الجزء الرابع
خالد كان جالس بالصاله بعد ما رجع من صلاة العصر وتفكيرة محتاااس حيييل ما يدري كيف يتصرف مع هالزواج اللي ما يبيه اببد
شوي الا احمد نازل ويكلم بالجوال ويقول:زين اتفقنا .. الله يكتب اللي فيه الخير.. فمان الله .
حط الجوال بجيبه ووقف قدام مراية المدخل وصار يزبط شماغه
خالد عوره بطنه من هالمكالمه وقال:منو اللي كنت تكلم
احمد اللي كان بيقول له من اول:عمي
خالد لف وجهه وهو ما يبي يسمع باقي الكلام واحمد كمل:ملكتك يوم الخميس الجاي
خالد قال وهو يقوم بعصبيه:شلون كل شي من وراي مالي وجود انا
احمد طالع فيه وهو اللي كل اخوانه يحترمونه مثل ما كانو يحترمون ابوهم وقال بجديه:خالد كل شي صار عصبيتك ما بتنفعك ولا ربعك بينفعونك فكر بشي يفيدك بدل هالعناد
خرج وخالد ما يدري ليه انلجم ولا قدر يتكلم ورجع جلس وهو مقهووور ويقول بخاطره:ملكتي يوم الخمييس هه ولا حاسبين لي حسااب زبطو الوضع كلله زين خليني ع شورهم واشوف اخرتها
...
يوم الأربعاء قبل ملكة خالد بيوم
الساعه 1:30 الظهر
بمدرسه روان وقت الإنصراف والمدرسه فضيت والوقت متأخر روان كانت جالسه تستنى رغد اللي راحت للإدارة عشان تتصل ع اهلها شوي قالت:اوووف ليه تأخر كذا مع اني موصيه عليه
شوي الا رغد تخرج من الإدارة وهي معصبه بعد هي تأخر ابوها عليها وقالت:ليلي طويييل
روان بطفش:ليه؟
رغد:ابوي واخواني بيتأخرون بدواماتهم يعني 2:30 بيجوني
وقعدت وهي شوي وتبكي من القهر روان قالت:اوف ليه كذا مرة بتتأخرين
رغد:خليها ع ربك كل ربوع ع هالموال
روان:بس مو لدرجه ثنتين ونص قيلو الناس
رغد:هههههههههه والله بجد كررف
شوي الا صوت احمد ينادي"روان ال........."
روان يا فرحتي جا حمود اخيرا
طالعت برغد وقالت:رغد تعالي معاي
رغد:لا رورو امي ما تدري
روان:روحي بسرعه كلميها وقولي لها يلا ما راح اطلع بدونك
رغد:لا رورو خلاص روحي
روان بجديه:قلت مو طالعه بدوونك يلا بسرعه
رغد راحت للإدارة وكلمت امها واعطتها خبر وامها وافقت
(ملاحظه:اهل رغد واهل روان يعرفون بعض وعادي لو تساعدو بمثل هالأموور لأن روان ورغد صديقات من الإبتدائي ^_^)
خرجت رغد ولبست عبايتها هي وروان وخرجو من المدرسه
احمد كان واقف ويستنى روان تطلع شوي الا طلعو بنتين عرف روان بس اللي معاها ما عرفها روان اشرت لأحمد وهو ركب السياره ركبت جنبه ورغد وراها
وهي قالت ع طول:حمود معلييش بس وصل رغد ابوها بيتأخر بالدوام
احمد فهم انها رغد وبنفس الوقت تحمس وقال:زين من عيوني
رغد كانت جالسه ورى رواان ومهلووكه حييل من الدوام وبنفس الوقت مرتبببكه
شوي وقفو عند إشاره واحمد صار يطالع بالسيارة اللي جنبه ومندمج بتفاصيلها لأنها عجبته حييل
سوي طاحت عينه ع ميرايه سيارته اللي بجهته كانت مثنيه ومو مزبوطه جا بيزبطها لقاها مكسووره استغرب متى انكسرت ما صدم ولا شي طالع بالمرايه وشاف بنت متنقبه عيونها وسااع وبنيه باين ان بشرتها بيضا وكانت متكيه بيدها ومسررحه
لف وطالع بروان لقاها مقفله عيونها ونايمه دقق بالمرايه واخييرا فهم ان المرايه عاكسه وجه رغد ارتبك ولف وجهه بالطريق وهو يقول بخاطره:الللععععن كسرة المرايه جت مزبوطه
شوي وصلو لبيت رغد ووقف السياره نزلت رغد وهي تقول:تسلم اخوي ما قصرت
احمد بإرتباك:معليه ما سويت الا الواجب
دخلت البيت وهو تنهد ومشى بالسيارة وهو يقول بخاطره:إذا ذي بس عيونها شلون باقي الوجه بسم الله عليها الله يحفظها من كل شر
لف وطالع بروان كانت نايمه وبسابع نومه بعد مسك يدها كانت مسخخنه حيييل قلق عليها وقال بخاطره:غريبه دوبها مغسله قبل امس
قال وهو يشد يدها:رورو .. رورو حبيبتي
روان فتحت عيونها وعدلت جلستها وقالت:وديت رغد
احمد:ايه دوبها نزلت
شوي قال:روان تعبانه
روان:ايه بس مو كليتي من هالتأخير بالمدرسه
احمد فهم قصدها وقال:معليش بس كان الشغل متراكم علي وسعود كانت عنده محاظره وخالد ما رد علي دقيت لين انتحرت
روان سكتت وهو كمل وهو يشد ع يدها:حرارتك مرتفعه
روان وهي تصرف:من هالحر
احمد:لا زوود روان جد تعبانه نمر المستشفى
روان بعصبيه عشان ما تعطيه فرصه:لا بعد تبي تهلكني ع ماني مهلوكه مافيني الا العافيه وديني البيت جيعانه وابي انام
احمد سكت وهو مو متطمن ووداها البيت
...
بعد المغرب احمد نازل من غرفته ويضحك ويكلم فهد بالجوال وهو يقول:فهود والله جد تعال عندي نشوف المباراة مع بعض
فهد:حلوه جد ادري من غير ما تقول
احمد:هههههههههه زين يلا استناك
فهد:يلا فمان الله
احمد:مع السلامه
قفل الجوال وقال لأمه اللي كانت بالمطبخ:يمه القهوه فهد بيجي
امه:زين الله يحييه
راح احمد وجلس بالمجلس وفتح التلفزيون وصار جالس ويستنى فهد يجي
...
روان بغرفتها ووصلت حدها من التعب قامت ودخلت الحمام عشان تتروش وتروح المستشفى تغسّل
سعود كان جالس بالصاله ويتفرج بالتلفزيون شوي الا احمد دخل يبي ياخذ القهوه وقال:سعود شفيك تعال شوف معاي انا وفهد ولا ما تكشف عليه
سعود:ههههههههه لا مابي اشوفها شوي وطالع
احمد اخذ القهوه وقال وهو داخل المجلس:زين براحتك
دخل المجلس وهو يقول بضحك:حيا الله حياتي
فهد:الله يحييك ياقلبي ههههههههه
احمد:وعع فهد خلاص بطلت
فهد:ههههههههه تستاهل ماحد قلك انت بديت
احمد وهو يصب القهوه:انت ما عندك تخمه عاطفيه يعني
فهد:لا انا عندي فراغ عاطفي هههههههههههههه
احمد:هههههههههههه الله يشفيك وانا اخوك
فهد وهو يرفع يدينه للسماء:اللهم تقبل
احمد:ههههههههههههههه
...
بغرفة روان دخلت امها وشافتها وهي تلبس العبايه ومكشرة بوجهها وباين انها تعباانه قالت:روان بتروحين للغسيل
روان وهي تحط طرحتها ع اكتافها وتمشي بالحيييل:ايه يمه انهلكت دعواتك بس
خرجت من الغرفه وامها صارت ترتبها لها نزلت للصاله وما كان فيها احد سعود خرج
...
