القطايف , بالمهلبية , طريقه

طريقه القطايف بالمهلبية

ونحن فى الشهر الكريم تتوق النفس دوما ونحن صيام لكثير من الاطعمه التى لانفكر فى تناولها الا خلال الشهر الكريم لذا تكثر عمل الحلوى المختلفه ونحن نواصل الكتابه عن طرق عمل الحلوى المصريه سهلة التكاليف وكمان سهلة طريقة عملها ودى برضه من الاكلات الخفيفة واللذيذه ولايختلف عليها اثنان
القطايف بالمهلبية
المقادير:

2/1 كيلو قطايف
كوب لبن
1/2 كوب نشا
1/2 كوب سكر
1/2 معلقة صغيرة فانيليا
زيت عباد الشمس للقلي



الطريقة:
1- اخلطي اللبن والسكر والفانيليا والنشا في إناء متوسط، ودوبيهم مع بعض، بعد كده حطيهم على نار متوسطة مع التقليب المستمر لغاية ما تغلي كويس شيليه من على النار وسيبيه لما يبرد، وبكده يبقى أنتِ حصلتِ على المهلبية اللي هتحشي بيها القطايف.

2- هاتي القطايف واحشي كل واحدة بمعلقة صغيرة من المهلبية في منتصف كل واحدة من القطايف؛ بس خدي بالك إن الحشو ده يكون في وسط قرص القطايف واقفلي قرص القطايف بالضغط عليه بإيدك، وخدي بالك إنك تتأكدي من عدم وجود أي حشو ظاهر.

3- بعد ما تخلصي حشو القطايف كلها هاتي طاسة وسخّني فيها الزيت كويس، وبعد كده اقلي القطايف على درجة حرارة متوسطة لغاية ما تلاقي لون القطايف بقى ذهبي وشيليها من الزيت وحطيها في الشربات، وبعد كده تطلعيها من الشربات وتحطيها في مصفاة علشان تتخلصي من القطر الزايد

الموضوع الأصلي: طريقه القطايف بالمهلبية || الكاتب: كلي حلا || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات