الجزء الرابع عشر
حمود يدق جواله طالع لقي نوال أخته تدق
رد:ألو
نوال:هلا حمود
حمود:هلا فيك
نوال:فينك ما شفتك بعد الخطبه
حمود:والله معليش أنا بالمستشفى
نوال:ليش؟
حمود:واحد من أخوياي تعب ورحت له
نوال:ووقت الزياره الحين
حمود:ههه لا هو دوبه دخل المستشفى نواف الي حظر خطبتك
نوال:ليش سلامات
حمود:مادري والله أحمد كان معاه بعدين أختفو ويوم دقيت ع أحمد قلي بالمستشفى عنده أنهيار عصبي
نوال:أوف شكل أحمد رفع ضغطه
حمود:هههههههههههههههههههههه حرام عليك
يلا تبين شي
نوال:لا سلامتك
حمود:تسلمي مع السلامة
نوال:مع السلامه
أحلام بغرفتها منسدحه ع السرير وجوالها قدامها ومركزه عيونها فيه تستنى رساله من عبد الرحمن
أما عبد الرحمن جالس بالصاله يستنى فتون تجي توديه غرفته شوي الا جات فتون ومسكت يده وودته غرفته وقفلت الباب وراحت وهو انسدح ع السرير وأخذ جواله وبدا يكتب الرساله لأحلام كتب لها"مساء الخير عسى ما أكون تأخرت عليك حبيبتي كيفك إن شاء الله تمام وكيف الخطبه ان شاء الله انبسطتي"
أحلام"لالا عادي الحمد لله تمام أنت كيفك والخطبه كمان كانت حلوه وايد"
عبد الرحمن"دوم ان شاء الله أنا الحمد لله تمام المهم خلينا نرجع لموظوعنا لاتردين علي الا اذا قلتلك وسوري بتأخر عشاني مو سريع في الكتابه وودي أدق عليك بس إنتي ما راح تردين علي خليها بالرسايل أحسن تاخذين راحتك في الرد وما أحرجك"
أحلام "أوكي"
عبد الرحمن" زي ما قلت لك عندي كلام كثيييييير ابي اقوله لك بس ابي اختصر انا تعبت فيصل معي وايد وكمان فتون أختي معي أوه صح ما قلتلك فيصل عرف اني احبك هو وفتون وصارو يبون يقنعوني انك تحبيني بس ما أقتنعت تعبو معي وايد لحد ان فيصل كان بيضربني من القهر بس هم ما يعرفون ليش ما أقتنعت وتصدقين في بعض الاحيان يحشرون لي وما أصير أقدر ارد عليهم وأظن انك تحبيني من كلامهم بس للأسف عقلي يقتنع وقلبي مو مقتنع خلي فتون وفيصل ع جنب وانا بسألك أنتي وبكلمك انتي في أشياء ابيك تفسرينها لي ممكن"
أحلام تكتب له والدموع ممليه عيونها"يب ممكن"
عبد الرحمن"الكلام الي قلتيه لي قبل 5 شهور بأي طريقه أفهمه يعني بتعبير وجهك ولا مضمون الكلام نفسه وضحي لي"
أنا راح أفهمكم وش السالفه <<حورية وردية
$$$$$$$$$$$
قبل خمسه شهور من عمرهم أحلام وعبد الرحمن كانو صريحين وايد مع بعض ويفهمون بعض عكس الي هم عليه الحين عبد الرحمن كان لا تضايق من أم هتان يدق ع أحلام ويكلمها ويشكي لها كل الي بخاطره وأحلام كانت تواسيه وتقول له:هذي امك ولازم تتحملها لاما تحملتها مين بيتحملها...ومن ذا الكلام
المهم الي بدا عبد الرحمن اعترف لأحلام انو يحبها وهي بدورها بادلته نفس الشعور ومضى ع هالموضوع خمس سنوات وهو ع هالحال يوم من الأيام أجتمعت العايله كالعادة في يوم خميس عبد الرحمن دق ع أحلام وقال لها أبي أشوفك
أحلام ترددت في الشي هذا وقالت له لا عبد الرحمن قعد يحاول فيها وفي انهايه أقنعها وخرجت وشافها وقعدهووياها يسولفون كانت متحجبه بس خصله من شعرها طلعت وهي ما أنتبهت لها عبد الحمن شاف الخصله ومسكها وقال لها وهويصطنع العصبيه:هذا شعرك؟
أحلام أبتسم وقالت ببرائه:أيوه
عبد الرحمن:تبغيني اضربك
أحلام:ههههه لا
وهم ما يدرون كان أبو أحلام يراقبهم ولحظة شاف عبد الرحمن مسك شعرها ثار غضبه ويوم خلصت الجمعه وراحو الناس دخلت أحلام غرفتها وقفلت الباب وراها وأنسدحت ع السرير شوي الا أبوها فتح الباب ودخل وهو معصب وقفل الباب وراه وقال بعصبيه:وش كنتي تسوين أنتي وعبد الرحمن
أحلام تبلكمة ولا قدرت ترد وبنفس الوقت تحس بنضرات أبوها حنان مو كلها عصبيه المهم مسكها من أذنها وهذي طريقته المشهورة في الظرب وصار يشدها ويقول لها:أنا عارفك وواثق فيك ومستحيل تسوين غلط وفكها ومسكها من كتوفها وقال لها بحنان:أحلام حبيبتي ما يصير تسوين كذا تدرين أبوعبد الرحمن جا وكلمني بالموظوع الي بينك انتي وعبد الرحمن بس أنا رفضت
أحلام وهي تبكي:أي موضوع
أبوها:أبو صالح لاحظ ع عبد الرحمن انو يبي يتزوجك وجا قلي بالموظوع بس أنا رفضت
أحلام:لييش
أبوها:كله عشان مصلحتك أنا ما أبي أزوج بنتي واحد مجنون
أحلام وهي تبكي:يبه عبد الرحمن مو مجنون
أبوها:إذا الحين مو مجنون بعدين صاير مجنون أحلام أنتي تعرفينه وتعرفين أهله وانتي ادرى به مني وعارفه انوبيت عمك مو مستقر وإنو في شي كبير مخبينه عن عبدالرحمن تتوقعين لو عرفه وش بيصير له اكيد بينجن
أحلام:يبه لا تبني رفضك ع شي بعلم الغيب انت ما تدري وش ربي مقدر له ولوين بيوصل بحياته واذا كان الي سواه عمي غلط فهذا غلط عمي وعبد الرحمن ماله دخل
أبوها:ما راح تفهميني انا قلت لك وأنتهى الموضوع شيلي بالك من عبد الرحمن انسيه ولا عاد تفكرين فيه وتذكرين اني ابوك وكلامي يمشي
وخرج من عندها وتركها تبكي وراه وتقول طيب اذا تركته وش بيكون عذري له وشلون اخليه غلطان في شي ما سواه مو كفايه ظلم اهله له بعد تجي انت وتزيد الطين بله
بعدها في الخميس الثاني كان عبد الرحمن يرسلها طول الاسبوع وما ترد عليه ويوم تجمعو يوم الخميس جلس ينتظرها وكانت الجمعه ببيت ابو صالح ويوم دخلت البيت كانت تتحاشى انها تشوفه المهم استناها لبعد العشاء وارسل لها رساله يقول لها"أحلام اشفيك تغيرتي علي"
وهومن عادته اذا صار يراسلها يجلس وحدة هي خرجت ويوم شافته جالس في الحديقه وحدة مشت لين عنده ودموعها تنزل وقالت له وهي تبكي:عبد الرحمن في شي لازم تعرفه
عبد الرحمن طالع فيها وقال:أشفيك تبكين قولي حبيبتي انا أسمعك
أحلام:أنا طول الخمس سنوات ما كنت اطيقك بس العب عليك الحين خلاص لا زم الي بيننا ينتهي
عبد الرحمن:لا أحلام لا تكذبين
أحلام:صارت تبكي رفعت راسها وقالت:هذي الحقيقه ما أكذب خلاص ابعد عني وانهي الي بيننا وأعتبرني مثل أي وحدة في العالم
وجت بتروح الا مسكها من كتفها وقال لها:طيب ليش؟وش السبب؟! شفتي شي مني ضايقك!
أحلام لفت وقالت:لا قلبي ما هواك
عبد الرحمن:طيب ليش تكذبين علي طول هالسنين وليش تخدعيني ووشلون تعلقيني فيك بعدين تروحين لمين اشكي همومي من امي لا ضايقتني شلون طاوعك قلبك وتكذبين
أحلام زاد بكئها ودفته وقالت:هذا من مصلحتك ولا تنسى كلامي
ودخلت البيت
وبدت قصه معاناتهم
$$$$$$$$$$$$$
نرجع للواقع
أحلام يوم قرت رسالته تذكرت كل الايام الحلوه وتذكرت المكالمات الرسايل والدموع والجروح وكل شي كان مع عبد الرحمن حنت لذيك الأيام ودها لو ترجعها بس مو بيدها وكتبت له" أضن قد انهيت الموظوع انت افهمها زي ماتبي"
عبد الرحمن"أوكي أنا فهمتها بتعابير وجهك حياتي"
عبد الرحمن"بعد في أشياء أبيك تفسرينها"
أحلام"أوكي وش تبي بعد"
عبد الرحمن"وش تفسرين قومتي من الغيبوبه ع شوفتك وكمان وش تفسرين كلام فيصل الي يقول ما شفت أحلام أبتسمت طول فترة غيبوبتك وكلام فتون يوم تقول لي إنو باين من تصرفاتك كل الي تخبينه بقلبك ويوم عرفتي اني ما صرت أعرف أمشي مو انتي ما تطيقيني شلون تنهارين وكمان دموعك وانا بالغيبوبه لاجابو سيرتي والعشاء الي ما تعشيتيه في الاستراحه عشاني كله هذا كره ولا أقدر اقول انو ضميرك تحرك"
أحلام غمت راسا في الوساده صارت تبكي وتكتب له"تقدر تقول كذا"
عبد الرحمن"أوكي ممكن أسمع صوتك ولآخر مره"
أحلام"لا ماأقدر"
عبد الرحمن"طيب بسألك سؤال ما أبيك تجاوبيني عليه جاوبي نفسك لو قالو لك عبد الرحمن قبل لا يموت قال خبّروها وشكثر كنت أحبها وهي تكذب علي ومات بعدها وش بتكون ردة فعلك"
عبد الرحمن"تصبيحن ع خير وآسف لو كنت نزلت دموعك لأن دموعك غاليه وانا ما أستاهلها وسامحيني ع كل التقصير الي قصرت وع أي غلط غلطت عليك وأعتبريني من بعد اليوم من دونك ميييييت تحت التراب"
أحلام صارت تبكي وتكتب له"انت الي سامحني انا الي عذبتك وقسيت عليك رده فعلي ومكاني راح يكون المصحة النفسيه من بعدك"
عبد الرحمن قرى كلامها وكتب لها"عرفتي وش كثر احبك متى تحسين فيني بعد ما أموت"
أحلام"عبود اعتبرني كذابه في الكلام الي قلت لك قبل خمس شهور وإنساه وكأني ما قلته بس لا تفكر في الزواج مني"
عبد الرحمن"شلون ما أتزوجك انتي تتعجزيني ما أقدر أنتي ما تفهمين"
أحلام"وانا بعد ما أقدر بس لازم نصبر حتى الله يفرجها"
عبد الرحمن"نصبر؟ ليش الجمع بتصبرين معي"
أحلام"حبيبي تطمن أنا وياك واحد والي تسويه أسوه وحطت له فيس يغمز"
عبد الرحمن أبتسم وكتب لها"هههههههه أوكي حياتي تصبحين ع خيير"
أحلام"وانت من اهل الخيير"
قفلت الجوال ونامت وهي مرتاحة راحه أول مرة تحس فيها من بعد خمس سنوات
أما عبد العزيز كان وايد فرحان وقاعد يفكر متى تكون الملكه ويبيها بسرعه<<أبو الحماااس هع هع
نواف فتح عيونه وشاف حمود وهو جالس ع الكرسي و منكس الشماغ والعقال ع وجهه ونايم ولف وقال بخاطره:أنا باقي حي غريبه شلون ما مت
ومسك يد حمود وصار يهزها يبي يصحيه ولف يبي يشوف كم الساعه لقى الساعه1:00 الليل حمود صحي وعدل الشماغ وقال لنواف:هاه كيفك الحين
نواف:تمام وين أحمد
حمود:في البيت قلتله يروح لأنو كان تعبان وجيت بداله
نواف:آآآآآآآآآه أبوي ما دق
حمود:إلا قلتله اذا صحي بيكلمك
نواف:ماأضنه الحين صاحي بكلمه بكرا
حمود:أوكي وش السالفه
نواف جلس يحكي حمود بالي صا بينه وبين أحمد بعد ما خلص
حمود:أوف يعني هي الي موتت زياد
نواف:وها الشي الي دخلني المستشفى
شوي الا جواله يدق أخذه ورد من دون ما يشوف مين:ألو
:هلا نواف
نواف:هلا والله مين
:أنا أمل اشفيك
نواف:أها سوري
أمل:اشفيك سلا مات
نواف:أبد بعدين أقلك
أمل:يخص رهف
نواف:إيه
أمل:أوكي كيفك الحين
نواف:الحمد لله تمام بس انتي شلون عرفتي اني بالمستشفى
أمل:ههههههه دقيت ع البيت ابي اكلمك وقلي أبوك انك بالمستشفى قلت ادق اطمن بعدين المفروض انت تدق ما لقيت لي كم اتصال
نواف:هههههه وربي ما شفته أصلا رديت من دون ما أشوف مين ولو عرفت انو انتي ما بردههههههه
أمل شهقت وقالت:لييييش
نواف:يقول المثل من تغلى تخلى ههههه
أمل: لا ياشيخ أصلا داقه ع البيت عشان اراضيك يالدلخ يلا مع السلامه
نواف:ههههههه مع السلامه
حمود:وت مين هذي
نواف:أمل بنت خالي
حمود:أها
نواف:هي الوحيده الي مصدقتني أنا وياها من يوم وحنا صغار زي التوأم بس تصدق ما أدري ليش من بعد ما تزوجت تغيرت علي شوي
حمود:يمكن ما كانت تبي رهف تشك فيك
نواف:لا عادي بس حتى بتصرفاتها صارت كئيبه ولحد اليوم وهي كذا ما تعطيني وجه زي أول قبل ما أتزوج
حمود:ياثور يمكن تحبك وكانت تبيك تتزوجها بس انت تزوجت رهف
نواف:واو تتوقع
حمود:أكيد
نواف:تصدق فكرت فيها
حمود:طيب ليش تسأل وربي انك خالد رقم اثنين
نواف:هههههههه بس كذا ولا كذا ما يمديني اتزوجها
حمود:ليش
نواف:اهلها ما بيوافقون سمعتي زفت
حمود:أها
نواف سرح وغمض عيونه وقال:باقي عندي امل
حمود:ياليل قلب رومنسي وباقي نوره وفاطمه بعد كلهم بس انت اختار
نواف:ههههههههههة يا غبي ما أقصد أمل بنت خالي أقصد معنى اسمها هههههههههه
حمود:ههههههههههههههههههههههههههه
السلام عليكم ورحمة الله وبركاته يسرنا ان نبدا أذاعتنا لهذا الصباح بتلاوة عطره يتلوها عليكم القارئ عبد الرحمن السديس من سوره الانفال
صالح رايح الدوام ومشغل الراديو وفي باله يسوي الخميس هذا طلعه للبر هم وعمّانه كلهم ويفلوها هناك يجلسون ثلاثه أيام ويغيرون جو وقال بيكلم ابوه بخصوص هالموضوع ويحجزون الخيام ويطلعون الخميس الجاي
أحمد نايم بالصاله من يوم ما رجع من عند نواف جلس في الصالون ونسي نفسه ونام أمه نزلت تسوي الفطور وشافته نايم نوم عميييييييييييق جات لين عنده وصحته وهي تقول:أحمدأشفيك نمت هنا قوم روح غرفتك
أحمد ما يرد لأنو بسابع نووومه شوي نزلت احلام وشافت أمها تحاول تصحيه وقالت لها:ههههه يمه لا تحاولي
أمها:تعالي ساعديني وأدخله غرفته
أحلام نزلت ومسكت يده وحطتها من ورا رقبتها وأمها نفس الشي وصارو يمشون فيه لين ما دخلوه غرفته وحطوه ع السرير وكمل نومه
أحلام طفشانه وحدها قامت اليوم بدري وراحت لغرفة محمد فتحت الباب ودخلت وسحبت اللحاف من فوقه وقفلت المكيف ولفت تطالع بشكلها في الميرايه وتقول:قوم سولف معاي طفشانه يلا محمد
محمد وصوته كله نوم:أحلااااااااااااام وخري عني
أحلام:قوووووووووووم طفشااااااانه
محمد:طيب وشدخلني فيك حرام عليك ما نمت بدري
أحلام:ياقلبي سوري ليش وش سمرك
محمد:بعدين أحكيك خليني أنام
أحلام:أوكي حبيبي نوم العوافي
محمد:قفلي الباب وراك
أحلام:طيب
صالح رجع من الدوام ودخل غرفته ونام
وعبد الرحمن كان منسدح ع الكنب في الصاله ويفرفر في جواله شوي خرجت أم هتان وقالت له وش تبي الغدا
عبد الرحمن بخاطرة:سبحان مغير الاحوال وقال لها:إلي تقدرين عليه يمه
أم هتان:أبوك دق
عبد الرحمن:لا من أول وانا عند التلفون ما حد دق
أم هتان:دق عليه وشوف متى بيجي
عبد الرحمن:أوكي الحين بدق
عبد الرحمن مسك جواله ودق ع ابوه وقال له:ألو يبه
أبو صالح:هلا يا ولدي
عبد الرحمن:وينك يبه
أبو صالح:بالشركة ليش بغيت شي
عبد الرحمن:لا بس بغيت أعرف متى بتجي
أبو صالح:شوي عندي أشغال مع العمال بتأخر
عبد الرحمن:ليش وين عبد العزيز
أبو صالح:عبد العزيز الله يهديه هو يعرف طريق الشركة أصلا بس اسم انه موضف فيها ولا ما يتعب نفسه
عبد الرحمن:ههههههههههههه طيب الحين بصحيه ويجي وانت تعال تغدا
أبو صالح:طيب استناه
عبد الرحمن:فمان الله
أبوصالح:فمان الله
عبد الرحمن قفل ونادى فتون ويوم جات قال لها:معليش روحي صحي عبد العزيز خليه يروح الشركه من الصباح وابوي ملطوع فيها
فتون:أوكي
وراحت تصحي عبد العزيز
راح عبد العزيز ورجع أبو صالح وتغدو وراح ابو صالح ينام(القيلوله)أما عبد الرحمن خرج الحديقه هو وفتون وقعد يتعلم المشي وفتون تساعده وأم هتان قاعده تتجهز عشان صالح بيوديها عند أهلها الي هم جدّانه وهو في الطريق يشاور أمه في طلعة البر
صالح:يمه وش رايك نخرج الخميس هذا البر حنا وعماني ونجلس هناك 3 ايام ونتونس
أم هتان:والله ما عندي مانع كلم أبوك وعما نك وخلنا نغير جو أحجزو الخيام ونطلع
صالح:أوكي الحين ببلغ ابوي أول بعدين بكلم عماني
أم هتان:ع راحتك
نواف هو وحمود خارجين من المستشفى حمود: أسمعني الحين ونفذ كلامي مو أقلك كلام وتروح تطنش وتسوي الي ببالك
نواف:ههههههههه وش قصدك
حمود:نواف أفهمني أهلك وأهلها والجماعه كلهم لازم يعرفون بالشي ذاك عشان يصدقونك
نواف:وربي ماراح يصدقوني بيقولو تكذب زي ما كذبت أول أقلك متى بيصدقوني
حمود:متى؟!
نواف:لا راح أحمد لحاتم وقله بالي بينه وبين رهف وحشر رهف وورا حاتم رسايلها ومكالماتها ذاك الوقت بيصدقوني
حمود:نواف شلون يروح ولد عمي بأي موقف تبي توقفه نسيت الي بيني وبينك
نواف:معليش لا ما نسيت بس برضو أنا ما بجلس كلهم يناظرون فيني بستحقار عشان شي ما سويته انت صديقي وحبيبي ع عيني وراسي بس ولد عمك مخطي صح ولالا
حمود:شلون مخطي فهمني!
نواف:مو هو وهي الي كانو مع بعض حتى بعد زواجي منها
حمود بعصبيه:نواف أحمد تركها وهي الي تزعجه
نواف:متى تركها بعد ما علقها فيه يوم صرت بتزوجها وبعد هي مجبورة علي مو برضاها
حمود بإنفعال:لا أحمد تركها من يوم ما أهله رفضو يزوجنه بنت عمك وبعد ما سمع بسمعتها وانت أدرى
نواف:ما في حل الا انو يقول لأخوها
حمود:نواف أنا صاحبك نسيت وشلون تبي تحرجني مع عمي وأهلي
نواف بعصبيه:قلت علا قتي انا وياك ما لها شغل في السالفه هو يروح ويكلم حاتم وينتهي الموضوع
حمود صار يطالع في نواف والشرر يتطاير من عيونه من كثر ما هو معصب ويقول بخاطرة:من وين طلعت هالأنانيه الي ما خبرتها فيك ع الأقل جامل أحس اني صديقك وما تبي توقفني بموقف محرج لاكن خل أنانيتك تنفعك وقال له وهو معصب ويحاول يضبط أعصابه:أوكي كلم أحمد وخله يروح يكلم ولد عمك ذا إذا إنك ما تهتم بعلاقتي معك وانا لا عاد تسأل فيني وربت ع كتفه وقال له:بس لا تنسى لازم يعرفون الشي ذاك فمان الله
نواف صار يطالع في حمود ويقول له:حمود وش بلاك سلامات
حمود ما رد وركب سيارته ومشى و يقول بخاطره:ما هقيتها منك يا نواف كذا ع الحاف وهذا كله والغلط من بنت عمك وانت تعرف بهالشي وحطيت أحمد غلطان وش بيقول عمي لو رحت انت عنده وقلت لأحمد روح كلم ولد عمي بالي بينك وبين رهف شلون ووين بحط وجهي
أحمد بغرفته ووده يقول لأحلام وما وده حس بصداع فضيع يشق راسه مسك ع راسه وصار يقول:حرام نواف راح فيها واو ما توقت رهف كذا حطت السالفه عليه وانتهى الموظوع
رفع راسه ع صوت جواله يدق طالع لقاه رقم رهف رد وهو معصب:ألو
شوي سمع صوت رهف تبكي وتقول:أحمد حس فيني
أحمد بعصبيه:شلون أحس فيك ولا حسيت فيك أصير مثل ولد عمك تاخذين حاجتك مني وبعدين تلزقين كل شي فيني وتنهي الموضوع وما كن شي صار لا معليش انتي اصلا ما عندك احساس شلون تقولين ان نواف هو الي موت زياد ببطنك وانتي الي كنتي تضربين بطنك وانتي تكلميني ووشلون تقولين ان نواف يضربك كل يوم وهوالي مداريك رهف شلون تقولين لي حس فيني وانتي ما حسيتي في ولد عمك حرام عليك تذكري أبوك وشكثر كان يحبه وشكثر كان يتمناك انتي ويا تكونو احلى اثنين وشكثر تمنى يكون حفيده منك انتي ونواف وجا هالحفيد وقتلتينه بيدينك أي قلب عندك يالخاينه وش تتوقعين ردة فعل أبوك بقتلك لحفيده الأول أبوك الي رباك وتعب عليك وعيشك أحسن عيشه حتى بعد ما مات ما خلاك تحتاجين أحد وقبل لا يموت من حبه فيك وصى أعز إنسان عنده عليك تتوقعين يكون راضي بالي سويتيه في نواف وزياد وكمان تبيني أكون الثالث لا كفايه ع ضميرك إثنين
رهف وهي تشاهق:شلون عرفت هذا كله
أحمد:قابلت نواف أمس في خطبه بنت عمي وعرفني لأني قد قابلته في العزيمه الي تعرفت عليك فيها وطلب مني أقول له بكل شي عني وعنك بعد ما قلي انو هو الي كان زوجك
رهف بصدمه:قلت له؟!!!!!!!
أحمد:هه أكييييييييد وليش ما أقول له بس للاسف يوم عرف انو انتي الي موتي زياد صار عنده انهيار عصبي ودخل المستشفى وكمان يارهف حاب أقول لك لو ما رحتي وأعترفتي لأهلك بنفسك أنا بروح عند أخوك حاتم وأقول له بكل شي وراح أوريه مكالماتك ورسايلك بعد
رهف:لا لا يا أحمد كثير علي شلون أهون عليك بهالبساطه
أحمد:لا تحاولين قلتلك وانتهى
قفل بوجهها وهي صارت تبكي وتشاهق وتقول:خلاص انتهيت قتلت ولدي وخنت أبوي الي رباني ما أستحق الحياه خلي مكاني للي يستحقه
كسرت المرايه وتناثر القزاز في الغرفه وأخذت قزازة وصارت تبكي وتجرّح عرق معصمها وتشوف الدم ينزف قدامها وتبكي جلست ع هالحال لما نزفت وقربت من العرق بعدها صرخت بقوه من الألم ونادت:يباااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااااااااااااااااااااااااااه
حاتم كان جالس في الصاله ويوم سمع صرختها قام بسرعه وراح لغرفتها وفتح الباب ولقاها غرقانه بدمها ويدها تنزف والجوال جنبها مسك يدها وحط أصبعه مكان الجرح عشان يوقف الدم بس للأسف ؟؟؟!!!