بالمجلس احمد قال لفهد:بعد اذنك بروح اجيب مويه واجي
فهد وهو مندمج بالمباراه:اذنك معاك
خرج احمد من المجلس وراح للمطبخ
فهد كان جالس وعيونه طاايرة بالتلفزيون شوي الا يسمع صوت ناااعم وهااادي
"حمود وديني المستشفى تعبانه حييل"
لف جهة الصوت وشاف بنت لابسه عبايتها وطرحتها ع اكتافها ومستنده ع البااب ويالله وااقفه وعيونها كانت ع جوالها اللي بيدها وباين بوجهها انها تعبااانه حيييل
ما قدر يبعد نظره عنها وقال بصوت هادي ما يسمعه الا هو: هاذي رواان
انتبه لنفسه ولف وجهه عنها ورجع يطالع بالتلفزيون ولا كأنه سمعها بس قلبه وبطنه وعقله انحاااااااااااااااااسو
روان رفعت راسها وشافته وشهقت ورجعت ع طوووول للصاله
جلست ع الكنب وهي مصدوومه وتقول بخاطرها:مين بالمجلس مو احمد
شوي الا احمد خارج من المطبخ شافها وهي لابسه عبايتها وقال بقلق:رورو شفييك؟؟
روان انتبهت وقالت:ابروح المستشفى تعبانه
احمد تورط فهد بالمجلس ولازم روان تروح وقال:ماحد من اخواني موجود
روان:الا خالد بغرفته
احمد:زين بودي المويه لفهد واخليه يوديك
روان:زين
قالت بخاطره:اللي بالمجلس فهد صديق احمد وهو نفسه اللي كان مع الشباب بالشاليه يووه الله يستر لا يكون شافني
احمد حط المويه ع الطاوله وخرج من المجلس وفهد قال لا شعوريا:وين حمود
احمد:شوي بخلي خالد يودي روان للمستشفى
فهد بقلق:عسى ما شر
احمد وهو خارج:لالا بس عشان الغسيل
فهد تنهد ورجع يطالع بالتلفزيون
احمد طلع لغرفة خالد وقال وهو يفتح الباب:خلووود قوم ودي روان المستشفى
خالد اللي كان نايم:يووووه ياخي ابنام وديها انت
احمد وهو يشيل اللحاف عنه:خالد فهد عندي بالمجلس وهي تعبانه وديها قووم
خالد قام وهو يتأفف وغسل وجهه ولبس ثوبه واخذ مفتاح سيارته وبوكه وخرج هو وروان
احمد رجع وجلس بالمجلس وهو يطالع بالنتيجه ويقول:داخل خارج وسجلو هدفين ولا تقول لي هههههه
فهد انتبه للنتيجه وهو ما درى عن هالهدفيين وضحك وقال:يلا بس شوف وانت ساكت
احمد:مين سجل
فهد:وش دراني دوبني انتبه
احمد ما قدر يكتم ضحكته وقال:هههههههههههههههههههههههه وين عقلك هههههههههه اللي ماخذته تتهنا به
فهد وهو يرمي الخداده عليه ويضحك:اسكت بس
احمد:ههههههههههههه
اثنينهم عيونهم بالتلفزيون بس فهد باله بعيييييييد وقلببه مشغوووووول
...
فهد خارج من بيت صديقه ورايح جهة سيارته
شوي الا سيارة خالد توقف هو مشى وركب سيارته وصار يطالع فيهم
نزل خالد وراح لباب روان فتحه ومسكها من ذراعها وصار يساعدها بالمشي وهي يالله تمشي
فهد عيونه ما فارقتها لين ما دخلت البيت بعدها ضرب بيده ع الدركسون بقهر وحرك سيارته ومشى
وهو بالطريق للبيت قاعد يفكر فيهاويقول بخاطره:بسم الله عليها تجنن بس ملامح التعب بوجهها تووجع بالقلب آآه والله حزنت عليها الله يشفيها ويقومها بالسلامه
...
يوم الخميس يوم ملكة خالد
اتفقو انو تكون حفله الملكه عائليه ببيت ابو اريج
خالد قاعد بالصاله ويدينه تحت دقنه وتفكيره حااااايس
شوي الا احمد نازل بعد ما كششخ بالثوب والغترة ويقول وهو يطالع بخالد:الله الله يا زين المعرس
خالد سفله وما رد عليه واحمد قال له:زبط شماغك خلود ولا بتروح وهو ع كتفك
خالد برضو سافله وما يرد بس اعصابه وصلت اتتتتتش
شوي الا سعود نازل ويغني وبرضو كااااشخ طالع بأحمد وقال وهو يضحك:والله انخميت ع بالي انت خالد
احمد:ههههههههه لا حنا كاشخين والمعرس محزّن
سعود طالع بخالد اللي طاقيته وعقاله فوق راسه والشماغ ع كتفه وصار يضحك
خالد طالع فيهم وقام بيطلع
شوي الا امه جايه وبيدها المبخره وتقول:استنى ياولدي باقي ما بخرتك
وقف خالد وامه صارت تبخره شوي قالت له:البس شماغك سلامات
خالد لبس شماغه ووقف قدام المرايه وصار يزبطه وامه صارت تبخر اخوانه
شوي الا روان نازله وكاااشخه وبيدها عبايتها وشنطتها وتقول بفرح:ازغرد
سعود وهو يضحك:خذي راحتك
روان ما صدقت خبر:كلووووووووووووووووووش
احمد حط اصابعه بإذنه وقال:الللعن تعرفين
روان:هههههههه ايه وش قالو لك
احمد:وانتي يمه
امه:لا بعد بنتي تعرف وانا لا فشيله
سعود:سمعينا طيب
امه بعد ما صدقت:كلوووووووووووووووووووووش
ضحك احمد وسعود وخالد سااكت ولا يرد ووجهه ما يبشر بخير
خرجو من البيت رايحين لبيت عمهم
...
ببيت ابو اريج
اريج بغرفتها واختها ريم عندها وتحط لها اللمسات الأخيره
كانت لابسه فستان احمر توب وطويل وموديله رووووعه وشعرها الفاتح كيرلي وع الجنب وحاطه ورده حمرا ع الجنب ومكياج هااادي ونااعم
دخلت امها الغرفه وشافته وقالت:بسم الله عليك الله يحفضك من كل شر خالد واهله جو اخرجي سملي ع عمتك وروان
خرجت هي وريم وسلمو ع عمتهم وروان وطبعا روان قالت:وش هالحلاوه ناويه تذبحين خالد
اريج ضحكت بحرج وقالت:عيونك الحلوه
سلمت روان ع ريم وجلسو يسولفون
عند الرجال خالد وعمه واخوانه جالسين والمملك معاهم ويتفقون
سعود كان جالس جنب خالد وقال وهو يدقه بكوعه:ابتسم والله ما كنك عريس
خالد طالع في سعود بقهر وقال:انثبر لا تتدخل
سعود:عضلاات خدودك تشنجت حركها
خالد وهو يشد ع اسنانه:قلت لا تتدخل
سعود ضحك وسكت
شوي الا المملك كلم اريج وعقدو العقد وبدو المعازيم يباركون والزغاريد والفرحه
شوي دقت روان ع خالد وهي تقول:خلوود تبي تشوف اريج
خالد بقهر وهو خارج من بيت عمه:مابي
روان:شلون خالد لا تستهبل
خالد بعصبيه:روان قلت مابي خلااص انا خارج
روان:شلون خارج حرام عليك
خالد:انتو حطيتوني بهالموقف حرام عليكم انتو يلا بس فمان الله
وقفل من دون ما يسمع ردها وهي دخلت جوالها في شنطتها بقهر وقالت:غبي عقلك متبري منك
...
بعد الملكه ببيت ابو احمد
احمد بعصبيه:خالد صوتك لا ترفعه واقلب وجهك
خالد وهو معصصب:هذي حياتي وبرضو حشرتو نفوسكم يا شيخ يلعن امها عيشه معاكم
قالها وطلع غرفته وصفق الباب بقووه
احمد جلس وصار يشرب العصير عشان يهدي اعصابه روان كانت جالسه مع احمد وبعد هي متضااايقه من خالد وعناده
شوي طلعو غرفهم
بغرفة روان
روان خارجه من الحمام وهي يالله تمشي استندت ع الجدار لين ما وصلت عند سريرها وانسدحت عليه بتعب وقالت بخاطرها وهي حاطه يدها ع جنبها ودموعها بعيونها من الألم:امس غسلت يوووووه شفيني
كتمت نفسها بالوساده وصارت تبكي لين ما دخلت بنومها ونااامت
...
اليوم الثاني بعد المغرب
احمد كشششخ وهو خارج من غرفته قالت امه:خارج؟
احمد:إيه مواعد فهد والشباب بنتعشى برى
خالد من الصاله وهو مقهور:يمه بيطلع مع ربعه زوجييييه !
احمد ما قدر يكتم نفسه وضحك وامه بعد ضحكت وخالد قال:ايه بس علي انا
احمد وهو رايح لغرفة روان:حبيبي انا مرة في الشهر مو مبلط عندهم وياليت فيهم نفعه بعد
دق باب غرفة روان وهي قالت:ادخل ما يحتاج هالدق
فتح الباب وقال:شلوونك
روان كانت ع النت وقالت وعيونها ع شاشه اللاب:تمام
احمد:يلا بخرج بغيتي شي
روان:سلامتك
احمد:يلا باي
روان:باي
طلع وقفل الباب وروان كانت تتوجع بس ما تبي تبين عشان ما يقلقون وبنفس الوقت قالت بخاطرها:شكلي صرت اوسوس دوبني امس مغسله ما يصير اقلقهم معاي
...
فهد واحمد بالسيارة مع بعض واحمد قال:هاه بيجو الشباب ولا كنسلو زي كل مرة
فهد بضحك:والله مادري عاد انا وانت العزابيين بينهم والباقين اضعف الإيمان مملكين مو فاضين لنا
احمد بضحك:الله يرزقنا من فضله هههههه
فهد:هههههههه
مسك فهد جواله وبدا يدقدق عليهم وطبعا هاااتك يالأعذاار بالنهايه قال لأحمد:والله كلهم كنسلو مشغوليين
احمد:يوووه يا شينهم هاليوم اللي فاضي فيه انشغلو واليوم اللي مشغول يفضون وججع
فهد بضحك:انا دايم فاضي لعيونك حبيبي
احمد:بس فهد الله يقرفك انت وهالكلام
فهد:هههههههههه انت شكل عندك تخمه عاطفيه شاابع خلاص هههههههههه
احمد:ههههههههههههههههه لا مو ناقصك هههههه
فهد يعني انه سرح فيه وقال وهو يمسك ضحكته:دوم هالضحكه ياقلبي
احمد طالع بفهد وقال بقرف:فهدووووووووه قلت خلاااص
فهد:هههههههههههههههههه تعجبني اذا تنرفزت
احمد:ههههههههههههه
شوي الا جوال فهد يدق طالع لقاه واحد من ربعهم ورد:هلا والله هاه غيرتو رائيكم
رد عليه:ههههههههه ايه ترى نمزح كلنا بالإستراحه نستناكم لا تطولون عاد
فهد:هههههههه اشوى يلا زين حنا بالطريق
قفل الخط وهو يقول لأحمد:يلا ع الإستراحه
احمد:كلهم موجودين ؟
فهد:اييه كانو يمزحون
احمد:يلا مشينا
...
روان قفلت اللاب توب وهي تحس بدووخه وجنبها يعورررها حييييل
امها كانت قاعده بالصاله وتتفرج بالتلفزيون وخالد وسعود خرجو مع ربعهم
استندت روان ع الكومدينا اللي جنبها عشان تقوم بس مو قادره تتحرك ابد صارت تبكي من الألم وتحاول تقوم بس ما تقدر لأن جنوبها تعورها حيييل
شدت ع الكمدينا بقوه وقامت وما مدها ما توقف الا طاحت ع ركبتينها وصارت تبكي وتصرخ من الألم:يماااااااااااااااااااااااااااااه
امها كانت طالعه لغرفتها وخافت حييل يوم سمعت صراخ بنتها وراحت بسرعه وفتحت باب غرفتها
شافه روان ع ركبتينها وتبكي مسكتها وهي تقول بخوف:شفيك حبيبتي
روان وهي تمسك ع كليتها:بموووت كليتي
امها خافت حيييل وهي قالت:كلمي احمد يمه بمووووت
امها ضمتها لصدرها وصارت تفرفر بجوالها واول اسم طلع لها احمد وع طوول دقت
...
عند احمد
كل الشباب جالسين ومندمجين بالبلوت شوي
الا جوال احمد اللي كان بالشاحن يدق فهد وهو يحط ورقه:حمود جوالك يدق
احمد قام وشاف لقاها امه وع طول رد:هلا يمه
الشباب كانو يطالعون فيه يستنونه يجي لأنه دوره باللعب
وهو تغيرت ملامحه وقال:شفيها؟
امه وهي تبكي من الخوف:مو قادره تتحرك بسرعه تعال
فهد جات بباله روان وقال:احمد وش فيه
احمد قال لأمه:زين زين جاي
وجا بيقفل شوي تذكر الإستراحه بعيده عن البيت ورجع قال:يمه يمه
امه بقلق وهي تمسح دموعها :نعم
احمد بخوف وهو يحط بوكه بجيبه وياخذ مفتاح سيارته:دقى ع سعود انا بالإستراحه بتأخر بلحقكم ع المستشفى
فهد زاد خوفه والشباب بعد وهو قفل الخط وقال:شباب معليش لازم اروح
فهد قام بخوف ولحقه وبحوش الإستراحه مسكه من ذراعه وقال:احمد قول لي وش فيه
احمد وهو يمشي بسرعه لسيارته:روان تعبت حييل لازم اروح
فهد صار يطالع فيه بقلق وهو ركب سيارته ومشى
رجع فهد للإستراحه والشبااب انحااس تفكييرهم وكلهم قلقانين اول ما دخل قالو:شفيه
فهد وهو يقعد ع الكنب بضيق:اخته تعبت
كلهم يعرفون ان اخته عندها فشل كلوي وقال واحد فيهم بقلق:غير الغسيل
فهد بتوتر:مادري بس اضن الوضع كايد
وكلهم قالو بضيق:الله يسستر
...
دخل احمد المستشفى وصار يمشي بسرعه ناحيه غسيل الكلى وشاف سعود واقف بتوتر عند باب غرفه الغسيل وقال بخوف:وين روان
سعود:داخل تغسل كليتها
احمد بقلق:بس غسيل وتطلع ولا في شي؟؟
سعود طالع فيه وقال وهو حده متوتر:مادري ما اضن احمد هي تعبانه حييل اكيد فيها شي مو بس غسيل
احمد حس برجوله ما تحمله وجلس بضيق ع الكراسي وصار ساند اكواعه ع ركبتينه وماسك راسه بضيق ويقول:ياربييييييي
شوي رفع راسه وقال:خالد وينه
سعود وهو يجلس:يعني وين مع ربعه
احمد عصب ومسك جواله ودق عليه لاكن خالد بس شاف رقمه وقفل الخط واحمد علق يدقدق وخالد يقفل بوجهه لأنه مو طايقه من بعد ما خطب له اريج غصب
شوي طالع احمد بسعود وقال وهو يقوم بعصبيه:دق عليه يقفل بوجهي
سعود بنفس العصبيه:زين اهدا خلااص
جوهم كان متوتر حييل شوي تذكر احمد امه وقال:وين امي؟!
سعود:عند روان جوا
سعود جواله ع اذنه ويستنى خالد يرد
خالد شاف رقم سعود وحس انه في شي ورد بعصبيه:نعم
سعود:خالد تعال روا....>>سحب احمد الجوال من سعود وقال بعصبيه:خالد وينك
خالد بنفس عصبيته:مع ربعي وش بغيت
احمد وهو بينجن من العصبيه:بيفيدونك ربعك الحين سكت يحاول يهدي شوي وكمل:خالد تعال للمستشفى روان تعبانه حييل
خالد سكت وهو مو مستوعب وقال بخوف:شلون يعني بس غسيل ولا شلوون
احمد بتوتر:تعال قلت تعبانه مو غسيل
خالد ما يدري وش يقول وهو كان يخاف من هاليوم وقال بصدمه:جاي مسافه الطريق
ركب سيارته وع طووووول ع المستشفى وبدت الوساوس بباله "بتموت .. لاااا مو هي بعد .."
وضرب ع الدركسون بقهر وقال ودموعه بعيونه:كله من هالدخان ولا كان قد زرعت من زمان
دعس ع البنزين بكل قوته يبي يوصل بسرعه وصار يمشي بسرعه جنونيه من بين السيارت وعاد لازم اصوات البواري وطبعا ساهر بالسالفه <<عاد من جد فيلم السرعه والغضب هع هع >>
...
في المستشفى خالد واحمد وسعود جالسين لهم ساعتين يستنون ينتهي الغسيل
شوي الا اربع ممرضات جايين يدفون سرير ابيض ودخلو غرفة الغسيل عاد وقتها خالد قال وهو يطالع بسعود:شفيها
دقايق وخرجو نفس الممرضات بس روان ع هالسرير وقفو اخوانها ع خرجة الدكتور وامها من الغرفه
احمد ع طول راح لأمه المنهاره ومسكها وجلسها وهو يقول:سلامتك يمه لا تتعبين نفسك
خالد طالع بالدكتور وهو ما يبي يسمع الكلمه الي بباله لو قال له الدكتور روران ماتت ع طول بيموته من كثر ما هو متوتر ومعصب
سعود قال:شفيها دكتور
الدكتور بقله حيله:اخذت عينه من دمها ولازم نسوي لها اشعه تلفزيونيه ما عندي شي اقوله لكم الحين
خالد بعصبيه:ولكم ساعيتن داخل ومافي شي تقوله شلون؟
الدكتور:اخوي سوينا لها غسيل بس ما فاد لازم نتأكد قبل ما نحكم
سكت شوي وقال:وين ولي امرها
احمد:انا يادكتور
الدكتور:متى اخر مرة غسلت
احمد:قبل يومين
الدكتور:بالعاده كم مرة تغسل في الأسبوع
احمد:ثلاث مرات بس في الفتره الأخيره صارت تتعب كل يومين
الدكتور قال بضيق وهو رايح:تطلع نتايج التحليل والإشاعه وابلغكم
احمد جلس وقال بتوتر:ياربيييييييي
...
فهد قاعد بالإستراحه وع اعصااااابه سااكت وباله مع احمد بالمستشفى ماسك جواله بيده ويبي يدق بس متردد
الجو بالإستراحه هدوووء ع خووف ع قلق قام واحد من الشباب يبي يغير الجو وقال:شباب قومو نسبح المسبح جاهز
فهد طالع بساعته وقال بقلق:شباب الساعه 2 تتوقعون رجع احمد من المستشفى
واحد منهم:دق وشوف تكفى طمنا انت اللي تمون عليه
فهد دق ويستنى احمد يرد
احمد جالس هو واهله وع اعصاابهم وروان بغرفه الأشعه
شوي الا يدق جواله طلعه ورد بهدوء:هلا فهد
هدوووء بالإستراحه وكلهم يطالعون بفهد ويسمعون كلامه
فهد:هاه احمد بشر
احمد تنهد بضيق وقال:بغرفة الإشاعه ما طلعت بس سوو لها غسيل وما فاد
فهد صار ساكت واحمد نفس الشي شوي قال احمد:دعوااتك فهد
فهد تنهد وقال:الله يكون بعونك اصبر حمود وان شاء الله تقوم بالسلامه
احمد:ان شاء الله
فهد:يلا فمان الله
احمد:مع السلامه
فهد وهو يقوم:ادعو لها يا شباب
الشباب:وش فيه طيب
فهد وهو ماسك الباب:سوو لها غسيل وما فاد وبيسوون لها اشعه
وفتح الباب وقال:يلا فمان الله
الشباب:وين رايح
فهد:تأخر الوقت لازم ارجع صلاة الجمعه بكرة
الشباب انتبهو وقامو بعد هم وكل واحد راح لبيته
...
خالد جالس بالإنتظار وكل دقيقه تمر يموت فيها الف مرة ويستنى الدكتور يخرج
شوي خرج الدكتور ووقف ع طول وهو يقول:هاه دكتور فيها شي
الدكتور طالع بأحمد وقال:تعال بمكتبي
احمد قام وراح مع الدكتور للمكتب
بمكتب الدكتور احمد جالس ويستنى القنبله اللي بيرميها الدكتور عليه
جلس الدكتور وقال:روان ما عاد ينفع تطلع من المستشفى ابد
احمد طالع بالدكتور بيأس وقال:ليه شفيها
الدكتور:لازم غسيل كلى اربع وعشرين ساعه بدون انقطاع وعنايه مشدده
احمد مسك راسه وقال بصدمه:لمتى
الدكتور:لين ما تزرع ولا تتوفى
وقتها حس احمد بيأس الكون كله متجمع بقلبه وقال وهو يقوم ودموعه بعيونه:يصير خير
الدكتور عطاه قلم وقال:وقع ع اوراق التنويم وبيكون لها غرفه خاصه وعنايه خاصه وزيارة مفتوحه بأي وقت
وقع احمد وهو متضايق حييل وخرج من مكتب الدكتور وبباله كلمتين "يا تزرع يا تموت"
طالع بأخوانه اللي يبونه يقول أي شي الا طاري الموت لا يجيبه وقال وهو يمسك يد امه ويقومها:يلا مشينا
خالد عصب وقال:وش فيها قول
احمد بهدووء وكل احزان الكون عليه:خالد خل نروح البيت اول
خالد مسكه من التيشيرت وقال:قول شفيها تكلم
سعود سحب خالد وهو يقول:خالد اهدا خلاص
خالد وهو يجلس بضيق:ما راح اتحرك من هنا لين اعرف وش فيها
احمد بألم ودموعه بعيونه:لازم لها اربع وعشرين ساعه غسيل .. يعني ما راح تطلع من المستشفى لين تزرع ولا تموت
خالد انصدم من هالكلام وقال بتوتر:زين انا بتبرع لها
احمد طالع فيه وقال:خالد تضرك العمليه
خالد وهو يروح لمكتب الدكتور:بتبرع يعني بتبرع
سعود مسكه بقوه من ذراعه وصار يقول بعصبيه وهو ماسكه من بلوزته:انجنيت انت مو ناقصين نضحي فيك بعد خالد اقلب وجهك ع البيت قدامي
خالد بعصبيه:فكني ووخر من قدامي
شوي سمع صوت امه تقول وهي تبكي:مابي افقدك ياولدي تكفى خل عنك هالتهور ادعو لها والله كرييم خالد يا قلب امك تكفى خلنا نرجع البيت
لف خالد ودموعه بعيونه وقال:زين روحو انتو انا بجلس
احمد:يلا خالد خلاص خل امي ترتاح
خالد وهو يروح لغرفة التنويم:ارتاحو بجلس معاها
...
بغرفة روان
روان منسدحه ع السرير وجهاز الغسيل يغسل دمها وهي فاقده وعيها جزئيا
خالد جالس جنبها ودموعه ع خدوده وماسك يدها
روان فتحت عيونها وشافته وقالت:خالد
خالد مسح دموعه وقال بضيق وقهر:همممم
روان:اسمعني زين حتى لو صار لي شي ومت تكفى زواجك لا يتأجل ولا يتكنسل
خالد عصب من كلامها وقال بعصبيه:انتي اكثر وحده تعرفين اني مالي رغبه بهالزواج شلون تبوني افرح وانبسط بزواجي وانتي تعانين كل يوم روان افهميني والله لو صار لك شي زواج ما راح اتزوج ابد الحين سامع كلامكم بس عشان ارضى امي
روان قفلت عيونها بتعب ونزلت دموعها وقالت:خالد تكفى انا طلبتك والله فاهمتك صدقني بتنبسط لو تزوجت اريج
خالد سكت وما رد عليها ودموعه تنزل وهي قالت:طمني قبل لا افارقك وش قلت خلود
خالد:بس روان لا تقولين هالكلام
روان:خالد خلاص انا منتهيه ليه ما تبي تستوعب هالشي لا توقف حياتك عشاني
خالد بعصبيه:روان اسكتي اذا هذا كلامك مابي اسمع صوتك
روان شدت ع يده ونزلت دموعها وقالت وهي تتألم:حاسين فيني كلكم .. خالد خلاص بقعد بهالغرفه لين اموت
خالد مسح دموعه وقال:بس روان ان شاء الله تزرعين لا تتفاولين ع نفسك
روان:لو بزرع كان من زمان
حط راسه ع يدها اللي ع السرير وصار يبكي بحرقه ويقول:الله يقومك بالسلامه ولا يورينا فيك شر
روان شدت ع يدها وهي تقول:وين احمد
خالد وهو يمسح دموعه:بالبيت
روان:متى بيجي
خالد:بكرة ان شاء الله
روان طالعت بالساعه كانت 3 الليل قالت:خلود روح ارتاح
خالد سكت وما رد وهي قالت:يلا باي اشوفك بكره
خالد ابتسم وقال:باي
...
ببيت فهد
فهد مو مرتاح ومو قادر ينام بعد ما كلم احمد وعرف باللي صار لروان
صار يتقلب ع فراشه بضيق ومو قادر ينام وصورتها بعيونه يوم شافها وكان باين بوجهها التعب
قام وجلس وهو يقول:ياربييي اشغلت باااالي
سكت شوي وقال بخاطره:لو ماتت لا قدر الله وش بيصير في احمد اذا هو منحاااس وهي كذا كيف لو ...
يوووووووه ابغى اناااام تأخر الوقت
دخل راسه تحت المخده وصار يحاول ينام شوي الا جواله يدق قام بسرعه وشاف لقاه رقم غريب كان بيرد بس قال:لا تكون نورة .. لالا يمكن خالد ولا سعود
رد:هلا
:هلابك شلونك فهودي
فهد طالع بالجواله من دون ما يرد وشاف نهاية رقمها وقفل بوجهها ع طووول
وحط الجوال ورجع يحاول ينام
...