منتديات كلك غلا - عرض مشاركة واحدة - تحديث الصفحة مارأيكم في موضوع عن الشعراء وسيرهم

07-12-2011, 11:58 PM

من اجمل قصائده ..~~

قصيدة في غربتي

في غربتي تغرب النور عن عيني
وش حاجتي في نور عين غاب غاليها
أمر السفر يا نظر عيني قضى فيني
نفسي على ما تعاف امر الله حاديها
يمك حبيبي عظيم الشوق يدعيني
يسرى بعروقي كما تسرى الدما فيها
على خطرها حياتي يا معنيني
بعدك عطبها و شوفك حيل يشفيها
أخاوي الليل و هاجس ليل يخاويني
يمك سرابي داعي الذكرى بحاليها
أقضي بدنيا لعيني شوفها مشيني
إلى متى عيني على شوفك تمنيها

صدقيني

صدقيني قلبي يحكي لك حقيقة....
صدقيني ما أرى غيرك ملاك....
من أجل وصلك باتخذ أية طريقة....
ما أبالي لو طريقي لك هلاك....
بعدك ولا غيابك على نفسي ما أطيقه....
كيف أجاهد روح....
تشقى من غلاك
شرع الخطا يا زين عم الخليقة....
وإن هفا شوقي معك أبغى رضاك....
يا زمان اللوم أحرق لي وثيقة....
طيها دستور بظلمه وطاك
منهو فينا....
أو في البشر ما نشف ريقه....
كم قيل عنهم الشقي هذا وذاك....
الشك من طبعك وباحساسك رقيقه....
مقبولة عندي ولو هذا عطاك....
روحي تنادي لك بصرخة غريقه....
يوم أغرقها ليش عيني ما تراك....

======================

بلا ميعاد

فجأة طلبتني لها بلا ميعاد....
طول إنتظاري عل حالي بسببها....
لبيت وجيت قبالها شفتها تزداد....
روعة بصورة حسن ربي رسمها....
عيني أنا بعينها والقلوب أبعاد....
أخشى هدب عيني يلامس هدبها....
ما أقوى الحكي حينها والقلب ما أعتاد....
على لقى اللي حبها من عرفها....
نظرة سواد عيونها هذا المنى والمراد....
لهفة شفايف طولت في عناقها....

++++++++++++++++++++++

لي متى

لي متى قلبي أسيرك....
لي متى عيني تهل
لي متى أبكي هجيرك
وأنت يمي لك محل
أرتعش الله يجيرك
قلبي اللي ما يمل
قلبي اللي ما يمل
يشتكي قسوة ضميرك....
كيف تخدعني وتحل
ما عطيت الحب غيرك
وأنت تجرح ما تمل
لا تقول لي ما أبي غيرك
الكذب ما يكتمل
الكذب ما يكتمل
عاذل موت ضميرك
مبعد عنه الخجل
ما له إلا في عشيرك
طعن وسيوف تسل
وأنت راضي به يسيرك
كيف دربك ما يزل
كيف دربك ما يزل
يا حسافه طار طيرك
مدمي جرحه يهل
وانطفى نجم ينيرك
وأنا أبي حل للأجل
كثر الله ألف خيرك
تهدي الموت بعجل
تهدي الموت بعجل

_ _ _ _ _ _ _ _

من دلعك

من دلعك .. خلاك تختال عز الله إنه بدلاله متعك
من صورك .. سبحانه اختار بالزين أحلاها صورة شرعك
منك اغتذى الشوف .. وأنا اغتذت روحي
دونك بحر خوف .. وسلاحي جروحي
وقتي معك .. نظرة وترحال صدفة تبين لي مشارف مطلعك
ما أروعك .. يا ملفت أنظار خليت كلالخلق خلفك تتبعك
منك اغتذى الشوف .. وأنا اغتذت روحي
دونك بحر خوف .. وسلاحي جروحي
ليته معك .. وقت اللقا طال شفيتها نفسي قبل ما أودعك
من يمنعك .. تمشي وتختال ولا ترى بالخلق منهو يمنعك