الجزء الثامن
خالد كان نازل من غرفته وكعادته مكششر كانت الساعه 12 الليل احمد وسعود كانو جالسين بالصاله احمد كان دوبه راجع من المطار بعد ما حجز تذكرة وكانت التذاكر قدامه ع الطاوله
جلس خالد معاهم وع طول سعود قال له:انت يا نايم يا عند روان غيّر شوي
خالد لفتته التذكرة واخذها وقال:ليش ذي
احمد ضحك وقال:بكرة بسافر انا وامي وروان للرياض
خالد طالع بأحمد وقال بصدمه:ليش؟
خالد:عشان عملية روان لازم نكون هناك بعد بكرة موعدها بالمستشفى
خالد صار يطالع فيه ومصدوووم ولف وطالع بسعود يبي يلقى اجابه
سعود ضحك وقال:الحمد لله الله فرجها
خالد بذهول:مين اللي بيتبرع لها
احمد تنهد وقال:فاعل خير مايبي احد يعرفه هذا كلام الدكتور
خالد قام ع طول وراح لروان بالغرفه لقى الممرضه عندها وتحط لها الأكسجين لأن الأيام الأخيره ما صارت تقدر تتنفس وهي نايمه
قال بفرح:روان بتسوين العمليه!!
روان طالعت فيه وابتسمت بفرح وقالت:وينك من المغرب دق المستشفى
خالد حضنها بقوه وصار يبلع بكواته اما هي ضحكت وحضنته
...
بيوم السفر للرياض الرحله كانت الساعه 10 الصباح
خالد وسعود جالسين بالصاله يفطرون وامهم والشغاله يتجهزون للرحله وروان الممرضه عندها وتجهزها للسفر
شوي دخل احمد عندها وهو يقول للممرضه:ما تقدر تستغني عن الغسيل لمدة ساعه ونص
الممرضه:لا ابدا اربع وعشرين ساعه مو هو بمثابة الكليه بالنسبه لها
احمد:اووف طيب شلون تسافر
الممرضه طالعت فيه بإستغراب وقالت:مو المفروض طيارة طبيه ومنها للمستشفى ع طول تنويم لين يوم العمليه مافيش حل غير كده
احمد اتصل ع المستشفى وطلب منهم حجز ع طيارة طبيه لروان وحولو تذكرتهم ولحسن حظه بنفس الوقت الساعه 10
طالع بروان وابتسم وقال وهو يجلس قربها:هاه جاهزة
روان بفرح:ايه
ابتسم احمد وقال وهو يقوم:يلا الله يسهلها الحين بيجي الإسعاف ونمشي
شوي دخل خالد وسعود وسلمو ع روان واحمد وقال سعود:حمود وصل الإسعاف يلا فمان الله
خرجو وسلمو ع امهم وراحو لدواماتهم
اما اهلهم راحو بالإسعاف ع المطار
...
خالد بالفندق ويطالع بورقة الموعد ومتنكد ويقول بخاطره:يوه الموعد بعد 3 ايام واحمد واهله بطريقهم الحين اكيد بتتنوم بالمستشفى من اليوم لأنها ما تستغني عن الغسيل
تنهد وهو ينقلب ع الجهه الثانيه وقال:ياارب سهل اللي فيه الخير
شوي الا جواله يدق اخذه لقاها امه تدق رد:هلا يمه
امه:هلا بك شلونك
فهد:تمام والله انتي شلونك
امه:بخير شفيه صوتك لا اكون ازعجتك
فهد بضحك:دوبني صاحي من النوم
امه تنهدت وقالت:اخبار العمليه
فهد بضيق:ما عليه امس رحت اول موعد وعطوني موعد بعد 3 ايام
امه بضيق:ماودك تبطل؟
فهد بإصرار:لا اببد
امه بحزن:مو عشان شي فهد بس والله خايفه عليك
فهد:اذا خايفه علي ادعي لي مو تمنعيني بعد ام روان خايفه عليها
سكتت امه شوي وقالت:الله يهديك
فهد تنهد وقال:اميين
امه:يلا مع السلامه
فهد:فمان الله
قفل وحط الجوال جنبه شوي تذكر ليان وابتسم ومسك جواله ودق ع صباح بس استغرب انها ما ترد دق ودق ودق ودق وبرضو ما ترد ضحك وقال:شكلها طفشت مني
دق ع انور وما رد ودق مره ثانيه وثالثه ورابعه وبرضو ما يرد برضو ضحك وقال:هههههه شكلي مخرب عليهم جو ههههه آه لو ليان ترد علي بالغلط ههههههه
انتظر شوي ورجع دق ع انور وما رد رجع مره ثانيه دق ورد اخيرا:هلا فهد
فهد:هلابك شلونك
انور بضيق:تمام انت شلونك
فهد:بخير والله شفيك ما ترد لا انت ولا صبوحه
انور بخاطره:شكله ما يدري وقال له:ابد بس كنت بالمستشفى ومشغوول والجوال ع الصامت
فهد بقلق:ليه المستشفى وش صاير
انور تنهد بضيق وقال:صباح تعبانه
فهد طاح قلبه وقال:شفيها ؟؟
انور:امس تعبت حييل ووديتها المستشفى وسقّطت
فهد سكت وما عرف وش يرد شوي قال:ياربيي طيب شلونها الحين؟
انور:تمام تحسنت شوي دوبني طالع من عندها
فهد:ياربي والله توني ادري منك مع اني مكلم امي قبل شوي بس ما قالت لي
انور:الله ييسرها
فهد:زين بالله طمني عليها اذا طلعت
انور:إن شاء الله الا وش صار ع عمليتك
فهد:ابد امس كان عندي موعد وحددو لي موعد بعد 3 ايام
انور:يالله الله وياك
فهد:فمان الله
انور:فمان الله
...
احمد وامه وروان بالمستشفى بعد وصولهم للرياض حط روان بغرفه خاصه ع حسابه
وموعدها بكره بيجي لها الدكتور ويبدو الفحوصات والإجرائات
خرج هو وامه وراحو للفندق القريب من المستشفى وامه كانت تعبانه وع طوول نامت اما هوجلس ع جواله شوي يسولف هو وسعود ع البيبي
سعود:الحمد لله ع السلامه
احمد:الله يسلمك
سعود:روان بالمستشفى متنومه؟؟
احمد:إيه ما تستغني عن الغسيل!!
سعود:يالله ان شاء الله ترتاح منه للأبد
احمد:إن شاء الله
سعود:والله خالد طاير من الفرحه وعمي دق علي وبارك لنا ويسلم عليك
احمد: j الله يسلمك ويسلمه
سعود:الحمد لله والله هم كبيير وانشال من قلبي
احمد:إيه والله الله يجزاه الجنه ويوفقه بحياته ويبعد عنه كل مكروه
سعود:منو؟!
احمد:اللي تبرع لها!
سعود:ايه والله .. نفسي اعرف مين !!
احمد:والله حتى انا بس دامه ما يبي احد يعرفه خلاص براحته
سعود:يلا بس عندي محاظره فمان الله
احمد:وانا بعد بنام يلا مع السلامه
قفل جواله وانسدح ع سريره بتعب وناااام
...
بالظهر رجع خالد وسعود للبيت وكانو تعباانيين حييل
خالد طالع بسعود وقال ويده ع بطنه:جوعاان قوم خلنا نروح للمطعم
سعود:مابي اكل المطععم تكفى ابي اكل نضييف اروق وانخمد بعده
خالد:وش اسوي لك يعني اطبخ لك يلا بس قوم
سعود:ياربييييي نفسي برز وماحب اطلبه من المطاعم
خالد:قوم يلا بس ولا بروح اتغدا لحالي وانت بكيفك
سعود وهو يقوم:زين جاي
قامو وركبو السيارة وهم بالسيارة الا وجوال سعود يدق طالع لقاه عمه رد ع طول:هلا عمي
عمه:هلابك شلونك ياولدي
سعود:بخير الحمد لله
عمه:سعود طلع خالد من دوامه ولا بعد
سعود:لا خلاص طلع وانا بعد خلصت
عمه:زين تعالو شوفو الغدا جاهز وحاسبينكم معانا
سعود طار من الفرحه بس حب يثقل شوي وقال:لا تسلم عمي حنا طالعين للمطعم الحين الله يكثر خيرك
عمه:اقول مو قاعد اشاورك انا يلا بس استناكم عجلو لا يبرد
سعود ابتسم وقال:زين عمي تامر امر
عمه:يلا فمان الله
سعود:فمان الله
قفل وقال لخالد:يلا بس ع بيت عمي
خالد بضيق:يووه ياخي ليه ما تعذرت مابي
سعود:وش اسوي قال مو مشاورك انا استناكم
خالد وهو يحرك السياره بضيق:ياشيخ الله ياخذ ابليسك
سعود:امين ويفكني منه
...
ببيت عمهم
اريج وريم قاعدين بالمطبخ
اريج تقطع السلطه وريم تسولف لها
ريم:اولاد عمي بيتغدون معنا اليوم
اريج ابتسمت بضيق وقالت:الله يحييهم
ريم تنهدت ولفت وجهها وقالت:انتي وخالد والله ما كنكم ازواج لا وبعد من يوم ما ملك عليك وانتي متنكده كأنك مجبورة عليه
اريج ما رفعت عيونها من السلطه وقالت:زين بعد اضنك ملاحظته انو هو اللي صار كأنه مجبور علي ولا ما تعرفين قد ايش فرحت انه خطبني حتى بملكتي الناس يبون يشوفون زوجاتهم وانا لا طار ع طول من البيت كأن احد يلاحقه ولا يكلم ولا يرسل
ريم تنهدت وقالت:بس ذاك اليوم لما كلمتيه وجلستي معاه كان عااادي حييل وكأن قلوبكم ع بعض
اريج وهي تحط الملح ع السلطه:مادري يمكن انا مو فاهمته
وكملت بعد ما تنهدت:ويمكن اننا مو مناسبين لبعض ويمكن انه مجبور علي
ريم بسخريه:شلون مجبور عليك ذا العصبي بالله احد يقدر يجبره ع شي روحي بس
اريج وهي تتذكر موقفه مع روان يوم شافته يدخن:بس روان تعامله معاها غييير مرة يتغيير كل العصبيه تطيير اذا شافها يصير انسان حنووون وطييب لو تشوفينه تقولين لا مستحييل مو ذا خالد
ريم:يمكن عشان هي اكثر وحده تفهمه بعدين تذكري خالد ما كان كذا كان نسخه من سعود حتى كان هو وياه دايم يتريقون مع بعض ويستهبلون وداايم تشوفيه يضحك بس من يوم ما مات عمي ومرضت روان اننقلب طبعه
اريج وزعت السلطه بالصحون وقالت:ماادري بس والله صرت اتضايق من طاريه
ريم تنهدت وقالت:ما عليه بس يبيلك تفهمينه وتغيرين طبعه هو لو يرجع مثل اول بينحل كل شي
شوي دخلت امهم وقالت:يلا خلو حطو الغدا وصلو اولاد عمك
اريج صار قلبها ينبض بعنف وجلست ع الطاوله وقالت للشغاله تحط الغدا
ريم:وش رايك نتغدا انا وانتي بالمطبخ ونخليهم هم بالصاله
اريج وهي متضايقه ويدها ع بطنها:زين احسن
ريم حطت لهم غداهم وجلسو يتغدون وامهم حطت لأولاد عمهم الغدا وجلس سعود وخالد وعمهم وعمتهم بالصاله يتغدون
اريج جالسه تاكل وبالها مو معاها لهالدرجه مملك عليها ولا حتى رسايل بينهم
صارت تفكر بكل الأسباب اللي ممكن تخليه يعاملها كذا
شوي حطت الملعقه ع الطاوله وصارت مسررحه ودموعها بعيونها طالعت فيها ريم وقالت:هيا اروج خليك منه كلي
اريج غطت وجهها بيدينها وصارت تبكي وتشهق
ريم سحبت يدينها وقالت:بس اريج مع نفسه دامه مو مهتم اسفليه
اريج بقهر:حتى يوم زواجنا مو مفكر يحدده وش يبي بالزبط
...
