قسم بالله يا قلبـي تعبـت أطـاوعـك بالحـيـل تعبـت أضيـع أحلامـي و أبعثرهـا مـن أسبابـك
تعبت أبكي شروق الصبح واسهر في حنايـا الليـل
تعبت أقتل أحاسيسي عشانـك و أحسب إحسابـك
تعبت الحـزن و الغربـه و همـي و العنـا والويـل
تعبت أنذل مـن شانـك و لا يزعـل حد أحبابـك
تعبت أحضنك في صدري وتبعد عن ضلوعي ميل
تعبت أنحـر طموحاتـي و هـي تسجـد بمحرابـك
تعبت ألبس قنـاع الكـذب و اتقـن لعبـة التمثيـل
تعبت أستوطن الغربة من أجـل اتهاجـر أسرابـك
تعبت أعيش بالظلما و أشحذ لـي سنـا قنديـل
تعبت أكون تحـت أمـرك و اظـل اعيـش مرتابـك
تعبـت أتجـــرع العلقـم و ابهـر دلتـك بالهـيـل
تعبت أضمد أجروحـي و يبكـي النـااااي لغيابـك
تعبت أكفكـف ادموعـي و كفيـن الزمـن منديـل
تعبت أحرق زهر عمري من أجل اتهدي أعصابك
تعبـت أعدلـك دايـم و لكـنـك تـعـود اتمـيـل
تعبـت اعاني مـن همـي و كنـه نايـل إعجابـك
تعبت أهـد ثـم أبنـي تعبـت أحـط ثـم أشيـل
تعبت أعطيك من عطفي وأعـود أخـاف و اهابـك
تشتـت كـل مافينـي و لا باقـي بقـايـا حـيـل
دخيـل الله يا قلبـي ترانـي صــرت منصـابـك