للبنات , والشباب , الشريفات , الشرفاء

للبنات الشريفات والشباب الشرفاء

( لخواتي البنات الغير متزوجات الشريفات) كانت البنت عايشه في فراغ العاطفي وحتى الولد بس البنت اكثر لانها محتاجه لهذا الشي اكثر بكثير من الولد وتوفرت لها هذي الاشياء والمصيبه اذا كانت لوحدها في غرفتها ما احد درى عنها مو ممكن تتاثر مو سهل ان أي شخص مايخاف ربه يضحك عليها من اللي يسمونهم ( ذئاب بشريه) عشان كذا انا احذركم واللي يبي يعرف الوضع ترى مافيه واحد يحب في الزمن ذا من قلبه يعني بس يضحكون عليكم يا بنات انا ولد وعارف ويحكون قصصهم قدامي الشباب وانا مقهور على البنات اللي يوثقون لدرجة انها تقدم نفسها بين ايديه َ!!!! خلاص كفايه كذب ياشباب حرام عليكم بنات الناس مو لعبه واللي يسوي الشي ذا اكيد انه يرضاه لاخته وربي ماراح يتركه راح ترجع يا في خواته يا في بناته يا في زوجته ...
كفايه تصديق كفايه خباله يابنات كفايه استسلام للحب مهما كنتي تحبين واحد اذا يحبك فعلا يبغاك زوجه يجيك معززه مكرمه مايقول نطلع سوى نتعرف على بعض اكثر نتعشى ههههههههههه تصدقونهم عاد اللي بتصدق بعد كلامي هذا بكيفها اللهم اني بلغت. انا ترو ولد بس ولد عاقل ومالي لافي بنات ولا غيره( امدح نفسي شوي ) فاذا انا اقول لكم الشباب كذا وانا واحد من الشباب تصدقوني والا تكذبوني؟؟؟؟؟؟ عاد بكيفكم اهم شي قلت اللي في راسي وبريت ذمتي واللي راح يضحك عليها واحد بعد كلامي هذا تستاهل .صحيح اول كان فيه جهل بس بعد ما صار فيه امثله قدامنا وضحايا صرنا واعين وعارفين ( انا اتكلم للبنات الشريفات فقط وما اوجه كلامي للبنت اللي راضيه تكون متاع وتفريغ شهوات غيرها فيها هذي انا ما اوجه لها كلامي انا موجه كلامي للبنت اللي لاول مره تحب شخص تنتبه لنفسها ترى انا اتكلم من حرقه عليكم البنت تحب حب غير طبيعي والولد اول مايبتي علاقته مع أي بنت الحب هذا مايعترف فيه يخلي قلبه في درج الملابس حقه ويتكلم ويسوي حبيب وهو يقول ما اتزوج (قـ ـــبـــــه) هذا اللي حاصل مو كل الشباب عشان مااظلمهم بس 99.3% منهم نسبه بسيطه صح ههههههههههههههههههههه يعني ممكن اللي تحبينه انتي من 0.7 % ( لاتضحكين على نفسك ترى انتي غاليه على نفسك وعلى اهلك واخوانك و ابنائك وحتى علي وانا ما اعرفك لانك اختي برضه )

