السنين , تروح

السنين,تروح,والدنيا,تدور,..وانت,باقي,مثل عبدالله ملك

*
*
*

ودي أسمع صوتك اللي لاسمعته
من عميق الحزن للفرحة خذاني
ودي أسمع صوتك اللي من فقدته
صرت فاقد كل حاجة في زماني..!

بعدك أنا : بخير بس..
أشتقت لك واااااااااااااجد
الله يردّك لـ قلب
مايبي غيرك!

عندك أمل إني مع الوقت
بـ أنساك
وعندي أمل
إنك بترجع.. مع الوقت!

عدّى شهر من بعـد ليلـة غيابـك
ولالقيـت لغيبتـك أي تفسـيـر
من هو مزعّل بس حضـرة جنابـك
إن كان أنا.. جمّعت كل المعاذيـر
خذي معاذيـري وهاتـي عتابـك
مع إنّ منّـي ماحصـل أي تقصيـر
خليّني أبكي بس عيشـي شبابـك
خليّني أبكي دمّ عادي وش يصيـر ؟
مشتاق لك .. مشتاق حتى لعذابك
ياللي وصالك غير ومفارقـك غيـر
عدّى شهر من بعـد ليلـة غيابـك
ولا لقيـت لغيبتـك أيّ تفسـيـر

يا زمان الأقنعة وين الوجيه ؟
كل يوم يطيح لـ أصحابي قناع

أنت الذي لاغبت عني :
دقيقه!
أصيح بـ أعلى الصوت وآقول:
مشتااااااااق
أنت الغلا وغيرك عساه
بـ حريقه!
وأنت الذي غيبتك ماهيب تنطاق
يشتاق لك
بيتك
وأنا
والحديقه
والكل منّا للوصل
صار توّاااق

أفكر أقطع علاقاتي مع العالم
دامك معي أنت تكفيني عن الدنيا

الرياض اليوم ماهيب الرياض
جوّها عطر وشوارعها حنين
يوم رحتي قابلتك بإعتراض
ويوم جيتي قابلتك بدمعتين
سيدّة قلبي لو بقلبك بياض
كان ماخليتي العاشق حزين
لاذكرك تسيل دموعه فياض
يوم غيره مابكاك بدمعتين
قالوا إنك أمس جيتي للرياض
ياهلا بك بس هو وين الحنين ؟

الموضوع الأصلي: السنين,تروح,والدنيا,تدور,..وانت,باقي,مثل عبدالله ملك || الكاتب: أنفاس الورد || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات