الثقة بالنفس من أهم عوامل النجاح في الحياة وبتركز علي شعورنا اتجاه نفسنا وازاي بنتصرف اتجاه الشعور ده.
طب ازاي أعرف لو إبني عنده ثقة في نفسه ؟؟
الطفل الواثق في نفسه يقدر علي :-
• التصرف بإستقلالية.
• يتحمل المسئولية.
• يفخر بإنجازاته.
• يتعامل مع الإحباط.
• يحب تجربة أشياء جديدة والتحديات.
• يتعامل مع المشاعر الإيجابية والسلبية ايضا.
• يساعد الآخرين.
وعلي العكس بقي ، الطفل الذي يفقد بعض الثقة يشعر بأنه غير محبوب ، لا يحب تجربة أشياء جديدة ، يلوم الآخرين علي تقصيره ، يشعر أنه مختلف ، لا يتحمل أي نوع من الإحباط ، لا يقيم قدراته ويسهل التأثير عليه.
طيب أنا دوري ايه كمربي عشان اساعد ابنائي يعززوا
ثقتهم بأنفسهم ؟؟
علي قكرة هي حاجات سهلة جدا لو بس ركزنا علي أقوالنا وأفعالنا :-
• لما تحس بشعور طيب اتجاه طفلك ، عرفه انت حاسس بايه لأننا كتير بنركز علي العيوب والأخطاء وبننسي نقول الايجابيات. ذكر الايجابيات بيفضل في ذاكرة الأطفال وبيحتاجوا يفكروا نفسهم بيه من وقت للتاني ، فحاول أن تشجع ابنك يوميا ولا تنسوا شعار " ”catch them doing good بمعني: القطه وهو بيتصرف صح
• خليك كريم في كلمات المدح وحاول أن مدحك يكون وصفي وليس شخصي ، بمعني أننا نركز علي الفعل وتفاصيله أكثر من الفاعل زي مثلا "عجبتني أوي طريقتك في ترتيب غرفتك" بدلا من "برافو ، انت شاطر" وايضا مدح الصفات الشخصية الحميدة مثل الكرم والإيثار والإتقان ...
• عايزين نعلم أولادنا يكلموا نفسهم بلهجة إيجابية ويفلتروا الأفكار السلبية اللي بتجيلهم عن نفسهم. علماء النفس وجدوا أن الناس اللي بتتكلم عن نفسها بكلام سلبي كتير بيكونوا أكثرعرضة للإكتئاب والإحباط. إستبدال الكلام السلبي بكلام ايجابي بجد هيفرق معاهم زي "أنا أقدر أعملها" ، "إحنا حاولنا نعمل إللي علينا" ، "أنا بفرح لما بساعد حد محتاج مساعدة".
• تجنب الإنتقاد الذي يؤدي إلي لوم النفس والعتاب. وجه الإنتقاد للفعل وليس الشخص. ويفضل إستخدام رسائل أنا مثل "أنا أتمني أن أجد الملايس المتسخة في سلة الغسيل وليس علي الأرض"
• علم أولادك اتخاذ القرارات وتمييز القرار الجيد من غيره فالأطفال دايما يتخذون القرارات.
ودي بعض النصائح البسيطة اللي ممكن تساعدنا علي تعزيز الثقة بالنفس عند أولادنا ودايما مننساش ، إحنا نقدر نربي صح