...
بالعصر صباح قاعده هي وانور بالصاله بعد ما صحي من نومه <<عشان الدوام
وكانو يتقهوون شوي قالت صباح:انور ابي اروح لأهلي
انور ابتسم وقال:من عيوني
ضحكت صباح وقالت:تسلم لي هالعيون وراعيها
انور تنح نح وقال:تبي تخربيها شكلك
صباح:لا لا تكفى خليني اروح لأهلي اول بعدين يصير خير
انور:بعد لك نيه
صباح:ههههههههههههههههههه هيا ابروح الحيين
انور وهو يطالع بالساعه:عندي مشوار الحين
سكتت صباح وما ردت وهو طالع فيها وابتسم وقال:زين اوديك بعدين اروح مشواري
ابتسمت صباح وقالت:اوكي
انور:هيا بسرعه اجهزي
قامت وراحت لغرفتها وبدلت ملابسها وبدلت لليان وتجهزت وجهزة اغراض ليان<<يالنشبه هالبزاريين
المهم ماعلينا
طلعت من غرفتها وانور كان واقف بالصاله وبيده مفتاح سيارته وقال لها وهو يلعب بالمفتاح ويطالع فيها:نبطل ونجلس
صباح وهي تزبط عبايتها:قلت لك لا رجعت يصير خيير
انور:ياليييل زين يلا بسرعه
انور شال عنها ليان وهي قالت:عادي لو شلتها انا خلاص صرت اشوف
انور:ههههههه لا بس كفايه تشيلين هالعفش<<يقصدشنطة ليان وشنطتها
صباح:ههههههههههههه
طلعو ومشو ع طوول لبيت اهلها
...
ببيت ابو فهد
دخلت صباح ع خرجة فهد طبعا انور حطها عند الباب وراح لمشواره فهد يوم شافها لحالها قال:وين انور شلون يخليك وحدك
قرب منها وشال عنها ليان والشنطه وصار ماسكها من يدها عشان يدخلها
وهي ع طول ضحكت وما عاد قدرت تسسكت
طالع فيها فهد وهو مستغرب وقال:دغدغتك انا!! شفيك؟
صباح:طالع صح
فهد بذهول:إيه
صباح:وين؟
فهد بصدمه:لأحمد
صباح:زين كم مرة لبست هالتيشيرت غيره
فهد طالع فيها وقال بصدمه:انتي تشوفين
صباح:ايه اخيرا
فهد حس انه في حلم وع طول قال وهو يأشر بأصابعه:كم هذا
صباح انفرطت وقعدت تضحك وقالت:اثنين
فهد باقي مصدوم صفقها ع وجهها بخفه وقال:صباح من جد
صباح وهي تشيل ليان منه و تدخل:لمتى بجلس واقفه برا ايه من جد يلا بس
فهد دخل وراها وقال:زين رحتي للمستشفى
صباح:إيه اعطوني علاج للصداع وبس يقولون كان عندي عمى مؤقت
فهد بفرحه:الحمد لله لا مو مصدق
صباح:امي وينها
فهد:جوا بالصاله
صباح:زين طس لأحمد انت
فهد:ههههههه حلوة منك
وخرج وصباح دخلت وفاجأة امها وابوها بهالشي اللي قامو يحضنونها ويباركون لها وفرحو لها حيييل
...
بعد 3 ايام
اليوم هو يوم ملكه سعود
روان واريج اتفقو يروحون للمشغل مع بعض وريم بتجيها الكوفيرة بالبيت
روان جالسه بغرفة خالد وتستناه يخلص عشان هو اللي بيوديهم
كانت جالسه ع سريره وهو واقف قدام المرايه ويزبط شماغه
طالعت بغرفته وقالت:تسوّم بالكبد الله يقرفك
خالد بإستغراب:منو انا؟
روان بضحك:لا غرفتك ودي اصورها واوريها اروجتك
خالد:هيا سويها وربي لتتكفخين
روان:زين عدلها شلون تعيش فيها بالله
خالد:وينك عني انتي اختي
روان:لا والله اختك مو شغالتك
خالد:زين ماحب الشغاله تدخل غرفتي ما يصير تتطوعين وترتبينها لي
روان تطالع بملابسه مرميه ع الأرض الوسخه ع النظيفه والدولاب مفتوح وكم طالع وكم نازل وجزمه مرميه جنب الدولاب وتحت السرير
قامت وهي تسحبه من ذراعه:يبيلها يومين عشان تنظف يلا بس بنظفها اذا رجعنا
خالد استاانس حنت عليه روان وقال:يلا اجل لا نتأخر ع اروجتي
شوي الا جوال روان يدق طالعت وقالت:هاه ذي اروجتك تدق
سحب الجوال من روان ورد هو:هلا والله بأروجتي
اريج:يوه من وين طلعت انت
خالد:ليه ما تبيني
اريج:لالا مو كذا بس يلا تأخرتو
خالد بضحك:زين خلاص بالطريق حياتي
اريج:يلا باي
خالد:باي
قفل وروان مدت له يدها وقالت:ممكن الجوال لو سمحت
خالد عطاها الجوال وقال وهو يركبها السياره:ابقول لك شي عن حمود
روان:وشو
ركب وقال بضحك:شي خطييير
روان:أيش
خالد بإستهبال وهو يحرك السياره:انا وسعود اجرينا عليه كذا اختبار لين ما تأكدنا من هالشي
روان:الله يستر منكم ايه وش النتايج
خالد:تخيلي صرنا كل ما نجلس نفتح سالفه عن صحباتك وبعدها نجيب سيرة رغد الأخ ينتفض ويبدا يركز بكل حواسه لا واحيانا يقول"بس لا تتكلمون عن بنات الناس"
روان:يلا عاد لا تكثر وبعدين وش له تتكلمون عن صحباتي ما تستحون
خالد:قلت لك اختبارات والله حمود يحب رغد
روان:طيب وإذا يحبها بعدين
خالد تشمممط وقال وهو يلف وجهه عنها:زين شكرا ع التشميطه
روان لفت وجهها عنه وهي تقول:عفوا يلا بس اركب ورى عشان اريج تجي قدّام
خالد وهو يوقف قدام بيت عمه:إيه اريح لي
روان بضحك وهي تفتح الباب:هههههههههههه مع نفسك
نغّم خالد ع اريج وطلعت ع طول وركبت وراحو ع طوول للمشغل
...
ريم بالبيت والكوفيره تزبطها وكل شوي تقول لها تعدل شي وترجع تطالع بالمرايه وتقول لها تعدل امها طفشت منها وقالت:بس ريم مزبوط وش تعدل
ريم:يمه الرسمه عريضه زياده
الكوفيره:والله احلى عليك
ريم مو مقتنعه وامها قالت: هيا ريم بلا دلع خلصي بسرعه
ريم بقهر:إيه ما تعرفين سعود بينتقد ويجلس يضحك وانا اتشمط
امها ضحكت وقالت:والله انك قمر ما راح ينتقد ولا شي
ريم وهي شوي وتبكي:مابي لا تعرضينها
الكوفيرة:أوكي الي يناسبك بأعملو وانتي شيلي هالمرايه بعد ما اخلص كل شي شوفي
ريم استسلمت لأن الكوفيرة بدت تتنرفز
شوي قالت:يمه زبطتو الكوشه وخلصتو كل شي بالقاعه
امها:إيه خلاص ارتاحي
ريم سكتت شوي وقالت:والورد لا ينساه السواق
امها:زين مو ناسينه
برضو شكتت شوي وقالت:فستاني بخرتيه يمه
امها:إيه بخرته
شوي قالت:يمه اريج خلصت ولا باقي
امها:يالييييل لا باقي خلاص اسكتي
ريم تنهدت بضيق وقالت:ماحد حاس فيني
امها:ههههههههه اقوول والله انك مكبرة الموضوع بزياااده
...
بعد ما خلصو روان واريج من عند الكوفيره دقو ع خالد يمرهم وما طول الا وجا طلعو وخالد قال لهم:البيت ولا القاعه
اريج:القاعه خلاص كل شي جاهز
خالد بخبث:زين نودي روان القاعه وانتي شوي وبعدين اوديك
روان كتمت ضحكتها وبنفس الوقت حست انها متفششله اما اريج قالت:لا سووري رجلي برجل روان
خالد:هههههههههههههه هيا اريج تكفين
اريج:انت اللي تكفى بالله فكني بعد الملكه ممكن
خالد بحماس:والله
اريج طلعت لا شعوريا:إيه بس مو مرة
روان ورى انحشرت ولو بيدها فتحت الباب وطبت اما خالد صار يضحك ع اريج ومو قادر يسكت
وصلو للقاعه وروان ما صدقت توقف السيارة وتنزل ع طول انتبه خالد لهالشي وصار يضحك ويقول لأريج:شوفي روان ما صدقت شردت ههههههههه
اريج:هههههه حرام عليك
دخلو القاعه ما كان فيها احد بااقي لأنو الساعه كانت 6 المغرب قعدو يزبطون ع بال ما يجون الباقين شوي الا وصلت ام روان وام اريج وريم وشوي من المعازيم اللي يقربون لهم مرة سلمو عليهم وضيفوهم وكملو التجهيزات
وهم منشغلين يحطون اخر اللمسات ع الكوشه الا جوال روان يدق طالعت لقيتها صباح<<صباح اندمجت مع هالعائله حييل وصارت تحس ان روان وبنات عمها مثل اخواتها وترتاح لهم حييل وصارت تحب تقضي اغلب وقتها معاهم>>ردت بفرح:هلا والله بصبووحه اخبارك
صباح:هلابك ياقلبي تمام انتي اخبارك
روان:بخير الحمد لله
صباح:رورو انا برا في ناس كثير جو ولا باقي
روان:لا مو مرة كثيرين ماعليه جايتك الحين
صباح:زين بسرعه الله يسعدك
روان:اهم شي جبتي ليان
صباح:أكيد مع منو بخليها قلب امها
روان:يالبييه اهم شي هي هههههه
صباح:وامها وجدتها
روان:كلكم والله بعيوني
صباح كانت بتزل وتقول وخالها بس مسكت نفسها وقالت:زين تعالي خذيها اذا تحبينها ذبحتني
روان:جاايه ثوااني يلا باي
صباح:يلا باي
راحت لها روان وانخبلت يوم شافه ليان
كانت لابسه فستان بنفسجي وابيض وعليه بندانه نحيفه ع راسها وأول ما شافه روان مدت لها يدينها وصارت تقول:هته هته
ابتسمت روان وحملتها وباستها وقالت لصباح:تجنن عادي آكلها
صباح بإستهبال:تفداك
روان:هههههههه
ورجعت تبوس ليان بخدها
شوي سلمت ع ام صباح ودخلتهم للقاعه وهي تأشر لهم ع الطاوله اللي امها وعمتها جالسين فيها
راحو وجلسو معاهم شوي وبعدين قالت صباح لروان:وين اريج؟
روان:فوق عند ريم تعالي خلينا نطلع عندهم
صباح حطت ليان عند امها وقالت:يمه خليها عندك شوي
طالعت امها بخد ليان وشافه طبعه بوسه روان وقالت بإستهبال:مين باس حفيدتي كذا
روان بضحك:أنا
جات بتمسحها بس قالت صباح:لالا خليها احلوت بنتي بهالبوسه
ضحكت امها وخلتها وطلعت صباح وروان لريم فوق
دخلو وسلمت صباح عليهم وجلست معاهم وبدو سوالفهم
وكلهم مبسوطين ان حاله صباح النفسيه تحسنت حييل ورجعت مثل اول واححسن
شوي كانت صباح تسولف مع روان شوي الا جوال صباح يدق رفعته لقيت فهد يدق وقالت لروان وهي ترد:عن اذنك وردت:هلا فهود
فهد:هلابك وينك قريبه من الباب
صباح:لا ابد فوووق
فهد:الله لا يهيينك انزلي وخذي الورد نسيه سواق الغفله وجابه احمد وعطاني اياه
صباح:هههههه زين نازله
فهد:يلا باي
شوي قال:صباح صباح
صباح:همممم
فهد:جيبي ليان معاك
صباح:يالييل
فهد:أسألك بالله تجيبينها
صباح:طيب طيب خلاص
فهد:يلا باي
صباح:باي
قفلت منه وقالت لروان:معليش ابنزل اجيب الورد من فهد تحت يستناني
روان:لا عادي خذي راحتك
نزلت ومرت ع امها واخذت ليان وراحت لفهد
اخذت الورد واعطته وحده من الموظفات بالقاعه تطلعه فوق وفهد اخذ منها ليان وصار يلاعبها ومنندمج شوي انتبه للبوسه اللي ع خدها وقال لصباح:مين باسها لا تكون شفايفك الخايسه
صباح:هههههههههههه مو انا روان بعدين ما تشوف البوسه حمرا وانا روجي وردي
فهد ما استوعب الا ان روان هي اللي باستها وضحك وقال:روان ما غيرها
صباح:ايه ليه؟
فهد وهو يطالع بالبوسه:ذي الشفايف ولا بلاش مو تقول لي...
وطالع بشفايف صباح ع انها مو عاجبته
وصباح صارت تضحك عليه وهو مسح البوسه من خد ليان وقال:يلا يلا بس طسي انتي وبنتك المقروده
صباح:وجععع تبوس فيها وبالنهايه تشمطها والله لو تفهم كان ربتك
فهد:ههههههههههه الحمد لله انها ما تفهمم
ضحكت صباح ودخلت وهو خرج ورجع للشباب
...
عند ريم بعد دقايق ناداها ابوها عشان المأذون وأسئلته
وبعد ما خلصت عطاها العقد توقع
أخذته بيدين مرتببكه حييل طالعت لقيت توقيع سعود موجود وقعت بإرتباك وعطته ابوها وبدو كل اللي بالغرفه يباركون لها بعد ما سلمو عليها كلهم الا روان تجي طايره وهي تقول وتحضنها:ألف مبروووك ونااسه صرتو ثنتينكم زوجات اخواني<<تقصد اريج وريم
ضحكو كللهم وانبسطو
شوي الا جوال روان يدق طالعت لقيته سعود ضحكت وهي تعرف وش يبي فما ردت وطالع بريم ومسكت يدها وقالت وهي تقومها:يلا تعالي سعود يبي يشوفك
وقفت ريم بإرتباك وقالت:زين دقيقه بشيك ع شكلي
طالعت فيها روان وقالت:مزبوط كل شي يلا بس لا ينجن علي
ضحكت ريم ومشت معاها بس كانت متوتر حييل حنت عليها روان وما حبت تزيد من توترها
مشو لين ما وصلو لغرفه بالجهه الثانيه من الدور الثاني ووقفت ريم وقالت لروان بإرتباك:رورو لازم يشوفني؟
روان:والله هو مصر يلا عادي ما يخووف ههههه
وقفت ريم تبي تهدي من توترها شوي وبعدها قالت لروان اللي كانت بتروح:رورو استني ادخلي معاي بس شوي واطلعي
تذكرة روان اللي صار بالسيارة مع خالد واريج وخافت يصير نفس الشي مع ريم وسعود بس يوم شافة ريم خايفه قالت:زين يلا
مسكت بيدها وفتحت الباب
سعود كان جالس ع جمر يستناها متى تدخل وبس انفتح الباب لف ع طول وصار يطالع الا دخلت روان ومعاها ريم
ريم اول ما دخلت جات عينها بعينه هو ابتسم وفيه ضحكه قويه لأنو مرت عليه كل لحظاتهم اللي تناقرو فيها بس ما حب يضحك وتفهمه غلط
ريم نزلت عيونها وارتبكت زياده
روان ما عرفت شلون تصرف نفسها وسعود حس بهالشي وقال وهو يطالع بريم:يا هلا والله تو ما نور المكان
وكمل وهو يطالع بروان:رورو طسي بالله وش جابك
انقهرت روان وقالت وهي تمشي ريم وتجلسها جنبه:كيفي ابي ادخل ما دخلت عشانك اصلا يلا بس
طلعت من عندهم وتركت ريم في ربكتها
سعود ما يعرف شلون يتعامل مع ريم وهي متربكه لأنه دايم يتناقر هو وياها وماقد ارتبكت معاه ابد
طالع فيها وابتسم وقال:مو مصدق انك بجنبي اصلا ما توقعتك توافقين
ريم ضحكت ع طول وما قدرت تكتم نفسها لأنها بعد هي ما تدري وش مربكها مع انها بس تشوفه يطيرو جنها
وقتها فك سعود كل الضحك اللي فيه وصارو يضحكون
شوي قال سعود وهو يطالع فيها:ريييم
ريم بضحك:هممم
سعود:أحبك
ريم استحت وسكتت وهو قال وهو يضربها ع ذراعها بخفه:يلا عاد لا تستحين مو لايق عليك قدنا متعودين ع بعض
وقتها كملت ريم ضحكها لين ما دمعت عيونها
طالع فيها سعود وقال:ريم بس دمعت عيونك بيقولون اني طاقك الحين
ريم وهي تحاول تسكت:زين اسكت لا عاد تتكلم
شوي دخلت روان وامها وعمتها ومعاهم التورته الكبيره
وهمس سعود لريم:يلا عاد خلي الضحك وتبدا الرومنسيه
ضحكت ريم وقالت وهي تقرصه بذراعه:بس لا تفشلنا
سلمو عليهم وباركو لهم ودخلو خالات سعود وعماته وقطعو التورته وسوو الحركات التقليديه
جات ريم بتطلع الا مسكها سعود من يدها وقال:ما تسلمين ولا باقي حاقده ع مناقراتي
ريم ضحكت وسلمت عليه وطلعت وهو خرج وراح للشباب وهو بيتشقق من الفرحه
اما ريم راحت للكوشه وبدت الطقاقه ورقص وهبااال لين ما فتحو البوفيه ودخلو المعازيم يتعشون وهم طلعو فوق وتعشو ع راحتهم
...
