حلوه , حبيبى , غيرتك , قصيده

قصيده حبيبى غيرتك حلوه

بدت في داخله غيره..بدأ يعشق بدأ توّه
بدت عينـه تلاحقنـي تدورنـي تنادينـي


أنا لو ابتعد عنّه ثوانـي يكتئب هـوّه
ولا ودّه..أنـا هدّه..حبيبـي ميّـتٍ فينـي


ولو يلمح احد غيره يحاكيني لعن جـوّه
حبيبي غيرتك حلوه وتعجبني وترضينـي

ولو يلمس احد كفّي مسك كفّه وله لـوّه
مشاويري مشاويره ووينه هو انـا وينـي


تهبّل غيرتك والله وسو اللي تبي سـوّه
وعاتبني وصالحني وخاوينـي وعادينـي

أبي دايم كذا حالك وجمرك يشتعل ضـوّه
أبي احساسنا قد ما أنا أعطيـك تعطينـي

وخل همّك ولا همّك نصيحه(مايهم طوّه)
ولا أهتم أنا فيهم مدامـك حيـل تغلينـي

صراحه قالها قلبي ..احبّك إي أنـا قـوّه
أحبّك يافرح عمري ولك قلبي نظر عينـي

أحبّك ياضوا دربي وحبّك لي سقـا روّه
ويجمعنا عهد باقي عهـد إنّـك توافينـي

ترا مثلك انا قلبي بالغيره ينكـوي كـوّه
ولا ودّي احد غيري بحبّك لـي يساوينـي

الموضوع الأصلي: قصيده حبيبى غيرتك حلوه || الكاتب: العنود بنت خالد || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات