الجزء السابع
باليوم الثاني قام فهد من النوم ع صوت ليان وهي تبكي
جلس وهو بيموت من النوم وطالع بساعته كانت الساعه 7 الصباح حملها وصار يسكتها وهي تبكي طالع برضاعتها فاضيه حطها ع السرير وقام وسوى لها رضاعه ورجع واعطاها تشرب وهو اخذ منشفه ودخل الحمام
...
ببيت ابو احمد
احمد نازل للصاله وهو مستععجل تأخر عن دوامه وما صحى بدري اخذ كوب القهوه وخرج وهو يقول لأمه:فمان الله يمه
امه:ودعتك الله انتبه لنفسك
احمد وهو يقفل الباب:إن شاء الله
ركب سيارته وع طووول ع الدواام
اما روان دوبها صاحيه وامها عندها تشربها كوب حليب وهي بالحييل تشرب وامها كانت مبتسمه وتشجعها
تعلقت عيونها بعيون امها وتجمعت دموعها بعيونها وقالت بصووت مبحووح:يمه خليك قريبه لا تروحين
امها وهي تمسح ع شعرها:مو رايحه حبيبتي بجلس جنبك
مسكت يد امها وقفلت عيونها بتعب وهي مهلوكه من الغسيل
...
فهد بدوامه مستند بيده ع المكتب وبيده قلم وجالس يشخبط ع الورقه ومسرححح وبخاطره يقول:ياارب توافق امي
تنهد ع دخلة موضف من اصحابه وهو يقول:السلام عليكم
فهد:وعليكم السلام
الموضف:شفييك لا يكون مشغول
فهد وهو يرمي القلم بضيق ع الطاولة:لا خلصت وطفشاان
الموضف وهو يحط كوب القهوه ع الطاولة ويجلس قريب:خذ اشرب وخلنا نسولف بعد انا خلصت وطفشاان
ابتسم فهد وصار يشرب القهوه ويسولف معاااه
...
بعد الدوام ببيت ابو فهد
فهد الأهبل تهور من كثر ما اقلقه تفكيرة وراح عند امه اللي كانت بالمطبخ وتأكل ليان وقال وهو يجلس:وين صباح ما جات؟
امه:لا باقي بدوامها بتتأخر اليوم عندها نشاط
فهد صار يهز رجله بتوتر وسااكت وعيونه ع ليان وهي تاكل
امه طالعت فيه وقالت:فهد شفيك؟
فهد طالع بأمه برجاء وقال:يمه ابي اقول لك شي
امه وهي تجلس لأن عورها بطنها من هالشي قبل لا ينقال وقالت:قول وش عندك
فهد:زين بس لا تعصبين افهميني زين
امه:اخلص علي ياولدي
فهد توتر زياده وقال:ابي اسوي عمليه
امه طاح قلبها وقالت بخوف:شلوون عملية وشو
فهد:يمه زين اهدي
امه:شلون اهدى عملية وشو تكلم
فهد تنرفز وقال بعصبيه:ابتبرع بكليتي
وقتها امه ثاارت اعصابها وقالت وهي تهاوشه:وشو تتبرع!! مجنون انت وحياتك مستقبلك فهد خلي عنك هالتفكير لمتى بجلس ادبر لك كل شي حتى تفكيرك ما تعرف مصلحتك لمتى
فهد مسح بيدينه ع شعره بضييق وقال:ياربيي يمه مستقبل ايش وحياة ايش قدها كلية بتروح وكليه بتجلس ما تفرق ولا بيتغير شي
امه عصصبت وقالت:وشو وزواجك ونورة ما راح ترضى لو تبرعت انت تعرفها وتعرف مزاج..
قاطعها فهد بعصبيه وهو يقول:نوووورة انسييييهاااا انا مو على مزاج ذيك الحقيره شييليها من باالك تعرفين لوو اخسسر كل شي بحياتي ما اتزوجها ولا افكر فيها وبتبرع يعني بتبرع
امه بخوف:لمنو بتتبرع؟!
فهد بضيق وهو يخرج من المطبخ:لروان اخت احمد
امه بقهههر :لا والله عبو لي راسك وجيت مقلووب من طلعتك امس ما بتمشي اللي براسك علي تبي تخرب حياتك انت
فهد:وش اللي عبو راسي يمه انتي متى تفكرين زين البنت بتمووووت حسي شوي والله لو انها بصباح كان طلعتي لها كليه من تحت الأرض
امه بعصبيه:لا تتفاول ع اختك يا ...
بدخلة ابووه اللي كاان مرووق ويقوول:اذكرو الله صلو ع الحبييب
سكت فهد وصار يحاول يهدي نفسه وامه طالعت بأبوه وقالت بعصبيه:شوف ولدك ذا جنني ما عاد اتحمله ولا اتحمل تفكيره
ابو فهد:شعندك يا فهدووه
فهد انققهههر حييل وكان معصب وما حب يخرب السالفه زياده وقال:سلامتك ما عندي شي
ابو فهد طالع بزوجته وهي قالت وهي تحمل ليان:يبي يتبرع بكليته انجن الولد
ابوه طالع فيه وهو خااف من ردة فعله بس ابوه ابتسم وقال بضحك:فهد اقلب وجهك قبل لا تاكلك امك ههههههه
فهد طالع في ابوه اللي غمز له وراح وابوه قال لأمه:هدي اعصاابك يا مرة وين الغدا
امه حطت ليان بالصالة و دخلت المطبخ وحطت لهم الغدا وبدو يتغدون
...
بعد صلاة العصر فهد كان جالس بالصاله ويكلم بجواله:صبووحه ترى سمجت ما بتجين تاخذين المقروده بنتك
صباح:لا ابي ارووق خليها معاك بجي ع المغرب
فهد:صبااااح ابغى ارتااح ما نمت زين منها نتفت شنباتي
صباح:ههههههههه والله ماحد قال لك انت اصريت تخليها معاك تحملها بحلوها ومرها
فهد وهو يبي يقفل:امري لله يلا بس مع السلامه
صباح:مع السلامه
شوي ابوه داخل طالع فيه ولف ما شاف امه موجوده وقال:فهد تعال بالمكتب ابي اكلمك
فهد نادى الشغالة تجلس عند ليان وراح لأبوه بمكتبه
جلس فهد وهو متوووتر وابوه واقف قباله ويقول:انت من جدك تبي تتبرع
فهد طالع بأبوه وقال:ايه يبه من جد
ابوه بجديه:اكييد ومو متردد ابد مستعد لهالشي لأنو مو سهل ياولدي
فهد بإصرار:ايه اكييد ومستعد بعد
ابوه ابتسم وقال:زين لمين
فهد:لأخت احمد
ابوه تذكر انو صدق اخت احمد تعبانه وقال وهو يجلس:زين الله وياك
فهد طالع بأبوه وهو مو مصدق وقال:يبه جد
ابوه:ايه جد دامك مقتنع هالشي يرجع لك بالعكس حلو انك فكرت بحياة غيرك واهتميت له وحلو انك تبي تساعد صديقك وبالنهايه كليتك وانت حر
فهد بفرح:زين امي رضيت؟
ابوه:ما عليك امك بتعصب شوي وترضى انا بقنعها بس من وقتها لأن امك تقلق ع كل شي
فهد حس انه ارتاح لأبوه وابوه قال:ما اضن يسوونها بجده صح
فهد:الا بس بالحرس الوطني انا مالي علاقه فيه يعني بسويها بالرياض <<يقصد انه مو متوضف بالحرس ولا بالعسكريه عموما عشان كذا ما راح يسويها فيه>>
ابوه:بمستشفى الملك فيصل التخصصي؟
فهد:ايه
ابوه:زين توكل ع الله متى تسافر؟
فهد:بكرة ولا اقرب رحله
ابوه عارف ان الوضع حسااس وان روان معرضه للموت بأي لحظه عشان كذا ما لامه وقال:زين زبط امورك وانا بشوف دوامك باخذ لك اجازة مفتوحه
فهد قام وحب راس ابوه وقال:زين يبه يلا ابروح المطار احجز
ابوه:يلا الله معاك
فهد طيرااااان ع المطار
...
بعد المغرب طبعا ام فهد خاصمته ولعنت شكله وتدخل ابوه وهدا الوضع
فهد جالس مع صباح بالصاله وماسك تذكرة السفر بيده صباح قالت:قلت لأحمد
فهد بتوتر:لا شلون اقله ؟
صباح:وش اللي شلون تقول له !!
فهد توتر زياده وقال:صباح اخاف لو قلت له يففهم كل شي غلط عاد وانا حااس فيه من اوول صار يتحاشى الكلام بعض الأحيان
وقال بخاطره وهو يتحاشى عيون صباح:بعد هالشعور اللي بقلبي ابي اقطعه لو عرف انو انا اللي متبرع لأخته بيتطوور وانا ابي اتخلص منه
تنهد وقال بصوت واطي حييل:مابي اخسر صديقي بسبب شعور ياليته ما انولد
صباح:فهد شلون هو ما بيصدق خبر بيفرح حييل
فهد:لا ما تعرفينه
صباح:شلون يعني بتتبرع من دون ما يعرف
فهد وهو يقوم:ايه بتدبر وضعي
صباح:زين متى رحلتك
فهد:بكرة بعد العشاء
مسك جواله وهو يقول:نسيت اكلم المستشفى عشان احجز موعد
دق ع المستشفى وصار يستنى الرد شوي ردو:الو السلام عليكم
المستشفى:وعليكم السلام
مرت المكالمه وحجز له موعد بعد بكرة بالصباح ع اساس يبدو الإجراءات
...
باليوم الثاني من بعد العصر لين بعد المغرب وفهد واحمد برى البيت يتمشون بعد ما عرف احمد ان فهد بينقل للدمام بسبب دورات ضروريه لعمله <<هذي خرشت فهد عشان ما يعرف بموضوع الزراعه>>
بعد المغرب فهد يقول:يلا فمان الله اشوفك ع خير
احمد تضاايق حيل من طاري الفراق وقال:مع السلامه والله بتوحشنا
فهد ابتسم وقال وهو يركب سيارته:لا تقطعني
احمد:هههه اكييد لا توصي
ركب سيارته وراااح للمطاااار وصار ينتظر رحلتة للرياض
...
ببيت ابو احمد
خالد طلع من غرفه روان وقفل الباب من وراه واستند عليه بضييق ودموعه بعيونه
انتبه ان امه خارجه من المطبخ وطلع لغرفته
بغرفته كان جالس ع السرير وجواله جنبه اصحابه يدقون عليه بس ما يرد اببد عيونه ع الجوال بس باله مو معااااه
كان يتذكر ذاك اليووووم
%%%
خالد عمره 21 سنه
رجع من الجامعه وكان مروووق شاف سعود واقف بالمطبخ وقال له:انت متى رجعت من مدرستك<سعود كان بثالث ثنوي >
لف وطالع فيه وقال وهو يصب العصير:ابد والله شردت وانا اخوك
خالد بصدمه:اووه هههههه يا ويلك الحين بيجيك ابوي طيراان يلعن شكلك
سعود بضحك:ووش يدري ابوي
خالد:بيدقون عليه
سعود:ههههههآأي ليه شفتني الغشيم خالد عطيتهم رقمي بكل الأوراق اللي يطلبون فيها رقم ابوي
خالد:ههههههههه والله منت هين
سعود بغرور:اعجبك
خالد وهو يدخل ويجلس:زين اعطيني عصير
سعود عطاه كاسه عصير وقال:بالعافيه
شوي احمد داخل ووجهه شااااحب ويتنفس بسرعه كأن احد لاحقه
سعود بضحك:خويلد شوف جا العبقري من دوامه بدري لا وكأنه ملحووق لا يكون ابوي لاحقك
خالد ضحك ولف وقال لأحمد وهو يمد له بكاسه عصير:حمود اشرب شكلك فاحم
احمد طالع بأخوانه وهو مصدووم وقال بخاطره:شكلهم ما يعرفون
تجمعت دموعه بعيونه وصارت تننزل وهو واقف بنفس وضعه
خالد طالع بسعود وقال وهو خايف:شفيه ذا
سعود خاف وقال وهو يهز احمد:حمود شفيك
احمد بيأس وهو يطيح ع ركبتينه وينهاار:ابووي .. ابوووي مااااات ..
خالد طالع بسعود وهو مو مصدق وقال بصدمه:شلووون؟؟ابوي..
سعود جلس ومسك كتف احمد وهو يرتجف و يقول:احمد .. ليه .. شلون
احمد وهو يبكي بحرقه:مااات .. مااات بحادث .. تقططع .. اننحرق بسياارته .. وكلهم يتفرجون .. الدفاع ما وصل الا متأخر..بعد ما تفحم ابوي ..
امهم اللي كانت واقفه عند باب المطبخ وسمعت هالكلام كله طاحت ع الأرض مغمى عليها
كلهم راحو لها ويفوقونها
وهم بالمستشفى ومحتاسين مع امهم وابوهم بثلاجة الموتى
روان كانت بمدرستها ومستغربه تأخرو عليها ماحد جا اخذها دخلت للإدارة ودقت ع جوال ابوها بس مقفل دقت ع جوال احمد ما يرد دقت ع خالد برضو ما يرد دقت ع سعود مقفل
تأففت ودقت ع البيت وردت عليها الشغاله طلبت منها تخلي السواق يجي وياخذها
وطبعا راح السواق واخذها من المدرسه
دخلت البيت وهي تقول بعصبيه:ما شاء الله نسيتو ان لكم بنت بالمدرسه
طالعت بالبيت فاااضي لفت وقالت للشغاله:وين امي
الشغاله:مافي احد كلو روح
روان عورها قلبها وقالت:ليه
الشغاله:مادري بس ماما تعبان وودي مستشفى كلو روح
روان خاافت ومسكت جوالها وصارت تدقدق ع اخوانها بس ما يردون
شوي الا هم داخلين مع امهم وباين بوجيههم الحزن طالعت فيهم وقالت:شفييكم
ماحد رد وجلسو كلهم بيأس ع الكنب
امها انهارت وصارت تبكي سعود نفس الشي وخالد صار يبلع بكواته بس دموعه خانته احمد صار حاضن امه ومنهااار وهي محتااره بس بطنها محتااس
قالت بخوف وعصبيه:شفييكم اتكلم انا
امها بألم:مات ابووك
وصارت تشاهق روان طالعت فيهم وحست برجولها ما تحملها جلست ع ركبتيها وقالت ويدها ع صدرها ودموعها تنزل وصوتها يرتجف:اييش منوو
كلهم منهاريين وما يقدرون يردون عليها وهي طالعت بوجيههم بيأس وصارت تبكي بحرقه وتتذكر كل لحظه معاه وحنانه وحبه ورحمته كل شي جمعها فيه مر قبالها بذيك اللحظه
%%%
رجع خالد للواقع بعد ما ازعجه جواله ورماه ع الأرض وانفكت البطاريه وتقفل
حط راسه ع الوساده وبدا يرجع لماضيه
%%%
بعد وفاة ابوه بسنه طاحت روان عليهم وكانت تعباانه حييل ودوها للمستشفى وبعد الأشعه والفحوصات عرفو مرضها وبدا كابوس حياتها(الغسيل)
صارو يعانون معاها في كل مرة تغسل فيها ويتألمون وهم يشوفونها تتألم
حاولو كلهم ينقذونها بس بدون فايده
خالد اللي كان طبعه مرح وفرفووش صار عصبي ويتصنع القوه عشان ما يضعف قدام أي صدمه عقب هالصدمتين(وفاة ابوه ومرض روان)
سعود ضل طبعه زي ماهو ما تغير بس صار يخفى كل الم يواجهه خلف ابتساامه وضحكه ومزحه وبنفس السبب عشان ما يضعف ويبين للناس انه مبسوط وهو متدممر من داخله
احمد صح كان جدي من اول بس صار هو المسؤول عن اهله وعن روان وهي الحمل الثقيل اللي انحط ع كتفه وبكذا صار مهمووم طول الوقت ويحسب حساب كل شي
امهم صارت تحاول تحتوي اولادها وتضمد جراحهم وجراحها من هالصدمات وتنسيهم هالشي وتبني لهم مستقبل افضل وما تبي مرض روان يأثر ع حياتهم
حياتهم تغير مجراها من بعد هالصدمات وبدت تاخذ منحى ثااني تحورت كلها ع روان وصحتها وراحتها وصارو يحاولون يسعدونها بكل شي ومتمسكين بالأمل اللي يخرجهم من هالدوامه ويسعدهم
%%%
دخل خالد بنومه بعد هالأفكار اللي هدت حييله ودوخته وبعد ما اليأس تمكن منه وسيطر عليه وخلااه يستعد بكل احاسيسه ومشاعرة لليوم اللي يفقد روان فيه l
...
بعد يوووم
فهد بالمستشفى ومن توترة جا قبل الموعد بنص ساعه
كان جالس بالإنتظار ويهز رجلينه بتوتر ويستنى اللحظه اللي يستدعيه الدكتور
بعد نص ساعه
خرجت الممرضه من عند الدكتور وهي تقوم:فهد ال.....
فهد ما صدق خبر وقام ع طول وهو يحاول يهدي من توتره دخل ع الدكتور وقال:السلام عليكم
الدكتور وهو مبتسم:وعليكم السلام تفضل
جلس فهد وهو بدا يهدا شوي وقال:دكتور انا ابي اتبرع بكليتي
طالع فيه الدكتور بفرح وقال وهو يشجعه:حلو اوكي عندك شخص محدد ولا عادي لأي احد
فهد ابتسم وحس انه تشجع وقال:ايه لشخص محدد
الدكتور وهو يلف لجهازه:اوكي اسمه الرباعي
فهد:روان ..................
الدكتور فرفر شوي بالجهاز وقال وهو يلف جهته:اوكي هي ساكنه بجده ضروري نبلغهم عشان يجون للرياض بس قبل لا ابلغهم ابي اسألك متأكد من قرارك
توتر فهد وقال:ايه دكتور متأكد
الدكتور اخذ ورقه وصار يكتب فيها ويقول:زين اسمك الرباعي
فهد:فهد ................
الدكتور:عمرك
فهد:24 سنه
الدكتور:في صلة قرابه بينك وبين المريضه
فهد:لا
الدكتور حط القلم وقال بقلق: هو الأفضل انو يكون فيه صله قرابه بينك وبين اللي تبي تتبرع له عشان الانسجه تكون متطابقه وفصيله الدم بس يلا الله ييسرها وتكون متطابقه بينك وبينها بس وش فصيله دمك؟
فهد توتر من كلام الدكتور وقال:o+
الدكتور لف ع جهازه وفتح ملف روان وشاف فصيله دمها كانت (o+) وقال بفرح:زين بعد المريضه نفس فصيلة دمك
فهد تنهد براحه وقال:الحمد لله
الدكتور كمل الورقه اللي بيده وقال:اوكي عندك مرض مثل ارتفاع ضغط الدم، مرض السكري، التهاب الكبد ولا أي مرض نفسي
فهد:لا ابد
قام الدكتور وطلب من فهد يوقف ع الميزان وقاس وزنه وطوله وبدا يحسب شوي قال:مزبووط
ورجع وسجل بالورقه اللي عنده
جلس وجلس فهد وقال له الدكتور:تدخن؟
فهد:لا الحمد لله
الدكتور:اوكي
وبدا يشرح له العمليه ووش عليه ووش له والأشياء اللي يتجنبها والأشياء اللي يسويها ومن هالكلام
وبعدها عطاه الورقه وقال له:اوكي الحين تروح وتاخذ لك موعد عشان نستكمل الفحوصات
فهد اخذ الورقه وقال:زين دكتور ما بلغت اهل المريضه
تذكر الدكتور وقال:اوكي ابلغهم الحين
لف ومسك التلفون وفهد قال:دكتور لا تقول له اسمي ولا شي
الدكتور بإستغراب:ليه؟؟!
فهد:قول له فاعل خير مابي احد يعرفني
الدكتور ابتسم وقال:اوكي
...
