خلاص مشكور
محمد:فمان الله
باسل:مع السلامه
قفل باسل وهو معصب <<باسل من النوع إلي يتنرفز بسرعه وما يهدا الا بعد فتره>>
وراح للبيت عشان يلبس كانت الساعه 6:00 المغرب دخل البيت وهو معصب وع غرفته اخذ له شاور ولبس وحس انه هدي شوي
بدا الزواج وحظرو المعازيم وبدت الطقاقه تغني والبنات يرقصون
اما العرايس الاربعه كانو كل وحده بغرفتها مع اهلها واخوانهم يدخلون ويسلمون عليهم ويباركون لهم المهم ومر الوقت وبدت الزفه كان الجو حيل متوتر اول وحده كانت فتون انزفت وخرجت وبعدها بسمه إلي احلام كانت فرحانه لها حيييل وتصفق وتصفر وبعدها عزيزه بعد زفتها كانت هاديه عليها وبعد عزيزه خرجت اسماء وكانت جريئه وتوزع بوسات ع الحضور وقفو الاربعه ع الكوشه وهم ماسكات بيدين بعض وبعدها بدت زفت امهاتهم وام المعرسين وكل وحده تحظن امها وتاخذ هديتها منها بسمه إلي هي اصغر البنات ما تحملت منظر امها وحظنتها وهي تحاول تمنع دموعها وامها تهديها بلعت غصتها بالغصب وقدرت تسيطر ع دموعها جلسو العرايس ووقتها بدت الطقاقه تغني واحلام وهيفاء الصديقات صارو يرقصون مع بعض وهو فرحانااات حيييل زواج اخواتهم وفجأه واحلام ترقص دق جوالها إلي كان مع امها امها انتبهت للإسم إلي هو**سعادتي لك وبك** وعرفت انه عبود ما غيره ردت وهي تبعد عن الصجه:الو
عبد الرحمن انتبه الصوت مو صوت احلام وقال:هلا والله مين معاي
ام احمد:هلابك ولدي انا عمتك
عبد الرحمن:هلا عمه شلونك
ام احمد:تمام انت شلونك
عبد الرحمن:تمام والله احلام قريبه منك
ام احمد:لا والله ترقص مو فاضيه
عبد الرحمن:ههههههه طيب عمه بالله ناديها
ام احمد:طيب حبيبي الحين بناديها
حطت الجوال ع الطاوله وعبد الرحمن ع الخط اشرت لأحلام وهي تقول:تعالي جوالك
احلام نزلت من ع الكوشه وهي تقول:ياربيي مين هذي إلي تخرب علي
وصلت عند امها واخذت الجوال وقالت:الو
عبد الرحمن:هلا بالرقاصه شلونك
احلام شهقت وقالت:واو عبود تمام انت شلونك
عبد الرحمن:ههههههه تمام حياتي
احلام وهي تحط يدها ع خصرها:مع احترامي بس تراك خربت علي جوي
عبد الرحمن برجاء:آسف حياتي بس وحشتيني
احلام:هههههههه يعل ابليسك تعرف تمثل
عبد الرحمن:هههههههه لا والله من جد ما امثل
احلام سكتت شوي وهي تسمع الاغنيه إلي تغنيها الطقاقه وع طول قالت:يلا حبيبي باي هذي الاغنيه من اول استناها بروح ارقص
عبد الرحمن:لا احلاااااااااااااااااااااااااااام
احلام:نعم
عبد الرحمن:مافي اخرجي أبي اشوفك
احلام:طيب وربي بس هالاغنيه والله إذا خلصت بخرج
عبد الرحمن:وش يصبرني حتى تخلص الاغنيه
احلام:يا قلبي عبود والله مو متأخرة
عبد الرحمن بخبث:أوف زين خذي راحتك هنا في بنت حلوووه حييل باخذها تصبيره
احلام بعصبيه:عبووووووووووووووووووووووووود
عبد الرحمن:هههههههههههههههههههههه هاه بتجين ولا لا
احلام:مع نفسك مو جايه حتى تخلص الاغنيه
عبد الرحمن:هههههههه بكيفك يلا باي خلصت الاغنيه وانتي تناقريني
احلام:باي
وع طول قفلت وراحت ترقص وهي تضحك ع نفسها انها صدقته وبعد ما خلصت الاغنيه ع طوول مسكت جوالها ودقت ع عبد الرحمن بس ما رد رجعت ودقت مره ثانيه ورد بآخر نفس وهو يمثل بصوت ذاااييب:هلا
احلام بدلع:وينك انا جايه
عبد الرحمن تنهد وقال بنفس النبره الذايبه:انا مع التصبيييره
احلام ثارت غيرتهاواعصابها وقالت وهي تصرخ بوجهه:لا ياشيخ مع نفسك
عبد الرحمن:ههههههههههههههههههه لا تعصبين حياتي انتي ما رضيتي تجين
احلام وهي شوي وتبكي:مع نفسك ما تأخرت
عبد الرحمن:ياحياااااااااتي تعالي بسرعه ترى صبري ضاااااع انا بالقاعه الفاصله
احلام بهمس وهي مقهوره:أوكي باي
ومن دون ما تستناه يرد قفلت الخط وهي تحاول تظبط اعصابها ومشت لين القاعه الفاصله ولقيته واقف ومستند ع الجدار وعاقد يدينه ع صدره قربت منه وهو انتبه ولف وشافها وانهوس ع شكلها كان جنااان<<ما راح اوصف يمكن عبود يغار هع>>
وهي كانت معصبه قرب منها ومسك يدينها وهو يطالع بعيونها ومبتسم بحب وهي معصبه حييل وقال لها وهو يعقد حواجبه:ترة تخوفيني بهالنضره وربي ما اخذت لا تصبيره ولا غيرها
احلام نزلت راسها وهي تتنهد وتقول:انت تقهر
عبد الرحمن مسك دقنها ورفع راسها وقال:انا اقهر؟
احلام:إيه تحب تنرفزني ماادري ليه
عبد الرحمن:هههههه لا حبيبتي والله امزح معاك
وقرب منها وباسها بخدها وهمس لها:انا احبك حياتي شلون احب انرفزك واقهرك ما تجي
احلام ابتسمت ومسكته من كتوفه وبعدته عنها وقالت وهي تميل راسها بدلع:وانا بعد احبك بس ما عمري نرفزتك صح
عبد الرحمن مسك يدينها وقربها من فمه وباسها وقال:انتي تنرفزيني اربعه وعشرين ساعه
احلام شهقت وقالت:انا؟
عبد الرحمن:إيه انتي! تنكرين
احلام:متى نرفزتك؟
عبد الرحمن:أخر مره دوبك الحين اقول لك تعاي وتقولين بترقصين وخليتيني انتظرك هنا
احلام:ههههه آسفه بس ما تأخرت
عبد الرحمن:عندك بس بالنسبه لي كأنك جلستي سنه
احلام وهي تمسح ع خده بحنان:ياروحيي لهالدرجه عذبتك
عبد الرحمن:انتي اصلا عذابي
احلام وهي تحط راسها ع صدره:لا عبود كذا تجرحني اجل وش اقول انا
عبد الرحمن وهو يحضنها:وانا بعد عذاابك مو
احلام:لا عبود عذابك رحمه
عبد الرحمن حضنها بقوه وهو يتذكر ماضييه شلون كانت تصد عنه وتعذبه وهي إلي خلته شهر كامل بغيبوبه وفي النهايه هي إلي عوضته كل الحنان والحب إلي فقده طول عمره مع انها عذابه بس انها بعد جنونه وحبه وعشقه وغرامه وكل شي حلو بحياته ابتسم وهو يتأمل حبه إلي بحضنه وباسها براسه وبعدها عنه وقال:يلا حياتي تبين شي
احلام تنهدت وهي ودها تطول بهالحضن إلي تمنته وقالت:لا تسلم حبيبي
عبد الرحمن:يلا باي
احلام:باي
رجعت احلام لقاعه البنات وكملت رقص وفي النهايه بدت زفه العرسان
قفلو الانوار وبدت الزفه وكل واحد وعروسته والشباب كانو مبسوطييين حييل
بإختصار كان كل إلي بالزواج مبسوطين وفرحانين وودعو آلامهم إلي عانوها طول عمرهم واستقبلو حياه جديده بدون دموع ولا حزن ولا آهاااات وزي اسم الروايه
**الامل بعد الالم**
وعقبال الباقين قولو آمين
*********************************************
بدا يوم جديد قامت احلام من النوم وخرجت من غرفتها وهي تفرك عيونها بكسل يووه البيت هادي مو زي كل صباح اخواتها مسوين صجه عشان يقومونها من النوم قامت وكانت الساعه 8:00 الصباح واول مره تقوم بهالوقت مع انها نامت متأخر جلست بالصاله ونور الشمس داخل لها من غرفه المعيشه ومسكت جوالها وهي ترسل لعبد الرحمن"عبود صاحي"
عبد الرحمن إلي حتى هو دوبه صاحي وشبعاان نوم ارسل"إيه حياتي صاحي"
احلام"طيب باقي تبي تنام"
عبد الرحمن"تصدقين شبعان نوووم"
احلام"اوف وانا بعد وطفشاانه كل إلي بالبيت نايمين"
عبد الرحمن"حتى انا كل إلي عندي نايميين"
شوي وارسل"حياتي طفشانه"
احلام"ايه"
عبد الرحمن"طيب قومي اجهزي وبمرك ونخرج نفطر ونروح للبحر"
احلام عجبتها الفكره وارسلت"أوكي لا تتأخر"
عبد الرحمن"مو متأخر حبي"
احلام قامت وتجهزت ودقايق وهي بالحديقه تستنى عبود وهو بعد تجهز وطيراااان لبيتها وصل لباب البيت ودق ع جوال احلام احلام ما ردت وخرجت ع طول وركبت السياره وهي تقول:تأخرت؟
عبد الرحمن طالع فيها وابتسم بحب وقال:لا
احلام سحبت يده إلي كانت مستنده ع ذاك الشي إلي بالنص ما اعرف وش اسمه المهم وحطتها بحضنها وهي ماسكتها بيدينها الثنتين عبود قال لها:ويت تبينا نفطر
احلام وهي بضحك:أدري بتقول افغانيه بس ترى ما احب افطر إلا في مطعم فيتامين لبنان
عبد الرحمن:هههههههههه تصدقين حتى انا بس منحرج اقلك
احلام:يلا طيب نروح
راحو للمطعم وجلست احلام تستناه وهو راح يطلب ويوم رجع وبيده الطلب قال لها:ما يعجبني افطر فيه خلينا نروح نفطر بالبحر
احلام:انت تآمر امر
قامو واتجهو لحديقه قريبه من البحر ووصلو هناك افطرو وبعد الفطور عبد الرحمن انسدح ع العشب وهو يقول:آآه الحمد لله شبعت
احلام:هههه وانا بعد الحمد لله
عبد الرحمن قفل عيونه واحلام صارت تتأحمل والهوا يحرك خصلات شعره وهو متمدد شوي فتح عيونه وصار يطالع بالسماء والغربان يناعق والنخل حول الحديقه لف وطالع في احلام وهو يقول:حلوم وش رايك بالجو
احلام:روووووعه
عبد الرحمن:قومي خلينا نمشي
احلام وهم يقومون:يلا
قامو ومسكو بيدين بعض واصابعهم متشابكه ويمشون حول الحديقه وبعدها ابتعدو ع الحديقه وصارو يمشون ويسلفون لين ما انتبهو انهم وصلو للبحر
عبد الرحمن:يمه ما حسينا بالوقت
احلام:كم الساعه
عبد الرحمن:الساعه 9:30 واو 3 ساعات نمشي
احلام:ههههههه ماتعبت؟
عبود:ههههههه لاوالله شلون اتعب وانا معاك
احلام:تسلم عبود
كملو مشي لين ما وصلو للسور إلي يفصلهم عن البحر ووقفو عليه وصارو يتأملون الامواج وهي تتلاطم بالصخور
احلام اندمجت وهي تتأمل وماحست بعبد الرحمن وهو يوقف وراها شوي حضنها من وراها وحست فيه ولفت وجهها وع طول باسها بخدها وهي ضحكت وقالت:ما حسيت فيك
عبد الرحمن:هههههه
صارو يطالعون في البحر الاثنين ويتخيلون حياتهم ويا بعض شلون بتكون حلوه وايد وتنسيهم كل العذاب إلي تعذبوه بحبهم احلام حست بعبد الرحمن حست انه يهمس بشي ركزت بكلامه وسمعته كانه يغص ويقول وهو يضمها اقوى لصدره:الله يرحمك يمه الله يرحمك وحشتيني يمه وينك تباركي لي يمه زواجي بعد اسبوعين مين إلي بيتنزف لي بدلك والبسها عقد الفل ويحضني ويبارك لي مين هي غيرك يمه مين إلي بتعوضني هالشي مييين فقدتك فقدتك محتاااج لك الله يرحمك ويدخلك فسيح جناته
حس بيد احلام تضغط ع ذراعه وطالع فيها لقاها تطالع في البحر ودموعها تنهمر ع خدودها بكل الم حظنها بقوه وترك المجال لدموعه تنزل وهو يتمنى ترجع امه وتشوفه وتفرح فيه بيوم زواجه وسوأل شاغل باله عقد الورد إلي مين بيلبسه ومين يستاهله احلام فكت يدينه إلي حاضنتها ولفت وهي تطالع بعيونه وتقول:الله يرحمها عبود هون ع نفسك
عبد الرحمن ودموعه تنزل:بنسى كل الالام الا هالشي مستحييييل انساه لأنه مو راضي يروح من بالي
احلام مسكت يدينه وقالت:عمتي ام هتان اكيد فرحانه بزواجنا وهي بمثابة امك
عبد الرحمن بألم:ايه فرحانه لنا بس لا تقولين بمثابه امي لأن هالشي موب صحيح
احلام:لا عبود تذكر انها تغيرت معاك انسى حبيبي انسى الماضي
عبد الرحمن تنهد بألم وهو يطالع بعيونها ويقول:بحاول انسى بحاول مره ثانيه
مسك يدها ولف وصارو يمشون وهم ساكتيين واحلام تبي تغير هالجو وشافت واحد مار ويبيع حلاوه>شعر البنات< وقالت:عبوود اشتريلي هذي الحلاوه
عبد الرحمن:وانتي بزر تاكلينها
احلام:امممم لا مو بزر بس احبها
عبد الرحمن:زين
راح للرجال وشارالها ثنتين زي ما طلبت واعطاها اياها
وهي قالت:خذ وحده وانا وحده
عبد الرحمن:لالا مابي حياتي
احلام:مو بكيفك انا طلبت لي ولك
عبد الرحمن:وانا لو بغيت باشتري ما احبها
احلام:قد ذقتها طيب
عبد الرحمن:لا
احلام:زين ذوقها
وقطعت له قطعه ومدت بها لفمه وهو فتح فمه بإستسلام واكلها وعجبته حييل وسحب كيس منها وفتحه وصار ياكل منه وهي ضحكت ع حركته وصارت تاكل من كيسها ويتمشون شوي وقفو عند مكان عجب احلام وقفو عند مرسى للقوارب احلام لفت وقالت:عبود وش رايك نركب
عبد الرحمن بحماس:يلا
حجز قارب ساعتين ووقف القارب وعبد الرحمن ركب واحلام خافت لأنه يتهزهز مع الموج وقالت:شلون اركب ما اقدر مو ثابت
عبد الرحمن مد لها يده وهو يقول:يلا امسكي يدي واركبي احلامبرضو خايفه ومسكت يده ومدت رجلها الا وتجي موجه وتهزه خافت ورجعت رجلها وقالت:لا عبود بطيح
عبد الرحمن ضحك عليها ونزل من القارب وحملها بين يدينه وركب القارب وجلس وجلسها بحضنه ولف وقال للسواق:حرّك
مشى القارب بكل هدوء واحلام وعبد الرحمن يسولفون وهم واقفين وماسكين الحافه ويطالعون بالمويه كيف تشقها مقدمه القارب شوي عبد الرحمن لف بدون ما تحس احلام واشر للسايق انه يزيد السرعه وطبعا زادت السرعه واحلام خافت ونطت بحضن عبد الرحمن وهي تقول:لا لاتسرع
عبد الرحمن ضحك وحضنها بقوه وقال بصوت عالي:اسرع زياده
واسرع القارب زياده واحلام خايفه وبحضن عبد الرحمن وهو يضحك عليها شوي وقال له يخفف السرعه وهديه احلام وقامت من حضنه وهي تقول:تبي تطير عقلي
عبد الرحمن:هههههههه شكلك يضحك
احلام وهي تعدل الطرحه:مع نفسك
قامت وجلست وحدها بمقدمه القارب وهو وقف وقرب منها وحملها وجلسها بحضنه وقال لها:حلوم لو طحت بالبحر الحين وش بتسوين
احلام:لا عبود لاتقول كذا بنط وراك
عبد الرحمن:هههههههههه طيب لورميتك
احلام طالعت فيه بإستغراب وتأشر ع صدرها بإصبعها وتقول:ترميني
عبد الرحمن:حضنها بقوه وقال:حشى حبي انتي روحي لو رميتك يعني قتلت نفسي
احلام تنهدت وهي تميل راسها ع صدره وتقول:تخيل شكلك وانت ترميني بالبحر بدون رحمه لاااااااااااااا
عبد الرحمن:ياقلبي لاتقولين كذا مستحيييل لو طحتي بالغلط بنط وراك شلون ارميك مستحييل
احلام قفلت عيونها وهي تشد بلوزته وتقول:عبود مابيك تبعد عني ابد ولا هالكلام حتى لاتقوله بكينا بحياتنا كثيير وتألمنا كثييير خلاص الحين دور الفرح والسعاده
عبد الرحمن بأمل:عسى الله يجعل ايامنها كلها افراح بأفراح
خلصت جولتهم بالقارب بعد ما استمتعو فيها وقف القارب ع المرسى ونزلو وهم يسولفون ويضحكون شوي عبد الرحمن تفاجأمن احلام إلي دفنت وجهها بحضنه بدون سبب
مسكها من كتوفها وبعدها وقال بضحك:شفيك
احلام بتعب:كنت اتثاوب وما أبي احد يشوفني
عبد الرحمن:هههههههههههههه ياقلبي تبي تنامي
احلام وعيونها نعسانه:أمممم
عبد الرحمن:وانا بعد أبي انام يلا نرجع
احلام:يلا
شوي احلام قالت:يووه عبود السياره عند الحديقه بعيده حييل
عبد الرحمن:اوكي نروح لها
احلام:لا مافيني امشي
عبد الرحمن وهو يغمز لها:اوكي اشيلك
احلام مدت يدينها زي الطفله وقالت:إذا بتقدر تتحمل وزني ماعندي مانع
عبد الرحمن:هههههههههههههههه اوكي بس لو ما بتوقفني الهيئه ونروح فيها
احلام:ههههههههه واو عادي زوجتك مو
عبد الرحمن:لو بيصدقوني والله ماعندي مانع
مسك بيدها ومشو لين الشارع ووقفو لموزين ووصلهم للحديقه وركبو السياره واتجهو لبيوتهم
احلام نامت بالطريق وما حست وعبد الرحمن يقاوم نومه لين ما وصل لبيت احلام ووقف السياره وهو كله نوووم وما عاد يقدر يكمل الطريق يبي ينام وما حب يبين لأحلام هالشي مسكها من ذراعها وهو يقومها ويقول:حلووم يلا قومي وصلنا
احلام بسابع نوومه وما ترد
وهو ما فيه ينتظر لأنه بيموت نوم نزل من السياره وفتح باب احلام وحملها وقفل الباب برجله ومشى لباب البيت واحلام مو حاسه بشي بالعكس دفنت وجهها بحضنه وكملت نومها ومو محووس دق الجرس بكوعه واول ما ردت الخدامه قال لها تفتح الباب فتحته ودخل ودخل البيت ومن حسن حظه ان اخوانها وابوها في الدوام واما امها كانت تسوي لها فطور بالمطبخ ودخل المطبخ
وقال:سلام عمه شلونك
عمته:هلا والله ولدي تمام انت شلونك
عبد الرحمن تمام وهو حامل احلام ومنحرج من خالته:تمام
خالته وهي قلقانه وتطالع في احلام:شفيها
عبد الرحمن بضحك:ابد ما فيها شي كنا نتمشى ونامت بالسياره وصحيتها ما صحيت وبس
عمته:ههههههههه دخلها غرفتها خلها تكمل نوم
عبد الرحمن:ههههه زن
طلع ودخل غرفتها وحطها ع سريرها وفسخ عبايتها والصندل ولبسها باللحاف وشغل المكيف وخرج وقفل الباب وهو داااايخ يبي ينااام نزل ولقى عمته قدامه وقال:يلا سلا انا بروح البيت تبين شي عمه
عمته:لا بس اشفيها عيونك محمره
عبد الرحمن وهو يفرك عيونه:أبي انام
عمته:وبتسوق السياره وانت بذا الحال<<عبود من عادته ما يقدر يسوق وهو يبي ينام
عبد الرحمن:إيه
عمته:لالا حبيبي اطلع ونام بغرفت واحد من اخوانك
عبد الرحمن:لا تسلمين عمه بروح البيت
عمته بقلق:موب رايح لا تتعب نفسك وكملت بحزم: يلا اطلع نام
طلع عبد الرحمن بإستسلام ودخل غرفت خالد وناااااااااااااااااااااام
******
قامت احلام من نومها وهي تفرك عيونها بتعب قامت وهي تتذكر انها نامت بالسياره وابتسمت وهي تقول بخاطرها:اكيد عبود شالني ودخلني الغرفه آه فديته ياناس احبه اعشقه
فتحت دولابها وطلعت منه بيجاما للبيت ولبستها ونزلت من غرفتها وجلست بالصاله وهي تقلب بالريمت جات امها وجلست جنبها وقالت احلام: وين اخواني جو
امها:لاباقي
احلام:الساعه ثنتين وشلون ما جو
امها:دقيت عليهم يقولون جايين
احلام:وهي تلعب خصلات شعرها:طفش
امها:قومي حطي الغدا معي
قامت وهي تقول:يمه
امها:هلا حبيبتي
احلام:انا نمت بسياره عبد الرحمن مو فاكرة متى جيت قولي لي متى؟
امها وهي تحط الغدا بالصحون:جابك عبود الساعه 12
احلام:طيب يعني ما نمت الا ساعتين 1و2 وشبعانه نوم غريبه
امها:ههههههه وعبد الرحمن للحين نايم مسكين شكله مواصل
احلام بإستغراب وهي مميله راسها:يمه وش يدريك انه نايم يمكن صحي
امها:روحي شوفي
احلام استغربت وقالت:ليش هو نايم عندنا
امها:إيه نسيت اقلك يوم جابك كان باين عليه تعبااان حيل ويبي ينام خفت عليه انه يسوق وهو تعبان وخليته ينام عندنا
احلام:ههههههه حركات
خرجت من المطبخ وهي تقول لأمها:وين نايم
امها:ما ادري والله
طلعت للغرف وشافت غرفه خالد مقفله وعرفت انه نايم فيها وفتحتها بهدووء وحست ببراد المكيف ودخلت وقفلت الباب مشت بهدوء وهي تسمع صوت انفاسه وجلست ع حافه السرير وفتحت الابجورا وشافته وهو نايم ع ظهره ورافع يدينه الثنتين ع المخده جنب راسه واللحاف نصه ع جسمه ونصه ع الارض
ابتسمت ولبسته باللحاف وباسته بجبينه وخرجت من الغرفه نزلت الصاله وجلست تتفرج في التلفزيون شوي ويدخلون اخوانها كعادتهم يتضاربون ويناقرون ومحمد اول ما شاف احلام إلي مندمجه مع التلفزيون قال لها:حلوم
احلام انتبهت:هلا والله
محمد:فاتك خالد اليوم انسلك سلكه بنت كلب
احلام:ههههههه وشي
محمد:جا بيشتري ديو من البقاله وعطاه الكاشير يحاسب وبوجهه مسوي بيكاسر ع ريال ونص يقول للسوداني:خلاص النص هذا مو لا زم تاخذونه بس بريال مافي فايده
قام السوداني قال له:لا حبيبي انت وجهك نحيف خلنا نعطيك بالنص لبان ع الاغل <الاقل>يصير وجهم معضل وخالد لقط خشمه وخرج ههههههههههههههههههههه
احلام:ههههههههههههههههههههههههههههههه
خالد:حمّوود خلنا ساكتين
محمد:هههههههههههههه قول
خالد:اليوم محد اتفشل قدام من زوجته صح يا احمد محد اتفشل
احمد يكمل مع خالد:إيه صح محد اتفشل بس محمد تفشل قدام فاديه بس
محمد وهو يرفع صوته بضحك:اووووووووووووووووس ولا كلمه
احمد:ههههههههههههههههههههههههه هاه لا تتشمت
احلام:وش الفشله إلي تفشلتها
محمد:يكذبون موب صدق
خالد:مره موب صدق انا اقول لك وحنا رايحين دقت عليه وهو يعني اني مستحي ما يبي يكلمها قدامنا وقا من عندنا وهو رايح ويتعنقل بس ما طاح كان بيطيح وصرخ بالسماعه:يماه بسم الله
احلام بإستهبال:اضحك مثلا ما يضحك عادي
خالد تفشل وقال:والله
محمد وهو يمسك ع بطنه:كاااااااااااااااااااااااااككككك ههههههههههههههههه هاه مين تفشل
خالد وهو يقعد وياكل:محد تفشل بس مردوده
احلام:لايا شيخ تبي تفشل توأمي واضحك
محمد:كفو والله ونعم التوأم
احلام ابتسمت وهي تطلع الدرج
محمد:ويييين؟ تعال تغدي
احلام:بصحي عبود
وما نتظرته يرد وطلعت الدرج للغرف
محمد لف وقال:عبد الرحمن موجود؟ليش ما قلتولي من اول نصارخ وما خذين راحتنا حرام ازعجناه
احلام فتحت الباب وجلست جنب عبد الرحمن إلي نايم ع نفس الوضعيه فتحت الابجورا ومسكت يدينه وحطتها بحظنها وهي تقومه وتقول:عبوووود يلا قوم الغدا
عبد الرحمن ناااايم
احلام وهي تهزه:عبوووووووود حبيبي يلا الغدا
ضربت ع خده بخفه وهي تقول:يلا عبود الغدا بيبرد
عبد الرحمن فتح عيونه بنوووم وشافها قدامه وقال:همممم طيب
ولف ع الجهه الثانيه
احلام بخاطرها بحنان:يا روحي اكيد تعبان
وقالت:حبيبي بتتغدا الحين ولا شلون
عبد الرحمن بتعب:بعدين أبي انام
احلام:اوكي وخرجت من الغرفه ونزلت لقيتهم ياكلون ويعلقون ع بعض جلست واخذت صحنها وغرفت لها وبدت تاكل
امها:وين عبود
احلام:يقول بعدين بيتغدا
امها:زين ارفعي غداه
قامت احلام ورفعت غداه بالمطبخ وجلست وكملت اكلها محمد واللقمه في فمه:حلوم ليش ما قلتيلي ان عبود هنا
احلام:وليش اقلك
محمد:ع الاقل عشان ما نزعجه
احلام:ههههههه لاحبيبي ما درى عنك بالحيل صحي وقال لي انو ما بيتغدا
محمد:زين ما انزعج
احلام:لا
نرجع لنواف إذا باقي تتذكرونه
المهم نواف كان جالس بالصاله شوي يطري ع باله حاتم والوعد إلي قطعه له هو واحمد انهم يساعدونه ع إلي اغتصب رهف ومسك جواله ودق عليه اول مره ما رد ودق مره ثانيه ورد وصوته مبحوح:هلا
نواف:هلا حاتم شلونك
حاتم:تمام انت شلونك
نواف:تمام شفيه صوتك
حاتم تنهد وقال:مو بس صوتي يا نواف كلي الهم ذابحني من إلي صار لرهف وهي ما تفارقني ليل ونهار حتى بمنامي وتطلب مني حقها
نواف:ما عليك اخوي حقها بناخذه ولو ما قدرنا الله فوقك ما يظلم احد بس الحين انت ما تعرف عنوان صديقتها ذي إلي راحت عندها
حاتم:والله ما اذكره والمشكله ياليت رهف خلت شي يدل ع عنوانه او حتى رقمه
نواف:دور بين اغراضها يمكن تلقى رقم البنت هذي
حاتم:نواف هالشي صار ورهف اول متوسط يعني اكيييد مرة فتره
نواف:اوكي بجيك انا بالبيت ونتصرف
حاتم:أوكي فمان الله
نواف:فمان الله
قام وراح لغرفته يلبس شوي وهو خارج دق جواله طالع لقاها امل تتصل فيه ع طول رد:هلا والله بأمول
امل:هلا فيك وينك
نواف:شوي شوي شلونك
امل:ههههههه تمام انت شلونك
نواف:تمام
امل:نواف وينك
نواف:دوبني الحين خارج بروح عندي مشوار تبين شي
امل:لا حبيبي بس وش مشوارك
نواف ما حب يقلها أي شي عن رهف عشان ما يجرحها وقال:اشغال مع واحد من اخوياي
امل:بتتأخر
نواف:يمكن ليش حبي تبين شي
امل:لالا بس طفشانه قلت لو انك فاضي نخرج بس خلاص شكلك مشغول
نواف بحب:اوكي حبي اخلص شغلي بسرعه واجيك طيراااااان
امل بفرح:أوكي
نواف:يلا باي
امل:باي
قفل منها وتنهد ودخل سيارته وانطلق فيها لبيت عمه ويوم وصل وشاف البيت إلي هجره الفرح واكتست جدرانه بالتعاسه وما يعيش فيه غير شخص واحد عقب موت الام والاب والبنت بقى بس حاتم
دق الجرس وع طول حاتم فتح له الباب ودخل ضيفه وجلسو بالصاله شوي نواف قال: رهف ما كانت تحكيك عن ذيك البنت
حاتم:لا ابد بس كتبت اسم ذاك الولد كامل في الورقه قبل لا تموت
نواف:زين خلنا ندق ع الاستعلا مات ونجيب رقمه
حاتم:أوكي
نواف:يلا دق بسرعه