أطلبك ياأبوي تكفى لا تخليني .....................!!!
يابوي ليه تبكي كل ما شفتك وعينـك لـي ، تخاف أموت يابوي ... وقبل الموت تبكيني
تكفا يابوي لا تبكي وأنا موجود معك وحـي ، أجل بعد الرحيل أشلون في قبري توطينـي
أبوي لو تموت الناس ماتسوى دموعـك ذي ، وأنا يابوي ميت قبل أموت وأنـت محينـي
قسم بالله يابوي لجل عينك شربـت الغـي ، جرعت الهم والحرمان وبحر الويل يسقينـي
تحملت السنين اللي طوتني في عذابي طـي ، وصار الجمر بكفوفي .. وتحت أقدام رجليني
يابوي ماعلى عمري حسافه ولا بقا بي شي ، ولكـن بطلبـك يابـوي تكفـا لا تخلينـي
يابوي مابي غيرك يغسـل جثتـي بالمـي ، وتكفا قبل لا أتكفن .. يابوي فكلـي عينـي
بأمر الله يمكن ألمحك وأرحل في عيني ضي ، وودع وجهك الطاهر مع دنيـاي وسنينـي
وخل الناس تحملني وترفع راسي ورجلـي ، وتأخذني على قبري وتكسب أجرهـا فينـي
وإذا جيت القبر يا بوي نزلني شوي شـوي ، ووجهنـي لبيـت الله .. وقبلـه المصلينـي
وحط الطين وأدفني وعز اللي يعـزي فـي ، ثلاث أيام يابـوي .. يواسـوك المعزينـي
ورابع يوم يا بوي تذكر .. ضحكتي وعني ، تذكر وش كنت أقول يـوم أنـك تنادينـي
تذكر يوم كنت أنام في ظل النخـل والفـي ، تجي يمي تصب الماء..على وجهي وتصحيني
تذكر جرة الموال وصوت في حبالـه كـي ، تذكر يوم أغني لك قصيدي وأنت توحينـي
تذكر ضحكتك لا قلتلك يابوي عشقي هـي ، تذكر كم قصيدة خافيه مـا بينـك وبينـي
تذكر كل شي كان وأذكر يـوم أنـا حـي،ولكـن أسالـك بالله يابـوي لا تبكيني
..........
H'gf; dhHf,d j;tn gh jogdkd >>>>>>>>>>>>>>>>>>>>>!!! H'gf; jogdkd j;tn
إذآ رأيت ربً ـآلبيت بآلــدف ضآربــاً ,,.؟ فمـآ شيمت أهل بيتــه إلآٍ ـآلرقص والطــرب,,!! ( أعتذر عن ـآلتـوآجـــــد )
...{هس،، لآٍ تسألوني وين أروحـ،
آخر تعديل إْح.ـسآس يوم
08-07-2010 في 10:47 AM.
|