من هاجس في خاطري مستكنـي
الونه اللي خلت الفكـر تشتيـت
والحال مني يقرع أقـراع شنـي
ليا ذكرت أمي وأبوي أستخفيـت
دقت طواري خاطـري واستجنـي
ولا ليا مني هرجـت وتناسيـت
ليا ذكرت اللـي حنانـه حضنـي
على حنان أهلي بكيت وتشافيـت
ولا لي زميل ينقـل الهـم عنـي
والايجار يني على مـا توريـت
قد ناشه اللي في ضميري شحني
ليا ماتوا أهلك قالوا الناس عزيت
وصبحت في وسط الجماعة تغني
يا الله يالمعبود يا حامـي البيـت
ترحم عظام اللي خذ الموت منـي
بعزة جلالك يـا الهـي ترجيـت
تعوضني في اللي غيابـه غبنـي
يا والدينٍ فـي حماهـم تربيـت
ومن عقبهم في مجمع الناس كني
صويب شلفٍ لا سليـمٍ ولا ميـت
فاخت طريق الجيش وامسى يوني