خلاصة كلامي مع البنات الشريفات فقط مهما وصلتي لاعلى درجات الحب خلي حبك في الله يعني الشي اللي يرضي ربك سويه يعني لو قال خلينا نتقابل صدقيني لو تقولي لا اول واحد راح يحبك اكثر هو الشخص اللي قلتي له لا, لانه ساعتها راح يوثق فيك ويقول مع كل هذا الحب لي قالت لا هذا هو الحب اللي يدورونه الشباب الصاحي اللي يخاف ربه . واللي يزعل ويقول ماتثقين فيني ماتحبيني قولي احبك بس كل شي له حدود واذا تبيني تعال مع الباب غير كذا ماتشوفني واذا تركك عشان الشي هذا وصار مايسأل عنك بالطقاق هو الخسران واحمدي ربك انه بان على حقيقته ومهما كنت تحبينه الحب اللي كنتي تكنينه في صدرك له دوسي عليه برجلك العفيفه وخليه لانه ماكان يحبك كان يبي يضحك عليك وربي راح يعوضك بخير منه ولو تصبرين الين يجيك الي يجي الين بيتك افضل لك ومالك ومال التعب. وياختي لاتكوني فار تجارب يعني نسبة نجاح الحب عن طريق منتدى, شات, وجوال وغيره زي ما قلت 0.7%. و99.3 % فاشله ونهايتها يافاحشه او فضيحه واذا سلمتي راح تتعبين نفسيا يعني ممكن تنصدمين فيه بعد فتره ويطلب منك اشياء ماعمرك توقعتي يقولها لك ففيه بنت ممكن تتنازل عن شرفها وبنات الاصول اللي يخافو ربهم هم اللي مايرضون وتجيهم صدمه عاطفيه بس احسن لك تنصدمين عاطفيا ولا يصير لك شي لاسمح الله شي يضرك في دينك ولا في حياتك وربي يعينك ويصبرك ويعوضك واهم شي تحفظين نفسك وترين الدنيا ماتسوى كلنا للموت وليه نغلط نصبر ومصيرنا نتزوج وكل اللي نفسنا فيه نسويه والله يصبرني ويصبركم ويزوج اللي ماتزوج ويهني المتزوج اهم شي ان الواحد يحب ربه واللي يرضي ربه راح يرضيك ويرضي اللي يحبك اذا كان يحبك في الله وكان حظك زين وطحت في ال 0.7% من اللي قلت عنهم وربي يحميكم ويحفظكم ويبعدكم عن الحرام.


للشباب اللي من ال 99.3% خافو الله في اللي تسونه في بنات الناس خصوصا البنات الشريفات طبعا راح تقولون كلهم ماهم شريفات اللي تكلمونهم طيب اذا رجال قولوه في وجوههم وشوف هل يكلمونكم بعدها وترو فيه بنات شريفات يخافون الله بس الحب موجود في قلب واحد اذ ا ما حبيتها قول انا ما احب لا تكذب عليها انا اتكلم عن البنت الشريفه حبتك حب انك تتزوجها مو حب اليومين هذي انها تحبك عشان تشبع رغبتها العاطفيه والجنسيه وفيه بنات كذا مايبون لاحب ولا غيره بس يبون الحرام وخلص من اطرف واحد هذول البنات ماعلي فيهم واللي ترضى الشي ذا لنفسها ما علي فيها يالطقاق ويارب انه يهديها والا ياخذ عمرها ترتاح وتريح ان اتكلم عن البنت اللي لاول مره تعبر عن شعورها لك يعني انت اول انسان تحبك بالله وحده حبتك تضحك عليها والا تخاف عليها حتى من نفسك ؟؟؟؟؟ انا عني اخاف عليها من نفسي
طيب ليه القسوه ياشباب هل ترضون الشي ذا لخواتكم ؟؟ ذحين تقول خواتي اشرف من انك تتكلم عنهم والنعم في خواتكم وترى حتى الي تحبك(والنعم فيها بتحفظ اذا كانت زي ماقلت ) وترى الحب مو حرام الحب اللي في طاعة الله اما غيره حرام فهي حبتك حب زواج يا انك تتزوجها او انك ماتسوي لها أي شي والحب له حدود ..
اما اذا قلتم لي طيب فيه بنات مايبون حب ولا غيره يعني بنات خربانه الله لاتبلانا وبس يبون واحد يسد شهوتهم وهم كثير وانا عارف وشفت والحمد لله ربي حماني ويحميكم ان شاء الله)
طيب ذلحين تقول ماعلي فيها زي ماسمعت من اصحابي وزملاءي الله يهديهم ويثبتنا على الحق هي رضيت لنفسها الذل والهوان والبعد عن الله وتدنيس شرفها وشرف اهلها اللي وثقو فيها وحاطينها فوق وهي من وراهم تسوي اشياء تضرها هي مو اهلها بس الا قبيلتها طيب انت ترضى تدنس شرفك وعفتك في وحده رضيت هذا الشي على نفسها ليه ما تستحقرها انت اكبر من انك تساعدها على الشي ذا .

وترى اثمكم عند الله يوم الحساب سواسيه هذا اذا ماكان ذنب الرجال اكثر ليه؟؟ انا ابقول رايي وانتم احكمو
قال تعالى(الرجال قوامون على النساء بما فضل الله به بعضهم على بعض)... وقال تعالى ( وللرجال عليهن درجه) وقوله تعالى على لسان امراة (مايذكرني اسمها؟؟؟؟؟؟؟ ) (ربي اني وضعتها انثى وليس الذكر كالانثى) صدق الله العظيم هذي بس بعض الايات اللي حافظها فلو الواحد يفكر يلاقي ان اثم الرجل من الزنا اكبر من المراه بس انا ما اقول ان المراه اثمها قليل الله اللي يعلم كم حجم الذنب اللي تقترفه في حال الزنا او الخروج مع شخص لايحل لها بس لازم تفكر ترى كلكم سواء ومافي ايه في القران الكريم الا قرنتنا مع بعض نحنا وخواتنا فمقولة الرجال شايل عيبه هذي اللي لو تحطها قدام عينك في كل تصرف لك تدري ايش مصيرك من غير شك ومن دون جدال راح تجرك للزنا وغيره ومصيرك تموت يعني لايكون انت ماراح تموت الا ابشرك راح تموت وان شاء الله بعد طول عمر صالح وعمل صالح ان شاء الله واعمل من اليوم ترى الدنيا ماتسوى فاللي يستمر على الشي ذا وانا شايل عيبي ما ني جالب العار لا لي ولا قبيلتي . سؤال : طيب انت تكره نفسك؟ تبي لنفسك الشر؟ تبي النار؟ تبي يضيق الله عليك قبرك؟ تبي ربي يحرمك من حور العين؟ تبي ؟ تبي؟

اكيد راح تقول لا لا لا لا لا لا ما ابغى؟ طيب انت قاعد تسوي اشياء تحرمك من الشي هذا الرجال شايل عيبه في الدنيا والبنت ماهي شايله عيبها تفضح سترها (استطراد: مع انه فيه بنات يخربون الدنيا بس مايبان عليهم ومن دون ماتنفض بكارتها وكل الخوف منهم خصوصا اذا تزوجو واحد ابن حلال وعيال الحلال كثير وان شاء الله ربي يكتب لكل بنت حلال ولد حلال زيها والعكس كذالك وتعمل اشياء لاتصل لمرحلة الايلاج الكامل ليس خوفا من الله بل حفاضا على الشرف واي شرف لها بعد ان وصلت الى هذه المرحله ؟؟؟؟؟؟؟ بل الاصح الخوف من الفضيحه ..
تصدقون دخلت مواضيع في مواضيع بس كله من القهر اللي قاعد يصير في شباب هم احفاد الصحابه وبنات هم حفيدات نساء الصحابه والتابعين....
ترو كلامي كثير بس تعبت ههههههههههههههههههه
في النهايه الله يغفر لنا ويرحمنا وثبت المهتدي ويعينه على طاعته والدعوه الى ربه وممكن كلمتي ذي تاثر في ناس كثير ليه لا وترو لا انا شيخ ولا طالب علم . بس واحد خايف يوم يعرض على ربه وصحائف اعماله خاليه من الخير ومليانه معاصي كيف راح يكون مصيري ساعتها راح تنشق الارض وتبتلعني لا المصير هو .......
والله يرحمنا برحمته

في النهايه الله يغفر لنا ويرحمنا وثبت المهتدي ويعينه على طاعته والدعوه الى ربه وممكن كلمتي ذي تاثر في ناس كثير ليه لا وترو لا انا شيخ ولا طالب علم بس واحد خايف يوم يعرض على ربه وصحائف اعماله خاليه من الخير ومليانه معاصي كيف راح يكون مصيري ساعتها راح تنشق الارض وتبتلعني لا المصير هو .......
والله يرحمنا برحمته

سبحانك اللهم وبحمدك اشهد ان لا اله الا انت استغفرك واتوب اليك

منقول للفائدة

الموضوع الأصلي: للبنات الشريفات والشباب الشرفاء || الكاتب: المالكي || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات