منتديات كلك غلا - عرض مشاركة واحدة

12-25-2012, 06:04 PM

رؤى جالسة مع منى وابوها وعقلها وبالها مو معهم ابد ... حاول ابوها يعرف ايش فيها بس هي ماتكلمت ولا قالت له السبب ... كل اللي قالته انها تعبانة وتبي ترتاح عنده ... احترم سكوتها وما ضغط عليها ... خاف لا تفسر اهتمامه وسؤاله انه متضايق منها وما يبيها تجلس في بيته ...

سمعوا الجرس ... وثواني والخدامة عندهم ...
الخدامة: ماما رؤى ... بابا فواز في المجلس
فتحت رؤى عينها عالآخر: ايييييييش؟؟؟
الخدامة: بابا فواز في مجلس ... يقول يبي انتي
رؤى: ...............................
منى: خلاص روحي
الخدامة: زين ماما
احمد: رؤى
رؤى: بابا ماابي اشوفه!!!
احمد: لاحول ولا قوة الا بالله ... على راحتك ... بروح اشوفه
طلع احمد وتوجه للمجلس ...
قامت منى وجلست جنب رؤى: رؤى
رؤى والدموع في عينها: ما ابي اشوفه
منى: براحتك ... لا تشوفينه ... بس اهدي ولا تعصبين
رؤى: مو معصبة .. بس ليش جاي؟؟
منى: يحبك يا رؤى ... صدقيني يحبك
رؤى: مستحيييييييييييل
منى: لو ما يحبك ماجلس معاك يوم واحد
رؤى بعصبية: ليش ... ايش شايفتني؟؟
منى: بنوتة حلوة وما في مثلك ... بس هو فاهمك غلط ... صح؟؟؟
رؤى: ...................................
منى: لو ما يحبك ما جلس معك ... بس تمسكه فيك ... واكبر دليل انه لحقك الى هنا ... كل هذا يدل انه مو بس يحبك ... الا يموت فيك

احمد: رؤى؟؟؟
رؤى: نعم
احمد وهو يجلس جنبها ويمسح على شعرها: مصر انه يشوفك!!!
رفعت رؤى راسها بسرعة: ما ابي
احمد: انا شرطت عليه انك تجلسين عندي وما تروحين معه ... بس يكلمك وخلاص
رؤى: بابا
احمد: رؤى ... كسر خاطري ... رجال طول بعرض ويترجى فيني ... ما اقدر
منى وهي تمسك يدها: روحي له يارؤى ... لا تتكلمين اذا ما تبين تتكلمين ... بس روحي ادخلي واطلعي ..
وقربت منها وهمست في اذنها: ومنها تكحلين عينك بشوفته
ابتسمت رؤى وقامت للمجلس ...

احمد بابتسامة: ايش قلتي لها.؟؟؟
منى بدلع: سررررررررررررررررررر
احمد وهو يمسك يد منى بقوة: ايش قلتي لها؟؟؟
منى: اييييييييييي ... احمممممممممممممممد
احمد: ما في ... ايش قلتي لها؟؟؟
منى: احمد كسرت يدي ... بعدين اسرار بيننا ... ليش داخل بيننا؟؟؟
احمد وهو يبتسم: الظاهر مو بس سحرتيني ... حتى رؤى سحرتيها
منى وهي تبتسم: مالي غيركم .. اذا ما اهتميت فيكم اهتم في مين؟؟؟

دخلت رؤى للمجلس ...
رؤى: السلام عليكم
فواز: وعليكم السلام
رؤى: ...................
فواز: ....................
استمروا على هالحال دقيقتين
فواز: رؤى؟؟
رؤى ببرود: نعم
فواز: تتزوجين غيري؟؟؟
رؤى باستغراب: فواااااااااااااااااااااااز
فواز: ...................
رؤى: الصراحة يا فواز صرت اشك في عقلك ... في احد يقول لزوجته هالكلا...
رؤى: فواز ...

فواز ...

فوااااااااااااااااااااااااااااااااااااز

بيت عبدالعزيز ...
وصل سواق سمر ودق عليها ... طلعت وخذت منه الاغراض ... ودخلت من باب المطبخ وصعدت لفوق بدون مايشوفها احد ...
دخلت جناح فواز ... وهذه اول مرة تدخل فيها الجناح ....
الله ياخذها ... جناحها فخم ... طيب يا رؤى ... ان ما طردتك من هنا ... وصار هالجناح لي انا وفواز بسسسسسسسسسسسس ...
يا ربي متى يجي هاليوم ... اخ يا فواز ... لو تلتفت لي شوي بس ... والله لانسيك رؤى واللي خلف رؤى ...

دخلت لغرفة النوم ... انبهرت من جمال الغرفة وترتيبها ... الظاهر عندها ذوق ... لا لا لا لا لا لا لا شكله ذوق فواز ... ولا هي ما اتوقع ان عندها ذوق اصلا ... وهو ليش يشتري لها ويهتم فيها ... اوووووووووووووووووووووووووف متى تنقلعين من حياتنا وتفكينا ... راحت للسرير وحطت عليه الاغراض ... ورتبتهم وطلعت من الغرفة وعلى وجهها ابتسامة الانتصار ...

في المطبخ ...
ليان: وين العلة؟؟
لينا: مين؟؟
ليان: في غيرها ... بنت عمتك المصون!!!
لينا: ما ادري عنها ... ايش تبين فيها؟؟
ليان: مو طايقتها ابد
لينا: هي دايم كذا ... ايش اللي جد في الموضوع؟؟
ليان: كل مالي واكرهها
لينا: وانتي الصادقة ... تصرفاتها هي ورشا صايرة لا تطاق
ليان: شفتيهم شلون يتكلمون في الناس ... لا وعادي عندهم
لينا: الله يستر علينا بس
وصلتهم ربى: ايش فيكم تأخرتوا؟؟؟
لينا: ليان وهذرتها!!
ليان: انتقل لك عرق فواز ... انتي معاه الكلام عندكم بالقطارة
لينا: كويس نترك لك المجال
لينا: هه هه هه هه هه ... ما تضحكين
ربى: ياربي عليكم ... تذكروني بخوات سلطان ... الظاهر كل الخوات يتناقرون كذا ... الحمد لله ماعندي اخت ... ولا طول الوقت نتناقر
لينا وليان: ههههههههههههههههههههههه
لينا: كيفهم خوات سلطان معك؟؟؟
ربى: عسل ... الحمد لله حبوبات وطيبات لابعد الحدود
لينا: الحمد لله ... الله يهنيك
ربى: لا ومن عرفوا اني حامل وهم مبسوطين ... ما عندهم صبر يصيروا عمات ... وكل ما نزلوا للسوق شروا للبيبي شي ... اقولهم بدري بس هم متحمسين وبقوة
ليان: ههههههههههههه خليهم يفرحون
ربى: على قولتك ... خلهم يفرحون

بيت احمد ...
فواز نايم على رجل رؤى ومغمض عينه ....
رؤى ودموعها على خدها: فواز ... تسمعني؟؟
مسك فواز يدها وضغط عليها ...
رؤى: انت بخير؟؟
فواز وهو على وضعه: دامك جنبي فأنا بخير
جلست رؤى تمسح على شعره وتقرأ عليه ايات من القرآن فترة لين فتح عينه وشاف دموعها ...
فواز وهو يمسح دموعها بطرف صبعه: ليش الدموع؟؟؟
رؤى: اشوفك كذا وما تبي دموعي تنزل؟؟؟
فواز: المفروض تعودتي
رؤى: مستحيييييييييل اتعود ... كل ما تتألم احس اني انا اللي اتألم مو انت!!!
فواز: طيب ترجعين معي للبيت؟؟؟
رؤى وهي منزلة راسها: لا
فواز: ليش يا رؤى؟؟؟
رؤى: فواز ... احنا محتاجين وقت نبعد فيه عن بعض ... صدقني
فواز: وكم هالوقت؟؟
رؤى: ما ادري ... ما ادري ... اللي احسه انا لازم نبعد عن بعض
فواز وهو يجلس ويلبس شماغه: على راحتك يا رؤى ... بس اعرفي ان وجودك ورجعتك للبيت مرحب فيه في أي وقت ...
وقف فواز ووقفت معه رؤى: وين رايح؟؟؟
فواز: البيت
رؤى: بس انت تعبان!!
فواز: صرت احسن لا تخافين
رؤى: طيب اتصل على نواف خله يمرك؟؟
فواز: ما يحتاج ... صدقيني بخير
رؤى: طيب لا تسرع
فواز: ان شاء الله
رؤى: ولا تشغل بالك
فواز: ان شاء الله
رؤى: واذا تعبت وقف على جنب
فواز بنظرة: ايش رايك تسوقين عني احسن!!!
رؤى: يكون احسن ... خل سواقنا يوصلك
فواز: رؤى ... من جدك انتي؟؟؟
رؤى: طبعا من جدي ... مو مستغنية عنك؟؟؟
فواز: اذا مو مستغينة امشي معي للبيت
رؤى: فواز ... لا تضغط علي
فواز: خلاص على راحتك ... بس اعرفي اني مو مرتاح وانتي بعيدة
رؤى: ......................................
فواز: مع السلامة
رؤى: في امان الله
وصل فواز للباب والتفت عليها: رؤى
رؤى: عيونها
فواز: ممكن طلب؟؟؟
رؤى: تامر ... لو تبي عيوني ما غلت عليك
فواز وهو يقرب منها ويسحبها لصوبه ... حضضضضضضضضضضضضضضضضنها بقوة فترة ... وباس راسها ...
رفع راسها وشاف دموعها على خدها ... مسح دموعها: وبعدين ... ليش الدموع؟؟؟
رؤى: انتبه على نفسك
فواز: رجعنا للنصايح ... ان شاء الله
رؤى: واي يوم تحس انك تعبان لاتنام لوحدك ... روح لنواف ونام عنده
فواز: ومن قالك اني بنام في الغرفة ... غرفتك ما تنطاق من بعدك!!!
رؤى: الله معك

بيت عبدالعزيز ...
وصل فواز ودخل من المطبخ وصعد لفوق على طول ... ماله نفس يدخل المجلس ... الوقت متأخر واغلب الناس راحت .. خلاص مالها داعي نزلته
دخل غرفته وتوجه للدولاب ياخذ ملابسه ... لفت انتباهه السرير ...
استغرب من اللي موجود عالسرير ... أي هذا ؟؟؟ معقولة رؤى تمزح معي ورجعت البيت قبلي؟؟؟
دورها في الغرفة مالها اثر ... يعني مو رؤى .. بس مين اللي يحط هالاشياء على السرير غير رؤى ... معقولة وحدة من البنات؟؟؟ طيب انا ليش اكل في نفسي ... خلني اروح واشوفها

قرب من السرير ... باقة ورد وجنبها هدية مغلفة بشكل جميل وحلو ... رفع الباقة ودور على البطاقة ما حصلها ... من الغبي اللي مرسل الباقة من غير بطاقة ؟؟؟
فتح الهدية بهدوء ... كمان ما عليها بطاقة ... فتحها بهدوء وهو مستغرب ومتفاجئ منها ... فتحها علبة قلم ماركة ومبين عليه انه فخم ... فتح العلبة وشاف البطاقة

( تصدق ... اوقات الهدايا تعبر عن غلا انسان ...
بس صدقني غلاك ما تعبر عنه هدية!!!

ســـــــــــــــــــــــــــــــــــــــــــــــــ ـــــمــــــــــــــــــــــــــــــــــــــــــــ ــــــــــــــــــر)

فتح فواز عينه عالآخر ... ما توقع ان الوقاحة وقلة الادب توصل للدرجة هذه ... يحس عقله انشل من المفاجأة ...
جلس يفكر شوي ... هالانسانة لازم توقف عند حدها ... مو معقولة هالانحطاط اللي عايشة فيه ... اكثر من مرة فشلتها بس ما ادري هي ايش تبي ... لو عيني عليها كان اخذتها قبل لا اتزوج رؤى ... مو وانا متزوج واحب زوجتي ...
بس لازم اوقفها عند حدها ... شلوووووووووووووووووووووووووووووووون؟؟؟
فكر شوي وجته الفكرة ... رفع جواله واتصل على ليان

ليان: هلا فواز
فواز: وينك؟؟؟
ليان: بالذمة هذا سؤال ... يوم العيد وين بكون؟؟؟
فواز: ربي يعين زوج يتزوجك ... يا حبك لكثر الكلام
ليان: وانت يا حبك لاختصار الكلام
فواز: اخلصي ... عماتي وبناتهم هنا ولا راحوا؟؟
ليان: موجودين
فواز: طيب اذا طلعوا الناس وما بقى غيرهم قولي لهم فواز بيدخل وعطيني خبر
ليان: هذi اخر مجموعة تسلم وبتطلع ... يعني دقيقتين وانزل
فواز: اوكي

طلعوا الحريم ومابقى الا العمات وبناتهم ...
ليان: فواز بيدخل يسلم
هنا سمر انبسطت بقوووووووووووووة ... شكله شاف الهدية وناوي يشكرني ... بس شلون يشكرني قدامهم؟؟؟ معقولة يسويها!!!
دخل فواز: السلاااااااااام عليكم
الكل: وعليكم السلام
دخل سلم على عماته وبارك لهم العيد ... وسلم على البنات اللي جالسين على جنب ومتلثمين بشكل عام ...
جلس جنب عماته: حيا الله عماتي
العمة فوزية: الله يحييك!!
العمة حصة: يعني زوجتك مافيها تنتظرنا وتعيد علينا ... لازم تروح لبيت اهلها؟؟
فواز: والله هي كان ودها ... بس مرت ابوها تعبانة
فوزية: علينا هالحركات؟؟؟ الناس ما تسأل في امها تبي تقنعني انها مهتمة في زوجة ابوها اللي ما عرفتها الا من كم شهر؟؟؟
فواز: والله كل واحد واصله!!!
سكتوا العمات وما علقوا ... حسوا ان الكلام موجه لهم بطريقة غير مباشرة
سكت فواز شوي: ايييييييييييييييه تذكرت
منيرة: خير يمه؟؟
فواز: لما حبيبتي ... في كيس عند الباب جيبيه لي
لما: من عيوني
فواز: تسلم لي عيونك
دخلت لما ومعها الكيس ...
منيرة: ايش هذا؟؟؟
فواز: واحد ثقيل دم وما اطيقه مرسل لي اليوم هالهدية ... وودي اتخلص منها
طلع فواز باقة الورد وعلبة القلم من الكيس ...
سمر فتحت عينها بقووووووووووووووووووة من الصدمة
فواز: لما ... نادي الخدامة
لما: قولي لي ايش تبي ... ليش الخدامة؟؟؟
فواز: بلا كثرة حكي ونادي الخدامة
من قال بلا كثرة حكي تذكر رؤى وابتسم في نفسه
طلعت لما تنادي الخدامة وثواني هي عنده: نعم بابا
فواز: خذي ... هذا القلم اكتبي فيه رسايل لزوجك
الخدامة والضحكة شاقة وجهها: شكرررررررررررررررررررا بابا شكرا
فواز: كم خدامة في المطبخ؟؟؟
الخدامة: واااااجد
فواز: خذي الباقة وعطي كل وحدة منهم وردة
الخدامة: شكرررررررررررررررا بابا ... وخذت الاغراض وركضت للمطبخ قبل لا يغير فواز رايه
سمر من الصدمة مو عارفة ايش تسوي ... مو مصدقة اللي يصير قدامها ... معقولة؟؟؟ عطى الاغراض للخدامة!!!
العمة حصة: معقولة يا فواز ... قلم ماركة للخدامة؟؟؟
فواز: ما حبيت القلم
حصة: طيب اهديه لاحد ... حسافة القلم وسعره!!!
فواز: ما احب اهدي الا الناس اللي احبهم ... وانا كرهت هالقلم بقوة من كرهي لصاحبه ... ما ودي احد احبه يستخدمه
سمر وجهها صار الوان من الغضب قامت بسرعة وبعصبية: يمممممممممممه
امها: نعم؟؟
سمر: ابي اروح البيت ... يالله؟؟؟
امها: بدري ... ما جلسنا مع فواز!!!
سمر: اذا ما قمتي معي بروح مع السواق لوحدي
ابتسم فواز في داخله ابتسامة النصر ... ناس ما تفهم الا اذا جاها الكلام في وجهها

طلعت سمر وامها وهي واصلة حدها ... هين يا فواز ... انا تسوي فيني كذا؟؟؟ وانا اللي تعبت على ما حصلت شي يناسبك ويليق فيك ... طيييييييييب يا فواز ... بطين عيشتك انت واللي ما تتسمى رؤى

آخر الليل ... دخل تركي وعبدالعزيز ونواف للصالة ... وفواز موجود ما صعد فوق ... الكل راح وما بقى احد ...
دخلوا والكل سوالف وازعاج ... فواز متضايق من عدم وجود رؤى ... بس ايش يسوي ... دام هالشي رغبتها فهو يحترم رايها وبيصبر عليها
ليان: لينا بيتي الليلة عندنا؟؟
فواز: اووووووووووووووووووووف تبين خلود اللزقة يرضى؟؟؟ لو شفته بعيني ما اصدق!!!
لينا: حرام عليك ... لا تقول عن خالد كذا؟؟؟
فواز: وانا صادق ... مستحييييييييل بيرضى ... ماسك فيك بيده واسنانه ولا راضي يبعد شوي
ليان: أي والله ... من تزوجت ما شفناها ولا جلسنا معها مثل الناس!!
نواف: احسن من الناس اللي زوجاتهم نايمين في بيت اهلهم ولا هامهم الموضوع
فواز: تلمح لايش؟؟؟
نواف: سلامتك
فواز: لا ... قول ... لا تخليها في خاطرك!!!
نواف: شكلك ناوي تكمل اللي صار بالمجلس هنا؟؟؟
عبدالعزيز: ايش عندكم تتكلمون بالالغاز؟؟؟
نواف: سلامتك يبه
تركي: ما عليك منهم ... ابيك بموضوع على انفراد ... ممكن؟؟
عبدالعزيز: افا عليك ... تعال المكتب
راحوا عبدالعزيز وتركي للمكتب ...
لينا اتصل فيها خالد وقامت تلبس عبايتها لانه ينتظرها برا ...

ليان: اووووووووووووووف ... انت ليش تخلي زوجتك تنام في بيت اهلها؟؟؟
فواز: الموضوع ناقص تدخلك الصراحة!!
ليان: يا ثقل دمك
فواز: شكلك ناوية تنامين اليوم وانتي متكسرة
ليان: على الاقل في اكشن ... مو جالسين ومقابلين بعض!!!
منيرة: عن اذنكم بروح انام
نواف: بدري
منيرة: تعبانة ... من الصبح وانا على حيلي ... ما جلست
فواز: غيري ملابسك يمه وانا لاحقك
منيرة: حبيبي ... لا تتعب نفسك بنام واصير كويسة
فواز: مستحييييل تنامين وجسمك مكسر وانا موجود ... بعمل لك مساج من اللي يحبه قلبك
منيرة: انت كلك على بعضك حبيب قلبي
نواف: يممممممممممممممه ... وانا؟؟؟
منيرة: انتوا عينيني الاثنين ... ولا اقدر استغنى عنكم
ليان: وانا؟؟؟
منيرة: انتي لو الله يرحمنا من طوالة لسانك احنا بخير
صعدت منيرة فوق ... ولفوا الاولاد على ليان
فواز ونواف وهم يصفقون: لقطوا وجهكم ... لقطوا وجهكم ... ايوه
ليان: طيييييييييييييييييييييييييييييييييييييب ... اشوفكم قولوا ليان سوي لنا او حطي لنا .. ما بسوي لكم ولا شي
نواف: تهدد بعد؟؟؟
ليان: أي اهدد ليش لا!!!
فواز: بعدوا بعدوا خلوني الحق امي قبل لا تنام
نواف: وانا بعد بروح انام
فواز: لا تقفل الباب ... بنام عندك
نواف: من عزمك؟؟؟
فواز: عزمت نفسي
نواف: يا سلااااااااااااام
فواز: هذا جزا اللي يونسك؟؟؟
نواف: شكررررررررررا متونس وانا بروحي الحمد لله
فواز: بلاكثرة حكي ولا تقفل الباب لا اكسره على راسك اذا جيت
صعد فواز لامه ومسج جسمها وريحها وهي طول الوقت تدعي له بالتوفيق دنيا وآخرة ...

في المكتب ...
عبدالعزيز: خير تركي!!
تركي: عبدالعزيز ... بكلمك بموضوع بس مو عارف من وين ابدأ؟؟؟
عبدالعزيز قام من مكانه وجلس جنب اخوه: خير تركي... خوفتني
تركي: لا تخاف ... بس انا خايف ان الموضوع يزعلك
عبدالعزيز: ان شاء الله ما ازعل
تركي: وتقول لي رايك بصراحة!!!
عبدالعزيز: اكيييييييد ... عمري ما كذبت عليك!!!
تركي: اممممممممممممممممممممممممممممممممم
عبدالعزيز: .......................
تركي: اممممممممممممممممممممممممممم خلاص عبدالعزيز ما ابي شي
قام وقف وسحبه عبدالعزيز وجلسه
عبدالعزيز: ممكن تجلس وتتكلم؟؟؟
تركي: الصراحة؟؟
عبدالعزيز بنفاذ صبر: ايييييييييييييه
تركي: نويت اتزوج
عبدالعزيز بنظرة: ..........................
تركي: خلاص خلاص ... اذا مو موافق عادي مولازم
وقف عبدالعزيز قدام تركي وسحبه من ثوبه ووقفه: تركي ... انت من جد تتكلم
تركي: قلت لك اذا ما عجبك الموضوع عادي ... مو ضروري
سحبه عبدالعزيز وحضنه بقوة: تركي ... انا ما صدقت تجي وتقول لي ابي اتزوج ... تقول مو لازم ... خلاص دامك قررت مو بكيفك بزوجك يعني بزوجك ... وتكاليف العرس كلها علي ... من الالف الى الياء
تركي: لا ياخوي ... فلوسك لك ولعيالك ... انا بتكفل بكل شي
عبدالعزيز بعصبية: ايش الكلام اللي تقوله؟؟؟ ليش انت مو ولدي؟؟؟
تركي: انا ما قلت كذا ... عمرك ما قصرت معي ولا بتقصر ... بس يا وجه استح
عبدالعزيز: شوف ... دامني حي ... ما في احد يتكفل بمصاريف زواجك غيري ... لا تعيد وتزيد في الكلام اللي ماله داعي
تركي وهو يبوس راس اخوه: الله يطول بعمرك ... لو ابوي عايش ما سوى معي ربع اللي سويته لي
عبدالعزيز: تركي ... ما ابي اسمع هالحكي ... انت لما تتكلم كذا كأني متفضل عليك ... واللي سويته كله من حقك واقل من حقك
تركي: سبحان الله ... كل واحد في الدنيا هذه يسوي باصله ... امي عمرها ما عاملتك او عاملت عبدالرحمن كويس ... وفي الاخير انتوا اللي تقومون بولدها ... وخصوصا انت يا عبدالعزيز
عبدالعزيز: الله يرحمها ... انت مو ولدها ... انت اخوي ياعبدالعزيز ... واظنك تعرف غلاتك ومعزتك عندي ما يحتاج اقول
تركي: تسلم ياخوي ... وانت بعد غالي علي والله يعلم بغلاتك
عبدالعزيز: لا تضيع الموضوع بكلامك الزايد ... انا ماصدقت تعزم عالزواج
تركي: اقولك ... خلاص غيرت رايي ما ابي اتزوج
عبدالعزيز: ليش هو بكيفك ... انا ما صدقت تنطق وتقول ... دامك نطقت خلاص ... مافي مفر ... بزوجك يعني بزوجك
تركي: هههههههههههه امزح معك ياخوي
عبدالعزيز: مو وقت مزحك ... تبي تتزوج على ذوق مين؟؟؟ منيرة ولا البنات؟؟؟
تركي: ههههههههه لا هذه ولا هذه ... في وحدة في بالي
عبدالعزيز بجدية: من بنته؟؟؟
تركي: هذه المشكلة ... المشكلة مو في قرار الزواج ... المشكلة في اللي اخترتها
عبدالعزيز: خوفتني تركي ... من هي؟؟؟
تركي: شهد اخت فواز ونواف
عبدالعزيز: والنعععععععععععم ... وين المشكلة؟؟؟
تركي بفرح: يعني ما عندك اعتراض عليها؟؟؟
عبدالعزيز: وليش الاعتراض؟؟؟ ناس والنعم فيهم وفي تربيتهم
تركي: بس خواتي ما بيوافقون
عبدالعزيز: ايش عليك منهم؟؟؟ دامك معي لا تخاف
تركي: انا مو خايف ... ولا همني رايهم ... بس اللي همني رايك ... كنت خايف انك ما توافق
عبدالعزيز: وليش ما اوافق؟؟؟ لانها مطلقة يعني!!! تدري ايش اسمي اللي يفكر بهالموضوع ... متخلف ... وكلمة متخلف قليلة بحقه ... الطلاق شرع ربي ... يعني انتوا اعلم بربي ... لو كان فيه ضرر ماكان حلله ربي ... البنت ماعليها كلام ... والكل يعرف ان السبب في زوجها اللي ما قدرها ... ليش ارفض .. ماله داعي رفضي!!!
تركي: بردت خاطري الله يسعدك ... بس ودي لو نتمم كل شي بهدوء ... وخواتي ما يعرفون الا قبل الملكة بيوم ... اعرفهم بيحاولون يفركشون الموضوع باي شكل
عبدالعزيز: صار ... بس انتظر اسبوع او اسبوعين ... جدتهم توها متوفية ومو حلوة نخطب على طول
تركي: اللي تامر فيه

طلع تركي على شقته ... وصعد عبدالعزيز لغرفته ... دخل غرفته وشاف فواز جالس على السرير ويسولف مع امه ..
عبدالعزيز: يا سلاااااااااااااام ... ايش مجلسك هنا؟؟؟
فواز: اشتقت لامي وودي انام في حضنها
عبدالعزيز: روح لزوجتك ونام في حضنها
فواز: زوجتي عند اهلها
عبدالعزيز وهو يقرص اذنه: يعني اذا زوجتك عند اهلها تجلس على قلبي ؟؟؟
فواز: ههههههههههههه هذا جزاتي ... اريح الوالدة بدل ما تصحيك بالليل من الم رجلها؟؟؟
عبدالعزيز: اذا كذا سماح!!!
منيرة: يعني اللي همك اني ما اصحيك ... ما همك صحتي؟؟؟
عبدالعزيز: افا يا منيرة ... تعرفين غلاتك ... ما يحتاج اتكلم
منيرة: من ناحية غلاتي فانا عارفتها
فواز: يبه ... خلني انام في وسطكم ؟؟؟ ودي استرجع ذكريات الطفولة؟؟؟
عبدالعزيز: ايييييييش؟؟؟ قلتها ذكريات الطفولة ... مو رجال طول بعرض ... انت لو نمت هنا انا مالي مكان في الغرفة كلها مو بس مالي مكان جنبكم!!!
فواز: هههههههههههههههههه
منيرة: بسم الله على ولدي ... لا تقول عنه كذا ... ما يحسد المال الا اصحابه ... وبعدين عادي ... اذا ولدي وده ينام هنا انت نام في غرفة الضيوف!!!
نواف وهو داخل الغرفة وسمع اخر الكلام: وانا؟؟؟ وين انام؟؟؟
عبدالعزيز: كملت!!!
فواز ونواف: هههههههههههههههههههه
منيرة: حياك انت بعد ... العين اوسع لكم من المكان
عبدالعزيز: عيالك مكانهم العين ... وانا في غرفة الضيوف؟؟؟
فواز: لا يبه ... اذا احنا العين انت القلب بكبره
عبدالعزيز: صدق يا منيرة؟؟؟ انا القلب؟؟؟
طالعته منيرة بنظرة وما ردت عليه: .........................
نواف: اووووووووووه اوووووووووووه ... قوم قوم فواز ... شكلنا مخربين عليهم الجو
عبدالعزيز وهو يضرب نواف على كتفه: متى بتعقل؟؟؟
فواز: هههههههههه ما في امل منه يبه
عبدالعزيز: يعني انت اللي احسن منه!!! كلكم مثل بعض!!!
فواز: افا يبه ... قلبت علينا اشوف؟؟؟
نواف: انت ما تعرف ... هذه خطة للتطفيش ... بس احنا جالسين وما بنطلع
فواز: ايه صح ... ما بنطلع
عبدالعزيز: متأكدين؟؟؟
فواز ونواف: طبببببببببببببببببببببببببببببببعا
عبدالعزيز: منيرة ... فيه عصا عندي يمدحونها ... قومي هاتيها لي
منيرة: ياسلااااااااام ... تبيني اجيب لك عصا تضرب فيها اولادي!!! تحلم!!!
فواز ونواف: ههههههههههههههههههههههههههههههههههههههههه
عبدالعزيز: تضحكون ها؟؟؟ طييييييييب!!!
قام من مكانه وفتح الدولاب وطلع منه العصا ...
الاولاد من شافوا العصا ... ركضضضضضضضضضضضضوا برا وهم يضحكون على ابوهم ...

الجزء 22 ..

قام من مكانه وفتح الدولاب وطلع منه العصا ...
الاولاد من شافوا العصا ... ركضضضضضضضضضضضضوا برا وهم يضحكون على ابوهم ...
عبدالعزيز: ههههههههههههههههههههه
لف على منيرة الجالسة على طرف السرير وهي مبتسمة ... من شافته عطته ظهرها ونامت ...
جلس عبدالعزيز على السرير: منيرة
منيرة: .......................
عبدالعزيز وهو يمسح على ظهرها: منيرة
منيرة وهي على وضعها: نعم؟؟
عبدالعزيز وهو يلفها لجهته: بسألك سؤال!!
منيرة: عبدالعزيز ... تعبانة وفيني نوم
عبدالعزيز: جاوبيني على سؤالي وبعدها نامي
منيرة: خير؟؟
عبدالعزيز: لو خيرتك بين نواف وفواز ... تختارين مين؟؟؟
منيرة باستغراب: ما فهمت؟؟؟
عبدالعزيز: يعني لو قلت لك ضحي بواحد منهم ... نواف او فواز ... مين تختارين؟؟؟
منيرة بسرعة: بسم الله عليهم ... ايش هالكلام؟؟؟
عبدالعزيز: ما تقدرين تستغنين عن واحد منهم؟؟؟
منيرة: اكيييييييد ... عبدالعزيز ليش هالحكي؟؟؟
عبدالعزيز: ابيك تعذريني لما ما قلت لك من ولدك !!! لو قلت لك بتفقدين واحد منهم ... وانا بعد بفقده ... وهذا اللي ما اقدر استحمله
منيرة: عبدالعزيز ... انت ما بتقول لي من ولدي ... وانا يئست اصلا انك تقول لي ... فلا تدور لك اعذار ... الشي اللي سويته غلط ... وبتدفع ثمنه ... بس متى ؟؟؟ الله اعلم ... تصبح على خير ..
عطته ظهرها ونامت ...
جلس عبدالعزيز يفكر بكلامها ... وحط راسه ... بس وين تغمض لي عين ... وهو يحس ان الهم كل ماله ويكبر ... الى متى؟؟؟

مر اسبوع ... رؤى في بيت ابوها وما رجعت ... فواز ما سأل عنها حتى بمسج ... وهي بالمثل ... اخلاقه تجارية ... واصلة معه للآخر ... والكل ملاحظ عليه عصبيته ...
رؤى ... تتصل كل يوم في خالتها وتطمن عليها وتبين لها ان الوضع عادي ... وانها ما رجعت البيت لظروف زوجة ابوها ...

في المستشفى ...

تركي جالس في مكتبه ... سمع صوت الباب
تركي: تفضل
عبدالعزيز: السلام عليكم
قام تركي من مكانه وتوجه لاخوه: وعليكم السلام ... حياك الله ... نورت مكتبي
عبدالعزيز: النور نورك ...
تركي: ايش تشرب؟؟؟
عبدالعزيز: مسوي فيها مدير علي انت ووجهك ... استريح بس
تركي: هههههههههه العين ما تعلى عالحاجب
عبدالعزيز: تسلم ... ايش عندك اليوم بعد المغرب؟؟؟
تركي: فاضي ... امر؟؟؟
عبدالعزيز: اجهز ... بنروح لبيت بوشهد
تركي: .................
عبدالعزيز: لا تعليق ... ليش سكت؟؟
تركي: افكر
عبدالعزيز: في ايش؟؟
تركي: تتوقع يوافقون؟؟؟
عبدالعزيز: وين يحصلون احسن منك؟؟؟
تركي: لا تنسى فرق السن!!!
عبدالعزيز: بدري ... كان جلست كمان وبعدين قولي فرق السن ... لما تأخرت في الزواج ما كنت تعرف انه بيكون في فرق في السن؟؟؟
تركي: اممممممممممممم خلاص غيرت رايي
عبدالعزيز: تركي ... انا وعدت الرجال وانتهينا
تركي: نشوف اخرتها
عبدالعزيز: انت من جدك خايف؟؟؟ ماعندك سالفة ... حتى اذا رفضوا في غيرها الف
تركي: بس انا خاطري في هالبنت
عبدالعزيز: وانا بعد ودي تاخذها ... بس اقول لو ... لو رفضوا
تركي: اذا رفضوا ما ابي اتزوج غيرها
عبدالعزيز: خلها ترفض بالاول بعدين قرر ايش تسوي اذا رفضت
تركي: الله كريم
عبدالعزيز: وينهم الشباب؟؟؟
تركي: هههههههههههههههه
عبدالعزيز: دامك ضحكت معناته فيه مصيبة وراهم
تركي: لا مو مصيبة مصيبة ... نص مصيبة
عبدالعزيز: وينهم؟؟
تركي: طالعين يتغدون برا
عبدالعزيز وهو فاتح عينه: كلهم؟؟؟
تركي: فواز ونواف وخالد
عبدالعزيز وهو يهز راسه: لا حول ولا قوة الا بالله ... ما ادري متى بيعقلون
تركي: حرام عليك يا عبدالعزيز ... خف عليهم شوي
عبدالعزيز: كل هذا واخف عليهم؟؟؟ داوم وما يداومون!!! ولا اسوي لهم شي ... ايش تبيني اسوي ؟؟ ارسل لهم رواتبهم وهم نايمين في البيت!!!
تركي: حرام عليك ... صدق هم يطلعون من الدوام ويتجمعون في المكاتب ... بس بعد ما يخلصون شغلهم ... ما في مرة تركوا اشغالهم وتجمعوا ... يشتغلون بضمير وبعدين يسوون اللي يبونه
عبدالعزيز: ومناوباتهم؟؟؟
تركي: هههههههههههههه هو المشكلة في المناوبات ... ما يرضون ياخذون المناوبات ... بس اذا ناوبوا يشتغلون
عبدالعزيز: هم خلهم ياخذون المناوبات بعدين ... في الشهر مرة يرضون يداومون في الليل!!!
تركي: ههههههههههههههه خلهم على راحتهم ... مستشفى ابوهم وخلهم يتدلعون
عبدالعزيز: المشكلة انهم شطار ... بس لو يهتمون شوي؟؟؟ يطلعون عباقرة
تركي: ما ينخاف عليهم ... صدقني

وفعلا ... بعد المغرب ... تركي وعبدالعزيز زاروا ابو شهد وفاتحوه بالموضوع وبان انه انبسط عالموضوع ... تركي ما يتعوض ... وما فيه شي يعيبه
بس طلب منهم فترة يشاور فيها شهد ويرد عليهم الخبر ...

بعد العشا ...
رجع تركي مع عبدالعزيز للبيت ... ودخلوا المكتب على طول ...
نقز نواف لفواز اللي يتفرج عالتلفزيون ...
نواف: ايش عندهم الاخوان؟؟
فواز وهو مندمج: ما ادري عنهم
نواف: خاطري اعرف!!!
فواز: يا شين اللقافة
نواف: يعني بالذمة ما ودك تعرف؟؟؟
فواز: والله من ناحية ودي ودي ... بس انا اقولك من احين ... لو ناويين يخبون علينا لو تموت قدامهم ما يقولون لك
نواف: تبي تعلمني فيهم
فواز: دامك عارف بعد خلني اكمل الفيلم
نواف: باقي عليه كثير؟؟؟
فواز: تبي شي؟؟
نواف: والله فيه سالفة تحوس في خاطري
فواز: اذا موضوع من مواضيعك البايخة بذبحك
نواف: الله اكبر ... سوالفي صارت بايخة؟؟؟ ولا لانها ماتجي على هواك!!!
فواز: اخلص ايش عندك؟؟؟
نواف: ما ينفع هنا ... اصعد معي فوق واقول لك
فواز: اووووووووووووووف ... رؤى ايش تصير لك؟؟؟ كل ماتشوفوني مندمج بفيلم تزعجوني!!!
نواف: لو شفتها بعيني ما صدقت ... هي تقدر تكلمك عشان تزعجك؟؟؟
فواز: اخلص واصعد معي خلنا نشوف اخرتها
نواف: هذا انت ... اذا ما عجبك الكلام تغير الموضوع على كيفك ...

صعدوا لجناح فواز ...
نواف: ايييييييييييييييييييييييييييش هالحوسة؟؟؟
فواز: بالذمة .. رؤى تاركة البيت من اسبوع ... شلون تبي الجناح يكون شكله؟؟؟
نواف: في اختراع اسمه خدامة تحت ... نادها وخلها ترتب هالحوسة
فواز: هي من حرقت رؤى وانا كارهها ولا اطيقها
نواف: اللي يسمعك تحبها
فواز: نواف ... اذا بتتكلم في موضوع رؤى بنزل وبتركك
نواف: اووووووووووووووووف ... مو انت معطلني؟؟؟
فواز: مافهمت؟؟
نواف: الصراحة قررت قرار ... واحس مو وقته ورؤى مو في البيت!!!
فواز: اللي هو؟؟؟
نواف: قررت اتزوج
فواز: مبرووووووووووووووووووووووووووووووووووووووووووووك
نواف: الله يبارك فيك ... بس شلون ورؤى مو في البيت؟؟؟
فواز: ايش دخل رؤى في الموضوع؟؟؟
نواف: ما ادري احسها مو حلوة اخطب وهي مو هنا
فواز: خواتك فيهم الخير
نواف: بس رؤى طول عمرها معنا ... ومو حلوة في زواجي ما تكون موجودة!!
فواز: انت متخيل اني بتركها في بيت ابوها لزواجك؟؟؟ تحلم!!!
نواف: والله اللي يسمعك يقول مهتم وكل يوم تكلمها ... ما كأنك سافها من طلعت من هنا
فواز: مو شغلك
نواف: اووووووووووووووووووووووووووووف
فواز: المهم ... قول لامك تخطب لك وفرحها
نواف: لا ... انا حصلت لي العروسة
فواز: حركااااااااااااااااااااااااااااااااااااااااااااات ... من ورانا؟؟؟
نواف: أي من وراك ... كل الموضوع بالصدفة
فواز وبان عليه الاهتمام: شلون؟؟؟
نواف: شفتها عند رغودة في المستشفى ... البنت اللي فتحت لي الباب
فواز: ايووووووووووووووووووووووووووووووووووه قلت لي البنت اللي فتحت لك الباب ... ولما سألتك حلوة سويت لي فيها الولد العاقل اللي غض البصر وما شاف البنت
نواف: فواز ... كلها لمحة ودخلت مزاجي
فواز: ههههههههههههههههه لمحة ودخلت مزاجك؟؟؟ اذا شفتها كلها ايش بتسوي؟؟؟
نواف: فواااااااااااااااااااااااااااااز
فواز: ههههههههههههههههههههههههههههههههههههه طيب من بنته؟؟؟
نواف: بنت عمي يوسف
فواز بصوت عالي: هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههه
نواف: ممكن اعرف ايش اللي يضحك؟؟؟
فواز: بنت عمي يوسف؟؟؟ بتتزوج وحدة كبر امك؟؟؟
نواف: اذا مو عارف لا تتفلسف
فواز: قصدك حفيدته؟؟؟
نواف: بنته
فواز: عمي يوسف عنده بنت ما تزوجت؟؟؟
نواف: ايه ... حتى انا انصدمت ... سألت شهد وقالت لي ... هي بعمر رغد ... وانها لما امها حملت فيها ما عرفت الا متاخر ... على بالها انقطعت الدورة عليها وطلعت حامل
فواز: معلومة جديدة تصدق؟؟؟
نواف: ايه ... خلنا نعرف عيال عمنا بالاول ... بعدين نعرف عيال عم امنا بالرضاعة
فواز: تتوقع ابوي يوافق؟؟
نواف: وليش يرفض؟؟؟ احس ابوي يحبهم
فواز: اممممممممممم جرب وقول له
نواف: اشوفك مو متحمس!!!
فواز: بالعكس ... عمي يوسف بالمرة طيب ... واكيد بنته مثله
نواف: بس ما تتوقع انها اصغر وحدة ودلوعة ... عاد انا اكرررررره الدلع
فواز: طيب اسال البنات
نواف: شهد تمدحها بقوة
فواز: توكل على الله ... شهد انسانة عاقلة واذا مدحت لك وحدة اكيد بتكون كويسة
نواف: انزل اقول لابوي؟؟
فواز: تبي انزل معك؟؟؟
نواف: اكيييييييييييييييييييييد من غير سؤال
فواز: قوم خل ننزل له وتركي عنده ... يساعدنا شوي اذا كان في احتجاجات
نواف: لا ان شاء الله ما يحتج على شي
فواز: ابوك وحركاته ما تعرف له
نواف: يالله انزل معي

نزلوا لابوهم المكتب ... وضربوا الباب ...
عبدالعزيز: تفضل
طلوا فواز ونواف بروسهم: ممكن ندخل
عبدالعزيز: دخلتوا وخلصتوا
نواف: لا اذا ما تبينا ندخل نطلع عادي ... صح فواز؟؟؟
فواز: ايه اكيييييد ... اهم شي راحتك يبه
عبدالعزيز: من متى العقل هذا؟؟؟
فواز: دومنا عقال ... بس انت ما تقدر
عبدالعزيز: شفت يا تركي ... ما يعرفون يجلسون مؤدبين ... لازم طوالة اللسان هذه
فواز قرب من ابوه وراح على كرسيه من ورا ... وباس راسه: رضاك يبه
عبدالعزيز: الله يرضى عليك
وجلس فواز يمسج رقبة ابوه وكتفه وهو واقف وراه ... ونواف جالس على الكرسي اللي قدامه ... وكل واحد ياشر للثاني يبدأ بالكلام
تركي جالس على الكرسي الثاني وحاط يده على خده ويضحك عليهم في نفسه ...
عبدالعزيز بحزم: فواز ... نواف ... اخلصوا وقولوا اللي عندكم ... عندكم مصيبة اكيد
فواز: الله لا يجيب المصايب يبه
عبدالعزيز: اخلصوا وقولوا اللي عندكم ... ما فيني على حركاتكم
نواف وفواز: .........................
عبدالعزيز: فواز ايش الموضوع؟؟؟
فواز: الموضوع يخص نواف ... خله يفاتحك هو بالموضوع
عبدالعزيز: نواف ... ايش عندك؟؟؟
نواف: يبه ... انا قررت قرار طبعا بعد اذنك
عبدالعزيز: الله يستر من قراراتك!!!
نواف: يبه انا قررت اتزوج
عبدالعزيز وتركي طالعوا في بعض وانفجروا ضحك
استغربوا فواز ونواف ...
عبدالعزيز: تتزوج؟؟؟ ايش اللي فتح نفسكم عالزواج؟؟؟
نواف: ليش مين بعد بيتزوج؟؟
عبدالعزيز: مو شغلك وبطل لقافة ... كل هالموال انت واخوك واخرتها تبي تتزوج!!! ما كأني نشف حلقي وانا اقول لك تزوج
نواف: خفت تكون غيرت رايك ...
عبدالعزيز: لا غيرت رايي ولا شي ... ابيها من الله ... يمكن تعقل
فواز: خخخخخخخخخخخخ فشلوه
عبدالعزيز: لا احد يسمعك يالعاقل
فواز: يبببببببببببببببببببببه
عبدالعزيز: لا تقول لي يبه ... واصلة معي منك
فواز: افا ... لييييييييييييش؟؟؟
عبدالعزيز: ايش فيها زوجتك؟؟؟
فواز: .........................
عبدالعزيز: ما ترد؟؟؟

فواز: زوجة ابوها مريضة
عبدالعزيز: هالكلام اضحك فيه على امك ... مو علي!!! ح
فواز: يبه سوء تفاهم وبينحل
عبدالعزيز: شلون ينحل وانت مطنش الموضوع؟؟؟
فواز: ما طنتشتها ... رحت لها نفس اليوم ... بس قالت لي بترتاح شوي في بيت ابوها
عبدالعزيز: وانت ما صدقت؟؟؟
نواف اللي حس ان ابوه يشد على فواز: يببببببببببببببببببببه ... خلك من فواز ... خلنا في موضوعنا ... متى نروح نخطب؟؟؟؟؟؟
عبدالعزيز وتركي: هههههههههههههههههههههههههههههههههههههههههههههههه
نواف: يببببببببببه ... ايش فيكم كل ما تكلمت ضحكتوا علي؟؟؟
عبدالعزيز: لانك رجة في كل شي ... حتى في الزواج ... اصبر خلنا نقول لامك ... وهي تدور لك على العروس ... بعدين قول لي نخطب
فواز: لاااااااااااا ... نواف عروسته جاهزة
عبدالعزيز باهتمام: من بنته؟؟؟
نواف: ...........................
فواز: بنت عمي يوسف
عبدالعزيز: عمك يوسف مين؟؟
فواز: عمي يوسف ... عم امي نورة
عبدالعزيز بفرحة: والنعععععععععععععععععععععععععععععم ... زين ماسويت
نواف: يعني موافق؟؟؟
عبدالعزيز: طببببببببببعا ... ما يبيلها كلام ... وين تحصل ناس طيبين كذا
نواف وهو يبوس راس ابوه: الله يخليك لنا ولا يحرمنا منك
عبدالعزيز: انا افاتح امك ولا انت تفاتحها؟؟؟
فواز: لا يبه .. خلنا نجننها شوي
عبدالعزيز: ترى ما ارضى على امكم ... لا تهبلون فيها
نواف: اووووووووووووه اوووووووووووووووه ... ما اقدر عالحب انا
عبدالعزيز: ضفوا وجهك انت وياه ... خلوني اكمل كلامي مع عمكم
فواز: الا يبه ... ايش الموضوع المهم اللي صار له اسبوع وما خلص؟؟؟
عبدالعزيز وهو يفر اذن فواز: الا فواز ... ايش هاللقافة اللي نزلت عليك هاليومين؟؟
نواف: أي والله ... انا ما ادري طالع على مين ملقوف؟؟
عبدالعزيز: من عاشر القوم ... اقول فواز ... رجع رؤى بسرعة ... الله يستر عليك من مقابل نواف ... هالمرة لقافة المرة الجاية ما ادري ايش ممكن يصير
تركي وفواز: هههههههههههههههههههههههههههههههههههههه
نواف: يببببببببببببه ... بس هالمرة بسامحك لانك بتخطب لي( وغمز له بعينه)
عبدالعزيز: يعني لو ما بخطب لك كان ايش سويت؟؟ظ
قرب نواف وباس ابوه على راسه: ببوسك على راسك

فواز وهو يبوس ابوه: هذا ابوي ... وانا اللي ابوسه على راسه ... بعد عنه بس
نواف: انت اللي بعد ... روح لامك بوس راسها ... مصدع راسنا فيها
فواز: الصراحة انا ما استغني عنهم اثنينهم
نواف: ولا انا ... بس انت تحب تلصق فيهم
فواز وهو يحضن ابوه: اذا ما لصقت في ابوي وامي الصق في مين
عبدالعزيز وهو يبادله الحضن ويهمس في اذنه: روح رجع زوجتك والصق فيها واحضنها على كيفك
فواز: .....................
نواف: يالله يبه عن اذنك ...
عبدالعزيز: اذنكم معكم
طلعوا فواز ونواف ... ولف تركي على اخوه
تركي: ومو عاجبينك؟؟؟ وين يحصل لك عيال يدورون رضاك؟؟؟
عبدالعزيز: انا ما قلت مو عاجبيني ... بس ابيهم باحسن حال
تركي: ما في احسن منهم ... الكل يمدح فيهم
عبدالعزيز: تربية منيرة يا تركي ... تربية منيرة
تركي بابتسامة: وتعلمني بتربيتها ... انا ما اطلع من جزاها

بعد 3 ايام ... اتصلت نورة في فواز ...
فواز: هلا والله يمه
نورة: هلا حبيبي ... وينك؟؟
فواز: طالع من الدوام ... تامريني على شي؟؟؟
نورة: تقدر تمرني شوي؟؟
فواز: من عيوني ... مسافة الطريق وانا عندك
نورة: لا حبيبي ... تعال عالراحة اذا عندك مشوار او شي خلصه وبعدين تعال
فواز: ما في اهم منك ... بس ما عليك امر ... جهزي لي شي اكله .. ميت من الجوع
نورة: يخسى الجوع والله ... احلى عشا ينتظرك
فواز: لا كذا تخليني اروح المستشفى وانا مكسر وحالتي حالة ... من الحماس بدخل في الاشارة اللي قدامي
نورة: بسم الله عليك ... لا تفاول على نفسك
فواز: هههههههههه ان شاء الله ... مع السلامة

وصل فواز لبيت امه نورة ... وكالعادة استقبلوه البنات وجننوه وهو جنن فيهم ...
نورة: بنات ... بعدوا عن اخوكم وقوموا جهزوا له العشا
جود: توه داخل ... انتظري عليه شوي!!
نورة: الولد ميت من الجوع ... تحركوا
وعد: والله نشوفه جالس قدامنا مو ميت ولا شي
نورة: بسم الله عليه
قام فواز: خليها عنك يمه
قرب منها وسحب شعرها ...
وعد: اييييييييييييييييييييييييييييييي
فواز: تبين اموت؟؟
وعد: انا ما قلت كذا!!! ايييييييييييييييي فواز ... اترك شعري
فواز: ما بتركك!!
وعد: فوااااااااااااااااااااااااااااااز ... يمممممممممممه شوفيه؟؟
نورة: هههههه اتركها يا فواز
فواز وهو يتركها: عشان خاطرك بس
وعد وهي ترتب شعرها: طيييييييب يا فواز ... خلي اشوف رؤى ... ان ما نتفت شعرها ما اكون وعد
فواز وهو يقوم لها مرة ثانية ... ركضضضضضضضضت وعد ومسكت بامها
فواز: ان قربتي من رؤى اذبحك
وعد: اوووووووووووف طيب
نورة: يا ربي على هالبنات ... قوموا حطوا العشا لاخوكم!!!
جود وعد: طيب طيب ... انتم دايما الاولاد ماخذين عقولكم ولا البنات ... مساكين
فواز: الحمد لله انكم مساكين
قاموا البنات وراحوا للمطبخ يجهزون العشا ... بس ابتعدوا ... مسك فواز يد امه
فواز: خير يمه ... خوفتيني
نورة: تعشى بالاول
فواز: تكلمي يمه ... لاحق عالعشا
نورة بحزن: شهد
فواز بخوف: ايش فيها؟؟؟
نورة: رافضة تركي
فواز باستغراب: أي تركي؟؟؟
نورة: لي شانت ما تعرف؟؟؟
فواز: اعرف؟؟؟ ايش صاير يمه؟؟؟
نورة: عمك تركي خطب شهد اختك
فواز: صدق؟؟؟ متى؟؟؟
نورة: صار له 3 ايام
فواز: وانا اشوف الوالد وتركي بينهم شي ... يبي يتزوج الاخ ولا يقول لنا!!!
نورة: مو مهم يقول لك او ما يقول ... المهم شهد
فواز: ايش فيها؟؟؟
نورة: رافضة نهاااااائيا
فواز: ليييييييش؟؟؟ تركي ما يتعوض
نورة: ما ادري عنها ... اتصلت فيك تكلمها ... وما كلمت نواف لانها قالت لك عن بندر من اول شي ... واكيد ترتاح لك اكثر
فواز: لاحول ولا قوة الا بالله ... طيب اكلمها ... وينها؟؟؟
نورة: في غرفتها
فواز: عن اذنك يمه
نورة: اذنك معك

دخل فواز غرفة شهد ...
فواز: الحلوة ايش تسوي؟؟؟
شهد: هلا فواز ... حياك
فواز: الله يحييك
شهد: رؤى معك؟؟؟
فواز: رؤى في بيت ابوها
شهد: معقولة؟؟؟ من يوم العيد؟؟؟
فواز: خلنا من رؤى ... انتي ايش عندك رافضة عمي العزيز؟؟؟
شهد: امي كلمتك
فواز: طبعا تكلمني ... ليش انتي مستهينة في عمي ... ترفضينه وتبينا نسكت لك؟؟؟
شهد: فواز الله يخليك ... ما ابي اتناقش في هالموضوع
فواز: ممكن اعرف ليش؟؟
شهد: عشت تجربة قاسية وما ابي اكررها
فواز: ومن قال انك تكررينها؟؟؟ تقارنين تركي ببندر الخايس؟؟؟
شهد: بندر لما خطبني الكل طار فيه ... والكل مدحه لي ... وايش اخرتها؟؟؟
فواز: بندر خربوه رفقة السوء
شهد: وانا ايش يضمن لي ان تركي ما يتغير؟؟؟
فواز: شهد مو منطق هذا
شهد: ليش؟؟
فواز: على كلامكم محدب يتزوج ... حتى احنا يالشباب ... ايش يضمنا ان البنت اللي بنخطبها ما بتتغير؟؟
شهد: لا هذا غير
فواز: نفس الشي صدقيني ... بس انتي تنظرين للموضوع من جهتك
شهد: يمكن ... بس اللي اعرفه اني ما ابي اتزوج
فواز: الى متى؟؟؟
شهد: شلون يعني؟؟
فواز: يعني حاليا الله يطول بعمر امك وابوك ... لا سمح الله اذا صار فيهم شي ايش بتسوين؟؟
شهد: الله لايقوله
فواز: قلت لك الله يطول بعمرهم ... بس لابد ويجي هاليوم
شهد: فواز ما ابي اسمع شي
فواز: بس ...
قطع عليهم الكلام جوال فواز ...
فواز: هلا يمه
منيرة: هلا حبيبي ... وينك؟؟
فواز: قريب ... تا مرين على شي؟؟
منيرة: اذا ما عليك كلافة ممكن تمر على البنات في الجامعة ... ارسلت السواق مشوار وبيتأخر عليهم ... كلمت نواف يقول مشغول شوي
فواز: من عيوني ... غالي والطلب رخيص ... بس قولي لهم يطلعون بسرعة مو ساعة يوقفوني عند الباب
منيرة: خلاص اكلمهم واقول لهم
فواز: مع السلامة
فواز لشهد: نرجع لمحور حديثنا بتركك حاليا تفكرين بكلامي وبرجع لك ... لا تتوقعين اني بخليك تضيعين هالفرصة من يدك
شهد: .............................

في الجامعة ...
البنات جالسين في غرفة الانتظار ومعهم رؤى ...
رؤى ولينا وهم يناظرون لمجموعة بنات شكلهم مو مريح ابد ...
لينا: الله لا يبلانا
رؤى: اي والله ... تصدقين اخاف منهم
لينا: حتى انا ... الله يكافينا شرهم ... اصلا شوفي حركاتهم ونظراتهم للبنات ... مرة وقحة
رؤى: خلاص لا تطالعين فيهم ... الله يكفينا شرهم
دخلت لينا: سلااااااااااااااااااام
لينا ورؤى: وعليكم السلام
ليان: لينا جاهزة؟؟ امي اتصلت تقول فواز بيمرنا ... ويقول يا وليلكم اذا اخرتوني ... حتى لما يتكرم ويمرنا يتفلسف ويتأمر علينا
رؤى من سمعت اسم فواز وهي في عالم ثاني ... يا هو واحشها ... الله يسامحه ماعبرني بمسج حتى ...
ليان: ياااااااااااااابنت وين رحتي؟؟
رؤى: ها ... معكم
لينا: ليش ساكتة لها وهي تتكلم في زوجك؟؟
رؤى: ايه صح ... ليش تتكلمين عن فواز كذا؟؟؟ يحصل لك فواز يتكرم ويمر عليك
ليان: مالت عليك انت ورجلك
دق جوال رؤى وقفلته: عن اذنكم بنات ... سواق بابا وصل
ليان: تعالي معنا وكحلي عينك بشوفة فواز؟؟
لينا: لا ... ايش تكحل عينها في الجامعة؟؟ ما عليك من ليانو
رؤى وهي تسايرهم: طبببببببببعا ... ايش الجامعة؟؟؟ عن اذنكم بطلع للسواق ... تعب وهو يدق علي
لبست عبايتها وطلعت ... توجهت لسيارة السواق وهي تغفل عن العين اللي انتبهت لها من اول ما طلعت من باب الجامعة ولتابعتها لين ركبت السيارة ...
الله يسامحك يا رؤى ... حرمتي عيني من شوفتك ... وتعبتي قلبي من فرقاك ... ما تعرفين عذابي وانتي بعيدة عني ... وحشتييييييييييييييييييييييييييييييييني

طلعوا البنات وركبوا السيارة ...
البنات: السلاااااااااااااااام عليكم
فواز: وعليكم السلام
لينا: تاخرنا عليك؟؟
فواز: ها؟؟ لا ابد ... ينفع معكم التهديد
ليان: طايحين من عينك؟؟؟
فواز: ليانو ... مالي مزاج صدعتك تكفين ... اخلاقي في خشمي
ليان: وانت متى اخلاقك مو في خشمك؟؟؟
فواز: ليااااااان
لينا: ليان ... خلاص اسكتي عنه ... طالع من الدوام وتعبان
ليان: اوووووووووف ... طيب ... ما ادري رؤى تدافع عن شنو فيك؟؟
فواز: رؤى؟؟
ليان: ايه اشوف موضوع رؤى لك مزاج تسمعه؟؟
لينا: ما عليك منها فواز ... اكيد رؤى بتدافع عنك اذا هالمهبولة تكلمت عنك
فواز: فديت اللي يدافعون انا
ليان: مو هنا ... لا تجلس تمدح فيها ما بتسمعك
فواز: شكلك ناوية تنزلين في الشارع
ليان: خلاص بسكت ... امري لله

وصلوا البيت ... بعد ما وصولوا لينا لبيتها ... صعدت ليان فوق على طول تغير ملابسها ... دخل فواز وشاف نواف جالس في الصالة
فواز: سلام
نواف: وعليكم السلام
فواز: اوووووووف
نواف: ايش فيك؟؟
فواز: ما سمعت اخر الاخبار؟؟
نواف: خير؟؟
فواز: تركي خاطب شهد
نواف باستغراب: شهد اختنا؟؟
فواز: كم شهد تعرف؟؟؟ ايه شهد ما غيرها
نواف: مبروووووووووووووووووووك ... خبر حلو
فواز: خلها توافق بالاوال بعدين انبسط
نواف: ليش هي رافضة؟؟
فواز: غبية
نواف: قوووووووولي السالفة كلها ... مو بالتقسيط
قاله فواز السالفة كلها ووجهة نظر شهد ... واللي ما يعرفه ان تركي واقف عند الباب وسمع الكلام كله ...
نواف: غبييية
فواز: حدها
نواف: وجهة نظر سخيفة
فواز: نفس الكلام اللي قلته لها
نواف: ما بسكت لها
فواز: قلت لها ما بتركك تضيعين هالفرصة من يدك

تركي: السلام عليكم
فواز ونواف: وعليكم السلام
تركي: وينه ابوكم؟؟
فواز: ما ادري توني داخل
نواف: في مكتبه
تركي: عن اذنكم

دخل تركي المكتب ...
عبدالعزيز: هلا تركي .. حياك
تركي: بستأذنك في شي ... لاني ما اسوي شي من غير شورك
عبدالعزيز: خير؟؟

طلع تركي من المكتب ..
تركي: فواز ... نواف ... تعالوا معي
: وين؟؟
تركي: قوموا ولا تكثرون اسئلة
قاموا معه الشباب وهم مو عارفين وين رايحين ....

بيت بو شهد ...
دخل تركي مع بوشهد المجلس ... وصعدوا الشباب عند شهد ودخلوا عليها ...
فواز: قومي والبسي عبايتك بسرعة
شهد باستغراب: ليش؟؟
نواف: تركي في المجلس ينتظرك
شهد: اييييييييييييييييييييييييييييييييييييييييييييييييي يش؟؟؟
فواز: بلا كثرة حكي ... قومي والبسي عبايتك
شهد: بلا هبل انت وياه ... ايش اللي ينتظرني في المجلس ... من بقية اهلي ولا ايش؟؟
نواف: ياهووووووووووووووووووه ... قومي والبسي عبايتك قبل لا يصعد لك ابوي
شهد: ما ابي
دخلت جود: ما عليكم منها ... ما يصير انزل انا؟؟
فواز: مو وقت مزحك؟؟؟
جود: لا جد ... من اسبوع وانا اقولها ... تركي ما يتفوت اذا ما تبينه قولي له عندي اخت حلوة اسمها جود
نواف: حالتها مستعصية هذه
فواز: بالمرررررررررررررررررة
جود: لا تتكلمون عني كذا ... بس الزواج سترة للبنت
نواف: تبين تفهمينا ان اللي همك السترة بس؟؟
جود: سخيييييييييف
فواز: ههههههههه جود مو وقتك ... شهد .. .الرجال ينتظر
شهد: خله ينتظر لين يموت
نواف: شوف البنت؟؟؟
جود: بسم الله عليه ... ان شاء الله في عدوينه ... قلت لك اذا ما تبينه انا مستعدة اخذه
فواز وهو يضربها على راسه: بايعين عمنا نعطيك اياه؟؟؟
جود: ويييييييييييييه يحصل له جود بنت الـ ....... تاخذه وترضى فيه
دخل بو شهد: شهد
شهد: سم يبه
بو شهد: البسي عبايتك وانزلي المجلس مع اخوانك ... تركي ينتظرك
شهد: بس ...
بو شهد: ما ابي اسمع شي ... ابي اسمع رايك بعد ما تطلعين من عنده
شهد: تامر

وصلوا عند باب المجلس ...
شهد: والله احس شكلي غلط
نواف: لا غلط ولا شي ... هو اللي طالبك بعبايتك
شهد: احرااااااااااااااج
جود: قلت لك اذا منحرجة ادخل بدالك
فواز: جود يكفي ... شهودة ... انا ونواف معك ... سمي بالله وادخلي
شهد: بسم الله ... ودخلت المجلس

شهد بصوت يالله ينسمع: السلام عليكم
تركي بجمود: وعليكم السلام
قام تركي وجلس بالكنبة القريبة من كنبتها: نواف ... فواز ... روحوا واجلسوا هناك على طرف ولا اسمع لكم حس
فواز: شوووووووووووف مسوي فيها عم؟؟؟
نواف: وايش الفايدة اذا جلسنا على جنب ... نبي نسمع
تركي: يا حبك للقافة ... انا ما ادري طالع على مين؟؟
فواز: على ليان
تركي وفواز: هههههههههههههههههههه
شهد متوترة عالآخر ... والجماعة شكلهم مبسوطين وينكتون ... ودي اقوم واذبحهم كلهم ...
تركي: نواف ... فواز ... على جنب بسرررررررررررررررعة
نواف: يا شي اذا صار عندك عم اكبر منك بكم سنة ويتأمر عليك
فواز: اي والله
تركي: بتروحون ولا بالعقال على ظهرك انت وياه
نواف: قوم خلنا نجلس على جنب ... شكلنا بنتهزئ اخر عمرنا قدام اختنا
راحوا جلسوا على كنبة بعيدة عنهم شوي ...
تركي: شهد
شهد من دخلت وهي منزلة راسها ولا رفعته ...
تركي: شهد
شهد: .........
تركي: ابي اسمع صوتك ... ردي علي
شهد: نعم
تركي: ممكن ترفعين راسك شوي؟؟؟
رفعت شهد راسها ببطئ ... بس تجنبت النظر له
تركي: بسألك سؤال ... يعتمد عليه كلامنا اللي بعده كله ... اوكي؟؟
شهد: ...............
تركي: تبين ترجعين لبندر؟؟
شهد بسرعة رفعت راسها وطالعت فيه: لاااااااااا
تركي اللي ارتاح من جوابها: طيب ليش رافضتني؟؟
شهد: .............
تركي: شهد ... انا ما طلبت اشوفك ورميت وجه عند ابوك عشان تسكتين ... تكلمي معي شوي ... ابي افهم وجهة نظرك!!!
شهد ودموعها بدت تنزل: عشت تجربة قاسية وما ابي اكررها
تركي: بسألك سؤال؟؟ في حياتك كلها ... ما صادفتني بنت مو كويسة وحركاتها مو تمام؟؟؟
شهد: كثير
تركي: وعندك صديقات؟؟؟
شهد: طبعا
تركي" ليش ما حكمتي على البنات كلهم انهم سيئات ... والمفروض تمتنعين عن اي بنت في الدنيا وما تصادقين احد
شهد: الموضوع مختلف تماما
تركي: لا مو مختلف ... انتي جالسة تحكمين على الرجال كلهم بتجربة وحدة
شهد: تجارب الصداقة ممكن تكثر وما تأثر عالواحد ... بس تجربة الزواج ... حتى لو كانت وحدة وفشلت تكون قاسية ... شلون لو تكررت
تركي: كلامك صحيح ... بس هالشي ما في مفر منه
شهد: ...................
تركي: طيب انتي اعتراضك علي ولا عالزواج كله؟؟؟
شهد: ..........
تركي: احنا جالسين نتكلم بصراحة ... ممكن؟؟
شهد: عالزواج كله
تركي: يعني شخصيا ما عندك اعتراض علي؟؟
شهد: .....................
تركي: ايش افهم من سكوتك؟؟؟
شهد: ........................
تركي بابتسامة: نملك الاسبوع الجاي؟؟؟
شهد: ايش؟؟؟ الاسبوع الجاي؟؟
تركي: طيب خلاص اللي بعده
شهد: ما يمدي
تركي: ما ابي شي ... كل اللي ابيه انتي ... واللي خاطرك فيه بشتريه لك عقب الزواج
شهد: ..................
تركي: طيب تبين زواج؟؟؟
شهد: لا ايش زواج ... ما ودي بشي ... الا اذا كان ودك؟؟
تركي: عشا وبس ... اوكي؟؟
شهد: اوكي ...
انتبهت شهد انه ضحك عليها بالكلام وجلس يتكلم بتفاصيل الزواج وهي لسه ما قررت ... بالمختصر قلب عليها الطاولة ... وقفت مرة وحدة
تركي: انتبهي على نفسك ... واشوفك بعد اسبوعين
بس وقفت قدموا نواف وفواز ...
نواف: اموت واعرف ايش كنتوا تقولون؟؟؟
فواز: اي والله تعبت وانا ارمي اذني ... بس ما في حس
شهد حست انهم بيضحكون عليها وبيحرجونها ففضلت انها تطلع من المجلس ...
فواز: بشر ايش صار؟؟
تركي: نادي ابوك خلنا نتفاهم عالتفاصيل
نواف: شديد والله ... بعشر دقايق قدرت تغير رايها
تركي: مالك شغل انت وياه ... نادوا لي ابوكم بسرعة

مرت الايا م والوضع على ماهو عليه .. بكرة رؤى تكمل اسبوعين على طلعتها ... وفواز كل ماله ويضيق صدره اكثر من الاول ... بس ساكت ويشوف اخرتها مع رؤى ... واللي مهون عليه ... تجهيزات زواج تركي ... وخطبة نواف ... اللي تممها عبدالعزيز بسرعة وهو طاير من الوناسة بالنسب هذا ... كان معتقد ان بوفاة ام محمد بتنقطع علاقته مع هالعايلة ... بس فرح كثير لما نواف يتزوج منهم ... ويصير قريب من اهل سارة طول العمر بحكم النسب ... شوفته لاهلها وجلسته معاهم تذكره فيها وفي الايام اللي عاشاها معاها ...
اليوم الخطبة الرسمية لنواف ... واليوم شوفة السنة ... من الصبح وهو مزعجهم ... انا المعرس وانا المعرس ...
فواز: صدعت راسي بهالكلمة ... هذا واليوم خطبة بس
نواف: كيفي معرس ومبسوط
فواز: لا حول ولا قوة الا بالله
نواف: بشوفها اليوم( ويحرك حواجبه لفواز)
فواز: ههههههههههههههه والله حالة
نواف: ايش كان شعورك لما شفت رؤى اول مرة؟؟؟
فواز بنظرة: ....................
نواف: فواااااااااااااااااز؟؟
فواز: نواف بطل هبل!!!
نواف: لا جد جد فواز ... ما اشتقت لها؟؟
فواز: .............................
نواف: ولا حنيت لها؟؟
فواز: ....................
نواف: ولا فقدت مشاكلكم اللي ما تخلص؟؟؟
فواز: نواااااااااااااااااف
نواف: هههههههههههههه ليش هذه بس اللي رديت عليها؟؟؟
فواز: اشتقت بس ايش اسوي؟؟؟
نواف: روح راضها؟؟
فواز: هي اللي طلعت مو انا اللي طردتها!!!
نواف: بس مين اللي مزعلها؟؟
فواز: الموضوع ما كان يستاهل طلعتها!!
نواف: فعلا الموضوع ما يستاهل ... بس هذه نتيجة تراكمات ... البنت الى متى تستحمل صدك؟؟
فواز: ما ادري ... ما ادري
نواف: والله مو هاين علي اروح اخطب والبنات كلهم معي الا رؤى!!!
فواز: ولا انا ... بس ايش تبيني اسوي؟؟
نواف: عندي لك فكرة!!
فواز: اتحفنا بافكارك؟؟
نواف: ايش رايك تتصل عليها بحجة ان امي وابوي يبونها تحضر الخطبة ... وتمر عليها ولا ترجعها لبيت ابوها وتجيبها هنا
فواز: خططك مثل وجهك ... مبينة وواضحة
نواف: يا سلااااااااام احين خططي صارت فاشلة؟؟ الله يرحم ذيك الايام ... نواف الحقني ... نواف شوف لي حل ... نواف فكر وعطني من افكارك؟؟
فواز: والله ما ضيعنا الا افكارك
نواف:هذا جزا المعروف
فواز: اخلص وكمل لبسك وانت ساكت
نواف: هذا انت من احنا صغار ... الكلام بالقطارة والشي اللي ما يعجبك ما تسمعه

بيت يوسف ...
استقبلوهم بفرح وسرور ... وين يحصلون مثل نواف ... هم يعرفون ابوه وكان مافي منه لسارة ... وولده اكيد مثله ... نواف مع انه يضحك ومبسوط ... بس من داخله متوتر وشايل هم الشوفة ... مو عارف شلون يتصرف ... يكون طبيعي؟؟؟ ولا يثقل شوي؟؟

وقت الشوفة ...
نواف جالس في المجلس ... وعينه عالباب ... منتظر البنت تدخل عليه ويكحل عينه بشوفتها ... اسمها هبة ... وان شاء الله تكون هبة من ربه له ...
دخلت هي وولد اخوها ... ولد اخوها اكبر من نواف وفواز بسنة ... دخل معهم جو وانبسطوا مع بعض ... دخلت وهي مستحية وسلمت بصوت ما ينسمع وجلست على اول كنبة ... ونواف جالس في اخر المجلس ...
نواف: وعليكم السلام فهد ... شلونك
هبة رفعت راسها مستغربة منه
فهد: ههههههههههههههههههههههههههه .. حرام عليك سلمت بس ما سمعت صوتها
نواف: خلاص وعليكم السلام هبة ... شلونك؟؟؟
هبة وعينها بالارض: الحمد لله
نواف: طيب ما قلتوا لي اجيب معي منظار ... تبوني اشوف من هالمسافة
فهد: عندك رجل ... تحرك وتعال اجلس جنبها
نواف: لا خلها هي اللي تجي
فهد: ليش على رجلك نقش الحنا؟؟
نواف:لا .. بس ابي اشوفها شلون تمشي ... يمكن تزوجوني وحدة ما تعرف تمشي واظنه من حقي
هبة اللي مستغربة في داخلها من هالانسان ... في احد يتكلم كذا في الشوفة ... اذا هذه اولها ينعاف تاليها ...
فهد: هبة ... ادخلي واجلسي داخل شوي
هبة: ما ابي
فهد: هبة ... يالله
قامت هبة وجلست كمان بعيد بس اقرب من اول ...
نواف: كيفك هبة؟؟
هبة: الحمد لله
نواف: وين تدرسين؟؟؟
هبة: في جامعة فيصل ... قسم التصميم الداخلي
نواف: حلو ... يعني مهندسة؟؟؟
هبة: .....................
نواف: خلاص ... كل تصاميم بيوتنا عليك ... انا واهلي كلهم
هبة: ان شاء الله
نواف: فههههههههههههههههد؟؟؟
فهد: هلا
نواف: هي دايم تتكلم كذا؟؟؟
فهد: شلون يعني؟؟
نواف: يعني بالمختصر؟؟
فهد: ههههههههههههههههههههههههههههه
هبة فتحت عينها عالآخر من هالانسان الغريب ...
فهد: لا هي دايم ما تسكت ... بس ما ادري ليش الحيا نازل اليوم!!!
هبة اللي حست انهم يتمصخرون عليها ومشرشحينها قامت وقفت ... نواف كان اسرع منها وقف جنبها ومسك يدها ...
فهد: هيييييييييييييييييييييييييييييي انت ... على كيفك تمسك يدها؟؟
نواف: اطلع منها احسن لك
هبة وهي تطالع يده: اتركني
نواف: زعلتي؟؟؟
هبة: ....................
نواف: لا جد هبة ... زعلتي؟؟؟
هبة: .................
نواف: ترى والله من توتري مو عارف ايش اقول ... الصراحة طلعتي احلى من اللي تصورته بكثير ... ومو عارف اعبر عن شعوري ... لا توعلين ولا تتضايقين ... ترى امزح ... ويا بخت من تكونين من نصيبه سواء كنت انا او غيري
فكت هبة يدها وطلعت من المجلس بسرررررعة وهي مرتبكة وتحس ان نبضات قلبها وصلت الف ... يجنننننننننننننننننننننننننننننننننننننننننننننننن ننننننننننن هالولد ... ان شاء الله يكون من نصيبي

ثاني يوم بيت عبدالعزيز ...
نزل فواز من جناحه وشكله متضايق عالاخر ...
منيرة جالسة في الصالة لوحدها....
فواز: صباح الخير
منيرة: صباح النور حبيبي ... ايش مصحيك من بدري؟؟
فواز: شبعت نوم
منيرة: باقي على صلاة الجمعة كثير
فواز: مافيني نوم
منيرة حست في ولدها وهي حاسة فيه من اول يوم طلعت فيه رؤى من البيت وعارفة انها زعلانة ولا مرت ابوها فيها شي ... بس ساكتة وتشوف اخرتها ... بس خلاص اليوم ما بتسكت ... ما تقدر تشوفه متضايق كذا وتسكت
منيرة: دامك صاحي من بدري توديني مشوار؟؟؟
فواز: من عيوني ... بس وين؟؟
منيرة: بزور منى زوجة احمد ... مسكينة من تعبت ما رحت لها
فواز واللي بان عليه التوتر: ما يحتاج يمه
منيرة بحزم: الا يحتاج ... اصعد وغير ملابسك وبنتظرك ... لا تتأخر علي

بيت احمد ...
ضربوا الباب ... وفتحت لهم الخدامة ...
منيرة: روحي نادي رؤى ... قولي لها ماما منيرة تبي انتي
الخدامة: زين
وقفت في المدخل تنتظر رؤى ... وفواز واقف برا ... ما يقدر يدخل ومنى في البيت من غير ما يعطونهم خبر
رؤى توها صاحية من النوم وتمشط شعرها ... دخلت عليها الخدامة
الخدامة: ماما رؤى ... ماما منيرة تحت يبي انتي
رؤى: ماما منيرة ؟؟؟ من الصبح ؟؟؟ خير ان شاء الله
وقامت مع الخدامة ونزلت معاها ببجامتها القصيرة اللي توصل لركبتها وبدون اكمام ... وشعرها المفتوح ومرتب بشكل حلو
من شافت منيرة ركككككككككككككضت لصوبها وحضنتها بالقوة: وحشتييييييييييييييييني يمه
منيرة: وانتي اكثر ... وينك ما تنشافين؟؟؟
رؤى: الظروف ياخالتي
منيرة: ظرووووووووووووووف
رؤى: حياك خالتي البيــ ....
قطعت كلامها لما شافت فواز واقف ورا امه ويطالع فيها بشوق ... عينهم تعلقت ببعض ... وانقطع الكلااااااااااااااااااااااااااااااااام