بعد العشاء راحو لبيوتهم وكلللهم خمممده وحده ههههههه<<مجربه التعب اللي بعد الرقص هع هع
...
مرت على انور وصباح وعلاقتهم في تحسن
مرت سنه وحب خالد واريج يكبر
مرت سنه ع علاقه سعود وريم اللي مادري شلون تكونت<<هع هع
مرت سنه ع فهد وعذابه مع شعوره الغريب
مرت سنه واحمد في حيرته بين الزواج ولا الإنتظار
مرت سنه وروان يقتلها الفضول وتبي تعرف وش اللي خلى فهد يتبرع لها
مرت سنه وصحة روان في تحسن مستمر
...
وبعد مرور هالسنه
تخرج سعود بشهاده عاليه وبيتوظف دكتور زراعة اعضاء
تحدد موعد زواج خالد وهو بعد يومين والتجهيزات مستمرة
خالد كان جالس بالصاله وسعود معاه وامهم معاهم تتقهوى
سعود:يمه تخرجت مافي حفله؟
امه:إلا يا ولدي والله ما نسيتك بس خلنا نخلص من زواج خويلد
خالد بفرح:متى والله مشتااق لهاليوم
شوي نزل احمد وهو يغني وقال له خالد:انت انا وسعود ملكنا وانت بعد خلاص شوف حياتك
احمد وهو يجلس ويتنهد:مو وقته الحين باقي قدامي مشاغل
سعود كان مقهوور حيل من احمد وقال:اقول كلنا اخوانك وماعندنا مشاغل ابي افهم وش مشاغلك ذي
احمد طالع فيه وقال يبي يلطف الجو:شفيك عصبت الحين
روان سمعتهم من الدرج ونزلت وهي تقول:شفيكم تتخاصمون
خالد بقهر:ذا الخبل يرفع الضغط
روان وهي تطالع بأحمد:شفيك
احمد وهو مبتسم:يبوني اتزوج وش رايك
روان:حلو والله ونااسه
سكتت شوي وجلست وقالت لأمها:على طاري الزواج صديقتي رغد انخطبت
وقف قلب احمد وتغير لون وجهه وحس بشعور غريب وصار ساكت وما يبي يتكلم ويفضح شعوره وقالت امها:اللله يوفقها وش يصير لها المعرس
سعود وخالد انصدمو من هالخبر وصارو يطالعو بأحمد ولاحظو تغير وجهه
روان:تقول ما يقرب لها مرة بس اليوم شوفتها وبعدها بيحددون الملكه
قام احمد وخرج من البيت لأنه لو طول بينفضح
ومن غير انفضح وخلص اهله كلهم طالعو ببعض وتغيرت ملامح روان وقالت:لا يكون صدق اللي قلته صدق خلود
خالد:إيه وربي صدق مسكين والله حزنان عليه
سعود وهو يمسح ع راسه بضيق:لاااااا
كلهم حسو بشعورة وقالت روان بضيق:وجع ليتني ما تكلمت
امها شالت همه وقالت:ماكنت متوقعه يصير هالشي وما حبيت اضغط عليه وازوجه غصب
روان بقهر:وهو بعد ليه ما يخطبها
سعود:يارب ما تتم خطبتها
خالد بإنفعال:سعود وجع ان شاء الله يمكن هالرجال اللي خطبها خير لها من احمد لا تعترض ع قضاء الله
راون وهي تحاول تصبر نفسها:كل واحد نصبيه مكتوب من قبل لا ينولد ما تدرون وش يصير
وكملت وهي تطلع الدرج:ماحد كان متوقع اني ازرع واعيش والحمد لله بآخر لحظه تم كل شي
اخوانها:الحمد لله الله يكتب اللي فيه الخير
...
احمد بسيارته ومتضااايق سند راسه ع الدركسون بضيق وقال:وججججججججججججع ليه ما خطبتها من اول
حس انه مو مصدق وع طول شغل سيارته وراح لبيت رغد اللي حافظه حييييل
وبإذنه تتردد كلمه روان:اليوم شوفتها
وصل عند باب البيت وطالع لقى سيارة سودا توقف ونزل منها اثنين واحد شايب والثاني شاب ومررتز
ضرب ع الدركسون بقهر وهو عرف انه خطيبها جاي يشوفها
تخيل نفسه مكانه وقال والألم يعصر قلبه:ياربييييي
حس انه انقهر حيييل وقال:كل شي ع راسي ما حبيت اخطبها واخليها معلقه ولا اتزوجها وابلشها معاي
تنهد بضيق وصار يطالع بباب البيت والقهر متملكه
شوي الا جواله يدق طالع ولقاها روان رد بضيق:هلا رورو
روان بقلق:وينك
احمد:مشغول شوي بغيتي شي
روان:لا بس كنت ابي اتطمن عليك وينك بالزبط
احمد تنهد بضيق وقال وهو يحرك سيارته:بالسياره ابروح لفهد
روان:زين انتبه لنفسك
احمد:طيب باي
روان:باي
قفل الجوال ودق ع فهد وهو متضااايق وقال له يتجهز عشانه بيمرة ويطلعون
...
بعد يومين
اليوم يوم زواج خالد
خالد بالصالون وسعود مشغول يودي روان وامه عشان يشيكون ع القاعه وهو يشيك ع الطلبات
واحمد كان بالبيت وباقي الألم ما فارقه سعود طلب منه يشيك ع طلبات البوفيه والمباشرات بس مافيه يسوي شي حس انه متنككد حييل
شوي قام بقهر وقال:يلا عاد ما يصير احرق فرحة خلَود
وخرج من البيت
اما ببيت ابو اريج
اريج طلبت الكوفيره عندها بالبيت عشان تاخذ راحتها وطلبت لأمها وريم كوفيره ثانيه
ريم خلصت كل شي وصارت جالسه قبال اريج اللي خلصت تسريحتها وباقي لها المكياج
صارت تسولف معاها وتحاول تهديها لأنها كانت متوترة حييل
ببيت انور
خالد عزم انور شخصيا عشان روان قالت له لأنها كانت تبي صباح تجي
انور وفهد راحو للصالون بعد ما ودو صباح وامها للمشغل
...
بعد التجهيزات والحووسه الكل بالقاعه وبدا الزواج ع الساعه 9 العشاء
دخلو المعازيم ع صوت الدي جي يططرب والبنات كانو كلهم عند اريج فوق ويسولفون معاها
روان كانت تحت عشان امها نادتها تسلم ع خالاتها وبعدها طلعت فتحت الغرفه وهي تقول:آه تعببت
جلست ع الكرسي واخذت قاروره مويه وصارت تشرب
ريم قالت لها بضحك:رورو لا يكون نسيتي دواك <<قصدها ع الدواء اللي يقلل المناعه اللي ما يستغنون عنه زارعين الأعضاء طول حياتهم وهو الـ FK >>
روان وهي تتذكر:لالا اخذته هو موعده الساعه 6 المغرب
اريج:سته المغرب وسته الصباح صح؟
روان:إيه
شوي الا جوالها يدق رفعته وقالت بضيق:يوووه
ريم:شفيك
روان:سعود آآه مافيني انزل
ريم وهي تقوم:زين ما عليه انا بنزل
روان:فديييتك
نزلت ريم ووصلت عند الباب لقته واقف ويوم شافها قال:هلا والله بالغاليه
ريم:هلا بك وش بغيت
استغرب وقال:دقيت ع روان وانتظرها تنزل
ريم:ههههههه زين مافيها تنزل ونزلت انا
ضحك سعود وعطاها كيس وقال:زين الله يعينك عطيه امي
ريم اخذت الكيس منه وهي تقول:طيب يلا اذلف
سعود قاعد يقزها من فوق لا تحت وقال:ريم شلون تمشي بهالكعب العالي كم طوله بالله
ريم طالعت فيه وقالت بضحك:اذكر الله لا اتقربع الحين
سعود وهو يفسخ جزمته ويضحك:بالله بالله ابي اجربه
ريم صارت تضحك عليه وقالت:اقول اذلف
مسكها سعود من يدها وقال:هيا اقول ابي اتعلم التوازن ههههههه
ريم:اقول وخر عني والله لو تموت
فكت يدها منه وجات بتدخل الا سحبها بقوه وطبعا الكعب عالي اختل توازنها وكانت بتطيح بس هو كان وراها ومسكها وصار يضحك ويقول:هههههههه وصلت العين توها
ريم وهي تبعد عنها وتضحك:أنا وش وداني انزل كان خليت روان وارتحت
سعود ضحك وسمع صوت الطقاقه بدت تغني وباسها بخدها وقال:يلا بس طسسي بيفوتك الرقص هههههه
ضحكت ريم ودخلت وهو راح
اعطت الكيس عمتها وجات بتطلع الا شافه روان وصباح يرقصون وتحمست وطلعت معاهم وصارت ترقص
...
عند الشباب خالد يطالعع بساعته ويقول:هيا ما ودهم يزفوني
سعود:يالييييل ابو لمبه اصبر باقي الساعه 12
احمد:ههههههه خلود روان قالت لي الزفه الساعه 2 ونص
خالد طلعت من دون ما يدري:ماشاء الله ومتى انام انا
كل الشباب صارو يضحكون وهو تورط بس ما منها فكه وقال يعني انه معصب:لا من جد الساعه 2 النص ذا لا
سعود بضحك و بصوت واطي ما سمعه الا احمد:سويت شي الحين
احمد ما قدر يمسك نفسه وصار يضحك وسعود ضحك معاه
...
الساعة 2 خالد حرق جوال روان بس جوالها كان فوق عند اريج وروان تحت
اريج استغربت لأن جوال روان معلق كل شوي يدق بس كان بشنطتها وما حبت تتلقف
شوي الا دخلت روان وقالت لها:رورو جوالك له نص ساعه يدق
روان فتحت شنطتها واخذت الجوال وشافت وقالت بضحك:يووووه خلوود
دقت عليه ع طول واول ما ردت قال بعصبيه:ما بغيتي
ضحكت روان وقالت:معليش والله ما كان معاي الجوال
خالد تنهد بضيق وقال:زين يلا الزفه الساعه 2
روان برجاء:زين خلود بس نص ساعه وتبدا مو الحين
خالد بقهر:ع نص ساعه
روان:إيه تحمّل
خالد:ياليييييل بس عاد يلا الحين
روان:خالد
خالد بعصبيه:زودتوها
روان بقهر:زين خلاص مع نفسك زواجك وانت حر وش علي فيك
رمت الجوال من دون ما تسمع كلامه وجات بتخرج وقالت لها اريج:شفيك
روان:خالد يبي الزفه الحين
شوي الا جوالها يدق شافة لقيته خالد طنشت وما ردت وطلعت وهي تقول لأريج:عصّب ابروح اجهز للزفه
خرجت وخلت ريم تروح لأريج وتجهزها وهي قالت للطقاقه توقف عشان الزفه بتبدا وقفلو الأنوار وحطت السي دي حق الزفه وطلعت عشان تفتح لخالد الباب
...
بدت زفة اريج انزف خالد مع ابوه وعمه وسلمو ع اريج وباركو لها وطلعو اما خالد صار واقف جنبها وبيتشقق من الفرحه ويدها ما فارقت يده
طلعت امه وباركت له ولأريج واعطتهم هداياهم وجات بتنزل الا مسكها خالد ولفها جهته وحضنها ودفن وجهها بكتفها
هي حضنته وصارت تقول:الله يوفقك ويسعدك ويحقق لك كل اللي تتمناه ويحفظ لك زوجتك من كل مكروه
بعد عنها ودموعه بعيونه وباس راسها وهو يقول:الله لا يحرمنا منك ما قصرتي معانا بشي والله يكون بعوني واوفي لك حقك ولا يحرمني برك ووجودك بحياتي
جات عمته ام اريج وسلمت عليه وباركت له وبعدها جو خالاته وعماته
بعدهم روان طلعت وصارت تمشيي له وهي مبتسمه هو ابتسم ويوم وصلت عنده سلمت عليه وقالت:مبروووك والله يوفقك ويسعدك
وهو باسها بجبهتها وقال: الله يبارك بعمرك وعقبال ما اشوفك بهالمكان
...
مر الزواج وراح المعرس وعروسته والباقين صارو جالسين وكالعاده ما يروحون الا اخر شي
روان كانت جالسه وصباح بعد تأخرت معاهم شوي جلست روان ع كرسي وفسخت كعبها ومددت رجولها ع كرسي ثاني وهي تقول وتتثاوب:بموووت نووووم
صباح طالعت بساعتها وقالت:الساعه 4 متى برقد هالمقروده وأنام ياربيي
روان ضحكت وقالت:عطيني ليان شوي
صباح عطتها اياها وهي حملتها وباستها وقالت وهي تحضنها:والله احببك يا مجنوونه
ليان تثاوبت وقالت وهي تحك راسها: ننه
ضحكت وباستها بجبهتها وقالت:معاك رضاعتها
صباح طلعتها من الشنطه وعطتها اياها وروان صارت سادحه ليان بحضنها وترضعها وعيونها عليها ومبتسمه
شوي الا يدق جوال صباح طالعت ولقته فهد ردت:هلا فهود
فهد وباين بصوته تعبان:يلا اطلعي انتي وامي بسرعه
صباح:ليه وين انور
فهد:راح من بعد العشا ع طوول
صباح بقلق:ليه
فهد:يقول مصدع وما يبي يطول وقلت له يروح وانا بوديك لبيتك
صباح:زين يلا طالعين
فهد:يلا فمان الله
صباح:مع السلامه
قفلت الجوال وحطته بشنطتها وقامت وقالت لأمها تلبس وصارت تلبس عبايتها إلاام روان تنادي روان وتقول:يلا يا بنتي اخوانك يستنون
لبسو عباياتهم وطلعو كلهم مع بعض
فهد كان بسيارته ويسولف من الشباك مع احمد شوي احمد طالع بباب القاعه وقال:يلا فمان الله طلعو اهلي
راح وركب السياره وسعود اللي كان يسوق فهد صار يطالع باللي طلعو عرف صباح وأمه وطالع بأم احمد وروان ولف وجهه وهو يقول:الله يحفضها من كل شر<<يقصد روان
ركبت امه وصباح وليان ع طول نطت بحضن فهد وهي تقول:خالو
ابتسم وحضنها وقال:ياقلب خالو
احمد طالع بفهد وقال:مني ذي اللي بحضنه حركات فهد حنين
روان ضحكت وقالت:بنت اخته يناس تجنن اموت فيها
سعود حرك السياره ومشو وقال احمد:ليان صح
روان:إيه
احمد ضحك وقال:إيه كل ما نطلع لازم نمر البقاله عشانها
امهم تنهدت وقالت:راح خويلد الله يوفقه
سعود ابتسم وقال:ما بغيتو تزفونه بغى ينجلط عندنا يقول متى بيمديني انام
روان وامه ضحكو واحمد قال وهو مبتسم:الله يسعده
...
صباح داخله بيتها وهي حامله ليان اللي نايمه
دخلت غرفتها وشافة انور ناييم ع السرير حطت ليان بفراشها وفسخت عبايتها وصارت تقول وهي واقفه قدام المرايه وتفسخ اكسسواراتها:اننوووور قووم صلي الفجر
انور كان داخل بنومه وما سمعها
فسخت اكسسواراتها وبدلت ملابسها وفكت تسريحتها وغسلت مكياجها <<يلعن اوم الحوسه
وبعدها جلست ع طرف السرير وصارت تقول وهي تضرب انور بخفه ع صدره:هيا انوور قووم صلاة الفجر بتفوتك
انور فتح عيونه بتعب وقال:هممم
صباح مسكت يده وصارت تقومه وتقول:قوم حبيبي صلي الفجر
جلس انور بتعب وهو بالحيل يتنفس وحاس عضامه تعوره وبردااان تنهد وشال اللحاف عنه
صباح قالت وهي توقف قدامه:شفيك تعبان
انور بتعب:إيه
صباح مسكت خدوده بيدينها وحست حرارته مرتفعه وقالت بقلق:أخذت دوا
انور:إيه قبل ما انام
مشى وراح للحمام وتوضى وراح يصلي بالمسجد
صباح صارت جالسه تستناه ويوم رجع انسدح ع السرير ع طوول هي لفت جهته وكان معاها ميزان الحراره قاست حرارته كانت 39 قامت ع طوول وقالت له:حبيبي قوم خذ لك شاور بارد حرارتك مرتفعه حيل
انور بتعب:صبوحه مافيني
صباح:قوم يلا
قام بتكاسل ودخل للحمام وهي راحت تجهز الكمادات
بعدها خرج ونزلت حرارته ل38
وصباح صارت جالسه وتكمده لين نزلت حرارته ونامت
...