تفضلو حبايبي ذا الجزء الثاني من روايتي
اتمنى لكم قراءة ممتعه
الجزء الثاني
ماجد ما قدر يمنع نفسه وع طول تقدم لهم وحملها من بينهم وهو يبعد يد خالها عنها ويقول:ما بتجبرونها ع شي ما تبيه وخرو من قدامي بسرعه
دفهم ومشى للباب وخرجو وركبو السياره واتجهو للفندق
خالها كان يبيها عشان يقول ما يصير تجلس ببيت وحدها وما معاها غير ولد مراهق يمكن يغلط ويتهور
اما هي ما تبيهم عشانها تخاف من مراد
ريهام كانت طول الطريق وهي بحضن ماجد وتبكي وتقول:ماعاد ابي اروح عندهم ما ابيهم
وماجد يهديها ويقول:بس رهوم ما راح ياخذونك غصب عنك ما حد يقدر يجبرك ع شي ما تبينه
ريهام مع البكى دخلت بنومها وهي بحضنه وهو ضل حاضنها لين وصلو الفندق ونزلو وماجد حامل ريهام بين يدينه وهي ناايمه دخلو الجناح وحطها ع سريره عشان إذا قامت ما تكون قريبه من الشباك وتخاف من السيارات وهو راح وانسدح ع سريرها اما امه وابوه راحو ونامو بغرفتهم وهو صار لاف وجهه جهة ريهام الي ناايمه ببرائه وخصل شعرها متناثره ع وجهها
قام لا عندها وجلس جنبها ومسح ع راسها بحنان وصار يقرى عليها اذكار النوم وهي مو حااسه فيه
بعد ما قرى عليها رجع لسريره وانسدح وناااااااااام
قامت ريهام في الصباح وشافت عمتها وهي ترتب الاغراض وعرفت انهم بيمشون جلست وشالت اللحاف من فوقها ولفت تبي تشوف ماجد ولقيته باقي نااايم قامت ودخلت الحمام وغسلت وجهها وخرجت جلست جنب عمها الي كان يفطر وصارت تاكل معاه وهو يقرب لها ويأكلها بحنان
ريهام لفت وقالت:عمو بنسافر
عمها وهو مبتسم لها بحنان:إيه حبيبتي
ريهام:لااا ما تمشينا كثير
عمها:تبينا نجلس
ريهام بفرح:إيه
عمها:أوكي نجلس لين ما تقولين يلا نسافر
ريهام ابتسمت برضى وكملت اكلها
قام ماجد وراح للحمام غسل وجهه وخرج وهو يقول لأمه:وين ريهام؟
امه:تفطر مع ابوك
ماجد خرج وشافها جالسه وتفطر وجلس يفطر معاهم بعدها قال:يبه متى بنمشي
ابوه:متى ما تقول ريهام
ماجد ابتسم لريهام وقال:زين لا تقولين إلا اذا لفينا ينبع كلها
ريهام:هههههههههههه طيب
*******
مرت الايام والسنوات وريهام عايشه ببيت عمها مع ماجد
الحين صار عمرها 16 سنه يعني اول ثانوي
وماجد صار عمره21 سنه ومتوضف بشركة ابووه
هي باقي ع نفس حالها ما تستغني عن ماجد ابد ماجد يوديها المدرسه وماجد يرجعها وماجد يفهمها إذا ما فهمت وكل شي ماجد
كانت جالسه بغرفتها ع النت وتفرفر شوي جا ع بالها سؤال وقالت:يا ربيي كم عمر ماجد
شوي قفلت الاب وقامت وهو كان جالس بالصاله وع طول نادت:مااااااااااااااجد
ماجد:هلاااااا
ريهام وهي تنزل بسرعه وتوقف قدامه:كم عمرك
ماجد:21 سنه ليش
ريهام:واو هههههههه
ماجد:شفيك
ريهام:ههههههه ما فيني شي خلاص
اعطته ضهرها وهي تقول بخاطرها:واو والله ماجد كبر مرره آخ يعني لازم يصير بيني وبينه حدود لأنه مو اخوي اوف
جلست بغرفتها ع سريرها وحضنت مخدتها وصارت تفكر وتقول:طيب هو حنون وطيب معاي واكيد يعتبرني مثل اخته وانا اعتبره مثل اخوي
شوي قطع تفكيرها صوت ماجد وهو يناديها ويقول:رهووووووووووووووووووووووووووووم
ريهام:همممممممممممممممممممم
ماجد:تعالي بسرعه
جات عنده وقالت:همممم
ماجد:طفشاان
ريهام:اممم طيب؟
ماجد وهو يسحب يدها:قومي البسي ونروح نتمشى
هذا الي يسويه ماجد كل ما طفش ياخذها ويروحون يلفون جده كلها ويفلونها بالضحك والخبال والسوالف
بس هالمره ريهام ما تدري ليش مو متحمسه زي كل مرة تحس انها كبرت وهو بعد كبر لازم يكون بينهم حدود لأنو هي مو اخته
ماجد حس فيها وقال:شفيك ماتبين
ريهام:لاماجد بس
ماجد تضايق وقال بخاطره:لاتقولين لازم يكون بيننا حدود لا انا وحدي بالهبيت مع امي وابوي وانتي معاي والله مو مسوي شي غلط بس طفشان
ريهام ما حبت تبين له انها متضايقه وقالت:أوكي يلا
فرح ماجد وقام وهو يقول بروح البس وانتي بعد روحي بسرعه
راحت ريهام ودخلت غرفتها وقفلت عليها واستنده ع الباب وهي تقول بخاطرها:أوف وش هالإحساس الي احس فيه ياربيي هو مثل اخوي ليش اتضايق
فتحت دولابها وخرجت لها لبس ولبسته واخذت عبايتها وخرجت من الغرفه وهي تلبسها وشوي يخرج ماجد من غرفته المقابله لغرفتها وهو يزبط البلوزه ويقول:يلا
ريهام:يلا
راح لأمه الي كانت بالصاله وقال لها:يمه بنروح نتمشى تبين شي
امه:لا حبيبي انتبهو ع نفوسكم
ماجد:طيب يمه
خرجو وهو فرحااان حيل ركبو السياره وانطلقو يلفلفون
ماجد سرح وهو يفكر بريهام وخوفها من السيارات الكبيره وطول ماهم بالتمشيه يحاول يتحاشى الوقوف جنب أي شاحنه
شوي لف وطالع فيها وهي مسرحه وقال:رهوم
ريهام لفت وقالت:هممم
ماجد:شفيك مسرحه
ريهام ابتسمت وقالت:ماجد ابي اسألك سؤال
ماجد بإهتمام:اسئلي
ريهام سكتت شوي وقالت:ليش تعاملني كذا مع اني مو اختك
ماجد انصدم من سؤالها وهو يعرف انه ما يقدر ابدا يقول لها لأنها لو عرفت بتسير تتحاشاه ولا يبي يكذب وتفهمه غلط
شوي قال بتردد:شلون يعني مافهمت
ريهام:يعني وش تعتبرني بالضبط
ماجد تلعثم وهو يدور لإجابه واخيرا قال:طيب خليني اوجه لك هالسؤال
ريهام ردت وهي تضحك:ما ادري احيانا اعتبرك مثل اخوي واحيانا لا اكثر من اخوي
ماجد فرح بهالجواب وحس انو في امل يتغير من اخوها لحبيبها وقال:زين تصدقين نفس شعورك عجزت احدد
ريهام سكتت وما ردت وكملت سرحانها وهو صار يطالع فيها من المرايه ما طول الصمت الا وصلو لمقهى دايما يروحون له نزلو ومسكو بيدين بعض ودخلو المقهى اختارو لهم طاوله وجلسو وطلبو الي يبون وريهام ضايعه عيونها بالفراغ ما تدري ليش صارت تستحي من ماجد مو زي اول كانت تموووون وبقوه
شوي ماجد ضربها ع ذراعها بخفه وقال بمرح:بعد ما نشرب وين نروح
ريهام:أي مكان يعجبك
ماجد عقد حواجبه بإستغراب وقال:سلامات شفيك صايره رسميه
ريهام:ههههه
ماجد:هههههه لا يكثر بس يلا وين تبينا نروح
ريهام:البحر
ماجد:اوكي من عيوني بس اسمعي
ريهام:هممممم
ماجد:بكره بنسافر ينبع
ريهام تأففت وقالت:ليش خلاص ما عاد بيننا وبين خالي شي ما عاد ابي اروح عندهم
ماجد:مو عشان خالك عشان عمي
ريهام:ياربي اكيد بنمر خالي
ماجد:وانتي الصادقه بنتجمع كلنا بإستراحه وخالك بيجي
ريهام تضايقة حيييييل وقالت بقهر:مابي اسافر
ماجد:وانا بعد بس والله وحشني وليد
ريهام تذكره جيهان صديقة طفولتها وابتسمت وقالت:يالله كم لنا سنه ما شفناهم
ماجد:سنتين
ريهام:كله من خالي النشبه
ماجد:خلاص رهوم ما يصير هذا خالك
ريهام سكتت ونزلت راسها ودموعها تجمعت بعيونها وهي الي تذكرت امها وقالت:خلاص ماجد قفل الموضوع
ماجد:أوكي براحتك
بعد ما شربو خرجو من المقهى واتجهو للبحر وصارو ماسكين بيدين بعضهم ويلفلفون ويسولفون شوي قالت ريهام:ماجد
ماجد:هلا
ريهام:خلنا نروح مكان ثاني من البحر طفشت من ذا المكان كل مره نروح له
ماجد طالع فيها وابتسم وقال:ببالك شي صح
ريهام:هههههههههههههه ايه
ماجد:وانا اقوول حافظك ترى
ريهام:ههههههههههه
ماجد:هاه وين تبينا نروح
ريهام:نركب القارب
ماجد تحمس وقال:يلا
ريهام:هيا
اتجهو للمرسى وحجزو لهم قارب ساعه كامله وركبو وبدو يلفلفون ماجد يقول:رهوم وش رايك نزيد السرعه
ريهام بحماس:إيه
ماجد ضحك وقال لسواق يزيد السرعه وزادها السواق وريهام مسكت بذراع ماجد بقوه وهي تضحك وتقول:خلاااااص ماجد
ماجد ضحك ومسك يدها وهو يقول:دقيقه خلينا نفلها
صارو يمشون في البحر بسررررعه ويلفلفون والموج من جنبهم شوي ريهام غمضت عيونها بقوه وهي تشد يد ماجد وتقول:مااااجد خلاص بنطيييح
ماجد عرف إنها خايفه بجد وقال للسواق يهدي السرعه ورفع راسها وقال:شفيك
ريهام:خفت نطيح ونموت
ماجد بحنان:خلي الموت عنك رهوم عيشي حياتك
ريهام ابتسمت غصب عنها ونزلت راسها وهي تقول بخاطرها:شلون انسى الموت وانا فارقت اعز اثنين بحياتي
ماجد مسكها من كتفها وقال:رهوم
ريهام رفعت راسها وقالت:هممم
ماجد:خلاص لا تتضايقين
ريهام وهي تبتسم:مو مضايقه
ماجد ابتسم لها بحنان وهو يقول بخاطره:أنتي حياتي لا تتضايقين لو تضايقتي تضيق حياتي رهوم مابي اشوف نظره الألم والوحده بعيونك
ريهام شدت يده بقوه وهي تقول:ماجد دايخه احس بغثيان< دوخة البحر
ماجد:زين نرجع للمرسى
ريهام:إيه
رجعو للمرسى ونزلو وحست انها ارتاحت شوي وكملو لفلفتهم ع البحر وهم بالسياره صار يسولفون عن سفرتهم لا ينبع ماجد يقول:ريهام لا تبينين لأهل خالك انك متضايقه منهم
ريهام:أوكي
ماجد:ولا حتى لسمر عامليها عادي وخليك مع جيهان
ريهام عقدت حواجبها وقالت:شفيك توصي
ماجد:هههههههه رهوم ياخبله عشان ما تصير مشاكل
ريهام بدون اهتمام:هم يبدون المشاكل
ماجد:حاولي تتحاشينهم
ريهام:بحاول
ماجد:اخ وحشني وليد الدوب
ريهام:هههههه من جد والله اهل عمي لهم وحشه
ماجد:الله بس من الفله كل الشباب هناك وبنتجمع لا خلاص تحمست
ريهام تضايقت من هالطاري بس ما حبت تبين لأنو إذا سافرو ينبع يصير ماجد اغلب وقته مع الشباب طلعات وروحات وجيات وهي تكون مع جيهان والبنات بس ما تقدر تستغني عنه وهو الي عوضها كل شي فقدته لفت وجهها جهت الشباك ودموعها تجمعت بعيونها وهي تحس انها وحييييده وفاقده شي وانها مو زي الناس تحس انها ناقصه
ماجد انتبه انها لفت وجهها وقال:رهووم
ريهام من دون ما تلف:هممم
ماجد:شفيك لافه
ريهام مسحت دموعها وعدلت جلستها
ماجد:شفيك رهوم قولي الي بخاطرك انا اسمعك
ريهام بكت وقالت:ماجد لاتخليني وحدي
ماجد:شدعوه اخليك وحدك مو مخليك
ريهام وهي تبكي:انا اكره انو نروح ينبع عشان انت تصير مع الشباب وانا اصير وحدي
ماجد بحنان:رهووم انتي مو وحدك مع البنات
ريهام وهي تبكي:ايه مع البنات ماجد بس انت غير انت مو زي البنات
ماجد قال بحنان:أوكي رهوم تبيني طول الوقت أجلس معاك؟
ريهام ودها تقول إيه لا تفارقني ولا ثانيه بس تعرف انها صعبه وقالت:لا ماجد بس
ماجد كمل بحنان: رهوم لاتشيلين هم ولا تتضايقين ودموعك لا تنزل الي تبينه بيصير
ريهام سكتت وهي شاده ع يده وما تبيه يبعد عنها ابد وهي الي تحسه عوضها كل شي من بعد موت امها وابوها وهو الي يعاملها مثل ما كانو يعاملونها ويدلعها والي تبيه يصير
ماجد حس بمكانته عندها وانه مو مثل اخوها زي ماهي تقول وإنها ما تقدر تستغني عنه ابد وهو نفس الشي ما يقدر يستغني عنها لأنها من صغرها وهي تعيش بقلبه وساكنته
ابتسم برضى وشد ع يدها وهو يقول:أنا وانتي راح نكون مع بعض وما يفرقنا الا الموت
ريهام ما تدري ليش لفت وطالعت بوجه ماجد الي كان مبتسم وابتسمت ونقلت عيونها وصارت تطالع بالطريق وهي تحس انها فرحانه حييل
كملو لفلفتهم وخبالهم لين صارت الساعه 10:00 الليل
شوي الا جوال ريهام يدق طالعت لقيتها جيهان وع طول ردت:هلا والله جيجي وحشتيني يالدوبا
جيهان:هههه وانتي اكثر رهوم بتجين بكرا
ريهام:هههههه طيب وعليكم السلام ع الاقل وشلونك مافي من ذي الاشياء
جيهان:ههههه لا تدققي هاه بقفل وادق مره ثانيه عشان تكون حلوه
ريهام:هههههههههههههه خبله من جد هاه وش تبين
جيهان:اول شي شلونك
ريهام بضحك:تمام
جيهان:دوم بتجين بكرا انتي ومجود
ريهام:هاااااااااااااه
جيهان:هههههههههه نسيت بتجين ولالا
ريهام:ايه بنجي
جيهان:والله وحشتيني رهوم
ريهام تنهدت وقالت:لا تقلبي المواجع
جيهان:يالباك والله البنات كلهم يسلمون عليك
ريهام:وهم بعد وحشووني
جيهان:ههههههه وينك الحين مبين بسياره
ريهام:إيه نتمشى
جيهان:احلا انتي وميييين
ريهام:انا وماجد
جيهان:ع بالي انتي وحبيبك
ريهام بضحك:ع تراااااااااااااب
جيهان:هههههههه امزح حبيبتي
ريهام:لا يكثر يلا باي
جيهان:هههههههه بايات
قفلت منها وهي مبتسمه وحطت الجوال بشنطتها وشوي يدق جوال ماجد أخذه وشاف مين لقى امه تدق رد:الو
امه:هلا ماجد وينكم
ماجد:ع البحر
امه:بتتعشون معنا
ماجد:إيه
امه:زين العشى قرب يجهز تعالو
ماجد:أوكي يمه جايين
امه:مع السلامه
ماجد:فمان الله
قفل وحط الجوال بجيبه ولف وطالع في ريهام وقال:يلا نرجع البيت العشى جاهز
ريهام:يلا
اتجهو للبيت وصلو لقيو العشى جهز دخلو وجلسو وبدو ياكلون ويسولفون مع بعض شوي قال ابو ماجد:يلا جاهزين للسفر بكره
ريهام نغزها قلبها ما تدري ليش ما تبي تسافر وقالت لا شعوريا وبسرعه:لا
ماجد وامه استغربو منها اما ابو ماجد قال:ليش رهوم مو جاهزه
ريهام سكتت ونزلت راسها من دون رد
ابو ماجد:شفيك حبيبتي قولي
ريهام:لا خلاص عمو ولاشي
عمها:لا قولي بخاطرك شي
ريهام حطت الملعقه وقامت ودموعها بعيونها وقال:عمو انتو سافرو براحتكم بس انا مابي اسافر
لفت وطلعت الدرج ودخلت غرفتها وقفلت الباب وجلست ع سريرها وصارت تبكي وهي تتذكر اهلها وتحضن المخده وتقول:ماما بابا وحشتوني حييل الله يجمعني فيكم بأقرب وقت انا وحدي بهالدنيا من دونكم ما اقدر امنع اهل عمو من السفر لأنهم يبغون يسافرون وماجد يبي يشوف وليد بس انا مابي اسافر آه لو انكم هنا كان اقدر اجلس معاكم
كتمت راسها بالوساده وصارت تبكي
اما عمها من اول ما طلعت لف وطالع بماجد وقال:شفيها ليه ما تبي تسافر
ماجد:ما ادري يبه من يوم ما قلت لها وهي متنكدة
ابو ماجد:الله يهديها
ام ماجد قامت وقالت:بروح اشوفها
قامت وطلعت غرفت ريهام ودقت الباب وهي تقول:رهوم افتحي حبيبتي
ريهام ما ترد وتبكي بكل الم وهي تتذكر امها وابوها اما عمتها ما انتظرتها تفتح ودخلت وقفلت الباب وجلست جنبها وهي تقول:رهوم حبيبتي شفيك تبكي وليش ما تبي تسافري في احد مضايقك
ريهام مسحت دموعها وقالت:لا عمه مافيني شي بس مابي اسافر
عمتها:طيب قوليلي ليش
ريهام سكتت وما ردت ودموعها تنزل
وعمتها تقول:خايفه من مراد
ريهام:لا
عمتها:طيب شفيك
ريهام صارت تبكي زياده وتقول بخاطرها:مين بدل ماما يفهمني من دون ما اتكلم
عمتها مسكتها من كتوفها وقالت:حبيبتي قولي كل الي بخاطرك انا اسمعك
ريهام بكت وقالت:لو سافرت هناك بجلس وحدي وماحد معاي ماجد بيكون مع الشباب وانا بكون وحدي
عمتها:مو وحدك اجلسي مع جيهان وسمر والبنات
ريهام سكتت وما ردت وصارت تبكي
شوي همست ريهام:خلاص عمه مابي اعطلكم سافرو
عمتها:وانتي ما بتجين معانا
ريهام:إلا إذا ماجيت مع مين بجلس
عمتها قامت وهي تربت ع كتفها وتقول:هوني ع نفسك حياتي
خرجت من الغرفه وهاللحظه كان يستناها ماجد ودخل ع طول ورى امه وشافها وهي تبكي وجلس ع ركبتينه قدامها وهي كانت مغطيه وجهها بيدينها وتبكي وهو سحب يدينها من ع وجهها وقال:رهووم
رهام طالعت فيه وشافته مبتسم وقالت تشهق بصوت خفيف:هممم
ماجد بحنان:أنا ما قلت لك كل الي تبينه بيصير حتى لو ما تبين تسافرين بجلس معاك مو مسافر
ريهام تعرف انه يبي يسافر عشان وليد وقالت وهي تحاول تبتسم:لا ماجد خلاص نسافر
ماجد:أكييييييييد
ريهام:اكيييد
ماجد وهو يمسح دموعها ويبتسم:زين لايجي ببالك اني بخليك وحدك مستحيييل
ريهام ابتسمت وماردت وهو قال وهو يخرج من الغرفه:تعالي تعشي ما اكلتي شي
ريهام:مالي نفس
ماجد:اقول موب بكيفك
ورجع وسحبها من يدها وخرجها برا الغرفه وصار يمشيها قدامه ويدفها من ضهرها لين ما وصلها للمطبخ وحط صحنين ع الطاوله صحن لها وصحن له وقال:يلا بسرعه كلي وانا بعد ما اكلت باكل معاك
ريهام ضحكت ع حركته وصارت تاكل وهو ياكل لين خلصو العشى وقامو وكل واحد راح غرفته ماجد نام ع طوول
اما هي لا انسدحت ع سريرها زي كل ليله قبل لا تنام تتمنى انو يكون بكرا احسن من اليوم وتبكي وتدعي لأمها وأبوها وتتذكرهم
حضنت المخده وغمضت عيونها ويجي ع بالها صوت امها تقول:رهوم تعالي شوفي البسه
نزلت دموعها وهي تبتسم وتقول:ماما ابيييك انتي مابي البسه
شوي تتذكر ابوها وهو يقول:مين حبيبت بابا .. مين عيون بابا .. مين قلب بابا..
همست بخفه ودموعها تنزل بكل شوق:أنا
صارت تبكي وهي حاضنه المخده وتقول:ياااارب ارحمهم يااارب اغفر لهم يااارب لا تعذبهم يااارب اجمعني بهم في جنتك
صارت تدعي وتنعس لين ما غلبها النوم ونااااامت
ماجد قام من كابوس خوفه حييل وجلس وصار يتعوذ من الشيطان ويسمي لين ما هدي وصار يتذكره حلم ان ريهام تموت قدامه وهو يحاول يساعدها بس ما يقدر وهي تقول:باااي ماجد ماما وبابا يستنوني لا تنساني
نزلت دموعه وقام ع طول وراح لغرفتها وفتح الباب من دون ما يدقه وشافها وهي حاضنه المخده ونااايمه قرب إصباعه من انفها وحس بنفسها وتنهد وهو يعدل نومتها ويزبط لها المخده
لاحظ ع وجهها آثار البكاء والدموع لبسها باللحاف وفتح باب غرفتها عشان يحس فيها إذا قامت وراح لغرفته وانسدح ع سريره والنوم طاير من عينه ورجعت صورتها بباله وهي تموت وقال:يارب أحفظها من كل مكروه واسعد قلبها وحقق لها كل الي تتمناه وابعد عنها الشيطان والاحزان والهموم
غمض عيونه بتعب وهو يتذكر إنهم بيمشون في الفجر ونااااااااااااااااااااااااااااااام
*******
قامت جيهان من النوم وهي متحمسه اليوم بيجون اهل عمها عندهم وحشوها حييل وراح يتجمعون في إستراحه وبتشوف حبيبها إياد اكيد بيكون اليوم بالنسبه لها حمااااس
ريهام قامت مكسله ومشتاقه ومكتئبه وطفشانه كوكتيل من المشاعر بس بين كل هالمشاعر كان فيه شعور غريب عجزت تحدد وشهو كان هالشعور يجيها كل ما ضاقت الدنيا بها ويفرحها ويزول همها بسببه ما اول ما تتضايق وتتقفل بوجهها الدنيا تحس باهالشعور بقلبها وتبدا الحياه عندها من جديد
قامت وهي طفشانه ومكتئبه وودها تصرخ بأعلى صوتها وتبكي لين ما ترتااااح وبأعلى صوت وبحضن دافي بس وين ياترى
قامت ودخلت الحمام وشافت وجهها بالمرايه وبكت ع طول وزاد بكاها غسلت وجهها وخرجت من الحمام وشافت عمها قدامها يقول:يلا حبيبتي نفطر ونمشي
ريهام واقفه قدامه ولا استوعبت ولا كلمه وللحظه حست انها بتنهار مكانها وصار يتردد صوت ابوها بإذنها وهو يقول:مين حبيبت بابا .. مين قلب بابا
صرخت بأعلى صوتها وهي ترمي نفسها بحضن عمها:باااااااااااااااااااااااابااااااااااااااااااا اا
عمها حضنها بقوه
وهي صارت تبكي بصوتها وتشاهق وهي تحس كأن ابوها توه مات تحس بمعنى المعاناه والالم وصارت تبكي وتتالم وتشد ثوب عمها من صدره بقوه الالم الي بداخلها وصورت ابوها ما فارقت خيالها عمها يحضنها بقوه وما قدر يمنع دموعه الي نزلت غصب عنه وهو حاس بالحرمان الي عاشته من صغرها وما تكلم ولا بكلمه خلاها تاخذ راحتها عشان ترتاح نفسيتها<<يالباها
ماجد وامه بعد تأثرو وهم يعرفون ان مهما حاولو انهم ينسونها حزنها ما راح تنساه وخاصه انها شافتهم وهم يموتون بعيونها
عمها بعد ما حس انها هديت بعدها عن صدره ومسكها من كتوفها وقال:رهوم متضايقه من السفره قولي والله لأكنسلها وما نسافر
ريهام وهي تشهق بخفه:لا عمو عادي
عمها مسح دموعها وقال:رهوم طالعي فيني
ريهام رفعت عيونها وطالعت فيه وهو قال لها بحنان ابوي وهو يبتسم:يلا حبيبتي نفطر ونسافر
ريهام ابتسمت وقالت:يلا
راحو وجلسو ع الطاوله وبدو يفطرون وماجد كان جالس جنب ريهام ويسولف معاها
ماجد:ما كلمتك سمر ولا قالت لك انهم بيجون
ريهام:لا
ماجد بصوت واطي:يارب ما يجو
ريهام ما قدرت تكتم ضحكتها وانفجرت:ههههههههههههههههههههه
ماجد:هههههههههههههههههههههه
ريهام وهي تضرب ماجد ع ظهره:كل كل والله انك مفهي امس تقول لي انهم بيجون واليوم تسأل بيجون ولالا هههههههه
ماجد:أتأكد يمكن صار لهم ظرف
ريهام:وبتقول لي مثلا ههههههاي من متى
ماجد:ههههههههههه
قام عمها من ع الطاوله وقال:بروح اغير زيت السياره واجي تجهزو
ماجد:يبه ابي آخذ سيارتي
ابوه:ليش ياولدي مو مطولين بس اسبوع لا احتجت شي خذ سيارتي
ماجد:أوكي
خرج ابوه من البيت وريهام قامت تساعد عمتها عشان يسافرون
وهي تلم معاها ملابسها طاح من دولاب عمتها البوم اسود ما تلقفت ولا أخذته لاكن الي لفتها عمتها الي ع طول نزلت واخذته بسرعه وكأنها ما تبغى ريهام تشوفه وريهام طنشت وما جا ع بالها
كملت الملابس معاها وجا عمها وخرجو وركبو السياره وانطلقو لينبع وهم بالطريق ريهام تنعس سندت راسها ع الشباك ونااامت
وماجد مو منتبه لها يفرفر جواله شوي اخذ ابوه مطب قوي وارتطم راسها بقوه في الشباك وقامت ماجد لف ع طول وطالع فيها وقال:رهوم شفيك
ريهام مسكت راسها وقالت:آآآآآه عمو بشويش لا تسرع
عمها:طيب حبيبتي
رجعت لنفس وضعيتها وغمضت عيونها شوي تحس بماجد مسكها من كتوفها وحط راسها ع فخذه فتحت عيونها وطالعت فيه وهو قال:نامي ع فخذي عشان ما تتعوري
ابتسمت وغمضت عيونها وكملت نومها
اما ماجد عيونه متعلقه فيها وبشكلها الجناااان
يدينها تحت خدها ولامه رجولها لبطنها وناايمه
حط يده ع كتفها وكمل فرفره بجواله
شوي ويدق جوالها وهي نااايمه ما حست فيه اخذه ماجد وشاف لقيها سمر تدق رد:الو
سمر يوم سمعت صوت ولد عرفت انو ماجد وقالت:هلا ماجد شلونك
ماجد وبخاطره يقول بشري ما بتجون وقال لها ببروود:هلابك تمام
سمر:وين ريهام
ماجد:ريهام نايمه
سمر:شدعوه يعني مو مسافرين
ماجد:إلا حنا بالطريق بس هي نامت
سمر:أها ما يصير تصحيها
ماجد بحزم:لا مابي هي تعبانه ما نامت امس بدري ومابي ازعجها
سمر انقهرت من اسلوبه وقالت:اها زين إذا صحيت خلها تدق علي
ماجد بتواكل:لازم
سمر انقهرت وقالت:شتبي انت بالزبط
ماجد:مابي شي بس لازم تدق وتكلمك
سمر:بكيفها
ماجد:اشوى بعد قلت يمكن يكون هالشي بقاموسكم واجب عليها
سمر:لا يكثر احنا ما اجبرناها ع شي وشفها ماخذه راحتها
ماجد:مابي اتمشكل مع اشكالك خليك انتي مع امثالك يلا فمان الله
وقفل الخط من دون ما ينتظر ردها وهو يتأفف حط الجوال ع الكنب
شوي سمع ابوه يقول له:مين ذي الي تكلمها
ماجد تنهد وقال:سمرووه
امه:وش تبي
ماجد:تبي ريهام
ابوه:طيب ليش تتخاصمون
ماجد:ما اطيقهم احسهم يحبون فعل الامر وااايد وانا ماحب هالشي ابد
ابوه:حاول تتحاشاهم ما نبي نجرح ريهام بعد هم يقربون لأمها
ماجد:الله يعين بعد هي اصلا ما تطيقهم
امه:ولو ياولدي في النهايه عرقهم من عرق امها
ماجد:إن شاء الله يمه
سند راسه ع الشباك وصار يطالع بالسيارات
**********
جيهان وامها قاعدين يفرشون الغرف اكيد اهل عمهم اول ما بيوصلون بيكونون تعباني ويبون ينامو
وليد كان يستهبل ويقول:هاه يمه سرير ماجد انا بفرشه له عشان ارحب فيه بطريقتي هالقاطع
امه:ههههه لا تكفى نبي نتجمل من ضيوفنا
وليد:أفا وانا بعد بكمل الجميل
امه وهي ترمي له اللحاف والغطا وكيس المخده:زين خذهم وافرشه بسرعه الحين ما بقى شي ويوصلون
وليد دقيقه هو بينام معاي بالغرفه ولا شلون
جيهان:هههههههاي احلم ما راح يخلي ريهام وحدها
وليد:يووه صح الحين وش سالفته معاها
جيهان:ما اعرف والله بس هم الاثنين مع بعض ولا يفترقون
وليد وهو يبتسم:دوم إن شاء الله
امه:لا يروح بالك بعيد ترى مثل اخته
وليد:هه اتحداك بس الله لا يفرقهم مبين انهم فرحانين مع بعض
امه:ايه صدق بس هي باقي ما نسيت الي صار لأمها وابوها
جيهان:لا والله ما نسيت لا تذكرتهم ولا شافت نفس السياره الي صدمتهم ع طول تنهار
وليد:واو اجل يحق له ما يبعد عنها شبر دام السالفه كذا
امه:الله يعينهم
جيهان:اخ بس والله وحشتني حيييل امووت فيها ذي البنت
وليد:زين خذيها بغرفتك وخلي ماجد بغرفتي
جيهان:ولييد صعبه خلها تجي منهم
وليد:ههههه ما تلاحظو اني مستخف
جيهان:مره هههههههه
شوي دق الجرس
امه:وليييييييد روح افرش السرير حسبي الله عليك
وليد:هههههه طيب طيب وراح ع طول وصار يفرشه
اما جيهان راحت تفتح الباب
فتحت الباب وع طول ريهام حضنتها وهي تقول:وحشتيني
جيهان:ههههههههه وانتي بعد هههههههههه
سلمت ع عمتها وماجد سلم ع جيهان وع عمته وعمه وشوي يجيك وليد طاير من داخل البيت:يالقاطع والله ما اسلم عليك لين تعتذر
ماجد:هههههاي طيب شوي شوي لا تطيح
وليد:ههههههه مو مسلم عليك لا تتفشل بس
ماجد بتهديد:والله
وليد:والله
ماجد:طيب لا تسلم ولف ورمى عليه جاكيته ودخل البيت شوي يجي وليد ويمسك ماجد من شعره ويقول:يالدلوخ بتدخل من دون ما تسلم
ماجد:آآآآآي انت ما تبي تسلم
ريهام وجيهان يضحكون عليهم شوي قال وليد:طيب لف سلم
ماجد لف وفتح ذراعينه وهو يقول:حبـيـبـيـيـيـيـي ولييييييييييييد
وليد فتح ذراعينه وتعانقو وفجأه ماجد يضرب وليد بقوه في ضهره ووليد نفس الشي ويضحكون
البنات جلسو يضحكون عليهم ودخلو البيت
دخل ماجد ووليد وكملو مضاربتهم اما ريهام مع جيهان
كانت الساعه 9:00 الصباح دخلت ريهام وجيهان غرفة جيهان وصارت تفتش في أغراضها وتشوف ملابسها ومكياجها وتجرب الارواج والكحل ويستهبلون
اما ماجد مع وليد في غرفته يلعبون بليشتيشن
شوي ماجد حس بالتعب وقفلو البليستيشن وناااااام
وريهام بعد نامت
****
انتضرووني يوم الاربعاء القاادم
تحيااتي