ماتموت ..!دامها تطلع مع أنفاسي ... وتفوت !
والملم ما بقالي من أحاسيس وأجي مكسور
وحيد ولا على بالي سوى إنسـان ناسينـي!
وأطيح ويذبل بعيني صبـاحٍ مـا يفـز بنـور
وأنادي يا عناويني وأنادي يا عنا. وينـي!؟
ثلاث سنين من عتمة ظلامك.. يا ضيا الديجور
يموتك قلب وتموتك سحايب من ورى عينـي!
وبيدي حلم غنَّاه الزمان وطار بـه عصفـور
يزفـه للغمـام اللـي تهجـا رحلتـه فينـي!
واتمتم "هي هنا كانت" وينبت للحنين شعـور
وأتمتم "ليت ما كانت" وأضيـع ولا ألاقينـي!
وادورني ورى جرحي وتزهر في حشاي قبور
وأكفن عورة همومي وأدور منهـو يرثينـي!
هنا كان المسا بارد حزين ومكتئـب مقهـور
هنا! والا هنـا! والا هنيـا .... صـرت مابينـي!
أنا ما طحت من عين المواجع يوم أنا مكسور
أنا من كثر ما فيني مواجع.."طحت من عيني"!
******************
ماتموت ..!
دامها تطلع مع أنفاسي ... وتفوت !
ودامي .. اقطف .. من هوى التحنان ... توت !!
ودام أحس إن الدفا باقي معاي !؟
برمى الدمعة ورى همي ..
وراي .. !
وأصرخ بـ جرحي .. الحزين :
أص ياجرحي ! ...
سكووووت !!!
* المبدع: بركات الشمري.
lhjl,j >>!]hlih j'gu lu Hkthsd >>> ,jt,j ! Hkthsd lhjl,j ,jt,j
آخر تعديل أمير بطبعي يوم
08-18-2010 في 01:13 AM.
|