شروط التسجيل في واحد من المنتديات تمووووت ضحك
السلام عليكم ورحمة الله وبركاته
هذى الشروط من المشرف العام لأحد المواقع المشهورة فنيا" بعد ان جائته حالة من الطفش من كثر مشاكل الأعضاء والموقع وبحكم ميانتى علية اردت ان تشاركونى هذة البسمة فاقرؤو ماذا قال:::
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــ
لقد تغيرت شروط التسجيل في المنتدى ....وتم تغيير مسمى المنتديات لتواكب مرحلة ما بعد الحرب الباردة
اعرفوا الشروط زين....وافهموها....و اللي ما يبي هالشروط جعل اصبيعاته اللي طقت على الكيبورد للكسر...ولو ما عليه كلافه يطق راسه باقرب جدار....حنا ما نلعب....واللي يبينا حياه الله بيننا....فهمتوا
بما ان هذا الموقع موقعي بلحالي لابارك الله فيكم وفي الساعة اللي فتحت لكم هالموقع....فاللي يبي يسجل معنا يوافق على الشروط من ورى خشمه ....والشروط هي...
1- اللي يسب اي واحد من الاعضاء نبي نجيه وبنربط حواجبه في صدامات الهايلكوس وبنروح ونطعس فيه باقرب طعس...أنا قايلكم حنا ما نلعب
2- لما تكتب موضوع خل البقيه يجون ويتميلحون ويتهاوشون بس بحدود وخلهم يذبون براحتهم.....واللي بيقلبها سب...عز الله ان امه داعيه عليه...لاني ابحتريه وقت صلاة الفجر وابشخمط وجه وابخليه يغني اغنية...خروفي خروفي لابس بدله صوفي...له عينين واربع رجلين...من كثر ما امحطه .....أنا قايلكم حنا ما نلعب
3- اللي بيخربط بالدين ولا بالسياسه....هذا عذابه عذاب ابخليه يتخيل انه قرد ولا عمره ذاق موز....وابحجز له على اقرب رحله على طياره ترش الجراد وابرقي فيه على ارتفاع 50000 الف قدم وابجدعه على خوص نخله...علشان ما يتعود لها أناقايلكم حنا ما نلعب
4- انتم اعضاء لكم تكتبون بس....ولااحد فيكم يسوي لي فيه مراقب مانبي مراقبين.....فهمتوا ولا افهمكم...
5- الساحه الرياضيه لكم ثنتين...واللي ماهو هلالي لايوطوط فيذاك ساحة ابو جدي وانا حر فيها ولا عندنا ديمقراطيه....ولا عمرنا سمعنا فيها وهي وشهي...هي الديمقراطيه حاجه تنوكل
6- مسموح الذب...والذب هي كلمه اتيه من الذباب وهي فعل مضارع جمع تكسير مضارع بسيط...فهمتوا...صح ولا ماهو صح...قولوا صح لابارك الله بالساعه اللي جمعة هالخشش فيها...واللي بيزعل من الذب بنخربط وجهه ونخليه يطالع في المرايه ويطلع الاخطاء التسعه عشر....ايه تسعطعش...ساحتنا وحنا حرين فيها
7- ياويلك ويا سواد ليلك لو تعطي احد كلمة الضروس....الا عندي سوال ليه سموها كلمة سر...ليه ما سموها كلمة خشم ولا ضرس ولا مصران احول قصدي اعور.....طبعا قايلكم ساحتنا وحنا حرين فيها
8- اللي بيسجل باسماء قبايل وعوايل هذابناخذه لا اقرب مستنقع وبنغطسه وبنطلعه...ونغطسه ونطلعه الين ماهي خلف الين مايقول....اشهد ان الددسن سياره...واشهد ان قلبي ما هو بالشطاره ولا بالمصاله إن قلبي فن يا هوووووه واشر لي بالمنديل يا هووووه قال انا ماشي....اقول لا تكثر بربستكم يا هوووه....وش هالمسكه الغلط.....أنا قايلكم ما نلعب...
9- قريتوا الشروط........هاه عجبتكم....فهمتوها... طيب ما عندنا تسجيل هالايام....واللي يبي يسجل معنا يرسل لي ايميل على التلفون حقي اللي ماني ذاكره لكم...لان الدعوه عناد...واللي براسه حب ما انطحن....تراي ابطحنه له....واذا فيه خير يقابلني وين ما بغى
بالنسبه للبريد ان شاء الله في السنه الجايه زي هالحزه ما حنا حاطينه كخخخخخخخخخخخ....ماعندنا
بالنسبه للمحادثات....كان ودكم نسوي لنا طلعة بر على الطبيعه ازين...
ملاحظه......
اللي بنكتشف انه رجال مشورب ويكتب باسماء اناثي...ولا اناثي تكتب باسماء رجاليه هذولي بنخلي خششهم كلمات متقاطعه يصعب حلها.....والله ما يضرب بعصا يا سرع طيحتهم
موافق 
غير موافق 
اذا مو موافق على الشروط اخبط راسك بالجدار اللي قدامك او اللي وراك الاختيار لك انت يا في الجدار اللي قدامك ولا فالجدارالي وراك
مو انا قلت حنا مانلعب
منقوووووول
[motr1]
تقبلوووووتحياااااتي
[/motr1
]
av,' hgjs[dg td ,hp] lk hglkj]dhj jl,,,,j qp; ,hp] hglkj]dhj hgjs[dg jl,,,,j av,' qp;
|