بالجهه الثانيه ابو اريج يكلم خالد بخصوص موعد زواجهم خالد قعد يتهرب من السالفه لين بالنهايه ثبت انه بيكون بعد سنه !! وعذره انه مشغوول هالسنه حييل بشغله ووضعه مو مستعد للزواج وعمه ما عارضه
بعد الغدا جلس خالد ع الكنب وهو يقول:الله يكثر خيرك عمي
عمه:بالعافيه ياولدي ما سوينا الا الواجب
قام سعود وصار يمشي ناحيه المطبخ ويتنحنح
اريج وريم سمعوه وعدلو طرحهم دخل وهو يقول:اوه انتو هنا سلام
اريج وريم:وعليكم السلام
طالع بريم وهو يقول:ريمووه
ريم:هممم
سعود وهو مبتسم:بيبسي لا هنتي
قامت ريم واعطته من الثلاجه وهو فتحه وشرب شوي وقال وهو يروح للصاله:ايه قلتي لي انك متخصصه تجميل
ريم بإستغراب:ايه ليه
سعود وهو يضحك:ذولي البنات وذي حركاتهم فاشلين بالدراسه نادر ما تلقى بنت دافورة
انقهرت ريم وقالت بسخريه:هه لعلمك معدلي كان اعلى من المعدل اللي دخلك الطب بس انا بمزاجي اخترت التجميل يا ناجح
سعود شرق بالبيبسي وصار يضحك ويكح شوي قال:بالله تصدقيين احب انرفزك
ريم جلست وكملت اكلها وهي تقول:ما تنرفزت عادي
طلع سعود من المطبخ وجلس سعود جنب خالد بس استغرب ان خالد معصب وقال له:شفيك
خالد:وش موديك للمطبخ
سعود:ابي بيبسي وبعدين مو مطبخ ابوك
خالد وهو يقرصه بذراعه بقووه:زين لا عاد اشوفك دخلت عشان يصير مطبخ ابوي
سعود:اااي يا شيينك دايم حشري
خالد بعصبيه:فاهم ولالا
سعود بضحك:لا عيد
خالد لف وجهه عنه وسعود قال وهو يقوم:حركات اخوي يغار ع مرته
خالد:لا بالله وش شايفني حجر ماله احساس ولا طافح لي خنزير
سعود وهو يضحك:هذا الظاهر وما خفي كان اعظم
خالد سفهه وما رد عليه وصارت عيونه ع المطبخ يبي يشوف اريج
شوي انتبه لنفسه ولف وجهه وهو يقول:بس عاد اكيد البنت متنكده مملك عليها ولا حتى سلام قام وهو ماسك جواله وخرج للحديقة ودق عليها
هي كانت بالمطبخ ومتضااايقه دق جوالها وطالعت"حبي الأبدي"
مسكت الجوال وصارت تطالع مو مصدقه انه يدق ردت ع طول بشوق:الو
خالد:هلا اريج اخبارك
اريج:هلابك تمام انت اخبارك
خالد تنهد وقال:بخير اريج تعالي ابي اشوفك انا بالحديقه
اريج سكتت وما ردت وهي نفسها يعيد الكلمه مرة ثانيه شوي انتبهت لصوته يقول:اريييج معاي
اريج:ايه معاك
خالد:يلا بسرعه قبل لا اروح
اريج:طيب جايه
خالد:يلا باي
اريج:باي
قفلت جوالها وقامت بتثاقل وقالت لريم:يبي يشوفني
ريم ابتسمت وقالت:روحي شوفي وش عنده
راحت اريج للحديقه وصارت تتلفت تدور له وشافته واقف عند المواقف ومتكي ع سيارته خافت يكون سعود معاه بس لفت وشافة سعود خارج من البيت بعد ما كلم خالد وهو يضحك
مشت لين عند خالد اللي انتبه لها وصار يطالع فيها وهو مبتسم لين وصلت عنده
هي ابتسمت بضيق ونزلت راسها وهو قال بخاطره:آه باين الضيق بوجهها والله حرام تنظلم معاي سكت شوي وقال بخاطره وهو يمسك يدها:اول ما كان بقلبي شعور تجاهك بس الحين مشاعر كثييييرة متضاربه مادري شلون اعبر عنها
رفعت راسها وطالعت فيه وهو ع طول حضنها بقووه ولا نطق بكلمه
وهي صارت تبلع بكوتها ودافنه راسها بحضنه
خالد بعدها عنه وصار يطالع بعيونها وهي تحاول تخفى دموعها تذكر كلام روان له"بس اريج تحبك والله تموت فيك"
ابتسم لها وقال وهو يبوسها بخدها:يلا باي اشوفك ع خير
اريج بعدت عنه وقالت بصوت واطي حزين:باي
ركب سيارته وقال وهو يفتح الشباك:ادخلي قبل لا يجي سعود
اريج ابتسمت ولفت وصارت تمشي داخله للبيت وهو ما فارقتها عيونه لين ما دخلت البيت ودق ع سعود وجا وراحو للبيت
...
فهد بالسيارة ورايح لموعده بالمستشفى ويكلم صباح:صبوحه سلاامتك لا يكون بس حسدتك
صباح وباين بصوتها التعب:الله يسلمك والله شكلك
فهد:ههههههه يلا ما تدري يمكن فيها خير كيفك الحين
صباح:الحمد لله احسن
فهد:كلمت انور قبل يوم كان متضاايق
صباح:ايه وللحين بدال ما يهديني انا اهديه
فهد:شكله كان متأمل الا اقول ليش سقّطتي ؟!
صباح:مادري والله لي يومين تعبانه وماقدر اتحرك وانا بالمستشفى نزل
فهد:ما طحتي ولا تعورتي ولا شربتي شي ولا اكلتي ولا صقعتي ولا..
قاطعته صباح وهي تقول:لالالالالا شفيك علقت
فهد:هههههههههه والله تلقى ليان بتطير من الفرحه لا يكون بس هي اللي منزلته بالله ما خبطت ع بطنك وانتي نايمه ولا رفستك ولا..
صباح:يالييييل ابو لمبببه
فهد:ههههههه وينها ما عاد صورتيها لي اول مزعجتني ع البيبي بصورها والحين سحبتي
صباح:ههههه زين ارسلها لك الحين كلهها لو تبي مو بس صورها
فهد:ههههه تسوين خير والله
صباح:ايه كأنك بسيارة وين رايح
فهد وهو يوقف وينزل لأنه وصل للمستشفى:شوفيني بالمستشفى الحين عشان موعدي يلا باي اكلمك بعدين
صباح:باي لا تنسى تطمني
فهد:طيب
قفل الجوال وحطه بجيبه وراح ع طول ما مداه ما يوصل الا الممرضه تقول وين فهد ال.....
