الخير , الصباح , ياخير , ياصباح

ياصباح الخير .. ياخير الصباح ~~

بيـن الحداثـه والكلاسيكـي حقيقـه! فيـه فـرق
مثل ماتفرق عن نسيـم الصبـح اعاصيـر الريـاح
والسيف: لـه طعنـه شديـده غايره,والرمـح زَرق
والموت في طعن السيوف وعند زرقـات الرمـاح
ويوم المزايَـن قَدِّمـت ريمه,وسمحه,مـع سمـاح
والحرّ الاشقر:مايوَصَّـف مثـل ابوجنحـان بُـرق
فعل الصقر! في غَرزَة المخلب, وفي صفق الجناح
والشعر: له موعد ويطرق خافـق العِشّـاق طـرق
وكـلٍّ علـى فالـه ويطلـب بالعوافـي والصـلاح
والشاعر:اللي بالقصايد بـارع ٍ فـي كـل طَـرق!
موعـود فـي دنيـاه مـع شعّـار جيلـه بالنجـاح
والجادل: اللي سِحرَهـا بعيونها,وإخـدود طُـرق!
إصخـر لهـا القيفـان يافكـري ولَبّسهـا وشـاح
وآنا ليا منّي بدعت القاف! صـار الغـرب شـرق
والليل لادلهَم وطلع! بـرق فكـري فيـه لاح
إليا ضرَبت بسوط فكري! ينتشر في الكـون بـرق
وبنات فكري محتسيها فـي الزمـن مثـل السـلاح
يافـكـر سـنّـد للمعالي,والفخر,والمـجـد,وإرق
مادام ربَّع في هجوسـك وإعتـرض سيـد المـلاح
جاتك على وضح النقا..عـزّ وفخر..ماجـات دَرق
وقالت: صباح الخير..شفت إشلون منها العطر فاح؟!
يامرحبـا باجمـل صباحاتـي عـدد مـانـاح وِرق
ولعيونك انتـه! ياصبـاح الخيـر ياخيـر الصبـاح
يامَن خذا قلبي بكيفي عـن رضا..ماهـوب سـرق
وحتى ولو هو سارقه..مادمت انا راضـي! مُبـاح
ملكتني كلّي بعَـد حاصـرت قلبـي عِـرق عِـرق
اجمل حصـار ٍ صـار فعلاً..لاصبـاح ولاصيـاح
وفي فلسفة علم الحروب إن الحصار اشـدّ حـرق
مـن لاهـب النيران,والأمراض,والسـمّ الـذحـاح
وكم من حصار ٍ في زمننـا فيـه للمألـوف خَـرق
والواقع الملموس! يحكـي مايسبـب مـن جِـراح
لكن حصارك غير..وانتـه غير..فعـلاً فيـه فـرق
هذاك لو سبّـب ألـم! سبّـب حصـارك إنشـراح
وإختامها حيّـا الله اللـي مرويتنـي عِـرق عِـرق
اللي مساء الخيـر مـن فمهـا!.. يغنّيهـا الصبـاح

الموضوع الأصلي: ياصباح الخير .. ياخير الصباح ~~ || الكاتب: أنفاس الورد || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات