ابنك , بجد

حب أبنك بجد
ايه دا هو في حب بجد وحب لأ ؟؟!!! »» آه
الحب اللي بجد، اللي مالوش أي شروط أو مطلوب من الطفل انه يعمل حاجة عشان تبقي بتحبه.....
أنا عارف إنك قصدك تشجع الطفل عشان يعمل حاجة معينة أو سلوك حلو؛ بس انت كده بتضره. يااانهااار أبيض إزاي؟!!!! تعالي نشوف...
أولًا، انت بتغير مفهوم ومعني الحب عند الطفل، الحب دا إحساس جميل يخرج من قلبك إلي قلب الطفل مباشرة، انت كده بتقوله لأ، الحب دا شئ مادي يخرج من العقل؛ عندما تفعل كذا سوف أحبك، فأصبح الحب مكافأة وعند عدم فعل الشئ يفقد الطفل هذا الحب، فأصبح الطفل تائه، لأن معني الحب في هذا السن بيكون هو مصدر الأمان اللي الطفل محتاجه؛ ممكن تقوله لو عملت كذا هتكون بطل، أو إن دا شئ كويس عشانك انت، هيفيدك في كذا وكذا ولكن إياك والمساس بالحب لأنه مصدر الأمان..
ثانيًا، من المؤكد إن الطفل لن يفعل كل ما تراه صحيح، ولن يستطيع إرضائك بكل الأشكال؛ وساعتها الطفل هيحس انه غير محبوب، وانه غير ناجح في كسب ثقة وحب ورضا أبويه، وعندها سوف يترك هذا الباب ككل، ويقول طالما أنا غير محبوب؛ يبقي خلاص، ليه أعمل حاجة حلوة؟؟ ما أنا كده كده بابا وماما مش بيحبوني وتتوالي الأحداث العظام.
طب المفروض إيه اللي يحصل؟؟؟
- هنحب أبنائنا بكل عيوبهم، بكل تقصيرهم، ونحاول نستخدم الحب الصادر من داخلنا كطاقة تغيير وليس طاقة تدمير، وسبق واتكلمنا عن ازاي نربي أبنائنا بالحب، ويكون الحب والكره للتصرف نفسه، يعني نقول يا عبدالله أنا مش بحب انك ترمي لعبك كده؛ لأنك أصلًا منظم، تعالى نلم مع بعض ونتعلم إزاي نحافظ علي حاجتنا..
دا أحسن ولا نقول، أنا مش بحبك عشان إنت بترمي لعبك؟؟!!!
نتقبل أطفالنا، ونحاول نتعلم الجديد، علشان نقدر ننفعهم ونربيهم بأفضل طريقة، فرغم صعوبات الحياة الكثيرة، يظل أولادنا هم الأولوية؛ فلنحسن البناء الآن ونحن قادرون علي العطاء، لنجد غدًا الظل، يوم يكون العمر قد فات؛ فإن أولادنا هم ميراثنا، حتي بعد موتنا..
أدامكم الله في حياتهم وأدامهم في حياتكم وأنتم بأفضل حال.

الموضوع الأصلي: حب ابنك بجد || الكاتب: ذابحني غلاك || المصدر: منتديات كلك غلا