فهد وهو يأشر لها:انا
ودته لغرفة الدكتور وهو دخل وقال:سلام عليكم
الدكتور:وعليكم السلام
ناوله فهد الأوراق وقال:تفضل دكتور
الدكتور وهو يقرا اللي بالورقه قال:اوكي الحين قبل لأبدا الفحوصات لازم تروح وتفتح لك سجل طبي مؤقت مرفق مع السجل الطبي للمتلقي
فهد وهو يعطيه ملف:خلاص فتحت امس وسويته
اخذه الدكتور منه وقال:اوكي نسوي تحليل الدم والإخراج
فهد:اوكي
.. .. .. .. .. .. .. .. .. بعد التحلييل
الدكتور:بتطلع نتايج التحليل بعد ربع ساعه والحين تروح لقسم الأشعه وتسوي أشعة سينية للصدر و أشعة فوق صوتية للكلية و تخطيط كهربائي للقلب ecg
فهد:اوكي
راح لقسم الأشعه وسوى اللي طلبه منه الدكتور وراح واعطاه اياه
والدكتور قال: اوكي الحين نستنى نتائج الفحوصات تطلع ونكمل الباقي
جلس فهد بالإنتظار يستنى نتائج فحوصاته عشان يكمل الباقي وصار يطالع بالمرضى اشكااال وانوواع اللي بجلطه واللي بشلل واللي اعاقه حمد ربه ع الصحه وقال:اه لو اقدر اساعدهم كلهم آآه بس
سرح وجا بباله:لا يكون مواعيد روان مثل مواعيدي وتجي صدفه ويشوفني احمد بالمستشفى لاااااا بيخرب كل شي صار جالس ويده ع قلبه لا ونفس الدكتور وتذكر يووه السجل الطبي حقي مرفق مع حق روان لااا
قام وراح للدكتور وقال له:دكتور ابي اطلب منك خدمه
الدكتور:تفضل
فهد:سجلي المرفق مع سجل المريضه ابيك تخليه عندك ولا تعطيه لولي المريضه
الدكتور:طيب لو طلبه
فهد:اعطيه حق المريضه بس تكفى دكتور
تنهد الدكتور وقال:اوكي لا تشيل هم
فهد:يعطيك العافيه دكتور
شوي الا جات الممرضه بالنتائج اخذها الدكتور وصار يطالع بالورقه وهو عاقد حواجبه
فهد بدا قلبه يررقع شوي ابتسم الدكتور وقال:كويس سليمه يلا نكمل الحين راح نسوي لك تصوير للبطن بالموجات الفوق صوتيه عشان نتأكد من سلامة الكليتين
اخذه وراحو للغرفه المخصصه للتصوير وانسدح فهد وبدى الدكتور شغله
.. .. .. .. .. .. بعد التصوير
الدكتور وفهد واقفين وبيد النتائج ويقول:كليتينك سليمه ولحد الحين كل شي تمام والحمد لله
فهد:الحمد لله
الدكتور:الحين بأسوي لك اختبار التعرض للدرن (السل)
فهد:أوكي
اخذه الدكتور وسوى له الإختبار وطلعت النتيجه إيجابيه وقال له:اوكي يصير خلصنا موعد اليوم روح وخذ لك موعد مع الطبيب اللي بيسوي لك العمليه وعاد هو يكمل شغله
اعطاه اسم الدكتور وراح فهد واعطاه الدكتور موعد بعد يوم ورجع للفندق
...
باليوم الثاني موعد روان الأول
حضر احمد عند روان بالمستشفى ودخل الدكتور المسؤل عندهم بغرفة التنويم
وقال:السلام عليكم
احمد:وعليكم السلام
الدكتور:كيفك عساك بخير
احمد:تمام الحمد لله
الدكتور:بسم الله نبدا اول شي بتحليل الدم
سحب من يد روان عينه للدم واخذها واعطاها الممرضه اللي ودتها للمختبر
الدكتور:الحين راح نسوي لها تخطيط للقلب وأشعة للصدروأشعة فوق الصوتية للقلب
طلب من الممرضات ياخذونها لغرفة الأشعه وبدا شغله
.. .. .. .. .. .. .. .. بعد الأشعه
الدكتور مسك احمد وصار يقول له النتايج وطمنه انها مزبوطه وانه بس ينتظرون نتائج الدم وقال له انو راح ياخذون فحص للإخراج
وبعدها تطلع نتائج الدم والإخراج ويحددون لهم الموعد الجاي
وقال:بس الحين لازم تاخذ موعد مع طبيب الأسنان لأنو لازم فحص كامل لها وعلاجها اذا استدعى الأمر
احمد:اوكي الحين اروح واخذه
الدكتور بعد ما طلب من الممرضات يرجعون روان لغرفتها قال وهو يربت ع كتف احمد:الله معاك
...
ببيت ابو احمد بجده
خالد قفل جواله بعد ما كلم احمد وقال له باللي سووه بالموعد الأول
انسدح ع الكنب وهو يحس بطففش غريييب
تذكر اللي صار مع اريج اليوم غمض عيونه وقال بضحك:اتشربك لو تذكرت هالموقف ههههه كنت بتهور لو ما ربي ستر ههههه
جا بباله انه يطلع ويتمشى هو وياها ويفك هالطفش بس خاف يصير شي يعصبه ولا ينرفزة ويخرب كل شي
قعد يفكر شوي ومسك جواله ودق عليها هي كانت بالصاله وتتفرج بالتلفزيون ولفتها صوت جوالها وطالعت بس قرت"حبي الأبدي"الا وتحس بقلبها بيطلع من صدرها مسكت الجوال بيدينها اللي ترتجف وردت:هلا
خالد:هلابك اخباارك اروج
اريج:تمام انت اخبارك
شوي جات ريم وجلست وصارت تقلب بالتلفزيون
خالد:تمام والله اسمعي اريج شرايك نطلع اليوم سوا
اريج حست بصدمه وقالت بخاطرها:هذا خالد ولا شلون لا في احد صاقعه ع راسه
خالد حس انها تأخرت بالرد وقال:ارييييج معاااي
اريج انتبهت:ايه معاك
خالد:يلا بس بمرك الحين تجهزي ولا تتأخرين!
اريج ابتسمت بفرح وقالت:طيب
خالد:باي
اريج:باي
قفلت و قامت وهي فرحانه ومسكتها ريم من يدها وقالت وهي تغمز:تحسنت اوضاعنا لا يكون متهورين
اريج فلتت يدها وهي محروجه وقالت:لا بالله سمي بس لا تحسديني
ريم:ههههههههههه اطلعي بس لا تتأخرين ع الرجال ويقلبها فلم رعب
طلعت اريج وصارت تتجهز وقالت لأمها وهي نازله انها طالعه مع خالد نزلت تستناه بالصاله
شوي الا جوالها يدق ردت:هلا خالد
خالد:يلا انا برا بسرعه
اريج:اوكي باي
خالد:باي
قفلت جوالها وطلعت لقيته ينتظرها بالسيارة ركبت وهي مرتبكه حييل وهو حرك السيارة ومشو
وهم بالسيارة سكووت غير طبيعي بس خالد كانت مبتسم طول الوقت واريج مسرحه بالسيارات شوي وقفو عند اشارة ولف خالد وجهه وطالع فيها هي ما انتبهت له وهو صار يطالع فيها وسرررح وهو مبتسم يحس بشي غررييب يخليه فرحاان حيييل
شوي الا ينتبه لصوت البواري من وراه وعاااليييه حييل لف لقى الإشاره فتحت ومشى وهو يقول:زين الله ياخذكم مو طاير الطريق
طالعت فيه اريج وضحكت وهو ضحك وقال بخاطره:خربو علي وجع
شوي وقفو عند البحر وطالع خالد بالمكان اللي ارسل سعود له قبل لا يطلع مع اريج لقى كل شي جاهز وسعود مو موجود ابتسم وقال:يلا اريج
فتح بابه ونزل وهي نزلت ومسك يدها وصارو يمشون ناحية يخت صغير وصلو عنده ومسك خالد طرفه وهو يقول:يلا اركبي
اريج طالعت فيه وابتسمت وركبت وبعدها ركب هو وصار يسوقه
هي كانت واقفه وراه وهو يسوق ومستنده ع كرسيه وتقول:حركات خلود تعرف له
خالد:ههههه افا عليك
ضحكت اريج وهو وقف بنص البحر وحست اريج انهم بعدو حييل وقالت بخوف:شفيك وقفت؟!
خالد يبي يخوفها قال وهو يقوم ويمسكها من كتوفها:عشان اكلك
اريج قالت بخوف وهي تطالع فيه:خالد لااا
ضحك خالد ع شكلها ومسك بيدها وجلسها ع الجلسه ودخل جاب كاستين عصير وطلع عندها
جلس جنبها واعطاها كاسه العصير وقال:خذي
اخذته اريج من يده وهو حط يده من ورى ظهرها وصار يطالع بوجهها شوي قال وهو يفك طرحتها: شيليها مافي احد
اريج نزلت طرحتها ع كتوفها وهي مرتبكه
شوي قال بإرتباك:اريج
اريج وهي تطالع فيه:همم
خالد:اليوم يوم شفتك بالظهر كانك كنتي متضايقه
اريج لفت وجهها عنه وما ردت وهو قال بجديه:اريج اتكلم انا
اريج بإرتباك:مو متضايقه بس
خالد:ايش قولي
اريج وهي تمسك يده وتبتسم:خلااص مو مهم خالد
خالد تنهد بضيق وهو يعرف وش كانت تبي تقول وبنفس الوقت استغرب من كتمانها يعرف ان هالشي جرحها حييل بس ليه وهي جنبه تنكر هالشي وتقول مو مهم
طالع بالبحر وقال:اروج كنتي متضايقه مني صح
اريج طالعت فيه وقالت:بس خالد قلت مو مهم
خالد ما اهتم لكلمتها وقال:مو بس متضايقه ادري انك مجروحه مني
اريج سكتت وما ردت وهو قال وعيونه بوجهها:بس صدقيني غصب عني كانت هالتصرفات وضروفي كانت اقسى مني بس الحمد لله الله فرجها
طالعت فيه وقالت بخاطرها:مو معقوله ظروفك تنفرك مني
هو استغرب من نظراتها وقال يبي يرقع الموضوع:بس الحين..
قاطعته اريج ودموعها تنزل وقالت:خالد هذا مو عذر دامك كنت تعرف اني متضايقه وتعرف انك تجرحني ليه.. سكتت وما قدرت تكمل وهو بعد ضاع كلامه وسكت
مسحت دموعها وقالت وهي تقوم من جنبه:انت بإرادتك كنت صاد عني لا ظروف ولا غيرها لا تكذب علي خليك واضح من البداية
خالد حس انه تضايق من هالجو وقال بضيق:قلت لك واذا بتصدقين ولالا هالشي يرجع لك
طالعت فيه واستغربت من كلامه وجات بتتكلم وهو قال بنبرة حاده:ما كان بقلبي تجاهك أي شعور هذا اذا تبين الصراحه بس..
قاطعته وقالت بألم وهي معصبه من كلامه ودموعها تنزل:زين ماحد حادك علي لو ما خطبتني وريحتني وارتحت
خالد تنرفز لأنها ما اعطته فرصه يكمل وقال بعصبيه:اريج دام هذا الكلام اللي تقدرين تقولينه انطمي
اريج طالعت فيه بقهر ولفت وجهها عنه عشان ما يشوف دموعها وصارت تمسحها اول ما تنزل من عينها وتبلع غصتها
خالد لف وجهه للبحر وحس ان الجو خااانقه طالع فيها وحس انها بتتقطع من الألم بس برضو هي مو راضيه تعطيه فرصه
تهند وضرب بيده ع جبهته وهو يقول بخاطره:قلت لكم حرام تنظلم معاي في كل مرة ابي اسعدها اخرب الموضوع
قام وصار يسوق اليخت لين ما رجعه مكانه ونزلو ورجعو للسياره والصمت سيد الموقف
وقفو عند الإشارة وقال يبي يصلح الموضوع لأنه ما حب يفارقها وهي زعلانه:وش تبين عشا
اريج ودموعها بعيونها:مابي شي
خالد سكت ووصلها للبيت وهي نزلت وخالد صار يطالع فيها لين ما دخلت وضرب بيده ع الدركسون بقهر وقال:العن ابو هالخرجه
ورجع للبيت وهو معصصب
...