الجزء السادس
احمد قاعد بالصاله بعد المغرب وصدره ضااايق حيييل من اللي سوته روان
شوي جات امه ومعاها صينيه فيها قهوه وحلى وجلست جنبه وقالت وهي تصب القهوه:شفيك مكشر
طبعا امه ما تعرف عن اللي سوته روان
احمد قال وهو يتنهد:مافيني شي
امه قربت له فنجان القهوه والحلى وقالت:زين تقهوى
شوي الا سعود نازل ويقول:حمود
احمد:نعم
سعود شافهم قاعدين ع القهوه وقال:احلى حركاات وجلس وقال وهو يتقهوى معهم:فهد دق ع جوالك ورديت عليه
احمد تذكر انه خلى جواله بغرفته وقال:زين وش يبي
سعود وهو يعطيه الجوال:مادري شوفه يبي يكلمك
احمد اخذ الجوال وهو يقول:ع الخط؟
سعود وهو يشرب القهوه:ايه
احمد حط الجوال ع اذنه وقال:هلا فهود اخبارك
فهد:هلابك تمام ان شلونك
احمد:تمام والله شلون اهلك عساهم بخير
فهد:تمام والله كلهم انت شلون اختك واخوانك
احمد:الحمد لله ماشي الحال
فهد:اسمع حمود لا تقول لي مو فاضي!
احمد ضحك وعرف قصده وقال:لا فاضي
فهد تنهد وقال:الحمد لله يلا انا بمرك ونطلع
احمد:زين استناك
فهد:يلا فمان الله
احمد:مع السلامه
قفل الجوال وقال وهو يقوم وبيده فنجان القهوه:يلا يمه انا بطلع مع فهد
امه:مع السلامه
طلع لغرفته عشان يبدل ملابسه
...
خالد قاعد عند روان بغرفتها وروان متضايقه من اللي صار لها اليوم كان نفسها تطول مع صديقاتها وبنفس الوقت انقهرت من اسلوب احمد معاها
خالد:رورو هاه ما ودك تقولين لي
روان بضيق:وش اقول لك
خالد:شفيك زعلانه؟
روان سكتت وتجمعت دموعها بعيونها وهو قال:هيا بدت خزاناتك يلا رورو شفيك
روان وهي تمسح دموعها:ولا شي متضايقه كالعاده مافي شي جديد
خالد:زين من ايش
روان بقهر:من نفسي
خالد سكت ومافهم وهي صارت تطالع بالسقف ومحتاااره ودها يكونو كل صديقاتها حولها وما يفرقوها ابد
خالد قال بعد ما تنهد:رورو ابي اطلب منك طلب
روان بإهتمام:هممم
خالد:ابيك تكلمين امي بخصوصي انا واريج
روان:وش اقول لها
خالد بضيق:تنهي كل شي والله مابي اظلم البنت معاي
روان استغربت من كلامه وقالت:ليه صار لك شي يوم رحتو لهم
خالد تذكر موقفها معه وطيبة قلبها وحس بالضيقه تخنقه وقال:لا رورو بس هي ما تستاهلني واحد مهموم وعصبي ومتنرفز طول الوقت وهي طيبه ومرحه ودايم مبتسمه والله بنكد حياتها انا يبي لي وحده نكده مثلي مو اريج مسكينه
روان ضحكت ع كلامه الأخير وقالت:خلود والله بتنبسط مع اريج وراح تقول روان قالت وراح تندم ع هالكلام اللي تقوله بس اصبر شوي
خالد:زين كلمي امي
روان بحزم:لا ما راح اكلمها ولا اقول لها شي لأنك غبي وما تعرف تفكر خلها هي تعدل تفكيرك
خالد انقهر من كلام روان وصار ساااكت واعصابه ثااايرة
...
فهد عند الباب ويستنى احمد يطلع شوي الا احمد طلع من البيت وركب معاه وع طول مشو
بالسيارة فهد قال:تو ما نورت السيارة
احمد:بدينا كلام ماسخ
فهد:هههههههههه بسكت بس عشان ما تعدم سيارتي بإستفراغك
احمد:ههههههههه ايه احسن لك والله لو انعدمت ما اغسلها
فهد:ههههههههههههه انا من غير بتبرى منها مرة وحده
احمد:هههههههههههه بالله كم لها معك
فهد:وشو اللي كم لها مالها سنه
احمد:يوووه سيارتي صار لها سنتين ووالله مافيني اغيرها
فهد:انت ما فيك تسوي شي اصلا
احمد:حرام عليك والله اني انسان مشغول طول الوقت مو فاضي للمظاهر
فهد بضحك:الله يكون بعونك
احمد تنهد واستند ع الشباك وهو يقول:آميين
فهد حس انه تضايق وقال:شفيك بس تراني امزح
احمد:لا ابد ما فيني شي
فهد بجديه:جد حمود والله صرت تتضايق من اهون شي
احمد وهو يسند ظهره:اللي معه مثل روان هذا هو حاله عنيده ع عناد مرضها بعد والله شيبت راسي
فهد:عسى خير
احمد:اليوم وانا بدوامي دقيت ابطمن عليها لقيتها مداومه من دون ماحد يعرف وصحتها مرة ما تسمح رحت واخذتها وخاصمتها وما مدانا ما نوصل للبيت الا وهي ما عاد تقدر تمشي من التعب وتعاااند كله عشان صديقاتها
فهد:يووووه طيب يجوها صديقاتها بالبيت
احمد:اهلهم ما يخلونهم الله يفرجها بس
فهد حن عليها مسكينه حتى صديقاتها ما نسيتهم وهي تعاني حيل من مرضها حس بشعور غريب يربطه بهالبنت وبس يبدى احمد يشكي لصديق عمره من همومه الا ويستنى اللحضه اللي يتكلم فيها عن روان وحس ان اسئلته لأحمد عنها كثرت وان بدى يقلل من كلامه عنها قدامه
وهو مسرح بهالتفكير انتبه لصوت احمد وهو يقول:يالحبييييب وين وصلت
فهد ابتسم وقال:عندك ما رحت مكان
احمد:يلا بس خلنا نروح للبحر من زمان عنه
فهد:زين يلا
وصلو للبحر وجلسو ع الشاطي وبدو من سالفه لسالفه وانبسطو حيييل بطلعتهم مع ان احمد كا باله مشغول ع روان وكلمه الدكتور باقي ترن ع باله"يا تزرع يا تموت"
طالع بفهد وقال بضيق كدر كل هالفرحه:فهد تخيل تموت روان
فهد حس بقلبه خرج من بين ضلوعه وقال بعصبيه:لا تتفاول ع اختك يا خبل
احمد بهدووء يقتله:فهد والله نفسي اتقبل هالشي بس مو راضي يدخل ولحد الحين ما لقينا لها متبرع والدكتور فجر بكلمته اذاني يا تزرع ياتموت وهي صارت تستعد لهالشي والله الجو بالبيت يخنق كله حزن بحزن وكآبه بكآبه كلنا نكابر وع اننا اقوياء بس الواحد منه يدخل غرفته ويتأكد انه وحده وماحد حوله ينهار ع طول
تجمعت دموعه بعيونه وفهد استوعب هالحقيقه اللي هزته وقال وهو يربت ع كتفه:حمود ادعي لها الله فوقك وهو لطيف بها واحن عليها منك ما تعرف اللي فيه الخير لها ادعو لها وخلو الباقي ع الله
احمد وهو يمسح دموعه:الله لا يوريني فيها شر
فهد وهو يطالع بأمواج البحر الهايجه مثل الأمواج اللي تتضارب بصدره قال برجااء:آميين يارب
...
ببيت رغد
رغد كانت جالسه بغرفتها وكل اهلها نايميين وهي تبكي
روان صديقه عمرها شافتها اليوم ويمكن تكون اخر مرة تشوفها بحياتها بدت دموعها تنزل بغزاره كانت تبي تكلمها بس شافت نفسها منهاارة حييل ما يصير تكلمها وهي بهالحاله روان مو ناقصه الآم
شوي الا وباب غرفتها يدق قالت وهي تمسح دموعها:ميين
انفتح الباب ودخل اخوها مازن اللي اكبر منها بخمس سنوات ومتزوج وقال:رغوده ابيك تحطين لي عشا ما تعشيت وحنان عند اهلها<<حنان زوجته
رغد وهي تقوم:طيب
هو انتبه ان وجهها متغير مو طبيعي وقال وهو يمسكها من ذراعها:رغد شفيك عسى ما شر
وقتها انهارت رغد وصارت تبكي بحرقه وهي كانت محتاجه احد بهالوقت يكون بقربها
هو استغرب منها وقال وهو يضمها لصدره:رغوده شفيك ليه كل هالدموع
رغد تشد بلوزته وبكاها يزيد
هو سكت وصار حاضنها ويمسح ع شعرها
شوي هي بعدت عنه وصارت تمسح دموعها وتشهق
وهو قال وهو يمسك يدها:شفيك رغوده ما عاش اللي يزعلك
رغد بحزن وهي تشهق:روان صديقتي بتموووت
مازن يعرف ان روان عندها فشل كلوي وقال وهو يجلس ويجلسها جنبه:رغد قد قلت لك لازم تتقبلين هالشي من اول ما قلتي لي عن مرضها وبعدين ما راح تنفعها دموعك ادعي لها والله ما راح يخليها والله ياخذ شي ويعطي شي
رغد وهي تمسح دموعها:زين ابي اشوفها هي ما تقدر تداوم
مازن يعرف اخوان روان ويعرف اهلها وقال:زين كلميها وبكرة اوديك لها بس لا تبكين
رغد ابتسمت وقالت:زين
مازن وهو يمسك ع بطنه:هيا حطي لي العشا جوعاااان
قامت رغد وراحت تحط له عشاه وهو قام وصار يسولف معاها وهي تجهز له
...
باليوم الثاني بعد المغرب
رغد بلغت ام روان انها بتجي وقالت لها لا تقول لروان وتخليها مفاجأة
ام روان قامت وخلت روان تبدل ملابسها وترتب نفسها وزبطت غرفتها وبخرت البيت
سعود وهو نازل:يمه مين بيجي
امه وهي ترتب الصاله:صديقة روان بس لا تقول لها
سعود:زين انا بجلس بالمجلس وخلي اخواني يجون عندي عشان تاخذ راحتها
امه:زين
شوي الا الجرس يدق راحت ام روان تفتح الباب وسعود وخالد دخلو المجلس واحمد كان بغرفته يتجهز عشان بيطلع
دخلت رغد البيت وهي مرتبكه بتشوف صديقتها بس بأي حالة اكييد بتكون تعبانه ومهلوكه وقفت عند مرايه المدخل وفسخت عبايتها وعدلت شعرها وتعطرت وصارت تتنفس بعمق عشان تهدي من توترها وما تبي تنهار لو شافة روان ولا تبكي عشان ما تضعف قدامها
مشت مع ام روان للصاله وقالت لها ام روان وهي تأشر ع غرفة روان:شوفي ذي غرفتها يا بنتي ابروح اجيب لك القهوه
مشت رغد بهدووء لين عند الغرفة اللي كان بابها مفتوح وكان بالجدار قريب من الغرفه مرايه تعكس صورة اللي بداخل الغرفة طالعت فيها وشافه سرير ابيض وديكورات الغرفه كان لونها ابيض مع ازرق فاتح دخلت وقالت بهدوء:سلاااام
روان كانت عيونها بالسقف ومسررحه انتبهت للصوت ولفت وشافه رغد وهي مبتسمه وتقول:اخباارك يا عسل
روان فرحتها ما تنوصف لدرجه انها قالت بصوت عالي:رغد حيااااتي لا مو معقووووول
احمد كان نازل من الدرج ومستعجل لأن فهد ملطوع عند الباب انتبه لصرخة روان واستغرب وطالع بالمرايه اللي بالجدار وشافها وهي حاضنه بنت ودموعها بعيونها وتقول:فديييتك والله اشتققت لك
طارت عيونه يوم جلست البنت قريب من روان وبانت له ملامحها وقال بصدمه:نفس العيون
صار يطالع وعيونه بتتفجر مو مصدق واخيرا انتبه لنفسه وقال وهو ينزل راسه ويروح:يلعن اكلت البنت وكمل وهو يكلم نفسه ويضرب ع جبهته:بس بس مو لك هالحركات
وخرج ع طول من البيت ع صوت البوري معلللق وقال وهو يضحك:خاااااااااااااااارج يالمفجوووووع
فتح الباب وشاف فهد ع اعصاابه وع طول قال:وش عندك بالبيت
احمد وهو يضحك ويركب:اهلي يعني وش
فهد وهو يركب ويحرك السيارة:لا بالله ظريف
...
بغرفه روان كانت جالسه هي ورغد ويسولفون وروان كانت مبسوووطه حيييل برغد وحست بوقتها معاها نسيت مرضها ونسيت الآمها وصارت تتهنى بكل لحظه مع صديقت عمرها قبل لا تفارقها
رغد كانت مستائه حييل من حاله روان المزريه وكانت طول ماهي قاعده تبلع عبراتها وتسولف وتضحك وتحاول تخفى ضعفها
...
ببيت ابو فهد الساعه 12 الليل فهد داخل البيت والضيقه باينه بوجهه كالعاده طلعته ما احمد ما خلت من طاري روان اللي صار يضاايقه بسبب مرضها
جلس بضييق ع الكنب وتنهد وهو يقول للشغاله:جيبي لي مويه وبندول
الشغاله راحت تجيبها شوي الا اليان تطلع من الصاله الثانيه وهي تحبي بسرعه وتضحك انتبه لها وقال وهو يبتسم ويمد لها يدينه:هلا والله هلا بقلب خالها وصلت عنده وع طول حملها وصار يضحك ويبوسها شوي استوعب وقال:احلا صباح موجوده يالييل ذي صارت تبلط عندنا ما عندها زوج تهتم فيه هههههه
شوي الا صباح طالعه وبيدها صينيه فيها قهوه تبي توديها للمطبخ وقالت وهي تطالع بفهد:يووه فهوود هنا
فهد وهو يسمجها:بالله مو كأنك شفتيني امس والله ما وحشتيني
صباح:هههههههه ادري انك كذاب اصلا ما تستغني عني
فهد وهو يبوس ليان ويضحك:لا وانتي الصادقه ماقدر استغني عن هالعسسل
صباح بقرف وهي تحط الصينيه بالمطبخ:فهد الله يقرفك لا تبوس بنتي كذا
فهد ضحك وكمل بوسااته بس بصوت اقوى وصباح صارت تصارخ وتقول:يعععععععععععععع بنتي يا قليل الأدب
فهد طالع فيها وقال بضحك:منو قليل الأدب
صباح:انت يعني منو
فهد ضحك وباس ليان وبرضو طلع صوت اقووى ليان صارت تضحك وتقرب بعد منه وتبووسه هي وتبي تطلع صوت بس ما تعرف
شوي قالت صباح وهي تسحبها منه:يا مقرف لا تعلم بنتي قرفك ذا
فهد طالع فيها وقال بخبث:هذا قرف؟؟ توني ادري يصير بعد انتي مقرفه
صباح فهمت بس طنشت لأنها لو جادلته بتفتح ع نفسها ابوااب وما له دااعي
فهد ضحك ولف وجهه عنها وصار يشرب البندول اللي جابته الشغاله
هي طالعت فيه وقالت:تعبان
فهد:ايه بس صدااع
قالت بضيق وهي تحضن ليان بقوه:فهد تصدق؟
فهد بإهتمام:ايش
صباح وهي تبوس ليان :اختك الخبله حامل
فهد طالع فيها بصدمه وقال:هيييه توها ليان ع الأقل حتى تكبر
صباح:خلااص قضاء وقدر وش اسوي شوفه ببطني انزله يعني؟
فهد وهو يلف وجهه عنها ما يحب هالسوالف:وتقولين مو مقرفه هههههههههه
صباح وهي ترمي الخداده عليه:على تراااب
فهد ضحك وقال:زين اعطوني ليونتي اربيها وانتو خليكم مع هاللي بالطريق
صباح وهي تحضن ليان:لااااااا لو تمووت حياتي هذي ما اقدر
فهد:هههههه لا وبعد دوامك تستهبلين انتي وهالأنور
صباح:ههههههه عادي باخذ اجازة حتى اولد وباخذ اجازه رعايه مولود وانطق 3 سنوات بالبيت
فهد:اصلا لو تنهين عقدك ارحم
صباح:ههههههههه مع نفسك
شوي تنهد فهد وسند راسه ومرت بباله روان وقال بضيق:ياربيييي
صباح:شفييك
فهد وهو يقفل عيونه:وين امي
صباح:نايمه هي وابوي خلاص الساعه 12
فهد طالع فيها وقال:وانتي ما وراك زوج
صباح:عمى جامل طيب
ابتسم فهد وكمل يبي ينرفزها:والله احزن لأنور صافته وعندنا كل يوم
صباح:مررة اسكت بس خلي للبيوت اسرارها
فهد وهو يضحك:لا جد اخاف تكونين حامل بتوأم
صباح:هاهاها ما تضحك
فهد تسمج ورجع بضيقته وهي سكتت وصارت تطالع فيه وهو بدي يضيييق جوووه وتنهد وجا بيقوم وقالت:فهووود
فهد وهو يمشي للدرج:هممم
صباح وهو تقوم:مو طبيعي اخوي لا يكون فيه شي مضايقك
فهد تنهد وقال وهو يمد يدينه:اعطيني ليان وخذيها بكره اذا بتروحين
صباح بضيق:فهوود لا تصرف في شي مضايقك
فهد اخذ ليان منها وقال وهي يبوسها ويكلمها:لا خالو طيب مافيه شي
صباح:فهد لا تخبي عن اختك
فهد:صبوحه لا تعلقين
صباح:زين قول لي انا كل اللي يضايقني اقول لك
فهد يبي يغير الموضوح:ايه صح يا مقرفه
صباح بضحك:هيا فهووود
فهد تنهد ورجع جلس ع الكنب وصار ماسك يدين ليان ويلاعبها وصباح قعدت قباله وقالت:مع مين طلعت قبل شوي
فهد وهو مندمج مع ليان:مع حمود
صباح صارت تطالع بفهد وهو باين بوجهه الحزن اللي ما يقدر يخفيه وقالت بجديه:فهوود بتقول لي ولا شلون
فهد تنهد وقال:وش اقول لك
صباح:شفييييييك
فهد:تعباااان
اخذت ليان منه واعطتها العابها وحطتها ع الأرض وجلست جنبه وهي تقول:في شي مكدر خاطرك ما يخفى علي فهود
فهد تنهد ولف وجهه وهو من عادته ما يحب يشكي كثيير لأن الكل متعود عليه دايم يخفف عنهم نادر ما يشكى وقال بضيييق وهو يتذكر كلام احمد:روان اخت احمد
صباح بخوف:شفيها لا يكون صار فيها شي
فهد تنهد وقال:لا بس حالتها تأزمت حييل وصارت اربع وعشرين ساعه غسيل وتعرفين الغسيل يهللك والدكتور يقول خلااص ما عاد لها امل
وكمل وهو يبلع غصته:يقول ايامها معدوده وضروري يلقون متبرع ولا بتموت
تنهد وكمل:وحمود واهله كللهم محتاااسيين والله الحزن باين بوجييههم بالذات احمد يكابر وبس اطلع انا وياه ينهار ويصير يشكي لي قسم بالله انها توصل لدرجه انه يصير يبكي بشهااق
صباح عقدت حواجبها وقالت:ياربيي طيب يدورون ينشرون بالنت
فهد تنهد وقال:دورو قبل كم يوم فتحت صفحه اخوه سعود بالفيس كاتب فيها بس مافي امل
سكتت صباح وصار الصمت مهجد المكاان ومافي الا صوت ليان وهي تلعب وتضحك شوي طالعت بفهد وقالت بتردد:زين طيب
سكتت شوي وتذكره امها وخافت من ردة فعلها بس طالعت في وجه فهد الحزين وطاحت عينها ع ليان وتخيلت لو ان هالشي فيها حست بشعور ام روان تجاه بنتها ونزلت دموعها وقالت بجرأه وهي تمسحها:فهد تبرع لها !!
فهد طالع فيها وهو مصدوووم وصار يقلب الفكره براسه
شعور احمد وامها واخوانها اهله بيعارضونه ولالا هو بيسمح لنفسه ولا بيتردد والشعور اللي يحس فيه تجاهها يمكن يكون مجرد حنان عليها ويختفي بعد ما يتبرع ويرتاح من هالهواجس هي وش بيكون شعورها لو بلحظه كانت تعد الأيام الباقيه لها وفجأة ترجع للحياه من جديد <<كل هالأشياء صار يفكر فيها ونظرة الصدمه ما فارقت عيونه
صباح و دموعها تنزل:شفيك!! حرام حط نفسك مكان احمد تخيل اني انا التعبانه تخيل شعور امها بتفقد بنتها الوحيده اخوانها تعودو عليها هي نفسها تخيل شلون متحطمه باقي شبااب والمستقبل قدامها تكفى فهد انت تقدر انا حامل ولا وربي لأتبرع لها
فهد لف وجهه وهو اقتنع بهالشي وشبك يدينه ببعض وحطهم ع راسه وقال:بس كالعاااده امي ما راح ترضى
صباح ابتسمت بفرح ومسحت دموعها وقالت:ما عليك امي انا بكلمها
فهد بيأس ما راح تقتنع راسها يابس
صباح بتذمر وهي تعرف حنان اخوها :فهد لا تتردد البنت بين الحياه والموت محتاجه كل ثانيه من وقتك
فهد وهو يقوم و يحمل ليان ويطلع لغرفته:يصير خير بكره بشوف امي وابوي
صباح:زين لا تتهور وتكلم امي خلها انا بكلمها ولا كلم ابوي وهو يكلمها انت بتخرب الموضوع
فهد بحيرة:طيب
جاب يطلع وقالت صباح:فهدووه بنتي وين موديها
فهد طالع بليان وابتسم وقال:قلت لك خليها معاي وبكره خذيها بتجين بكرة
صباح وهي تلم اغراضها:مادري يمكن انور براسه شي
فهد وهو يطلع:اقول يلا بس بتنام عندي اليوم
صباح:طيب اذا رحت انت بكرة الدوام ما بتجلس وتبلش ابوي وامي
فهد:لا ما عليه عاقله ليونتي يلا بس
طلع لغرفته وقفل البااب وليان صارت تطالع بخالها ومستغربه وهو ضحك ع نظراتها وباسها وحطها ع الأرض وحط لها العابها اللي ممليه غرفته من حبه لها وراح للحمام
خرج من الحمام وهي كانت مشغوله بالعابها كان باله مشغووووول حييل بروان
شوي الا صباح فتحت باب غرفته وكانت لابسه عبايتها وقالت وهي تحط شنطة ليان ع سريره:هذي اغراضها ولا تجوعها
ابتسم فهد وقال:لا ما عليك لا توصين يلا فمان الله
صباح:مع السلامه
خرجت وهو فتح الشنطه وطلع رضاعتها وراح لليان حملها وحطها ع السرير واعطاها رضاعتها وانسدح جنبها وصار يطالع فيها وباله مو معاااه
شوي انتبه لليان اللي رمت الرضاعه وبدت تدخل بنومها ابتسم وحط يده ع صدرها وبدا ينععس دقااااايق ونااااااااااامووووو
