الجزء الثالث والعشرون
باليوم الثاني بعد وصولهم لجده ببيت ابو أحمد
كانو كلهم جالسين ويفطرون الشباب بالمجلس والبنات بالصاله
عند الشباب وهم مندمجين بالفطورقال أحمد:زواجي بعد اسبوعين إن شاء الله
سعود بصدمه:يبووووووووووي الولد دااعس
أحمد:ههههههههه
خالد بجديه:وش عليك منه شوفك اصغر منه ومتزوج
أحمد بضحك:بغى يشرق هههههههههه
سعود:ههههههه زين أهم شي إني بحضره
أحمد:متى رحلتك
سعود:يوم الجمعه بعد زواجك بإسبوع
خالد:وروان متى بتتزوج
سعود:إيه صح
أحمد:قال لي فهد وحنا بالطريق يقول اتفقو بعد 5 ايام من زواجي
خالد:يلا الله يوفقهم
سعود وأحمد:آمين يارب
...
بعد ما خلصو فطورهم دخلت روان عندهم وهي تقول:سلام
كلهم ردو:وعليكم السلام
جلست ع الكنب وهي تبتسم وتقول:صباح الخيير
أخوانها:صباح النور
سعود:مروقه اليوم؟!
خالد وهو يرفس سعود:يا جعله دوم يارب
روان:ههههههههه
أحمد:وش أخبارك
روان وهي تتمطط:تمااام
أحمد بضحك:خلاص رورو طلتي من كثر ما تتمططين
سعود وهو يلحس العسل بإصبعه:إيه والله صرتي أطول من فهد
روان:ههههههههه لا عاد قويه أطول من فهد لو أتمطط من الحين لين بكرة ما بطوله ماشاء الله تبارك الله
سعود مندمج بالعسل اللي بإصبعه:إيه بسم الله عليه مكوّح وطويل ما ناقصه الا يعرض ويصير مثل أسامه المولد
روان وهي ترمي الخداده عليه:بسم الله عليه وشو أسامه المولد وربي فهد قمر جنبه وجججع عاد شوف نفسك تقول واحد حوثي
خالد:ههههههههه حبيبي فهد أسمر مو مكوّح لا عاد وبزوج اختي واحد مكوّح
سعود:خلاص أكلتوني وبعدين لحظه أنتي منو الحوثي
روان بضحك:إنت
سعود بضحك:تمزحين صح؟
روان:ههههههه لاجد
أحمد بضحك:إيه إيه روان تشمّس ترى
روان بصدمه:يلعن إبليسك وين بتروح
سعود:يووه كذاب والله ما تشمست ذا لوني الرباني وبعدين هو غيران مني هو كان يبي يتشمس بس كلنا قمنا نطقطق عليه وبطل
روان:لا حمود لو تشمس يطلع حلو بس انت مرة لا تفكر
أحمد بضيق:حمار مدري ليه سمعت كلامكم كان تشمست
خالد:هههههههههه اسكت بس ولا تفكر والله لتكوّح
روان بضحك:حمود ما عليك منهم بكرة نروح أنا وياك البحر بالصبح وتشمس
أحمد تحمس:جد!!
روان:إيه
أحمد:خلاص أوكي
سعود:إنت من جدك!!
أحمد:وش عليك مني
خالد:زين تزوج أول بعدين تشمس براحتك
سعود:إيه مابي يسألوني ربعي بزواجك شفيه أخوك محروق ولا ترى ما بعزمهم
خالد وروان:هههههههههههههههههههه
أحمد:مع نفسك أنت وربعك يلا بس طس
سعود:هههههههههههههه لا أخاف على نفسيت مرتك يجيها إنهيار عصبي بأول ليله هههههههههههههههه تدخل عليها مكوّح مسكينه بتنجلط هههههههههههههه
خالد:هههههههههههههههههههه
روان بضحك:ماعليك منهم والله تطلع خقق
أحمد بضحك:داري من غير ما تقولين
روان: ههههههههه فدييت الثقه
شوي دخلت أمهم وهي تقول:يلا يبه قومو صلو الظهر خلو هالسوالف
قامو العيال وروان شالت السفره وطلعت من المجلس وجلست مع رغد وريم
...
ببيت أبو فهد
التلفزيون شغّال والصوت عالي وفهد منسدح ع الكنب ونايم وأمه بالمطبخ تسوي القهوه
شوي قالت:فهد وطي الصوووووووت
فهد كان نايم وما سمعها شوي ابوه اللي كان بالحوش دخل وسمع صوت أم فهد وهي تنادي على فهد وقال:شفيك؟
أم فهد:خل هالمقرود يوطي التلفزيون صجنا بهالأغاني
ضحك أبو فهد وقال وهو يروح لفهد ويشوفه نايم:نااايم مسكين ما يسمعك
أم فهد:وش منومه سلامات
أبو فهد وطى الصوت وراح لفهد وقال وهو يصحيه:يبه قووم شفيك نااايم
فهد فتح عيونه وجلس وصار يفركها بتعب ويقول:نعم يبه
أبوه:تعبان؟
فهد وهو يتمطط:لالا
أبوه:شفيك طيب؟
فهد بتعب:ما نمت زين أمس
أبوه:ليه
فهد وهو يقوم:مادري
طلع لغرفته وأنسدح ع السرير وكمل نومه
أبوه وأمه بالصاله ويتقهوون شوي الا صوت جوال فهد يدق أخذه أبوه وشاف لقى مكتوب"أنفااسي"رد:هلا
روان أنصدمت مو صوت فهد لا ورجال توترة وقالت:السلام عليكم
أبو فهد أستغرب صوت بنت شوي أستوعب وقال بحنان:وعليكم السلام
روان عرفت إنه أبوه وقالت بحرج:عمي فهد وينه
أبو فهد أبتسم وقال:نايم يمه إذا صحى خليته يكلمك ولا أصحيه لك
روان خلاص تبي تقفل:لالا ما يحتاج إذا صحى كلمته
أبو فهد:زين يلا فمان الله
روان:مع السلامه
قفل الخط وحط الجوال وقال وهو يبتسم:طيبه هالبنت
أم فهد أبتسمت وقالت:يا حليلها تنحب
أبو فهد:الله يوفقهم ويبعد عنهم نوره وسواياها الشينه
أم فهد سكتت شوي وقالت:وش جد بموضوعهم
أبو فهد:أبوها يبيه يرجعها ولا هو ولا هي يبون هالشي وإلا يرجعون غصب
أم فهد بحزن:زين وإللي ببطنها ؟
أبو فهد:والله أبوه موجود وهو بيتصرف
تنهدت أم فهد بضيق وقالت:ماودنا يتشتتون
أبو فهد:حاولت أقنع فهد ورفض ويقول لا تدخلون بهالشي
أم فهد:الله يعين
...
قبل زواج أحمد ب3 أيام
روان وأريج وريم بالسوق ويقضون اللي ناقص عليهم شوي قالت أريج بتعب:بنات نجلس شوي تعبت واللي ببطني بعد مو مقصرين في الترفيس
روان بضحك:زين يلا نجلس
جلسو بطاولات ستار بكس وطلبو لهم وصارو يسولفون
روان قالت لريم:أنتي خلصتي صح
ريم:إيه بس بقى أنتي وأريج
روان:ما بقى لي غير شوز وإكسسوارات
أريج:أنا بس بقى لي الشوز
روان زين يعني أدق على خالد يجي
أريج:إيه خلاص بنمر الحين ناخذ اللي ناقص ونروح
روان طلعت جوالها وكلمت خالد وبعدها قامو وكملو الباقي وطلعو من السوق
وهم بالسياره أريج تعبت حييل وخالد قال:حبيبتي نمر المستشفى
أريج:لا ما يحتاج أبروح أرتاح شوي
خالد:زين
...
بالبيت كلهم جالسين بالصاله وكل وحده تشوف أغراضها ويتشاورون
شوي جات أم روان وهي تقول:خلصتو كل شي إنتو
روان:إيه خلاص
أم روان وهي تجلس:زين وانا بعد طلبت الحلويات والفطاير والعصاير
ريم:زين خلاص ما بقى شي
أم روان بفرح:يلا مابقى غير يومين
شوي قامت أريج وراحت لجناحها ترتاح وريم طلعت ترتب أغراضها
روان كانت بغرفتها وترتب أغراضها شوي الا أحمد داخل ويقول:رورو
روان:نعم
أحمد وهو يجلس على السرير:متى بيرجع لوني الطبيعي
روان:ليه مو عاجبك ذا
أحمد:إلا بالعكس ما ودي أرجع مثل أول بس أسأل
روان:مادري والله بس ما عليك بيطول
أحمد بضحك:سعود مقهوور ما توقع أطلع كذا
روان:ههههههه قلت لك ما عليك منهم
شوي الا صوت سعود يقول:وين الأكوح
أحمد بضحك:أنا هنا وش بغيت
سعود:قوم شيل سيارتك كم مرة قلت لك لا توقفها بذا المكان
أحمد:حلوة بكيفك هو
سعود وهو يسحبه:أقول قوم يلا
أحمد:ليه طيب ضاقت المواقف
سعود بعناد:لا بس ماحب أوقف سيارتي إلا بذا المكان يلا بس لا تعابط
أحمد وهو يرمي له المفتاح بهقر:متى تسافر بالله
سعود أخذ المفتاح وطلع وهو يضحك ويقول:هههههههههههههههه على قلبك
أحمد طالع بروان وقال:أسمعي
روان:هممم
أحمد:بغيت نسافر أنا ورغد بعد الزواج لفرنسا بس ما لقيت حجز قريب غير بعد الزواج بإسبوع
روان بصدمه:شلون يعني ما بتحظر زواجي؟!
أحمد:إلا سلامات زواجك يوم الثلاثاء ورحلتنا يوم الخميس سلامات
روان:يووه كنت بأنجلط
احمد ههههههههههههههه
...
بيوم الزواج بعد المغرب
الكل بالقاعه والجو كله فرح وسرور
روان مبسوطه حيييل وريم وأريج الأخوات الحوامل كانو جالسين ع طاوله مع أمهم ويسولفون وصباح وأمها معاهم أما روان كانت عند رغد فوق ومعاهم زوجة مازن حنان
وعند الرجال كان موجود سعود وخالد والعريس أحمد وفهد وأبوه وأنور ومازن وأبوه
شوي فهد قام من عندهم ودق على روان اللي ردت على طول:هلا
فهد:هلا حياتي أخبارك
روان:تمام
فهد:فاضيه؟؟
روان:أمممم تقريبا
فهد:شلون يعني
روان وهي تطالع بساعتها:يعني نص ساعه بس
فهد بضحك:ياولد وش بيشغلك طيب
روان:هههههههه لا بس المعازيم بيجون
فهد:زين تعالي ابجلس معاك لين ما يجون
روان:زين جايه
فهد:لا تتأخرين
روان:طيب
قفلت الخط ونزلت وجلست هي وياه وصارو يسولفون ومبسوطيين حييل شوي قال:بقى على زواجنا 5 أيام
روان ابتسمت وقالت:ونااسه
فهد:متحممس حييل ودي تمر بسررعه
روان ضحكت وهو قال وهو يقفل عيونه:الله وناااسه من جد بتصيرين معاي اربع وعشرين ساعه وجهك بوجهي
روان:ههههههههه حلوه وجهك بوجهي
شوي قالت:الا متى رحلتنا لنيوزلندا
فهد:ايه صح نسيت اقلك مالقيت رحله الا بيوم الزواج وحجزتها
روان بصدمه:شلون تستهبل اكييد
فهد:هههههههه لا جد في هالرحله ورحله بعد اسبوعين والله مافيني انتظر اسبوعين
روان:شلون بيوم الزواج
فهد بضحك:يعني نطلع من القاعه مو على الفندق لا على المطار
روان:فهد!!
فهد:ههههههههههه والله وناسه
روان:لا مو وناسه شلون وأهلي سعود وأحمد
فهد:شفيهم
روان:شلون
جت بتكمل بس غصت وتجمعت دموعها بعيونها وسكتت
فهد عقد حواجبه وقال:رورو ما عليه بيمديك تودعيهم وتشبعين بعد خلاص نسافر أنا وياك لحالنا نستانس هناك شهر ونرد ما بيصير شي
روان تنهدت وما ردت وهو قال بضحك وهو يمسك يدينها:روان لا تكشرين
روان لفت وجهها عنه وهو ضحك وباس يدينها وقال:رورو
روان ما ردت ورجع قال:رونتي
طالعت فيه روان وقالت:نعم
أبتسم وقال وهو يبوسها:أحببببك
روان بعدت عنه وقالت وهي تفك يدينه:وخر بس لا تفشلني الحين
فهد:هههههههههههههه أهوااك
روان أبتسمت وقالت:ترى بروح
فهد ضحك ومسك يدينها وقال:لالا خلاص بسكت
...
بدو المعازيم يجون واستقبلتهم روان وأمها بالفرح والبخور
في نص الإستقبال وحده من العجايز سلمت على روان وطولت يمكن أكثر من عشر بوسات شوي قالت لها:بسم الله عليك الله يحفضك من كل شر وينك أمك حبيبتي
روان ابتسمت وقالت وهي تأشر على أمها:هناك أمي
راحت العجوز لأم روان وسلمت عليها وروان عينها عليهم
عند أم روان ابتسمت أم روان للعجوز اللي قالت لها:والله يابنتي بس بغيت بنتك لولدي ما ظني بلقى مثلها
أم روان ردت بإبتسامه:تسلمين يمه بس والله إنها مملكه خلاص وزواجها يوم الثلاثاء هذا والله يحييك يمه
تنهدت العجوز بضيق وقالت:الله يسعدها ويوفقها منهو بيتزوجها
أم روان:صديق أخوها الكبير هو اللي تبرع لها وبعد العمليه طلبها وما رديناه
العجوز وهي رايحه:الله يوفقهم ويسعدهم يارب
أم روان:أمين يارب
روان اللي كانت تطالع بأمها والعجوز وفهمت كل شي من حركاتهم وضحكت وجات تبي تطلع لرغد بس وقفت قدام المرايه وصارت تعدل بشكلها
كانت لابسه فستان نيلي بدون أكمام وطويييل ومفتوح الظهر ومفتوح من جهة ساقها اليمين لين ركبتها وحزام كريستال تحت الخصر بشوي ومن تحت الحزام كسرات طويله
وكانت ناقشة بظهرها وساقها اليمين
وشعرها مسويته كيرلي وتسريحته ع الجنب
عدلت كحلها وتعطرت وطلعت لرغد
فتحت الباب وهي تقول:أخباارك يا عسسل
رغد ابتسمت وقالت:تماام
لفت لقيت أحمد جالس جنبها وقال بقهر:مافي استئذان
روان ضحكت وقالت:سوري شكلي خربت عليكم
طالع برغد كانت مبتسمه من قلب وقال بقهر:وانتي مبسوطه
رغد:ههههههههههههههه
روان ضحكت وقالت:زين اطلع يعني
أحمد بضحك:لا لا أقول أدخلي
دخلت روان وقفلت الباب وهي تقول بضحك:في عجوز راحت لأمي قبل شوي تبي تخطبني لولدها
أحمد:ههههههههه مسكينه وش قالت أمي
روان:قالت لها أن زواجي بعد 5 ايام مسكينه تنكدت
رغد وأحمد:هههههههههه
روان جلست بتعب وقالت:متى تبون تنزفون
أحمد وهو يطالع بساعته:على الساعه 2
روان:وكم الساعه الحين
أحمد:12 باقي ساعتين
رغد طالعت بأحمد وقالت:زين حمود يمكن جو معازيم جدد عند الرجال روح سلّم عليهم
أحمد بضحك:مع نفسهم
روان:ههههههههههههه
رغد ضحكت بحرج وهو قال:بقعد لين ما ننزف
رغد:مو عشان شي حمود بس صديقاتي
أحمد سكت شوي وقال:زين ساعه لي وساعه لهم
رغد:زين خلاص
ضحك أحمد وباسها
وروان لفت وجهها عنهم وقالت وهي تقوم:أنا شكلي بطلع
أحمد:هههههههههههههههههههه روان سلامات وش هالبراءة اللي طالعه عليك
روان ضحكت بحرج وقالت:حمود اقلب وجهك
أحمد بضحك:هههههههههههههه
طلعت روان من عندهم وراحت لصديقاتها اللي قالو اول ما شافوها:طلع أخوك من عند رغد
روان بضحك:لا يقول ساعه لكم وساعه له
وحده من صديقاتها قالت بضحك:حلوه ذي ففتي ففتي
روان:ههههههههههههه
جلست معاهم وبدو يسولفون ويضحكون شوي الا جوالها يدق طالعت لقته فهد وردت:هلا
فهد بحب:هلابك حياتي
روان بضحك:وشعندك
فهد:أبد بس ابي اسمع صوتك
روان وهي تقوم من عند صديقاتها:فهود متى تبطل هالحركات
فهد بضحك:ما راح أبطل ليه لا أكون فشلتك
روان بضحك:أبد حبيبي ما فشلتني بس صديقاتي تشمتو فيني شوي
فهد بضحك:مع نفسهم
روان كانت واقفه لحالها بالصاله الثانيه وقالت بهمس:أحببك
فهد:أحيه روان لا تكثريين
روان بضحك:أعششقك
فهد:رورو!!
روان:ههههههههه أموووت فيييك
فهد:يلعن ابليسك شكلي ابقفل واجيك
روان بضحك:لالا تجي ابروح ارقص الحين
فهد:بعد!!
روان:ههههههههههههههه
فهد:عندك أحد الحين؟
روان:لا
فهد سكت شوي وقال:يووه المشكله وين اشوفك مو مثل القاعه اللي فاتت كان فيه مكان اقدر اشوفك فيه
روان بضحك:الحمد لله
فهد:وجع
روان:هههههههههههههههههههه حبيبي
فهد:همممم
روان:يلا باي ابقفل
فهد:لالا رورو مو الحين
روان:همممم
فهد:خلينا نسولف شوي
روان:زين يلا سولف
ضحك فهد وجلس يسولف معاها وطولو حيييل تجي سالفه وتروح سالفه وما ودهم يقفلون ابد وقطع سوالفهم صوت نغمه انتظار
كل واحد طالع بشاشة جواله وقال فهد:حبيبتي عندي انتظار أشوفه وأرجع أكلمك
روان ما تدري ليه حست بضيق وقالت:لازم فهد
فهد:شلون ما تبيني أقفل
روان ما تدري ليه غصت وقالت:لا أبد
فهد رفض الإنتظار اللي كان عمه وقال:من عيوني ما طلبتي شي
تنهدت روان وتمت تسولف معاه لين ما جات أمها وقالت لها:يلا يمه زفة أخوك
يعني كملو ساعتين كامله سوالف <<لباهم
روان قالت لأمها:يلا جايه وقالت لفهد:حبيبي زفه حمود هههههه خلصنا ساعتين سوالف
فهد:هههههه فديتك يلا باي
روان تنهدت وقالت:باي
فهد:ليه هالتنهيده حياتي
روان بضحك:ماودي اقفل
فهد:يا جعلني ما انحرم منك طول حياتي زين عادي نرجع نسولف بعد الزفه
روان:هههههههههه فديت قلبك يلا باي
فهد:باي
قفلت منه وراحت عشان زفة أحمد ورغد
...
بدت الزفه ونزل أحمد ورغد اللي ماسكة بذراعه ومتوترة حييل وهو مبتسم وكل شوي يلف ويرمي لها كلمه ويضحك وهي تبتسم بحرج
وصلو للكوشه وبدا التصوير وبعدها بدت الطقاقه ورقصو شوي وجلسو وسلم ع عماته وخالاته وأمه وطلعت أمها وسلمت عليها وسلمت عليه وهي تقول ودموعها بعيونها:لا أوصيك على رغد يبه
أحمد أبتسم بحنان وقال:أفا عمتي لا توصين رغد بعيوني
أم رغد:الله يوفقكم ويسعدكم يارب
أحمد:أمييين يارب
جلسو شوي وبعدها رااحو للفندق
...
بعد آذان الفجر توها روان مقفله جوالها كانت تسولف هي وفهد حضنت الجوال وهي تقول:فديتك الله يحفظك لي
حطت الجوال ع الكومدينا وبدت تدخل بنومها
ببيت أبو فهد
فهد توه طالع من الحمام وخلاص بينام
انسدح على سريره وهو يتذكر سوالفه مع روان ابتسم بفرح وقال:عقبال ما تصيرين معاي ولا تفارقيني اببد
لف ع الجهه الثانيه وبدا يدخل بنومه
...
ببيت أبو نورة وقبل زواج فهد بيوم
نورة كانت جالسه بغرفتها وعلى سريرها وملامحها هي ما تغيرت من يوم ما طلقها فهد صارت حاقده حييل على روان ومشتااقه حييل لفهد بس ما تبي ترجع له ابد وبنفس الوقت كل ما حست بضيق تتمنى لو إنه يكون جنبها ويخفف عنها
حطت يدها على بطنها وهي تحس بحركه طفله ببطنها ونزلت دموعها بحراره وهي تقول:أدري اني غلطانه بهالشي وادري اني حبيت انسان مو صوبي ابد بس ما كنت ابي ابد أحمل منه وبعد هاللي صار مابي أي شي يربطني ولا يذكرني فيه
تذكرة كلام ابوها لها"هاللي ببطنك والله ما يسكن لي بيت ينقلع مع ابوه ومحل ما يروح يروح معاه يحرقه يذبحه يتبرى منه بكيفه بس يجلس معاك لا تحلمين"
نزلت دموعها بحراره وهي تتخيله بين يدين روان وهي اللي تربيه وتخيلت انها هي بعد تسميه ويصير يناديها ماما حست بقهرفضييع وصارت تبكي وتشاهق
حست انها تبي يجلس معاها وكفايه انه يرجع اسمه لأسم فهد وتمنت لو انها هي تربيه وما يفارقها ابد بس بنفس الوقت لو جا فهد وطلبه ما راح تقدر تتكلم وخاصه ان ابوها ما يبيه يكون معاها اببد
تنهدت بتعب وقالت وهي تقوم وتفتح دولابها:زواجه بكرة وبكل قوة عين عازمنا
صارت تقلب بملابسها تبي تختار لبس تحضر به زواجه
دورت لين لقيت فستان ناعم وطوييل ولونه اسود توب وعليه حزام كريستال من تحت الصدر وفيونكه متوسطه بالظهر
حطته على السرير وطلعت عليه الإكسسوارات اللي تناسبه والشوز ودخلت الحمام تتروش
بعد ما طلعت من الحمام نشفت شعرها وأستشورته
دخلت أمها عليها وقالت وهي تطالع بالفستان اللي على السرير والإكسسوارات:بتحظرين زواجه؟!!
نورة وهي تطالع بالمرايه:إيه
أمها دخلت وقفلت الباب وقالت:يمه لا تضغطين على نفسك
نورة قاطعت أمها بإنفعال وقالت بعصبيه وبصوت عالي:لا تتدخلين فيني بكيفي أسوي اللي ابيه الحين طاح الإهتمام عليكم وقبل فترة ولا كأني بنتكم تحرجون علي عنده يرجعني مابي ارجع له ولا تحلمون بهالشي واللي يطرا لي بسويه
أمها بإنكسار:بنتي ذا ابوك والله حاولت اقنعه بس بكل مرة يخاصمني ويرفع صوته علي ما بيدي حيله وش تبيني اسوي
نورة بنفس الإنفعال:إيه مرة والله انك انتي وياه عينين براس بس الله ياخذ روحي ويريحني منكم ومن عيشه معاكم
نزلت دموع امها وقالت وهي تقوم وتبكي:حسبي الله عليك .. الله لا يردك
كملت استشوارها وطلعت من غرفتها تعشت لحالها ورجعت لغرفتها ونامت
...
بيوم زواج فهد وروان
فهد طاير من الفرحه وهو بالقاعه والرجال اللي رايح واللي جاي يسلمون عليه ويباركون له كان يتلفت يمين ويسار بتوتر يبي يشوف عمه ابو نورة جا ولالا واخيرا شافه قاعد بطاوله مع مجموعه رجال وتنهد بضيق وجلس وهو يقول بخاطره:الله يستر لا تكون جات نورة
عند روان كانت جالسه ومتوترة وفرحانه ومشاعرها متلخبطه حيييل شوي دخلت عندها رغد وصديقاتها وجلسو معاها وصارو يستهبلون وينكتون عشان يخففون توترها
شوي دخلو خالاتها وعماتها وسلمو عليها وباركو لها وطلعو شوي الا ينفتح الباب وتدخل صباح وباين عليها معصبه روان طالعت فيها وقالت بتوتر:شفيك صبوحه
صباح جلست بضيق وهي تقول للموظفه:لاحد يدخل تفهمين
الموظفه:حاضر
روان:صباح فيه شي
صباح وهي تتنهد بضيق:لا رورو ارتاحي
جلسو يسولفون وبعد ربع ساعه انفتح الباب ودخلت ريم وهي تسولف وتضحك روان صارت عيونها ورى ريم والتوتر باين بوجهها واطرافها بااارده حييل
كل اللي بالغرفه صديقات روان وصباح وريم لفو وشافو نورة !!
صارت تطالع بنورة وبقلبها مليون شعور وما تدري ليه كانت خايفه ومتوترة
مشت نورة من بينهم لين وصلت عندها وصباح كانت فاااايرة حييل وودها تدعس نورة
أما روان كانت تطالع ببطنها وغصتها بحلقها ومقهووووره حيييل
نورة حطت يدها على كتف روان وقربت منها وباستها عاااادي وقالت وهي تعطيها هديتها:مبروك والله يهنيك ويوفقك ويسعدك
نورة كانت دموعها بعيونها بس كانت تكابر ومبتسمه
أما روان أبتسمت وقالت بصفاء نيه:الله يبارك بعمرك ويحفظك
ابتسمت نورة ولفت وطلعت من الغرفه
روان حطت يدينها على وجهها بتوتر والكل استغرب من هالموقف
صباح طلعت من الغرفه وهي مصدومه ومو مستوعبه نورة ما غيرها المغروره والمتكبرة تسوي هالسواه
راحت لأمها وقالت لها باللي صار وهي مصدومه وأمها قالت:الله يصلحها ويبعد اللي بقلبها
بعدها بفترة فهد قال يبي يدخل ويجلس مع روان وطلعو البنات من عندها ودخل هو وابتسامته عرض وجهه
ابتسمت روان ووقفت وهو سلم عليها وقال وهو يمسك يدينها ويقول بحب:مبروك حياتي
روان ابتسمت وقالت:الله يبارك بعمرك
جلس جنبها وقال ويدينه ما فارقت يدينها:أحلى يوم بحياتي
وتنهد وكمل:ما بغى يجي
روان:ههههههههههه
فهد طالع فيها وقال وهو يغمز لها:ليلنا طويل بنروح لنيوزلندا
روان:والله مقهوره على هالوقت الغلط
فهد بخبث:وأنا بعد لو نريح هالليله وبكرة نمشي بس مالنا حظ
روان طالعت فيه وهي رافعه حاوجبها وهو ضحك ولف وجهه عنها
شوي قال:لو حجزت طيارة خاصه كان اصرف
روان وهي تقرصه بيده:بس فهد لا تنحرف
فهد:ههههههههههههههه ما عليك ما بنقصر في الإنحراف
روان وهي محروجة:يلعن ابليسك قوم يلا اقلب وجهك
فهد:هههههههههههههه لالا خلاص غيرنا السالفه
روان تنهدت ولفت وجهها عنه وهو قال متى الزفه
روان:الساعه 2
فهد:طولوها سلامات
روان بقهر:ما بتتغير
فهد:ههههههههههههه زين لا تعصبين
روان:بس فهود جد لا تنرفزني
فهد:هههههههههههههه لا جد متنرفزة الحين
روان وهي تكتم ضحكتها:إيه متنرفزة
فهد:ههههههههههههههههههههههه يلا عاد
روان:ههههههههههه زين اسكت شوي
فهد وهو يحط يدينه على فمه:زين خلاص
روان ضحكت وقالت بدلع:لا تفك يديني
فهد بضحك وهو يمسك يدينها:زين اجل ما بسكت
روان:هههههههههههههههه
فهد ضحك ورفع يدينها لفمه وباسهم وهو يقوول:فديييييتك
شوي الا دق الباب ودخلت صباح وهي تقول:متى الزفه يا حلوين
فهد طالع بروان اللي على طول قالت:الساعه ثنتين
فهد:رورو الرحله الساعه 4 تمام
روان بضحك:زين ماعليه بيبقى بعد الزفه ساعه كامله
فهد عقد حواجبه وقال:تستهبلين
روان:هههههههه ليه مو انت قلت من القاعه على المطار
فهد:وانتي صدقتي؟!
روان:مالي دخل ذي كلمتك الأولى خلاص عليها اتفقنا
صباح:هههههههههه الحين متى بسرعه لا تتضاربون على راسي
روان:خلاص الساعه ثنتين
طلعت صباح من عندهم وهو قال وهو يقرب روان منه بشكل خوفها حييل:روان اكيييد تمزحيين
روان بخوف:يمه بعد عنيييي
فهد قربها زياده وقال:لا جد خليني اوريك شلون اكون عند كلمتي
روان وهي تبي تفك يدينه من يدينها:فهد فكنننييي
فهد:مو فاكك لا تحاولين
روان بخوف:زين متى تبيها
فهد بخبث:وحده ونص
روان:فهد شلون وحده ونص لا تستهبل
فهد وهو يرجع ويقربها منه:زين خلاص قضينا
روان بعدت عنه وقالت بخوف:لالا خلاص
فهد ضحك وبعدها عنه وقال:وشو اللي خلاص
روان جات بتتكلم الا انفتح الباب ودخلت أمه وكانت تبي تتكلم بس يوم شافتهم قالت بصدمه:يبوووي شفيك فهد
فهد ضحك وفك روان وقال:لا سلامتك يمه
روان استحت حييل وصارت ماسكه يد فهد وتقرصه بقوووووه
أمه:أكلت البنت يبه
فهد:ههههههه
أمه بضحك:ما الومك يبه بعد قدامكم 13 ساعه بالطياره
فهد بخبث:شفتي شلون يمه وروان تبي الزفه الساعه ثنتين
أمه بصدمه:ليه شفيها طيب
روان حست بالنصر وفهد قال بضحك وهو يغمز لأمه:لا بس بغيت نريح ابو ساعه ونص قبل لا نسافر
روان خرقت يده بأظافرها وهو صار بالحييل مستحممل ومحمر من الألم وأمه ضحكت وطلعت
وعلى طول سحب يده وقال وهو يضحك ويمسك عليها:لعن الله ابليسك بشويش
روان بقهر:أقلب وجهك
فهد ضحك وحضنها بقوه وقال:أنا اقلب وجهي
روان صارت تبي تبعد عنه بس هو شادها بقووه وقالت بضحك:وخر عنييي
فهد ضحك وزاد بحضنه وهو يقووول:أحببببببببببببك
روان بعدت عنه بقوه وقالت وهي تضحك:يوووه انحاس مكياجي
فهد طالع بوجهها وقال وهو يضحك:لا ما صار شي مزبوط
روان لفت وطالعت بالمرايه وقالت بضحك:زين فهد تروح شوي
فهد وهو عاقد حواجبه:وين اروح
روان بدلع:عشان صديقاتي يجلسون معاي شوي بس
فهد:شلون يعني شوي بس
روان:لين الزفه
فهد وهو يشهق:ذا شوي بس
روان وهي تمسك يدينه:فهووود يلااا
فهد وهو رافع حواجبه:الحين انتي تبيني ابعد عنك
روان:بس شوي
فهد: تدرين بموت بهالشوي
روان طالعت فيه وقالت:بسم الله عليك زين خلاص لا تروح
فهد ضحك وحضنها وقال:ابيك معاي لأخر يوم بحياتي
روان بقلق:فهد لا تجيب هالطاري
فهد تنهد وقال وهو يطالع بعيونها:تحبيني رورو
روان ابتسمت وقالت:لا أعشششقك
فهد ابتسم بحب وقال وهو يمسك يدينها ويشد عليها:ابي منك وعد
روان:تدلل حبيبي
فهد:لا تتركيني اببد .. مابي اعيش بمكان غير بقلبك .. عيشيني بوسط صدرك .. واسقيني ماي حبك ..حمليني همومك وخلي قلبك دايم سعييد .. حياتي ابي السعاده تكون دايم بحياتنا ومابي أي شي ينزعها منا
وكمل وهو يحط يدها على صدره:هالقلب من أول نضبه نبضها نطق بإسمك وما تمنى يكون لأحد غيرك رفض يسكن صدور الناس وجا يسكن وسط صدرك
ابتسمت روان وباسته بخده وهي تهمس له بإذنه:انسى اني بيوم افكر اتخلى عنك .. حبيبي انا انخلقت لك وحدك .. ووعد طول عمري ما أكون لأحد غيرك .. وأوعدك ما يفرق بيننا احد
ابتسم فهد بفرح وهالكلام اللي تمنا يسمعه من أول من بين شفاة روان وحضنها بقوه وقال:يا جعلني ما افقدك
...
قربت الزفة وتقفلت الأنوار وصار الكل يرتقب طلوع هالإثنين
الكل يدعي لهم بالتوفيق
والكل يدعي لهم بالسعاده
الكل يتمنى لهم أفضل حياه
والكل تمنى لهم من قلب عيشه ما يتعسون فيها اببد
اتجهة الأنوار كلها على الباب اللي بأعلى الدرج
وبدت الأصوات تعلى من الإستريوهات
وانفتح الباب على طلة احلى اثنين بكونهم
فهد وروان
هاليوم تحققت فيه كل احلامهم بجمعتهم سوا
وهاليوم راح يكون أول يوم بأيام سعادتهم
وهاليوم هو بدايه حياتهم الجديده بعيد عن كل الهموم والأحزان اللي بماضيهم
كلها انقضت كلها اختفت كلها صارت ذكريات تمر ويتذكرونها صارت من ماضيهم اللي ما يلتفتون له ابد
صارو يمشون وشابكين الايادي والبسمه ما فارقت شفاههم
عيون الكل عليهم والكل يتمنى لهم الخير والبركه
نزلو الدرج ووصلو للكوشه وبدو اقاربهم يسلمون عليهم ويباركون لهم ومن بين كل اللي يسلمون ضلت روان تتلفت باقي ما شافة اعز ناسها ما شافة اكثر إنسانه تعبت عشان راحتها وسعادتها ما شافة اغلى روح بكونها ما شافت أمها وقالت وهي تشد على يد فهد وكأنها تايهه:وين أمي
فهد طالع بعيونها كانت الدموع متجمعه فيها وقال بحنان:الحين تجي بس رورو هالدموع لا تنزل
ابتسمت روان وصارت تتلفت وتدور لأمها لين ما طاحت عينها عليها بس..
كانت بعيده وكانت تبكي لفت روان وشافة صباح واقفه جنبها وقالت لها:تكفين صبوحه نادي أمي
ابتسمت صباح وراحت تنادي امها وهي ضلت تنتظرها وعيونها ما فارقتها وكأنها هي وياها اللي بالقاعه وبس
وصلت أمها عندها وابتسمت وخدودها مغرقتها الدموع وروان بادلتها ابتسامه شاحبه بالدموع وحضنتها وصارت ماسكه نفسها بالحييل
بعدها هديو شوي وجلسو ع الكوشه وفهد طالع بصباح وقال:يلا صبوحه شغلي
صباح ابتسمت وقالت:زين الحين
واشرت لموظفة الدي جي تشغل وروان قالت:فهود ايش
فهد ابتسم ومسك يدينها وقال:حبنا يا بعدهم
ابتسمت روان وبدا صوت راشد الماجد يرج القاعه وفهد كان مبتسم ويغني معاه وعيونه ما فارقت عيون روان اللي كانت مبتسمه بحب
___
اسكن عيوني بالغلا وجفوني تغمض عليك
خذ ما تشا من دنيتي بس لا تقلل من غلاك
لو يعذلوني كلهم ما اسمع كلام الناس فيك
انت الغلا وانت الهوى وانت الجوا وانت الملاك
شوفتك بالدنيا معي وابيع غيرك واشتريك
انت الوحيد بناظري ما ترقب عيوني سواك
لا رق ليل العاشقين روحي مع النشوة تجيك
تتحرك غصون الهوا في خاطري بنفحة هواك
محبتي لك صادقه من كل قلبي اهتويك
وأحلى الليالي بالعمر قضيتها وأنا معاك
مالك شريك في الحسن في خافقي مالك شريك
كلمة احبك قلتها يازينها وهي من شفاك
أنت المنى وانت الهنا وانتا على روحي مليك
شوفتك تجلب راحتي وبعدك عن عيوني هلاك
حتى ولو جالس معي اسج بك وأوله عليك
كلمة غلا لو جابها غيري تمثل لي غلاك
____
...
اقلعت الطيارة من مطار الملك عبد العزيز الدولي وتركت وراها اهل روان اللي يكفكفون دموع فراقهم تركتهم وبداخلهم قلوب مشتااقه حييل وتنعصر من ألم بعدها لأنها ما كانت أخت وبس كانت هي ملح حياتهم واللي ما كانو يتخيلون حياتهم بدونها
...
أحمد أنسدح على سريره وقال بتعب:الله يوفقها ويسعدها
رغد وهي تمسح دموعها:أميين يارب
..
خالد اللي كان جالس بصاله جناحه ومسرح بوجه أريج اللي كان راسها على فخذه ونايمه وباله مع روان شوي قال بتعب:الله يسعدها ويهنيها بحياتها
..
ريم كانت جالسه جنب سعود اللي كان حاط يدينه على وجهه عشان ماتشوف دموعه وباله مع روان اللي اشتاق لها من يوم ما اقلعت الطيارة
صارت تطالع فيه وهي تعرف انه يبكي بس ما حبت تبين له وهو يحاول يخفي دموعه عنها ويكابر
...
وبعد اسبوع من زواج روان سافر سعود لألمانيا بعد ما خلصت إجازته
وأحمد سافر لفرنسا يقضي شهره هو وأريج
وخالد واريج وطفلينهم اللي ما انولدو وامه بذاك البيت اللي حمل كل ذكرياتهم المرة والحلوه
أما نورة كعادتها تحمل همها فوق هم اللي ببطنها ومشاكلها مع اهلها ما تخخلص