الجزء التاسع عشر
ببيت انور
كان جالس بطفش في الصاله ويقول:صباااااااااااااااااح
صباح اللي بالمطبخ وتحط الغدا:نعم وش تبيي
أنور:ليان غرقت ملابسها تعالي غيري لها عدمت ثوبي
صباح بضحك:زين ابحط الغدا غير لها انت
انور وهو يطالع بليان:الله يقرفك صباح تعالي تكفييين مو متحمل الريحه تصرع
صباح:هههههههههه زين جايه
حطت الملعقه وغسلت يدينها وطلعت وحملت ليان من حضن انور وهي تبوسها وتقول:فديت قللبك يتقرف منك بابا ههههه
أنور بضيق:جيبي لي ثوب معك
صباح بضحك:طيب
طلعت لغرفتها وغيرت لليان وجابت لأنور ثوب ونزلت وهي حامله ليان وبيدها ثوبه وتقول:يلا الغدا جاهز غير وتعال
مسك انور الثوب وبدل وراح يتغدا مع صباح وليان
...
ببيت ابو فهد
فهد جالس بالحوش ويتقهوى مع امه وابوه ويسولفون ومبسوطيين
أبو فهد:أقول فهد والله مليت من الدوام ما ودك اتقاعد وتستلم انت كل شي عني
فهد اللي معاملته مع ابوه مثل صديقه يمزح معاه ويستهبل هو وياه بس بوقت الجد جد قال بضحك:تكرفني يبه؟ ههههه لا ولله شكلك تبي تفضى وتتزوج الثانيه
ابوه:هههههههههههه تخيل عاد لو اتزوج الله وناسه
ام فهد وهي تطالع بزوجها بنص عين:إيه هين نشوف الوناسه
فهد بضحك:بتستانس بس ما بتلقى احسن من امي
ام فهد كبر راسها وقال ابو فهد:ايه اكيد بس اهم شي استانس وامك ما بتزعل ولا
امه:إلا ولله بزعل
فهد:هههههههههههه اصلا ما يليق عليك غير امي
ابو فهد:ههههههه لالا جد تخيل وهم يزفوني وانا يعني اني ثقيل
فهد:ههههههههههههههههههههه
ابوه وهو يكمل بضحك:لالا واجي كذا امسك بيدها ونطلع من القصر ونروح الفندق وإذا جات تنزل ما أخلي اقدامها توطى ع الأرض أحملها
وسكت شوي وهو يضحك ويقول:عز الله تفكفك عمودي الفقري خاصه لو كانت مثل أمك كذا متينه هههههههههههههههههه
فهد:ههههههههههههههههههههههههههه
ام فهد صارت تطالع فيهم وفيها ضحكه بس ما تبي تضحك وحاشره نفسها
فهد وابوه كملو استهبالاتهم وضحكهم
...
ببيت ابوأحمد
بجناح سعود
سعود كان جالس بالصاله ويقول:ريييم يارييييم ريمووووه رييم الحلوه رييييييييم
ريم وهي تخرج من الغرفه ويدينها ع اذنها:نعم وش تبي
سعود بضحك:هههههههه تعالي اجلسي جنبي حسسيني انك زوجتي
ريم بضحك وهي تجلس:حلوة احسسك اني زوجتك ليه لا اكون مقصره
سعود:ههههههههه حشا ما تقصرين يا بعد قلبي
ريم:هههههههه تصدق فقدت المناقرات ايام زمان ههههه
سعود:روحي يالكوفيرة تجمييل بالله ذا تخصص
ريم:ههههههههههه ارحمني يالدكتور
سعود بضحك:زين بالله ارسمي لي حواجبي ابشوف شلون يطلع شكلي
ريم بضحك:منت صاحي
سعود وهو يقومها:هيا قومي بالله خليني افجع روان
ضحكت ريم وقامت تجيب قلم الحواجب
...
بجناح خالد
خالد خرج من الحمام بعد ما تروش وطالع بأريج اللي جالسه ع السرير بتعب
مشى لين وصل عندها وجلس جنبها وقال:شفيك اريج
اريج وهي تمسك ع راسها:مادري دايخه
خالد مسك يدينها وكانت بارده وقال بحنان:تعبانه اريج
اريج وهي تلف وجهها عنه:إيه
خالد قال وهو يقوم للثلاجه الصغيره ويجيب لها عصير:ما أكلتي شي من الصباح
فتح العصير وجلس جنبها وعطاها اياه وقال:أشربي حياتي
اريج دفت العصير وهي تقول:مالي نفس احس بغثيان
حطت يدها ع فمها ودفت العصير بيدها الثانيه
خالد بعد العصير عنها وصار يطالع فيها بقلق بدون ما يتكلم وهي سرحت شوي وقالت:يمكن حامل
خالد طالع فيها وقال بفرح:جد
اريج بضحك ع حماسه اللي جا فجأه:مادري
ضحك خالد وقال:زين نروح للمستشفى
اريج وهي تنسدح بتعب:مو الحين
قام خالد وجاب عبايتها وهو يقول:أقول قومي هيا
قامت بتعب ولبست عبايتها وخرجو
...
روان كانت جالسه هي وامها واحمد ويتفرجون بالتلفزيون شوي قال احمد:رورو بكرة بيجي فهد يشوفك
ارتبكت روان وقالت:طيب
احمد:رورو
روان:هممم
احمد وهو يقرب منها:كأنك مو مرتاحه
روان ما تخبي ع احمد شي ابد وقالت وهي تعطيه جوالها بعد ما فتحت على رسايل نورة:شوف ذي زوجته اللي طلقها هذا اللي مو مريحني
احمد اخذ الجوال وقرى رسايل نورة كلها وردود روان لها وقال وهو عاقد حواجبه:رورو وش عليك منها
روان ودموعها بعيونها:شلون تقول عني كذا وانا ما ضريتها بشي ومالي علاقه بفهد
أحمد ابتسم بحنان وقال:رورو انتي طيبه مع الكل مع العدو والصديق ما يصير تجلسين كذا وبعدين اسفليها انتي واثقه ان كلامها ذا كله خراط ليه تنكدين على نفسك عشانها وبعدين ما بتجي بنص اخلاقك ولا بربعها عشان كذا مقهوره منك خليها مع نفسها
مسحت روان دموعها واحمد قال وهو يبتسم لها:مابي الا راحتك وما بلقى احد احسن من فهد لك
ابتسمت روان وقالت وهي تحضنه:الله لا يحرمني منك
ضحك احمد وهمس لها:وش صار على خطبة رغد
روان:مادري ما عاد كلمتني بعد ذيك المره
احمد برجاء:يارب انك تجعلها من نصيبي
ضحكت روان وقالت:آمين يارب
...
بيوم شوفت فهد لروان
فهد بالمجلس ومعاه احمد وينتظر روان تدخل بفارغ الصبر
بغرفه روان كانت متوترة حييل رسمت عيونها اكثر من مرة وتمسحها وتعيدها وشعرها تحس انها مو راضيه عنه لفت وطالعت بفستانها الناعم وقالت بضيق:يمكن مو مناسب
فتحت دولابها وبدت تدور فيه ولا شي عاجبها تنهدت بتوتر وقامت وهي تطالع بالفستان اللي فوق السرير تنهدت بضيق ولبسته وكملت لمساتها ع المكياج وتعطرت وزبطت شعرها وطلعت من غرفتها شافتها امها وقالت وهي مبتسمه:قمر بسم الله عليك
ابتسمت روان شوي الا سعود طالع من جناحه وريم معاه وتقول:يالبييه تجننين
ضحكت روان وقالت بغرور:أدري
سعود:ههههههه حواجبك مثل حواجبي يوم رسمتها ريم امس
روان:هههههههه عن الخراط انت بالله تسمي حواجبك حواجب
سعود:هههههههه حلوه ما تنكرين
روان ضحكت وقالت:رأيك وما بعارضك ههههههه
شوي قالت:خالد بجناحه
سعود:لا طلع هو واريج اضن بيسوون شهر عسل ثاني عشانها حامل
روان:ههههههه حلوة ذي
طالع بريم وقال:وانتي متى تحملين
ريم:ههههههههههههههه والله مادري عنك
سعود وهو يضربها ع كتفها بضحك:يقطع شرك استحت روان
روان لفت بحرج من عندهم ونزلت الدرج وهي تقول:أحمد موجود بالمجلس
سعود:إيه تبيني ادخل معاك واطقطق عليك انتي وفهد شوي
روان:لا تكفى
ضحك وقال:صلبتي الرجال ادخلي بسرعه
وما كمل كلامه الا احمد طالع ويقول:روان تعفنا ساعه تجهزين
ضحكت روان وقالت:يوه ابتأكد من جمالي
احمد:ههههههه ادخلي بس لا يموت فهد
ضحكت روان ودخلت وهي مبتسمه واحمد دخل وراها واختفت الإبتسامه وبدا التوتر يبان بوجهها
اما فهد ارتسمت ابتسامه عريضه بشفاته وعيونه متعلقه بعيون روان
روان بلعت ريقها بتوتر وجلست وجلس احمد جنبها وبدا يمر ببالها حمد وشوفته تذكرة ردت فعله من شكلها ووشلون عجبته بس يوم عرف انها تعبانه وشلون رفضها وجرحها
تنهدت وهي تحاول تهدي نفسها وتقول بخاطرها:فهد موقفه غير فهد كليته بجوفي
فهد يكلم احمد بس عيونه ما فارقت روان من يوم ما دخلت
ضحك احمد وقال:فهد طالع فيني شوي
ضحك فهد وطالع بأحمد وهو يقول بهمس:انخبلت
روان ما قدرت ترفع عيونها ابد ونضراته لها بزواجه ما فارقت بالها وكان باين بوجهها التوتر وكانت تفرك اصابعها وكأنها خايفه
فهد استغرب انها ما طالعت فيه وتوتر من هالشي حب يتكلم بس خاف تنحرج
وهي وصلت معاها وصارت تبي تقوم
احمد كان حاط يده قريب منها وهي مسكت بيد احمد وصارت تضغط عليها بتوتر
فهم احمد انها تبي تطلع وقال لها وهو مبتسم:قومي رورو
قامت وطلعت وجلست على اطرف كنبه وتنهدت براحه سعود كان جالس بالكنبه المقابله لها وقال وهو يضحك:كأنك طالعه من عند وحش
ضحكت روان وقالت:فاضي ما الومك
طلعت لغرفتها وصارت تبدل ملابسها
اما فهد اول ما طلعت ضرب احمد وقال:لو سكتت يلعن شكلك
ضحك احمد وقال:استخفييت بعد انت ههههههههه
فهد بجديه وهو يعطيه الدبله حقت روان:شوف رأيها وتحدد يوم الملكه
أحمد وهو ياخذ الدبله:من عيوني
سلم على فهد وطلع فهد وهو مبسوووط
طلع احمد وهو مبتسم ويقول:وين روان
سعود:في غرفتها
طلع لها وفتح الباب وهو يقول بفرح:هاه وش قلتي
ابتسمت روان وقالت وهي تفسخ اكسسواراتها:خلااص قلنا تم
ضحك احمد وعطاها الدبله وهو يقول:يبيك تحددين موعد الملكه
ابتسمت روان وقالت:زين يصير خير
فتحت العلبه الصغيرة وطلعت الدبله وهي تتذكر نضراته لها بليله زواجه وابتسمت بحنان ولبستها
...
نزلت روان وهي تقول:باقي ما رجع خالد
سعود:الا بجناحه
مشت لين وصلت لباب الجناح ودقت الباب
خالد كان جالس بالصاله وقام وفتح الباب وهو يقول:يا هلا وغلا تو ما نور الجناح
ضحكت روان وقالت وهي تستند ع الباب:ابكلم اريج شوي
مسكها خالد من يدها وسحبها لداخل الجناح وهو يقول:خذي راحتك
دخلت روان وهي تضحك وتقول:اريج وينك
اريج طلعت من المطبخ وهي تقول:هنا هلا والله
ابتسمت روان ودخلت معاها المطبخ وجلسو يسولفون شوي خالد جا وجلس معاهم وهو يقول:هاه وش صار عليك انتي وفهد
روان ابتسمت ومدت له يدها وهي تقول:خلاص تم
مسك خالد يدها وعيونه ع الدبله وقال بضحك:شكلها حلو
سحب يد اريج وحطها جنب يد روان وقال وهو يطالع بالدبلتين:ذوقه مو احلى من ذوقي
روان سحبت يدها وقالت بضحك:يا شين الثقه الزايده
خالد:هههههههه ايوه ومتى الملكه
روان:مادري ما حددت
خالد:شلون ما "حددت"
روان بضحك:يبيني انا احدد متى وباقي ما حددت
خالد:هههههههههههههههههههه آهاااا زين خليها قريب ترى فاهم شعوره
روان:شلون يعني قريب يلا شور علي دامك فاهمه
خالد:يعني نهاية هالأسبوع يوم الخميس ولا الأربعاء
روان:لا خلود بدري مرة ما بيمدي نجهز كل شي بإسبوع
خالد:زين اسبوعين
روان سكتت شوي كأنها تفكر وقالت:يلا اسبوعين
خالد:زين يعني مو الخميس الجاي اللي بعده
روان:إيه
خالد:يلا يصير خير خلي حمود يكلمه ويقول له
روان وهي تقوم وتطلع من الجناح:طيب ابروح اقله
طلعت روان وابتسمت اريج وهي تقول:مبسوطه رورو
خالد ابتسم وقال:الله يتمم لها على خير واحمد بعد
شوي طالع ببطن اريج وهو يقول بحماس:متى تولدين
ضحكت اريج وقالت:بدري توني حامل
خالد بضحك:متحممس حيييل
...
روان جالسه بغرفة احمد وتقول له:حمود وش رايك الملكه بعد اسبوعين
احمد ضرب ع جبهته وقال بضحك:بيموت فهد اسبوعيين
روان بضحك وحرج:هيا حمود ما يمدي نجهز كل شي بأقل من اسبوعين
ضحك احمد وقال:زين بكلمه واشوف
روان خرجت من عنده وراحت تتفرج في التلفزيون
اما هو مسك جواله ودق على فهد وفهد على طول رد:هلا حمود
أحمد:هلابك اخبارك
فهد:تمام والله انت اخبارك
احمد:تمام والله اسمع روان تبي الملكه بعد اسبوعين
فهد قال بخاطره يوه كثيره وقال لأحمد:اوكي خلاص تم
احمد:يلا الف مبروك مرة ثانيه
فهد بفرح:الله يبارك فيك
...
باليوم الثاني بدا فهد تجهيزاته لملكته من حجز القاعه وباقي التجهيزات اللي عليه
وروان واهلها بعد بدو تجهيزاتهم
فهد كان جالس بالصاله ومندمج بالتلفزيون
شوي قالت أمه فهد عمك ابو نورة دق امس على ابوك وطول كلامه كان يلمح انك ترجّع نورة
فهد:انتهى هالموضوع يمه ما برجعها لو ايش
امه ما حبت تطول النقاش لأنها كرهت هالشي وقالت:بكيفك بس بغيت اوصل هالشي لك
بدا فهد يتكلم عن ملكته هو وروان والتجهيزات للملكه
...
بيوم ملكه روان وفهد
كل شي جاهز وروان بكامل جمالها واناقتها
كلهم كانو متواجدين بالقاعه ومبسوطيين حيل
عند الرجاجيل فهد بيده العقد ويوقع وبكل فرح كان مبسوط حييل وبعدها قام الكل يسلم عليه ويبارك له وهالشي زاد فرحته
أما عند روان كانت جالسه مع بنات عمها وصباح ورغد شوي دخلت امها وهي تقول:شوي بنات اخوانها بيدخلون
قامو البنات وطلعو من عندها ودخلو اخوانها واحمد كان معاه العقد وبوسطه القلم ومبتسم
روان سلمت عليهم وابتسمت كانو كلهم مبسوطين وعماتها وخالاتها كلهم حولها أخذت العقد من احمد وطالعت بتوقيع فهد وكأنها مو مصدقه فهد بيصير شريك حياتها وقعت وهي فرحانه حييل وصارو عماتها يزغردون واما خالد حضنها بقووه وهو يقول بفرح:الف مبروووك والله يسعدك طول حياتك
ضحكت روان بفرح وقالت:الله لا يحرمني منكم الله يبارك بعمرك
طلعو اخوانها من عندها ودخلو البنات وصارو يباركون لها
شوي دخلت صباح وهي مبتسمه وتقول:هيا بنات انزلو ارقصو فهود بيدخل
نزلو البنات من عند روان اللي كانت متوترة حييل وحاسه بقلبها بيطلع من شده نبضه
طلعت صباح من عندها وهي صارت جالسه ومحتااسه تذكرة يوم الشوفه كانت متوترة حييل شلون الحين بتجيب العييد
دخل فهد وهو مبتسم وعيونه عليها هي جات عيونها بعيونه وبلحظه نزلت عيونها بتوتر
فهد صار يمشي ناحيتها وهي وقفت ابتسم فهد وهو يسلم عليها ويقول:شلونك رورو
روان بحرج:تمام
جلس جنبها وهو يقول:دوم يارب
طالع فيها وهو مبتسم بفرح ومسك يدينها وقال:مو مصدق اخيرا جا هاليوم
ابتسمت روان بدون رد كانت متوترة حييل ومو عارفه وش تقول
فهد حس بتوترها كان باين بوجهها وبيدينها اللي كانت بارده
ضحك وقال وهو يحط يده ورى ظهرها ويقربها لصدره:شفيك روان خايفه
روان استحت حيل وتوترت لدرجة صارت دموعها بعيونها ومو قادره تنطق بكلمه
فهد بعدها عنه وطالع بوجهها وشاف دموعها وقال وهو عاقد حواجبه:روان
روان رمشت وهي تحاول تبعد نظراته عنه ونزلت دموعها
ابتسم فهد ومسح دموعها وهو يقول:بس رورو زين خلاص ما عاد بتكلم
شوي دخلت صباح وامه وعماته وخالاته ومعاهم التورته الكبيره تنهدت روان براحه وفهد ابتسم
صباح عطتهم السكين ومسكتها روان بتوتر وفهد مسك يد روان والسكين وزاد توتر ليان وهمس لها فهد بإذنها وهو يشد على يدها:رورو لا تخبصين التورته ترة شكلها عاجبني
ابتسمت روان وصارت تحاول تقلل توترها
قطعوها واخذ فهد قطعه واكلها روان وجا دور روان تأكله تنهدت وحست بتوتر فضييييع مسكت الملعقه وقطعت قطعه ومدت بها لفم فهد
فهد مسك يدها واكل القطعه وقال بضحك وهو يشد على يدينها ويهمس:حياتي هدي شوي ليه كل هالتوتر
ابتسمت روان وطالعت فيه بحرج وقالت بنفس همسه:زين ما يحتاج توترني زياده اسكت
شوي مسك يدها وفسخ دبلتها وحطها بيسارها وهي مسكت يده وجات بتفسخ دبلته بس توترة وما قدرت هو ابتسم وقال بهمس:اهدي شوي وبتقدرين
روان ضحكت وقالت:لو سكتت شوي بقدر
ضحك فهد وقال:لك الوقت كله وما راح اساعدك
واخيرا فسختها روان وحطتها بيساره ضحك فهد ومسك اصبع يده اليمين وهو يعقد حواجبه ويقول:عورتيني
روان:ههههههههههه
ضحك فهد وكملو تصويرهم
بعد التصوير دخلت ليان اللي صارت تمشي خطوتين وتطيح
ابتسمت روان ومدت لها يدينها وهي تقول:تعالي ليان هناااا
ليان صارت تضحك وتمشي بسرعه ناحية روان شوي انتبهت لفهد جنب روان واحتارت تروح لمين وفهد صار يضحك على شكلها وهي تلفلف وتضحك ومو عارفه تروح لمين
بالنهايه رمت نفسها بين يدين روان وهي تضحك وتبي تطلع لحضنها
حملتها روان وهي تضحك وتقول:فدييتك
ليان صارت تتكلم بكلام مو مفهوم وتبوس روان بخدها
ضحكت روان وحضنتها
فهد طالع بروان وابتسم وقال وهو يمسك ليان من كتوفها:وانا يالمقروده
ليان ابتسمت وهي تقول بضحك:رورو
ضحك فهد وقال:بس رورو
ليان ضحكت وحضنت روان
بعدها طلعو عماته وخالاته وصباح وأمه
فهد وقف بيسلم ع روان ويطلع مسك يدينها وقال وهو يبوسها:يلا مع السلامه حياتي
روان حست انا مو مصدقه ابد ان فهد بيصير لها وقالت وهي تشد ع يدينه:مع السلامه
ابتسم وباسها بجبهتها وطلع وهو مبسووط حيييل
...
عدت الملكه بكل فرح وسسروور كلهم كانو مبسوطين وقلوبهم ما تشكي أي الم الا اثنيين كانو يعتبرون هالفرحه فتره عشان تنسيهم الآمهم وهمومهم
احمد اللي يحس ان رغد ضاعت منه وما صارت له
ورغد اللي كانت تحس بشعور غريب تجاهه خطيبها ومو مرتاحه له ابد
وبعد ما رجعو من الملكه
احمد دخل البيت وهو يحس نفسه مهلوك من التعب وطلع الدرج دخل غرفته وقفل الباب وانسدح ع سريره وهو يتنهد ويقول:الحمد لله روان صارت زوجة فهد اللي أأتمنه على روحي
انقلب على ظهره وصار يتذكر كل الأيام المرة اللي مرت عليهم وتنهد بفرح وهو يقول:يبه روان ملّكت وخالد وسعود تزوجو
تنهد بإرتياح وقال:باقي أنا
كمل بحزن:والظاهر مالي حظ
شوي الا روان تفتح الباب وتقول بهمس:حمود صاحي
احمد رفع راسه وقال:إيه بغيتي شي
روان وهي تدخل وتجلس:مافيني نوم
أحمد طالع فيها وابتسم وقال:حضرت رغد
ليان استندت وقالت:إيه اكييد بتحضر
أحمد وهو يطالع بالسقف:شلونها
تنهدت روان وقالت:تمام بس احسها متضايقه من خطبتها
أحمد تنهد وقال:شلون متضايقه
روان:مادري كل ماحد جاب لها هالسيره تتضايق
احمد جلس بإهتمام وهو يقول:تتوقعي ترفضه
روان:قالت لي انها كلمت ابوها وقالت انها مو مرتاحه بس ابوها رد عليها يقول قد عطيتهم كلمة انك موافقه شلون اردهم الحين
تنهد احمد بضيق وهو يقول:يعني انتهيت انا
روان:حمود لا تقول كذا
احمد مسح على وجهه بضيق وقال:أبيها روان والله مابي غيرها
حزنت روان على احمد وقالت:يمكن الله مو مقدرها لك ما يصير تسوي كذا بنفسك
احمد حزن حيل وقال:مادري وش بيصير فيني لو تزوجت
تنهدت روان بحزن وهي ما تدري وش تقول له لأنه بجد يحبها وراح يتحطم حيييل لو تزوجت لأنه كان يبي يخطبها من أول بس كان يبي يضمن مستقبل روان وأمه لأنه الكبير وكل المسؤليه عليه وما حب يخرب حياته مع رغد بهالشي ويوم وفى به لقاها تروح منه
قامت روان وقالت وهي تخرج:نام حمود وراك دوام بكره
تنهد وقال وهو ينسدح ويتغطى باللحاف:تصبحين على خير
روان وهي تطلع وتقفل الباب:وانت من اهله
طلعت من عنده وراحت لغرفتها وهي تحس بالنوم بدى يثقل براسها
انسدحت على سريرها وقالت بتعب:متى بصحى هههههه يلا بس ابنخمد الحين
ونامت على طوول
...
فهد يتقلب على فراشه مو قادر ينام من الفرحه وكل اللحظات اللي قضاها معاها تمر بباله وكل شوي يفتح الدرج ويطلع العقد ويجلس يتأمله وكأنه مو مصدق انه ملّك عليها
حط العقد بالدرج وتنهد براحه وهو يقول:أخيرا الحمد لله
بدا ينعس ونام ع طول
...
باليوم الثاني ببيت ابو احمد في الصباح كلهم قاعدين ويفطرون شوي قالت امهم لسعود:ولدي متى بترد لدراستك
سعود:عندي اجازة شهر باقي لي منها 3 اسابيع
امه:زين الحمد لله بتطول معنا
سعود ابتسم وقال:الحمد لله
احمد كان مندمج بفطوره شوي قالت له روان:حمود
احمد طالع فيها وقال:هلا
روان:فاضي اليوم
احمد فكر شوي وقال:إيوه تبين شي
روان:ابروح لرغد اليوم عازمه البنات كلهم وارسلتلي قبل شوي تقول تعالي
تنهد احمد وكان يبي يصرف بس اسعفه سعود وقال:زين رورو انا بوديك وحمود روح وكمل لي إجرائات العوده للألمانيا
تنهد احمد وقال بخاطره بقهر:مافي شي منك يا سعود لله آه يالمصلحجي
ابتسم سعود وكأنه سمعه واحمد قال:زين يصير خير
...
بعد العصر روان تجهزت وخرجت من غرفتها وهي تقول لسعود:يلا سعود جاهزه
سعود وهو يقوم:زين يلا
طلع هو وياها وركبو السياره واتجهو لبيت رغد وصلت روان ودخلت البيت وطبعا رحبت فيها رغد ودخلتها لقت كل البنات موجودين وجلست وبدو يرقصون ويستهبلون
رغد كان باين عليها مبسووطه حيل وتستهبل ع البنات ومرة اخذو راحتهم لأن ماحد بالبيت غير هم ورغد وامها
شوي جلسو يتفرجون بالتلفزيون
رغد كانت جالسه وجنبها روان ومندمجين وكل واحده بيدها شيبس وياكلون
شوي قالت رغد:ما تصدقين رورو وش صار مع خطيبي
روان بإهتمام:إيش بسرعه قولي
رغد ضحكت كانت فرحانه حيل وقالت وهي تحضن روان:الملكه ما بتم خلاص قلب وجهه
روان انصدمت حيييل وقالت بصدمه:شلون ؟
رغد:مادري ابوه كلم ابوي امس وقال انه يبي يكمل دراسته برا وبيجلس 4 سنين بس يبي يتزوج بعد الدراسه
وابوي ما اقتنع ورفض وقال:لو فيه خير ما كان يأجل كل شوي لا ويبي يسافر وياخذ راحته بعدين يتزوج معلييش وانتهى كل شي
روان فرحت لرغد حيييل وفرحت بعد لأحمد وصارت تقول:زين الحمد لله يمكن فيها خير لك وله الله يكتب لك الخير
رغد:آمين يارب وياك
...
الساعه 10 الليل روان تدق على احمد تبيه يجي ياخذها بس هو ما يرد وبعد طول انتظار رد:هلا رورو
روان:وينك حمود يلا تعال خذني
احمد بضيق:رورو كلمي سعود ولا خالد
روان بإصرار:لا مابي الا انت تجي تاخذني بسرعه
احمد استغرب لأنو باين انها فرحانه وقال بإستسلام:زين يلا جاي
قفل منها وقام على طول وراح لها
صار موقف عند الباب بضيق ولاف وجهه عنه
شوي الا طلعت روان وركبت ومشو على طول
روان ما تحملت وقالت بفرح:حمود ملكة رغد ما بتم
احمد من الصدمه وقف وطالع بروان وقال:تتكلمين من جد ولا تمزحين
روان:والله جد
وصارت تحكيه وش صار معاها هي ورغد وهو بيتشقق من الفرحه
بعد ما خلصت قال:زين ابخطبها
روان بفرح:متى
احمد:ابكلم امي واشوف
وصلو للبيت وعلى طول احمد راح لأمه وقال لها كل البيت عرف بهالخبر وفرحو لأحمد حيييل
واتفق مع امه انو بكره يروح هو ويخطبها
...
باليوم الثاني احمد بالحوش وجواله على اذنه وينتظر ابو رغد يرد
رد ابو رغد:هلا والله بأحمد
احمد:هلابك عمي اخبارك
ابو رغد:تمام والله انت اخبارك عساك طيب
احمد:الحمد لله بصحه وسلامه
ابو رغد:بغيت شي يبه
احمد:والله عمي ابي اكلمك بموضوع ياليت لو تقول لي متى تكون فاضي واجيك
ابو رغد:ابد يبه فاضي الحين الله يحييك
احمد انبسط وقال:زين وينك عمي بمكتبك؟
ابو رغد:لا يبه الله يحييك ببيتي
احمد:زين يلا جاي
ابو رغد:الله يحييك فمان الله
احمد:مع السلامه
قفل ابو رغد ولف لأم رغد اللي كانت جالسه جنبه وقال:جهزي القهوه الرجال يبي يجي الحين
ام رغد:منو
ابو رغد:أحمد بن ...........<<ابو رغد يعرف احمد مو بس انه اخو صديقة بنته لا بينه وبين احمد اشغال كثيرة بخصوص شركته وشركة ابو احمد وغالبا ما يتقابلون في العمل
ام رغد:عساه خير
ابو رغد:خير ان شاء الله خير
قامت وصارت تسوي القهوه دخلت رغد المطبخ وهي تشم ريحة القهوه والبخور وعلى طول قالت:الله يمه مين بيجينا
امها:ابوك دق عليه احمد يقول جاي
رغد بإستغراب:منو احمد
امها:اخو روان
رغد ما جا ببالها وقالت بخاطرها:يمكن كالعاده اشغال بينه وبين ابوي
جلست وصارت تشرب العصير وتسولف هي وامها
...