سر يا قلم واكتـب كلامـاً مترجـم
تعبير شاعـر واكتبـه بالقصيـده
وان ما مشيت ابدل الحبـر بالـدم
واكتب من العروقي ابياتـاً جديـده
فيها غرام وحـب والحـب حاكـم
الحب مثل الشيـخ يحكـم عبيـده
الحب قصه مبطيـه كـم لهـا كـم
من عهد ابوزيـد الهلالـي عنيـده
كـم واحـدٍ بالحـب قلبـه تحطـم
مثل الزجـاج وضاربـه بالحديـده
ولاكـام طيـر ٍ بنـص السمـا زم
حلت وفاته بالسمـا طـاح صيـده
يحـب لكـن باخـر الحـب ينـدم
يبغى السلامه بس صـارت بعيـده
كـم واحـد ٍ بالحـب قلبـه تعلـم
يفهم كتاب الحـب شرحـه يجيـده
يحفظ دروس الحب غيب ٍ وصمـم
سهله عليه وعنـد غيـره شديـده
حتى جنون الحـب معهـن تفاهـم
اخذ عهـد منهـن وكلمـه اكيـده
اهم ثلاثـه حبهـم بالهـوى التـم
لم الثـلاث الكـل منهـن سعيـده
وضحى توفت وابن عـدوان حـرم
حروم يعشق البيض عقب الفقيـده
وعنتر عشق عبله وقالت ولد عـم
خلت جنون الحـب عنتـر وليـده
قيس من ليلـى تقـل داخلـه سـم
يطلـب مـن الله بالمحبـه يزيـده
ومسيت رابعهـم وبالحـب مغـرم
امسيت افكر في غرامـي وعيـده
نـوبٍ لطيـف الجونـوبٍ معسـم
واصبحت صاحي واصبح القلب بيده
بيدين حرف الميـم بالانجليـش ام
غرواً يتل القلب وامسيـت سيـده
ابو عيوناً سـود بالرمـش سلهـم
خرص ٍ بهن ود وغـرام ونكيـده
خده كمـا البـراق ةالليـل مطلـم
يجهر عيوني والنظر يـوم عيـده
وصفه عجيب احتـار فيـه اتكلـم
اموت في وصفـه ويمكـن ازيـده
حبي لها لليـلٍ وانـا فيـه انجـم
امشي يميـن ونيتـي درب سيـده
حبـي لهـا بحـرٍ وموجـه تـردم
امـا اغـوص البحـر ولاشهيـده
مـن لامنـي يالله عسـاه يتبلكـم
يبغي الكلام ولا طلع مـن وريـده