كل يوم يمر من بعد فرقاك كئيب
من يوم ماسافرت وانا تايهه
اطالع للعالم بعيون ضايعه بالفراغ
كل مااطالع بمكان اشوفك فيه
الكون كله ضاق بي
والمشكله؟!!
اسألك متى ترد
وتعطيني امل وتقول:بشهر محرم
احتري شهر محرم بكل شوق
ويوم قرب مابقى عليه شي
اكلمك وأقول:مابقى شي ع محرم والله وحشتني
وتقول:لا بجي برمضان
وارد وانا مصدومه:شلون برمضان ومين فيه يتحمل العذاب لرمضان
وتقول:عشان إجازة رمضان اطول وانا ودي اطول معاكم
عبرت لك عن شوقي بكل السبل
وبالعيد تدق وتكلم اهلي
انا ادري بتقول:أعطوني راويه ابي اكلمها
بس مادري من حزه ماسمعت صوتك
نزلت دموعي
كنت ابي اكلمك بس ماقدرت
دخلت غرفتي وقفلت الباب
حضنت الوساده وكتمت راسي فيها
وصرت ابكي
شوي إلا الباب يدق
سكتت وانا احاول اعرف مين يدق
شوي إلا صوت امي تقول:راويه قومي خالك يبي يكلمك
ماكنت ابي اقوم لأنو اعرف ماراح اتحمل
قمت وخرجت من الغرفه
رحت لسماعة التلفون ومسكتها
حطيتها ع إذني وصرت اسمع صوت انفاسك
سكتت شوي وقالت:الو
شوي إلا يقول:هلا والله كيفك حبيبتي وحشتيني
ماقدرت اتحمل وصرت ارد عليه وانا احاول امنع دموعي
حاولت قد ما اقدر شوي بنهايه المكالمه يقول:بكرة ادخلي مسن الساعه10 الليل
همست:أوكي
اليوم الثاني دخلت ولقيته موجود فتحت محادثه وصرنا نسولف يرسلي صوره وانكت عليه شوي كتب"راويه"
قلت"هلا"
قال"كأنك كنتي تبكين يوم كلمتك"
يوم قريت هالكلمه سندت راسي ع الكيبورد
وصرت ابكي بكل شوق
ودي لوتكون قربي بهاللحظه
تذكرت اليوم الي سافرت فيه
كان في الصباح قمت البس المريول رايحه المدرسه
وانا مشغوله بالمريول افكه من العلاقه
إلا ويدينك تلامس خدي
سلمت علي وقلت:يلا مع السلامه
وقلت والدموع بعيوني:مع السلامه
اتذكر اني داومت بس بدون عقل
رجعتك لنا بعد طول غياب دام لسنين كانت فرحه