الجزء الخامس عشر
ببيت ابو احمد
احمد كان منسدح ع سريره ومسرح ويغني
يا منيتي يا سلا خاااطري وانا احبك يا سلاااااام.. الا ليه الجفااا ليه تهجرنيي واناااا وانا احبك .. احبك ..احبك ..ياسلااام ........
دخلت روان وقالت وهي مندمجه وتجلس:الله حمود صوتك حلو
احمد ضحك وجلس وقال:اخباارك
روان:تماام كمل كمل بالله والله دخلت جو
احمد مسك جواله وصار يفرفر فيه ويقول:تشجعيني ادخل ارب قوت تالنت
روان:هههههههه تخيل
احمد:بأنافس شمه حمدان ههههههههههه
روان:هههههههههههآآي تبطي
احمد:ههههههههههه عن الخراط بس والله مافي احلى من صوت رابح صقر
روان:ايه ذا حبيب الشباب روح انت وهيكلك العضمي
احمد:ههههههههههههه ليه مين يعجبك المربرب حسين الجسمي
روان:لا ولاهو بعد
احمد بضحك:زين منو؟؟
روان:فهد
احمد راح باله بعيد وروان تداركت نفسها وكملت بإرتباك:الكبيسي
احمد رجع طبيعي وقال بضحك يبي يلطف الجو:ما يعجبني من اغانيه غير (ما ياخذني الا الموت)
روان:آه تجنن غنيها بالله
احمد وهو يدفها برجله:يلا بس وش قالولك مطرب عندك
روان:ههههههههههه زين اذا ما غنيت لي بتغني لمين
احمد ضحك وسكت
وهي ضحكت وقامت من عنده وهي تسمع سعود ينادي:رواااااااااااان جوالك يدق
قال احمد:رورو دقيقه ابقولك شي
روان:لحظه بشوف مين واجي
راحت وشافه جوالها لقتها صباح ردت:هلا صبوحه
صباح:هلا بك ما بغيتي تردي
روان:ههههه معليش الجوال ما كان قريب مني
صباح:زين خذي ليان الغثا ما هنتني غداي
روان بضحك:وش تبي
صباح وهي تقلد صوت ليان بقهر:رورو .. تبي تكلمك
روان ضحكت وقالت:زين عطينياها
حطت الجوال سبيكر وعطته ليان وهي تحملها وتحطها بحضنها وتقول:خذي رورو
روان سمعت صوت ليان وبدت تسولف لها وتضحكها
ع نزله فهد من الدرج وهو يزبط شماغه ومستعجل يبي يروح للشركه
وقف وطالع بليان وقال:مين تكلم ذي
صباح وهي مقهوره من ليان لأنها ما ترضى في جوالها:رورو
فهد بإرتباك:روان؟؟
صباح هزت راسها وصارت تطالع بليان وهو لف ع مرايه المدخل وصار يزبط شماغه واذنه مو معاه ومبتسم
شوي خرج وركب لسيارته وراح ع الشركه
بعدما خرج فهد جا انور من دوامه واخذ صباح ورجعو لبيتهم
...
ببيت ابو احمد بعد العصر
الأم قاعده هي وروان وتتصل ع محل حلويات وع مطابخ دخل سعود وجلس وسمع امه تكلم محل حلويات وتطلب طلبيه بعد ما قفلت قال:لمنو
امه:سلامات تخرجك
وروان بضحك:وبعد انا تخرجي من الثانوي
سعود:آها اخيرا هههههه زين بالبيت ولا بقاعه
امه:لا بالبيت مو مره
سعود:أشوف بقاعه اريح لكم
امه:احس مالها داعي قاعه
سعود:زين بالستراحه
روان عجبتها الفكره وقالت:إيه
امه:زين بإستراحتنا
سعود:إيه اكيد
امه:خلاص طيب
سعود:متى
امه:خلاص طلبت كل شي ع انه الخميس الجاي
سعود:اوكي قلتي لأخواني
امه:إيه خلاص
سعود:مين بتعزمو
امه:خالاتك وعماتك وجداتك وأعمامك وخيلانك بس
روان:لا وصحباتي بعد
سعود:وربع احمد وربع خالد وربعي
امه:طيب
سعود وهو يتمطط:وناااااااااااااسه وبعدها اتزوج
امه: ايه الله يوفقك ويسعدك
سعود:وحمود مو راضي يتزوج
امه تنهدت وقالت:ما فاتحته بهالشي خله براحته
طالع بروان وقال:وانتي ما صار ع خطوبة صديقتك شي
روان:بس الشوفه وبعدها ما صار شي
سعود تنهد وقام وهو يقول:ابروح اشوف حمود
...
بالبحر اريج وخالد يلفلفون باليخت ومبسوطييين
خالد كان يسوق واريج واقفه جنبه شوي قالت وهي تجلس:خلود ما بنسافر
خالد بمزح:وين نسافر
اريج وهي تلعب بشعرها:نتمشى أي مكان
خالد بضحك:مو عاجبتك جده
اريج:خلود لا تعابط
خالد ضحك وباسها وقال:إلا حاجز ومجهز بس نبي نحضر تخرج سعود وزواجه
اريج:يعني متى
خالد:بعد 3 اسابيع
اريج بضحك:قول شهر وارتاح
خالد:ههههههههه
اريج:متى تخلص اجازتك
خالد:اجازتي مفتوحه ههههههههه
اريج:هههههههههههههه زين حلو
خالد:بس دوبنا امس متزوجين وتفكرين بنهاية الإجازه عيشي حياتك بيمدينا ع الكرف
اريج:ههههههههههههه
شوي قال لها:نسبح؟
اريج بعدت عنه وقالت:لا
خالد:ههههههههه الا
اريج وهي تقوم:لا تكفى خلوووود
خالد ضحك وقال:زين خليها بعدين
شوي قال وهو يأشر ع جهه من البحر:تعالي شوفي
اريج قربت منه بلقافه وقالت:وش
خالد:قربي هناك
قربت اريج زياده وصارت تطالع وتقول:اييش مافي شي
وقف خالد وقال وهو يضحك ويحملها:داري انو مافي شي
استحت اريج منه وقالت :زين نزلني
خالد بضحك وهو يدخل لداخل اليخت:مو منزلك بكييفي
اريج انقهرت منه وهو ضحك وصار حاضنها
>_<
...
بعد 4 ايام
حفلة تخرج سعوود اهله كلهم بالإستراحه من الصباح يجهزون للحفله
والحين الساعه 6 المغرب والحفله بتبدا 8 العشاء
خلصو كل شي وخالد واريج خرجو يتمشون وبيرجعون ببداية الحفله
اما سعود جالس مع امه ويتقهوون وروان معاهم
شوي قالت روان:وين احمد؟
سعود:هناك جهة مسبح الرجال
روان وهي تقوم:في احد ولا عادي اروح
سعود:لا روحي مافي احد
روان صارت تمشي لين ما وصلت لمسبح الرجال وشافت احمد جالس ومنزل رجوله في المسبح ومسررح
جلست جنبه وهي تقول:حمود شفيك حالك مو ع بعظه هالفتره
احمد تنهد وهو حده متضايق وقال:قولي بعد انتي تزوج خلاص ترى طفشتوني
ابتسمت روان بحنان وطالعت بالمسبح وقالت:بكيفك هالشي يرجع لك انت حر بس انا سألتك وش مضايقك
احمد طالع فيها وتنهد ولف وجهه عنها
روان صارت تحرك رجولها بالمسبح وتقول:حمود قول لي
احمد تنهد والضيقه خانقته وقال:كنت ابي اتزوج رغد
تنهد يبي يمنع غصته وكمل:بس شكلها مو من نصيبي
سكت شوي وقال:الله يوفقها
روان طالعت فيه وقالت:زين حمود قلتها بلسانك خلاص بعد انت شوف حياتك
احمد حس قلبه انكسر وقال بحزن:مين اتزوج مابي غيرها
روان حزنت عليه وقالت:يعني وش السواه
احمد تنهد بضيق ولف وجهه عنها
روان:يعني ما بتتزوج؟؟
احمد وهو يفسخ تيشيرته ويطب في المسبح:الله اعلم بس حاليا لا
رون كشرت وهو ما يحب يشوفها مكشرة ابد ابتسم ورش المويه ع وجهها وهو يقول بضحك:تبي تفتكين مني يعني هههههههه
روان ضحكت وقالت:مو كذا حمود بس شوف كم صار عمرك
احمد:وش يعني 26 بدريي ع الزواج بعد
روان: لا بالله يعني متى سن الزواج عندك
احمد يبي ينرفزها:اربعين خمسين ههههههههههه
روان:لا بالله وش تبي فيك اربعين ولا خمسين
احمد:اربعين سن الرشد عند الرجال هههههه تحمد ربها بعد
روان:ههههههههههههه بالله
احمد وهو يسمع صوت سياره توقف:اذلفي شكل فهد جا
روان قامت ونشفت رجولها الا والباب يدق احمد قال وهو يطلع من المسبح وياخذ المنشفه وبصوت عالي:الله يحييك
روان ع طوول راحت لجهة الحريم واحمد فتح الباب والمنشفه ع كتفه ولابس بس سروال فهد بضحك:الله يسترنا بالله احد يستقبل كذا
احمد وهو يصافحه ويسلم عليه:احمد ربك استقبلتك بعد
فهد:هههههههههههه
وسلم ع انور اللي كان معاه وقال:بعد انت متقرف من شكلي
انور بضحك:لا ما عليه شوي وبطب انا بالمسبح
وسلم ع ابو فهد ودخلهم
...
عند الحريم بعد ما راح سعود للرجال دخلت ام فهد وصباح ومعاهم ليان روان وامها قامو وسلمو عليهم وليان صارت اول ما تشوف روان تمد لها يدينها وتقول وهي تضحك:هته هته
ضحكت روان وحملتها وهي تقول:هلا بك تو ما نورت الإستراحه
باستها ودخلو للإستراحه
شوي بدو المعازيم يجون واحد ورى الثاني وروان تسلم عليهم
شوي الا جو اهل عمها ريم وامها سلمت عليهم وريم قالت:وين اريج ما جات
روان:لا باقي الحين بكلمهم
دخلو وجلسو ودقت روان ع خالد ورد على طول:هلا والله
روان:يلا خلود وصلو نص المعازيم
خالد:وصلو ربعي
روان:وش دراني يلا بس عجل
خالد:هههههه ايه نسيت انتي بنت
روان:لا يا شيخ
خالد:ههههههههههه يلا جايين
روان:باي
خالد:باي
قفل منها وع طوول ع الإستراحه هو واريج
...
عند البنات كلهم كانو متجمعين ويسولفون شوي قالت صباح:رورو بتجي حقت الدي جي ولا شلون
روان وهي تجلس معاهم:ايه دوبني كلمتها تقول بالطريق
صباح:واريجووه وينها
روان:جايين
شوي الا دخلت اريج وع طول قالو البنات:ما بغيتي
اريج:ههههههههههههه حرام عليكم والله ما طولت
قامو وسلمو عليها وجلست معاهم واندمجو بسوالفهم
...
عند الشباب كلهم متجمعين عند المسبح ويسولفون اللي جوى المسبح واللي جالس ع الطرف واللي واقف
فهد كان جالس ع طرف المسبح ويسولف مع انور اللي بالمسبح شوي الا جا احمد من وراه وقال:ما ودك تطب معاه
فهد:لا تسلم
احمد وهو يدفه:إلا ابرد شوي
فهد وهو يتمسك بحافه المسبح:لا حمود والله لتزعل
احمد ضحك ووخر عنه وهو كمل سوالفه مع انور
شوي الا سعود جا وقط معاهم
انور:سعود وش متخصص بالطب؟
سعود:جراحه
انور:داري جراحة ايش
سعود:زراعه اعضاء
انور:وي وي الله يعينك
احمد وفهد:هههههههههه
سعود:والله ونااسه
شوي جا خالد وجلس معاهم وهو يقول:سلام
كلهم قالو:وعليكم السلام
خالد وهو يصافحهم كلهم:اخباركم يالربع
ردو:تمام
شوي قال أحمد:وين ربعك ماجو؟؟
خالد بضحك:سحبو كلهم يقولو مشغولين إلا واحد يقول بيجي بس متأخر
سعود وهو يطالع بالجهه الثانيه ويضحك:ذولي ربعي ما كانو بيجون بس قلت لهم ان الحفله تخرجي وتخرجهم وصدقو هههههههههه
احمد:ههههههههه الله يفشلك
فهد:هههههههههه لا جد اهم شي يجون
انور بضحك وهو يطالع فيهم:مبين كلهم دكاترة مثلك ولالا؟
سعود:إيه بس مو نفس تخصصي
انور:ما شاء الله الله يوفقكم
فهد:ومتى بتتزوج؟
سعود:والله مادري باقي ما تحدد الزواج
فهد:يلا الله يوفقك ويسعدك يارب ونشوفك دكتور عالمي
خالد بضحك:مثل الربيعه لو مات الله لا يقدر عليه بشر بتشوف كل التوائم متلاصقين ههههههههه
انور:هههههههههههههههه فيه غيره بس هو اللي ماهر بهالشي
سعود بثقه:هههههههههههه بس انا مافي مثلي ولالا؟
خالد:كثر منها ذي
فهد:ههههههههههههه
اندمجو بالسوالف وانبسطو حييل
فهد طول ماهم يسولفون مبسووط حييل بالتغير اللي قاعد يشوفه فرح حييل لخالد أنه تخلص من عصبيته ورجع لطبعه فرح لأحمد اللي بدت تتيسر اموره مع انه يلاحظ عليه شوية ضيقة فرح لسعود اللي بدا يحسه يضحك وينكت من قلبه وحس انه تحقق اللي يبيه وساعد روان وساعد اهلها
تنهد بإرتياح وهو يطالع بالسماء ويقول:بس باقي في شي خفت انه يصير عقب العمليه وصار ابي اتخلص منه بأي طريقه ومابي استسلم له لأنه بس بيدمرني من غير ما يتحقق
حس بهدووء من حوله ولف لقى ماحد حوله غير احمد اللي كان جالس جنبه ومسرح سعود راح وجلس مع ربعه وخالد صديقه جا وراح جلس معاه وأنور جالس مع مجموعة شباب
طالع بأحمد مرره مبين ان باله مشغووول وقال وهو يحط يده ع كتفه:حمود
احمد انتبه وقال:هلا
فهد وهو يبتسم:وش اللي شاغلك
احمد تنهد بضيق ونزل راسه من دون ما ينطق بكلمه
فهد عقد حواجبه وقال:آفا حمود متضايق ولا تعلمني
تنهد احمد وهو يبتسم ويقول:ظرف ويزول لا تشيل هم
فهد استغرب مو ذا احمد اللي يعرفه بالعاده بس يسأله ويبدا يشكي له ع طوول حس بشعور غرييب وما ارتاح له ابد وقال:زين اقدر اساعدك؟
احمد بضييق:سويت اللي عليك فهود تسسلم
فهد تضايق من رد احمد وحس انه مو طبيعي ولف وجهه عنه من دون ما يرد عليه
احمد حس ان الجو خانقه حيل وقال:عن اذنك ابروح شوي وراجع
قام من عنده وفهد عيونه عليه لين ما خرج من الإستراحه فهد تضااايق حييل وقال:هاه صار الشي اللي ما كنت ابيه يصير ابد يارب بس اكون غلطان ياارب ما اكون فقدت ثقتك فيني كنت متردد في العمليه عشان ما اخسر صديقي يارب ما يكون هالشي ابد
...
عند البنات وصل الدي جي وبدو البنات رقصهم وهبالهم روان كانت جالسه وتشجع من دون رقص شوي قومتها اريج معاها وصارو يرقصون
بعدها راحت روان وجلست مع صحباتها شوي قالت لها رغد:روان تعرفين نورة اللي معانا بالفصل
روان:إيه بس ما احتك فيها كثير
رغد:عزمتيها؟؟!
روان بضيق:إيه احرجتني دقت علي ع انها تبارك لي واستحيت منها وعزمتها
رغد:اوف يا شينها
روان:جات وينها
رغد:هناك عند المرايه توها واصله
قامت روان وهي تقول:لازم استقبلها ما يصير
راحت لها وهي مبتسمه وتقول:هلا والله وغلا تو ما نورت المكان
ابتسمت نورة وقالت وهي تسلم ع روان:منور بأهله كيفك حبيبتي
روان:تمام انتي شلونك
نورة:تمام الحمد لله
روان:اهلك ما جو ؟؟
نورة بدلع:لا بس انا ماما معزومه
روان وهي مبتسمه وتدخلها:زين الله يحييك
مرت ام روان وشافتها واستغربت بس روان قالت لأمها:يمه ذي صديقتي نورة
سلمت عليها امها وقالت بإبتسامه:هلا بك حبيبتي نورتي
نوره:النور نورك يا خاله
دخلت وجلست مع البنات >>صديقات روان طبعا<<وكملو العزيمه ع خيير
في العشا وبنات عم روان وصباح مندمجين ويغرفون لهم من البوفيه وينكتون رفعت صباح راسها وصارت تطالع بصدمه وكأنها مو مصدقه شوي انتبهت لنفسها ورجعت تسولف مع البنات
جلسو وبدو يتعشون وهي عينها ما فارقت الطاوله اللي كانت قاعده عليها روان وصحباتها شوي قالت لريم:ريم مني هاذي اللي لابسه بلوزه خضراء وجالسه مع روان وصديقاتها
ريم:مادري والله اول مرة اشوفها تلقيها من صحبات روان
رجعت صباح تاكل وتأكل ليان اللي تضاربها ع كل لقمه
شوي الا روان جات وهي تقول لصباح:عطيني ليونتي شوي
ابتسمت صباح وعطتها اياها وقالت بمزح:لا يحسدونها صحباتك وتشرق
روان ضحكت وقالت:بسم الله عليها
اخذتها وراحت لصحباتها وهي تقول:وش رايكم بهالبنت
صحباتها كلهم قامو يمدحون ويسلمون عليها الا>>نورة طبعا <<كانت تطالع فيها ومصدومه وصباح شافتها وابتسمت وقالت بخاطرها:إلا هي ما غيرها وجججججع
ابتسمت نورة وقالت وهي تحمل ليان وتبوسها:يناس تجنن
جلست روان وهي تقول:امووت فيها
شوي ليان بكت وبان بعيونها الخوف وصارت تمد لروان يدينها ضحكت روان وحملتها وهي تقول:وجع خوفتوها
قالت نورة وهي باقي مصدومه:وش اسمها<<يعني اني ما اعرف
روان:ليان
نورة صارت تدور بعيونها بين الطاولات وتقول بخاطرها:اكيد صباح موجوده وفهد شوي سكتت وقالت لا بس يمكن تعرف صباح شوي قالت وهي ما تبي تصدق روان زارعه كلى لا يكون
طالعت بروان وحست بقهر فضييييع وما صارت تتحمل الجو معاهم ابد حست ان ودها تخنقها قامت بضيق وروان اللي مو داريه قالت:شفيك نورة ما اكلتي
نورة وهي تتضاهر ان جوالها يدق:تسلمين الله يكثر خيرك بس اخوي جا
روان وهي تعطي ليان وحده من صحباتها وتقوم:بدري نورة ما طولتي
نورة وهي متضاايقه وبالحيل تتصنع الطيبه:وش اسوي عاد تعرفين عشان اهلي مو معاي قلقانين
ابتسمت روان وقالت:يلا ان شاء الله نتونس بمناسبه ثانيه
نورة وهي تلبس عبايتها وتطلع:إن شاء الله
جتها الصاعقه وهي طالعه ركبت مع السواق ولفت وجهها وشافه فهد قدامها متكي ع سيارته ويسولف مع احمد
حست بقهر لدرجة انها بكت وقالت:والله لو طلع اللي ببالي صدق ما اريحك بحياتك
...
مرت العزيمه والكل استانس وبدو المعازيم يروحون وروان تودعهم
فضيت الإستراحه وما صار فيها غير روان واهلها وخالد واريج
دخلت المطبخ وطلعت في الشغلات وهم يغسلون المواعين وباين بوجيههم تعبانات ابتسمت وقالت:اساعدكم؟
الشغاله ابتسمت وهي تعرف طيبة روان معاهم وتعاملها الراقي وقالت:لا خلاص انا يقدر سوي
روان وقفت جنبها وصارت تغسل معاها وتقول بضحك:لا عادي انا مو تعبانه زيك
بعد ما ساعدت الشغلات وخلصو راحت وجلست مع اخوانها بالصاله وهي تقول بمرح:هاه انبسطتو
سعود:إيييه حييل
احمد كان مسرح وما رد وهي طالعت فيه وقالت:حمود انبسطت
احمد ابتسم وقال:إيه الحمد لله انتي
روان:ونااااسه استانست حييل
شوي دخل خالد وجلس معاهم وهو يقول لروان:إذلفي عند حرمتي لا تخلينها وحدها
روان بضحك:حرمتك انت اجلس معاها
خالد وهو يجلس بين سعود واحمد:اشتقت لأخواني ابي اجلس معاهم
ضحكت روان وقامت جلست مع اريج وامها وصارو يشربون الشاهي
...
ببيت ابو فهد
فهد دوبه خارج من الحمام ومتضااايق نشف شعره ولبس ملابسه وانسدح ع السرير بعد ما قفل النور وخلاص بينام الا جواله يدق اخذه وطالع وقال:يالييل خلاص شكلي ما عاد بنام رد بضيق:هاه يا صباح وش تبين ابي انخمد
صباح:وجع الشرهه مو عليك ع اللي متقربعه تبي تجيب لك الأخبار
فهد ضحك وقال:زين هات وش عندك
صباح:تخيل مين شفت اليوم بالحفله
فهد بطفش:ما بتخيل ولا شي بسرعه زبّدي
صباح:تبي الموجز يعني مو التفاصيل
فهد:إييوه بالزبط
صباح:نورة بنت عمي حظرت الحفله
فهد بصدمه:كذااااااااااااااااااااااااااااابه
صباح بنفس النبرة:والللللللللللللللللللللللللللللللللللله
فهد بضحك:تمزحين وش دخلها تجي
صباح:تخيل صديقة روان!
فهد وهو يجلس:مستحيييييييييييييييييييييييل
صباح:أنا نفسي ما صدقت لين سألت روان وقالت لي انها مو صديقتها مرة بس تعرفها في الفصل
فهد:روان عرفت انك تعرفينها
صباح:لا
فهد:زين هي شافتك
صباح بضحك:لا بس شافت ليان وبغت تنجلط صارت مثل البومه بعيونها تدور لي
فهد:هههههههههههههههههههههههه اهم شي
صباح:اخوها ما حضر
فهد:لا والله ما شفته وجعلني ما اشوفه بعد شكلها جات وحدها مع سواقهم
صباح:وجع قطيعه تخيل حملت ليان وصارت تبوس فيها خلاص بسبّع بنتي انا
فهد:هههههههههههههههههه كرشتي البنت هههههههههه
صباح:لا وتسوي نفسها حنونه اآآآآآآآآآآآه مقهوووره
فهد:روان شلون تعاملها معاها
صباح:كأنها اعز صديقاتها والله احس احن عليها احيان انها تكون طيبه مع ناس ما يستاهلون
فهد تنهد بضيق:خليها تعاملها بمعدنها وهي اللي بتنذل
صباح:ماعندها ضمير ذي البنت اهم شي ان فلوسها قربها وكل اللي تبيه جاهز وارواج مشادقها ما تنقطع خلاص معناتها ملكت الدنيا
فهد وهو يزبط مخدته:مع نفسها يا شيخه يلا بس ابي انخمد وراي دوام
صباح:يلا باي تصبح ع خير
فهد وهو ينسدح:وانتي من اهله باي
قفل الجوال وحطه وبدا يدخل بنومه شوي الا تجيه رساله طالع وعرف رقمها وقال بضيق:يالييل
فتحها وكان مكتوب"لا تتعب نفسك فهودي مو وحده حقيرة مثل روان تاخذك مني"
تنرفز فهد من غرورها وارسل"ههههههههههآآآي من متى وانا ملكك عشان احد ياخذني منك وبعدين انتي واشكالك الحقيرين مو روان وحاب اقلك انسي رقم جوالي عشان ما تتورطين فاللي ما تقدرين عليه"
ارسلت"هه اعتبره تهديد؟ ولا تحدي؟"
ارسل"اللي يريحك"
وحط الجوال وانخمد
...
باليوم الثاني سعود رجع من دوامه وبيده اوراق ويقول:يمه يا قلب ولدك ويا نبضه
امه وهي تطلع من المطبخ:يا هلابك والله وطلعت شاعر
سعود:هههههههه بدري عليك
امه وهي تضحك وتطالع بالأوراق اللي بيده:شعندك
سعود مسكها من يدها وجلسها ع الكنب وجلس قبالها وهو يعطيها الأوراق ويقول:رشحوني بالإبتعااث
امه بقلق من دون ما تطالع بالأوراق مسكت يدين ولدها وقالت:بتروح وتتركنا سعود
سعود ابتسم وحب يدها وقال:يمه كل اجازة بجيك وبكلمك كل يوم بس ابي اخذ الماجستير والدكتوراه
امه طالعت بالأوراق بضيق ولقيت بينها تذكره سفر فتحتها ولقيته بيسافر المانيا تنهدت بضيق وهو قال:يمه ادعي لي بالتوفيق وحب راسها
شوي الا الباب يدق قام وهو يقول:مييييييييييين
خالد:انا خالد
فتح الباب ودخل خالد وهو قال بضحك:وين حرمتك؟؟
سعود:عند اهلها غريبه راجع من دوامك بدري
سعود:جاك العلم رشحوني انا وخمسه معاي بعثه لألمانيا ناخذ الماجستير والدكتوراه
خالد بفرح:ما شاء الله والله حلو
سعود وهم يدخلون الصاله ويجلسون مع امهم بعد ما سلم عليها خالد:امي تنكدت من هالخبر
طالع فيها خالد وابتسم وقال:ما عليه يمه انا وحمود موجودين بنكفي ونوفي
امه بضيق:فيكم الخير والبركه بس ما ودي يغترب هناك وحده
سعود ضحك وقال:فكرت فيها يمه عشان كذا قلت اتزوج واسافر مرة وحده
امه كأنها ارتاحت وقالت وهي تطالع بالتذكره:الرحله بعد 3 اسابيع
سعود:ايه كلمت عمي وقلت له ووافق وحطيت الزواج بعد اسبوعين
امه ارتاحت وقالت:زين الله يوفقك ويسعدك شوي الا جواله يدق طالع وضحك ع طول لأنها ريم وقال وهو يقوم:عن اذنكم
راح للحوش ورد:هلا والله بحيااتي وبقلبي ونبضي وروحي
قاطعته ريم وقالت:سعود اكيد تستهبل
سعود وهو كاتم ضحكته:ع ايش
ريم وهي شوي وتبكي:شلون الزواج بعد اسبوعين
سعود بضحك:وش اسوي بسافر بعد 3 اسابيع
انحاس بطن ريم وهي ما تدري انه بيسافر ابوها بس قال لها موعد الزواج وقالت بخوف:وين تسافر
سعود حب ينرفزها شوي وقال وهو يجلس:بعثه
ريم بصدمه:شلون تسافر
سعود:لازم ابي اكمل دراستي
ريم:سعود وانا
سعود:ريم انتي مو طايره بكمل دراستي وارجع
ريم بضيق وقهر:وكم بتقعد ان شاء الله
سعود وهو كاتم ضحكته:سنه ولا سنتين
ريم سكتت ودموعها بعيونها شوي قالت:سعود تستهبل؟
سعود:لا جد شفيك بجي اجازات وارجع
ريم ما قدرت تتحمل لا وفوق ذا كله بارد وقالت وهي ما قدرت تخفي بكوتها:شلون تخليني وتسافر اكيد انجنييت
سعود يوم سمعها تبكي قال بضحك:تبكين ههههههه
ريم انقهرت وزاد بكاها وصارت تشاهق وهو قال:حياتي
ريم ما ترد وهو كمل:نبضي ردي علي
ريم:هممم
سعود:اباخذك معاي مجنون انا اسافر لحالي
ريم مسحت دموعها وتنهدت براحه وهو كمل بضحك:يعني ليه بقدم الزواج الا عشان اطير فيك المانيا مره وحده
ضحكت ريم وهي تمسح دموعها وهو ضحك وقال:يلا باي حياتي
ريم بإرتياح:باي
قفل الخط وضحك وقال:بغت تنجن ههههههههه الله لا يحرمني منها
...