الجزء الثامن
حمود أنجرح منها حيل لأنو كل شي ولا يعرف إنها تحب غيره حمود صار يطالع بالشاشة وفرجه بين شفايفه ومصدوم حيل من إلي قاعد يقراه قفل المحادثة ورجع فتح محادثه جديده ويحاول يضبط اعصابه وكتب لها"هههههههه تكفييييييييييييين منهو تعيس الحظ هذا"
فتون قرت الكلام قالت بخاطرها:ليش تأخر بالرد لالا أنا مصدقه نفسي يمكن يكلم واحد من الشباب
وكتبت له"لا والله مو تعيس حظ يحمد ربه إنو وحده مثلي حبته ههههههههه"
قرى كلامها وقال بخاطره:خلاص كافي جروووووووووووووح متى تفهمييييييييين
كتب لها"برررررررب مشغول وااااااااااايد"
وخرج ع طول جاه اتصال من واحد من اخوياه معاه من ايام المتوسط رد وقال:الو
نواف:هلا والله بحمود كيفك
حمود:هلا بك تمام وانت
نواف:تمام كيف الشباب
حمود:والله كلهم تمام يسلمون عليك
نواف:حمود اشفيك صوتك مو طبيعي ولا
حمود:هاه لا مافيني شي
نواف:طبيعي ولا
حمود:لا طبيعي ميه بالميه
نواف:أوكي أبي أشوفك اشتقت لك ولسوالفك
حمود:اوكي والله حتى انا بس متى تكون فاضي
نواف:انا فاضي دامك فاضي
حمود:هههههه تسلم حبيبي اوكي بعد المغرب
نواف:ما شاء الله مع الشياطين
حمود:ههههههههه أقول كله هذا خوف ولله انهم يخافون منك
نواف:اعوذ بالله تكفي قفل السيره
حمود:اوكي اليوم بعد العشاء مزبوط
نواف:يب مزبوط
حمود:يلا تامر شي
نواف:سلامتك حبيبي
حمود:تسلم فمان الله
نواف:فمان الله
باسل منسدح ع سريره ويفكر في عزوز الي شاغله باله مسك جواله ودق ع خالد وماطول وجاه الرد من خويلد وصوته كله نوم:ألوووو
باسل:هلا صباح الليل وينك
خالد:بالله عليك سؤال أغبى من صاحبه راد عليك وصوتي كله نوم يعني وين بكون أكيد فوق السرير
باسل:ههههه بعد دوبك قايم من النوم وفيك حيل تهاوش
خالد:إيه اهاوش واخش بعينك بعد وش تبي داق الحين
باسل:أوكي مافيني أتخانق معاك بس قولي وش المغزى من خطتك يالعبقري
خالد:خطت ايش انت ووجهك
باسل بصراخ:نسييييييييييييت عزووووووووز
خالد:هههههههههههههههههه اعصابك ترى دوبني صحيت من النوم ما باقي خلص تحميل المومري حقي
باسل:إنا لله باقي تنكت جاوب لو سمحت
خالد:ثواني بالله وانا بدق عليك بقوم اتروش واروق واعلمك ع رواقه
باسل:اوكي اعجل الله لا يهينك
خالد:فمان الله
خالد قام واتروش وخرج من غرفته وراح للصالون وكانت أحلام واسماء وبسمه جالسين يتفرجون بالتلفزيون قط وجلس معاهم وقال:بسوم قومي سويلي كوفي فديتك
بسمه:طيب دقايق
خالد:يلا قومي حبيبتي
بسمه وهي تقوم:اوكي بتخرج ولالا
خالد:متى؟
بسمه:الحين
خالد:لا تبين شي
بسمه:بس بغيت اروح السوق ناقص علي اغراض
خالد:اوكي جاهزه
بسمه:بس بسويلك كوفي ونروح
خالد:يلا استناك حبيبتي
مسك جواله ودق ع باسل وما طول وجاه الرد:الو وين الحبيب طولت ما بغيت تدق
خالد:هههههههههه أعصابك كل هذا عشان عزوز
باسل بعصبيه:أيه عشانها أخلص ترى ماني فايق لك ولهبالتك
خالد:أوكي وشتبي؟
باسل بصراخ:وش الي وش ابي خالد قلت ماني فايق لغبائك الحين
خالد ببرود:حبيبي قلتلي وش المغزى أنا اقلك إن عزوز من النوع الي لو حد حبها تشوف نفسها عليه فمن الأفضل لك يالخبل إنك ماتقول لها ع بلاطه انك تحبها انت الي عليك بين لها وخلها هي تفهم بنفسها
باسل بعصبيه:أوكي وانت وش دراك هي من أي نوع
خالد:انا ما بتكلم من فراغ تبي تقتنع ولا ما تبي طق براسك في اقرب الجدار
باسل بانفعال:خالد ما أمزح انا لا تستهبل طيب لو ما فهمت
خالد بانفعال:ياحبيبي ياقلبي ياروحي يابعد عمري لا مافهمت ذاك الوقت يحلها حلال خلنا في اليوم ووش دراك يمكن تفهم
باسل:ياشيخ الله لا يحل احد بارضك قول امييييييييييين
خالد:الحين هذا جزاي اني صابر عليك وقاعد اساعدك اوكي من اليوم ورايح لاعاد تكلمني بهالموضوع وانت تصرف ما باتدخل بينك وبينها أوكي حبيبي لأنو ما لها داعي العصبيه هذي كلها
باسل:اش الي مالها داعي تستهبل علي وتنكت وبكل برود بعد بالله مو شي ينرفز ولا استجلدت ما تحس
خالد:ايه ايه استجلدت مالك دخل فيني
باسل:كيفك هذا شي راجع لك فمان الله
خالد ما اعطاه فرصه يتكلم وقفل بوجهه ورمى الجوال ع الكنب وقال:بسووووووووووووووووووووووووم يلا استناك بالسياره
بسمه:اوكي والكوفي
خالد:جيبيه معاك بسرعه لا تتأخري لأنو عندي مشوار
بسمه:طيب الحين جايه
خرج خالد وركب السيارة ودق ع المستشفى الي عبدالرحمن متنوم فيه ردت الموظفة الإستقبال:ألو السلام عليكم معك مستشفى الحرس الوطني أي خدمة
خالد:لوسمحتي رقم التحويله ع قسم تنويم الرجال
الموضفه:اسم المريض لو سمحت
خالد:عبد الرحمن ................
الموضفه:اوكي الحين تتحول مكالمتك ع غرفت المريض
خالد:شكرا
وجلس يستنى عبد الرحمن يرد شوي الا جاه الرد:الو
خالد:هلا دحوم كيفك
عبدالرحمن:هلا والله الحمد لله انت كيفك
خالد:والله تمام هاه كيف صحتك وش جد من الدكتور
عبدالرحمن:والله ياطويل العمر مافي شي جديد يقول لازم يساعدوني ع الوقوف والمشي وإذا تحسنت يحددو موعد الخروج
خالد:يلا شد حيلك تكفى والله اشتقنا للطلعات وفله الشباب
عبدالرحمن :ان شاء الله هاه ماحد درى عن الموظوع
خالد:لالا ماحد درى زين بس انو أحلام لسع كاتمه الموظوع كل شوي تزل وتسألني عنك قدام امي وانا عاد ارقعها
عبدالرحمن بخاطره تسأل عني هه لهالدرجه اهمها الله يا كثرالكذابين بهالزمن قال لخالد:هههههههههه وعاد من عدالت ترقيعاتك انتبه بس لا تكحلها وتعميها
خالد:ههههههههههههههههههه الله يعين شكل ما بيكشف الموضوع الا ترقيعاتي
عبد الرحمن:زين بس إذا سكت اسمع كيف امي وأبوي
خالد زل لسانه وقال:بخير والله ما عليهم بكره ان شاء الله بيوصلون جدة
عبد الرحمن بتعجب:ليش وينهم اساسا
خالد انتبه انه زل وقال:هاه وش الي وينهم
عبد الرحمن:انت تقول بكره بيوصلون ليش وينهم مسافرين!
خالد:ايه صح انت ما تدري ابد والله سافرو يتمشون وبكره ان شاء الله واصلين
عبد الرحمن ونبره البكاء واضحه بصوته:وين يتمشون؟!
خالد وهو مرتبك ويشغل السياره لأنو بسمه ركبت:راحو المدينه ومكه
عبد الرحمن:اها اوكي يوصلون بالسلامه
خالد:يلا تامر شي
عبدالرحمن:لا سلامتك
خالد:الله يسلمك فمان الله
عبدالرحمن: فمان الله حبيبي
قفل منه وحرك السيارة ومشى للسوق
بسمه:خالد مين هذا؟
خالد:مييييين؟!
بسمه:الي كنت تكلمه قبل شوي؟
هالمره حرص انه مايزل وقال:واحد من اخوياي
بسمه:طيب وشدخل واحد من اخوياك بعمي وزوجته
خالد:الحين وشدخل عمي وزوجته احد جاب سيرتهم
بسمه:أوووف لالا خلاص ماحد جابها أنا وش اسوي دامني انبليت باخو خبل زيك
خالد:ههههههههههههههههههههه الحين وش سويت انا
بسمه:ولا شي خلاص
خالد:هههههههههههههههههههههه والله منتي صاحيه
حمود قاعد يتجهز عشان بيطلع مع نواف بعد العشاء دخل تروش ولبس بنطلون جينز أسود وتيشرت تركوازي خرج من غرفته وهو ينادي:يا يمــــــــــــــــــــــه
أم بندر خرجت من المطبخ وقالت: هلا ياولدي وش بغيت
حمود:بخرج مع نواف تبين شي
أم بندر:لا حبيبي انتبه لنفسك
حمود:يلا فمان الله
أم بندر: مع السلامه
خرج وركب سيارته وراح لبيت نواف وأخذه ركب نواف السياره وقال:سلام
حمود:وعليكم السلام
نواف:كيف الحبيب
حمود:تمام انت كيفك
نواف:الحمد لله
ولف وطالع بوجه حمود وحس انه متضايق ومو طبيعي حس انو في شي بباله
قال:حمود اشفيك؟
حمود:مافيني شي!
نواف:الا في شي مضايقك
حمود:لالا مافيني شي
نواف:ما يخفى علي زعلك أمانه اشفيك
حمود:ههههه تسلم والله أبد بس متضايق شوي
نواف:من؟
حمود:من فتون!
نواف:لييييييييييييييش؟!
حمود تنهد ورفع راسه وجلس يطالع بالسماء وقال:فتون بعيده عني بعد السماء
نواف:أكيد حصل بينكم موقف خلاك تقول هالكلام صح
حمود: أيه
وكمل وهو يعتدل بجلسته :أنا ما قلت لك إني أخذت إيميلها من أختي وأضفتها عندي بالمسن
نواف:إلا قلتلي
حمود:طيب مو قلت لك عن أول محادثه بيني وبينها
نواف:إلا حتى قلت لي إنها بالبدايه ما عرفتك وجلست تبين لها
حمود:إيه جلست أبين لها بكلام يأكد لها إني أحبها بس هي مافهمت أو إنها فهمت بس إنها ماتبي هالشي يصير
نواف:أوكي كلمتها مره ثانيه
حمود:إيه كلمتها كانت حاطه مشغول وكانت حاطه هالتوبيك ([[إنتــــ العمـــــر]] وحلم العمر بكيبتـــــــــدي'[[إنتــــ السحـــــر]] اللي بك أبدماينتهــــــي' ) المهم كتبت لها إنو ادري أنو هالشخص أنا بس لا تحرجيني
كتبت لي أنا حاطه مشغول بعدين أكلمك
قمت كتبت لها أوكي أستناك المهم بعدين أرسل لك المحادثه جلست تجرحني وعرفت إنها تحب غيري
نواف شهق وقال:كذاااااااااب كيف عرفت
حمود:حاولت أبين لها وبينت لي هي
نواف:كيف:؟
حمود:كتبت حبيبي آه بس متى يفوق ويفهمني
نواف:طيب يمكن تقصدك
حمود:حتى أنا قلت كذا بس بعدين كتبت لها لالا فاهمك بس لا تحرجيني وحطيت سهم ع الكلام وكتبت يلعن أبو الواثق ع أساس أخفف الصدمه بس للأسف ردت وكتبت من جد يلعن أبو الواثق لالا مو أنت واحد ثااااااااااااااااااااااني هاه وش رايك؟
نواف:طيب مين هالثاني ما قالت لك
حمود:لا ما قالت لي وليش أعرف أخاف أتحطم بزياده
نواف:لالاإنت اسمع كلامي كلمها اليوم ولا بكره ع المسن وحاول تسحب منها كلام أوكي
حمود:ليش؟
نواف:بس أنت أعرف مين تحب وخل الباقي علي
حمود:وش بتسوي ؟
نواف:اشفيك ما بسوي شي إنت الي بتسوي كل شي
حمود:ماني فاهم
نواف:أنت أول أعرف مين تحب وأنا بفهمك بعدين أوكي
حمود:أوكي
نواف:يلا قوم نشرب لنا شي
حمود:إي والله مره عطشان
دخلو المقهي وطلبو لهم قهوه وجلسو يستنون الطلب شوي جاهم الطلب حمود أخذ السكر وكبه ع القهوه وجلس يحرك وهو سرحان شوي إلا نواف يقول له وهو مرتبك:حمود حمود قوم خلنا نخرج من هنا
حمود طالع فيه وقال له:ليش في شي
نواف وهو يطالع في الطاوله إلي وراهم:لالا مافي شي بس مكاننا غلط
حمود:سلامات وشفيك كأنك شايف ديناصور ولف يبي يشوف مين وراه لقي بنتين جالسات يشربون كافي
لف في نواف وقال له:لك علاقه فيهم
نواف:هذي هي بنت عمي إلي كنت متزوجها وطلقتها بسبب خيانتها
حمود بصدمه:رهف ما غيرها
نواف:إيه قوم مابي أشوفها
قامو وخرجو من المقهى وركبو السياره حمود أستغرب من ارتباك نواف وقال له:يعني من بعد ما طلقتها معد قابلتها
نواف:لا أهلي يزوروهم إلا أنا من بعد إلي صار ما عاد دخلت بيت أبوها حتى البيت إلي كنا ساكنين فيه مهجور لحد الحين ماحد سكن فيه
حمود:ليش ما بعته؟
نواف:لا مابي أي شي يذكرني فيها حتى الفلوس إلي تجي من شي كانت فيه ما أبيها
حمود باستغراب:الحين أنا ماني فاهم ليش يوم شفتها ارتبكت المفروض هي الي ترتبك مو انت
نواف:آه يا حمود ماسمعت المثل الي يقول شين وقوي عين أنا مو اني ارتبكت انا ما كنت ابي اشوفها لأني إذا شفتها أحس بالذل الي كنت عايشه وانا معاها
حمود بنبره الإستفهام:وشلون؟ أي ذل
نواف:انا من يوم وانا بالمتوسط وهي حلمي وطموحي وما ابي اتزوج غيرها من يوم ما عرف قلبي قلبها وحبيتها وهي ما تعطيني وجه كانت تطنشني وتتجاهلني المهم يوم من الايام جا عندي ابوي وقال لي ياولدي الحين انت بسن الزواج ولازم تتزوج قلي مين تبي تتزوج كان وقتها عمري19 سنه وهذا مو وقت الزواج المهم قلت له أبي أتزوج رهف بنت عمي قلي أوكي بكره رايحين عندهم عشان الجمعه عندهم وراح أخلي أمك تكلمها أنا أنبسطت بهالوضع وكنت فرحان واااايد مع أني أعرف إنها تتجاهلني وتطنشني بس قلت يمكن بعد الزواج تتغير ويوم رحنا الجمعه قامت أمي ومسكت عمتي وقالت لها عمتي قالت طيب يصير خير وقالت بتكلم رهف وتشوف طبعا أنا مو أول واحد يخطب رهف خطبوها ناس من قبلي لاكن كانت ترفضهم والسبب دايما يكون تافه بس عاد يردوهم عشان هي رفضت وأنا كنت مع كل واحد يجي يخطبها يصير لي حاله من الخوف كنت أخاف إنها توافق عليه وتضيع مني وما صدقت أبوي يقولي لازم تتزوج ورحت خطبتها المهم ويوم الملكة دخلت وهي باين بوجهها الصدود وقالت لي أنا ما أبيك بس ترى ماني متزوجتك إلا عشان أبوي غصبني عليك أنا ما أبيك
أنا أنصدمت من كلامها تتكلم معي كأني قتلت لها أحد بعدين طنشت الموضوع وملكت وتزوجت ع أمل تتغير بعد الزواج والله بعد الزواج نفس الشي مو متغيرة ع نفس حالها معطيتني أبو الطنااااااش ويوم من الأيام يمكن بعد زواجنا بسنتين كانت حامل بالشهر الثاني ع نفس حالها إذا كلمتها تحاول تتجاهل وإذا طلبت رايها تحقرني وإذا جلست معاها بس تتأفف مني وكأني دخيييييل بحياتها غيرت أسلوبي معاها كم مره بس ما فاد معاها ويوم من أيام كنت خارج من البيت ورجعت متأخر يمكن الساعه 3 الليل دخلت غرفة النوم وما لقيتها موجودة كعادتها خرجت من الغرفة وسمعت صوتها تبكي بمجلس الحريم حطيت إذني ع الباب وجلست أسمعها وهي تبكي و تقول:وين الوعد الي وعدتني ليش تكذب علي ليش علقتني فيك أحمد حرام عليك.
أنصقعت يوم سمعت أسم أحمد فتحت الباب لا شعوريا وصرخت عليها بأعلى صوتي وقلت لها:ميييييين هذا إلي تكلمينه مين. هي ما ترد علي قفلت الجوال وصارت تطالع فيني بخوف سحبت الجوال من يدها لقيتها هي الي داقه عليه جيت باتصل عليه وألعن أبو سكافه بس يوم شافتني حطيت الجوال ع إذني قامت ومسكت يدي الي فيها الجوال وتحاول تاخذ الجوال مني وهي تبكي وتقول لا تكفى لا تدق عليه كفايه تراك حطمت حياتي لحد هنا وخلاص أنا أنقهرت من كلامها هي الغلطانه وفيها تتكلم بعد سحبت الجوال ودفيتها وطاحت ع الأرض جات بتقوم عشان تاخذ الجوال إلي كان طايح ع الأرض بس أنا ما خليتها نواف كمل كلامه وهو يقاوم دموعه ويبلع غصته رفستها بقوة برجلي ع بطنها نواف ما قدر يكمل وأنهار وصار يبكي ويقول قتلت ولدي ياحمود قتلته وهو ببطن أمه الخاينه ياليتني ما حبيتها ولا تزوجتها
حمود:هون عليك يا نواف إلي صار بقضاء الله وقدرة ما بيدك شي وإن شاء الله ربي يعوضك في ولدك
نواف طلع جواله وقعد يفرفر فيه وأعطاه حمود وهو يقول له:شوف هذي صورته زياد أول ما طلعوه من بطنها وهو ميت
حمود أخذ الجوال وشاف الصورة وما قدر يحبس دموعه شاف طفل بريء محمر ملفوف بمنشفه بيضاء وباين بوجهه الطفولي ملامح جميلة يشبه نواف حييييل مد بالجوال لنواف ونواف أخذة وهو يبكي ويقول:هي السبب بكل شي وفوق هذا كله ما حد صدقني وقامت تقول إنو مو أول مرة أضربها وقالت إنو كل ما شفت الجوال معها ضربتها وصدقها أبوها إلي كان خايف ع سمعته وقاضاني بالمحكمة بتهمت إني قذفت بنته حكمو علي بالجلد وبعدها صارو أهلي يعتبروني أنا إلي طيحت سمعتهم بالأرض وكل هذا عشانها وعشان ولد الكلب إلي تكلمه
حمود:خلاص هون عليك إذا هي كذبت وصدقوها الله فوق سبع سموات هو الي بيجازيها والي تكلمه بيشوف الي سواه بوحدة من خواته نواف ترى الدنيا دواره بتدور عليها وتذوقها الي سوته فيك تحسب عليها وخل كل شي ع الله
نواف:خلاص أصلا أنا أكتفيت من غدر الدنيا وجورها بس الي أبيك تعرفه لا تتزوج فتون وهي ماتبيك تزوجها بعد ما تكسب قلبها برضاها لا تتقول بتتحسن بعد الزواج صدقني مابي يتكرر معك الي صار معي
قام من عند حمود وقال:يلا أنا رايح تأمر شي
حمود:وين ؟؟!!!!!
نواف: البيت
حمود وهو يقوم:أوكي خليني أوصلك
ركبو السيارة ونواف دموعه بعيونه نفسه يدخل المقهى ويضرب رهف ويشدها من شعرها((كعشتها<< سوري بس تراني غامديه هههههههه)) ويخليها تعترف لأهلها بالحقيقه
حمد وصل نواف للبيت وراح حتى هو للبيت دخل غرفته وفتح المسن وع نفس الحال لقى فتون متاااح كتب لها وهو بباله يغيرأسلوبه معاها للأبد"فتون فاضية"
فتون ردت"يب تبي شي"
حمود"أبد بس أسولف"
فتون"أوكي سولف"
حمود"وش جديدكم"
فتون"أبد بس عبد الرحمن بغيت أسألك عنه متى آخر مره زرته"
حمود"قبل أسبوع وبعدها منعو عنه الزياره"
فتون"أوكي ماتدري ليش"
حمود"لا والله بس أضن إنو تعب شوي وإن شاء الله يرد بطبيعته"
فتون"أي والله متى مشتاااااااااااقة له حيييييييييييييييييييل"
حمود"كلنا والله دحوم وحشنا"
فتون"يب كلكم بس مو زيي"
حمود:بدينا غرور"
فتون"هههههههههههههههه لالا ما قصدي شي "
حمود"ع بالي"
فتون" إيه صح الخميس الجاي بتجون عندنا ولالا"
حمود"الخميس الجاي؟مادري ما عندي خبر؟!!!!"
فتون"ما تدري عبد العزيز يقول بيسوي عشى وما ندري وش المناسبة يقول مفاجئة"
حمود:الله عاد مفاجئات عبدالعزيز وايد حلوه "
فتون"الله يحييكم ولا تنسى نوال لو ما تجون كلكم بس هي تجي أوكي"
حمود"ههههههههههه وأنا مالي رب"
فتون"إنت كذا ولا كذا بتجي عشان الشباب بس نوال هي الوحيدة إلي بسني"
حمود"أوكي والله لأجيبها غصب عنها بس عشانك"
فتون"لاتكفى أبيها برضاها ماني ناقصة هواشها"
حمود"ههههههههههههههههه يلا باي بناااااام"
فتون "باي لا تنساها"
حمود"أوكي باي مووووووووووووووووووووحه"
فتون خرجت وهي مصقوعه وتقول بخاطرها حمود وين أصرف هالبوسه وع أي أساس أفسرها
بيت أبو أحمد
أحمد قام ع صوت الجوال يرن مسك الجوال وهو منزعج وشاف الرقم وأنصقع يوم شافه رقم رهف قال بخاطره ليش تدق رمى الجوال وقرر أنه ما راح يرد عليها ويصرف لها أبو الطناش بس مين يطنش رهف أرسلتله مسج مستفز تقول فيه" أحمد ترى أنت السبب بطلاقي من ولد عمي وترى ولد عمي يترجاني للحين عشان أقله ع ما قال مين إلي فرق بيننا وهو أنت أنا مابي أقله عشانك عشاني خايفه عليك حبيبي تكفى لا تردني أنا مابي غيرك"
أرسل لها"لو سمحتي لا عاد ترسلين ولا تدقين أنا من يوم ما تزوجتي ولد عمك ذا قطعتك ولا عاد كلمتك أنتي إلي كنتي تدقين علي وكل كلمة كنت أقولها لك كانت ياإما لاعاد تدقين ولالاتخونين زوجك ولاإنسيني رهف طلبك مستحيل يتنفذ أنا متزوج وماني مستعد أهدم حياتي عشان وحدة خانت زوجها وتحملني السبب وولد عمك لو إنه رجال ماعاد يكلمك ولا حتى يطالع فيك لأنو لو أنا مكانه بعد إلي سوتيه فيه وقلك قلك عشاني خنتي ولد عمك وهو قريبك ما بتخونيني وأنا ما أقرب لك رجاء أنا كنت أحبك أيام الثانوي يعني كنت طايش بس الحين عندي عقل وأفرق بين التفاحه الفاسده والصالحه ماني معتوه تلعبين بعقلي أنسيني رجاء لأني نسيتك ونسيت حبك "
رهف قرت الرسالة ورمت الجوال وصارت تبكي وقالت بخاطرها:مين زوجتك والله لو عرفتها لأخليها تصبح معاك وتمسي مع غيرك أنا مو لعبه عندك متى ما بغيتني جيت ومتى ما بغيت غيري رحت أنا ذوقت نواف طعم الخيانه وهوع ما قلت قريبي وراح أذوقك طعم الخيانه من قريبتك وهي زوجتك إلحين ياأحمد صرت تفاحه فاسدة أوكي الايام بيننا