منتديات كلك غلا - عرض مشاركة واحدة

03-14-2013, 07:46 AM

يطـيـح جـفـن اللـيـل واهــز كتـفـه ,,, يفـز نجـم ، وباقـي اللـيـل مطـفـي
واحاكي الجـدران عـن مثـل غرفـه ,,, ماتشبـه الجـدارن ويطـول وصـفـي
وتملنـي الجـدارن واظهـر لشـرفـه ,,, تحت السماء واسكر الباب خلفـي
ليت الشـوارع تجمـع اثنيـن صدفـه ,,, لا صـار شـبـاك المواعـيـد مجـفـي
ريـحٍ تهـب وتسكـن العـظـم رجـفـه ,,, وتمـوت ريـح وتسكـن اوراق نزفـي
على الروابـي تهطـل دمـوع وطفـه ,,, ويصـب لمـع بروقهـا وسـط طرفـي
ياطـاري الغـدران ، والعمـر رشـفـه ,,, مـع قلّـهـا ، ياليتـهـا يـيـوم تصـفـي
الحـب واجــد مـيـر الأقــدار صلـفـه ,,, والارض واجـد لكـن الـعـزم منـفـي
والــي اعـرفـه راح مانـيـب اعـرفــه ,,, ولااظن يذكرني اليا اقلبـت مقفـي
ماهـو حبيبـي مـورد القلـب حتفـه ,,, ولاهو حبيبي يفـرح بوقـت ضعفـي
مُّــر ثـمـر هاللـيـل ، وامــر قـطـفـه ,,, يالحمظل الي صـرت اذوقـه بكفـي
هــذا وتّـــو الـلـيـل مـــاراح نـصـفـه ,,, ياليل بعض اللي مضى منك يكفي