منتديات كلك غلا - عرض مشاركة واحدة - تعبت الظلم واجحافك .. آلامه .. أحلامه ..بأقلامهم وأقلامه

11-29-2010, 09:59 AM

إستكثـرك وقتـي علَـيْ وغـدا بـك

عـادة زمانـي كلّمـا طـاب هـوّنْ

ليـت الـذي ودّاك يـا زيـن جابـك

تشوف عقبـك كيـف الايّـام سـوّنْ

شرق(ن) مشيت وغرب وقتي مشىَ بك

والقلب ما له لايـم(ن) فيـك لـوْ وَنْ

عقب الهنا بـك ذاق لوعـة عذابـك

تـلـونّـت دنـيــاه ولا تـلــوّنْ

طويتنـي طـيّ الـورق فـي كتابـك

حتّـى معاليـق الحشـا لـك تطـوّنْ

إشتقت لأيّـام الهـوَى فـي جنابـك

يوم الشّموع بليـل الاحبـاب ضـوّنْ

واشتقت أقول لهاتفـك مرحبـا بـك

واشتقـت لغيـوم الصحـاري تكـوّنْ

عوّد ترَى داعي الهـوَى عنـد بابـك

واروي القلوب الّلي بعـد مـا تـروّنْ

غنّيت لـك عمـري ولاجـا جوابـك

واسمي مـعَ مجنـون ليلَـى تـدوّنْ