الجزء السادس عشر
ببيت ابو احمد
احمد جالس بالصالة بعد ما خلصوا كل التجهيزات ويستنا امه وروان متى يخلصون من المشغل عشان يروح ياخذهم
شوي الا دق جواله رد:هلا خلود
خالد:هلابك اسمع انا بجيب امي وروان مع اريج انت روح وشوف محل الحلويات باقي ما مريته وما بيمديني امره باقي ما رحت الصالون
احمد وهو يقوم:زين يلا فمان الله
خالد:مع السلامه
راح خالد وجاب روان وامه واريج من المشغل وهم بالطريق قالت اريج:خلود فاضي بعد ما توصلنا للقاعه
خالد وهو يحك دقنه:لا باقي ما حلقّت
اريج:يوه وينك من اول سلامات
خالد:ما مداني ابوديكم واروح للصالون
اريج:طيب متى تلبس وتتجهز
خالد:ما عليه قدها ثوب وغتره مو دهانات الجزيرة اللي بوجيهكم
روان بقهر:وجع مالت عليك احلى منك ومن خشتك
خالد:هههههههههههههههههه اهم شي عصبتي
روان:ليه مو حلوين يعني
خالد:لا بسم الله عليكم زينااات
روان:إيه غصب عنك
خالد:هههههههههههههههههه
وصلوا للقاعة ونزلهم وع طوول ع الصالون
وهو بالصالون الا جواله يدق ورد ع طول:هلا بالمعرس وش بغيت
سعود بضحك:وينك
خالد:بالصالون
سعود بضحك:بدرييييييييييييييي
خالد:من عمرك كرفتني بالشوارع اطارد ورا اغراضك وزواجك والحين تجي تقول بدري
سعود:ههههههههه لا لو حلقت من امس
خالد:فاضي لك انا
سعود:زين مو لازم تحلق
خالد:لا بالله كأني دوبي خارج من السجن ولا لحية مطوع
سعود:شكلك حلو باللحيه الكثيره
خالد:الله يقرفك والله انه يجيب السومة
سعود:ههههههههه هيا بس حلّق وتعال للقاعه طفشاان ولا خلو انور وفهد يجوا يونسوني
خالد:زين جايين يلا فمان الله
سعود:مع السلامه
...
بعد التجهيزات والضغط الكبيير اللي ع خالد بدو المعازيم يجون وكانت الساعه 8 العشاء
روان وامها واريج يستقبلونهم ويبخرونهم وصباح اللي صارت وحده منهم من كثر ما تعلقت فيهم وصارت تحسهم مثل اخواتها كانت جالسه مع ريم وتسولف معاها عشان تقلل من توترها
صديقات روان المقربات كانو جالسين بطاوله ويسولفون ومندمجين ومعاهم رغد شوي الا جات وحده تمشي جهتهم من بعييد كانت لابسه فستان توب نيلي وقصير لنص الفخذ ولابسه عليه شراب اسود طوييل لنص الفخذ وكعب اسود عااالي كانت مكسره شعرها اللي صابغته اشقر رمادي ومبالغه حيل بمكياجها جلست معاهم بعد ما سلمت عليهم وهم بادلوها بإبتسامات مخلوطه بإستفاهمات وهي قالت بغرورها المعتاد:وين رورو
رغد:هناك تستقبل المعازيم مع امها
نورة:آها >>وبدت ترقع<<القاعه مرة ناايس بس احسها كبيرة بزياده والمعازيم قليل
وحده من البنات وهي بالحيل طاقيتها:دوبه الزواج بدا الحين بتتملى ما عليك
ضحكت نورة بغرور وقالت:زين كم مطربه بتجي
وحده من البنات قالت:اضن ثنتين
نورة:بزواج اخوي جبنا 4 مرة حمسو الزوااج ما انساه طول عمري اكثر زواج رقصت فيه
كل البنات صارو يسلكون لها ويدفدفونها بالكلام وهي ترقع لعمرها عارفه انهم مو طايقينها بس هالشي ما يهمها همها تنفذ اللي جات عشانه
وهم بنص الهرج طالعت ع الطاوله كانت فيه شنطه قريبه منها وعرفت انها شنطة روان لأنها كانت بلون فستانها سحبتها من غير ماحد يحس ورمتها تحت الطاوله اللي جنبهم وكملت سوالف مع البنات ولا كأنها سوت شي
...
بعد ما استقبلت روان وامها المعازيم وبدت الطقاقه تغني دخلت روان وامها واريج وقالت اريج لروان:رورو اخذتي دواك
روان:يووه وانا اقول وش فيني جيعانه ههههههه نسيته ابروح اخاذه الحين
راحت لصحباتها وسلمت ع نورة وقالت وهي تطالع بالطاوله:بنات وين شنطتي
البنات استغربو كانت قدامهم ع الطاولة رغد قالت:يوه كانت هنا قبل شوي
روان وهي تحط يدينها ع خصرها:بنات تكفون دواي نسيت اخذه تأخرت عنه حيل المفروض اخذه الساعه 6 المغرب
رغد وصحباتها قلقو وقامو يدورون لها روان حست بتعب لأنها جيعاانه ولازم ما تاكل شي قبل موعد الدواء بساعه وبعده بساعه جلست وهي تقول:رغد نادي امي يمكن حطت الدوا بشنطتها
راحت رغد وتنادي ام روان وصباح كانت نازله وشافه رغد وقالت لها:تبين شي؟
رغد عرفت صباح وقالت بعد ما سلمت عليها:ابي ام روان شنطتها ضاعت وباقي ما اخذت الدوا وتعبانه
صباح قالت لرغد بقلق:وينها
رغد اشرت لها ع الطاولة اللي جالسه فيها روان وقالت لرغد:خالتي فوق بالغرفه روحي ناديها
نزلت صباح عند روان وطلعت رغد تنادي امها جات امها وقالت لها:وين شنطتك يا بنتي دواك فيها ما اخذته بشنطتي
روان وهي تمسك ع بطنها:يوووه حطيتها ع الطاوله ومادري فينها
قامو صحباتها يدورون حول الطاوله بس ما لقيوها شوي قالت صباح:زين خالتي دقي ع واحد من اولادك يجيب لها دوا من البيت
امها:أخذته روان بعلبته والمستشفى ما يصرفون لك الا اذا تأكدو انك خلصتي العلبه اللي قبلها
تنكدو كلهم وقامو يدورون وسألو مسؤلات القاعه وقالو لهم انهم ما شافوها وصارو يدورون معاهم والحوسه ذي كلها ونورة تتفرج ومستمتعه
شوي دقت صباح ع فهد وما طول ورد:هلا والله
صباح بقلق:فهد باقي من دواك الـfk اللي صرفوه لك ببداية العمليه
فهد وهو يتذكر:ليه؟
صباح وهي تبعد عن الطاوله:روان نسيت تاخذ دواها وهو بشنطتها وشنطتها ضاعت والحين تعبت
فهد خاف وقال:لا ما بقى شي بس ابروح اجيب لها من المستشفى
صباح:شلون بتجيب لها
فهد:بطاقتي معاي بصرفه ع انه لي
صباح:زين بسرعه تكفى
فهد:يلا فمان الله
صباح:مع السلامه
ركب سيارته وعلى طول ع الحرس الوطني اللي كان قريب من القاعه صرف الدواء بعد طلعة الروح لأنهم عرفو انه خلصت جرعته وما صار يستخدمه لأنه متبرع ومو متلقي بس جلس يحاول لين ما صرفو له كميه بسيطه واخذها وراح على طول ع القاعه
وصل الدوا لروان واخذت جرعتها وراحت ترتاح فوق
اما صباح وصت ع مسؤلات القاعه يفتشون كل شبر منها عشان الشنطه ومشى الزواج طبيعي
...
بعد ساعه اكلت لها روان فطاير وحلى لين ما حست انها تحسنت وقامت عند صديقاتها وهم بنص السوالف الا وتجي وحده من مسؤلات القاعه وتفتش طاولتهم ومن تحتها وبعدها راحت للطاولة اللي جنبهم نورة بدت تتوتر لأن الشنطه كانت تحتها شوي طلعت الموضفه الشنطه وراحت واعطتها صباح
صباح جات عند روان وقالت بضحك وهي تطالع بصحباتها:رورو شنطتك كانت تحت الطاولة اللي جنبكم
روان بضحك حضنت شنطتها وهي تقول:بغيت اموت الحمد لله
صباح وهي تطالع بنورة لأنها فهمت كل شي قالت:في عدوينك ولا فيك
نورة شمقت ولفت وصارت تطالع في اللي يرقصون ع الكوشه شوي قالت لها روان ببرائه يوم شافتها باين انها طفشانه:قومي نورة نرقص
نورة ابتسمت بدون نفس وقالت:مافيني
قامت روان ومسكتها من يدها وقومتها وقالت:يلا بس قومي
قامت معاها وصارو يرقصون وصحبات روان انقهرو ع طيبة روان الزايدة جلست معهم صباح وقالت:وين روان
رغد:ترقص هي ونورة
صباح وهي تطالع بنورة:قامت ترقص مع هالحية
ضحكو صحبات روان وقالو:تعرفينها
صباح بضيق وهي تلاعب ليان اللي بحضنها:بنت عمي
انصدمو البنات وقالت رغد:روان تعرف؟
صباح:لا ما تعرف
رغد:وجع مره غثيثه قطت معانا العزيمه الي فاتت والزواج بعد مالت عليها
صباح:مع نفسها اخر شي افكر فيه
...
بعد ما وقفت الأغنيه نزلت روان ونورة وروان تضحك معاها من قلب ونورة تسلك جلسو ع الطاوله وطالعت نورة بصباح بإستحقار وصباح ابتسمت بخبث ولفت وجهها عنها
روان صبت لنورة قهوه وقالت لها:تقهوي ما اكلتي شي
قامت صباح لأنها تضايقت من طيبة روان بس روان قالت لها:وين رايحه؟
صباح:ابروح لريم تبين شي
روان:اعطيني ليان وطسي
صباح ضحكت واعطتها ليان وروان صارت تلاعبها وتضحك معاها وليان مبسوطه
صباح كانت طالعه وانتبهت لجوالها يدق ردت من دون ما تشوف:هلا
فهد:ما بغيتي انتحرت
صباح:هههههههه سوري ما انتبهت للجوال وش بغيت
فهد تنهد وقال:الله يهديك اقلقتيني هاه شلون روان الحين
ابتسمت صباح وقالت:تمام الحمد لله جالسه مع صحباتها ومبسوطه
فهد تنهد براحه وقال:زين يلا فمان الله
صباح:مع السلامه
شوي قال:صباح صباح
صباح:هلا
فهد:حضرت نورة؟!!
صباح:إيه وش دراك
فهد:شفت السواق عند الباب ونزلت هي من عنده وعبايتها مفتوحه اعوذ بالله ما تستحي ع وجهها لا وتبيني امي اتزوجها بعد والله لو تلحس السما
صباح:ههههههههههههه من يومها حقيرة
فهد:يلا باي ابروح لحمود
صباح:باي
قفل منها وراح لأحمد وكملو طقطقتهم على سعود
...
الساعه 1 تمام بدت زفة ريم انفتح الباب الذهبي وتوجهت الأنوار عليه وطلعت ريم منه وهي مبتسمه وبيدها مسكه ورد طبيعي احمر وابيض وفستانها ابيض توب وطويل ونفشته مو مرة ومبين رشاقتها وبأطراف ذيله اللي طوله متوسط لون احمر مع فيونكه كبيرة بالظهر لونها احمر
وقفت بنص المسار وانتهت زفتها وتوجه نضرها للباب اللي بيطلع منه سعود
توجهة الأنوار لهالباب وبدت زفته وطلع وهو مبتسم وعيونه ما فارقتها مشى لين ما وصل عندها ومسك يدينها وباسهم وقال بصوت واطي:نفسي نطير من الحين
ضحكت ريم وقالت:على هونك توها الزفه
مسكت ريم ذراعه وبدت المصورة تلقط صورهم ومشو لين وصلو للكوشه جلسو وهم من فرحتهم حاسن الكون مو واسعهم جات امه وروان وسلمو عليه وباركو له وبعدهم جو خالاته وعماته وسلمو عليهم وباركو لهم بعدها جلس سعود شوي وقام وهو يقول لريم:نص ساعه وماشين
ريم:شلون؟
سعود بضحك وهو يبوسها بخدها:إللي سمعتيه
طلع من القاعه وصار يحسب الثواني بعد متى تطلع هي ويطير فيها
وبعد نص ساعه طلعت ريم وراحو للفندق
اما بالقاعه جلست اريج وامها وصباح وامها وروان وامها ونورة ع ان السواق تأخر <<يا حرااام
الامهات جالسات مع بعض اما روان كعادتها مفسخه كعبها ومتمدده ع الكراسي وبحضنها ليان وصباح كانت جالسه مع اريج وطبعا نورة قاطه معاهم
روان عرفت انها تصير بنت عم صباح لأن صحباتها قالو لها
دق جوال صباح وكان فهد وكعادته هو بيوديهم
طالعت روان بنورة وقالت:تأخر عليك السواق حيل
نورة سوت انها متضايقه وقالت:إيه كرييه كل ما احدد له وقت يجي فيه يتأخر ويتعذر بطلبات امي
روان ببرائه مطلقه:زين ما عليه روحي مع صباح
صباح سمعتها وكان ودها تصفق روان انقهرت حييل وجات بتتكلم الا امها قالت لنورة:تعالي يابنتي خلينا نوصلك معانا ما يصير تجلسن بلحالك
وقتها حست صباح بضييييق وكانت تبي تروح مع انور بس بنفس الوقت قالت بخاطرها:أكيد تبي تسوي شي مع فهد لازم اكون متواجده <<هع هع الـfpi هههههه
نورة استغربت ان روان قالت لها كذا وقالت بخاطرها:غريبه ما تغار ع فهود اكيد مشاعرهم من طرف فهد بس وضحكت من دون نفس وقالت بخاطرها:زين فهودي انا بتوبك
طلعت مع صباح وعمتها وفهد كان واقف بسيارته واستغرب يوم شافها لا وتركب سيارته طالع بصباح وهو مقهووور وطالع بأمه اللي قالت وهي تقفل الباب:معليه حبيبي وصل بنت عمك تأخر عليها سواقها
هي من يوم ما ركبت وعيونها ع المرايه والعبايه سبحان الله تنفتح من حالها ونورة سبحاان الله ما تنتبه لها
فهد تضايق حييل منها وقال:يمه
امه:نعم
فهد بخبث وهو عرف وش اللي ينرفزها وقال:شلون الزواج اليوم انبسطتو
امه بدت تسولف:الحمد لله انبسطنا <<امه كانت بسوالفها تتحاشي تطري روان
شوي قال هو بخبث:وروان شلونها تحسنت يوم جبت لها الدوا
صباح فيها ضحكه بعد ما فهمت سالفته وامه قالت:إيه الحمد لله بعد هي الله يهديها المفروض ما تنسى موعد دواها
صباح:هي جابت الدوا معاها بس الظاهر احد حط شنطتها تحت الطاوله وما انتبهت لها
فهد وهو يكلم صباح:لقيتو شنطتها؟
صباح:إيه موضفات القاعه وصيتهم وطلعوها
فهد:وش يوديها تحت الطاوله؟
صباح بضحك:الله العالم
فهد فهم وحس انه تنرفز لهالدرجه توصل لا وبعد روان بطيبه قلبها ما تستاهل احد يسوي فيها كذا
وصلو لبيت عمه ونزلها وبس قفلت الباب وقال لصباح:صباح هي حطت الشنطه تحت الطاوله
صباح:شفتها حمرت وخضرت وصفرت يوم طلعتها الموضفه من تحت الطاوله
امهم وهي متنرفزه:لا تظلمي البنت وبعدين انت وش عندك تسولف عن اخت صاحبك لا وقدام نورة وش تبي بالزبط
فهد بضحك ع نرفزة امه:نيتي صافيه يمه صفي نيتك
امه:انا تقول لي هالكلام
ضحك وقال:والله يمه اني احبك
صباح:هههههههههههههههههه
امه:انطم احسن لك
فهد وهو يكتم ضحكته:امري ياقلب ولدك
وصل صباح بيتها وراحو لبيتهم
وعلى طول ع غرفته ودق ع صباح وردت ع طول:هلا والله
فهد بضحك:كملي السالفه بسرعه
صباح:مرة حقييرة ما توصل لدرجه تحرمها من دواها
فهد بقلق:روان تعبت حيل ولا شلون
صباح: مو تعب عشان الدوا لا بس كانت جيعانه حيل عشان ما اكلت شي وباقي تصوم بعد الدوا بعد عشان كذا تعبت
فهد تطمن وقال:والله لو كان صار لها شي ما تخرج نورة من سيارتي سالمه وجع بززززره
صباح:انا مو قاهرني غير ان روان طيبه حييل معاها تخيل شافتها مكشره وقامت مسكتها ورقصت معاها وتقهويها وتعاملها كأنها اقرب وحده لها
فهد تنهد وقال:مثل هالناس يبي لهم بالنعال
صباح:وقليله فيها بعد
تنهد بضيق وقال:إيوه ووشلون انور عسى خفت سخونته
صباح:إيه الحمد لله تحسن
فهد:وليونتي انبسطت اليوم
صباح بحنان:وين ما تكون روان ماعاها تنبسط حييل لا مسكتها وصارت تلاعبها
فهد ضحك وقال:أعطيني اكلمها
تنهدت وقالت وهي تمسح ع شعرها:نامت
فهد:خساره تخيلي اغلب الصور بجوالي صورها وحطيت وحده بالعرض وشافها احمد قعد يطقطق علي يقول ذبحتني روان بهالبنت
ضحكت صباح وقالت:يلا عاد لا تنتشر صور بنتي
فهد:لا ما عليك وحتى لو انتشرت بزرة
وصارو يسولفون لين ما حس فهد بالنوم يثقل براسه وقفل منها وانخمد
...
بالفندق عند سعود وريم
ريم طالعه من الحمام بعد ما بدلت فستانها وكانت متوتره حيل
سعود كان برا وتوه داخل وطالع فيها وابتسم وقال:منورة الغرفه
ابتسمت ريم وهو جلس جنبها وقال:جيعانه ولا بلاش عشا
ريم:لا جيعانه
ابتسم سعود وقال وهو يحط يده ع كتفها من ورى ظهرها وقال:زين طلبته الحين يوصل
سعود صار مسرح وعيونه عليها وهي ارتبكت حييل شوي قال وهو يمسك يدينها:مو مصدق انك زوجتي ما كنت متوقع ابد انك توافقيين
ريم بضحك:ليه يعني لهالدرجه
سعود:من كثر ما كنت اناقرك بس يلا فهمتيني ههههههه
ريم:هههههههه
سعود سكت شوي وقال:رحلتنا بعد اسبوع وين تبي نقضي هالإسبوع
ريم:بجده عشان لا صرنا بنسافر نكون قريبين من اهلنا
سعود:ما عليه بنرجع قبل الرحله بيومين
ريم:زين ع راحتك
سعود:ودي نسافر الشرقيه
ريم استانست وقالت بحماس:إيه
سعود:زين خلاص نجلس يومين بجده وبعدها نسافر للشرقيه نجلس هناك 3 ايام ونرجع قبل الرحله بيومين خلاص
ريم بفرح:خلاص
شوي الا الباب يدق فتح واخذ العشاء وجلسو يتعشون هي بدت تتوتر مرة ثانيه واكلت شوي وجات بتقوم الا قال:ريم خلاص شبعتي
ريم:إيه الحمد لله
سعود مسكها بيدها وجلسها وقال:ذي الجيعانه ما كلت الا لقمتين يلا بس تكملين اكلك ولا اكلك غصب عنك
ريم:مالي نفس سعود
سعود:زين يعني أأكلك غصب؟
ريم بخوف:لا
سعود:يلا كلي بسرعه
صارت تاكل بتوتر شوي خلصو عشا وتمطط سعود وطالع بريم وقالت:هاه شبعانه الحين
ريم بضحك:إيه
سعود مسك يدينها وقربها منها وقال وهو يتنهد ويبوسها بخدها:أحبك
>_<
...
بعد يومين من الزواج ببيت ابو فهد الساعه 4 الصباح فهد صاحي من النوم ويطقطق ع البيبي شوي حطه جنبه وجلس وهو يقول:ياليل النكد مادري شفيني هاليومين منحااس
شوي قام للحمام وقال:اباخذ لي شاور ع بال ما يأذن الفجر
بعد ما تروش وطلع جلس ع سريره وتنهد بضيييق تذكرة احمد وضيقته اللي هالايام وقال:نفسي اعرف وش فيه وليه ما يقول لي
شوي قال:لا واللي يزيد النكد نورة الحقيرة شابكه خطها ازعاج هاليومين
انسدح ع السرير وهو يتنهد ويحط يدينه ع وجهه ويقول:وصباح بعد ما جات ومادري ليه احس انها وحشتني هي وليان وسكت شوي وقال ودوامي بعد زفت هالأيام ونومي متلخبط
جلس وهو يقول بتعب:آآآآآآآآآآآه نفسي آخذ إجازة مفتوحه واسافر فترة نقاهه من دون ما اخذ معاي احد حتى جوالي بنساه عشان ماحد يدق علي
شوي ابتسم وضحك وصار يقول بخاطره:مو ما اخاذ احد معاي ابي بس روان معاي
تنهد بضيق وقال:المشكله كل ذي احلاام وامي رابطتني بهالنورة وجعع علي حظ زي قباحة اخلاق نورة لا أحسد عليه
قام وهو يسمع اذان الفجر ولبس ثوبه وجا بيفتح الباب ويطلع الا تذكر جواله رجع واخذ جواله وبوكه ومفتاح السيارة ومشى للباب الا وابوه يفتح الباب ابتسم فهد وابوه قال:غريبه صاحي بدري وامس اقوم فيك بالحيل قمت
ضحك وقال:نومي ملخبط مرة انام بدري مرة انام متأخر
ابتسم ابوه وقال:يلا يلا الصلاه
خرج فهد من الغرفه مع ابوه وراحو يصلون بالمسجد
بعد الصلاة طلع من المسجد وطالع بالسماء وقال:حلو الجو اليوم ينفع للبحر
ابوه قال:بتروح الحين؟؟
فهد وهو يمشي مع ابوه للبيت:ايه تجي معاي انت وامي ما ورانا شي
ابوه:لالا الله يستر عليك ابي ارقد انا
فهد:ههههههههه زين ابروح انا لحالي
وصلو للبيت وابوه دخل اما هو دخل وبدل ملابسه و ركب سيارته واتجه لأبحر
شوي جاته فكره براسه دق ع صباح وردت وصوتها كله نوم:هممم
فهد بضحك:قومي صليي
صباح:صليييت وش عندك
فهد:ليان صاحيه
صباح:ايه دوبها صحيت ما خلتني انام
فهد:زين ابمر اخذها بعد اذنك انتي وانور
صباح:وين ان شاء الله
فهد:يللعن يومين ما جيتي الشوق مقطعني
صباح:هههههههههه يعني بتروح وترقدها انت
فهد:لا اباخذها معاي البحر تتشرّع
صباح:ههههههههه حلوة تتشرّع زين بس انتبه لبنتي لا تسمّر ترى بياضها غالي
فهد:هههههههه ابحرقها مو مسمرها بس
صباح:جرب وربي لتزعل
فهد:ههههههه زين طلعيها لي شوفيني عند الباب
صباح:زين ابشاور انور واطلعها لك
فهد:بسرعه
صباح:طيب باي
فهد:باي
فقل منها وصار موقف ويستناها
انور يوم قالت له صباح قال:عطيه بالله ابي ارقد لها ساعه تغني بصوتها كله ازعااج
صباح:ههههههه زين
قامت لبستها وحطت لها غيار واغراضها بالشنطه ونزل انور واعطاها فهد وهو يقول:لا اوصيك عليها رجعها بعد اسبوع
فهد:هههههههههه شكلها فاقعه قلبك
انور:لآخر حد بعد
فهد ضحك وركب وهي بحضنه وع البحر
اول ما وصل البحر وقف عند المرسى واستأجر له بوت نص ساعه وليان انبسطت صارت تضحك وتغني بكلام مو مفهوم
بعد هالنص ساعه راح وسبح هو وليان وبعد السباحه اخذ البساط من سيارته وفرشه وانسدح عليه هو وليان ليان ما كانت لابسه غير البربتوز وهو بس لابس شورت
فهد مستمتع بليان اللي مره تنسدح ومره تقوم وتخبط ع بطنه وتضحك والوضع عاجبها شوي اخذ جواله وصورها وهي لابسه نضاراته الشمسيه ومنسدحه ع ظهرها والشمس عليها وكانت تضحك وارسلها لصباح وكتب:والله بنتك صايعه عايشه الجو كنها بالبرازيل تتقلب ع بطنها شوي ع ظهرها ههههههه
صباح اللي بتدخل بنومها رنت نغمة الرسايل بجوالها وعرفت انه هو وفتحت رسالته و قرتها وضحكت وارسلت:ههههههههههه والله لو سمرت يا فهد ما يصير لك طيب
فهد:وش بتسوين يعني روحي انخمدي بس خربتي علينا جونا
صورت ليان اللي ارسلها لصباح حطها بالعرض وكتب بالبروسنال"أحلى صباح مع ليونتي ههههههه"
احمد اللي كان مع روان ع البحر هو وياها فتح جواله وشاف التحديثات شاف صورت ليان وضحك وقال:روان شوفي مين ذي
روان شافتها وضحكت وقالت:فديتها ليان تجنن
احمد:هي وفهد موجودين بالبحر الحين وكمل وهو يضحك مجنووون
روان:هههههههههه
سكتت شوي وقالت:أحمد شوف وينه وروح جيب لي ليان
احمد بضحك:لا بعد انجنيتي انتي
روان بإصرار:تكفى خليني انا وياها بسيارتك وانت روح مع فهد
احمد:هههههههههه تستهبلين شلون اخليك لحالك
روان:لا تروحون بعيد حولنا تكفى يلااا
احمد شافها مصرة وقال:زين
دق ع فهد وما طول ورد:هلا والله بأبو حميد
احمد:هلابك ليش ما قلت لي انك بتطلع البحر كان طلعت معاك
فهد:ههههههه والله جات براسي وانا طالع من المسجد بعد الصلاه ومريت ليان واخذتها وخرجت خفت تكون نايم وازعجك
أحمد:وين نايم انا وروان الحين بالبحر وينك خلني اجيك
فهد بفرح:جد ولا تستهبل
أحمد بضحك:جد والله روان تبي ليان نخليها عندها ونجلس حنا
فهد بتواكل:إيه والله ملابسها غرقانه وتعرفني مو حق بزارين خلها تبدل لها
أحمد:هههههههههه زين وينك ابجيك
فهد صار يقله لين ما شافه نزل احمد من السياره وراح لفهد اللي كان حامل ليان ولافها بالمنشفه وشنطتها بيده عطاها احمد بعد ما سلم عليه واحمد وداها لروان
فهد طالع بروان اللي اخذتها وحطتها بحضنها وصارت تلاعبها وشاف احمد يكلمها
احمد قال لها:غيري لها البربتورز غرقان
روان وهي تفك المنشفه عنها:هههههه زين اذلف
ضحك احمد وضربها بخفه ع كتفها وراح لفهد
فهد يوم شاف احمد جاي ناحيته لف وجهه جهت البحر وهو اللي كان مبتسم وعيونه ع روان
جلس احمد معاه وصارو يسولفون عن دواماتهم وخرابيطهم
اما روان تغير لليان ومستانسه شوي الا ليان صارت تبكي وترافس برجولها
مسكتها روان وهي تقول:بس حبيبي شفيك
ليان وهي تبكي:ننه ..ننه
ضحكت روان وهي تقول:شكله جوعك فهد
فتحت شنطتها وشافة حليبها ومعاه ترمس فيه مويه حارة وملصق ورقه ع الحليب صباح كتبت فيها"الساعه 7 رضعها لا تنسى "
طالعت بساعتها وضحكت وقالت:والحين الساعه تسعه هههههه
سوت لها حليب وحضنتها وصارت ترضعها وتغني لها لين ما نامت
ابتسمت بحنان ولفت وصارت تطالع بأحمد وفهد اللي متكين ع سيارة فهد ويسولفون
احمد يقول لفهد:كنك سبحت
فهد بضحك وهو يفتح السياره وياخذ تيشيرته ويلبسه:إيه انا وليان
احمد:ههههههه شلون تاخذ بزر معاك بالبحر انا اجي عشان اروق واريح
فهد:أعشققها ليان ما استغني عنها ابد غيير عن كل البزران
احمد:هههههههههه مجنوون
فهد ضحك وقال:يلا ابروح انخمد ما نمت زين بالليل
احمد وهو يصافحه:باين بعيونك محمره يلا فمان الله
فهد وهو يركب سيارته:فمان الله وش رايك تاخذون ليان
احمد:ههههههه تخيل بس والله بتنبسط روان
فهد:هههههههههههه ايه وتذبحني صباح
احمد:هههههههههههه زين رايح اجيبها
راح للسيارته وفتح باب روان وهو يقول:يلا فهد بيروح ناخذها معانا
روان بفرح:إيه
احمد:هههههههه يلا بس هاتها بوديها له
شوي قال:أوه نامت
روان:إيه فديتها
احمد وهو يبوسها:ماألوم فهد تجنن بسم الله عليها
أخذها ووداها لفهد وركب سيارته ورجع كل واحد لبيته
...
فهد دوبه داخل البيت بعد ما ودى ليان لصباح
دخل غرفته وانسدح ع سريره حاس ان النوم طاير من عيونه يتقلب ع فراشه وروان ما فارقت باله
تنهد بضيق وقال:الله يفرجها
تذكر كلام امه له بعد ما فاق من العمليه وكان بعد انور موجود اللي خلاه يفقد الأمل قالت له"فهد وش قلت بنورة ..فهد:يمه مو وقته خليني اتحسن شوي..أمه بحزم:زين بس ابي اوصل لك شي لو ما ارضيتني بها اعرف اني مو راضيه عليك طول حياتي "
انتهى كل شي بكلام امه هذا وصدمته بكلام امه
تنهد وغطى راسه بلحافه وهو يقول:لو ما قالت كذا كان انحلت السالفه مثل ما تبرعت لها بتزوجها اكلم ابوي وينتهي الموضوع بس امي بعد ما يصير اتجاهل هالشي
تضايق حييل وحس بضيييقه وقال بإنفعال:شلون اتزوج ذيك النجسه ووشلون بعيش معاهاوتكون أم لعيالي
حس بإشمئزاز بمجرد تفكيرة بهالشي وقال وهو يدخل راسه تحت المخده:يااااارب كون بعوني انت تعلم نيتي
شوي جاته رساله بجواله فتحها طبعا رقم نورة اللي مو مسجله عنده فتحها وكانت كاتبه "صباح الخير فهود اذا فاضي اليوم ابوي يبيك بموضوع ويبيك تمره بالبيت"
فهد ما رد عليها وقفل جواله وهو يقول:وش يبي بعد هالعم اذا صحيت يصير خير
وما صدق بدا ينعس ودخل بنومه
...