بالجهه الثانيه
احمد جالس مع روان بغرفتها ويسولف معاها عشان يخفف عنها
روان:حمود متى تتزوج؟
احمد:مو لازم اصلا مين بتفكر بخشتي
روان:هههههه اللي يبونك ملايين
احمد:عن الخرااط يلا بس
روان:ههههههههههه
تنهد احمد ولفه وجهه عنها وهو يقول:دوم هالضحه
روان:تدوموون يارب لي
احمد ابتسم وطالع فيها والالم باين بوجهها بس اليوم فرحاانه مو مثل كل يوم
طالع بذراعها وشاف الإنبوب اللي دمها يطلع منه وبالذراع الثانيه نفس الأنبوب بس الي يدخل الدم لجسمها بعد غسيله
هي انتبهت له وقالت:مضايقني هالشي اكرررهه حييييل
احمد ابتسم بحنان وقال:الله يفكك منه يارب
روان:ههههه والحين ههههه
شوي دخل سعود وجلس وهو يقول:وين امي
احمد:كانت هنا بس راحت تجيب القهوه
طالع بروان ولاحظ انها فرحانه وقال:دووم هالروقان يارب
روان ابتسمت
شوي دخلت امها ومعاها القهوه وهي تقول:يلا عاد انا اللي مسويه حلا اليوم
احمد وهو ياخذ له صحن:احلى حلى والله
شوي الا جواله يدق
طلعه من جيبه وطالع وعقد حواجبه بإستفهام وقال:يالله خير
سعود بقلق:ميين
احمد وهو يرد:المستشفى التخصصي
كلهم اهتمو للموضوع وصارت عيونهم ع فهد واذانهم تسمع كل حرف يقوله
الدكتور:السلام عليكم
احمد:هلا وعليكم السلام
الدكتور:معاك الدكتور......... انت ولي امر المريضه روان ال......
احمد وملامحه مستبشره:هلا بك ايه انا هو
الدكتور:اوكي لازم تكونو موجودين بكره موعد روان بعد يوم عشان فحوصات ما قبل زراعه الكلى
احمد ابتسم بفرح وقال وهو مو مصدق:فيه متبرع؟؟
الدكتور:ايه الحمد لله
احمد بفرح:مين؟
الدكتور طالع بفهد وقال:والله ياخوي يقول فاعل خير وما يبي احد يعرفه
احمد تنهد بفرح وقال:اووكي
الدكتور:يلا فمان الله
احمد:مع السلامه
قفل وطالع بروان وهو بينجن من الفرحه
روان ابتسمت ونزلت دموعها
سعود واحمد من الفرحه قامو وخمو بعض
شوي انتبهو لأمهم اللي وقفت بصدمه بعد ما سمعت هالخبر وطاحت ع الأرض
سعود واحمد بخووف:يممممااه
راحو لها وعرفو انها ساجده وتبكي وتقول:الحمد لك يارب الحمد لله .. الحمد لله
سعود واحمد اسستنوها لين ما قامت وع طوول حضنوها
روان حست قلبها بيطلع ونبضها زااد من الفرحه وصارت تبكي وتضحك بنفس الوقت وسعود لف عليها وحضنها وهو بعد نفس حالها دموع مع ضحك
طالع احمد بسعود وهو يمسح دموعه وقال:موعدها بعد بكرة ابروح احجز تذكره
سعود:زين فمان الله
احمد خرج ع طول وراح للمطار
...
بالرياض فهد طلع من المستشفى وراح للفندق حط الأوراق ع الكومدينا وانسدح ع السرير بتعب شوي الا جواله يدق طاالع لقاه ابوه ورد وصار يكلمه قفل وحط ع الجوال جنبه شوي الا نغمة الرسايل
طالع لقاه احمد وكاتب"فهود ابشرك بكرة مسافر للرياض خلاص روان بتسوي العمليه"
ابتسم فهد وهو فرح لفرح صديق عمره ورد"الحمد لله الله يبشرك بالخير ولا يحرمكم وجودها ويتمم عليها صحتها وعافيتها طول عمرها"